(يَ أمَانِينَا مَا عَادينْفّعْنَا صَبرْر .. تعبْنَا ندَوّر لـِ بكْرَا عذرْ ! ,) - الصفحة 14

! ĐįƠЯ ƒάṦђịǑη ! · 01-20-2012, 11:26 PM

البارت ال16 ...

زۈد ﺄلغيَرﮬ̶̲ـ ل شفت ( ﮬ̶̲ـإلعِآلمَ حۈﺄليَگ ) ۈآنآ ۈديَ آشۈفگ ..,*

.,.

كنا نتمشى ف جي بي ار .., خذتلي اسكريم .., عموور معظم الوقت تم ساكت .. ما دري شياه .,

حسيت بالملل .. و كنت اطالع الناس السايرة و الرادة ..افف ., مالت مالت مالت ., ابغي ارد البيت ., تذكرت زيود السبال ., من ما يت عليو و هو ما يتحرك شبر واحد من البيت ., هههه كله عسب حبيبة القلب .,

قررت اكسر الصمت ., صديت عند عمور ., و جفته يتعبث بالبيبي ., شليت بيبيه بعد ., و تميت اطالع اللي مطرششينه , ما شوف اللا عمور يرمسني ., صدق غبي انا جدامك يعني ما تروم ترمسني اتطرشلي عالبيبي ام ., فجيت محادثته ., جفته مطرش لي .,

: اممم ابا اقولج شي .. خخ بس اخافج تستحين ..

*رفعت راسي و طالعته ... و تميت العب بالكاور مال البيبي ... : امممم انزين قوول ..

*عمور رفع راسه و ابتسم ابتسامة عبيطة : اممم .. اخااف خخخ ..

* ضحكت على شكله .. ذكرني بمستر بن يوم يبتسم ابتسامته العبيططة .. : ههههه عموور تستهبل .. يلا عاد تحسسني انك ياهل ..

* عمور : ياهل ف عينج ويا هالراس .. ( و يشرب عصيره ) مممم ... احم .. عن الموضوع اللي كننا نرمس عنه يوم كنا برع ..

* توني ياية بشرب الماي جان اكح .. : كح كح .. ( و رفعت راسي و تميت اطالعه )

* عمور ضحك بصوت خفيف : انزين ..اممم تصدقين انه نحن كملنا 21 ..,

* ابتسمت .. ( صدقه والله .. الوقت يمر بسرعة .. احس انه اللي صار قبل 3 سنوات جننه امس.. بسرعة مرت الايام .. و غدينا 21 .. ) .. هه لا والله ما صدق .. ( و تنهدت ) كبرنا خلاص .. ( و طالعته بنص عين ) ..: يعني لازم نعقل هههه ..

* عمور ضحك .. و اتجدم و حط ايده عالطاولة ..: هي والله كبرنا .. اونج عاد لازم نعقل يعني .. هههه انا بس في البيت ارد ياهل .. ولا برع اوني خخخ احسسج شيبة ..

* ضحكت : هههه اونك عاد .. خف علينا بس ..

* عمور اتنهد ..ويهه تغير .. ( انا دايمن احس انه ورا عمور شي .. عمور ابد ماشكى من شي ... اعتقد يمكن لانه كان كتوم مثلي .. ولا هو ما يحب يرمس.. صح هو اكثر واحد يضحك ماشاءالله و يتخبل .. بس ساعات لو يقعد روحه تقدر تعرف انه يعاني ..بس ابد ما يحب يبين .. ) شوي و يرن فوني .. كان رقم غريب ..

ترددت ارد ولا لا .. اخر شي قررت ارد عليه .,

: األووو .. ألووو .. ( محد كان يرد .. ) سكرت و حطيت الفون جدامي .. و جفت عمور يطالعني ..

*عمور : منو ها ..

* رديت عليه .. : مادريبه .. اقول الو ما يرد ..

* عمور ابتسسم .. : خخخخ عطيني الرقم .. اليوم بلعوزه .. والله ما اخليه يرقد .. بحرق فونه .,

* ضحكت عليه : هههه اويه حرام .. يمكن متصلين بالغغلط ..,

* عمور : هههه عادي اتس اوكي .. انا بعد بحرق فونهم بالغلط .. لو تطلع عيوز ما اودرها ..) و شل الفون و خذ الرقم ..)

* سحبت الفون من ايده بسرعة .. تذكرت اني حاطة صورتي و صورة شوقيه الصغيرة خللفية ..

* عمور ابتسم ابتسامة خبث .. : اولا لا ..خخ حلوة حلوة ..

* احمريت .. اتسندت عالكرسي .. و تميت اطالع الناس .. ما عرفت ب شو ارد عليه ..

* عمور يشرب عصيره.. و يوم خلص .. : اممم تحيدين ف عرس عرووف ..

اتنهدت .. و صديت عليه : هيه .. بلاه عرس عروف ..

عمور : اممم كنتي حلوة .. والله ( و يرفع حوايبه و ينزلهم .. و يغمز لي ..)

حسيت انه ويهي احمر من الخاطر .. : عيونك الحلوة .,

عمور : تسلمين فديتج .,

ابتسمت له : الله يسلمك ..

عمور : اممم شرايج انا وياج نسير السينما .. احس ملل .. وبعدين اماية ف بيت خالتيه و ابوي مسافر و زيود تحصلينه راقد .. خخ يلا شو قلتي ..

· تحمست للفكرة .. من زمان ما سرت جفت فلم ... صفقت جني ياهلة : يلا .. خخخ وناسة بيكون ..

· عمور ضحك عليه .. و حط البيزات ... و وقف عسب يسير .. و انا وقفت وياه ..

( يوم يينا نمشي .. بنسير السيارة .. عمور يا عندي و سحب ايدي و زخها و تم يمشي و هو ساكت ما يقول شي ., استغربت من حركته و طالعته وانا متفاجئة .,

عمور ابتسسم .. و كان بعده يطالع جدام .. ما صد عليه .. استغربت منه بلاه هذا ..

عمور : انا كنت افكر احبج بس بعدين عرفت انه انتي و عروف تحبون بعض .. كان مجرد اعجاب .. بس هاذاك اليوم ف عرس عرووف .. عرفت صدق اني حبيتج .. تعرفين اني ودرت البنات اللي ارمسهن .. شووق انا انا ما اعرف شوا قول .. بس دخيلج لا تفهمييني غلط ..

يتني رعشة و بطني بدا يعورني .. ( عممور يحبني .. مب كفاية عارف .. الحين عمور .. ) اتنهدت ..(( تذكرت ذياب و عارف .. كلهم حبوني بس ما قصروا ف تعذيبي.. يمكن هذا هو مقصد الحب .. لازم الانسان ينجرح .. طول عمري و انا افكر احب و اتخيل اللي احبه ,, بس كرهت الحب .. الدنيا راوتني العكس .. عرفت انه الحب مجرد كلام .. و نادر ما يكون في حب يدوم .. ) سحبت ايدي من ايده .. و وقفت .. ( تنهدت مرة ثانية ..) .. : عموور انا ماعرف شوا قول .. ( و صديت عنده و حطيت عيني ب عينه ) .. اانا اممم .,

· عمور زخ ايدي .. و تم يمشي .. وداني عند البحر .,

من شفت البحر .. دمعت عيني ..., و ابتسمت نفس الوقت ., حسيت اني خلاص مااروم ازخ عمري .. فيا صيحة ., تميت امشي ., ما اهتميت لعمور ., ما بغيته يشوفني و انا اصيح , كان يلحقني و يزقرني بس انا ما عبرته ., وتميت امشي لين ما وصلت صوب السيارة ., مسحت دموعي ., و هو وقف وراي ., : شووق .. اسمحيلي ., انسي اني قلتلج شي ., بس لا تضايقين ب عمرج ., و انا صدقيني ما برمس ولا بقولج شي بعد .. سامحيني ... دخيلج .,

نزلت راسي ., كنت ابغي اداري الدمعة اللي على وشك انها تطيح ., ( شو ذنبه عمر ., ليش جي انا سويت ., ) خذيت نفس و صديت عنده .,

: عمور انت ما سويت شي .,

· عمر زخ ايدي و فج السيارة .. ركبت ., و اتسندت علطول .. حطيت راسي عالسيت .,

( عمور ركب السيارة ., و شغلها ., ما حركها ., تم واقف ., كان يالس يطالعني ., )

· كنت امسح دموعي .. صديت عنده .. : بلاك عمور ؟؟..

· عمر اتنهد .. و تم ساكت ., نزل من السيارة ., تميت ااطالعه و هو نازل ., ( شفيه ., دومي اخرب الطلعة انا ., ولا قد مرة سويت شي صح ,, ما رمت ازخ عمري ., و تميت اصيح ب صمت .,

..

اترييته ربع ساعة بعدين رد ركب السيارة ., ما رمس ولا شي ., بس حركها و تم يسوق و هو ساكت ., وانا بعدني اصيح ب صمت .,

وصلنا البيت .,

نزلت من السيارة بسسرعة ., حسيتا ني مخنوقة ., اول ما نزلت شفت عمور يحرك سيارته و طلع .. ( وين بيروح ., انا اكيد السبب .. اكيد جرحته..)

دشيت البيت بسرعة ..

ربعت حجرتي .. سكرت الباب .. و فصخت عباتي و شيلتي ., و يلست عالكرسي ., شليت المخدة اللي احبها .. كانت على شكل قلب , عطتني اياها حصو وانا اول ثنوي .. و من هاذاك اليوم و انا محافظة عليها .,

يلست و رفعت ريولي ., و حظنت المخدة وتميت اصيح .,

..

.

./

\

/

\

/

.,

مريم كانت يالسة ف الصالة ., كانت ملانة., عارف راقد من اول ما رد البيت ., ( دوومه جي يعاملني ., احسه يكرهني .. اكيد يحب وحدة غيري ., اكيد ., عارف كان معترض على زواجنا من البداية ., لكن انا كنت احبه ., احبه من الصغر ., فرحت وايد يوم قالولي انه غير رايه ., حسيت انه حلمي بيتحقق ., و هو تحقق ., بس مب كله جزء منه ., عارف دووم يحسسني بالحب ., لكن احس ساعات مب من قلبه ., و دايم يكون سرحان ., ( يتها الغصة ., و حست بالغيرة تشتعل ف يوفها ., ) محد بيشاركني عارف .. محد ., وانا بنسيه ., بخليه ينساها ., عارف لي انا وبس .,

( نشت من مكانها ., و سارت حجرة عيالها ., جافتهم راقدين ., سارت و لحفتهم عدل و باستهم و طلعت ., وم سكرت البباب , جافت عارف واقف .,

اتروعت .,

عارف ضحك عليها : ههه روعتج .,

مريم زخت قلبها : وايد .,

عارف يا عندها و باس راسها : فديتج ., اسمحيلي .,

مريم ابتسمت .. كانت مستانسة ., : مسموح .,

عارف مطها من اذنها : شو موعنج للحين ها .,

نشيت جان اجوف محد .. نشيت ادور عليج

مريم : ههه اطالع الفلم .,

عارف اتجتف : الحينه الفلم اهم مني .,

مريم : لا لا ., بس يعني عيبني .

عارف زخ ايدها : انزين يلا .., جدامي ., رقاد .,

مريم كانت تمشي ., حست ب لذة الانتصصار ., مع انه مب اول مرة عارف يعاملها جي , و خلت ف بالها فكرة انها خلاص بتم تحاول ويا عارف ., بتخليه ينساها .,

.,

.

.

.

اليوم الثاآني .,

نشيت ب كسل ., طالعت الساعة .. كانت الساعة 8 ., زخيت راسي ., و تميت احج عيني .., اففيه انا شو موعني هالوقت .,

نشيت غسلت ويهي ., نزلت تحت بدون شيلة ,, نااسية عمري ., كنت لابسة بجامتي .,

سرت المطبخ و قلت حق الخدامة تسويلي كوفي ., شليت البيبي و يلست عالطاولة اللي ف المطبخ ., فيا رقاد من الخاطر., بس مب متفيجة افف .,

تميت افج المحادثات و اقرا البرودكاستات .,

فجيت محادثة يسوف ., ) فديت روحه ., ولهههههت عليه من الخاطر السبال ., سار بوظبي عند امه .,

سألته شو موعنه ., جان يقولي اصلن هو مواصل ., قالي بيسير يرقد .,

مليت من البيبي ., محد ناش ., الكل رقود .,

تميت العب ب شعري ., تذكرت اللي صار امس ., و سالت البشكارة اذا عمور رد ولا لا .,

قالت لي موجود ., ( ارتحت شوي ., ) ,..

عطتني الكوفي و طلعت من المطبخ ., طلعت انا بعد ., يلست عالكرسي اللي ف الصالة فوق ., فجيت التلفزيون ., و حطيت المخدة مالت الكرسي ف حظني و تميت اشرب ., خلصت الكوفي ., يت البشكارة و شلته .,

كنت اتثاوب ., ما شبعت رقاد ., ما رقدت عدل من سالفة امس .,

.

.

.

ما حسيت ب عمري اللا و ب حد يلعب ب شعري ., و بحركة اصابع على خدودي .,

فجيت عيني و تميت اطالع المكان ., بعدين استوعبت اني رقدت ف الصالة ., نشيت بسرعة ., جان اجوف عمور جدامي .,

تميت اطالعه ., و انا مب رايمة حتى افج عيني .,

*عمور : صح النوم .,

* شليت اللحاف اللي عليه ., شكله ياب لي لحاف ., : همم تصبح على خير .. ( كنت مدوخة من الخاطر ., مب عارفة شو مستوي ., ) و رديت انسدحت ., و لحفت عمري ., و هالمرة غطيت ويهي باللحاف .,

نسيت اني مب لابسة الشيلة ..

كنت اسمع عموور و هو يضحك عليه ., بعدين سمعت صوت حد ياي من تحت ., اعتقد انه راشد .,

عمور : شووق نشي ., سيري رقدي ف الحجرة يا غبية .,

طوفته ., كنت خلاص تعبانة .. مب متفيجة انش .,

شل مني الللحاف ., : يلاااا نشي .,

نشيت من مكاني باستسلام ., كنت اتثاوب ., قالي سيري الحجرة ., هزيت راسي , و دششيت الحجرة ., مادري كيف مشيت و انا ب هالحالة ., سكرت الليتات ., و فريت عمري عالشبرية و رقدت .,

..

.

,

,

.,

.

يوسف كان واقف برع ., ف الفريج ويا ربيعه مترف و ولد خالته جاسم ., مترف قده و جاسم اكبر منه ب سنة عمره 18 .,

جاسم يالس يرمس عالفون ., و مترف و يوسف يسولفون .,

مترف : خخ شو يعني صددقتك ., اخرط عليه انته , اونه ما احب ولا اكلم بنات .,

يوسف يتعبث بالبيبي : ليش يعني لازم اكلم بنت .. غصب مثلا .,

متررف : وهاي اللي تتسسسمى شووق ها .,

يوسف عقد حياته : و انت شعرفك ب شوق .,

مترف يضحك : هههه جكيتك ها ., اونك شريف مكة يعني .,

يوسف : سير ول ., تتحراني مثلك ., متفيج انا .,

مترف : انزين ما قلتلي منو هاي .,

يوسف : تحيد شوق بنت اخو مزنة اللي دومها تلعب ويانا .,

مترف : هييه ., عيل هاي شوق .,

يوسف يهز راسه : هيه هاي هي ., اللا بتخبرك وينها مزنة ما لمحتوها ف الفريج .,

مترف : لا والله .. ما ندريبها وين اختفت هالعيوز .. تصدق ., ما ادانيها ., دوم تهزبني ., ام السعف والليف .,

يوسف يضحك .. و حط ايده على جتف مترف : هههه ., لا ترمس عنها ما نبغي ذنوب كفاية .,

مترف : ههه هيه والله .,

يوسف دش بيت يدته .,

توه بيدش جان يجوف سيارة جمس داشة ., نزلت منها حرمة ., عرف انها خالته وديمة ., من ما كان عمره 5 سنوات و هو مب جايفنها .,

سار عندها و سلم عليها ., بعدين نزلت بنت ووياها ياهلة .,

يووسف طالعها ., انبهر بجمالها ., اول مرة ينعجب ف بنت .. تم يطالعها لين ما دشت البيت ., ( منوو هاي ., ماشاءالله عليها ., ليكون هاي ميثا بنت خالو وديمة ., )

يا مترف من ورا يوسف ., و ضربه على ظهره ., : حو بلاك .,

يوسف : ماششي ..

متررف : عمو وديمة يت .. خخ خنسير داخل .. منزمان مالعوزت ام كشة .,

يوسف ضحك .. تذكر هاللقب .. كانو يلقبون ميثا .. دومهم الاولاد يمطون شعرها و يلعوزونها ., و يسوون شعرها كشة و بعدين يتطنزون عليها .. : هههه ميثو .,

مترف غمز له : هه هيه ., بس ام كشة كبرت .. جلبة احلوت .,

يوسف : ليششش اتسب انزين هههههه .,

مترف : مادري فيا دودة .,

يوسف ضحك عليه و دش وياه .. .,

,

.,

.

دشيييت حجرتي ., فجيت الليتات ., حسيت ب عمري ميهود من الخاطر ., افف ., انا غبي ليش اعترفتلها ., دومي جي ., متسرع ., سرت يلست عالشبرية ., تميت العب ب فوني ., رديت ايدي لورا ., جان احسس بايد حد ., نشيت من مكاني و صديت .. جفت ايد طالعة من اللحاف ., ضحكت ., زخيت ايدها كانت باردة ., مطولة عالمكيف .., شليت منها اللحاف ., كانت متكورة على عمرها ., كان شكلها بريئ ., صديت عنها ., انا شيالس اسوي,, ما يحق لي اطالعها .,

لحفتها عدل ., و سكرت الليتات و طلعت , تذكرت شكلها و هي راقدة ,, ( شهالانسانة نآوية تعذبني ., بكيفها انا احبها ,, و خلها تسوي اللي تسويه ., )

,

نهآية البارت ., ^^ .,

توقعاتكم
__DEFINE_LIKE_SHARE__

عابره سبيل · 01-21-2012, 10:23 AM

أحم أحم
مشكووره عالباارت الرااائع

و نتريا البارت اليااي على احر من الجمر

تقبلي مروري __DEFINE_LIKE_SHARE__

! ĐįƠЯ ƒάṦђịǑη ! · 01-21-2012, 12:42 PM

المشاركة الأصلية كتبت بواسطة عابره سبيل

أحم أحم
مشكووره عالباارت الرااائع
و نتريا البارت اليااي على احر من الجمر

تقبلي مروري

العفووو

مشكوره على الرد والمرور __DEFINE_LIKE_SHARE__

لمسة محبة · 01-21-2012, 06:52 PM

فديييتج و الله انه خبااااال و نترياااااااااااج الغلاااااااا

تقبلي مرووري
__DEFINE_LIKE_SHARE__

! ĐįƠЯ ƒάṦђịǑη ! · 01-21-2012, 07:17 PM

المشاركة الأصلية كتبت بواسطة لمسة محبة

فديييتج و الله انه خبااااال و نترياااااااااااج الغلاااااااا

تقبلي مرووري

فدوه >> استحي ههههه

مشكوره على المرور والرد __DEFINE_LIKE_SHARE__