راعي العجراء وصكة البيبان

محروم.كوم · #1 12-19-2011, 01:40 PM

السلام عليكم ورحمة الله وبركاته
راعي العجراء وصكة الباب
هذه السالفه عن صكة البيبان وماهو موقف راعي العجراء من صكة الباب
على قصيدة الشاعر
يانمر مالك بصكة الباب مصلوح ,,,, خوف المسير يستدحي ماينادي
سالفة راعي العجراء غير ذلك بزاوية تسعين كيلوات هترز كوبن هاجن كيلو وأت
نبدا بالسالفه وهي صكة الباب على الخشم والرقبه
ادري انها غريبه عليكم وكيف حصا ذلك
اخيكم راعي العجراء من المفتونين بلعب الكوره من نعومه اسنانه مدري اصابعه انا اذكر شي يقولونه منذوا نعومه ؟؟؟؟ واعتقد منذوا نعومة مخلابه ثم تحول الى مشجع بعد ماصارت رجليه من الكبر تقول فصلات كبوت جمس من الاولات القديمه يالله حسن الخاتمه
المهم كنت العب كوره مع الاطفال بالحاره في شارعنا المهم تمازعنا انا واحد بالكوره ثم وصلت الى التصافق بالسيقان ثم الى التشابك بالايدي المهم اني ضربت الوليد وهجيت ودخلت البيت وخليته يصيح قعد في البيت وضاق صدري ودي اطلع لايروح علي العصر مالعبت كوره قلت ابطلع اشوف وش الوضع
وانا افتح باب البيت وانا اطل عليه مع فتحة الباب وكان خشمي هو من سبقني الى الفتحه واقعد اجس النبض وخشمي بين الدرفتين للباب الا وخوي الصغير جاء عند الباب ووقف له شوي وانا اشوفه وهو مايدري عني كان ملقيني ضهره يوم جاء يروح وهو يمسك الباب ويصكه
الا وصفقتين الباب على خشمي وانا اللي اصيح اهلي جو عندي يحسبوني اصيح وحاط راسي على الباب مادروا ان الباب ماسك خشمي واشوى عرفوا ان الباب ماسك خشمي ويفتحون الباب

دارت الدنيا وراحت وكبرت وشريت سياره واعرست وغديت رجل بس العقل لك عليه
مايحتاج اقول عقلت ماراح تصدقون راعي العجراء وخباله خلوني اقولها لكم على بلاطه مدري بساط احمدي خبل والاعتراف بالحق فضيله
وكان معي جمس ونيت 77 ويوم جيت انزل من السيارهالا وتحت الرجلين مفك سكروب بس انا فتحت الباب وهو يطيح بالارض نزلت راسي ابا اشيله وبنفس الوقت ابقفل الباب سوا وانا اصك الباب على رقبتي يوم دارت عيوني ودارت فوق راسي عصافير افلام كرتون ببباي وطقته
لا ومغرم بذيك البنت اللي كنها قبصة زت ( شرب علف برسيم ) ذيك الخضير اللي تناقز مابها من الملح شي لا وبعد تهج عنك لاشافتك
سيقانها تقول بلف نار وبلف هواء حقات مكينه ددتسن يبيلهن صنفره
المهم اني طحت بالشارع من قوة الصفقه واخيرا صحيت وقمت ولاقلت لواحد اني صاك باب السياره على رقبتي قال مايصير ووشلون ولا يصدق ولا شرحت له السالفه اخذها ضحكه علي حتى سومنا هذا
انتهت السالفه واشكركم على تواجدكم وسعة صدوركم واسف اذا انا ثقلت عليكم بسواليفي
الممله والتي ليس لها وجهه معينه
وقبل الختام سبحانك اللهم وبحمدك لااله الا انت استغفرك اللهم واتوب اليك
تقبلو تحيات
اخيكم المطفوق راعي العجراء

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راعي العجراء والخروف	محروم.كوم	منتدى أخبار المواقع والمنتديات العربية والأجنبية	0	11-17-2011 03:30 PM
راعي العجراء في سوق السمك	محروم.كوم	منتدى أخبار المواقع والمنتديات العربية والأجنبية	0	10-31-2011 12:50 PM
عرس راعي العجراء	محروم.كوم	منتدى أخبار المواقع والمنتديات العربية والأجنبية	0	09-26-2011 02:30 PM
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
من سواليف راعي العجراء (عزيمة القعوس لراعي العجراء )	محروم.كوم	منتدى أخبار المواقع والمنتديات العربية والأجنبية	0	09-10-2011 01:40 PM