سالفة:ضبع الحديقه..قوافي

محروم.كوم · #1 12-12-2011, 10:30 PM

السلام عليكم ورحمة الله وبركاته
صباح الخير للمصبحين
ومساء الخير للممسين
من سنين تقارب الــ25 عام كنا بأحدى الحدائق اللي يباع فيها اعزكم الله حيوانات وطيور وأسماك زينه وبعض العاب الاطفال وكل شيئ عن الحدائق والزراعه ونباتات ظل وأشياء ثانيه نسيتها..
والحديقه ممراتها ضيقه ياله تكفي مرور العائله صافين طابور زي المدارس عشان تترك مساحه لمرور غيرك..
وفيه عائله ما شاء الله الله لايضرهم الوالد والوالده وابنائهم الخمسه وماسكين الممر لهم ويمشون شوي شوي وياقفون حول الربع ساعه عند كل قفص سادين الشاشه ما تشوف ولا شي لين ماشاء الله ولا قوة إلابالله يروحون لغيره ..
والعيال الله يصلحهم اشقياء إلى حد لا يطاق مابين صراخ يخلي الحيوانات تضيع هويتها ماتدري هي بس ولا ارنب من الروعه وركض وركيض ذكرون بالكر والفر بالحروب..

ويجي واحد معه عائلته قال لأبو البزران لو سمحت يالحبيب ممكن توخرون شوي نشوف وكانو عند الارانب وما ادري وشلون ما درينا ألا متزانطين :
وشي وش تقول مسوي عصبي ليه قاعد بحلالك ومن هذا الكلام وفكوهم بعض الرجاجيل وكلن راح بحال سبيله ..
وبتلو على هالحال كلن يتأفف منهم ويايرجع من ممر ثاني او يتصابخ مع اللي مقابله وصادفت زحمه مدري وشوله ذاك اليوم.
من ضمن الحيوانات اللي بالعرض وللبيع ضبع هرش
وبس يجول ويدور بها القفص وده ينقش سنونه بأحد الحضور وصفو ذولا عنده مثل غيره وبدو العيال صراخ وتخبيط على الشبك والضبع ثار زياده..
وبطقه من طقات بزرانهم المطافيق نقز الضبع بقوه وخبط بالشبك وصراخ جلجل الحديقه من العيال وامهم وركض وابوهم وراهم ::
الضبع طلع .الضبع طلع.
واللي ما شاف ركض بعد هو ولا شبهتهم إلابعدنان و لينا من السرعه ذاللي ذبحو الجميع بتمططهم والظاهر جتهم والله اعلم دعوه مستجابه..
الضبع لا طلع ولا شي وكملنا يومنا بكل وناسه ومن ذاك اليوم والضبع عندي شي عظيم ودي احيانن اخذه ملاهي أو عرس يوسع صدره..
تحياتي
اختكم
..قوافي..
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سالفة:كلو حنينيي..قوافي	محروم.كوم	منتدى أخبار المواقع والمنتديات العربية والأجنبية	0	12-10-2011 04:10 AM
سالفة:حطب الوالد..قوافي	محروم.كوم	منتدى أخبار المواقع والمنتديات العربية والأجنبية	0	12-03-2011 08:20 PM
سالفة:سوق حلة القصمان.قوافي	محروم.كوم	منتدى أخبار المواقع والمنتديات العربية والأجنبية	0	10-20-2011 01:00 AM
سالفة:طين جدي.قوافي	محروم.كوم	منتدى أخبار المواقع والمنتديات العربية والأجنبية	0	10-11-2011 08:30 PM
سالفة:طير المدعى..قوافي	محروم.كوم	منتدى أخبار المواقع والمنتديات العربية والأجنبية	0	09-03-2011 01:10 AM