البارت 19
ف بيت بو هزآآع
عليا: ماما اليوم خولووه بتيي تتغدا هنيي ويا ريلها .
ام هزاع: حياها الله وليش ماخبرتني عسب اجهز من الصبح .
عليا: عيل لحقي ع المطبخ يلا .
حمده: شو السآآلفه .
عليا: خوالي بتيي .
حمده: اهآآ .
عليا خذت السمآآعه .
حمده: لمنو تتصلين .
عليا: بتعرفييين ......هلا والله بريماني .
الريم : أهلين الشمس من وين ظآآهره اليوم عليوووه متصله ليش .
عليا: حرآآم اتصل .
الريم : انزيين شو تبين متصله .
عليآآ: امم اسلم عليج .
الريم: لا قولي هالرمسه لغيري .
عليآآ: انزيين قلتي لأمج .
الريم: عن شو ,, هيه هيه قلت وهي أصلا بروحها قالت بتيي لانها بتروح ويا عمووه بيت مادري منو انزيين وأميييه بتروح ويا امج من بيتكم .
عليآآ: اها زين زين .

الريم: انزيين دقي لمهآآري .
عليآآ: اوووووووووووجي .
الريم : يلا جلبي ويهج .
توووت توووت توووت << سكرت ف ويهها .
عليآآ: انا برآآويج يا ريموووه .
حمده: ههههههههههه انا بقوولج ريووم متى تظهر نذالتها ,, تذكرين يوم سرنا بيت خالي محمد فطووم زقرتنا تبي تقولنا شيء وأنتي قهرتيها وقلتي فوق 17 بس وهي سارت .
عليآآ: هههههههههه هيه شكلها للحين مقهووورة .
حمده: لازم بتنقهر .
عليآآ: انزيين صخي برمس مهرووه .
حمده: شو تبين فيها .
عليا: بقولها اتيي اليوم .
حمده : لا لا تتصلين ترآآها بتي مع خالو ميثاء انا رمستها .
عليا: زييين خفيتي عليه .
حمده: حسستيني الاتصالات .
عليا: جب جب اقوولج بتصل ف منو امم.
حمده: اتصلي ف روااضي بنت عمي .
عليا: شو تبين فيها بتيلس تسخف .
حمده: انزيين بخبرها .
عليا: لالالالا خلاص توبه .
حمده: نياهاها,, اقولج دقي لشوآآخ .

مها : شو فيك حمووود شو استوى بك .
محمد: احح حشى يأمي المآآي انجب عليه .
معضد : هههههههههه وأنا اللحين قلت شيء شيء مستوي خخ تتأدب .
مها: انزيين وانت شو تسوي هنيي ف المطبخ ليش ماخبرتني .
محمد: انا قمت الصبح وبغيت اسوي لي كووفي وما بغييت اوعييج من الرقآآد .
معضد: بس بس ههههههههههه جوف شكلك قم بدل ملابسك .
مهآآ: هههه خلاص سير بدل وأنا بسوي لك .
محمد: انزيين تعالي شو الغداء.
مهآآ: أنا ماعرف اسوي غير الباستا .
محمد: شوووو لا تنرفزيني مهوووي يعني هب مكفنج هنآآك يايه هنيي بعد .
معضد: ههههههههههه وأنت مايهمك غير بطنك ونفسك .
مهآآ: يعني شو تباني أسوي مآآعرف .
معضد : صح بغيت اقوولكم انّ اليوم معزوومين عند أهل غزلان .
محمد: هذي الأخبار الزينه وأنتي ياويلج اذا ماتعلمتي الطبخ .
مهآآ: شو رايج تزوج وتخلي حرمتك تطبخ شووو انا هنيي عسب اطبخ لك .
محمد: عيل لشو .
معضد : بسسكم خلاص ,,, انت حمووود هب تفشلني هناك اول ماتجووف الاكل .
محمد: اصلا انا بروووح عسب الاكل من زمآآن ماكلت هالاكل .
( ع فكره هوو يرمس ومسكر عينه )
محمد يكمل : بس اتخيل هذيج الطاولة العريضه اللي فيها أنوااع الاكل وو..
معضد ومهآآ ف الصاله
مهآآ: حراام خليته برووحه ف المطبخ .
معضد : اللحين تهقينه يالس يقوولج ويوصف لج الاكل .
مهآآ: ههههههههه.
محمد وهو ف المطبخ : حمييير خليتوني ورحتو .
مهآ ومعضد : هههههههههه.

ف بيت بوخالد
غيث وهو فووق مايدري انّ ام بوسيف ومثايل ف بيتهم : شيييخو ردي ع التيلفوون ماتسمعيين . (طبعا كل هذا بالصرآآخ ).
شيخه: لاتصرخ انزيين رد انت .
غيث رجع مرة ثآآنيه فوووق وخذ السمآآعه وهو فيه رقآآد : منو .
عليآ: ويـــــــــــن شيخه .
غيث: صدق نآآس متفيجه يلا يلا وقت ثآآني دقي .
عليآآ: منو انت .
غيث: أنتي منو ماتستحيين تدقين وتسألين منو .
عليآآ [ ترمس حمده : هذا شكله أخوها الدفش ]
غيث سمعهآآ : مبينه الرقه .
عليآآ: اللحين عطني شيخه .
غييث يالس يتثآآوب .
عليآآ: الله يلووع جبدك .
سكرت ف ويهه .
حمده : شو استوى .
عليآآ : مادري هذا ع ما اعتقد اخووهآآ غيث صرآآحه قمه ف الدفآآشه ع طوول رد يقوول منو انزيين سلم .
حمده : زيـــــــــــن سكرتي ف ويهه .
عليآآ: وصلت خوله قومي .

ف بيت بو منصور ع الغدا
منصوور : لا بس جد جذي شعرك أرف .
حمد: أصلاِ أنا نآآوي اقصره .
الريم: هيه والله شعرك يلوع الجبد بصرآآآحه تضحكني ومافيني ضحكه مطول شعرك وتتفرفر ف المولات والسناتر شو تتحسب عمرك نمر بن عدوآآن .
الكل : هههههههههههه.
سيف : يبتيها يا ريموووه .
حمد: خلاص انزيين حشى كلتوني .
بو منصور : عيل مخلي شعرك يغدي شرآآت البنات .
ام منصور : اخ عليك قم تعال بقص لك .
بومنصور: تعال بحلق شعرك صفر.
حمد : خـــــــيبه صفر مرة وحده .
منصور: اتخيل شكلك بدوون شعر .
الريم: انت بس حلق ووقت بترجع البيت بغني لك أغاني تناسب شعرك شرات هالاغنية اللي يغنونها الاوليين نسيت شو اسمها .
فآطمه : هههههههههه .
سيف: صبآآح الخير أنتي هنيي .

وف بيت بو هزاع
العصر وصلت ام منصور وراحت مع ام ضاعن وام هزااع وخوله وبنتها الصغيره وام ذياب [ مرت أخو بو هزآآع ] يزورون الاهل .
وف البيت
حمده + عليا + فاطمه + مهره + الريم + اسما + موزة + سلامه + روضه + محمد { ولد خوله } .
عليا : افف ملل اعتقد عطونآ إجازة عسب نظهر هب نييلس ف البيت .
الريم : اسوؤوم شحالج تدرين اني اشتقت لج .
اسما : ما اقدر ريووم اظهر امايه قالت ايلسن ف البيت .
روضه : خلاص انا بوديكن بس ها خبرن أمهاتكن .
الريم: عز الله رحنا اليوم ولا ظهرنآآ.
عليا: ما عليه روآآضي ما بنخبرهن وبنسير وأوعدج بنوصل قبلهن .
روضه : إذا جذي بسرعه قومن تلبسن .
الريم و عليا : وه فديتج .
سلامه : قومن يلا بلا خفه .
عليا + الريم : هههههههههههههه.

عند الشباب
متيمعين ف بيت بوضاعن
حمدان : اي فلم .
حمد: ذا مامينت ولا بيق مامي ولا تواي لايت ولا ..
ضاعن : بس يابوك حشى .
منصور : حط لنا اي شيء المهم فلم .
فيصل : نبا فلم أكشن .
حارب : لا لا رعب .
سيف: لا سيارات ودراجات .
سعيد : لا حطو رومانسي .
الكل صد عليه : ههههههههههههه.
سعيد: هه حطو أي شيء سحبت الكلمه .
عيسى وحارب : حرآآم نبا رعب .
حمد: خلاص غمضتوني .

عند البنات
الريم : فطيم .
فاطمه : شوو .
الريم : عادي اخبر مريوم وحصيص .

فاطمه : هيه عآآدي .
الريم : عيل انا بسير اتصل .
حمده: انزيين تعالي فطووم بنلبس شرآآت بعض أنا وأنتي وعليووه ومهآآري.
سلامه : جوفن أنا وأسوم و حمود وريوم ف سياره موزان و حمده وعليووه وفطووم ومهور ف سيارة رواضي خلاص يلا ركبن .

نرجع لبيت بو ضاعن
وبالتحديد ف الميلس
طبعا الشباب شو مسووييين الميلس مظلم وصوت التيلفزيون عاالي حاشر البيت والغازات ف ايد كل واحد وكأنهم ف السينما الجو رهيب متيمعين ف بقعه وحده وكل واحد متساند ع الثاني ولاصق ف ريل الثاني اونهم يقلدون البنات يوم يجوفن فلم رعب .
هزآع وصل مستغرب مححد ف البيت وصوت صرآآخ من الميلس و أول ما فتح الباب .
الشباب من داخل : لالالالالالالالالالالالالا.
هزآآع :ههههههههه بلاكم اشكالكم نكتة .
سيف : الله يآخذ ابليسك واي قلبي طاح ع الارض .
حمدان : ما اتوقعت الفلم جذي .
هزاع: شكلكم ما بتنامون اليوم .
منصور : اشش خلونا نسمع .
عيسى : هههه شكله منصور اندمج .
حارب: عن يسمعك بس .

ف الدرب ف سيارة موزة
محمد: خالو اسما نحن وين بنسير .
اسما : بنسير المارينا .
محمد: انزيين انا ما خبرت ماما .
سلامه : ما عليه نحن بنخبرها .
موزة : اقول اسوم اتصلي ف خوله وخبريها .
اسما : اوكيه .
الريم : تعال حمودي .
محمد: تعالي ريومي .
سلامه : هههههه لا بعد يقلد .

ف سيارة روضة
حمده: بس عليوه انتي ماعندج غير الضرابه والعنف .
عليا: عيل شو تبيني اسوي .
فاطمه : وهذا الشيء اللي انا اقدر افرقه بينكن .
مهره : وعليا شوي تسير صوب ريوم ف العنف .
روضه : كشخه اذا عندي توأم .
حمده: انا ع فكره واايد محمله عمري ولا كنت بنتحر لو حلال .
عليا : شو قصدج .
حمده : سلامتج .
مهره وفاطمه : سلامه هب هنيي .
الكل : ههههههههههههه.

عند الشباب
صرآخ وحشره والكل يصارخ اقوى ماعنده .
الشياب سمعو الصوت وحدرو الميلس .
بو ضاعن معصب وف ايده العقال : شو هالصراخ منو منكم ولدت .ِخخخخ
بو منصور سلاحه الخيزرانه ويشوح ف ايده بالهواء : اخ عليكم اللحين انتو صغار تسوون جذي بعدين شو مسوين ف الميلس جالبينه زريبه واذا يانا ضيف وين نحطه .
بوسعيد مححد ماسكه لا بومنصور ولا بو ضاعن : هدوني عليهم خل اكسر عظامهم وروسهم لابركةٍ فيكم .
ضاعن بصوت خفيف : الله ياخذ ابليسكم اللحين بيحطون عليه .
بو ضاعن : ضاعن انت صغير تسوي جذي .
بو هزاع : الله يهديكم اللحين الصغار اليهال مايسوون اللي انتو سويتووه يلا استسمحو من ابوكم .
الشباب كلهم وبصوت واحد كأنهم يهال ف الروضه : نحن آآسفين .
بوسعيد: بعد ما تخلصون لعبكم تقدرون تنظفون .
الشباب : ان شاء الله .
بومنصور : يلا شباب خل نسير الصالة .
الشباب ماسكين الضحكه .
بوضاعن : مسودين الويه .
وبعد ما ظهرو الكل نقع من الضحك : ههههههههههههههههااي .
حمد: آآه هههههههههه سمعتو أبويه اوونه يلا شباب .
حمدان: لا عمي واايد مبالغ .
منصور : هههههههه اللحين كل واحد فيهم عنده عيال طولهم طول النخله بدوني طبعا يقولون لعمارهم شباب .
ضاعن : شو قالولك انت الثاني عايلة الزرافات .
حارب: اسميهم الشبيبه هههه.
عيسى : يلا انزيين انكمل .
ويلسو يكملون الفلم بس ضاعن انسحب عسب يجهز لعرس فيصل ربيعه اذا تذكرون ومنصور شررد عسب ماينظف .

عند البنات
وصلن ويتمشن .
والتقن بــ هند وحمده وخواتها يتشرون لخطبة حمده .
ولأن عددهم كبير تقسمن لـ 3 قروبات .
1 : موزة - روضه – سلامه- اسما- حمده- هند.
روضه : شو رايكن بنات بنتشرى لسلامي وحمده .
اسما: وانا بعد اقوول جذي .
سلامه : لا استحي خلاص لا تحرجوني .
هند : مبين الحيا يلا امشن .
حمده : هناك وايد زحمه تعالن بنجوف هنييه .

عند القروب الثاني .
2: حمده-عليا- فاطمه- شيخه- ليلى- مهره.
حمده : بس خلاص انتي حشرتيني بصراحه ماعندج غير الضرابه
مهره :اقول ليلى تعالي معاي بعدل شكلي .
ليلى : يايه .
شيخه : انزيين انا بعد احب اتضارب .
فاطمه : بس الله يخليكن غيرن السالفه .
حمده : وين نسير اللحين .
عليا: والله ريلي اتكسرت تعالن بنيلس هنيي ف الكوفي .
حمده: انا بسير اجوف ليلى ومهره انتن ايلسن .
شيخه : اوكي .

عند القروب الثالث واللي بقى
3 : الريم / مريم/حصه/محمد.
مريم : ههههههههه والله بالغصب خلتني .
الريم : كييف .
مريم : الله يسلمج خبرت يدي وهو قنعها تسير معاه العزبه.
حصه : زين وبعدين .
مريم : وبعدين أنا قلت لها بسير بيت أخويه سلووم وخبرته وهو قال عادي بيغطي .
الريم : ههههههههههه اوكي يلا انا خاطري هالمره جذي نسوي مغامره عمرها ما استوت ف حياتكن .
حصه : افا عليج مدام اني وياج تفائلي .
مريم: أكيد حبيبتي أم لسان حصوص وأنتي ايدج الطويله بس أنا المؤدبه .
حصه : هيه أنتي اصلا المستخفه الزعيمه .
محمد: مريم ليش مايبتي عمر.
مريم: والله ماخبرتني ريوم انها بتيبك وهو اصلا سار مع أبوه عوافي .
محمد: هيه نحن البارحه سرنا .
الريم : امشن بنسير الالعاب ومرة وحدة بنستخف .
حصه: يلا شوقتوني .
مريم : صدق صدق سخافه .
الريم ومريم وحصه يضحكون ضحكة الأشرار بصوت عالي لان محد صوبهن : نياهاهاهاهاها .
حليله محمد زاغ من الضحكه : ذكرتوني ف الساحرات الثلاث.

عند ضاعن
ضاعن : مبروك يالمعرس مبروك .
فيصل : الله يبارك فيك عقبالك .
ضاعن : هيه جريب ان شاء الله .
فيصل : لالا صدق من متى وماتخبرني اذكر ف فرنسا يوم خبرتك يلست تضحك و اللحين شكلي انا اللي بضحك وفوق كل هذا بستخف بعد .
ضاعن : ههههههه استخف بس هب اليوم وثاني شيء بقولك لا تستعيل بس هب اللحين الوقت ما يناسب .
فيصل : هيه ياويلك اذا شردت .
ضاعن : هيه بروحي شارد من العيايز .
فيصل : لا هذي سالفه ثانيه .
ضاعن : لا ثانيه ولا ثالثه انت بلاك اليوم جالب .
فيصل : والله مادري متوتر .
ضاعن : هههههههههه لا اعقل بس .
مايد: اووه ضاعن هنيي شخبارك يا ريال ما تنجاف .
ضاعن : يسرك حاليه وين بكون يعني هنيي بس انت خقاق مستوي هالايام مختفي ولا تسأل .
مايد : لا جلبتها عليه اللحين .
بو فيصل : هلا والله بضاعن شحالك ولديه.
ضاعن : بخير وسهاله ومن صوبك الغالي .
بوفيصل : حمدلله مانشكي باس تعال اقرب فديتك .
ضاعن : قريب .
بوفيصل: عيل وين الوالد ماجوفه .
ضاعن : ف الدرب توني مرمسنه وخبرني ياي مع شلته .
ماايد : ههههههههههه حتى العيايز .
بو فيصل : زين والله الشباب كلهم .
ضاعن : ها ميود والله اذا سمعك الوالد غسل ظهرك بالعقال .
مايد : لا حياتي كلمه وسحبناها .
ضاعن : زين .
بو فيصل : هيه شو قالو لكم نحن بعدنا شباب أنا اصلا اصغر واحد ف الشله .
راشد : ليش ابويه كم عمرك عشرين ولا 12 سنة .
عمر: اووه عمي شباب .
فيصل : تطنزون ويا ويوهكم أنا اصلا اصغر منكم اقصد بعدني صغير .
بو عمر: هيه مبين يا أخويه والدليل اللحيه والشعر الابيض .
مايد: صح لسانك الغالي .
بوفيصل : لا اجوفكم جلبتو كلكم عليه هب جنكم عيال اليوم تصبغون الشعر ابيض واحمر واخضر واصفر.
راشد : ليش اشارات المرور .
بوفيصل : اليهال مايرمسون .
عمر : اووه رشود ياهل .
راشد : اسكت انت تعال بنسير وصل نصور .
فيصل : اقول ابويه ما اوصيك .
مايد : ع شو من متى بينكم اسرار وماخبرتوني مايستوي جذي بدوني مايمشي شيء .
فيصل : انت ليش راز فيسك .
ضاعن : شرات ما يقول حمدانوه الحكمه الشهيره اللي حافظنها { رزة بدون دزة } .
بوفيصل : صدق يوم قالها اخوك تنطبق ع ميود .

حمدان : والله سواها منصور وشرد هو وضاعن .
حمد: ماعليه الشياب ظهرو بيروحون العرس ومابيعرفون منو منظف .
سيف : يعني .
حمد: يعني يالذكي سير حارب ازقر الشغالات ينظفن هالزريبه .
حارب يشهق : اوويه نحن سوينا كل هذا .
عيسى : الحبيب توه يستوعب .

وينتهي البارت
^___^
توقعاتكم للبارت القادم

البارت 20
عند البنات
الريم : اقول مريوم سيري ركبي حمود اللعبة بس تعبت .
حصه : لا أنا بسير .
مريم : أقول ريوم تعالي بناخذ لنا شيء نشربه .
الريم : اوكيه .
محمد: تعرفين حصة هذا الولد ف الروضة معايه .

حصة : هيه زين .
الريم : والله اول مرة اسمعج تعترفين يدامي ولا بكل جرأة ماتوقعتها منج يا مريم لا ابد ما اتوقعتها .
مريم : انا غلطانة اني قلت لج .
الريم : لا عادي امزح معاج ارمسي هذا مجرد امم شرات مايقولون اعجاب .
مريم: يمكن .
الريم: اوويييه حصوه بتفضحنا اليوم جوفي شو تسوي الله ياخذ ابليسها .
مريم: ماتعرف تقبض لسانها .
الريم : خلينا نلحق عليها .
مريم: لا اميه انا هب بايعه عمري .
الريم: اقووول تعالي بس . {وسحبتها وراحت صوب حصه}
حصه : جب جب .
....: يجبج .
الريم بصوت خفيف : حصيص بلاج تتوايعين مع هالاشكال .
حصه :قومي عني لا اكفخ الكل انا .
مريم: هههههه لا جاكي شان يدامي وانا مادري.
.....: فديت هالضحكه انا.
مريم: يعل السجين اللي ف بطنك قم عني .
الريم : خلاص بس اخ عليكن {خذت محمد } يلا امشن .
حصه : بسير الحمام عزكن الله .
مريم: ليش.
الريم : ليش يسيرون الحمام انتي بعد .
مريم : قلت يمكن بتسوي شيء ثاني .
حصه : like what ??
مريم: قلت يمكن تغسلين ويهج ولا تعدلين شعرج .
حصه : اها.
الريم: هههههههه اسميكن طوفن .


حمده : حشى بسج شوااخ تتشرين شكلج بتفلسين ابوج .
تغمز لشيخه وهي تقصد اختها عليا
شيخه : ههه شو اسوي كل شيء يعيبني .
طبعا شيخه ترمس بالنيابه عن عليا .
حمده : بس ماقلنا جذي انتي تاخذين اللي يعيبج واللي تكرهينه شكلج ناويه ع شيء .
عليا : خليها ع راحتها .
الكل : هههههه.
عليا: بلاكم .
فاطمه : سلامتج .
عليا : اقول بنات بلاه هذا يجوف صوبنا من الصبح .
شيخه : خاطري اكسر راسه .
ليلى : شيخو اعقلي .
مهره: خليها شوي تعبر عن شعورها .
ليلى : لا بس اخاف اذا تدخلت شيخه تكسر خلق الله.
مهره: هههههههههه.
شيخه : شقصدج .
عليا: اقول شواخ تعالي معايه .
فاطمه : وين وين .
حمده : خل يروحن وتفكنا عليوه من الصبح قابضتني بتضارب وبتضارب.
مهره: تعالن بنيلس .
ليلى : ها بنات ندق ع الكبار.
فاطمه : والصغار بعد .
حمده: ههههههههه .


عند الصغار خخ
مريم و الريم يتهامسن
مريم: حرآآم غمضتني حصيص جوفي شكلها شوي وبتصيح .
الريم : اشش اسمعيها يالسه تشاهق .
مريم: هب زين تصيح ف الحمام خليها تظهر .
الريم: كله من هذاك الخايس اول مرة يستوي فيها جذي .
مريم: لازم بتخاف .
محمد: ليش حصه تصيح .
مريم: اشش .
الريم: حصه يلا بنظهر الكل متيمع بنتعشى وبنروح .
حصه : خلاص يايه .


عند العيايز الحريم
ام هزاع : خوله امي اتصلي ف اختج وخبريها اتييب البنات بيت خالج محمد .
خوله : ان شاء الله .
....
خوله : الو....اسووم وينكن .
اسما : بلاج انزين الناس تسلم اول.
خوله : ماشي وقت .
اسما : انزيين نحن بنتعشى وبنظهر.
خوله : امم بسرعه ها بعد ما تخلصن تعالي انتي والبنات بيت خالي محمد .
اسما : انزيين .


ام ضاعن : يلا مبروك يستاهل فهد .
ام فهد : الله يبارك ف حياتج عقبال ضاعن ان شاء الله .
ام ضاعن : ههه ضاعن خطبنا له و رمست يمول وخبرتني بالموافقه .
ام فهد: زين و الله وين بتحصل شرآت ضاعن الله يخليه .
ام ضاعن : ونحن ورا باجر بنسير نخطبها رسمي .
ام فهد : هيه زين أنا محدده مع ام خالد نهاية الاسبوع .
ام ضاعن : والله وكبرو العيال .
ام فهد : صدقج يا وخيتي .
ام ضاعن : شخبار بوفهد شو صحته .


روضه : يلا بنات اكلن عسب نمشي وايد تأخرنا .
حمده : يلا نحن بنمشي .
اسما: ليش تعشن وروحو.
حمده: لا مايمدي لازم نروح البيت لان هند جذي بتتاخر .
موزة: ليش هند بروحج يايه انتي.
هند: لا فهد وصلني اللحين هو ف بيتهم اذا تأخرت بيغسل شراعي .
سلامه : ماظني هههه الواسطه الكبرى حذالج واقفه .
حمده: أنا مايخصني .
البنات:أبدن ههههههه.


عفرا : اووه ما بغينا نجوفج مهووي والله لج وحشه .
مها : أدري فديتني محد يقدر يستغني عنيي .
غزلان : بسج خقه .
مها: صح وين خالو بسير اسلم عليها .
عفرا : بتصلي وبتييج .
غزلان : ماعرفتي آآخر الاخبار .
مها : شو استوى .
عفرا : أنا بسير المطبخ .
غزلان : ههههههههه شردت .
مها: ليش شو مستوي شوقتيني.
غزلان : عفاري انخطبت .
مها : لالا وانا آآخر من يعلم كيف جذي مايستوي .
غزلان : أصلا محد يعرف غيرنا وأنتي اللحين .
مها: فديتها عفوور والله وبتروح .
غزلان : هه اونها تستحي راحت المطبخ .
مها : ضحكي انتي ويوم خطبج معضد شو سويتي شردتي [تقلدها]
انا بسير الحجرة هههههههههههه ومن هناك حدرتي المطبخ ههه.
غزلان : هههههههههههه ماعليه يايج الدور.
مها : فالج ما قبلناه انا بعدني صغيره .
غزلان : هيه مبين 22 سنة .
مها تغير السالفه : ابا اعرف شو عندكن انتي واختج ف المطبخ .
غزلان : بتعرفين .
مها : هههههههههههه.


ف بيت بو ضاعن
حدرن البنات : السلام عيكن .
العيايز : وعليكن السلام .
ام ضاعن : مواز ليش تاخرتن جذي .
موزة الكلمه اللي حفظوها : زحـــــمــــــه.
ام منصور : يلا قربن العشا زاهب .
حمده : حمدلله انا شبعانه.
فاطمه : وانا هب يوعانه.
مهره: وأنا اذا يعت باكل .
الريم وعليا : ونحن ميتات يووع { وع طول ع السفره }.
اسما : هب جنهن توهن ماكلات .
ام هزاع : براحتكن .
فاطمه : هيه حمده باجر الشهادات .
مهره: الله يستر بس ع النسبه .
عليا: هيه والله .
مهره: انا اللي متوتره آآخر سنة .
ام هزاع : اللي بتييب اقل من المطلوب بزوالها والرمسه لليميع .
الريم: ليش عمو انتي كم كانت نسبتج .
ام هزاع : 88% وهذا كان قبل النسبه كانت كأنها 100 % لان قبل غير بالزور انييب النسب نتعب ونسهر ونصيح وماناكل الاكل من الخوف وطول الوقت قابضين الكتاب هب اللحين لادراسه ولا مذاكره وآآخر شيء اقل شيء عندهن 90.
ام منصور : هيه والله صدقج .
اسما : صح اميه خوله ويــن .
ام هزاع : سلمت ع خوالج وراحت البيت .
موزة : ومحمد ولدها.
ام ضاعن : بيتم عند يدته .


وتشرق شمس اليوم اليديد .
الريم : آآه أنا مافيني صبر بسير ويا منصور اييب الشهاده .
فاطمه : بيي وياج .


بووضاعن : حارب ومهره انتن الاثنين اللي ياب فيكن النسبه اللي تبشر بالخير اوعده باللي يباه وعزيــمه .
مهره: مشكور ابويه يلا حروب عن نتأخر.
حارب : بلاج انزين بتاخذين الشهاده بتاخذينها .


ف المدرسه
الابلة : شحالج مهره شو تسوين يايه
مهره [ قسم بالله متفيجه شو بسوي ف المدرسه يعني ارقص ] : تمام والله يايه آآخذ شهادتي .
الابلة: هههه شهادتج انتي بالذات عندي .
مهره: انزيين هاتيها شو تتريين .
الابلة : بس ليش هالنسبه يا مهره افا والله ما توقعتها منج ابد توقعت اكثر.
مهره بخيبة : ليش كم يبت .
الابلة : امم 93 %.
مهره [ الله ياخذج خوفتيني ]: هههههههههه هاتيها لا اجوف هب مصدقه .[سحبت الشهاده عن الابلة وراحت ].


واستلم كل طالب وطالبه شهادته طبعا اللي مزفت يعرف شو يترياه ف البيت الخيزرانه والعقال واللي رافع راس أهله ويايب النسبة اللي ترفع الراس بعد يعرف شو يترياه ف االبيت الهديه والعزيمه وكانت نسبة كل واحد فيهم بهالطريقه ونبدآ من البنات.
مهره ---------> 93%.
فاطمه ------> 91%.
الريم -------> 92%.
عليا -------> 73%.
حمده ------> 86%.
ليلى --------> 81%.
شيخه ------> 89%.
مريم------> 79%.
حصه -----> 77%.
مثايل ---------> 95%.
أما الاولاد الله يعينهم من اللي يايهم .
حارب -----> 90,5%.
عيسى ------> 90%
ناصر-----> 74%.
راشد ----> 70,1%.
عمر------> 69%.
غيث-------> 68,6%.
تعرفون بوهزاع عنده أخو وعيال أخوه .
ذياب ------> 85,2%.
زايد -------> 87,4%.


باجر العزيمه ف بيت بو ضاعن وما خلا شخص ماعزمه وذابح ذبايح و مرة وحده لخطبة ضاعن .
ف بيت بو منصور
الريم : أمايه نحن البنات بنسير بيت عمي محمد عند مهره وبنتم لباجر .
ام منصور : ليش تسيرن تسهرن هناك وتلعوزن مرت عمج باجر وراها شغل من الغبشة وأنتن ماهمكن شيء.
الريم: لا والله مابنسوي شيء .
ام منصور : كلكن تسيرن هناك وعيال عمج هناك بعد منقود يلا ايلسن ف البيت.
الريم : لا والله الشباب بيباتون هنيي ف بيتنا .
ام منصور : خلاص روحن بس لا تزعجن الحرمه.
الريم : ان شاء الله الغلا .
وطارت الريم لحجرة فاطمه
الريم : فطوووم لحقي .
فاطمه : شوو بلاج تباغمين من تحت حسج وصل .
الريم : انزين يلا ازهبي بنسير بيت عمي .
فاطمه : لا متهايزه أنا .
الريم: قومي نشي بسرعه ماشي وقت أنا بسير احط ملابسي وبنزل تحت اخبر ريتا تزهب وتخبر موني يشغل السياره.
فاطمه: خلاص ناشة انا عيل.
الريم : يلا عن نتأخر.


ف بيت بو ضاعن
مهره: ومنو بعد .
أم ضاعن : عزمت ام عبيد وبناتها .
مهره: هيه زين .
ام ضاعن : يلا انا بسير بيت خالتج .
مهره: اخذي راحتج انا بسير المطبخ اجهز سويت للبنات .
ام ضاعن : اوكي قولي للخدامه تساعدج .
مهره: ان شاء الله الغاليه.


وعند الشباب
حمدان : يلا حارب تعال بنسير بيت عمي.
حارب : لحظة بجوف ضاعن .
حمدان: لا ضاعن بسير مع منصور وبعدها بيون هناك .
حارب : تصدق حليلي اول مرة ايلس يدام ف سيارتك.
حمدان : يالله عن الجذب .
حارب: لا اقصد ف سيارتك.
حمدان : بعد جذاب .
حارب: ههههههههههههههه .


ف بيت بوضاعن
وصلن الريم و فاطمه
مهره: هلا والله بحبايب قلبي .
الريم : انا يوعانه .
فاطمه : اهلين .
مهره: معرووف حتى اذا كنتي يالسه تاكلين وسألووج بتجاوبين الجواب نفسه .
مهره وفاطمه :يوعانه هههههههههه.
الريم : منو ف البيت .
مهره: فااضي لج .
الريم : فديتني المهم بما انّ البيت فاضي قررت اتجول واسير ..
فاطمه تقاطعها: المطبخ .
الريم : بالضبط .
مهره : اخذي راحتج بس ها ياويلج اذا عفستي .
الريم : افا عليج من عيوني .
مهره: فطيم تعالي ويايه الحجرة .
الريم ترمس عمرها : راحت فاطمه مع مهره فوق واتجهت ريماني الحلوه للمطبخ امم شو اسوي اللحين .......امم.
يالسه تعفس الريم ف المطبخ وحدرت عليها سيتي الخدامه .
سيتي : انتي شو يسوي هنيي.
الريم : ف المطبخ شو يسون ها يرقصون ولا يغنون ولا يطبلون ولا ..
سيتي : مافي يسوي وصاخه يلا برا .
الريم : ليش مطبخ ابوج وانا مادري انتي اللي برا.
سيتي : لا هذا مافي بيت مال انتي .
وتدز الريم برع
بوضاعن : شو السالفه .
الريم : اووه عمي شحالك الغالي شو مسوي ف حياتك .

بوضاعن : ههههه والله بخير وسهاله شو عندج تباغمين .
الريم : هذي خدامتكم الخايسة يالسه تصارخ عليه وتقول ظهري برا هذا هب بيتكم وتدزني برع وماعرف شو .
بوضاعن : سيتي بلاج .
سيتي : بابا هذا جزاب انا مافي يسوي جزي انا يقول شو يبي هبيبتي انا بيسوي لانتي .
الريم: اسميج يالمنكر انتي .
بوضاعن : خلاص سيتي روحي جوفي شغلج .
الريم : اقوول عمي ماتبا شيء اسوي لك اياه.
بوضاعن : ليش تعرفين للمطبخ انتي .
الريم : يقولون .
بوضاعن : عيل سوي لي زعتر.
الريم : ان شاء الله .
حدرت الريم المطبخ : اقول سيتي سوي زعتر عمي يقولج .
وانا بسوي لي اندووومي .


ف بيت بو هزاع
حمدة وعليا: أمايه الله يخليج .
ام هزاع : لا يعني لا قلت كلمه ومابثنيها تسيرون عند الحرمه تزعجونها ليش شغل ع راسها وانتن ما يهمكن شيء .
عليا: لا ماماتي نحن اصلا بنسير هناك عسب نقوم الصبح من الغبشة ونساعد خالو .
[ وتغمز لــحمده ]..
حمده: هيه هيه صح .
اسما : خل يسيرون شوي للبيت يهدا ويخف من الحشرة.
عليا تسوي حركات لاسما يعني براويج بعدين واسما مسويه طااف : صح اميه ماتبين البيت يكون هدوووء ويفضا الجو لج .
ام هزاع : خلاص خلاص واخذن أغراض لكن للعزبة بنسير بعد مانظهر من بيت خالج .
عليا وحمده صااروخ للحجرة .


بااك لبيت بو ضاعن
سيتي : خلاص زعتر مدام .
الريم : مدام ف عينج عطيني بس ..{ يالسه تجوف الكوب وتفحصه } والله ما اضمن لج اصلا كيف يشربون هذا وكيف طعمه .
شربت منه : وااع شو ها الله يغربلج في حد يحطي فيه ملح .
سيتي بتوتر: هذا جزي يشرب بابا انت ما يعرف كيف .
الريم : هيه ماعرف كيف يشربونه بس اعرف ان مايحطون فيه ملح .
سيتي : شو يقول انته.
الريم: شو يقول ها سوي غيره يدامي بسرعه .


عند مهره وفاطمه
يجوفون التيلفزيون
فاطمه : انا مابا شيء .
مهره: انا بعد بس ابويه قال بياخذ لي فون .
فاطمه : انا منصور فديته قال بياخذ لي بس قلت له اذا خذيت لي ما بركز ف الدراسه انا اعرف عمري .
مهره: ههه واخيرا خلصت .
فاطمه: خلصتي من المدرسه بسس ,, صح ويــن بتروحين .
مهره: ماعرف والله.
فاطمه: انزين سكري السالفه خلاص .
مهره: هب جنج انتي اللي فاتحتها .
فاطمه : ههههههههههه بسج انزيين .
مهره: وين عليوه وحمدووه ماوصلن .
فاطمه : اللحين تهقين حمده محتشره لان عليوه مأخرتها .
مهره : ههههههههه ريه وسكينه .
فاطمه : عن يسمعونج .
مهره: هههههه هيه والله عليوه بتغسل شراعي بس ماظني حمدوه بتسوي شيء هذي شوي اهون .
فاطمه : صدقج عسب جذي عليوه مرابعه ريوم وانا وانتي وحمدووه .
مهره: هههه هيه نحن الطيبات .
فاطمه : هههه مبين .
مهره: اللي يمدح نفسه يباله رفسه .
فاطمه : خبري عمرج .


ونرجع لتحت ف المطبخ
الريم : هيه جذي أحسسن .
خذت الريم الكوب وودته لعمها .
بوضاعن : لو يبتيه باجر واايد احسسن.
الريم : والله مطبخكم ماعرف له .
بوضاعن : هيه صح .
الريم : انت تعال بيتنا و انا بسوي لك اللي تباه .
بوضاعن : زيــن يوم انج تعرفين تطبخين بنيوزج لــحارب.
الريم : شوووو.
بوضاعن : ليش شفيه حارب.
الريم [ وآآآآبويه انا الحقو عليه ] : ....


انتهى البارت ترقبو البارت الياي
ها شو رايكم فيــــهـ
شو تتوقعون رد الريم وبوضاعن للموضوع ؟؟
بوضاعن يرمسس جد ولا شوو؟؟؟؟
وحطو التوقع ع كيفكم

البارت 21
الريم : انت تعال بيتنا و انا بسوي لك اللي تباه .
بوضاعن : زيــن يوم انج تعرفين تطبخين بنيوزج لــحارب.
الريم : شوووو.
بوضاعن : ليش شفيه حارب.
الريم [ وآآآآبويه انا الحقو عليه ] : مافيه شيء .
بوضاعن : خلاص عيل خلصي الثانويه .
الريم : بس انا مابا حارب.
بوضاعن : ههه ليش .
الريم : لان حارب غير عنيي التفكير مختلف تماما وثاني شيء انا مابا اتزوج .
بوضاعن : ع كيفج مخططه .
الريم [ عيل ع كيفك ] : انا اذا خذت لي واحد هذا اذا اوكي بآآخذه اكبر مني بسنة بس اكثرر ماشي .
بوضاعن : ههههه ماعليه انزيين بيستوي سنتين .
الريم : لا سنتين مابيستوي وآآآخر شيء اقوله انا ماباخذ واحد من الاهل وابتلش.
بوضاعن : هههههههههههههههه لا الظاهر كان عندج وقت مفكره ومخططه ع كيفج .
الريم : هيه ونسيت اقولك بعد لازم يكون اسمه يبدا بحرف النون .
بوضاعن : هههه ماعليه بنغير اسمه .
الريم: استغفر الله.

امم عند الشباب
حمدان : لا عمي نحن هب متفيجين للعزبه انا وحمود عندنا شغل مايستوي مانقدر انيي معاكم .
حمد : للاسف.
بومنصور: لا بتون وغصبا عنكم بعد .

مها : وليش ان شاء الله مسرع ما اشتقت لبريطانيا امسسات تقول لي لاتييبين سيرتها واللحين تقولي بترجع مرة ثانيه هناك .
معضد : بلاج مهوووي الولد مابيسير يحوط ويتفرفر بيسير يكمل دراسته خلاص انتي تعرفين هالشيء من قبل .
محمد : ماعليه برجع تراني .
مها: بس انا مابا اسير هناك خلاص اتعقدت .

معضد: انزيين منو بيتم عندج باجر لاتزوجت انا.
مها يلست تصيح : بس انا مابا ارووح مابا.
محمد: خلاص فديتج لا تصيحين .
معضد : خلاص مهووي مابتروحين .
مها : عادي عندي ببقى ف البيت بروحي .
معضد : هيه مينون انا بخليج اتميين بروحج ف البيت .
محمد: لهذاك الوقت يصير خير.
معضد : انزيين غيرو الموضوع .
مها: صح معضد وديت اوراقي للشركه .
معضد : هيه بس انا هب مرتاح انج تشتغلين بين الرياييل.
مها : يعني بذمتك بسير اشتغل ومايخصني ف احد.
محمد: خلاص انا واثق فيج وانتي قد الثقه .
مها: هالرمسسه اللي تنسمع .
معضد : لـــــــــآآه.
مها : ههههه يلا انا مليت من البيت وااحد منكم يظهرني .
محمد: آآآآه فيه رقااد هب طبيعي توه ظهر يلا تصبحون ع خير.
مها: ملل وانت بتنام العصر.
معضد : خلاص يلا نشي جهزي.

بوضاعن : بلاج انزيين انجلبتي ومعصبه .
الريم : تدري عمي انا مااعرف اطبخ ولا اعرف اسوي شيء وهالكوب هب انا اللي مسوتنه سيتي سوته .
بوضاعن : ههههههههههه ادري انزيين وانا عسب جذي يالسه اناقشج لتعترفين انج مخليه سيتي تسويه وثاني شيء انا يالس اسولف وادردش وياج .
الريم: ويييييييه ريحتني .
بوضاعن : ههههههه كل هذا اللحين عسب ماههههه ما اقدر ارمس ضحكت اليوم بمافيه الكفايه .
الريم: زيـــن عيل يوم اني خليتك تضحك مستانسه لهالشيء .
بوضاعن : اسميج سوالف قومي سيري اكلي الاندوومي مالج .

ف بيت بو فهد
ام فهد : اقوول ميثا اليوم بتيي ام خالد.
ام ضاعن : هيه زين .
هند وهي نازلة: هلا والله بخالتيه الغاليه وانا اقوول ليش البيت منور .
ام ضاعن : هلا بيج والبيت منور بأهله.
هند : شخبارج خالو وشخبار العيال .
ام ضاعن : حمدلله يسرج حالهم .
هند : عيل وين مهاري.
ام ضاعن : اليوم البنات بيون عندها وماقدرت اتيي.
هند : افا خلاص باجر بنجوفها.
ام فهد : هند أمايه قومي المطبخ بتحصلين ع الطاولة صينية الجاي هاتييها.
هند : ان شاء الله الغلا.
وسارت هند المطبخ حصلت فهد يالس ويفكر.
هند: فهود زخيتك ف شو تفكر ها أكيد ف حبيبة القلب .
فهد : بسم الله سكنهم ف مساكنهم.
هند: ليش شو جايف ويا ويهك .
فهد : اذا قلت ينية ما يكفي أنتي شيء ماينوصف من القباحه.
هند: كلن يرى الناس بعين طبعه .
فهد : يعني .
هند : كلام الملوك لايعاد .
فهد : عدال مادري شو مستوي فيج اليوم جالبه حكم وأمثال.
هند: خلاص لا تعطلني .
فهد : ليش سيارة هههههههههههه.
هند: ههههههه جب جب.
فهد : يلا أنا أخوج الكبير ولازم تحترميني.
هند: أحترم الجلب ولا أحترمك .
فهد : شووو اوكي ماعليه ما عليه .
هند : لالا فديتك أنا آسفه انت اخويه وحبيبي وقلبي تعال ببوسك .
فهد : بعيد بعيد الله يخليج ما استقبل.
هند: مالت عليك .
فهد : وعليج .
هند : تعال وين رايح تعال سلم ع خالو ميثا.
فهد : عيل انا وين ساير .
هند : انزيين افتح لي الباب.
فهد : لا خلج واقفه لتخيسين بسلم وبيلس وبعدين بيي افتح لج الباب .
هند: لا هذيج الساع أنا يايتلك بعقال الوالد .
فهد : ههههههههههه طوفي انزيين.
هند : السيدات أولا.
فهد : ليش بتنقزين من الشلال.
هند: هههههه.

ف بيت بوخالد
ام خالد : يلا منو بيي معايه .
حمده : انا وشوااخ وليلى وبسس.
ام خالد : انزيين يلا جاهزات.
شيخه : هيه الوالده يلا أنتي شكلج اللي بتعطلينا .
ام خالد : هيه انا بعطلج ماتستحين .
شيخه: أنا بسير اركب السيارة حمدوووه عطيني السويج .

عند البنات
مهره: ملل حتى اذا تيمعنا .
حمده: شو رايكن نلعب البيت المسسكوون.
الكل : هييييييييييه.
مهره: انا خاطري العبها بس هب ف بيتنا بعدين بصدق وبخاف من البيت وما بنام.
عليا : عيل شووو .
الريم : قومن بسرعه وأنا بقولكن .
البنات: قمنا شو تبين.
الريم تصارخ : صرصووووووووووووووووووووووور.
البنات : لالالالالالالالالالا واي امايه .
وانواع الزعيج والصراخ .
الريم : هههههههههههههههههههههههه صادوووه .
فاطمه: ريموووه والله انج سخييفه.
مهره: أصلا انا واثقه بيتنا مافيه شيء .
عليا: بس الحركه عجيبه .
الريم : أصلا بغيت اقولكن شيء ثاني بس يوم ظهرت هالفكره ف بالي قلت اقولكن هيهيهيهيهي .
حمده: وشو هيه الفكره.
الريم: الله يسلمكن تعالن تحت عند الفون اللي ف البيت.
مهره: يلا والله اشك باللي بتسوينه .
عليا: لا انا اشك اللي بتسويه ناايس امرره.
الريم : بنجووف.

ف بيت بو سعيد
بوسعيد : سعيد وين أخووك .
سعيد : مادري به اعتقد انه ناايم .
بوسعيد : في حد ينام هالوقت قم وعه هب زين ينام اللحين جريب المغرب لا سير له بالخيزرانه .
سعيد : ان شاء الله .
وخذا العكازات وراح عند نااصر.
سعيد : نويييصر قم لا ابويه ايي لك بالخيزرانه ويشوطك ولا انا اللي بشوطك اللحين بالعكاز ع راسك .
نااصر: افف شو ها ماتخلون الواحد ينام ويحلم ويستانس الا وطبيتو عليه افف خلني شوي لا تخرب عليه.
سعيد : وانت كل ماايي لك ترمس عن الاحلام شو احلامك ماتخلص ابد كل يوم حلم يديد.
نااصر يرمس وهو تحت الفراش : ياخي قول ماشاء الله انت ليش جذي حسوود اللحين ها خلص الحلم ارتحت.
سعيد: عيل نش يوم انه خلص .
نااصر: آآه انزيين اول شيء عد لين الثلاثين ويوم بتقول ثلاثين انا بنش .
سعيد : 321.....
نااصر : لا عد شوي شوي .
سعيد : اقولك قم شو قالو لك ياهل عندك يلا.
ناصر: انزيين بس انفجرت الطبلة اللي ف اذني[ وأخيرا قام مستر ناصر وهو يتثاوب ومن زود الرقاد اللي فيه وقف ع ريل سعيد المكسووورة >> حليلك يا سعيد الله يعينك ع ما ابتلاك.
سعيد : آآآآآآآآآآآآآآآآخ ريلي يا حمار شو أعمى ماتجوف سبال .
نااصر : هههههه ماجفتك انزيين فيه رقااد .
سعيد: قسسم بالله بقووم اصفعك بالعكاز اذا ماقمت عن ويهيي.
ناصر : انزيين لا تصارخ .
سار ناصر يتغسل ويلس سعيد ف الحجرة يتحوط
ناصر وهو ف الحمام عزكم الله يغني: روح ياطاير وقله قلبي فيه الفين عله الحياه بعده ممله وحالي من بعده تدهور عاشوو.
سعيد: بس بس خربت الاغنية والمغني اعتزل و الناس ماقامت تسمع اغاني يوم سمعو صوتك .
ناصر : انت للحين يالس ف الحجرة شو تسوي .
سعيد: امم هيه البس بسير افتح الجبس .
نااصر : واخيرا .
سعيد: انا اللي لازم اقولها هب انت .

ناصر : انزيين انا بظهر ف دقايق بس انت ساعه لتزهب شرات الحريم يلا قم اظهر ولا تفتش ف الحجرة.
سعيد: عاد ماعرف شو فيها الحجرة كنز علي بابا وانا مادري ولا المصباح السحري .
ناصر: كل ماتشتهيه الانفس داخل.
سعيد: الا كل ماتكرهه الانفس يلاقونه عندك.
ناصر: عيل اظهر برع.
سعيد: انزيين .
[ ظهر سعيد بعد ما رفس الباب رفسة بالعكاز وناصر يالس يحط عليه و رجع مرة ثانية يغني ].

ف بيت بوضاعن
ف الصالة
الريم : اشش انا بحط سبيكر بسس ولا وحده فيكن ترمس .
حمده: انزيين يلا.
الريم : أقوول فطيم كم رقم حموود.
فاطمه : *******050.
الريم : نياهاهاها اشش .
مهره بصوت خفيف : تقول حقنا سكتن وبروحها ترمس .
الريم : مهروووه سمعتج .
حمد : منو.
الريم [ ههههههه حشى يابوك ع الدفاشة ] تغير صوتها: هلا .
حمد : أهلين هلا والله.
فاطمه لــمهره : الله يستر.
الريم: هذا فون حمده .
حمد : لا هذا فون الشيخ حمد .
البنات ماسكين الضحكه
الريم : صج عيل أنا مغلطة بالرقم .
حمد : لا افا عليج عادي.
الريم [ طبعا ] : اوكي بااي .
حمد: الا ماقلتي لي شو اسمج .
الريم : سارا.
حمد : عاشة الاسامي.
الريم : عاشت أيامي .
مهره بصوت خفيف : ههههههههههه عاشت أيامك يالهبلة .
حمد: ههههه اوك .
الريم : يلا عيل انا بخليك .
حمد : ويــــن وين.
الريم : بتصل ع ربيعتي سويير.
حمد : اها انتي كم عمرج .
الريم : عشر سنوات .
حمد : شووو.
الريم :ههههههه لا لا امزح معاك انا عمري خمسة وعشرين سنة و باجر بيستوي عمري ستة وعشرين .
حمد : بــــــــــــعـــــــــــــــــــــد.
الريم : ههه لا لا انا عمري 19 سنة .
حمد : صدق زين زين.
الريم : وانت كم عمرك.
حمد : ثلاثين سنة .
الريم : لا ماصدق عمرك ثلاثين سنة وعندك هالصوت العذووب.
البنات فاتحييين حلوجهن ويسمعون الصواريخ .
حمد خق : تسلمين الغالية .
الريم: الله يسلمني .
حمد: بلاج انتي .
الريم : مافيني شيء بس يوم رمستك ماعرف شو استوى فيني.
حمد [ مالت عليج ] : انزين عادي نكون ربع.
الريم [ لا والله ] : هيه عادي عادي واذا تباني ايي لك البيت بيي عادي عندي كل شيء .
حمد [ من زينج ] : انا اليوم برمس الوالد وبنيي نخطبج .
الريم [ لا زين زين بلاوي عندك يا حمود ] : هيه بس انا بقولك شيء قبل لا اتيي انا يدتي مصريه ويدي خليجي امي ظهرت هنديه وابويه سريلانكي واخويه سوداني وختيه اثيوبيه وانا الوحيده ظهرت باكستانيه بس عايشه هنيي.
حمد [ هيه مبين عدل ] : عايشة ولا امل .
الريم : ويييييييه ماما وصلت انا لازم اسكر باي .
وسكرت ف ويهه.
البنات : هههههههههههههههههههههه .
الريم : ظهرت بلاويك يا حمود .
فاطمه : وانا سجلت المكالمه .
البنات : نياهاهاهاها.
ام ضاعن : بسم الله بلاكن .
البنات : لالالالالا.
مهره : امايه انتي من وين ظهرتي .
ام ضاعن : انا توني حادره البيت ماتجوفيني لابسه العباة يلا بنات قومن صلن اذن المغرب.
البنات : ان شاء الله .
حمده : ويييه زين ماسمعت .
عليا : يلا الباجي باجر.

حمدان : بلاك حمود .
حمد : هههههههههههه ولاشيء بس سمعت هذي الجذابه الخرط ينعرف من عينه .
حمدان : هيه زين حطيت سبيكر عسب نسمع الجذب .

عند سعيد
سعيد : اقوول نصور للاسف مابيفجونه اللحين .
ناصر : ليش .
سعيد : لان الدكتور سوا اشعه والعظم بعده ما لتحم ف بيبدلون الجبس .
ناصر : يلا انزيين سير بدله وانا بسير ايلس ف السيارة .
سعيد : لالا تعال معايه .

ف بيت بو هزاع
موزة: وين بتسير سلطون.
سلطان : بيت عمي بتيين .
موزة : اوكي لحظة .
سلطان : لالا تتأخرين انا ف السيارة .
موزة: لا ايلس هنيي انا بتاخر.
سلطان : افف انزيين.
موزة راحت فوق و حدرت حجرة اسما.
موزة : اسموووووه وينج يلا جهزي اذا بتيين بيت عمج .
اسما : انجيين.
موزة: شو هنديه .

ف بيت بو فهد
هند : اووه ليلى هنيي عجيبه .
حمده: هيه والله هالمره بروحها يايه محد غصبها.
هند : زين زين اختج بصراحه مووودي.
ليلى يالسه معاهم بس كانها ف مكان ثاني يالسه تفكر بشيء
شيخه : ليلى .
ليلى : همم.
شيخه : ليش ماترمسين.
ليلى : مافيني شيء اقوول شوااخ.
شيخه استانست : ها .
ليلى : باجر بتيين معايه بيت ربيعتي مهره.
شيخه : اكيد فطووم هناك.
ليلى : أكيد.
شيخه : خلاص بيي.
ورجعت ليلى تسرح مرة ثانيه .

ف بيت بو ذياب
عند الباب
سلطان : يلا سيرن داخل انا اتريا زايد
اسما وموزة : اوكي .
حدرن الصالة وفويهن .
زايد : هلا والله ببنات عمي شحالكن .
موزة واسما : بخير يسرك الحال ومن صوبك ولد العم .
زايد : تمام اذا تبن رواضي وسلامي ف المطبخ .
اسما : ومن متى ف المطبخ .
زايد يجووف ورا : عيل وين twins .
موزة : مححد .
زايد بخيبة : افا .
اسما : يلا عيل بنخليك .
ظهر زايد لسلطان و حدرن موزة واسما المطبخ
اسما + موزة : السلام عليكن بنيات.
روضة + سلامة + عنوود [ بنت ايرانهن ]: وعليكن السلام .
وبعد السلام
عنود : وين حمده و عليا.
اسما : بيت خالي اصلا اذا عليوه تعرف انّ نحن ف بيتكم بتقوووم الدنيا بتسوي حرب.
موزة : دواها انا بخبرها لتنقهر.
روضة : ههههه انزيين يلا بنسير الصالة عن نتخيس روايح .
اسما : هيه والله انا متسبحه ويايه .
سلامة : سيرن الصالة انا بسبح وبييكن .

خلص البارت وتوقعاتكم
شو بيستوي ف بيت بوضاعن ؟؟
شو ممكن يستوي بعد ف العزبه ؟؟
يلا الردووود
@___@

البارت 22
و انتهى اليوم و ف يوم يديد ف بيت بو ضاعن
ام ضاعن محتشرة : يلا بنات قوومن يلا .
الريم : ليش خالو كم الساعه؟؟
ام ضاعن : الساعه سبع ونص.
الريم : من صدقج خالو بعده وقت ليش مقومتنا من اللحين .
ام ضاعن : قلتلكن انا لا تسهرن بس ماتسمعن الرمسه يلا قوومن .
عليا : اقووول مرت خالي انتي روحي ونحن بعد شوي بنلحقج.
ام ضاعن : قومن لتساعدووني بنات مامنكن فاايده .
فاطمه : خلاص انا قمت يلا .
ام ضاعن : قووومي مهروووه لا اسحب اللحاف عنج.
مهره تغطت بالفراش اكثر.
حمده ناايمه ولا تحس
الريم : انزيين نحن بنام لين ماتظهر فطيم
عليا: هيه يعني كلنا بنحدر مع بعض .
ام ضاعن : ما عليه .
وكالعاده فتحت الدرايش لتضربهن الشمس و سكرت المكيف وفتحت التيلفزيووون وحاشرة عليه.
فاطمه : انا ظهرت يلا خالو انتي نزلي وانا بقومهن لج .
ام ضاعن : فديتج فطووم انتي بس اللي نافعتني .
فاطمه تزاعج : يلا ريمووووه قومي نشي الحمااام يلا.
الريم : انزيين .
وحدرت داخل و شكلها ناامت.

عند الشباب نفس الشيء ف بيت بومنصور .
بومنصور : يسهرووون الليل واللحين ينامون .
ام منصور : قم خليفه جوووف الشباب خل ينشووون لننظف الميلس.
بومنصور : سيري هاتيي العقال ومااي بارد .
ام منصور : الله يستر.
ف الميلس
حارب وسيف ناشين يلعبون سوني .
وحشررة ازعاج التيلفزيوون.
حمد: بس عيال سكرو هالزعيييج لا اقوووم واقطع الوايرات .
حارب : يلا قم اجوووف .
حمد : افف [ تغطى باللحاف اكثر ].
منصوور و ضاعن ناايمين فوووق والباقي فارشين لهم تحت.
حمدان ف سااابع نومة.
فجأة حمد قام يركض للحماام .
وبعد دقايق حدر بومنصور ومعاه العقال اللي شخطه بالباب والماي اللي شالتنه ام منصور.
بومنصور : شباب يلا نشو اجوووف.
ولا حياة لمن تنادي.
بومنصور شخط منصور وضاعن بالعقال ع ظهروهم وقامو يتحيسون شرات السمجة يوم تظهرونها من الماي .
منصور وضاعن شردو برع الميلس
حارب وسيف يوم جافو السالفه عقال ومااي نشو يربعووون فوق .
حمدان ناايم للحين .
بومنصور : شكله العقال ماايفيد عطيني عووييش المااي .
ويصبه ع حمدان و حمدان تقولون تووه ظاهر من البحر
حمدان منصدم مايعرف شو السالفه : بلاك عمي .
بومنصور : يلا قم اخ عليك ناايم معفن للحين نش لا صلاة ولا عبادة بس رقاد واكل تنسووون موعد صلاتكم بس ماتنسون موعد أكلكم ولا موعد رقادكم لا.
حمدان قاام للحمام بس مقفووول .
وحمد واقف من داخل يتسمع ليين ماظهر ابووه من الميلس .
حمد فتح : شو خلصت المحاضرة .
حمدان : ومنو كلاها غيري.
حمد : هههه.
حمدان : تعالو يالحميير ليش خليتوني ورحتو وانا اللي انضربت وبقيت بروحي.
حمد: اصلا كلنا ما نعرف وكنّا نايمين ومنصور وضاعن شخطهم بالعقال وانت سبحت وحرووب وسيفو شردو وانا اصلا كنت داخل بس يوم سمعت الصريخ وقفت لين ماحسيت انّ ابويه ظهر ظهرت انا بعده .
حمدان : بسك انزييين [ حدر الحمام بدون لا يتعوذ ولا شيء].
حمد : انزيين سكر الباب .
حمدان : اووف نسيت غربلك قم من عند الباب .
حمد راح وهو يضحك : هيهيههيهيه.

ف بيت بوسعيد
ام سعيد : سعيد ترا اليوم بنسير العزبة .
سعيد : هيه زيين.
ام سعيد : انا بسير اقوم اخوك ناصر وانت اجهز لان بعد شوي بنظهر.
سعيد : ان شاء الله .
ام سعيد حدرت الحجرة وفتحت الستاير والدرايش وسكرت المكيف وخذت معلاق الملابس وشخطت ناصر كم شخطه وظهرت .
نااصر : استغفر الله.

ف بيت بو خالد
ليلى وغيث حشرة من الصبح يالسين يتضاربون غيث يسحب شعر ليلى وليلى تسحب شعره وكل واحد فيهم يرفس الثاني .
ليلى واخيرا فرت غيث ع الطاولة
ليلى بصوت عالي : الله أكبر [ شردت الحجرة ].
غيث : ماعليه براويج [ كل هذا وهو ماسك راسه ].
ظهر بو غيث معصب : بلاك انت واختك تتوايعون .
غيث : ها.
بو خالد : بلاه راسك.
غيث : هي اللي بدت .
شيخه : تتأدب غيثو اعرف حركاتك بس زين سوت فيك تتحسبها بتسكت عنك .
غيث : جب انتي .
بوخالد : بس اخ عليكم اخوان انتو ماتستحون في حد يقول هالرمسة لأخته .
غيث : انزيين هيه اللي بدت .
بوخالد : بس اسكت .
غيث : اووف.
شيخه : هيهيهيهييه [سوت لغيث مالت وظهرت لسانها وراحت عند ليلى ].
تك تك تك
ليلى : منو هاللي يتجرأ ويدق باب الشيخه ليلى .
شيخه : الشيخه شيخه .
ليلى فتحت الباب : حلوه هااي .
شيخه : عادي اتفضل .
ليلى : اقربي.
شيخه : شو تسوييييييين .
ليلى تعابل بالصندوووق : ولا شيء احاول افتحه.
شيخه : ها هههههههه.
ليلى : ليش تضحكين ماقلت شيء يضحك.
شيخه : لا بس تذكرت شيء .
ليلى : شو .
شيخه : امم تذكرين قبل يوم كنّا صغار خالد ميمعنا أنا وأنتي وغيث اوونه يدربنا كاراتييه .
ليلى : ههههههههههه هيه ذكرت وبعدين يوم سوه الامتحان انا فزت ف تضاربت وياه وكسرت ايده اليسار.
شيخه : هيهيهيهيهيه.
ليلى : نياهاهاهاهاهاهاها.
شيخه : هيهيهيهيهيهيه.
ليلى : بسنا سخافه .
شيخه وليلى : هههههههه.
ويلسن يسولفن وليلى اتقألمت وقامت تسوولف.
بس حذال الغرفه ومن برع .
خالد : حمدووووه شو تسوين يالسه تتجسسين.
حمده: اشش خوفتني حمار تعال اسمع وانت ساكت.
خالد : شو اسمع .
حمده : اشش شو تسمع .
خالد: اسمع صوت ليلى وشيخه يرمسون .
حمده : انزيين عجيبه شيخو يالسه ترمس مع ليلو ويضحكون .
خالد : انزيين استغفر الله تبين ترمسين روحي يلسي وياهن.
غيث من وراهم وهو يرمس بصوت عالي : زخيتكم شو تسووون.
حمده : وييييييه .
وتربع حمده ووياها خالد حجرة غيث .
غيث : لا بعد ف حجرتيه .
ليلى ظهرت : بلاك غيثو .
شيخه : انت من الصبح كل ماتتوايه ويا حد تتوايع معاه مستخف.
غيث : حمدوو وخويلد ظهرو بسرعه.
حمده وخالد ظهرو.
حمده : اووه غيثو انت هنيي وانا من الصبح ادورك.
خالد : بعدين منو خويلد .
غيث : انت .
خالد : أنا لا اوكي .
[خالد شلّ غيث من ملابسه ويركض فيه ع الدري ].
غيث : نزلني بطيح نزلني .
ام خالد : خلوود بلاك وشو مسوي ف اخووك.
خالد : ماسويت فيه شيئ بسس ألعب معااه صح غيثو .
ومن ورا ماسكنه من ملابسسه .
غيث : صح صح .
و فوق
حمده : يلا انا بسير حجرتيه .
ليلى : يلا شيخو تعالي.
شيخه : يايه .
شيخه وهي تمشي صوب الكبت فتحته وجافت صندوق كبير.
ليلى : لا شيخو لا تفتحين هالصندوووق.
شيخه : ليش .
ليلى : أسرار خااصة .
شيخه : والله نسيت كل شيء ف حجرتج واستوت مغارة ومتاهه.
ليلى : ....
شيخه : من زمان مايلست فيها ولا حدرتها ولا حتى رمست معاج شو استوا فيج ليلى ليش تغيرتي علينا كلنا وأنا أنا قبل كنتي تقولين لي كل شيء و تيلسين معايه واللحين غير شو استوى.
ليلى : أنا بسير شوي .
شيخه : جوووفي وكل ما ارمسج تشردين.
ليلى : اذا تبيني ايلس وياج وارجع شرات قبل خلاص سكري الموضوع ولا تفتحينه مرة ثانيه لانج جذي تفتحين اوجااعي.
شيخه : اوجاااع أي اوجاع اللي ترمسين عنها.
ليلى : خلاص شيخه انا ابا انسى الموضوع اذا ممكن.
شيخه: ممكن ههههه انزيين شو هالرسمه ليلوو اووه من متى وانتي ترسمين.
ليلى : ههههه سكري عينج يلا لا تجوفين.
شيخه : هههههههههه.
نطت ليلى ع الشبريه وخذت اللوحه وشقتها وفرتها ف الزبالة .
شيخه: ليش حراام واايد حلوه .
ليلى : لا تطنزين حضرتج .
شيخه : لا والله .
ليلى : انزيين .

ف بيت بو ضاعن
مهره: أمايه نحن اللحين ساعدناج و خلاص كل شيء زاهب نحن بنروح فوق نزهب .

ام ضاعن : روحن.
الريم وهي تآآكل : لحظة بيي معاكن.
فاطمه : الله يلوع جبدج لاترمسين والاكل ف حلجج.
عليا: خلصي ولحقينا.
الريم : هيهيهيهيه.
ام ضاعن : هههههه .
الريم : خلصت.
ام ضاعن : اذا ماعليج امر حبيبتي ودي المدخن ف الميلس .
الريم : ان شاء الله.

الظهر ف بيت بو ضاعن
ف الميلس
حارب : اووه بيتنا اشتقت له.
حمدان: ماعرف وين ساير مسافر حضرتك الا هو يوووم.

عند البنات ف الصالة
متيمعات بروحهن ويسولفن .
مهره: تعرفوون منو بيي اليوم.
البنات : منو.
مهره : احم احم.
الريم ضربتها بالخفيف : يلا
مهره : بلاج انزيين بقوول امم عفاري.
فاطمه : اوونه.
ليلى : منو هذي .
مهره: امم مرت اخويه ف المستقبل.
الريم : متشوقة أجوف شكلها.
عليا: شو حلوه .
مهره : هيه ماشاء الله عليها جمال ودلال ومال .
حمده : بسج انزيين كيف شكلها.
مهره: لا طويلة ولا قصيرة متوسطة ف الطوول بس ماشاء الله عليها جد جد حلوه وييه عن أحسدها.
اسما : انزيين كم عمرها .
مهره: خمسة وعشرين سنة ولا دارسه ف فرنسا بعد .
موزة : زين زين.
هند : زين الله يهنيهم.
الكل : آآآمين.

ف سيارة بو سعيد [ فالدرب للعزبه ].
بوسعيد يسووق وأم سعيد يالسة حذاله وناصر و سعيد ورا لان سعيد مايقدر يسووق .
ناصر : أمايه بتيي موزان.
ام سعيد : وااي نصور استح تقول ع أختك جذي .
ناصر : انزيين ادلعها انا جذي .
ام سعيد : هيه بتيي .
ناصر : آهآآ.
سعيد : مادري متى بنوصل ونحن نمشي ع السرعة هذي.
ناصر : افف انا اذا جفت هذا حمدان بكسر رااسه لان كسر ريلك وماتقدر تسوق .
سعيد [ انا اذا جفته ببوس راسه لاني قدرت اجووف د.موزة].
ناصر : أقووول سهيل ماتقدر تسرع .
بو سعيد : ومنو سهيل يالهررم.
ام سعيد: انت واايد اجوفك مطيح الميانه عمري ماجفت حد يزقر ابوووه جذي.
سعيد :ههههههههههه.
بوسعيد خفف السرعه عنااد ف نااصر ويمشي 50.
ناصر : لالالا.
سعيد: انت لسانك يباله قص .
ناصر : شو يعرفني انه بيعاند .
بوسعيد : هيه ارمس زيادة عسب امشي واوقف .
ناصر : لا دخيلك آآسف وحقك عليه .
ام سعيد تتعبث بالراديو وآآخر شيء حطت قناة أغاني.
ام سعيد : سهيل ليش حاط هالاغاني ف سيارتك .
بوسعيد : هههه هذا راديو هو بروحه يظهر يوم تفرينه .
ام سعيد : عيل ليش يوم سألت سعيد هذيج المره قاللي بروحه حاطنه واي شيء يبيه هو اللي يحطيه.
سعيد : هههههه هيه هذيج المره كنت حاط شريط بس أبويه حاط المسجل .
ام سعيد : هيه.
بو سعيد : اسميج هرمه يا مريووم.
ام سعيد : وأنا شوو يعرفني بالخفه اللي تظهر اللحين كل شيء مغير هالزمن.
ناصر : لا و الله مافي شيء متغير والزمن ثابت هو زمن واحد بس الاجيال تختلف والناس اللي تتغير .
سعيد : ههههههههههه .
بو سعيد : صدقه بعد شوو.
ناصر : احم اخذو الحكمه مني .

محمد : يلا مهوووي مع السلامه .
مها : الله يحفظك .
معضد : يلا اركبو لا تسووون فلم هندي.
مها تصيح : انا بيي مابتم روحي.
محمد: تعالي فديتج .

ف بيت بو ضاعن
ف الصالة
وصلت ام عبيد وبناتها وعفرا يالسة ومتيمعات عليها البنات .
عند مهرة ف المطبخ مع ضاعن
مهره : شوو تعال داخل بعد عسب تصدق انها داخل.
ضاعن : تعالي انتي ماقلتي لي شو اسمها.
مهره : عفاري.
ضاعن : هيه .
مهره: شو هيه شكله الاسم هب عايبنك.
ضاعن : يعني شو تبيني اقوول اتمدح من اليوم لباجر.
مهره [ انزيين ماعليه بنجووف يوم بتجوفها شو بتسوي]: كيفك كيفك.
ضاعن: بلاج .
مهره: يلا انا بسير داخل تعال جووف انت بس البنات كلهن متيمعات عندها مسرع ماحبوها.
ضاعن : بسج انزيين سيري.
مهره: هههه يلا جاااو.
ف الصالة
عند البنات
الريم : انزيين وأنتي أختها غزلان .
غزلان : هيه .
الريم : منو الكبيرة فيكن.
غزلان : أنا أكبر منها.
فاطمه : هيه انتن الثلاث خوات.
غزلان : لا هذي هب أختنا مرت أخويه عبيد واسمها خلود.
عليا: هيه ماشاء الله عليكن كلكن حلوات.
غزلان : يلا عن اذنكن برد ع المكالمه.
عفرا: هههههه روحي روحي ردي ع حبيب القلب.
حمده: ليش هي معرسه.
عفرا: لا مخطووبه .
الريم : ياي ع بالي أغني .
هند: هههه صح ريموووه شو سويتي ف الخطه اللي عطيتج اياها.
الريم : اي خطه.
هند : اي خطه ها الخطه اللي .
الريم : هيه بس سكتي بعدين بقولج.
عليا سارت عند هند : أي خطه .
هند : ليش هيه ماسوتها قالت لي ملل قلت لها تسوي فونات وتلعوز الاوادم.
عليا: ههههه هيه سويناها ف حمد .
هند : عيبتكم عيل .
عليا : عليج أفكار خطيره بس حلوه الخطه .
هند: ههه.
نشت هند وسحبت الريم ع صووب.
هند : ريمووو انا ما قلت لج تدقين لحمدان.
الريم: هيه بغيت أدق له بس قلت خل اسويها ف حمود وبعدين بدق لحمدان بسس للأسف خربت علينا خالتج.
هند: افا.
الريم: وبعدين ليش بالذات حمدان.
هند : لان ...امم ..هيه جذي احب العوزه وبعدين بلا اسئلة .
الريم : الكتاب مبين من عنوانه.
هند: ريمووو جب.
الريم : ههههههههههه بلاج جلبتي انا هالمثل يا ع بالي وقلته.
هند: هيه عليه حركاتج.
الريم: وانا بعد اعرف حركاتج .
هند : ههههههههههه هذي اللي بتفضحني بس صخي.
الريم: يعني صح.
هند : شووو صح .
الريم : انّ تــ.........
تقاطعها عليا : عن شو ترمسون.
هند: يالسه اقولها كم نسبتج.
عليا: وييع شو هالطاري.
الريم : جذاابه هندوو.
هند: ريموو سكتي قبضي لسانج اذا كانت عليوو هنيي وسمعتج .
الريم : شوو يعني انا قلت شيء خطأ.
هند : ابد انا اللي اقوول.
الريم : ع بالي ههههههههههه.
هند تغني : ع بالي حبيبي ع بالي حبيبي ...
الريم : زخيتج منو حبيبج ها عرفته عرفته عيل ع بالج ها انزيين اللحين بزقره اذا ع بالج.
اسما: انتي بلاج ملعوزة البنيه حراام عليج شكلج ذالتها ذلّ جوفي شكلها.
هند : هيه والله.
الريم : نياهاهاهاها.

العصر
الكل راح البيت و الاهل روحو العزبة.
ف الطريج ف سيارة حمد واللي كان فيها الريم وفاطمه وسيف.
الريم : حمووود وقف المحطه بسير الحمام.
حمد: يلا ماشي .
الريم: ماعليه بسويها ف سيارتك .
حمد: يا ويلج يا ريموووه لا تسوينها اللحين بوقف.
حمد وقف ف الباركن.
الريم: يلا فطيم تعالي معايه.
حمد : لا مححد بينزل معاج بروحج نزلي.
الريم : لا أخاف انا بيخطفوني.
حمد: ههه انتي تخوفين ولا تخافين .
الريم :لا .
نزلت وضربت الباب بالقو وراحت وهي تسوي مالت.
حمد حرك السيارة ومشى عنها.
سيف : ههههههههه شو تسوي الله يغربلك.
فاطمه: اووويه حرام بتصيح.
حمد: منو ريموووه بتصيح اقص ايدي هذي تصيّح ولا تصيح.
ونزل حمد بعد ما وقف السيارة بعيدة عن المحطه وراح يراقب الريم.
عند الريم
راحت الحمام و بعدين سارت المحطة ويلست تتشرا نص ساعة و ظهرت جافت السيارة هب موجودة فــ الوضع عاادي متعوده هالشيء من حمد ف رجعت مرة ثانيه داخل تتمشى وهي تاكل ويالسه تسولف ويا اللي تحسب لان المحطه فاضيه ف اثنينتهن متمللات يلسن يدقن سوالف .
لا و اللي تشتغل بعد يابت للريم كووفي.
حمد وهو يجوووف من بعيد : ههه غربلج ريموووه انا ادري بها ولا فطوم شو تقول بتصيح.
الريم : هههه الله يقطع سوالفج ههه وبعدين .
العاملة [ نورما ] : بعد انا يسير يضرب ويسوي مووت .
الريم : جتلتيه.
نورما: لا بس هو يتيح ع الارز ودم كلوووه تحت وانا يدووس ع هزا حرامي .
الترجمه [ لا بس هو يطيح ع الارض والدم كله تحته وانا دست ع هالحرامي ].
الريم: لا الشغله خطيره .
حمد: ريمووو اجوفج داقه سوالف ويا الحرمه منو اللي بتسير الحمام.
الريم : والله انا سرت الحمام بس جفت السياره مححد ييت هنيي.

حمد: لا اصلا انا كنت اجوفج انتي ظهرتي من الحمام وع طوول ييتي هنيي وبعد ماخلصتي تشريي يتي تبين تركبين.
الريم: انزيين يلا.
حمد: امشي اجووف.
نورما : ويت .
عطت الريم جالكلسي هديه.
الريم : ثانكس .
وخذت الريم 3 زيادة وظهرت.
حمد: ههههههههه ع كيفج تاخذين .
الريم: هيه تمصلحت وياها وخلاص كل مابيي هنيي باخذ مجانا.
حمد: يصير خير.
ركبت الريم السيارة وعطت فاطمه وسيف وحمد الجالاكسي .

ف سيارة موزة
اسما : موزان مري بنااخذ شيء لهنااك.
موزة : اوكي عليوه وحمدووه نزلن واخذن اذا تبين اسووم نزلي معاهن.
اسما : لا خلاص هن يباخذن.
نزلن عليا وحمده.

ف عزبة بو سعيد
ام سعيد : اقوول سهيل عزبة منو حذالنا .
بو سعيد: عبدالله اللي ماخذ اخت خليفه ومحمد .
ام سعيد: هيه شكلهم اليوم بيون لاني اجووف سيارتين وصلن.
بوسعيد: هذيها بنتج وصلت.

وبعد ما وصل الكل وارتاح .
فاطمه & مهره يتمشون بروحهم
فاطمه: امشي بنسير هنيي ماعرف شو عندهم متيمعين.
مهره: منو .
فاطمه : ابويه وعمي وعمو ومنصور.
مهره: اوكي يلا.

فاطمه : ها شو عندكم متيمعيين.
مهره : بلاهم ساكتين ويجوفون الصور.
منصور : الشياب يالسين يسترجعون ذكرياتهم ويجوفون صور الطفولة.
فاطمه : اووه.
بومنصور : هههههههههه جوفي فاطمه هذا أنا يوم صغير حلو صح.
فاطمه : ههههههههههههههه.
مهره: اووييه عمي هذا أنته ههههههه.
منصور: وليش هنيي كششه.
بوضاعن: هيه ابوك قبل مايمشط شعره جذي مخلنه مهدود اوونه نعيم.
منصور : ههه مبينه النعوومه.
فاطمه وماسكه ف ايدها صورة جماعيه: اذا هذا انت وهذا عمي وهذي عمو آآمنه وهذا يدي وهذي يدووه الله يرحمهم منو هالطويل اللي حاضنتنه عمو .
ام هزاع قامت وهي تصيح.
بو منصور: هذا عمكم الله يرحمه .
مهره : ليش انتو ثلاثة .
فاطمه : خبرني عنه ابوويه.
بومنصور ساكت ومايقدر يرمسس .
بوضاعن : خلاص يا عيال امشو نسير عند الباجين.
سارت مهره وفاطمه
فاطمه : كيف مات .
مهره : مادري اذا ريوم عادتني بس فيني فضووول اعرف السالفه كلها.
الريم : اعتقد اني سمعت اسمي { يلست } اي سالفه .
مهره : اقولها فطوم.
فاطمه : ما اعرف هيه قوليلها خلاص .
الريم مستانسه : شو السالفه .

سيف : شو فيك منصور تفكر.
منصور : مافيني شيء بس .
سيف : بس شوو صح تعال انا اليوم كنت ساير المطبخ ولا اجووف عمو آآمنه يالسه ف زاوية وتصييح تتوقع ليش.
منصور : وانا شو يعرفني .[ قام وظهر ]

الريم : اوونه .
فاطمه : تجوفين هذا الشيء في حد يمزح فييه.
الريم : خلاص انا بجووف شو السالفه وبرد عليكم.
مهره : هيه لا تنسين تخبريني.
الريم : بدت اللقافه .
فاطمه : اصلا هذا هب لقافه هذا حب استطلاع .
الريم : صح صح .
مشت الريم صوب ابوها بس حسته مشغوول ف يلست وحست انه ابوها يرمس مع عمها ولا حاسين بوجودها وهي تسمع وتسمع .
بومنصور: اقولك يا محمد قلبي حاسس.
بوضاعن : استغفر الله انزيين وينهم .
بومنصور: نحن لازم ندور عليهم هم كانو صغار ومايعرفون شيء.
بوضاعن : خلاص ان شاء الله ولا يهمك.
الريم : منو ابوويه .
بومنصور: انتي هنيي ,, من متى .
الريم : من زمان .
بوضاعن : يلا نشو نسير عند الباقين.
الريم نشت وسارت عند مهره وفاطمه
الريم : عرفت شيء ثاني كبير.
مهره متحمسه: شوو ارمسي.
الريم : احم الله يسلمكن عمي الكبير الله يرحمه اسمه خلفان كان يدرس برع وهو تزوج هناك وياب عيال ماعرف كم بس يوم رجع يدي كان هب راضي وقاله انه لا ولده ولايعرفه وهذاك الوقت كانت يدتي متوفيه من زمان بس يدي مات من الغصه والندم ع الرمسه اللي قالها لعمي .
فاطمه : اوييييه وبعدين .
مهره : سكتي انتي خلينا نسمع .
الريم: بعدما اتوفى يدي رجع عمي وهو وزوجته وعياله بس وهو كان ياي البيت سوا حادث وتوفه وحرمته الله يغربلها خذت العيال ورجعت بلادها .
مهره: وابويه وعمي خليفه وين كانو هذاك الوقت .
الريم : كانو صغار بس يذكرون لان ابويه كان عمره 20سنة .
فاطمه : يعني عمي خلفان عمره 25.
مهره: وانتي كيف عرفتي انه اكبر منه بخمس سنوات .
فاطمه : سألت عمي محمد.
مهره : بس في سؤال يدور ف راسي ابا اجابته .
فاطمه : وهو.
مهره : ليش انفتحت هالسالفه بعد هالسنين اللي مرت .
الريم: يالهبله اذا ماتعرفين ريل عمووه عبدالله يستوي ولد عم ابويه وابوج .
مهره: انزيين.
الريم : امم و عبدالله عنده الصور ف عزبته .
فاطمه : خلاص الفليل بنيي هنيي وبنجووف الصور الباجيه.
الريم : وهالايام ابويه ترجع ذاكرته ويتذكر عمي وهو يوصيه ع عياله قبل لا يتوفي.
مهره: بس في حد نااقص منا لان هو يمكن يعرف.
الريم: لا اثنين ناقصين عليووه وحمدووه.
مهره: عليج ذكاء .
فاطمه : خارق .
الريم : اعرف اعرف مايحتااي.
مهره: يلا عيل نخبرهن.
الريم : بسير اخبرهن ايون هنيي.

بومنصور: عيل وين الشباب ماجوفهم .
ضاعن : هه يلعبون ويراكضون .
منصور :ماعندهم غير الركيض.
بوضاعن : ههه ذكرتوني بايام اول.
بوهزاع : اقوول حمود وخلوووف شو رايكم نلعب مع الشباب .
ضاعن ومنصور : هههههههه.
بومنصور : اجوفك عبوود وايد مصغر عمرك.
بوضاعن : هيه والله هب جنه اكبر واحد فينا.
بوهزاع : هيه مبين منو الكبير.
بومنصور : صح مبين.
بوهزاع : والله انا يا حبيبي مايبين عليه الكبر والشيب انا انسان طموح ومثقف و مهتم ف صحتي وبعدني شباب.
بوضاعن : اشك بالاخيره.
منصور: عيل اذا انت شباب نحن شو يهال.
بومنصور: بعدكم يهال ف عينا.
ضاعن : يلا مدام انكم شباب بنجووف منو اللي بيغلب نشو يلا بنلعب طايره.
بومنصور: ف هالحر.
بوهزاع : يلا خلووف لا تظهر اعذار الجو معتدل وبارد يلا نش اصلا اذا كان حر مابتيي هنيي.
بوضاعن : عيل تتحدوون اذا السالفه جذي بنلعب طايره وقدم وسلة.
منصور: لا مانروم ع الطوال نحن مانروم .
بومنصور : قم وانا ابووك خل نراويهم شغلنا يلا حمود.

ف الصوب الثاني
موزة يالسه ف مكان بعييد عن الكل ويالسه تلعب بالرمل ويا محمد [ ولد أختها ].
محمد: خالو موزة ابا اروح الحمام.
موزة : صدق متفيج شو اسوي انزيين.
محمد: ابا ماما.
موزة : سير عند امك محد ماسكك.
محمد: حرااام بسويها ف ملابسي حراام .
.....: هههه قم بوديك الحمام.

نــــــهـايـة الـبـارتــــــــ
توقعاتكم
تتوقعون منو اللي رمسس ف النهآآيه ؟؟
وشو ممكن يسوون البنات الفليل ؟
شو بيسوي بومنصور ليحصل عيال أخووه ؟؟
وبسس
^__^

البارت 22
و انتهى اليوم و ف يوم يديد ف بيت بو ضاعن
ام ضاعن محتشرة : يلا بنات قوومن يلا .
الريم : ليش خالو كم الساعه؟؟
ام ضاعن : الساعه سبع ونص.
الريم : من صدقج خالو بعده وقت ليش مقومتنا من اللحين .
ام ضاعن : قلتلكن انا لا تسهرن بس ماتسمعن الرمسه يلا قوومن .
عليا : اقووول مرت خالي انتي روحي ونحن بعد شوي بنلحقج.
ام ضاعن : قومن لتساعدووني بنات مامنكن فاايده .
فاطمه : خلاص انا قمت يلا .
ام ضاعن : قووومي مهروووه لا اسحب اللحاف عنج.
مهره تغطت بالفراش اكثر.
حمده ناايمه ولا تحس
الريم : انزيين نحن بنام لين ماتظهر فطيم
عليا: هيه يعني كلنا بنحدر مع بعض .
ام ضاعن : ما عليه .
وكالعاده فتحت الدرايش لتضربهن الشمس و سكرت المكيف وفتحت التيلفزيووون وحاشرة عليه.