رواية اماراتيه --كفاية يالغلا كفاية ...... كفاية منك تعذيبي - الصفحة 2

! ĐįƠЯ ƒάṦђịǑη ! · #1 12-08-2011, 01:04 PM

الجزء السادس

بعد مارجع الكل بيته ف بيت بو منصوور
فااطمة : اوووف ملل
منصوور : عندي اقترااح.
الريم : شوووووووووووو
منصوور :شورايكم نسير انحوووط بالسياارة
فااطمة : اقوول منصور ايلس مكانك
منصور : كيفكم
حمد : شو رايكم نسير المول
سيف : يلااا
قام الكل وجهز وركبوا السيارة مع بعض ومنصور اللي يسوووق.
وف الموول
حمد : باااي يا شلتيى حصلت حمداان
سيف : سير لازم ما يعيش بدوونه ولا يفج عنه.
منصوور : ولا يخليه يتنفس.
حمد : يا خي انتو شووو حارنكم .
فاطمة : روووح فديتك الغيرة وماتفعل
حمد : طبعا برووح عيل بجابل هالويوووه (وسار عند حمداان اللي يالس ف ستار بوكس)
منصوور : سيف تعاال معااايي بنروووح هالمحل.
الريم : اقوول منصور شو رايك انت تسير مع سيف وانا وفطوووم بنتمشى.
منصوور : لاا ماشيء يلا عن هالحركات
الريم : اوووووووووف يلا انزيين بنكون اقراب منكم.
سيف : خلااص منصور نحن بندخل المحل وهم يدخلون المحل هذا وبعدين بنترياهم.
منصووور : اممممم اوكي.
فطمة : واه فديتك يا خوويه.
بجانب اخر عند حمد وحمدان وسعيد وناااصر ياي معاااهم ورشووود وولد عمه (شلة المغازلة متيمعه الله يستر ).
الكل : ههههههههه
حمد : لاصج خطيره .
حمدان : هههههههههههههههههااي
فجأة حمداان صابته نوبة من الضحك وقاام يضحك بصوووت عاالي خله الكل ينتبه له (فشلهم )
سعيد : بسم الله شو مستوي لك .
رااشد : حمداان بلاك خوفتنا .
حمدااان : هههههههه شوفو وراكم ههههههههههههههه
الكل صد ورا وبدا يضحك كل واحد فيهم بصووت أعلى من الثاني : ههههههههههههههههههههههههههه
راااشد : ااه يا بطني اااه.
عمر : حليلها العيوز هب هينة يالسة ف ستار بوكس ههههه.
سعيد ما ستوعب السالفة لان مااصد ورا يظن حمداان يستهبل : شوالساالفة .
ناااصر : سعيد احلف انته بس انك ما فهمت هههه .
حمداان : الله خاطريه العوزها.
نااصر : شكلها يالسة بروحها قومو نسير عندها.
سعيد : اخ عليك نصوور شو تسير عندها ايلس مكاانك واعقل.
الكل سوا لسعيد طااف وقاامو وسارو عند العيووزة وبعدين لحقهم سعيد.
حمداان : مرحبا ف ذمتيه ولا يسدن شحاال غرااشيب العين.
العيوز : مرحبا فيك حيااك وليدي انت وربعك اقربو اقربو .
حمد :شو ميلس الغرااشيب روااحهم هني يبون شيء الغالين .
العيوز:لا فديتك ما ابا انت تبا شيء.
رااشد : الا ماخبرتينا شو اللي ميلسنج ف الستار بوكس.
العيووز : لا لا وليدي ماعطيت حد لا صطار ولا بوكس ما يخصني فالاواادم .
نااصر : ههههههااي منو ياب طاري الصطار والبوكس.
العيووز تشاااهق : اما علمتكم الادب ياللي ماتستحوون ياقليلين الادب والمذهب ماعليه اللحين برااويكم.
وقاامت العيووز وساارت عند وااحد لااصق فحرمته وحاضننها.
سعيد : شو بتسوي هاااي .
عمر : يا فشيلتنا .
العيووز وهي ماسكه العصا وتشوط الرياال: فجها فجها اقوولك فجها ياللي ماتستحي ع ويهك لاصق ف الحرمه وانتي يالخاايسة ماترومين اتصفعينه صفعة اترقدينه مكاانه .
حمداان وحمد وراشد وسعيد وعمر وناصر : هههههههههههههههههههههههههههههههههههههههههههههههههه هههههااي.
الرياال : مينونة انتي هااي حرمتي .
العيوووز : وشوو يعني حرمتك هاااااه لاااصق فيها اربع وعشرين ساااعة ويدااام خلق الله اخ عليكم.
الريااال : اووووووف.
العيوووز : وترادد بعد (وتفصخ نعالها وقبل لا تفلعهم الريال وحرمته شردوا ).
الشباب : هههههههههههههههههههههههههه

حمداان : اي بطني والله ماروووم بموووت ههههههههههههه.
عمر : واتقول ما عطيت حد صطار او بوكس.
حمد : حمدااانو اسكت هذي العيوووز ياية لاتقوووم وتكفخك.
سعيد : شووو الغالية فجيتيهم عن بعض.
العيوووز : غربلاتهم مادري وين شرردوا عني.
الكل كاتم الضحكة يداامها عن تقووم وتكفخهم يدااام الناس تسويها والله.
حمداان : شوو رايج يدوووووه نسير نتحوط.
العيوووز : مافيني شدة عظامي تكسرت.
عمر بصووت خفيف : بدا شغل العيايز.
حمداان : افاا ترديني يدووه زعلت .
العيوز : لا والله يا وليدي يخسي اللي يردك وانا موجوودة قوم يداامي.
نااصر : انا بيي معااكم .
عمر : وأنا بعد بيي.
العيوز : يالله.
يلسو سعيد وحمد وراااشد يكملون سوالفهم .
عند منصوور
منصوور : لاعت جبدي اوووف بسكم ما تملوون.
الريم : انت شو حاارنك ابا اعرف غاادي شراات العياايز .
سيف : ع طااري العيايز انا المح حمدان ونصور وواحد معاهم ويا عيوووز ولا انا غلطاان .
منصور : ماشاء الله بعد مع العياايز ههههههه.
الريم لفاطمة: يلا نسير عندهم ابا اعرف السالفة .
فااطمة : اقووول انثبري عن يسمعج منصوور ويعطيج كف تقولين مابا غيره .
الريم : اووووف.
الريم ف خاطرها : ماشاء الله عليه منو اللي معاهم لايكون نصووور بس وااه فديته محلو من زماااان ما شفته .
ملاحظة : الريم من يوم وهي صغيرة كله تلعب مع نااصر لان ابووه كان ايي بيت بو منصور للشغل واييب ناصر معااه وهو يلعب مع الريم.
اصلا الريم تحب تلعب وتييلس مع الاولاد.
ف بيت محمد بو ضاعن
مهرة : والله ملل حااارب اوووف .
حاارب :انزيين شو تبيني اسوي ليج اوووف طفرتيبي تراااج ما تخلين الواحد يدرس.
مهرة : خوز لاه اللحين عاطينا اجااازة لنترتااح وانت قابض الكتااب وياالس تذاااكر معقد .
حااارب : اللحين اللي يدرس استوى معقد سكتي ماشاء الله عليج يالسة تتفلسفين علي جوفي عمرج بعدين تعالي تفلسفي .
مهرة سكتت لانها تعرف عمرها اكثر من هالحاله بس هالمرة هب متفيجة تسوي اي شيء.
نرجع عند حمدااان ويه غرشووبته.
العيوووز : ياربي من هالناااس صج لا من مذهب ولامن مستحا كل وااحد لاصق فالثاانية وهي مستانسة اخ عليهم.
ناااصر : اقووول يدوووه جوفي هناااك شو رايج تصفعين هذاك يالس ويا حبيبته.
عمر : اقوول نصور اجووف السالفة عيبتك تخليها تصفع خلق الله اللحين بيفرونا برع.
العيوووز : اووويه اللحين انا يالسة ومضى الوقت ونسيت بنتي ف المكاان اللي كنا فيه .
حمداان : شو عندج بنت .
العيوووز : لاا بنت ولدي ومثل بنتي فديتها.
حمداان : اهاا يلا عيل خل نردج.
وردو والعيوووز لقت حفيدتها يالسة تصيح .
البنية : وااا فديتج يدوو وين سرتي خليتيني ادورج .
العيوووز : بس يالغالية لا تصيحين انا كنت اتمشى .
البنية وهي تمسح دموعها : هههه يدو تتمشين مع منو.
العيووز : مع اللي ورااج ما قصرو يلسوا معاااي جوفي مريم ورااج.
مريم صدت ور والتقت عينها بعين عمر ويالسين يطالعون بعض
مريم بخاطرها :واااي يهبل .
عمر بخااطره :ماشاء الله عليها ربي يحفظها عليها جماال .
حمدااان ونااصر بصراااخ : عمرررر.
عمر : بسم الله شوفيكم يالسين تصارخون صميتو اذني .
ناااصر : شو نسوي لك يوم انك ماتسمع .
مريم في خاطرها :بعد اسمه عمر حلات الاسم عليك.
العيووز : مريوووم يلا امشي يدااامي.
مريووم بدلع: انززين امي عووشة بابا تحت ينتظر.
اليدة : يلا سيري وانا وراج.
سارت اليدة ويلست تسوولف مع حمداان وناااصر اما عمر كان يلحق مريم بدووون ما تحس وجافها واقفة وتسووولف مع وحدة .
الريم : مريييييييييييوم حبيبتي انتي هنيي.
مريم : ريمووه حياتي شو تسووين بروحج .
الريم : لا انا ييت مع اخويه .
مريم : اهاا يلا عيل انا بخليج .
الريم : اوك بااااي.
مريم : باااي.
عمر واقف ف مكاانه عيل اسمهااا مريم فديت هالاسم ورااعيه.
وبعدين انتبه وما لحق لانها اختفت عن نظره.
بيت بوخالد
ف المطبخ
ليلى : اللحين شيخو انتي شو تسوين من الصبح يالسة اهني تعفسين.
شيخة : من الصبح اونه بعدين انا ع الاقل احسن منج ...
طالعوا سارت وخلتني بروحي.
نروح عند غيث
يالس ف الحجرة ملااان وقف وسار صوب الدريشة : انا مستغرب شو فيها هالبنية كل يوم ميلسه ف الحديقة وتكتب ما تمل كل ما ايي اجوفها يالسة هني متى تناام ومتى تاااكل .
من كثر الملل يالس غيث ويرااقبها ويجووفها واايد مندمجة ف الاورااق اللي يدامها .
سيف : هههه يعني انا ليش مهتم جذي يمكن يالسة تدرس.
كمل مرااقبته غيث , خل نسير عند البنية شوووي.
مثااايل : اوووووووووف تعبت من كثر الدراااسة لاعت جبدي .
رفعت مثاايل راسها لتتنفس الجو البارد شوي والتقت عينها بعين غيث بين نسماات الهوااء والجو بارد والهوااء يغير مساره لاتجاهه وشعرها يتطاير ناحيته ويغطي ع عينها وتبدأ قطرات المطر بالنزووول عليها لتخفف توترها وخوفها وتمت واقفة تقريبا نص ساعة وبعدين انتبهت خذت كتبها وأورااقها وطلع أخوها سيف .
سيف : مثااايل ليش واقفة برع ماتجوفين قامت السماء تمطر يلا وصختي ملابسج وكتبج .
مثاايل بتوتر : هااا ان شاء الله اللحين بدخل .
أما غيث مثل الصاعقة يت فويهه .

نرجع لمثايل وهي داخله البيت وملابسها خرسانة ماااي وبرداانة ويالسة تنتفض.
بو سيف : مثايل شو فيج حبيبتي تنتفضين سيري بدلي ملابسج كلها ماااي.
مثاايل : هاا انزيين انزيين.وسارت فووق
بو سيف : شو فيها هالبنية سرحاانة .
علي وهو طالع من غرفته : مثايل تعالي لعبي معايه .
مثايل بلطف: اوكي فديتك بس ثواني وراجعه ببدل ملابسي.
علي بابتسامة : اوكي.
خلوني اعرفكم ع عايلة بو سيف جيران بو خالد.
بوسيف (محمد): عمره 38 سنة يشتغل مهندس معماري ويحب عياله واايد ودايما يعطي عياله المجال والفرصة لابداع موهبة والاكتشاف.
سيف : عمره 21 سنة ويحب اخووه واخته واايد ودايما يحااول يخليهم فرحانين.
مثاايل : بنت حبوبة وطيوبة بس دايما تييلس بروحها ودايما كتبها في ايدها وتموووت ف الدراسه وعندها طموح انها تستوي دكتورة جرااحة وعمرها 14 سنة وشطووووورة وتفوقة ف الدراسة والحياة واحلى شيء فيها شعرها اللي يوصل لركبها وداايما يكوون مفتووح ولووونه بني غاامج وحاطه تقوييم بنفسجي خخ .
علي : أصغر واحد فيهم عمره 6 سنواات ويحب يدته واايد.

طبعا امهم ماتت وعمر علي كان 3سنواات واهتمت ف العياال اليدة وبوسيف واليد ,طبعا اليد ابو سلطان .
بو محمد اليد :طيب ودومه طايح ف العزبة ويحب يسعد أحفاده بأي طريقة .
اليدة أم محمد : حنونة وطيبة واايد وتحسس احفادها انه مافي شيء ناقصهم وتحااول تشل الالم عنهم وغياب أمهم .

اتمنى تعجبكم العايلة اليديدة واترقب الردود مثل ترقبكم للبارت وانتظر توقعاتكم .
__DEFINE_LIKE_SHARE__

! ĐįƠЯ ƒάṦђịǑη ! · 12-19-2011, 01:19 AM

البارت 11

ف بيت بو منصور (ف الصالة)
منصور : ريوم ليش يالسة سيري نامي باجر بتروحين المدرسة .
الريم: ما بسيرعطونا الجداول ليش اسير.
حمد بنذالة: يلا ماشي بتسيرين يلا روحي نامي .
الريم تطالعه بطرف عينها وسارت غرفتها.
سيف: ههههههههههههه.
حمد : وانت شو تسوي هنيي يلا سير نام يلا .
سيف قام وسار عند فاطمة ف الغرفة
منصور: هههههه شو اللحين دوري .
حمد: لا يا حبيبي انت ايلس مكانك لا تتحرك انا اللي بروح .
وطلع بسرعة من الصالة وسكر الليت ع منصور .

عند سيف وفاطمة
دخل سيف: شو تسوين يا حلوة .
فاطمة ابتسمت : ما سوي شيء بس كنت ارمس مهرة.
سيف بلقافة:آهآآ شو تقولون .
فاطمة: هههههه عادتك ريوم ,قالت لي انّ ضاعن وصل من فرنسا.
سيف: والله.
فاطمة: ومنصور اللي يايبنه.
سيف: هههههه كنت ....حاس انّ منصور مسوي شيء محد يعرفه.
فاطمة: بس لا تخبر حد اوكي.
سيف: انّ شاء الله يلا تصبحين ع خير.
فاطمة: وانت من اهله.

ف بيت بو ضاعن
مهرة : لا تنسين والله بتستانس .
اسما: اوكي اوكي وخلي تجهيزاتها عليه .
مهرة: يلا جذي رتبنا واتفقنا قولي لبقية الاعضاء انا خبرت فطوم وهي اكيد بتخبر ريوم .
اسما: يلا باي.

عند اسما بعد ما سكرت عن مهرة
اسما: موزان.... موااز .....الموز.
موزة: شو فيج تصارخين انا هني .
اسما: ههههه انزيين سمعي ..........

ف بيت بو ضاعن
ضاعن وام ضاعن ف الصالة
ام ضاعن : جوف يا ضاعن ان شاء الله باجر معزوم الكل ع رجعتك بالسلامة وبعد العزيمه انا بدور لك ع وحده ان شاء الله تيوز لك ابا افرح فيك ابا اجوفك عيالك قبل لام اموت مايستوي عااد خلاص كبرت انت وكبرنا نحن .
ضاعن: يامي انا مابا اتزوج تعرفيني انا مااحب شيء اسمه زوااج انا الحين ابا اهتم ف مستقبلي.

ام ضاعن: والزواج هب مستقبل .
ضاعن: استغفر الله انا اقصد مستقبلي المهني .
ام ضاعن سكتت وبانت الدموع اللي ف عينها تطيح بغزارة.
ضاعن: الحين انتي ليش تصيحين انا مابا اتزوج زوجي حمدان اذا تبين تفرحين مافي فرق .
ام ضاعن : كيف مافي فرق وهو الاصغر عنك انا ابا افرح فيك لأنك الاكبر شرات فرحتي بولادتك.
ضاعن: الله كريم .........بفكر.

وف اليوم الثاني
ف بيت بو فهد
الظهر الساعة 2:30
مهرة وحمده وخواتها ف غرفة هند
ف الصالة
ام ضاعن: وانا اقول ليش يوم اتصلت عليج مارديتي .
ام فهد: نسيته ف البيت والله تعرفين بعد كل شيء بسرعة .
ام خالد: المهم الحمدلله ع السلامه.
فهد وهو داخل الصاله : ماشاء الله السالفه ماخلصت ترا السالفة بسيطه ماتسوى .
ام فهد تضحك .
ام ضاعن: بسم الله شو صابج .
ام فهد: ضحكني فهد هههه مايدري بالسوا اللي مسستوي من وراه.
فهد: شو مستوي .
ام فهد: تعرف ان هند كانت رافضه ابوك يسوي عزيمه , بس ماتعرف كيف اقتنعت بهالسرعه وغيرت رايها.
فهد: انزيين كيف .
يلست ام فهد تقول حق فهد السالفة وان بوفهد اقنع هند عسب تقهر فهد .
فهد: ماشاء الله اللحين لو انا ضحيت بعمري وساير انقذها وهي جذي تجازيني مسودة الويه هب احسن اذا خليتها عسب اجوف منو للي بينقذها .
ام ضاعن: ههههه السالفه ماتسوى بلاكم غديتو يهال .
فهد : ماعليه خالو اللحين براويها هندو .
__DEFINE_LIKE_SHARE__

! ĐįƠЯ ƒάṦђịǑη ! · 12-19-2011, 01:21 AM

عند الشباب
الساعة 10:30 الليل
ف السيارة
حمد +حمدان+سعيد+راشد+عمر+ناصر
ناصر: ياخي اغانيك تلوع الجبد .
سعيد: عيل الشيخ شو تبا .
ناصر : ابا ابا اممم خل افكر .
حمدان : اقولك خوز شوي .
حط حمدان اغنية حلالي حلالك منصور زايد وطول ع الصوت طبعا ماشاء الله مايحتاي اقول السماعات شوي وتنفجر من علا الصوت والسماعات كل وحده اكبر من الثانيه والسرعه 140 ماشاء الله الشارع فاضي ودريشة السيارة مقتوحه .
حمد: اللحين احسن تسلم حمداني .
حمدان: سعود اول مرة اعرف انك خطير .
سعيد: اعيبك انا جوف شو بسوي .
ناصر : الله يستر

ام ضاعن: ههههه السالفه ماتسوى بلاكم غديتو يهال .

فهد : ماعليه خالو اللحين براويها هندو .
..
عند الشباب
الساعة 10:30 الليل
ف السيارة
حمد +حمدان+سعيد+راشد+عمر+ناصر
ناصر: ياخي اغانيك تلوع الجبد .
سعيد: عيل الشيخ شو تبا .
ناصر : ابا ابا اممم خل افكر .
حمدان : اقولك خوز شوي .
حط حمدان اغنية حلالي حلالك منصور زايد وطول ع الصوت طبعا ماشاء الله مايحتاي اقول السماعات شوي وتنفجر من علا الصوت والسماعات كل وحده اكبر من الثانيه والسرعه 140 ماشاء الله الشارع فاضي ودرايش السيارة مفتوحه .
حمد: اللحين احسن تسلم حمداني .
حمدان: سعود اول مرة اعرف انك خطير .
سعيد: اعيبك انا جوف شو بسوي .
ناصر : الله يستر .
سعيد : بلاك زغت ها تراني ما بسوي شيء .
ناصر: هب زايغ بس انت اللي يركب معاك يتشهد ع عمره.
سعيد: كككك المطلوب يعني اضحك.
ناصر: ما قلت لك اضحك .
حمد: بس اخ عليكم يهال.

نرجع عند بو منصور اللي يالس ف المكتب
خليفه : آآمر يا أخويه.
خلفان : اسمع يا خليفه زين انا اليوم او باجر بموت وانت ..
خليفه يقاطعه: بسم الله عليك يا اخوويه شو هالرمسه ان شاء الله بتعيش وبتكمل حياتك وبتتزوج وبتجوف عيالك وعيال عيالك و...
خلفان: اسكت يا خلوف اسكت مادريت بالغيب.
خليفه : .................
خلفان : انا ابا اوصيك ع عيالي ياخليفه امانه برقبتك انت ومحمد وانا ابا اموت واكون مرتاح .
خليفه: بعد عمر طويل يا خلفون ما قلت لي من عيالك.
خلفان : آآآآآه كيف برتاح وانا ابويه غاضب عليه وهب راضي كيييف .
خليفه : لا تقول ها.......
يقطع رمسة خليفه صوت الجهاز ويدخلون الدكاتره مسرعين ويظهرونه برا.
وبعد خمس دقايق يظهر الدكتور وهو منزل راسه .
خليفه وهو يمسح دمعته اللي تخونه : ها يا دكتور طمني شو اخبار خلفان شو صابه أخويه.
الدكتور: استغفر ربك يا خليفه انت انسان مؤمن بالقدر ان كان خير او شر خل ايمانك بربك قوي وادع له بالمغفرة والرحمه ....عظم الله اجرك .
بومنصور : شووووووووووو.
ويرجع للواقع وهو يجوف منصور يهز جتوفه.
منصور: ابوييه ابوويه انت بخير شو فيك ارمس.
بو منصور: ها ....لا لا بس اتذكرت شيء .
منصور: انزيين من الصبح وانا ارمسك وانت مسوي لي طاف .
بومنصور ساكت وخل الدمعه تشرح ضرووفه.
منصور فتح عينه وف خاطره : بلاه ابويه شو فيه بس اخاف شيء مستوي له انا اول مره اجوف دمعته لالا الموضوع كبير (وظهر خاري).
ف بيت بو فهد
ف المطبخ
هند : اوووف شو تبا انت اللحين.
فهد :ما ابا اقولج شيء بس بغيت اقول لج حمدلله ع السلامه.
هند: الله يسلمك تسخف يعني قول شو تبا يا فهد اعرفك زين تبا تقول شيء فهد: هيه بغيت اقولج ان مسرع اقتنعتي يسوي ابووويه العزيمه.
هند (اوووف بدينا اللحين لين باجر ما بنخلص ): هاا
فهد : اعرف حركاتج ياهندووه ليش وافقتي عسب تقهريني.
هند : منو مجذب عليك .
فهد : امايه اللحين تجذب عليه .
هند: هاا.
فهد: شو فيج انتي كل ما قلت شيء قلتي هاا من قال ها سمع .
هند : وااي فهوودي لا يكون زعلت انت بعد .
فهد وهو يبتسم : لالالالالا انا ازعل من حبيبتي هنوده .
هند فاتحه حلجها وعينها.
فهد : ههههههههههه بلاج انا بسامحج بس بشرط .
هند: شو .
فهد : نياهااا تعالي بقولج .

عند الحريم
ام ضاعن :يلا برخصتكن بروح البيت .
ام فهد: بعده الوقت يلسي شوي .
ام ضاعن : ما عليه يام فهد بجوفج ف البيت هب تقولين فيني رقاااد.
ام فهد : هههههه ان شاء الله .
ام ضاعن : وانتي بعد يام خالد ما يبالي اعزمج انتي منا وفينا .
ام خالد: اكيد حبيبتي بس انا الييووم واايد مشغوله خليها مرة ثانية .

ف بيت بو منصور
ام منصور : شو فيك منصور مبهت ف شو تفكر .
منصور : مافيني شيء .
الريم وهي ظاهره من المطبخ: ف شو ترمسون .
منصور: وهذي انتي ماعندج ادب بس اول ما تشم ريحه رمسه تنط .
الريم: وانت ليش حار عمرك تغار.
منصور: حشى عليه واغار من منو يحظي من هالشيفه اللي عندها وقت تحش وترمس وتااكل بس ماعندها وقت تمشط شعرها سيري امي زيغتيني الفليل ما اقدر انام.

ام منصور ماقدرت تمسك عمرها لان منصور يقول الصدق الريم توها ناشه من الرقاد وع طول سارت المطبخ : ههههههههههه.
الريم بقهر: انت جفت عمرك ف المنظره سير ابويه جوف عينك كيف منتفخه من قلة النوم وتقولي انا بعد ,, زفت (وشرررررررده فوق )
__DEFINE_LIKE_SHARE__

! ĐįƠЯ ƒάṦђịǑη ! · 12-19-2011, 01:21 AM

البارت 12
ف بيت بو هزاع
موزة: يلا خلصتن عن نتاخر بسسرعه .
عليا : اوووف ليش انتي نحيسه جذي ها .
موزة : يلا عن الرمسه الزايده وركبي السيارة لا افلعج بالشنطه .
اسما: اوووه موزووه ظهر لج لسان من متى .
موزة: صخي انتي الثانيه .
عليا: بلاج اليوم تتوايعيين معانا.
موزة: وقسما بالله بتصفعين يا عليوووووووه .
ظهرت ام هزاع من الفله : اخ عليكن استحن شوي يالسات تباغمن ف الحوي عن يسمعون الييران بس ركبي موزة .
موزة: حمدووه وين .
حمده : وصلت درب درب .

ف بيت بو منصور
ف غرفة الريم
الريم : اقووول مريووووووم خلاص من باجر بنبدأ اوكي .
مريم : خلاص فديتج باجر نتلاقى .
فاطمه : ريووم وين امايه .

الريم : تعالي .
فاطمة جربت منها : وين .
الريم : ف جيبي .
فاطمة بقهرر : تستهبلين حضرتج .

ف بيت بو فهد
عند حووض السباحه
فهد: يلا فتحي عينج .
هند : انزيييين .
....

طبعا الشباب اللحين واقفين عند الاشاره
حمدان: اليوم الجو رهيب .
عمر: رشووود بلاك تخبلت شو تسوي ههههههههه.
راشد: ماتجوفني يعني يالس اسوي للرياال بااي .
عمر : تستهبل .
راشد : اتصدق عموور انا ف خاطري اركب هالدرااجه .
عمر: افاا ماخبرتني انّ في شي ف خاطرك قم يلا بشتريلك وحده.
ناصر : لا يتناجى اثنان دون الثالث .
نزل راشد من السياره ومشى لدراجه .
سعيد: بلاه هذا ليش نزل ؟؟؟؟؟
عمر : هههههه مادري .
ناصر : شو السالفه .
عمر: جوف وبتعرف .

هند: لالالالا الله يخليك فهد خووز ههههههههه .
فهد: لا ما با تعرفين شو بسوي اللحين .
هند بخووف : شو .
فهد :شو رايج افرج داخل الحووض ونجوووف منو اللي بيظهرج
هند : ههههههه ليش منقهر انزيين .
فهد : هب منقهر بس انتي اونج عاد بتقهريني يوم بتسويين جذي.
هند تقهره : ههههههههه اد ايييش انت غيوور يا خيو .
فهد منقهر لانها تضحك : انزيين .
فرها و اوونه راح بس قبل ما تطيح مسكها .
هند: واااي الله ياخذ ابليسك يا فهود طيحت قلبي .
فهد : نياهاهاها.

ف وسط الشارع
راشد : السلام عليكم .
.....: وعليكم السلام .
.............
حمد: سعيييد ترا الاشاره مخضره من زماان .
سعيد وهو يحرك السياره : اووه .
حمد: اهنيي شارع عام ومايستوي توقف .
سعيد : لا ابوويه عيل خلوو راشد برووحه .
عمر: هههههههه.
ناصر : انت بلاك تضحك من الصبح .
حمدان : ترا انا اشك فيه مسوي ف الولد شيء .
سعيد وحمد: ههههههههههههههههه آآه يا بطني هههههههه.
حمدان : بلاكم
حمد: والله مادري شو ف الولد .
سعيد: جوف رشووود ههههههه راكب الدراجه وميلس الولد وراه .
الشباب : هههههههههههه

ف بيت بو فهد
فهد: اووويه هندووه البيت فاضي .
هند: اتصل لابويه يمكن ظهر من البيت هو وأمايه .
......
هند: لحظه صح اميه قالت انها بتظهر مع ابويه ونحن نلحقهم .
فهد: يلا عيل .
__DEFINE_LIKE_SHARE__

! ĐįƠЯ ƒάṦђịǑη ! · 12-19-2011, 01:22 AM

البارت 13
ف بيت بو ضاعن
ف الصاله
صوب البنات
فاطمه : حمده تعالي شوي.
عليا: بدينا بالحركات .
فاطمه: لوتبين تعالي انتي بعد .
الريم: وانا ماتبوني ف حايه .
فاطمه : لا فديتج يلسي مكانج .
مهره: ماشاءالله فطووم فاتحه لها شعبيه هذاك الصوب .
عليا وهي تطالع الريم : حياج ,وبصوت شبه اعلى , اللي بيي حياه بس فوق 17 سنة وتحت ماشي يلا .
الريم : انزيين شو يعني انا اسير ايلس عند عمو ابرك لي .
اسما: انزيين بس لا تتليقفين بس سمعي .
البنات : ههههههههههه.
الريم : مالت .

عند الرياييل
صوب الشباب
منصور: ليش تأخرتو .
حمد: زحمه.
ضاعن : ها شباب شحالكم .
الكل: تمام .
ضاعن يأشر ع حمد وحمدان : انتو الاثنين قربو .
حمد وحمدان يلسو حذال ضاعن وهو ف الوسط
ضاعن : انتو الاثنين ودرتو سوالفكم ولا بعدكم .
حمد وحمدان بمكر : اي سوالف .
ضاعن : اي سوالف علينا هالحركات .
حمد وحمدان : !!!!
رن فون حمد
علىفكرةعلىفكرةترى قلبي ملكتأمرة

ملكت احساسي وروحيوعقلي شاغلن فكرة
حبيبييانظر عيني منايه وبهجة سنيني
تجمل لاتخليني وانا في داخلي جمرة

لقاك يعالج اعواقي وتجنح صوبكاشواقي
كنك بين الاحداقيملاذ الحب ع الفطرة
كلامكمنوة ايامي وقربك ثمت احلامي
ويروري قلبي الضامي ويهدي للغلا زهرة

اذا تخطر على بالي خفوقي فزفالحالي
اريدك تعرف احواليوتعرف حبك وقدرة
اذا تناديانا ألبيك انا لبيه ياقلبي
تفضل عيش في قربي ولا تحرمني النظرة
ضاعن : منو لا يكون اللي ف بالي .
منصور: لا عاد ما توصل لهني انا مسنعنهم هذي الوصيه قبل لا تسافر .
ضاعن : زين عيل رد حمود .
حمد : هلا والله فديت هالصوت انا.
الريم : !!!!
حمد : شحالج فديتج .
الريم تحب هالسوالف وعرفت قصده انه يبا يستهبل عاد اهنيي ماصدقت دقتها سوالف : تمام والله ومن صوبك .
حمد !!!!! : يسرج الحال ,, ها قلبي شو بغيتي داقه آآآمري .
الريم : امايه تقول تعال تباك شوي .
حمد : حاضر من عيوني دقايق واكون عندج .
الريم : يلا لالا تتأخر.
حمد : بسرعه البرق .
حمد : يلا برخصتكم (وطيراان برااا )
الكل : !!!!!!!!! .
وبعد 5 دقايق فهمها حمدان .
الكل ساكت من الشباب لان الشبيبه مايدرون شو السالفه
ضاعن كان ياي يرمس بس وقفه صوت المسج اللي وصله من حمد وكان يقراه وهو مبتسم ( حمدان شو رايك تعطي منصور كم درس وتظهر انا ف الحوي اترياك ).
بعد كم دقيقه
بحر الشوق لطامي
لجلج موجه الطامي
لو بالدامن آخاير
قطع شرع الأولامي

.............
حمدان : هلا والله بشيخه المزايين .
مهرة مستغربه اول مره يرمسها حمدان بهالطريقه فهي من النوع الخجول ,, ف من الخوف ماعرفت شو تسوي غير انها تسكر الفون ف ويهه ...
حمدان : !!!!!
من الفشله ماحب يفشل عمره يدامهم ف ماعرف غير انه يرمس عمره .
حمدان : لالا .....وين ......خلاص فديتج ثواني ..........اقول هنود شورايج اللحين ........خلاص عيل .
وظهر من الميلس بسرعه
حمدان وهو ساير للسياره ف خاطره : معقوله يعني وليش هالاسم بالذات آآآه يا هنوده اوووف خلاص انا حاس انها تعرف كل شيء بس هيه واايد غاامضه ........هيه انا لازم اودر هالعاده اللي مامنها فايده شو مستفيد يعني من ورا هالسوات انا غير السمعه الخايسه وواستغفر الله الحمدلله اني عرفت الصح بس كيف اثبت لهند اني احبها وما اجذب عليها .
راح حمدان ف سيارته وهو سرحان وخلا حمد واقف .
حمد : بلاه هذا اقوله اني ف الحوي يودرني ويمشى ..ظهّر فونه ودق لحمدان : حوووه وين ارضك يالهرم انا ماقلت لك اني ف الحوي .
حمدان : اوووه اسمحلي حموود والله نسيت ع العموم انا راجع اللحين .
حمد: مايندرى ف شو كنت تفكر يالداهيه .
حمدان يضيع السالفه : الله يعينا ع ضاعن بيهزبنا .
حمد : صدقك .

عند البنات حدرت هند الصاله وسلمت ع الكل وراحت يلست عند الريم : بلاج ريوووم ميلسه برووحج .
الريم : شو اسوي محد يباني .
هند : افاا ومنو اللي ما يخيل ما يباج .
الريم : اللي وراج .
هند وهي مبتسمه : قومي وياي .
الريم : ادريبج يام الخطط .
هند: ههههههههههه .

حارب :اقول عيسى انا اللحين بييب لك الدفتر تعال داخل انت .
عيسى : لالا ابويه بيتكم مترووس وانا استحي .
حارب : ههههههه حرام عليك انت تخيل .
عيسى : نعم .
حارب : اسفين انزيين تعال المطبخ وياي .
عيسى : اووف يلا .
حارب يدق لمهره : الو ...هيه اباج تسيرين حجرتي بتحصلين ع الطاولة اللي صوب الدريشه دفتر اخضر هاتيه .
حارب : اوووه صح نسيت شيء عيسى تريا شوي انا بسير وبيي ما بتأخر .
عيسى : انزيين .

مهره وهي سايره حجره حارب : اقوول حمدووه وين سايره .
حمده : المطبخ والله ان ريجي نشف من كثر الضحك .
مهره : هههههههههههه .
كملت مهره دربها
حمده وهي تمشي للمطبخ : اووف ما اعتقد حد ف المطبخ فصخت الشيله وكملت .
حدرت المطبخ وصبت الماي وشربته وهي مستانسه لانها سدت العطش حتى من كثر ما كانت عطشانه يلست تشرب الماي وهي تظهر صوت يضحك وتضحك ع عمرها ولكن وقفها صوت شخص كان واقف وراها يضحك وف نفس الوقت منصدم من شكلها الطفولي .
حمده من الخوف طاح الكوب من ايدها وركضت داخل ولكن بمسافه جريبه شوي من المطبخ لقت مهره ف ويهها يايتنها ركض .
مهره ( اوووه نسيت اخبرج حمدووه ) : شو فيج تصارخين وشو انكسر .
حمده شوي وبتصييح : ها ..جفت قطوه تراني تعرفين اخاف من القطاوه .
مهره (حمدلله ): اها .

نرجع ف المطبخ عند عيسى اللي ميت من الضحك بعد ما سمع الحوار اللي دار بين مهره وعليا بدون قصد .
ظهر من المطبخ .
حارب : وين ساير تعال بعطيك الدفتر.
عيسى : ما عليه مره ثانيه لان ظهرت حايه ضروريه .
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بس حرام كفاية كدا	محروم.كوم	منتدى أخبار المواقع والمنتديات العربية والأجنبية	0	08-28-2010 05:10 PM
كفاية ارجوكم	محروم.كوم	منتدى أخبار المواقع والمنتديات العربية والأجنبية	0	06-01-2010 03:40 AM
كفاية لا تزودها	محروم.كوم	منتدى أخبار المواقع والمنتديات العربية والأجنبية	0	04-24-2010 11:20 PM
كفاية بدع - كفاية ذنوب - الرد على مصطفى حسنى - للشيخ أيمن صيدح	محروم.كوم	منتدى أخبار المواقع والمنتديات العربية والأجنبية	0	07-06-2009 02:20 AM
كفاية جرح	mis 3soola	الشعر المنقول	12	08-14-2008 04:02 PM