رواية اماراتيه --كفاية يالغلا كفاية ...... كفاية منك تعذيبي - الصفحة 3

! ĐįƠЯ ƒάṦђịǑη ! · #1 12-19-2011, 01:23 AM

البارت 14
الصبح
ف بيت بو ضاعن
الحديقه
ضاعن: خلاص يا امي والله تعبت انا متى ما بغيت بقولج .
ام ضاعن : انا ما يخصني انا خلاص قلت للحرمه .
ضاعن: ماشاءالله ومن متى .

ام ضاعن : انا اصلا مسويه كل شيء من زمان من يوم انت ف فرنسا ومزهبه البنت وخلاص لا تعور راسي.
ضاعن بانفعال: عيل ليش يايه تقولين لي يوم انج مسويه كل شيء
ام ضاعن : وازيدك ترا البنت جم مره خطبووها وهي وقفت لتخلص دراستك وترجع والبنت هب ناقصه شيء عسب ترفضها.
ضاعن : ..........
راحت ام ضاعن داخل وخلت ضاعت بروحه ف دوامه من الافكار.

ف المطار
...1..: حمدلله ع السلامه وصلتن عيل .
.....2..:الله يسلمك الغالي بس اخووك طفر بي الصراحه توووبه اروح معاه مرة ثانيه .
....3..: لا والله عيل انا هب اخووج يعني .
..2..: امزح فديت قلبك انت يلا طوف يدامي .
..1..: هههههههههه .

ف بيت بومنصور
حمد : ريمووه يلا جابلي لج كتاب ترا الامتحانات ع الابواب .
الريم: قووول والله فديتها (وقفت وسارت صوب الباب وفتحته )شو هالجذب حمووود محد عند الباب .
سيف نقع عليهم : هههههههههههه.
حمد :يلا بلا مصااخه فوووق (وبصوت اعلى ) بسسسرعه .
الريم : الشيخ ترا انا مايحتاي تقولي كل دقيقه ترا اعرف عمري وانا اعرف انه عندي امتحانات ولا تسوي عمرك اوونك مهتم .
حمد : زييين يوم اعترفتي اني الشيخ .
الريم : منو مجذب عليك وقايل لك اني اقصد الشيخ اللي هو الشيخ .
حمد: عيل .
الريم: الشيخ اللي هو العيوز اللي كبير ف السسسن .
حمد : ههه مايضحك ترا .
الريم : حمار.
حمد وسييف : ريلج واكككككك.
الريم : يلا ريلي ما ارضى عليه .
سيف : شو قله الادب هذي استحي ع ويهج .
حمد: عطني سواف كرتون الكلينكس لا ادفنها هنيي مسوده الويه .
الريم وهي فووق : حريمكم الحمير يا البعير .
منصور وهو داخل الصاله : واكككككك عطوهم والله .
حمد وسيف بنضره

ف بيت بو خالد
شيخه ف غرفتها يالسه تدرس من الصبح ومجابله الكتاب اربع وعشرين ساعه .
خالد وهو يمشي ف الممر وقف صوب حجره ليلى وسمعها ترمس عمرها ف حدر الحجره بهدووء .
ليلى بصوت واطي : جذااابه اووف شو اقول بس .
خالد : منو بس .
ليلى : بسم الله الرحمن الرحيم من متى واقف الشيخ هنيي.
خالد: توني حدرت الحجره .
ليلى : اهآآ .
وبغت تظهر بس مسكها خالد
خالد : ليلى شو فيج ليش جذي انتي قبل ما كنتي جذي .
ليلى : ما ادري .
خالد: لا عيل يدي يعرف ... اسمعي ليلى اللي تسوينه ف عمرج هب زيين ..لمتى بتميين جذي ..انا متأكد انّ وراء هالاسلوب اللي تتعاملين فيه مع الكل سالفه ولا تخصج .
ليلى تنهدت : .......
خالد : صدقيني وراء هالتهنيده شيء صح .
ليلى بصوت خفيف : هيه.
خالد : جوفي متى ما حبيتي تقولين لي تعالي وانا اقولج من اللحين انا مستعد اسمعج اليوم بطووله .
ليلى : بس ما بتفهمني .
خالد : انا كلي آذان صاغيه وراح افهمج واساعدج .
ليلى بابتسامه : يستوي خير.
(ليلى عمرها ما ابتسمت لحد الا لخالد لانه من يوم صغيره كانت وياه واايد بس بعدين ابتعدت عن الكل واعتزلت ف العالم اللي ما ينعرف منو فيه ).

ف بيت بو هزاع
عند حمده وعليا
عليا يالسه تذاكر وحمده واقفه صوب الدريشه
حمده : عليو لحقي جوفي اووويه هب قادره اصدق .
عليا : دخيل ربج سكتي تراج واايد ترمسين صخي شوي خليني استوعب .
حمده وهي يايه صوب عليا : تدرين شو جفت .
عليا : اووف شوووو.
حمده: سلطوون يالس يدوووخ .
عليا : هههههههه ويعني .
حمده : شو ويعني .
عليا : صباح الخير فديتج من زمان .
حمده : اوونه .
عليا: هذيج المره جفته يالس ف الحوي وراء ويعطيه بالدخان ولا بعد حافظنها حفاظ متفنن فيها ربي يحفظه .
حمده : وليش ما خبرتيني يالخام.
عليا: ريلج انزيييين يعني شو بتسويين اذا قلت لج .
حمده سكتت .

ف بيت بو فهد
ف المطبخ
فهد : اميييه بخبرج شيء .
ام فهد : شو تبا يا فهد ماتجوفني مشغوله بعدين بعدين وانتي فرساانوه هاتيي الصحن وغسليه ماتجوفينه كيف مغبر .
فهد: لا اللحين تراني مستعيل .
ام فهد : شوو .
فهد سحب اييد امه وخذاها الصاله .
فهد : يلا سمعيني اللحين عدل .
ام فهد وهي يالسه تصارخ : فرساانوه غسليه بالصابون .
فهد : اميييييييييييييييييييييييييييييييييه.
ام فهد : شو شو يلا ارمس .
فهد : بعرس .
ام فهد : شو ماسمعتك .
فهد: ابا اتزووج ابا حرمه .
ام فهد : هههههههههههههههههههههه .
فهد: بسم الله بلاج اميه .
ام فهد: ضحكتني يا فهود وما فيني ضحكه .
فهد: لا
ام فهد : والله زين يوم انك رمست عاد انا حاجزتلك هذيج البنت اللي تطيح الطير من السماء وحده ولا في غيرها وماباك ترمس اني انا ناويه اختار لك البنات المحترمات المحتشمات هب اتييب لي بنات هالايام المايعات .
فهد وهو فاتح عينه : شوووووو بس انا مابا اي وحده انا حاط ف بالي وحده ومابا غيرها .
ام فهد : بس انا مرمسه امها وغير هالبنت ما بتاخذ مدام اني عايشه رضيت ولا كيفك .
فهد (ماتوقعت اني اذا رمست بتطيح عليه الطامه الكبرى ): وانا مابا هذي اللي ترمسين عنها .
ام فهد : فهد عيب عليك انا مرمسه الحرمه وهي موافقه هب باجي غير اترمس البنيه وانا بصراحه مابا ولدي ياخذ اي وحده انا مختارتلك وحده من جريب .
فهد ( من جريب يعني منو لا يكون بنت خالو لالالا ) : وهذي اللي تقولين عنها ماباها .

ام فهد: بتاخذها وغصبا عنك وبنسير كلنا بيت البنيه آآآخر الاسبوع
فهد : عيل خلاص مابا اتزوج عفت الزواج خلاص .
ام فهد: بس انا ماباك تاخذ غير ...........
فهد: شووو .
__DEFINE_LIKE_SHARE__

لمسة محبة · 01-28-2012, 07:35 PM

الغلااااا نتريااا التكملة بفااارغ االاصبررررررررررر
__DEFINE_LIKE_SHARE__

! ĐįƠЯ ƒάṦђịǑη ! · 01-28-2012, 07:44 PM

البارت 15
ام فهد : بس انا ماباك تاخذ غير حمده بنت ام خالد .
فهد : شوووو .
ام فهد: هههههههههه شو رايك فيني لعبت باعصابك ها هههههههه.
فهد يبوس راس امه ويحضنها : واافديتج أمايه شو عرفج .
ام فهد : ابوويه اثجل بلاك منهد اصلا معروووف بس اتجووفها ماينعرف وين سرت ولا يوم تسمع طاريها هههههه ترا ع فكره اذا ما تبا ماعندي مانع كل شيء ولا تاخذ وحده غصبا عنك يعني برمس ام خالد وبعتذر .
فهد: لا فديتج ليش اتعبين عمرج مدام انها من اختيارج انا سعيد طول حياتي .
ام فهد : من الفرحه نسيت انه اسمك فهد هب سعيد .
فهد : اووونه العيووز تنكت بعد .
ام فهد : شو شكلك تباني اغير رايي .
فهد : لا كل شيء ولا هالشيء .
ام فهد : زين عيل عسب تتأدب شوي .
فهد : ههههههه.
ام فهد: ع العموم الله يهنيك ويسعدك وياها .
فهد : آآمين .

البردلهفة شـوق والليـل ساكـن
وانـا تشفقـت اللقـاء وأحتريتـك
:
الله عطاني اياك وأصبحت واكـن
علـى الله انـي لا بغيتـك لقيتـك
:
مؤمن بما يكتـب لـياللهولكـن
بليت نفسي فيـك عشـق وبليتـك
:
تغيـب وعيونـي عليـك يتباكـن
لو انك تسقيني الوصل ما ارتويتك
:
خليت حسرات الزمـان يتراكـن
بين الرجاء والياس ليتـك وليتـك
:
داويت جرح" من قسى الوقت ماكن
والا فتعطيني ربـع مـا عطيتـك
:
ما شفت قلبي والعيـون يتشاكـن
أغير منهم من كثـر مـا هويتـك
:
سريت لك مشتاق والليـل داكـن
يستر ظلامه وقفتـي عنـد بيتـك
:
تقول حبك بين الأضـلاع راكـن
وأقول هذا اللي ذبحنـي وجيتـك
:
سمعتني محمد يغنـي (الأماكـن)

وأسمعك (واحشني موت) وفديتـك
لـ .. حمدان المري

سعيد : يلا خلوود والله اسمع اذا ما ييت تراني بييك انا .
خالد: ههههه انزيين ياي ف الطريج .
سعيد: هيه جذي اباك شاطر .

ف بيت بو ذياب
روضه : ها سلامي متى العرس ان شاء الله ولا ماودج تعرسين .
سلامه : وييه رواضي لا تذكريني احس عمري بصيح من الخوف متوتره حدي واصله فوق ها سكتي .
روضه : الله يعينج .
ذياب : هاا بناتات شحالكن .
سلامه + روضه : تمام .
سلامه : ذيوب من وين ياي .
ذياب : من بيت عمي .
سلامه : اها.
روضه لسلامه : من بيت القلب ياي .
سلامه : سمعت جب .
ذياب : شو فيكن شو السالفه .
رووضه : ا..
سلامه تقاطعها : سلامتك .
روضه لسلامه مره ثانيه : جذابه انتي مب سلامته انتي سلامة هز...
سلامه : والله يا روضوه اذا ما سكتي بفلعج بالصحن اللي يدامج (وراحت )
روضه : هههههههههههههااي .
ذياب : بلاج وياها .
روضه : ماسويت شيء بس رفعت الضغط ههههههههه.
ذياب وهو يغمز لها : لا يكون عن بعض الناس .
روضه : يب يب هههههههههههه.

ف بيت بو ضاعن
ام ضاعن وبو ضاعن وضاعن ومهره ف الصاله
مهره : يلا انا سايره ادرس .
ام ضاعن : احسسن لج يلا ربي يوفقج .
بو ضاعن : ويين حمدان هاليومين ماجوفه ف الشركه ما اعرف وييين يرووح مسود الويه .
ضاعن : يعني وين بيسير المستخف تلاقيه يحووم ف السياره ويا حمود .
بو ضاعن : يباله هزبه محترمه هالولد .
ام ضاعن : شو نسوي يعني اللحين اوونه كبر ما يطيع الشور .
بو ضاعن : يلا انا بسير المكتب بخلص جم ورقه .
ضاعن (طبعا كل مايفضى المكان بتفتح نفس السيره ): وانا بسير بعد ا.......
ام ضاعن : اييلس بخبرك شيء .
ضاعن : يالله.
ام ضاعن: يا ضاعن انا مابا اغصبك ع شيء ماتباه قووول انت غيرت رايك ولا هو شرات قبل لاني اليوم بسير بيت ام عبيد .
ضاعن : مادري يا امي سوي اللي يريحج وانا مابا اكون مضايقنج بشيء ولا اباج تكونين زعلانه مني انا اهم شيء عندي رضاج ورضا ابويه وربي بس .
ام ضاعن : فديتك ضاعن ادري قسيت عليك بس البنيه ماعليها رمسه وانا ماابا اكون بعد سبب ف تعاستك ياولدي اهم شيء راحتك وسعادتك وانا كل اللي بغيته انك ماتخسر وحده شرات هالبنيه .
ضاعن : خلاص يا امي انا راضي اذا هيه بنت محتشمه وخايفه ربها .
ام ضاعن : كلللللووووش مبروك ياولدي وان شاء الله تسعدك .
مهره وهي نازله : منو بيعرس ماشاء الله اليباب وصل آآخر بيت ف الفريج .
ام ضاعن : أخوووج تعالي باركي له .
مهره : اوووونه لالا ماصدق متأكدين انتو ولا .
ضاعن : وليش يعني .
مهره : هههههههههههه توقعتك تعنس اقصد ماتعرس تييلس ف البيت عزابي واذا دق الهوا براسك تزوج وانت ف 45 .
ضاعن وهو يبتسم : شو اقووول بس .
مهره : يالله مبروووك مقدما .
ضاعن : ربي يبارك فيج وعقبالج.
مهره : شووو يلا مناك هاللي نآآقص .
ضآعن : انزيين بنجووف .
مهره لأمهآآ : بس منو العروس .
ام ضاعن : بنت ام عبيد .
مهرة : زييييين والله وعرفت تختار .
ام ضاعن : اليوم بسير بيت ام عبيد .
ضاعن وهو يغمز : شو رايج مهاري تسيرين اليوم وياالوالده .
مهره : افا عليك امي سمعي ريلي ع ريلج وين ما سرتي ها .
ام ضاعن : ههههههههههههه.

سعيد: مابغيت توووصل يلا تعال انا والشباب يالسين نلعب قدم اقرب .
خالد: لا والله اخاف اكسركم بس .
سعيد : والله منو قايل لك انك لعيييب .
خالد: نجووووف عيل .

ام ضاعن وهي حادره المكتب : ها محمد مشغووول ولا .
بو ضاعن : هلا والله بالقلب تعالي انا افضى لج ها آآمري بس .
ام ضاعن : برمسك ف موضوع وبظهر عسب مااعطلك .
بو ضاعن : خير في شيء العيال فيهم شيء .
ام ضاعن : لالالا بس برمسك ف موضوع عن ضاعن .
بو ضاعن : بخصوص .......

حمده : اممم دخيلج وقفي هنيي عليو اذا جفتي حد صفري ها .
عليا : افا عليج يلا قلبي كملي شغلج يالسه لج يلسه هنيي يلسه .
حدرت حمده غرفه سلطان وهي تتسحب وحطت شيء وظهرت .
عليا : حشى شو بتحطين انتي قنبله يلا بسرعه .
حمده : خلصت امشي .
..........: ع ويييييين .

بو ضاعن : والله وكبرو العيال وضاعن بيعرس وانا وانتي عيزنا .
ام ضاعن : الدنيا جذي,, اتييب وتتعب وتربي وآآخر شيء يروحون ويخلا البيت .
بو ضاعن :وباجر بتجوفين البيت مترووس من العيال والصريخ .
ام ضاعن : انا يالسه ارمس عن ضاعن وانت تقولي عيزت وكبرت ترا اللحين انت شو اذا من اللحين الشيب ظاهر.
بو ضاعن : يعني هالشيب هب عايبنج خلاص مليتي .
ام ضااعن : ههههههه انا اعرف تبا توصل لــ شو يلا انا ظاهره فديتك .
بو ضاعن : هههههههههااي .

اممم يلا الردود + التوقعات
كيف يكون مصير فهد + ضاعن ؟؟
وكيف بتكوون حياتهم ؟؟

__DEFINE_LIKE_SHARE__

! ĐįƠЯ ƒάṦђịǑη ! · 01-28-2012, 07:44 PM

البارت 16
ف بيت بو فيصل
فيصل : ميوود وين رشوود أنا أجووف هالايام واايد برا ومايجابل دراسته .
مايد: عندك ايااه يوم حد يرمسك مسويلنا بولباس .
فيصل خذ الفون وع طول اتصل لرشوود
راشد : مررحب هلا والله .
فيصل : أهلين وينك انت ماتنجاف ها وحاط دراستك ع صوب ومهتم ف اللعب جوف يا رشوود ارجع البيت اللحين وجابل لك كتاب لا ارمس ابويه تسمع .
راشد: بعد شوي انزيين .
فيصل : لا قلت لك اللحين فاهم .
راشد: امم ان شاء الله .
فيصل : ويا منو انت .
راشد : ها هيه انا مع ناصر وعمر .
فيصل : عطني عموور هالهرم بعد يباله هزبه اللي ظاهر شراتك اذا مارجعتو البيت اللحين صدقوني بتجوفون شيء عمركم ما جفتووه.
راشد ( والخييييبه): عمور اللحين بعيد خلاص قلت لك راجعين .
راشد اتصل لعمر
عمر: ها رشووود شبعت حوااطه .
راشد: اقووول فيصل اتصل وقال ...........

بيت بو ضاعن
ام ضاعن: يلا يا مهره بنتأخر ع الحرمه ولا بروح عنج .
مهره: انزيين يايه اسميج اميه ماتبين تتأخرين ع يموول (جميله )..
ام ضاعن : استحي ع ويهج شو هالرمسه الخايسه اللي متعلمتنها اصغر عيالج هي .
مهره (اللحين امي ماتبي تفارق ربيعتها الروح ف الروح يوزت ضاعن لبنتها بس ماشاء الله بنتها تستاهل ضاعن ): يلايلا عن نتأخر .

......: مهووووي فديتج سيري سكري المكيف عن حمووود.
مها : محمد هب ف الحجره من العصر ظهر من البيت اول ماوصلنا ع طوول .
.....: يعني وين بيسير المستخف .
مها: عطني الفون بتصل به .
.......
محمد: هلا والله بناعمة العوود.
مها : بسك عاد معضد يقوول اذا مارجعت البيت ياويلك .
محمد: انا اللحين ماصدقت اني تعرفت ع واحد هنيي وانتي تقولين لي ارجع انا من متى احن عليكم نرجع من ايطاليا بس انتو ماتطيعون خلاص اللحين انا بتنتهي الجولة السياحيه مالتي هنيي وراجع .
مها: فديتك نحن ماقلنا يلا بنروح ايطاليا هههه تعال البيت وباجر كمل الجولة مالتك ههههه .
محمد: يلا شكثر اشتقت لهالويوووه انا .
مها: حوووه وين تبا انت .
محمد: ادري تفكيج السطحي تراني اقصد ويووووه العرب وانتي تفكيرج استغفر الله .
مها : انزيين يلا بسسرعه .
معضد: ها بيرجع ولا .
مها: لا راجع ههههه.

موزة: ع وييين ؟؟؟
حمده وعليا: ها .
موزة: شو لكن شغل ف حجرة سلطان ها .
عليا شردت ,,,
حمده (غربلج يا عليوووه ): انا متأكده وواثقه انّ نحن كنا داخل عسب شيء خير وربي شاهد بس انتي لا ترمسن ف الموضوع خلاص سكرييييه.
وشردت ,,,
موزة هزت جتفها وراحت غرفتها
اسما(مادري ليش ساعات اكره المكان اللي انا فيه )
خذت السويييج وظهرت من البيت تغير جو .

ف بيت بو منصور
ف الصاله
الريم: امييه ترا باجر بروح اذاكر بيت مريوووم انا وحصووه.
ام منصور: وليش هالخربطه ما يحتاي يلسن ف البيت وجابلن الكتاب الا انتي يريمووه اعرفج اذا تيمعتي ويا ربيعاتج تيلسين تسولفين وتنسين الدراسه وأهلها .
الريم: لا امي والله اوعدج بنروح هناك ندرس .
فاطمه : انزيين ليش ماتتيمعن هنيي ف بيتنا .
الريم: كل مره عند وحده .
فاطمه: عيل انا امي شواخ بتيي بيتنا ماعليه.
ام منصور : ماعليه بس تيلسون تذاكرون هب كل وحده قابضه السوالف والدراسه ع صوب .
فاطمه والريم: ان شاء الله .
ام منصور : يلا ربي يوفقكن .

ام عبيد: والله هذي الساعه المباركه يا ميثاء وغير ولدج ضاعن مابنحصل شراته وهب ناقصنه شيء .
ام ضاعن: هذا من طيب اصلج يالغاليه .
ام عبيد: بس تعرفين لازم بعد نسأل ونشاور البنت وبرد لج خبر .
ام ضاعن : تسلمييين .
مهره ( بلاها تطالعني هذي جذي بسم الله سكنهم ف مساكنهم ).
ام سالم: أقول ام ضاعن هذي بنتج .
مهره ( بدينا بالسوالف يااا ليتني تمييت ف البيت ابرك لي )
ام ضاعن : هيه .
ام سالم : ماشاء الله كبرت وحلوت الله يخليها لج .
مهرة نشت ويلست عند ام ضاعن
مهره بصوت خفيف: امايه ضاعن عند الباب انا بسير وياه لانه هو يباني شوي برد البيت معاه لان محد ف البيت .
ام ضاعن : ما عليه .
مهره سلمت ع الكل وظهرت من البيت بسرعه وركبت السياره

حمده : عليو ليش خليتيني ورحتي .
عليا : لا والله انتي بروحج تحملي يعني انتي سايره ماعرف شو تسوين ويايه تبيني اتحمل اللي ياي وياج يلا مناك .
حمده: انزيين سكتي حشى يلا جابلي كتابج .
عليا(اممم وينه هذا ما اتصل بعد اوووف )
حمده ظهرت و عليا ما انتبهت لها يالسه تفكر
..........
حمده: ممكن اتفضل .
موزة : تفضلي .
حمده: ع وين ان شاء الله لابسه .
موزة : بسير المستشفى .
حمده : ليش شو مستوي .
موزة: ما مستوي شيء بس اليوم عندي مناوبه يلا باي .
حمده: بايات .

عند راشد ومحمد
راشد: يلا عيل اسمحلي انا بروح .
محمد: يلا باجر اجوفك .

<<عند الشباب>>
يلعبون كرة قدم ومتونسين
عمر: يلا ناصر انا بروح البيت واايد تأخرت .
ناصر : لحظه ....سعيد انا بسير البيت ويا عمر .
سعيد يباغم وهو يلعب : انزيييييييين.
ناصر : يلا .

ف بيت بو خالد
ام خالد + بو خالد يالسين ف اجتماع مغلق وعرفتو عن شو يرمسوون
غيث : نااايم
شيخه: تدرس
ليلى يالسه تجووف التيلفزيون ف الصاله اللي فوق
ظهرت حمده من حجرتها: ها ليال شو تسوييين .
ليلى : ومنو ليال ان شاء الله .
حمده: انتي .
ليلى : لا (وقامت تلحقها وحمده تركض وتصااارخ ونزلن تحت وظهرن ف الحوي يراكضن ).

بو خالد : وتقولين ام فهد خاطبتنها هااي بعدها ماىتجوفين .
ام خالد: اللحين خلنا من حمده انا ارمس عن ليلى اللحين ما جفتها كيف يالسه تراكض وتلعب وهي من زمان هب ظاهره من حجرتها .

شيخه يالسه تذاكر بس سمعت صراخ وهب قادره تركز وقفت عند الدريشه وجافت ليلى وحمده يركضون نزلت بسرعه وراحت المطبخ .
.....
غيث نفس الشيء قام ع صريخهن ونزل .
....
ام خالد : هذييل بيفضحونا عند الييران (وظهرت معصبه ).
...
شيخه فتحت الثلاجه وخذت غرشة مااي وظهرت برا
.....
غيث : حوووووووووووووه وين تبين انتي وياها يالسات تباغمن خلاص الواحد مايقدر ينام .
واول ما يصد ورا الا اتي له الصاعقه ع جسمه كامل ماااي باااارد
من شيخه طبعا .
شيخه : اوييييييييييه كنت اعتقد انك حمده ولا ليلى .
ويلسو كلهم يركضون ورا بعض ف الحوي هم الاربعه
ام خالد ظهرت معصبه وناويه تغسل شراعهم بس يوم جافتهم يالسين يلعبون ومستانين خلتهم .
بس جافت بو خالد ظاهر من باب المطبخ ويركض وراهم .
واللحين الكل يلعب
( بو خالد + ليلى +حمده+شيخه +غيث)

ورجعت ام خالد الصاله
موزة وهي ف السياره : ويين سيارة اسوووم ؟؟
وينك يا عايش بدوني حبك بقلبي جنوني

اختار تسكن بقلبي ولا بتسكنعيوني

اختار من دون لكن قلبي وعيني مساكن

اسكن وعيش وتهنى لا تاخذكبك ظنوني
موزة: وينج انتي ووين السياره ما حصلتها ولا حصلتج .خخ
اسما : انا برا البيت .
موزة: وين يعني بالضبط .
اسما: ماادري موزان لا تسألين خلاص باي باي (وسكرت ف ويه موزة ^ __ ^)..
موزة: بلاها هذي .
وحركت السياره

عند الشباب
استأذن خالد وروح البيت
واللي موجودين اللحين
(حمد + سعيد + حمدان +هزاع )
اممم طبعا الكل يلعب وحمدان منقهر من سعيد وحمد لانهم غالبينه مع هزااع وهو يلعب الا يفوز غصب طيب لازم يفوز
يلس يشوووت الكره وسعيد يركض بيآآخذها بس تعرفون حمدان النذاله تمشي ف عرووجه شاات الكره وسعيد طآآآآر ميه الف كيلو متر .
وربع الكل صووبه .
سعيد وهو يباغم خلاص مايقدر يتحمل: آآآآآآآآآآآآآآآآآي يا حمدآآنوووه الله ياخذ ابليسك كسرت ريلي آآآه ما اقدر احركها .
حمدان ( اويييييه شو سوي ): اقول سعود عن الحركات الماصخه.
هزاع: اي مصاخه انت الثاني كسرت ريله حشى شووه انت هب ريل عليك .
حمدان: قوول لا اله الا الله عن تحسد ريلي بسس تف عليه تف تف .
حمد : ههههههههه جوفو الهبال يالس يتفل ع ريله صدق انك طفسس ,, يلا بسير اشفل السياره وانت حمدان بروحك تشل سعوود واتييبه السياره بنوديييه المستشفى .(وسار )
حمدان: قصوورك بعد عسب ظهري ينكسر .
هزاع : والمسكين الللي ع الارض هب جنك من ساع كسرت ريله .
حمدان: اووف والله بلشه ,, قوم قوم سعود يلا ريلك مافيها شيء جوف هزاع (ويسحب حمدان سعيد من ريله ويرص عليها ).
سعيد: آآآآآآآآآآآآآآآي يا حمار يالعنز خووز عنيي لا اقطعك اللحين .
حمدان وهزاع خذو سعيد ووركبوه السياره .

^ - ^
ف بيت بوخالد الجوو خرييش الكل يلعب وفجأه حدر خالد البيت وعيبه الوضع والكل قام يراكض ف البيت وخالد يلعب معاهم وهو مستغرب بس كمل لعبه .
ظهرت ام خالد للحوي ومعاها كرتوون : ليلى وشيخه وحمده تعالن بسسسرعه .
يدمن البنات صوبها وام خالد بحركه سريعه فرت عليهن غرش ماي كبيره وبارده : يلا بناتي عليهم بنجووف منو بيغلب .
(ظهرت ام خالد من البدايه مرتبشه بس عجيبه هالعيوووز خخخ عن تسمعني )
^__^
&&&&&&&&&&&&&

عند الشباب وصلو المستشفى
وحدر سعيد عند الدكتور وقرر يسسووون له أشعه
وحمد وهزاع نااقعين ع شكل حمدان من الزيغه
وبعد الاشعه
سعيد شوي وبيصيح من الويع
سعيد: عيل ظهرت ريلي مكسووره كللله منك حمدانوه صدقني ما بهنيك ف عيشتك .
حمد + هزااع : ههههههههه آآه بطني ههههههههه.
حمدان: ليش انا شو سويت .
سعيد : بعد يتصنع البراءة زوول عن ويهي .
حمد خذاله كرسي هو وهزاع ويلسو يجوفون المسرحيه وهم ساكتين .
حمدان: انت الهرررم اللي ماتشرب حليب جووف يعني اذا كنت تشرب كانت عظامك بتغدي قويه يقوولون الحليب فيه كالسيوم والكالسيوم الله يسلمك يقوي العظام .
حمد وهزاع : هههههههههههه .
سعيد: حمدانوه اسكت عني خلاص لا ترمس يالنآآآقه .
الكل انفجر من الضحك ع التعليق اللي ظهر من سعيد وحمد انسدح من الضحك لانه جآآف هزآآع يالس يصور بفونه .
الدكتور : سعيد اتفضل معي مشان اتجبس ريلك الدكتوره.
سعيد قام ولحق الدكتور
%%%%%%
موزة :وليش وين هذا اللي مايتسمى ليش هو ما ييبس ريله .
الدكتور: وهو مشغووول كتييير هلآ و أنتي بتعرفي للعظام وأنا عليه الاشعه .
موزة (افف ): انزيين .
%%%%%%%%%
حدرت موزة الغرفه وقفت تسمع .
سعيد يالس ويتريا حد ايي يبجس له ريله .
سعيد: آآي ريلي الله يغربلك يا حمدآآنوه كسرت ريلي ولا شو بعد يالس يتفلسف عليه متفلسفجي عنز واووونه شو اشرب حليب لانه فيه كالسيوم انت الكالسيوم اذا لمحك بيشررد ع طول بينتحر ويالس يسويلي محاضره آآآه فديت ريلي انا هالصغيره كيف متورمه ومصفره ومحمره ومخضره ومزرقه و..
قاطعته موزة وهي تضحك ما قدرت تمسك عمرها : هههههه السلام عليك .
سعيد ( فديت هالضحكه انا ) ويالس مبهت فيها .
موزة ( السلام لله بلاه هذا مبهت عنبو دااره زيغني ويي ما بجبس ريله بس اسمييه الهرم يذبح): انت سعيد سهيل .
سعيد (اكون سعيد وجاسم وحمدان واللي تبينه ): هيه .
موزة : هيه يلا مد ريلك .
سعيد ( يا ويلي ويلاه كم بعيش انا )

عند الشباب
يالسين يحترون سعيد وحمداان حاشر هزااع
حمدان: هزااعووه بلا سخافه لا اتخليني اللحين اقوم امرغك يلا امسح سواد فيسك.
هزآآآع : والله فيسي هب اسوود وتصدق يالشيخ كنت بمسحه بس اللحين ماظني بمسح الا بسوي بلووتوث وبنشره وبحطييه ع اليوتيوب وبسميييه اممم.
حمد: انا بقولك شو (محاضره طبيه عن فوائد الحليب ) يلقيها الدكتور حمدان .
هزآآآع : تصدق حموود نص البلاد من يجوفونك بيشربون الحليب غصبا عنهم .
حمد + هزآآع : هههههههههه .
هزآآع : عليك نور يا حمد من باجر ببدأ ف النشر .
حمد: لا عليه مهند .
حمد وهزآآع : ههههههههههههههه.
طبعا حمد وهزآآع يستخفون دم حمدان ويضحكون شرآآت السكارى والعياذ بالله .
حمد : وين سعيد لا يكون سووو به شيء .
هزآآع : انا بسير اجووفه .
ظهر هزاع من الغرفه
وحمد وحمدان ظهرو بعد يتمشون ف الممر ويطمشوون ع الناس ويتغزلون ف البنات
ملآآحظه : حمد وحمدان صح انهم يغازلون بس بطريقه ثانيه يعني يغازلون البنت بس ماياخذووون الرقم ويرمسون ويظهروون اووووونهم مؤدبين ومحترمين << تعلمو الادب .

موزة: يلا خلصت تقدر تمشي .
سعيد (خييبه ): مشكووورة ويعطيج العافيه دكتورة .
حدر هزآآع الغرفه وشهق : وابويه موزان شو تسويين هنيي .
اممم وسار وتقرب منها وسلم عليها وحضنها اووونه هب شايفنها سنه .
موزة + سعيد شرات الأطرش ف الزفه .
سعيد وهو يغمز لموزة : فديتج والله اشتقت لج .
سعيد : هزآآعوه منو هآآي .
هزآآع : هاي حبيبتي بس ماتخبر حد سعوود لو سمعتك فاج حلجك بكلمه ياويلك .
موزة ( الله يا خذ ابليسك يا هزآآعوه براوييك ف البيت أنا وهذا سعيد ظهر ربيعه وظهرت هزآآع تختار المزايين )
هزآآع مسك ايدها: أقول سعود يلا روح خلنا بروحنا شوي انت ارجع البيت مع حمد وحمدان .
سعيد فيه الغبنه
حدرو حمد وحمدان : شو السالفه سمعنا اسمنا .
الكل : هههههههه.
هزآآع : حمد جفت حبيبتي اللي رمستك عنها (ويغمز له).
حمد : هيه مبين .
وحمد وحمدان ظهرو سعيد من المستشفى
$$$$$$$$ف السياره$$$$$$$$
سعيد يالس ورا وراسه ع الكرسي شوي يحس بتعب.
حمد : سعووود ,, شكله ناام .
حمدان: اقوول حموود اللحين هزآآع صج يحب الدكتورة واونها حبيبتها .
حمد : ههههههههههههههههههههه يالاهبل هااي اخته موزة .
حمدان: بنت عمو آآمنه؟؟؟؟
حمد: ليش كم عمه عندك ويا ويهك .
حمدااان: اووونه انا اقول يعني هزاع ماعنده هالحركات .
حمد بغباء : اي حركاات ؟؟؟
حمدان: المغازل يا ذكي .
حمد : هييييه.
اما سعيد منشق من الوناسه لانه هزآآع ظهر اخو موزة وعرف اسمها بعد مستانسسسسس الريال وتلاشى الالم اللي ف ريله .
سعيد وهو ينط ع المسجل : اقووول خلنا نرتبش شوي .
حمد وحمدان بخووف : أمااااااااايه بسم الله الرحمن الرحيم بلاك انته .,, وضحكو مع بعض .
سعيد مرتبش يغني : بلاني زماني بواحد اناني
خذا ...ويكمل عاد .
حمد: انت من ساع ناايم .
حمدان: خله الريال شاد حيله يغني .

موزة معصبه : هزاع وويعه شو هالحركات ما تستحي .
هزاع ببرود قهرها: من يوومي .
موزة: من يومك ها ماعليه لا تحلفني اخبر عليك سلامي .
هزاع فتح عينه : حرآآم عليج موزووه تفرقين بين الحبايب مابتتهنين تراج وانتي بلاج كل ما استوى شيء قلتي بخبر وبخبر.
موزة : اممم كيفي .
هزآآع : بس جب التوبه .

موزة: هههههههههههه حلوه هاي جب وبعدها التوبه .

اممم وجذي انتهى البارت
احسه وااايد كان طوييييل معنااه الردووود اباها تهل شرا الغيث ها
خخخخخ
شو رايكن بالعصافيراليداد اللي ظهرن ها ؟؟
يلا اتوااايه وياكن ف البارت الياي تيييب
__DEFINE_LIKE_SHARE__

! ĐįƠЯ ƒάṦђịǑη ! · 01-28-2012, 07:45 PM

وهذا البارت الثاني اللي هو :::

البارت 17
الصبح الساعه 7:30
ف بيت بو منصور
الريم : يلا بيت منو نسيت .
مريم: مادري بس اعتقد بيت حصه .
الريم: اوكي اجوفج هناك .

فاطمة : شوااخ لا تستهبلين انا قلت لأمايه .
شيخه: ما اقدر ترا هب كل يوم عيد .
فاطمه : لا كل يوم رمضان .
شيخه : تنكتين يعني .
فاطمه: خلاص ماشي امل .
شيخه: امل لا بس شواااخ هيه.
فاطمه : ههههههههه اللحين منو ينكت .
شيخه: اصلا انا احب اذاكر بروحي .
فاطمه: انزيين باي .

ف بيت بو هزاع
حدر سلطان غرفته وحصل لاب اخته حمده وماتردد انه يفتحه لانه فضووولي .

ف بيت بو ضاعن
الصبح
ضاعن : انزيين تعالي ماخبرتيني شو اسمها .
مهره : لا اونك ماتعرف يعني .
ضاعن: يلا لا تتفلسفين واايد .
مهره : انزيين هههههههه اسمها ع ...
ضاعن يقاطعها: اسمها يبدأ بحرف العين .
مهره: هيه.
ام ضاعن وهي يايه بالصحن من المطبخ : بلاك مستعيل اجوف عيبتك السالفه .
ضاعن: والله متشوق اجوفها كيف شكلها.
مهره: انا بقولك بوصفها لك بالتفصيل .
ام ضاعن : عيب يا بنت .
مهره وهي تغمز لأمها بدون مايجوفها ضاعن : عادي ماماتي بلاج بعد فترة وجيزة بتغدي حرمته .
ضاعن عيبته السالفه : انزيين كملي .
مهره: اسمع اممم هيه هب حلوه هذاك الزود بس يلا بتمشي عمرك وياها يوم يومين هيه شوي فيها سواد الافريقيه وعندها اربع شامات ع ويهها و شو وشو بعد هيه يقولون انها مليانه طبعا هذا السنه اللي طافت واعتقد وزنها 95 كيلو و تلبس نظاره كبيره وويهها معبي وصاخه وريحتها ماتنطاق و...
ضاعن يقاطعها : بس بس الله يلوع جبدج بس ,,, وااااع شو هالأرف ,, أصلا كيف كيف (مايعرف شو يقوول لسانه انربط خخخ)
ام ضاعن ومهره ساكتات يجوفون ردت فعله .
ضاعن : اميه هذي اللي يالسه تتمدحين فيها صبح ومسا .
ام ضاعن ما تقدر تمسك عمرها: يا حبيبي يا ضاعن هذي صح انها من المظهر الخارجي جذي بس انا بيوزك لها لانها من داخل لها جوهر الجمال جمال الروح روحها الطيبه .
ضاعن: هيه يا امي بس هب جذي عاد واايد مزوده هذي .
مهره: هههههههههههه مزوده .
حارب وهو نازل: وااااااااع اللحين هذي اللي بتتيوزها يا ضاعن الله يعينك ع ما ابتلاك .
ضاعن كاتم غيظه : ماباها يعني ماباها .
ام ضاعن: قبل يوم كنت صغير كنت تضرب ريلك ف الارض اذا ماتبا الشيء وانفذه لك بس اللحين انت كبير اذا قلت ماتباها بتاخذها لاني ما اقدر اتراجع عن رمستي .
حارب: خلاص عيل ضاعن اضرب ريلك ف الارض اذا ماتباها وامايه بترمس ربيعتها هههههههههه .
مهره : حلوة منك هههههههههههههههااي .
ويضرب حارب ايده بايد مهره .
ضاعن: امي اللحين انتي صدق ترمسين ولا شو .
ام ضاعن : لا فديتك اختك الماصخه اجذب عليك .
مهره: لا ماصخه اوونه تراج هب ويايه مشتركه .
حارب: لا اسميج ميثاني ظاهره خطيره عيل هههههههه.
ام ضاعن : استح ع ويهك مححد ميثاني غير حرمتك .
حارب (لا انا حرمتي فطامي ) : يصير خير .
ضاعن: هم وانزااااح.
حمدان وهو يظهر من ورا الستاره : بووووو.
ضاعن وحارب وام ضاعن : بسم الله الرحمن الرحيم .
حمدان : شو جايفين يني يعني.
حارب: شكلنا .
ام ضاعن : وانت شو تسوي ورا ها .
حمدان: اسألي بنتج (وهو ومهره يجوفون بعض بخبث ).
مهره ببراءه : اممم مايسوي شيء بس كان يصور ردة فعل ضاعن .
ضاعن : ليش .
حمدان : عسب نراوي حرمتك .
الكل الا ضاعن طبعا : ههههههههههههههههههههههه.
حارب : زييين ماسويتو .
ضاعن : انقلع بس .
مهره: انا بسير اذاكر تعال معاي حروووب .

ف بيت بو فهد
فهد : ها قلبي رمستي ريلج .
ام فهد : ريلج يعني هو هب جنه ابوووك .
فهد: الا.
ام فهد : شكلك غيرت رايك ف حرمتك وتبا غيرها يا فهوود اجوفك ما صدقت يلا اصطلب ولا بغير رايي.
فهد: ان شاء الله من هالعين قبل الثانيه .
ام فهد: هيه جذي اباك انا رمست ابوووك وهب باجي غير ارمس ام خالد .
فهد: عيل شو مصبرنج يلا هذيها السماعه يلا يدامي اللحين .

سلطان
ف خاطره : ههه حليلج يا حمدوووه اثاريج يالهرمه كاشفتني وحاطه لي هالصور والله انج خطيره يلا انجوف اخرتها معاج.
ف غرفه حمده وعليا
عليا: اللحين انتي حمدوه شو سويتي هناك .
حمده: والله انا بذلت قصارى جهدي عسب انفذ هالشيء ومابالايد حيله .
عليا : انزيين ابله عطيات .
حمده: ماعرف شو اسوي بصراحه عسب ابعده عن هالسم انا حطيت لابي ف حجرته وحاطه كل شيء فيه عن التدخين يعني تقارير صور بحوووث ملفات انا ماباها بس جذي اوونه يمكن اذا جافهم يتراجع .
عليا: تدرين انّ ف عايلتنا محد يدوخ الا سلطون و زيوود ولد عمي .
حمده: خل يولي هذاك انا شو ابا فيه .
عليا: ههههههههههه انزيين اونج عاد ظهرتي فكره بنجوووف ف النهايه .
حمده: شكلها الخطه الاولى ما نجحت لازم اجهز خطه ثانيه .

مها : والله ملل شو اسوي اووف خل ادق ع عفاري.
أنا شسويت عشان تسوي كل هذا
انا ضحيت ولا فكرت اتمادى
ولا قصرت في حقك .. ولا باحساسك تلاعبت
ولكنك لجل غلطه .. حبيبي بحكمك تسرعت
وآخر شي تجرحني .. وآخر شي تخليت أنا شسويت ..
عفرا: هلا والله بمهووووي .
مها: هلا فيج شحالج حبيبتي.
عفرا: تمام والله ومن صوبج الغاليه.
مها: مانشكي باس .
عفرا: حمدلله ع السلامه مابغيتي ترجعين .
مها: شو اسوي خلاص مليت من هناك واشتقت لبلادي فيها شيء .
عفرا: ابدن الغلا اقولج متى بجوفج ان شاء الله .
مها: شو رايج اتيين عندي .
عفرا: لالا انتي تعالي بيتنا مححد فيه .
مها: خلاص ان شاء الله .
عفرا: ف وداعة الله قلبي .

ف غرفة حصه
الريم: انزيين اللحين انا ما اقدر اذاكر الا وانا آآكل .
مريم: بدينا.
حصه: انتي يايه تذاكرين ولا تآآكلين اذا ذاكرتي بنآآكل بعدين .
مريم: صدقيني بتخون فيج وبعد مانذاكر بتطردنا برع البيت وبتقول تبون الاكل موجود فبيتكن .
حصه: انا انزيين ماعليه بجوف منو بيعطيكن .
الريم: ما استوت سالفه هذي خلاص انتهت السالفه وانا شبعانه مابا شيء .
حصه: اووويه ريوووم زعلتي خلاص اللحين انا بسير اييب ااكل .
وظهرت قبل ماتمسكها الريم
الريم: ترآآآ ع فكره كنت انا اللي امزح .
مريم: ماعليه نحن بنرتب عسب يوم ترجع كل شيء جاااهز وانا ما اقدر اطول لا تستهبلييين انتي وياها .
الريم: اللحين انا اللي استهبل ولا انتي .

ف بين بو سعيد
ف الصاله
بو سعيد: وكيف انكسرت ريلك .
سعيد: كنا يالسين نلعب .
نااصر : حسااافه فاتتني اللقطه .
سعيد: الا زين رجعت البيت لانك اذا كنت ويانا ما بتقدر توقف من الضحك ع شكل حمدان.
بو سعيد: اللحين امك اذا عرفت بالسالفه بتصدعنا.
نآآآصر: منو بيصدعك اها اها خلاص اعتبرها عرفت بالسالفه وبالرمسه اللي قلتها بعد امييييييييييه لحقي اسمعي ريلج شو يقوول عنج .
بو ناصر : اسكت يا ولد .
سعيد: اصلا امي مححدها ف البيت لا تيلس تباغم وتقطع احبالك الصوتيه ع الفاضي .
بو سعيد : واكككككككككك.
نآآصر: يلا برخصتكم انا بسير اذاكر لي كتاب ابرك لي .
سعيد: لحظه انا ميييييييييييييييت من العطش سير ايب لي ماي .
ناصر: حمدلله والشكر اول مرة ف حياتي اجوف انسسان ميت ويرمس ولا يطلب ماي انزيين يا اخويه اللحين انت ميت كيف بتشرب الماااي.
سعيد ^_" : سير بدون ماتتفلسف .
روح ناصر اييب الماي ورجع وف ايده كوب مااي بارد ولا فيه ثلج بعد .
سعيد: يا سلام هاته راجووو بسرعه .
نآآصر انقهر يلس ع الكرسي وتنهد: تبا ابويه .

بو سعيد: لا فديتك عط اخوووك .
ناصر: تبا بوعسكوور.
سعيد: هاته يا حمار .
نآآصر: والله انا نصحتك وانت كيفك وانا مابضغط عليك يلا بسم الله ( وشرب الماي كله ولا شفطه بعد وهو يشرب يظهر صوت انَ خلاص حاالف ما يخلي قطره مااي ف الكوب ولان الماي بارد وماقدر ياكل الثلج اللي فيه صب اللي ف حلجه كله ع ملابس سعيد وشررد ).
سعيد : يالهرم يا نصووور والله برااويك .
بو سعيد كان يالس يقرا جريده ماقدر يمسك عمره من الضحك ف انشقت الجريده نصين ويلس بوسعيد يضحك من قلبه ع سعيد وع الجريده .

سعيد بعد يضحك ع ضحكة ابوووه وع الجريدة .
حدرت ام سعيد البيت ماتعرف شو السالفه : سعووود بلاها ريلك وشو فيك موصخ عمرك ليش جذي خرسان يعني اللحين انت ما تقدر تتحرك يلست ف مكانك وسويتها اخ عليك قم وصخت المكان .
عاد هنيي محد سكت الكل نقع ع ام سعيد من الضحك حتى نااصر اللي ظهر من غرفته وف ايده الكتاب : هههههههههههههههههههههههههههههههههه.
بو سعيد : ههههههههههه آآآه ماقدر بسسس هههههههههههه.
ويلس يضحك بو سعيد لين ماطاح ع الارض وهو يضحك تخيلو يالس ع الارض ويضحك .
ولا ناصر يوم جاف ابوووه شراات حالته طاح ع الارض يضحك .
وام سعيد شراات الاطرش ف الزفه .

الريم ومريم
يالسات ف الحجرة وفجأة .
الريم بصوت خفيف: مريووووم تسمعين اللي اسمعه امي شو هالصوت .
مريم وهي تصيييييح من الخوووف : الله ياخذج يا حصوووه شو هاي الخايسه يايبتنه بيتهم المسكووون خلتنا وراحت .
الريم: خلاص مريوم ايلسي اللحين انا راجعه .
مريوم: شو تبين تخليني بروووحي عسب يتوحدون فيني الينانوة مابا مابا (وتصييييح وتشاهق ).
الريم : انا هنيي يالهبلة .
ومشت الريم شوي شوي وفجت الباب وشردت عن مريم وخلت مريم بروحها ف الحجره .
عند الريم واخيرا حصلت المطبخ
الريم: حصوووووووووووووووووه يا حمارة وينج خليتيني انا ومريووووووم بروحنا ورحتي .
حصه : ههههههههه كنت يالسه احط الاكل ف غرفة الطعام عيل تبيني اييب الاكل ف غرفتي عسب توصخينها انتي ومريوم والنمل الفليل يعضوني ويهجمون عليه .
الريم: بسألج سؤال بيتكم مسكون ؟؟؟.
حصه : هههههه شو هالسؤال تسخفين .
......: لالالالالالالالالالالالالالالالالالالالالالالالالا لالالالالالالا.

عند مريم
بعد ماظهرت عنها الريم اقصد شررردت يلست تصيح بصوت خفيف لان فعلا يظهر من غرفة التبديل صوووت .
وشوي شوي ظهر من غرفة التبديل : اوووف حر داخل حشى توووبة مرة ثانية اخوفج يا حصوووه وانا اوني عاد مخسر فلوووس ع القناع والقفازات والحاله لله وآآخر شيء تظهر ختيه تخوف ولا تخاف و....
مريم من الخوف : لالالالالالالالالالالالالالالالالالالالالالالالالا .

ف المطبخ
الريم : اووويه نسيت مريوووووم ف الحجرة .
مريم: الله يعين .
ويحدروون فجأة واثنينتهن مع بعض : أمآآآآآآآآآآآآآآآآآآآآآآآيه .
بعد خمس دقايق من الصمت .
مريم والريم وحصه : ههههههههههههههههههههههههااي آآآه يا بطني آآه هههههههههههههه.

انتهى البارت انا قلت اقطعه الموقف عليكم عسب تتشوقووون
نياهاهاها
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بس حرام كفاية كدا	محروم.كوم	منتدى أخبار المواقع والمنتديات العربية والأجنبية	0	08-28-2010 05:10 PM
كفاية ارجوكم	محروم.كوم	منتدى أخبار المواقع والمنتديات العربية والأجنبية	0	06-01-2010 03:40 AM
كفاية لا تزودها	محروم.كوم	منتدى أخبار المواقع والمنتديات العربية والأجنبية	0	04-24-2010 11:20 PM
كفاية بدع - كفاية ذنوب - الرد على مصطفى حسنى - للشيخ أيمن صيدح	محروم.كوم	منتدى أخبار المواقع والمنتديات العربية والأجنبية	0	07-06-2009 02:20 AM
كفاية جرح	mis 3soola	الشعر المنقول	12	08-14-2008 04:02 PM