ما اعرف اعـود ولا اهدّي ولا امسك بريك ،، لاجيت اجي كلي .. وكلي عسانـي فـداك ~! - الصفحة 4

۶ـذًبَة أَلِمُ۶ـأِنّيُ · 12-26-2011, 12:07 AM

[ البارت السابع عشـــر ]

همسه >>[ البااااااااااارت كشششخه وماايعور القلب ^^ بتستانسوون وبعد طويل ^_* ]

عفاري[تشاااهق من الصيااح]:ابووووويه ماباااااه ماابااااه دخييييلك لا تيووزنييه انا مااريده مارييييييييييييييده..
بو مبارك:!!!!!!!!!!!!
عفاري:ابووويه وغلالالالالاتيه عندك ابوهي فديتك لا تيوزنيه اياااه انا مااريد دخييلك لا تقصبنييييه عليه..
بو مبارك:يابنتيه شووو فيييييج!! راشد يبا يخطب حمده اختج هب انتي..
صخت عفاري...
بو مبارك:أنا ياي اشاااورج وانا بعدنيه ماااقلت لختج وقلت بقولج يمكن يوم ترضين انتي اختج ترضاا والا يمكن حمده ف خاطرها حد ثاني..
عفاري:اسموحه ابويه اتحراااه ياي حقيه..والا انا الصرااحه ماعرف راشد والي سمعته من بنات عميه انه ريال زين ومااضنيه حمده بتفرط فيه..
بو مبارك:عيل بروح اشااور حمده يوم انج انتي رااضيه..
ابتسمت عفاري ..
ظهر بو مبااااارك عنها وشششقت الحلج وحمددددت ربها ان السالفه يت ع جيه..
عفاري ف خاطرها(بس يمكن محمد ولد عميه يبا حمدوه..اممم انا برمس ميروه وبجووف محمد منو ف خاطره)

+بعد اسبوع من الاحداااااث+

ظهر سعود من المستشفى والحمدالله بخير بس ايده بعدها مجبسه وكلوزره تكنسل من بعد الحادث وهيه صح بعد خلص كليه هو واحمدوه..ميثوه ع حالها وميروه كذلك..احمد استوى ماايفااااارق سعود لو شو ماصاااار حتى لدرجة يوم سعود يبا يرقد هو الي يلحفه وبعدين يروح يرقد..حمدووه وافقت ع راشد واستاااانسوا كلهم الا عفاري الي نااغزنها قلبها وتقول ان محمد ف خاطره حمدوه..

+ف بيت بو محمد+
ميروه:اوووووف سعووود عاد خل ام بي سي 2
سعود:جب
احمد:مب لازم تجووفون هنيه روحوا فوق جوفوا ام بي سي 2 نحن نبا نجوووف هالفلم كيفنا..
ميثوه[معصبه]:فاااارقت ويوووهكم ف ثنييينه..
احمد وسعود:هههههههههههههههههههههههههههه..
عفاري:ويت وييييت سعووود حط حط بسرعه بوظبي بسسرعه..
سعود يجوفها بنص عين جافته عفاري غمزلها سعود..استحت عفاري..
سعود:هههههههههههههههههههههههههه..
احمد:حوووه شبلالالاك!
سعود[يجوف عفاري]:سلالالامت قلبك يا قلبي ويرد يغمزلها..
احمد:بسم الله عليييييك يا غناتي..
سعود[يجووف عفاري]:احبك انا تصدق..
نشت عفاري:سخييفييييين..
سعود:هههههههههههه..
احمد:رووحي تغاارين اصلن..
عفاري:امحق ..
سعود:ههههههههههههههههه..فديتك ياخي..
جافته عفاري بنص عين وراحت..
دخلن ام محمد وام مبارك:السلام عليكو..
الشباب:وعلييييكم السلالالام والرحمه..
سعوود:فدييييييييت هالشووووووف..
ام محمد:فديتك انا..
سعود:افدااااج يا غناتي..
احمد:هلا والله مرحبا مليووون بأميه فديييت روحج انا..
سعود:لا تقلدنيه..
احمد:جب..
ام مبارك:الا ماقلتلج يا خوييتييه..
وسعود واحمد يتصووخون..
ام محمد:هلا فديتج!
ام مبارك:هل ليوا يبون يخطبون رسمي هالخميس..
ام محمد:هييه زين مااايخالف ..
ام مبارك:بس ياختيه هوب جنهو وايد مجدمين!
ام محمد:لا اله الا الله ..ام راشد من حول اسبوعين مرمستنج ومدام البنت موافقه خلاص قربوبهم وخلصوا السالفه..
ام مبارك:شورج وهداية اللله..
احمد:وانا اميه متى بتخطبوليه اريد اعرس..
ام مبارك:انته صك الدعنه عدك مااشتغلت..
احمد:انزين ع الاقل خطبه بس خطبه..
ام محمد:يوم بنخطب لسعود بنخطبلك انته..
شق الحلج سعود..
سعود:هيهيهي وانا متى بتخطبيليه!
ام محمد:خلص مدرسة وبعدين بنخطبلك انته واحمد..
سعود:لا حوول م هالمدرسه قلنالكو كلية هوب مدرسه..
احمد:ههههههههه..
سعود ف خاطره [وييينج يا عفاري ّّ! اوووف شو تسوي فوق ليه ماتيلس تحت><]مسك تلفونه وطرش لتلفون ميثوه مسج..

>عند البنات<
يطالعن تلفزيوون ومندمجين ف الفلم..
وصل المسج لميثوه..
ميثوه:عفاااااري تعالي بسرعه..
عفاري:مابا ابا اجووووف الفلم..
ميثوه:تععععالي انزين براويييج شي بسررعه..
عفاري:اووووف..ويت صوبها..
جافت عفاري المسج

" لقاك يعالج اعواقي××وتجنح صوبك اشواقي a"

استااااااااااااانست ان المسج من سعود وبعد حقها..
عفاري:عادي ميثوه اطرش مسج..
ميثوه:مالي خص جب ابا اجوف الفلم..
ترددت عفاري قبل لا اطرش بعدين طرشت..
وصل لسعود مسج ..
"اذا تخطر على بالي××خفوقي فز فالحالي.. S هع"
استااااااااانس سعووود وشق الحلج..
احمد:شوي شوي عن ينطر ثمك..
سعود[يجوفه بنص عين]:جب..
طرش سعود مسج..
>عند عفاري<
فتحت المسج..
"تعالي تحت والله متووووله ع شوفتج"
وصل سعود مسج منها..
" جب انزين ..من شوي جاايفنيه"
ضحك سعود ع ردها وطرشلها..
" منو جب !! اوكيه لا اتين ولا شي باي"
عفاري تحرت سعود زعل وع طوول فرت التلفووون وربعت تحت..

نزلت ف الصاله ولقت ام محمد و ام مبارك..
عفاري:اميه وين احمد؟
ام مبارك:ظهر توه خاري..شو تبينه!
عفاري[اضايقت]:لا ماشي..
ولفت تبا ترووح فوق وزقرتها ام مبارك..
ام مبارك:فديتج عفاري روحي حجرتيه ويبييي كيسة القطع بتلقينها عدال الكبت..

عفاري[بضيق]:ان شاءالله خالتيه..

راحت حجرة ام مبارك وهي تتحرطم وتتأفف..
>ف نفس هالوقت سعود كان ف الحجرة ويوم سمع حسها قال انا اراااويج يا عفاري<
دخلت عفاري ورااحت لين الكبت ومن كثر ماتتحرطم نست وين ام مبارك قالتلها مكان القطع وفجت باب الكبت وتمت تدوور تحت وهي تتحرطم..
سكتت فجأأأأه, جافت ريووول ف الكبت..
عفاري:بسم الله بسم الله بسم الله..
صخت عفاري وردت لين اليداااااار..
عفاري[تصااارخ]:امييييييييييييييـــ.......وسكتت
مسكها سعووود من ثمها..
سعود يصاصرها:جب والا اذبحج..
عفاري تصيح:والله ..واللله بخبر ابويه منووو انته!!! وصااحت..
سعود [يغير صوته]:انا السكني..
صااحت عفاري اكثر وسعود رادنهااا ع صدره (يعني ظهر عفاري ع صدر سعود) ومسكر بأيديه ع ثمها وهييي ميته صياااح من الروع وماتروم ترمس..
سعود يقرب من اذنها ويهمس:منووو جب!!!
صخت عفاري ..عرفت صوته..
بطل سعووود ايده ورد لورا ولفت عفاري صوبه وهي متروعه..
سعود:هههههههههههههههههههههههههههه يالدياااايه..
عفاري:ّ!!!!!!
سعود:عفاااار....وتقاطعه..
عفاري:مابا اسمع شي وتوها بتظهر وقف سعود قدام الباب وسكره وقفله..
سعود:شو فييج!! محد قالج تقولين جب ..
عفاري:نعم شو تبا!
سعود:اباج تقولين اسفه..
عفاري:مب ع كيفك مابقول..
سعوود يقرب صوبها:بتقولين والا شو!
عفاري[صاحت]:حرااااام عليك ليش تسويبيه جيه..
حس سعود انه رووعها وماله داعي حركاته..
سعود [بحنان]:عفاري غناتي والله اسولف عليج ولو تبين الحين بفج الباب واصلن كنت ياي اشل سويج الجمس ويوم سمعت تحرطيمج قلت بخوفها عشان مره ثانهي ماتقول جب وتسمع الرمسه واتي عشان اجوفها..
عفاري:.....
سعود:والله بعد يديييه تعورنيه يالله يالله مسكتج باليد الثانيه..
عفاري:حمار..
سعود[ببتسامه..همس عدالها]:عيب..
عفاري[مستحيه]:...
سعود:احم...ويعدل صوته..انتي ليش يايه هنيه!
عفاري:اوووه نسييييت انا يايه اشل كيسة القطع الحين اكيد امك بتتهندق..
سعود:لانج فاجه ثمج مادري شو تسوين لين الحين..
عفاري[بصوت خفيف]:انته قافل الباب..
سعود(ذايب):ياوييليه عليج..
عفاري:جب..وحطت ايدها ع ثمها بسرعه..
سعود[مسوي عمره معصب]:اوكيه ماعليه...ولف يبا يفج الباب ..
عفاري[بصوت خفيف]:اسفه غلايه ..
طاااح المفتااح من ايد سعود من سمعها..
سعود:يعلج ان شاءالله جوووفي لا اتمين تقوليليه كلام حلو والله مااحس بعمريه..
ضحكت عفاري..
فج سعود الباب وظهرت عنه..
سعود ف خاطره(حمااره وحده)..

رايكم؟؟؟ __DEFINE_LIKE_SHARE__

۶ـذًبَة أَلِمُ۶ـأِنّيُ · 12-26-2011, 12:11 AM

ﻣ̝̚ړُﺣﺑآ..

ﻟﻟﻣ̝̚ﭠﺂﺑﻋﯾﻧ ﺑﺻﻣ̝̚ﭠ
آﺑﺂ ړُﺂﯾﯾﯾﯾﯾﮑﻣ̝̚ .. "ﻣ̝̚ﻣ̝̚گـﻧ"!

__DEFINE_LIKE_SHARE__

! ĐįƠЯ ƒάṦђịǑη ! · 12-26-2011, 12:33 AM

ثانكس على البارتات نتريا التكمله

تقبلي مروري:
dior fashion __DEFINE_LIKE_SHARE__

۶ـذًبَة أَلِمُ۶ـأِنّيُ · 12-26-2011, 12:40 AM

ﻣ̉رُפ̲ﺑ̲ﺂ̷̲

ټُﺳ̶̷̶ا̄ﻟﻣ̉يٓﻧ̲ ﺣ̲̉ﺑ̐ﯙ̷ًﺑ̲ﮬ̲̐ ﻋ̲ـ ﺂ̲ا̄ﻟرٌډ̝

ﺂ̷̲ﻧ̲ ﺷ̲ﺂ̲ء ﺂ̲ا̄ﻟا̄ﻟﮬ̲ﮧ̲ ﺑ̐ﺂ̴جُرٌ ﺑ̐ﺣ͠ﻁ̲ ﺂ̲ﻟ̷ﺑ̲ﺂ̲ڕﺗ̲ ﺂ̶̶̶̶̲̲̲ا̄ﻟﺛﺂ̲ﻣ̮̃ﻧ̲ ﻋ̲ﺷ̲ــرُ 18 __DEFINE_LIKE_SHARE__

! ĐįƠЯ ƒάṦђịǑη ! · 12-27-2011, 10:37 PM

الله ايسلمج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جئتكم وكلي شوق	ملك الحب والغرام	تراحيب وتهاني	12	04-08-2010 05:43 PM
الايفون مايشتغل يطالب بتركيب الايتونز عشان الجيل بريك وبعد الجيل بريك مايفتح	محروم.كوم	منتدى أخبار المواقع والمنتديات العربية والأجنبية	0	01-22-2010 02:40 PM
(اماراتية وكلي فخر )	emArateY@StyLE	تصاميم الاعضاء	22	07-10-2008 12:43 AM
))((إماراتيه وكلي فخر))((	مقلوعة ليوا	شعر و خواطر	10	06-21-2008 08:51 PM
ܓܨ غناتي يابعد عمـري عسانـي ماخـلا منـك ܓܨ	ж شـمـوخ عـراقـيـه ж	شعر و خواطر	12	01-13-2008 04:34 PM