| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
|
#1
11-25-2011, 07:02 PM
| |||
| |||
| السلاام عليكم والرحمه .. روايه قريتها وجذبتني واايد فحبيت انقلها لكم ..  وان شاء الله تعيبكم ..^^ " أحبك من زمن يوم الطفولة .... ويوم الوقت أحلام وتصور " بقلم : ذربة المعاني .. الجزء الأول تصدق بسمتك والله تفرح خاطري الولهان،،،ويطير من الفرح قلبي واصير بعالمٍ ثاني شما: علني ما اشوفج من بشكارة..اقولج سيري حطي الفواله في ميلس مال ريال..اتحطينها في ميلس الحريم..انتي شو ما فيها هذا مخ..واتأشر على راسها!! بشكارة: سما (يعني شما) انتي فيه زيادة مشكله..بيخبر بابا سلطان بعدين شما: اقو يلاا يلاا اشوف جدامي بينشل الفواله ميلس الرياييل..مستقويات هالخدامات..محد يروم يعطيهن ويه.. سارت شما والبشكارة على أساس ينقلن الفواله من ميلس الحريم لميلس الرياييل..لنه اخوها سلطان قايلها اترتب الميالس لنه ريال بيي عالمغرب والمفروض كله يكون مرتب وجاهز.. شما وهيه اترمس البشكارة : ايوووواه جيه تمام..توج حرمة وراعية بيت..بيوزج دريول يرانا ههههههههه البشكارة: لالا ماما انا يريد ريال بلااد مال انا... شما: يبيييييه اسميج بطارنه بعد انتي...اقول اخافج اتعنسين الا ..يلاا روزي باقي دخون..انا بترياج منيه(فالميلس) وانتي روحي هاتي دخون..تيكي؟ بشكارة:تيكي سما.. شما+++يااا الله من وعيت الصبح ما يلست،،والبارحه طوول الليل سهرانه،،يوم كل الناس اتغفي عيونها،،انا عيوني ما يقاربهن الرقااد،،بسير اجلب في هالقنوات جان نلقى شي(ن) زين،،بيلس شوي والله انه ريولي طايحات من التعب،،يا سلااام حلاة يلسة الدعنة(الارض)،،اوب اوب عنبوكن من عراقيات،،هب رقص يرقصن،،حشى،،ما اتعورهن ريولهن،،بنشوف نجوم الثانيه ،،يا سلاااااام سلاامي عليك ميحد،،ع العوق امرررة،،يلست اغني وياه وانا مب حاسه ..".وصيت قلبي عليك وفكري وظني وان غبت عنهم عليك اعتابهم هادي"...وما حسيت ا لا بحد يكمل الاغنية عني ..يعني حد كان في الميلس ويايه..قمت واتحجبت وسايرة بتغشى..والا بصوت من سلب عقلي وتفكيري،،يالله علني ما خلا من هالنصخ،، عبدالله وهو يسوي حركات بايده ويأشر على شما: ما ودي تجرح شعورك كلمة مني..وانته عتابك يشابه طبعك الهادي...السلااام عليج شمووه،،شحاالج؟ شما: بخير يعلك الخير،،وهيه حاطه يديها على خواصرها،،بتخبرك انته من متى اهنيه،،بعدين الناس اتهود قبل لا تحدر.. عبدالله: والله انتي شو ميلسنج هنيه،،والحين لو حد دخل عليج وانتي جيه،، شما وهيه اتعدل شيلتها: والله لو حد دخل،،برحبه وبقربله الفواله وبقهويه عبدالله: لا والله ،،وهو يتقرب من شما،،والله لو دريتبج سويتي جيه ،،بييج بذيج العصا المحناية شما وهيه تضحك عليه وسايرة صوب الباب: انزين بنشوف.. عبدالله: شمووووه حووه وين تبين ،، شماا: هالبشكارة قايتلها اتحط دخون ..ولين الحين ما يت..دواها عندي شما وهيه واقفه ع باب الميلس وبصوت عالي: رووووووووووووووووزي،،والله يخبر بابا سلطان اخليه يكنسل ويزتج ،،مسوده الويه،، ولنه البشكارة يايه ركض: جين جين (انزين) ماما سما،،انتي كله يصارخ.انا فيه انسان،،ما فيه حيوان شما: لو انسان ما قلتي جذيه،،علني ما اشوفج عرووس،،قولي آمييين عبدالله وهو يالس يصب لعمره قهوة: حشى كلتيها..شوي وبتسخينها بحلجها.. شما: تستاهل مسودة الويه،،الحين لو العرب وصلوا،،والميلس هب مدخن،، عبدالله: منوه هالعرب؟ شما وهي ادخن الميلس : ما ادري سلطان اخويه قالي انه حد بيي وياه،،تبى دخون؟ عبدالله: وانتي شو رايج؟ شما: ما ادريبك،،ما يحتاي،،متسبح من العطر،، عبدالله: عيل غياض ابى وانتي بدخنيني شما: أنا بنت مبارك،،تباني ادخنك ،،لالا شكلك مغلط فالعنوان عبدالله قام وهو معصب: اسميج شايفة عمرج واااايد،،عيل خلي هالغرور اللي فيج ينفعج،،وطلع من الميلس شما+++ خييييييبه انا شو قلت..شرار طاالع من عيونه ..برايه..ادريبه انه يحبني ويمووت فيني بعد..عبدالله ولد عميه..وبيني وبينه بس يومين،،يعني نفس العمر 22 سنة...وافكارنا واايد متقاربه ..من يوم كنا صغار والكل يدري انه عبدالله يحب شما وشما اتمووت فيه..لين ما كبروا والكل يدري ب هالشي..عبدالله غلاته غيييير في قلبي ..من بد كل هالناس قلبي اتعلق فيه..علني افدااه...والله لو يطلب عيوني فداه انا وعيوني وكلي وهلي بعد .. أعاتب نفسي بنفسي ولو ما كنت أنا الجاني.غلاك بداخل عروقي ولا يوصل غلاك انسان فاطمة وهيه اتنشف شعرها: بلاااج اتنافخين جذيه ،،بسم الله ..اللهم سكنهم في مساكنهم شما: لالا ما فيني شي،،بس يمكن لني تعباانه شوي،،وهاي العنود من متى ادقلها ولا ترد عليه..بتشوف مسودة الويه..هب منها من اللي يدقلها.. بعد خمس دقايق دقت العنود شما: لا سلااام ولا كلااام..حشى لو بعدج الليدي ديانا ما اتردين عليه.. العنود: هههههههههههههههههه بسم الله الرحمن الرحيم..بلاااج لابقة ضو( معصبة واايد) ..تيلفوني ما كان عندي..فارتنه فالحجرة..وانا كنت فالمطبخ اعابل ويا امايه.. شما: ما اسامحج..تعالي وحبيني ع راسي وعقب بفكر ارضى ولا ما ارضى عليج.. العنود: اسميج بتبطييييين..بععد تباني احبها ع راسها..اقول يلاا يلاا شو تبين انا مشغولة واايد؟ شما: يالله عن ذاك الشغل..شركتين عندج ،،وفاتحة ثلاث مشاريع..عن هالخرييط،،يلاا حطي شيلتج وتعالي صوبنا العنود: كم تدفعين؟؟ شما وهيه معصبة حييل: قسم بالله انج مذله..محد يباللج ييه،،لا تييين العنود: انتي شي ورااج ..شو تبين قولي قولي لا تستحين؟ شما وهيه اتشوف فاطمة وبصوت واطي: اقولج بخبرج سالفة عن عرب احشام،، العنود: هيييييييييييييه فهمت،،محد غيرهم هالعرب،،توه عندي ما ادري شو بلااه من صلى المغرب وهو ينافخ وطلع مضيق(معصب)،،اعترفي شو مسويه باخويه شما: حلفي،،علني فداهاااا،،اكيد زعلت عليه العنود: ههههههههههههه اكيد فاطمة حذاالج خخخخ شما: حوووه لا اتمين تضحكين،،شو اسوي شو اسوي الحينه،،والله ما اتهون عليه ازعلها العنود : اقولج أميه تزاقرني ،،بسير عندها شما: حووه العنود ،،بتريااااج تسمعين؟ العنود: انزين انزين بشاور المعزبة قبل ههههههه شما: انزين يلااا جلبي ويهج العنود: بااااااااااااااااااي شما+++ العنود بنت عميه اللي هيه اخت عبدالله ،،العنود اكبر عني بسنتين يعني 24 سنة ،،بس اتأخرت في الجامعة بسبة الانجليزي،،كله مرة ترسب فيه،،العنود الوحيدة اللي اقدر اتكلم وياها بصرااحه،،واخبرها شو يصير ويايه،،وهيه نفس الشي،،يعني اسراري عندها،،واسرارها عندي،، فالجامعه مع بعض،،واذا سرنا السوق لازم ارباعه،،أما فاطمة اختيه واكبر عني بثلاث سنوات،،،،ما تفتح قلبها لأي حد،،عمرها ما خبرتني عن ربيعاتها،،او شو مضايقنها،،كأنها عايشه اروحها خاصة من عقب ما اتخرجت ،،خطبوها ثلاثة ومن عايلاات محترمة وناس معروفين بس هيه مب راضية،،وكل مرة تتعذر بصلااة الاستخارة وانها ما ارتاحت والسبب كل من الصدمة اللي يتها من سنتين تقريبا اثرت فيها وخلتها تعزل نفسها،،وتعزل قلبها عن أي انسان .. بعيد لكــن طيفه أقرب للاهداب..... لا غمضت عيني أشوفه لحـــاله اليدة(موزة) وهيه تناغج ع البشكارة: عييت منها هالبكشارة،،موول ما تفهم،،،اقولج يوم بتحطين القهوة حطي عشرة فنيان هب اربعة،،جيه من جيسج بتخبرج,, البشكارة: ماما ما فيه واايد ناس الحين،،بعدين يجي انا بيحط،، موزة: علني ما احلمج ،،قولي آمين،،بتسيرين ولا اقوم لج،،مسوده ويه،،متعلمة اتراد بعد،،سيري اقولج هاتي زيادة فنيان وشلي الصحن وسوي زيادة تمر،، سارت البشكارة وهيه تتحرطم ،، مطر وهو يحب يدته ع راسها: شمسيتي يدتيه ربج الا بخير؟ موزة: بخير فديتك ،،الا هاي البشكارة مطفرتبي،،حشى بغاام،،انعيد عليها الرمسة مرتين وثلاث،،امررة سفرها وكنسل ويزتها،،نبى غيرها،، مطر: ههههههه،،حليلها يا يدتيه من متى هاي عدنا اتعرفنا واتعرف مواييبنا،،خليها خليها انا برمسها وبقولها تسمع رمست ماما كبير هههههه موزة: واااااااابويه عليك بععد شو يضحك،،اشوفك غادي معرس،،وين بتسرح الليلة؟ مطر وهو ماسك فنيان القهوة ويصب لعمره: بنسرح صوب دبي شوي وبنرد،،شي فخااطرج عيوزنا؟ موزة: عيز حيلك،،اتشوفني عيووز مسود الويه ،،يا هاي دبي اللي ما تشبعوون منها،،امرررة من ايي الخميس سرحتوا صوبها،،شو عندكم هناك،،لا يكون الا ماخذين من هالعيم وميودينهن هناك؟ مطر : ههههههههه افاااا يدتيه شو هالرمسة عنبوه ريال شو كبرني اسوي شرات هالمخابيل الحين،،لالا افاا عليج،،انا حرمتيه بتعذرين عنها،،اباها غرشووب شراتج،،وهو يمسك ايد يدته موزة: مسود الويه،،ادريبك انا،،لا تسرعون ابويه خفوا السرعه،،لا تبطي علينا،، مطر: ان شاااااااا الله يدتيه،،شي فخاطرج ؟؟ موزة: الله يحفظك ابويه،، العنود وهيه طالعة برى لقت يدتها فارشه برى وموطية الدلال وفوالته ،،وياسه اروحها،،مطر ركب سيارته وتوه يشغلها،،سلمت العنود على يدتها ،،وسارت صوب سلطان،، العنود وهيه ادق دريشة سيارة مطر: بو غييث فج الدريشة ،، مطر وهو يفج الدريشة: خييييير شو تبين ،،ما بسير السوق،،لا توصيني بشي العنود واونها زعلت: انزين بسم الله خلني ارمس قبل،، مطر وهو يعدل سفرته على المرايه: رمسي الشيخة العنود وهيه شاقه الحلج: هيه توك،،اباك اتوصلني بيت عميه،،شما محتشرة تباني اييها،، مطر: والدريول ووينه العنود: شالتنه امايه وحرمة عمي مبارك ،،سايرات يلوفن بنت عميه شيخة وعيالها،،ويالس يترياها،، مطر: لا حووول،،انزين يلااا ركبي ،، العنود: صبر عيل شوي بييب عباتي ووقايتيه.. العنود وهيه تركض وتعدل شيلتها: ها يدتيه انا بسير تراني عند شمووه،،شي فخاطرج؟ اليدة: ردي السلااام عليهن كلهن،،شلي هالفواله جان يبن منها؟ العنود وهيه تأشر على يدتها: لالا ما يبن بينتفخن هههههه مطر: سمعتي الحارة كلها بهالصووت،،يوم ترمسين رمسي شوي شوي،،منقوووووود تراه العنود وهيه اتسكر باب السيارة: يالله البيت شو كبره بتسمعني الحارة كلها،، مطر: انا قتلج رمسي شوي شوي يعني بترمسين شوي شوي العنود+++ سايرته عسب ما يعصب عليه،،وقتله على هالخشم ،،ان شا الله،،وتمينا انسولف لين ما وصلنا بيت عميه(بو سلطان) ،،، العنود وهيه اتصد صوب مطر قبل ما تنزل: ها مطر ما بتنزل مطر وهو يتأمل في هالبيت اللي جدامه،،وفي عينه لمحة حزن: لالا مستعيل،،سلمي عليهم مطر++ يالله متى بتحس فيني،،،متى بتفهم أنه خيالها دووم جدامي،،،آآآخ يالزمن كيف انه جاسي،،قلبي ما يبى غيرها،،يالله يا فاطمة ،،ما انسى ذيج الايام خاصة ايام الثانوية،،ما انسى يوم كنت اشتريلج قلامه واخلي العنود اتوديهن لج،،بس كل ما اشتريلج شي،،اتقولي العنود انج اتفرينهن فالزباله،،لييش،،جرحتيني يا فاطمة،،وجرحج لين اليوم في قلبي،،كنت ابااج ومن خاطريه ،،بس انتي ما تبيني،،ولا حتى اطيقين اتشوفين ويهي،،كنتي دوووم اتجافيني،،واتصدين عني،،شو ذنب هالقلب اللي ما يبى غيرج،، ما انسى يوم ليلة عرس شيخة بنت عميه<<<< العنود: يلااا فاطمة ..انا ووياج وشما ونورة بيشلنا مطر اخويه ،،من الصبح يتريانا..لبسن عبييكن شما: يلااا ما شي وقت اكييد الحين القاعة مترووسه من الحريم،، فاطمة: صبرن شوي..ولا اقولكن سيرن انا بلحقكن ويا اخويه عبدالله العنود: محد فاضي غير مطر وبالغصب بعد،،الدنيا كلها مرتبشة وانت بعدكن الا تشاورن،..يلاا يلاا ما شي وقت شما++حسيت انه فاطمة ما تبى تركب ويا مطر..لاني وبكل بساطه ادري انه فاطمة ما اداني مطر ولا حتى اطيق شوفه..مع انه ولد عمها ورابين رباعه،،بس السر اللي محد يعرفه غيري انا عن سالفة هالكره اللي بينها وبين مطر..نزلن البنات كلهن فالصاله..وسارن نورة والعنود وركبن السيارة..اما فاطمة وشما تمن فالصاله شما: شوفي فاطمة لا اتمين جيه،،الريال شو ذنبه في كل اللي صار..بعدين فضيحة مخلينه برى واقف،، فاطمة: لو امررة ما اسير العرس مب سايرة وياه..اتعرفين شو يعني هو السبب في اللي انا فيه الحين..هو السبب اللي خلى قلبي يموت،،مطر اللي ضيع أحلى أيام سنيني..مطر اللي ما فكر في لحظة انه هو اللي شل روحي من صدري..سرق أغلى شي عندي ،،سرق الحلم اللي كنت ابنيه من زماان،،مب سايرة شمووه،،اتوكلي انتي وانا بدق على منصور وبخليه اييني.. مطر++كنت واقف عند باب الصالة من اول ما رمست شما..بس من ورى يعني محد انتبه اني سمعت..كنت منصدم..شو اللي ضيعته منها..انا شو سويت عسب اتشل في قلبها هالكره كله صوبي...ما حسيت بالدنيا..ولا حسيت حتى اني حي..كانت ترمس عني وهيه اتصيح...يالله يا فاطمة شو الشي اللي مخلنج هالكثر ضاايجه،،ليت فيني ولا فيج يا ساكنة فوادي،،من يومها وأنا ما اداني حتى اشوف هالبيت،،وفاطمة ما اشوفها الا اذا كانت صدفة،،ودي كل الناس تكرهني الا انتي،،ودي انج تفهميني،،ودي احط عيني فعينج واقولج اني احبج ،،وبيبيع الدنيا كلها بس عشان ترضين عليه..ودي تفتحيلي قلبج واتقوليلي شو اللي مخلنج تكرهيني كره العدو،، اللي عطيته خفوقي ومحسب له حساب....له حبي وتفكير وشعوري كلها له.. .بهديه من زود الغلا كلمة عتاب..واكتب كلام الشوق بأعطر رسالة العنود وهيه تدخل المطبخ: سربرااااااااااااااااااااااااااااااااااااايز هههههههههههه فاطمة: مرحبااا بالعنود ,,وهيه اتوايهها،،ما بغيتي توصلين الشيخه العنود: عااد شو انسوي ،،المهم انه الشيخة شما ترضى علينا،،حشى كلتلي فوادي،،عيل وينها هيه؟؟ فاطمة: هههههه من دخلت حجرتها من المغرب ما ظهرت،،تعالي تعالي بصبلج من هالعصير،، العنود وهيه تاخذ العصير من فاطمة: هههههه من المغرب والحينه الساعة 8 وشي،،يعني شما اكيييييد شي فيها،،ما احيدها اداني تيلس بلاا شي.. فاطمة: مزاااجيه من يوم يومها،،ما اتعرفين طبعها انتي العنود: تسلم يديج..جنان عصيرج،،الا ما اعرفها خابزتنها شمووه بس بعدني ما كليتها ههههههه فاطمة: هههههه،،الا تعالي انتي منوه موصلنج،،لمحت سيارة بس من التلوين(عاكس السيارة) ما شفت منووه؟ العنود: منو بيوصلني دخييلج،،مطر فديته،،بعد كان مستعيل ،،ساير صووب دبي،، فاطمة وشكلها اتغير وصدت صوب الثلااجه عسب العنود ما تلمح ملاامحها: اهاااا،،يحيكم والله،،برايج العنود سيري عند شمووه وانا بلحقج،، العنود: ما عليه ،،بس هاتي بصبلها عصير ،،اتحب حد يدلعها هههههه فاطمة++ اكره وبظل طوول عمري اكره،،مطر مطر مطر،،متى هالاسم بيختفي من حياتي،،متى برتااح،،متى بغمض عيوني من دوون ما يتراوالي الشي اللي صار من سنتين،،انتهت حياتي لحظة وداعه،،وعاهدت نفسي اني احفظ القلب اللي عندي لنفسي،،ما اقدر ما اقدر انسى،،يلست ع الطاولة وحطيت يديني على ويهي ويلست اصيح،،دموعي اللي ما ملني من يوم صار اللي صار،،الله يسامحك يا سلطان،،خليتني اعيش على ذكرى ايام أليمة،،خليتني مثل التايه اللي مب عارفة كيف اتلااقي الشي اللي فقدته،،الله يسامحك يا ولد عميه،،الله يسامحك،، العنود وهيه شالة كوب العصير لشمووه وتدخل عليها وهيه اتغني: ان زعلت ارضيك وكل عمري فدااا شمووه اتقاطعها واتقوم اتوايهها: اقول سكتي سكتي،،خربتي الاغنية،، العنود: من حقج محد يروم على صوتج يوم اطربين ،،بسم الله شو فيييييج مكشونه(معصبة)؟؟ هالكثر اتحبينه شمووه: آآآآخ يالعنود،،مع اني ما سويتبه شي،،الا هذا اخوج زعوول ،،وبعدين انا ما كنت اقصد،، العنود: رمسي انزين شو السالفة؟ شموو قالت للعنود القصة بالتفصيل الممل على قولتهم" العنود وهيه ميتة من الضحك:ههههههه صدق انكم يهااال،،لالا الصرااحه من حقه اخويه،،ههههه خليه يزعل عليج شهر شمووه : حرااااام علييييج،،ما فاضتلج الحينه،،لا اتمين تتطنزين عليه،،شو تبيني يعني اسويبه،،اولا داخل الميلس من دون حتى ما يهود،،ثاني شي كنا بروحنا في الميلس،،والحمدلله انه محد دخل علينا،،بس انا خليت الباب كله مفتوح،،بعدين والله العظيم يا العنود اني من اشوفه اتيبس مكاني واستحي،،بس استقوي عليه عسب ما يحس اني مستحيه منه،،ويقولي شي منيه ولا مناك،،تدريبه عااد انتي اخوج،، العنود وهيه فاجة عيونها واطالع فووق: يالله متى بلقى وااحد يحبني واحبه شمووه وهيه تعطي العنود كف خفيف على ويهها: طالع انتي ووين وانا وووين،،انا شقايل برقد الليلة وعبدالله ماخذ على خاطره مني،،يلااا قوليلي؟ العنود: والله هاي مشكلتج وحليها بروحج،،ما احيد شي يغلبج،،بنت مبارك من تبى الشي اتسويه ،،حتى لو صار ما صار شمووه: شوفي باجر اليمعه،،والكل بيتيمع في بيتنا لنه الغدا عدنا هاليمعه صح؟ العنود وهيه اتهز راسها: صح؟ شمووه: خلااص عيل يصير خير لين باجر،، العنود: ع شووه ناويه انتي؟ والله اني اخااف دووم من افكارج،،احسج خبلة مرااات ههههه شمووه:هههههه عنلااتج ،،الحين انا الخبله،،يلاا اعتذري الحينه ولا طردتج من بيتنا.. العنود وهيه اطالع شموه بنظرات تحدي: اترومين تطرديني ،،ما احيد البيت باسمج،،الله يطول عمر عميه،، شمووه: هههههه،،اتعيبني يا ختيه يوم اطالعيني بهالنظرة،،اسميج خقاقة،،ما ألومج،،الخقة الا من عقبكم،، العنود+شموووه: ههههههه انتهى البارت الاول ..^^ اتريــا تفاعلكم ..   |
|
12-02-2011, 09:47 PM
| رقم المشاركة : [ 2 ] | |
| عضو برونزي  |  الجزء الثاني يثور الجرح في صدري وتبكي من همومي اضلوع. واقول الآه من قلبن شكى من قسوة اظروفه ام سلطان(سلاامة) وهيه اتوعي منصور: يا بويه قم الساعة 11 ونص الظهر،،واليوم اليمعه،، منصور من تحت اللحاف: ا ن شا الله أميه بقووم،،بقووم الحين ام سلطان: يالله يا بويه ،،الله يهديك ويصلحك،،معذب رووحك بهالسهر كل ليلة،، منصور وهو يرن تيلفونه: اوهوووووه منوه هالمتفيج الحينه دااق،، ام سلطان واللي ما عطت أي اهتمام للتيلفون: منصووور يا بويه قم،،عييت(تعبت) من كثر ما واقفه ع راسك،،لو بعدك يااهل.. منصور وهو يمد ايده على الكامدينو يدور تيلفونه اللي يرن وهو متلحف : ا ن شا الله امايه ان شااااااا الله "طلعت ام سلطان عن ولدها منصور،،وكل ويكند على هالحال،،منصور 26 سنه ،،يداوم في بوظبي،،طول الاسبوع هناك وما ينزل العين الا في الويكند،،منصور شاب طاايش،،جذااب،،طويل وعريض ،،والعضلاات اللي محلياتنه واايد،،من يوم صغير يمووت على شي اسمه رياضة،،عيونه وسااع وأغلب اللي فالعايلة عيونهم وساع،،صح انه عمره 26 بس بعده فيه طيش الشباب،،انسان محبوب من الكل،،لنه راعي سوالف وربشة،،" منصور وهو يشوف شاشة تيلفونه: اوهووووه هاي بعد متفيجة،،وهو يفر تيلفونه ع الكرفاية ويقووم،،وما عاطي أي اهتمام لتيلفونه اللي فوق السبع مرات رن،، فاطمة وهيه اتقطع السلطة: ليندا هاتي صحن كبير شوي،،ما يكفي هذا سلطة،،،وهاتي زيادة خيار من ثلااجه،،يلاا بسرعه ليندا: اوكيه ماما ام سلطان: يا حاافظ ع بنتيه،،يالله يا بويه يرزقج ولد الحلال،،قولي آمييين فاطمة++الا هالدعوة يا امايه ما ابى اسمعها،،قولي الله يصبرني ،،قولي الله يريح فوادي،،ما اظني بفكر في هالشي طول عمري،،مع انه كل بنت تتمنى هالدعوه من امها،،الا انا،،هالشي مات في قلبي من زماان،،ومستحيل حد يحييه مره ثانيه ام سلطان: فاطمة فاطمة،،عنبوه يا بنتي مرتين زقرتج وانتي ما اترمسينيه،،امايه شي يعورج؟ فاطمة وهيه مرتبكة: لالا فديتج،،بس البارحة مب راقدة زين،،تراني رقدت واايد بالنهار،، ام سلطان: يا بويه ريحي عمرج شويه،،طالعي عيونج شقايل متنفخات،،الاسبوع الياي بسيربج توام بخليهم يسولج فحوصات ع كل شي،، فاطمة وهيه اتقطع السلطه: من السهر امايه لا اتمين اتحاتين انتي،،واتحيدني مستشفيات ما اداني حتى ريحتن،،سيري ريحي عمرج وانا بعابل الغدا وياهن ام سلطان: ما عليه امايه بسير اوعي هالرقاادة اللي ما تشبع،،بخليها اتفازعج،،اتحيد قوم عمها غداهم عدنا اليوم سلطان وهو يالس فالصاله يشرب جاهي ويزاقر على شموه: شموووه،،،شممممممميم،، ام سلطان وهيه داخله الصاله ويقوم سلطان ويحبها ع راسها: بلااك بويه اتزاعج،،شو بغيت؟؟ سلطان: شمووه قايلها اتحطلي دخوون ولين الحين ما يابته،، شما وهيه نازلة من فوق،،ويايبه المدخن،، سلطان: اوب اوب جنج هب ختيه،،شو عندج جيه هب العيد اليوم شما وبغرور: امبونها بنت مبارك ان عدلت ما خربت،،،وهيه اطالع امها،،ولا شو رايج ام سلطان؟ "شما كانت لابسة كندورة عربية مفصصة،،اللون الطاغي على القطعة الاخضر الزيتوني،،حاطة شوية غلوس ومجحلة عيونها من داخل وحاطه شوية ماسكرا،،شما امبونها بيضا ،،طولها زين،،وسط يعني،،اللي يميز شما صوتها الحلو،،خاصة اذا شلت " ام سلطان: هيه نعم ،،امبونج عااد انتي مفججيلج راسج،،اقول بنتي عنبو انتي هنيه متكشخة ومتعطرة ومخليه اختج اروحها اتعابل في المطبخ ويا هالبشكارات ؟ سلطان وهو يدخن سفرته ويطالع شموه: امبونها ما فالحه الا في هالرقاااد وسيرات السوق،،والجامعه االلي ما مضويات منها شي شما : يااااا الله عاااد اللي يسمعك يقول متخرج من جامعه هامبورغ،، سلطان: والله انا ريال ما بيشلني غير شغلي،،هب شهايديه،،اقوول سيري سيري فازعي اختج.. ام سلطان: ووين اتسير الحين،،بتخيس ريحتها ،،وبتضيع كشختها،،اقولج سيري دخني البيت والميالس،،واتأكدي اذا روزي حطت القهوة والتمر هناك،، شما وهيه ماسكة المدخن: ان شاااااااا الله على هالخشم،،تامرين ع شي ثاني سمو الشيخة سلاامه؟ سلطان وهو يعطي شما بوكس على جتفها: ايييه لا اتمين تتطنزين هاي امج شما : آآآآآآآآآآآآآي جيه يعور ،،حشى هب اييد ،،ملااس،، سلطان : اتشاهدي ع ويهج،،اهبي هباج الله،،ادريبج غيرانه مني،، شما وبغرور: هههههههههههههه،،عااد ندريبك مزيوووون،،بس انا غرشووب،،انا ظبي هالبيت كله سلطان: اسميييج واايد شايفة عمرج،،يلاا امايه انا ساير،،الساعة 12 ما شي وقت،،عيل ابويه ووينه؟ ام سلطان: ابوك من الضحى يالس عند يدتك،،والحين تلقاه فالمسيد،، سلطان: ع خير عيل اميه،،انا ساير الحينه ام سلطان: الله يحفظك بويه،، شما++ دووم يقارنوني بختيه فاطمة،،ما يعرفون انه هالشي يجرحني،،فاطمة بنية رزينه ما تهمها الكشخة وسيرات السوق وحتى اللمة ويمعه العايلة ما اتحبها واايد،،احسها انسانة عاقلة،،ما انكر اني أغار منها ،،بس اللي يشوفنا ما اتقول خوات،،لا في الشكل ولا فالطباع،،فاطمة شكلها كيووت،،يعني مب باين عليها انه عمرها 25،،بالعكس،،أحلى شي فيها ابتسامتها الطفولية،، بس دايما أحاول اتقرب منها،،بس والله العظيم ما شي نتيجة،،الله كريم،،يمكن الايام اتقربنا من بعض أكثر،،اوووه نسيت،،بسير اشووف الترتيبات في الميلس،،وبدخن باقي البيت،، بعد صلااة اليمعة×× مطر وهو يمسك يدته من ضبعها(زندها) اليمين: اسميج بعد يا يدتيه تراه سيارتيه الا شرات سيارة عبدالله،،وابويه،، اليدة(موزة): لالا انا هالسيايير الكبار ما اروملهن،،ووينه هالحليان دريولكم،،خله يشلني في هذيج الصغيرونه(واتأشر بعاصتها ع المرسيدس اللي موقف فالكراجات،، عبدالله: ههههههه بعد العيايز هب هينات،،عجيييبة ثرج يدتيه،،عندج ذووق،،مرسيدس بو باب وااحد،،ومزود بعد،،اسميه بيطيربج لين دبي،،هههههه،،يدتيه هاي هب سيارتنا،،هاي سيارة واحد من ربعي،،مخلنها عندي،،بس ما يهمج،،باخذج فيها وبلفج شوي في العين وبصيحبج ويلااات لين ما تشبعين،،ها شو الراي،ههههههههههه اليدة وهيه تضرب عبدالله بعجويتها(عصاها): مسود الويه،،اسميك متفيج انته بعد،،يوم الا سيارة ربيعك،،عيل ما نباها،،اخااف اتسويبها شي ويردونه عليك،،لالالا خلااص بركب في هالرق ،، مطر: هههههههه رنج يدتيه رنج،،هب رق،،هههههههه بو مطر وهيه ينزل دريشة سيارته: انقفضوا،،داقين سوالف،،والعرب يتريونا،، ++نورة ركبت ويا ابوها وامها،،والعنود ركبت ويا يدتها ومطر،،وعبدالله سار في سيارته++ فاطمة وهيه تدخل غرفة شما: شعندج بتخبرج لاصقة فالدريشة،،الحين لو دش عليج واحد من اخوانج شو بتقوليلهم شما وهيه ما عاطيه أي اهتمام لفاطمة: انزين انزين،،ما وصلوا قوم العنود؟؟ فاطمة: والله انتي أدرى،،ع بالج ما ادري عنج،،حبيبتي خذيها نصيحة مني،،لا اتعلقين قلبج بانسان يمكن يختفي من حياتج في أي لحظة،، شما وهي تلتفت صوب فاطمة وباستغراب: وليش يختفي ،،دامنه شارني ويباني فاطمة وهي تيلس ع طرف كرفاية شما وكانت ترمس بنبرة حزن: سمعي شما الانسان دامنه عاايش ما يعرف شو الله كاتبله باجر،،اتعلقنا في ناس واايد بس يخلونا ويختفون،،اللي مكتبنه ربج محد يقدر يعترض عليه شما: يعني عبدالله ممكن يغيب عني في أي لحظة،،لالا دخيلج،،لا اتمين جيه ترمسين،،انتي غير وانا غيير،،ناصر ما خلااج بإيده،،لو بإيده جان تم عايش وياج طوول العمر،،فاطمة ناصر مات،،والمفروض ما تنتهي حياتج بموته،، فاطمة وهيه حاطة يديها على ويهها ويلست اتصيح: ما قدرت انساااااه،،ما قدرت،،كيف الواحد ينسى رووحه،،كيف؟ علميني؟ ،،كان هوايه اللي اتنفسه،،كان الشي الوحيد الحلو في حياتي،،ناصر كان غييير عنهم كلهم،،لييش الله خذااه لييش؟ شما وهيه تمسك يدين ختها: فاطمة اتعوذي من ابليس ،،هذا مكتوب ربج،،ولا اعتراض عليه،، فاطمة وهيه تمسح دموعها بيديها: هو السبب ومستحيل انسى انه في يوم كان السبب في مووت أغلى انسان عليه،،هو السبب..دمر كل حلم بنيته انا وناصر،، شما++لو اقولكم ما عرفت اتصرف يمكن اتلومني،،والله العظيم حاولت وياها واايد،،بس ما قدرت،،فاطمة قلبها مجروح ،،ومجرووح من زمان،،فاطمة فقدت شي مستحيل أي حد يعوضها عنه،،المشكله محد يعرف بالشي اللي غيٌر فاطمة،،الشي اللي جلب كيانها فوق تحت ،،بس ما شي فايدة،،كانت اتمر ليالي ،،الله اعلم بحالنا،،فاطمة من يوم صار اللي صار اييها مثل الصياح الهستيري،،شلوها عند واايد مطاوعه،،وقالوا انها فيها عين وحد يقول مس،،وفاطمة ما فيها غير حب ناصر اللي سكن فوادها وعقلها وكيانها كله،،ودي مرة ولو لحظة وحده اترد فاطمة شرات قبل،،تضحك واتسولف،،الله يفرج همج يا ختيه،،ما خليتها لين ما قامت وغسلت ويهها،،وقوم عميه من شوي واصلين،،اسمع زعيج العنود من فوق،، في الصالة ام سلطان: مرحبا مرحبا توها نورت الدار،،مرحبا بعمتيه،، اليدة(موزة) وهيه اتواييها: مرحبا بنتي سلاامة،،شحالج؟ وشو حال عربج ربكم الا بخير،، ام سلطان: كلهم بخير وسهاله،،شحالج ،،شو ريولج عساهن اهون عن قبل؟ اليدة: فضل عنهن،،ما ينفعنيه الحين،،يبوج الكبر يخرب ما يعدل،،الا وينهن هذيلاا بناتج،،دوومهن الا منخشات؟ ام مطر: شحالج سلاامة ربج الا بخير؟ ام سلطاان: بخير يعلج الخير،،قربوا قربوا شما وهيه نازلة: مرحبا السااااااااع بهالصووت،،علني افداااج ،،يدتيه بكبرها عدنا،،وهيه اتهوي على يدتها واتحبها ع راسها وتلوي عليها اليدة: يالمكاارة انتي،،الحين تتفديني،،ما ادلينه بيت عمج ،،قاطعات ومحد يشوفكن شما وهيه اطاالع العنود وتضحك: عااد يدتيه ووين تبينا انسير ورانا درااسة وبيت ،،ههههههه االيدة: جيه ادريبها عندكن اجازة نص السنه الحينة،،تحريني خرفت مسودة الويه.. شما وهيه اتوايهه العنود وتضربها ع جتفها وتضحك: هههههههههه،،مرحباااااني بالعنوود العنوود: مرحبا بج زوود بنت عميه،،شو هالكشخة،،ودهن العود يهب من مسيرة يوم شما وهيه اتوايه نورة وما عاطتنها ويهه: عنبوه يالعنود تراها اليمعه،،ما تبيني ااطيب(اتعطر) شما: شحالج نورة،،مالج شووف؟ نورة : كلنا لاهين بالدراسة ترانا،،شو تبيني اجابلج؟ شما: لا فديتج جابلي دريولكم ههههههههههههه نورة وبعصبية: ما اظن شي يضحك شما: عااد انا هالشي يضحكني،،عندج ماانع؟؟ نورة: لالا ابدن ما عندي مانع،،اترومين تضحكين لين باجر،،ضحكي محد ماسكنج،،والله،، العنود وهيه اتحاول اتغير الموضوع: الا شموووه ووين فاطمة ما اشوفها؟ شما : الحين يايه،، العنود++يمكن تستغربون من تصرفيه يوم حاولت اغير الموضوع واقطع رمسة كل من شمووه واختيه نورة،،الله يسلمكم هالبنيتن ما يطيقن بعض،،ما بدافع عن ختيه،،بس هيه طبعها جيه،،نورة لنها أصغر وحده بينا طالعه دلووعه،،واي شي تباه اييها لين عندها،،شاايفة نفسها واايد،،طيبة بس طيبتها ما تظهر الا نادرا،،نورة سنة أولى في كلية التقنيه،،بيني وبينها اربع سنين يعني عمرها تقريبا 20 سنة،،ما بقول عنها فاشلة،،بس نورة ما عندها هدف في حياتها،،أنانية من يوم كانت صغيرة،،جميلة،،واللي يميزها شعرها الأسمر واللي واصل لين ركبتها،،يمكن اتغاار من شمووه،،لنه شمووه محبوبة عند الكل،،راعية سوالف وراعية مواييب ،،وفوق كل هذا،،مزيوونه واذا كشخت اتسكت الكل،،بس شموه عنيدة،،وطبع العنود يخليها اتعاند اكثر،، بعد ما اتغدن الحريم،،اتيمعن البنات في المطبخ،،وام سلطان وام مطر وموزة(اليدة) ونورة يلسن يرمسن وخذتن السوالف،،" موزة(اليدة): وااابويه نورة اشوفج الا عايبتنج اليلسة،،قومي فازعي خواتج،، نورة وبدلع وهيه ماسكة تيلفونها وتلعب: يدتيه انا ريحة المطابخ ما ادانيها،، ام سلطان: برايها عمتيه،،سادات ما شا الله عليهن والبشكارات وياهن،،وكله موطاي،، اليدة: لا الله مبزينها(مدلعينها)،،مقبضينها تيلفون،،وهالكمبوتر يطقطقن عليه ليل نهار نورة وهيه تضحك :ههههههه يدتيه كمبيوتر،،هب كمبوتر اليدة: هو هالعله،، ام مطر: عمتيه تراه ما يدرسن الا عليه،،والحين حتى اليهال كل واحد عنده واحد اليدة: الا ضيعوا الطبع ،،البنات لول يفازعن مهاتن ع مونة البيت،،وتتعلم لين ما تكبر،،واتسير بيت ريلها وهيه حرمة بيت،،والكل يمدح فيها،،الا الحين شو بتضوي هاي بنتج نوير،،دوومها الا مبحلقة(فاجه) عيونها في هالكمبوتر،،خلااف يا بويه الريل ما بيدور علمج،،بيدور مواايبج ،، نورة: والله انا اللي بيي ياخذني،،بيحطليه بشكارة قبل اليدة: قطعيها من رمسة،،ما ساداتنكن هاللي عنكن،،ترستن البلااد ابهن،،مسوداات ويه،، Ok ok mum ,,I will do what u want,,okنورة: ام مطر: نورة يوم اترمسج يدتج رمسيها زين،،حايستلي لسانج وترمسين شرات هالحمر نورة بعد ما طفربها وعصبت: انزين أمايه ،،ان شا الله،،على امرج اليدة: هيه توج،، نورة++شخصية اتحب الحرية ،،ما اتحب حد يدخل في حياتها،،أي شي يخص حياتها محد له دخل فيه،،يوم دشت التقنية دشتها وكان اخوها عبدالله امعارض هالشي،،بس ابوها هو اللي مفججلها راسها،،ومحد يروم يرمسها،،نورة وراها بلاوي ودووم تتصرف بسرعه من دون ما اتفكر بعواقب الشي اللي بيصير،، في المطبخ فاطمة وملاامح الصياح مبينه على عيونها: شمووه ،،بتلقين ثلاث صحون متوسطة مقطعه فواكه مشكله ،،هذيلاا للريياييل والجريم قطعتلهن صحن،،بس أخافه ما يسدهن،،قطعي زيادة واحد،، شما++حسيت أنه فاطمة تعباانه وتبى اتسير تيلس اروحها: ما عليه فاطمة،،انتي برايج سيري ،،انا والعنود بنرتب كل شي،، فاطمة: خلااص عيل،،اقول روزي خلااص مناك يشيل كل شي،، روزي: خلاص ماما كله نزيف(نظيف) اتردد للمكان اللي انت فيه...كني فاقد شي فذاك المكان.. اتعذر بأي شي واسأل عليه..والوله في نظرة عيوني يبان فاطمة++كنت امشي من المطبخ لين ما وصلت الباب الفرعي اللي يدخل على الصاله بس من الخلف،،ومجابلنه باب فرعي للبيت،،يودي لبرى،،،،كان الجو حلو وغيم،،امبونها البلاااد في هالشهور اتكون باردة شوي،،وينزل مطر،،يلست على الدري(الدرج) اللي يودي ل هالباب،،يلست وغمضت عيوني وشريط ذكرياتي يردني لأحلى أيامي،،هالمكان بالذاات غااالي عليه واايد،،هالمكان اللي جمعني ويا ناصر صدفه،،هالمكان اللي أول مرة يدق فيها قلبي،،لأول مرة احس بشي غريب يسري في دمي++ ناصر وهو يدق الباب الخلفي للبيت: بععد ما شي جرس،،مشكله البدو،،عنبوه محد يسمعني،،بدق ع منصور هالتعباان......... ما يرد عليه...عيل بدخل واللي فيها فيها،، ناصر++فتحت الباب بشوي شوي وهودت،،وهودت،،محد رد عليه،،كان الوقت ذيج الحين العصر،،قلت اكيد منصور راقد،،عنلااته مسود الويه،،الا جيه يواعد العرب،،فجأة ما دريت الا بوحده يايه من صوب المطابخ،، وماسكة شي في يديها واتعدل ظفورها واتغني،،كانت موخيه(يعني اطالع على تحت وتمشي)،،وكان كل تركيزها في صبوعها،،شيلتها طايحه ع جتفها،،وقصتها(غرتها) نازلة على ويهها بشكل مخربط،،وطفولي،،شكلها كان يجنن،،وهيه اتبسم واتغني،، فاطمة وهيه ادندن: أحيا وأعيش العمر والعمر يجني....وأن كان فوقه عمر عشته برجواكـ زاد الغرامــ وفاض بالحبـ نـهري....أظمى الظمايا وأنت حسيت وسقاك فاطمة ترفع راسها فجأة: يالله بالستر ،،وتمسك شيلتها بسرعه وتتغشى،، ناصر: السلااام عليج الشيخه،،السموحه منكم الا دقيت الباب ومحد رد يواب(محد رد عليه) فاطمة وهيه ودها الارض تنشق وتبلعها ومن كثر ما مرتبكه طاح المبرد من يديها: بالحل بالحل اخويه،،الا لو تدخل من الباب الثاني احسن،،من الغرب الباب الرئيسي،،الا منوه بغيت ؟ ناصر: منصور،،هب بيت منصور بن مبارك ال.............،، فاطمة: هيه نعم بيت منصور ال.............. هذا،،اقرب الشيخ،،من الباب الغربي،،وانا بوعي منصور الحينه،، فاطمة وهيه تركض لين ما وصلت فوق عند شيخة ختها(طبعا قبل ما اتعرس): لحقي عليه شيخه،،دخل ريال من الباب الشمالي،،وشافني ويت عيني في عينه،،يا ويلي من منصور ،،اخافه يقوله شي،، شيخة: بسم الله يبوج زيغتيني،،لالا ما بيقوله شي،،وانتي شعنه ما اتحطين شيلتج ع راسج،،دوومج صلعا،، فاطمة: اسميج متفيجة انتي ومحاضراتج،، يالله لو شفتيه يا شيخه،،ما شا الله عليه،،جمال يوسفي فيه،،بس جنه هب من العين،،اقولج بسير اوعي منصور،، قريت الحب في مقلة عيونك...وعيني فسرت قصد انظراتك روزي وهيه اتهز فاطمة من جتفها: ماما فاطمة،،ماما فاطمة،،انتي ايس فيه؟؟(شو فيج) فاطمة وهيه اتفج عيونها: ها روزي بلاااج اتزاعجين عليه،،شي تبين؟؟ روزي: ماما انا يقول اسم مال انتي عشر مرة ما فيه يسمع،، فاطمة وبكل هدوء: ما عليه روزي قولي شو تبين،، روزي: ماما ام سلطان يريد انتي في صاله فاطمة: ما عليه الحين بيي شما وهيه اطالع من زجاج المطبخ: يالله يا اخوج نحيس هب طاايع يطلع من الميلس العنود وهيه تاكل موز: شو انتي تبين تذبحين اخويه،،لو شافج الحينه بيتخبل عليج،، شما: ايه انتي قولي ما شا الله،،العنود فدييييتج قولي آمين،، العنود :آميييييييييييييييييين شما: ا ن شا الله خطتيه تنجح العنود: والله انج حركاااات وهب هينه،،يلاا خبريني شو بتسوين يعني؟؟ شما: انتي بس راقبي وشوفي شما وهيه اتزاقر على ليندا : ليندا شوفي انتي يروح ميلس مال ريال،،شوفي انتي يقول حق بابا عبدالله ،،اخت مال انته يريد شوي برى،،انزين العنود وهيه تمسك الخدامه: ايه ايه صبري وين تبين،،بعدين منوه قالج اني اباه؟ شما: انتي جب خليني اسوي اللي في راسي،،وتمسك ليندا من جتفها،،انزين ليندا قولي بابا عبدالله اخت مال انته يريد شوي في مطبخ،،تيكي ليندا؟ ليندا: تيكي ماما شما: يلااا بسرعه،، العنود: اسميج قوية،،هذا بعده ما صار ريلج جيه،،عيل عقب شو بتسوين؟ شما: واااااااااااايه العنود قلبي يدق طبوول،،الا جيه تراني قويه عالفاضي ولا من داخل قلب دياية،، العنود: ههههههه ديايه اوين،،انتي ووين والديايه ووين،،حرام عليج الدياية رقيقه،،قولي قلب بقرة،،قلب ناقة هههههه شما وهيه اتوايق من الزجاج: بقرة محد غيرج يالسبااالة،،سكتي دخيلج،،الشيخ اخوج ما ادريبه شو فيه،،سمعيني انتي،،يوم اتشوفين اخوج زقريه لين ما يدخل المطبخ،،تسمعين؟ العنود وهيه اتهز راسها: ا ن شا الله ماما سما شما: هذوه هوذه طلع،،علني ما انحرم هالشووف،،شوفي العنود ،،علني افدا هالطول والابتسامة الحلوة،،حق منوه يبتسم بتخبرج؟ العنود: ما ادريبه جان حق روزي،،يتحراها فالمطبخ هههههههه شما: اتخسي الا هيه،،ها اللي نقاص ،،روزي بععد،،بيوصل الحين،،يلاا العنود شوفي شغلج،،ألفي أي شي،، العنود: ما يهمج انتي،،توكلي بس وسيري فتحي الثلااجة وخلي راسج ما يطلع شما: اوكيه اوكيه عبدالله وهو واقف عند باب المطبخ من برى: العنوود،، العنود: لبيييه،،مرحبا بوحميد مرحبا في ذمتيه،،لا يكون غثيناك،، عبدالله: لالا مروح انا،،امبوني مستعيل،،شو تبين زاقرتني شما وهيه تزقر العنود بصوت عالي: العنود منوه عندج؟ العنود: عبدالله خويه،،تعالي تعالي سلمي عليه شما وهيه تمشي صوب الباب: السلاام عليك والرحمه عبدالله وهو ماسك تيلفونه وفجأة يرن: وعليج السلاام ...آالو..مرحبا وسهلاا..الله حييييه..وووين هالصووت..عنلاااتك هههههه..الليلة امرررة تم..خلااص ع خير..الله يحفظك عبدالله وهو عينه على شما بس طبعا ما بتلااحظه لنه لابس نظارة شمسية: ها العنود شو تبين؟؟ العنود: لالا خلااص،،دامنك مستعيل برايك،،الله يحفظك.. عبدالله: يلاا برايكن عيل عبدالله+++هههههه حلو شكلها وهيه زعلاانه،،وعيبني يوم اني اقهرها،،،هههههه الخدامه قالتلي يوم طلعت برى انه شمووه تباني مسويات عمارهن ذكياات...،،خليها تستااهل ،،والله اني احبها ،،وامووت عليها،،واليوم طاالعه حلوة بذيج الكندورة العربية،،بزعل عليها ثلاثة ايام ،،لالا بس يومين.. مع اني ما اصبر عنها،،بس عسب تتأدب هالمرة وتسمع الرمسة،، شما: عنلااااتج انتي واخوج فوووقج،،والله قهر،،ولا كأني واقفه،،لا عبرني ولا عاطني ويهه،،ما عليه يا عبدالله،،بتشووف،،دامنها الشغله شغلة عناد وغياض،،انا بعد اعرف اغاايض،، العنود وهيه ميتة من الضحك ع شكل فاطمة وهيه تتحرطم: هههههههههههههههه،،اسميه حالج صعبة،،سلاامي عليك بوحميد،،موول ما عطاج ويهه،،،هههههههه،،لالالا الصراااحه طلع اخويه خطيييييييير شما وهيه اتزاعج ع العنود: طوفي اشوف جدامي،،هب منج،،من اللي عاطنكم ويهه انتي واخوج،،ما عليه،،بخليه يتندم ع اللي سواه اليوم،،يا أنا يا انته يا ولد عميه.. رجيتك لاتخليني اذا كثرت بيالاحزان،،، ابيك تكون بجنبي وكل الناس ماابيـــــــها... __DEFINE_LIKE_SHARE__ | |
| ||
| |
|
12-08-2011, 08:58 PM
| رقم المشاركة : [ 3 ] |
| عضو جديد  | تسلمين الغلا على القصة الحلوه ونتريا التكمله
__DEFINE_LIKE_SHARE__
|
|
| |
| |
|
12-09-2011, 06:05 PM
| رقم المشاركة : [ 4 ] | |||||||||||||||||||||
| عضو برونزي |
ربيه يسلمج من الشر . . من عيونيه لاهنتي عالخطفه
__DEFINE_LIKE_SHARE__
| |||||||||||||||||||||
| ||||||||||||||||||||||
| | ||||||||||||||||||||||
|
12-10-2011, 06:52 PM
| رقم المشاركة : [ 5 ] | |
| عضو برونزي | الجزء الثالث
__DEFINE_LIKE_SHARE__
أنت حالي وروحي والعمر يفتديك.... وكل شي ملكته يا حياتي فداك يوم اليمعه في الميلس الساعة 2ونص الظهر يدخل عليهم عبدالله عقب ما رد من عند العنود: اقوول انا بترخص مستعيل شوي منصور: تعال تعال بسير وياك ،،تعال بصبلك من هالدلال،،قهوة،،جاهي سليماني(احمر)،،جاهي اخضر،،انته شو يريد ارباب؟ههههههه عبدالله وهو يدخل: صب صب فنيان قهوة،،يلاا جلدي كاروه ههههههههه منصور: ياالسبااااال اترمس بيداركم ،،لو اعطيك بوكس الحينه بيوديك يبل حفيت،،الا راحمنك من زماان عبدالله وهو يطالع منصور بنص عين: اسميييييييييك خقاااق،،عااد قلنا فيك عضلااات ،، اقوول صب صب ،،لا اتم ترمس وااايد وهو يأشر على راسه،،راسي يعورنيه،، منصور: يالجذووووب،،توك شاق الحلج ومازر كرشتك من هاللحم،، عبدالله : ههههههه ما ادري منووه نااش آخر واحد عن الصحن،، الكل: هههههههههه بو سلطان وهو يرمس الشبيبة اللي وياهم: عايبتنكم يلستكم جذيه،،عنبوه رياييل بلحاكم ما تبوون عرس لين الحينه.. منصور وهو يغمز لعبدالله: ما فينا نبتلش بالحريم من الحينه،،الا ودني السوق،،شلني عند اهليه،،ودني العيادة،،سر حوطني،،لالا جيه احسن وهو يضرب مطر على جتفه،،ولا شو رايك بو غيث؟ مطر: لالالا انا غير عنكم،،انا الصراحه ابى اعرس واستقر،،لا اتحروني شراتكم مخابيل،،الا مرة دبي ومرة بوظبي،،اتقول نازحين يدورون ارض يخيمون فيها .. الكل: ههههههههههههههه بو مطر: امرررة جانك الا تبى عرس بو غيث،،من باجر بخلي امك ادورلك،،وبسويلك عرس بخلي كل البلاااد ترمس عنه سلطان وهو يرمس مطر: عيل انا اكبر عنك ولا استعيلت شراتك،، الا دامنك ناوي اتعرس،،جني الا غرت منك،،عيل شو رايك انسوي عرس جماعي انا ووياك؟ عبدالله+منصور: هههههههههههههه منصور: ها ها شوي شوي على عماركم،،اللي يسمعكم اتقولون مالجين ومخلصين،،اسميكم خقااقيين،، عبدالله: هههههههههه تراها الخقه وراثة في هالعاايلة هههههه بو مطر: اسميكم مستخفين ،،بشووفكم يوم بيعرس مطر وسلطان،،بتحشرون هالعيايز لين ما يخطبولكم،،يا بويه الحرمة بداريك،،بتشوفك شو محتاي هب محتاي،،بترتااحون وبتعقلون شوي بو سلطان: أنا هالاثنينه ويأشر على منصور وعبدالله غاسل يدينيه منهم،،لو ا ن شاا الله اتصك عمارهم الثلاثين ما برمسهم عن العرس،، عبدالله: لالا وين ثلاثين عميه الله يهديك ،،شوااب عااد ذيج الايام،،منوه بيطيع ايوزنا،،ان شا الله بنعرس عميه،،وعيالنا بيحشرونكم من الصدعة منصور: جيه ناوي اتييب سبلاااان ههههههههههههههههه عبدالله: عنلااااتك يالسبااال،،بتعذر عنهم عيالي،، سلطان+مطر+بو سلطان+بو مطر: هههههههههههههههههه فجأة يرن تيلفون منصور بس من شاف الاسم قام عنهم وطلع برى الميلس،، منصور: مرحباااااااا الساااااع في ذمتيه،، عليا وبدلع: مرحباااا ملاايييييييين،،هالكثر اتغلى عليه؟ منصور: افااا،،مب من حقي؟ عليا: من حقك حبيبي،،بس حتى مسج ما طرشتلي،،مااحبك!! منصور وهو في خاطره" يعني انا اللي اموت فيج": اتحيدنها اليمعه،،الكل مرتبش،،وانتي داقه حِِِِِِل الصلااة،، علياا:....................... منصور: بعدج زعلااانه؟ عليا: ........................ منصور: يلااا عاااد،،اهون عليج تزعلين عليه،، عليا:........................ منصور وبعصبية: برااايج لا اتردين،،اتريي حد يرد عليج،،يلااا باي باي عليا: لالا خلااص،،بلااك نصووري جيه،،دوومك معصب ،،انا علايه حبيبتك اتكلمني جيه منصور"ما اتيبهن الا العين الحمرا خخخ": اقولج برايج بخليج مشغوول شوي عليا: انزين متى بشوفك حبيبي،،والله مشتااقتلك؟ منصور: ما ادري ،،يوم بضوي بوظبي بدقلج،،اوكيه ؟ عليا: اوكيه نصوري،،احبك منصور: بااااااااااي منصور++ما ابااكم تاخذون فكرة غلط عني،،انا صح اني ارمس بناات،،بس عمري ما وصلت للشي اللي يغضب الله وانتوا فاهمين قصدي،،كل يوم اقول بودرهن(بخليهن)،،بس البنااات طايحات فيني طيحة ،،احم احم،،ما بمدح عمري،،بس على قولتهن منصور ريال وسيم،،شو اسوي بعمري يعني،،اغلب الشباب اللي ويايه شراتي،،يمكن لني بعيد عن هليه وعايش في شقة اروحي،،اما بالنسبة لعليا،،فهي شرات أي بنت ،،رقمتها من شهر تقريبا يوم كنا انا وربعي فالمارينا،،ودقت عليه في نفس اليوم،، عبدالله وهو طالع من الميلس: ها منصور،،بتخاويني ولا؟ منصور: وين بتسرح،،ما فينا ع المولات والزحمه،،تراني عايفنهن،، عبدالله: حد يسير المولات في هالجو الحلو،،لالا مواعدين الربع فالبدع،، منصور: امررة تم،،ما بيخاوونا هالشواب مطر وسلطان عبدالله: شو تبى فيهم،،هذيلاا عقولهم فالعرس الحين،،تلقااهم يتحرقصون الحينه,, منصور: ههههههههه،،والله انهم مقصة،،عيل انسير بسيارتيه وخل سيارتك اهنيه،،ولا شو الراي؟؟ عبدالله: لالا،،الاستيشن ما تنفع للبدع،،بنشل هالفتك(نيسان) خلنا شوي انقحص ويلااات،، منصور: صبر عيل بييب نظارتيه والكاب احيدهن في حجرتيه،، عبدالله: اوهووووه بعدك بتسير فوق ،،ما شي وقت،،خل الخدامه اتييبهن لك منصور: صبر صبر عليه شوي،،ويطلع تيلفونه ويدق ع شمووه،، شما وهيه اترد عليه: ألو بيت مبارك ال............ أي خدمة؟ منصور: لالا غلطان اختيه سمحيلنا،، شما: ههههههههههه،،بالحل اخويه منصور: ايه ايه وووين تبين،،اسميج فاايجة،،اقولج سيري حجرتيه وهاتي الكاب اللي ع الكرفاية ونظارتيه،، شما: ليييييش؟ منصور: شموووه ما فاضلج الحينه،،انقفضي،،عبدالله الدخاان طالع من خشمه،، شما: ههههه عنبوه ثوور،، منصور: يلاا يلاا اتريااج تحت شمووه: تيكي ارباب شما++يتني الفرصة لحد عندي عسب اقهر عبدالله،،بشوفه شو بيسوي،،ع باااله بيي وبحب راسه،،لا يحلم،،كرامتيه فوق كل شي ،،كل شي له حدود،،ودامنك تبى تتجاهلني أنا بعد اعرف اجاهلك،، منصور: اوووه تعال انا ما سلمت ع يدتيه،،خذتنا السواالف نسيتها،، عبدالله: عيل اتحذر تراها ماسكه عجوية(عصا) هالمتن،،،يالله لو بس اتييك ضربة منها ع راسك،،بييك ارتجاج فالمخ وعقب بتفقد الذاكره هههههههههههه منصور: ههههههه انسير انسير بطفربها شوي،، منصور+عبدالله: السلاام عليكن والرحمه ويسير منصور وهو يهوي على يدته ويسلم عليها منصور: ثرها غزال العين هنيه اليوم،،وانا اقول ليش ليتات البيت اختربن هههههههه موزة(اليدة): عنلاات صيرك مسود الويه،،وترفع عجويتها ،،ومنصور يمسكها من طرف واليدة من طرف منصور: اوووه ثرها أصلية عصااتج،،اتبايعيني اياااها،، اليدة: فجها اقولك،،مسود الويه،،محد يشوفك ولا حتى اتلوفنا،،مرتغد في بوظبي ،،ومحد يدريبك جانك معرس وخاشلك وحده هناك،، عبدالله وهو يأشر بإيده على صدره ويرمس منصور: أنا نفس الشي قايتلي،،بس انا خاشنها في دبي هههه الكل الا فاطمة ونورة اللي كل وحده عايشة في عالم اروحها: ههههههههههه منصور سلم ع البنات سلاام عادي(العنود+نورة) وعبدالله سلم على فاطمة وامها منصور وهو واقف على طرف الدري(الدرج)اللي يودي فوق وهو يزااقر ع شمووه: شميييييييييم ،،انقفضي،،شو اتسووووين هالكثر،، شما وهيه يايه ركض وما كانت منتبه لعبدالله انه فالصالة: انزين انزين،،حشى دوومكم الا مستعيلين،، منصور وهو يلبس الكاب ويمشي صوب الصالة وشموه وراه: انزين ع الاقل قولي شكرا منصور: هب قايلج ،،عنبوه سااعه خذتيلج لين ما انحدرتي،، شما ما انتبهت لكلاام منصور من شافت عبدالله وهو يالس يرمس يدته،،وكانت حاطة في بالها انها تقهر عبدالله مثل ما قهرها،، اول ما شافته خلت عمرها عاادي وكأنه هب موجود،،وصدت صووب العنود وهيه اترمسها بصوت عالي شما وهيه اتعدل شيلتها: اقول العنود شو رايج اليوم انسير المول،،بنتمشى شوي،،ومناك الكورس الثاني ما شي باقي عنه.. العنود: خلااص تم ،،متى تبينا انسير؟ شما: الحين،، منصور وهو يلتفت لشما: جيه الدنيا فووضة،،اتحيدنه المول مترووس من هالمرغده اليوم،،ما شي سيراات،،وطن عماركن وقرن في بيوتكن عبدالله : العنود ابااج اتسيرين انتي وهاللي عدالج،،شبري من هالباب وبتشوفين شو بيستويبج،، ام سلطان: بالله عليكم منوه بيخليهن ارواحن يسيرن،،ارواحن يتروعن يسيرن بلاا حد،،ما عليك منهن،، اليدة(موزة): واااابويه عليكن انا،،حريم شكبركن تتحوطن فالسوق ارواحكن،،امففف عليكن نورة: ههههههه تستاااهلن منصور: يلاا امايه شي في خواطركن،،سايرين البدع شوي،،يقولون ضارب مطر هناك،، ام سلطان+ام مطر+اليدة: الله يحفظكم بويه العنود وهيه ترمس شما بهمس: 2 صفر ههههه شما وبغيض: ما علييييييه يا عبدالله،،بتشوووف،،الا بيي يووم وبردها فيك،، العنود: لا تحاولين،،اخويه واعرفه،،عنيييد،،وانتي اعند عنه،،يعني ما ايوز اتكونون لبعض شما وهيه تضرب العنود ع جتفها: عيدي هالرمسة مرة ثانيه وبتشوفين شو بسوي فيج العنود: ههههه خيبة انتي من اتحطين الشي في بالج لازم اتسوينه،،عاااد انتي لييش هالكثر متأكده انه عبدالله يحبج،،يمكن حاط في باله وحده غيرج،، شما:ماظني،،عبدالله من يوم يومه يحبني،،من يوم كنا صغار،، آآآآآخ يالعنود شو تبيني اسوي,,احبه احبه،،ومب قادرة اتخيل اني باخذ واحد غيره،، العنود:حووه جنج الا نسيتي عمرج،،خيبه لو تسمعج وحده من هالعيايز،،ييعقرونج(بيذبحونج) وبيوزعون لحمج ع العين كلها هههههه شما: يالسباااالة ،،والله اللي ما عنده شي يحاتيه ما ألومه،، العنود:.......................... العنود++ ادريبها انها ما تقصد،،بس جرحتني،،وهالجملة بالذات ما احبها،،،صح اني اكبر عنها بس ما عندي حد احاتيه واخاف عليه،، بمعني انه لين الحين قلبي محد دق بابه ،،أحيانا أقول الحمدلله ،،لني يوم اسمع عن أي وحده اتحب واحد وعقب ما الله يوفق امبينهم ،،احمد ربي،،لنه اللي يعرف هالطريج يتعذب نفسيا،،بس يوم اشوف شمووه وعبدالله ما انكر اني ما اغاار منهم،،بس عمري ما حسدتهم،،الحب اللي يجمعهم من سنين،،من يوم كانوا صغار،،صح انه عندي عيال عم بس ما ادري احسهم مثل اخواني،،انخطبت مرتين،،بس ما صار نصيب،،يا ترى بيدق قلبي لأي حد في يوم من الايام،،ولا بتم جيه..بس الحمدلله ،،كافي عليه ابويه وامايه واخواني،،مالين عليه حياتي،،والله دنياي ما تسوى شي من غير وجودهم،، وصلتك يا زمن ميـت أبـي تجمـع لي احطامي..وصلت لرحمتك وانته وضميرك لا تخليني "أذن العصر،،وطلعوا الرياييل يصلون فالميلس اللي حذال البيت،،أما الحريم سارن يصلن ويدتيه من الساعة 3 وشي منسدحة فالصالة ولا داريه بالدنيا،،خذت غفوة،،،لازم ترقد هالوقت ،،متعودة فديتها،،أنا والعنود سرنا حجرتيه،،وفاطمة دخلت حجرتها،،اما ست الحسن والدلال نوير،،طلعت تتمشى برى فالحوش اروحها ،،عايبنها الجو أوين" فاطمة+++ وبعد ما صلت يلست على سيادتها ومتحجبة بشيلة الصلااة،، كانت حاضنة ريولها لصدرها وحاطه راسها على ركبها،،كانت اترمس نفسها مثل كل مرة،،وصوت الجرح اللي فيها يتردد في داخلها ومب قادرة اتظهره للعالم،،، " يالله متى يا فاطمة بتنسينه،،متى بتمحي صورته من خيالج،،متى؟ تعبت يا ناصر تعبت ومب قادرة اتحمل؟ حياتي من دوونك ولا شي؟ كل شي حولي يذكرني فيك،،ضحكتك،،عيونك،،صوتك،،كل شي يا ناصر،،ليش سرت وخليتني،،لييش؟ ما نسى ذاك اليوم وانا اشوف الخوف في عيونك،،ما انسى اليوم اللي كانت اعيونك اتقول انك اتحبني،،في ذيج الايام كان عمري تقريبا 18 سنة ..كنت مخلصة ثانوية وكان الوقت بداية شهر سبعة في نفس اليوم اللي دخل فيه ناصر بيتنا،،سرت اوعي منصور،،بس من الاساس ما لقيته في حجرته،،ما عرفت شو اسوي،،دقيت ع منصور ما رد،،ودقيت على تيلفونه الثاني بعد ما رد،،قلت ما شي غير اني اخبر امايه او ابويه،،اتخبرت الخدامه قالتلي كلهم ساروا العزبة اخويه سلطان مسافر ذيج الايام،،يالفضيحة والريال يالس اروحه فالميلس،،قلت للخدامة اتأكدي اذا القهوة والفوالة موطايه،،ردت عليه الخدامه وقالتلي كل شي مضبوط،،من يوم شفت هالانسان حسيت بشعور غريب،،بس اتجاهلته،،وقلت شعور جذااب،،يمكن لنه ناصر شكله حلو ما شا الله عليه،،وله هيبة واللي يشوفه يحترمه غصبن عنه،،تميت اجاهل هالشي،،بس في نفس الوقت شي قوي داخليه يقولي عكس هالشي،،قلت ما شي غير اني ايلس جدام باب الصالة الرئيسية،،وبيلس ارقبه،،كنت ياسه والعب بشيلتيه ،،فجأة طلع ناصر من الميلس،،بس هالمرة اداركت الموضوع بسرعه واتغشيت،،تم واقف شكله مب عارف شو يسوي،،وانا واقفه ومب عارفه كيف اتصرف،،ما حسيت الا بناصر ياي صوبي،،وفي ايده ظرف،،وشكله الاوراق اللي فيه مهمه ويمكن اتخص منصور اخويه،،وقف فالنص في المسافة اللي بين الميالس والصالة،،والمكان اللي كنت ياسة فيه مثل الدري(درج) من ست طبقاات،،يعني شوي مرتفع عن الارض،،المهم،،اشوفه كأنه مستعيل وكل مرة يمسك تيلفونه وكأنه يدق لمنصور،،ويشوف ساعته،،ويبى يرمس بس مستحي،،يعني كانت كلنا اعصابنا مشدودة،،ما كانت عندي الجرأة اني انزل واشوفه شو يبى،،بس عقب دقايق رمس ناصر.. ناصر ومن بعيد وكان صوته شوي عالي: الشيخة دقيت لمنصور بس ما يرد عليه ،،وهو موصني ع هالاوراق،،وانا مستعيل الصراحه،،ورايه خط بوظبي،،لو تاخذينهم واتحفظينهم عندج بتسوين خير ،،لنها اوراق مهمه،،وما أمنت اعطيهن الخدامه،، فاطمة++يعني كان يباني انزل وأخذ الاوراق عنه،،يا ربي اتعيني،،من الغشوة ما اشوف شي،،ومن كثر التوتر انتفض،،عنلاااتك يا منصور،،يوم انك مواعد الريال ايلس فالبيت،،لازم يعني هالهياته،،يعني ما شي حل غير اني انزل وآخذ الاوراق منه،،وأنا أنزل كنت اقول يا ويلي متى بيخلص هالموقف وبيروح،،قبل الدريه (الدرجة) الاخيرة من الدري بدريتين،،ما حسيت الا بريلي اليسرى تنعوي(تلتوي) واطيح على ركبيه ،،ما حسيت بشي،،بس من قو الطيحة طاحت الشيلة في صوب،،والنعول في صوب،،نسيت ناصر ونسيت الاوراق،،كانت الطيحة قوية،،ما رمت اتحرك،،يعني لو طايحه على رمل يمكن اهون،،بس انا طحت على الباسكو(نوع من انواع الحجر)،،ما قدرت اتحرك،،تميت ماسكة ريولي واصيح..نسيت انه فيه واحد موجود ويايه في نفس المكان،،حسين بأن ركبيه ايترحن ،،وحسين انهم ينزفن،،ما حسيت ا لا بواحد واقف على راسي،،محد غيره ناصر،،رفعت عيوني وكلهن دمووع،،حسيت شي غريب فعيونه،،حسيت انه حنون،،وطيب،،حسيت انه متلهف يبى يسوي أي شي،،بس المهم اني ما اتعور،،مع اني ما اعرفه،،بس الانسان أحيانا يبين من ملاامحه.. ناصر وهو ميت من الخوف: سلاامات سلاامات الشيخه،،عسى ما اتعورتي؟؟ فاطمة موخيه راسها واتصيح:........................... ناصر: صبري صبري شوي،، فاطمة++ رفعت راسي واشوفه ياب شيلتيه وحطها على راسي بشكل عشوائي،،تقريبا غطت شعريه ونص ويهي عقب ركض لين سيارته ويابليه غرشة ماي وكلينكس،،،يمكن لو حد غيره يتصرف نفس التصرف،،بس كنت احس باحساس اول مرة احسه،،،احساس غريب،، ناصر: اندووج شربي ماي،،ومشي ويهج،،ما فيج الا الخير،،تبيني ازقرلج حد،،ولا اترومين اتنشين ارووحج،، فاطمة وهيه غصب ترمس: ازقرلي الخداامة ،،ازقرلي روزي ما سمعت الا بذاك الصوت اللي شل البيت شلال ناصر: روزي,,روزي،، فاطمة++المهم،،انه روزي يت وساعدت فاطمة لين ما دخلتها داخل،،وناصر طبعا بعد ما عطى الخدامه الاوراق،، سمعته يريوس بسيارته،،فقلت اكيد روح بوظبي،،خذت الاوراق عن روزي رغم الألم،،كان عندي فضول اشوف شو الاوراق اللي فالظرف،،سار ناصر ،، وكأنه شل روحي وياه وسار،،كنت اقول فخاطريه،،الله يخليك لأهلك،،الله يحفظك وين ما سرت ووين ما ييت،،كنت في قمة الألم،،بس كان قلبي يدعيله لا شعوريا،،كنت اصيح من الألم،،بس كانت فيني فرحة غريبة،،يمكن هالاحساس اللي احس فيه شي حلو،،شي يفرح،،كنت اقول في نفسي يا ترى هالانسان بشوفه مرة ثانيه؟؟ ناصر++وهو في سيارته،،كنت متوتر،،مب عاارف كيف اتصرف،،وحده طايحه جدامي ومب قادرة اتقوم من الألم،،واشوف دموعها ،،كنت لازم اسوي هالشي،،يااااا لله كيف كان شكلها مثل الياااهل،، اكيد هاي خت منصور،،بس ما شا الله عليها مزيونه،،كفاية عيونها وشعرها ،،استغفر الله ،،والله يا ربي مب قاصد اني اشوفها،،بس شفتها غصبن عني،،بس ليش يوم حطيت عيوني في عيونها حسيتها تبى اتقولي شي،،ما ادري ،،يمكن انجذبت لــ هالبنت،،يمكن حبيتها،،ما ادري ما ادري،،يمكن بس مجرد موقف وخلااص،، "طبعا ما كان مجرد موقف بالنسبة للاثنينة،،سبحان الله،،طيحة فاطمة جدام ناصر،،وموقف ناصر من هالشي،،غير حياة هالاثنينة بشكل مب طبيعي،،أحيانا اتصير المواقف صدفه لحكمة،،وأحيانا تتآلف القلوب بس بمجرد نظرة،،ناصر كان طول الطريج يفكر في كل اللي صار،،صورة فاطمة وشكلها وهيه طايحه واتصيح مب قادر يمحيها من خياله،،كان يحاتيها واايد،،ووده لو بس حد يطمنه عليها،،طبعا مستحيل يذكر هالشي لمنصور،، أما فاطمة عقب الموقف ما خبرت حد،،وقالتلهم أنها طاحت من ع الدري بس طبعاا من دوون ذكر ناصر ونبهت على روزي انها ما اتييب طاري ناصر،،في ذاك اليوم سارت فاطمة المستفشى ويا الدريول وشيخه،،وكانت جروح بسيطة في اركبها وراح تلتأم خلال اسبوع،، "فاطمة كانت تمسك بريولها بقوو،،ومسانده راسها على ركبها ،، ردت ودخلت دوامة الدمووع ،،عالمها الخاص اللي محد قادر يدخل فيه ويشيل لو شي بسيط من الألم اللي اتحس فيه،،في كل مرة يرد شريط ذكرياتها ويا ناصر،،وفي كل مرة تتألم اكثر من المرة اللي قبلها،،أحيانا ألقاها راقدة على سيادتها،،وأحيانا من كثر ما اتكون صايحه اتغفي عينها وهيه على وضعيتها القبلية،،ما كنت اقدر اسوي شي غير اني ادعيلها،،ويصبرها على فراق ناصر" ويـنـك أنـت كـل شـي يـسأل عـلـيـك كـل شي يـصـرخ يـبـيـك ويـن هـمـسـاتـكـ وبـوحـكـ ويـن حـب كـان روحـكـ ويـنـك أنـت مـلـت عـروقـي غـيـابـكـ مـلـت الـنـظـرات بـابـكـ كـلـ شـي لـونـه تـغـيـر كـل شـي شـكـلـه يـحـيـر بـعـدكـ الـدفـتـر يـتـيـمـ مـالـقـى حـرفـه نـديـمـ والـضـمـا يـحـرقـ عـروقـيـ مـاسـقـا الـمـشـتـاقـ غـيـمـ يـابـعـد كـلـ الـمـنـاظـر لاتـلـوم هاذي الـمـحـاجـر اليمعه الساعة خمس ونص العصر +++طلع الكل برى ويلسن في الخيمة الزجاجية اللي برى في الحوش،،ما عدا فاطمة اللي كانت يالسة اروحها فالغرفة" شما وهيه ماسكة تيلفونها وادق لشيخة اختها: حشى هاي سابع مرة ادقلها ما اترد عليه،،ما عليها خلها توصل،،بتشوف،، اليدة(موزة) وهيه ماسكة فنيان القهوة: ام سلطان،،عنبوه فطييم موول ما تيلس ويانا،،جيه مخليه جيه بنتج،،انا قايتلج من زمان،،هالبنت يايتنها عوينه(عين) من كم من سنة،،الا انتي وريلج عيازين،،ما فيكم اتودونها عند مطوع زين يقرى عليها كل يوم،، ام مطر: عنبوه يا عمتيه ،،جان ما خلوبها مكان،،والبنيه ما فيها شر،،جانها الا التهت وعندها شي اتسويه،،.... " ام سلطان وهيه اتحاول تتجاهل هالشي ،،لنها كل ما اتشوف حال فاطمة يعورها قلبها،،تتجاهل احساسها،،ودايما احساس الام يصدق،،حاسة ومن زمان انه فاطمة فيها شي غير العين والسحر والمس وهالسوالف،،حاسة انه بنتها مصدوومه من شي،،شي خلاها اتعيش اروحها بينها وبين نفسها،،واللي ساعدها على هالشي،،انها من اتخرجت من سنه تقريبا ،،ما دورت على شغل،،صح انهم ناس مستواهم عالي،،وعندهم خيير،،بس كانت امها تباها تشتغل،،عسب انها اتشوف الناس،،واتغير جو هالحزن اللي عايشتنه،،بس تدري بفاطمة ما بترضى،،الا اذا صدق كانت تبى تشتغل من خاطرها" شما++ وهيه تحاول اتغير الموضوع،،لنه يدتها اذا رمست بتكبر السالفة وبتعزر(بتصر) على ابويه انه يودي فاطمة عند المطوع،،وانا ادري انه فاطمة ما فيها عوق مطوع: يدتيه بتخبرج ،،ما كان عندج عيال عم يوم انه يديه خذاج؟؟ اليدة:اييييييييييها يا بنتيه،،بو مبارك ياره الله،،الله يرحمه،،شافني مرة ويا اميه(الله يرحمها) ونحن سارحين صوب بوظبي على ذيج الرجاب،،ومن شافني يانا بالباجر وخطبنيه عند ابويه(الله يرحمه)،،وعيال عميه كانوا ثلاثة وكلهم معرسين ذيج الايام العنود: هههههه حركاات بعد انتوا،،افلاام مكسيكية بس هب محذفه هههههه اليدة: واابويه عليج انا،،قطعيها من رمسة،،شو ها بعد سكسيكية،، شمووه وهيه تتقرب صوب يدتها: وكم كان عمرج يدتيه يوم خطبوج ليديه؟ اليدة(موزة): عمريه كان 14 سنة،،ومبلبسينيه البرقع بععد(زمان اول البنت اول ما تكبر يلبسونها برقع حتى قبل ما اتعرس)،،ييييييييها يا زمان لول،،كنت بطراانه ،،ويدج من شافنيه ،،نطق قلبه وياني لين باب بيتي،، شما: يا سلااااااااااااام،،عاشوا قصة حب،،ههههه،،وعقب يدتيه لبسووج فستاان وعند أي وحده عدلووج،،وهيه اتغمز للعنود... ام سلطان: يا بويه لول ما عندهم بصاير البنات اللي يسونهن الحين،،فستان كبر هالخيمة،،وصبغوها بذيج الالوان وخلوها شرات اللعبة،،ليتكن الا لحقتن على ذاك الزمن،، نورة: واااااع الحمدلله ما كنا وياكم،،حياتنا الحينه أخير عن حياتكم لول،،عيل حد يرقد بليا مكيف في هالصحرا اليدة(موزة): عااد انتي امبونج امبزينج(مدلعينج)،،والله هب مخلفه عليج المكيفات،،المكيف هو اللي خرب هالحريم،،رخواات،،جدر(قدر) ما يرومن يشلنه،،وكل وحده عندها فوق الثلااث خدامات،،البنيات يوم كبركن ينشن من الفير وسرحن صوب الطوى(البير) يرون من هالماي،،وعقب شبن الضو وركبن جدورهن وسون ذاك الغدا،،ويوم العصر فجن حلالهن ،،اللي عنده هوش سرحبهن يرعن،،واللي عنده رجاب عشاهن،،واللي عنده بقر حلبهن،،يا بويه هب الحين،،وهيه اطالع نورة واتأشر عليها بعجويتها،،كل وحده مساكتلها هالحديدة(تقصد التيلفون) واتهوس عليه ليل نهار،، شموه+العنود: هههههههههههههههههه شما وهيه اتحط يديها على جتف يدتها وتحط راسها في حضنها: اسميج طمااشة يدتيه،،الله يطول عمرج يدتيه ويعطيج الصحة والعافية،، الكل: آمييين ام مطر: اشوف سيارة حدرت البيت،، ام سلطان وهيه اتصد صوب الباب الغربي: هيه هاذي سيارة علي ريل شيخة،،يا حيها يوم يت،،بتقصر الدووب شوية.. اتحجبن البنات وتمن ياسات في الخيمة،،وسارت ام سلطان وام مطر صوب السيارة،،وطبعا يدتيه ما فيها حيل انها اتنش،،فتمت على يلستها،،ونورة تيلفونها اللي ما يسكت،،وحده من رباعيها دقت عليها وقامت عنا وانخشت داخل البيت،، شما وهيه اتأشر على حمد وسهيل عيال شيخة واترمس العنود: علني افدا هالضحكة،،اسميني متوله عليهم،،طالعي طالعي العنود الفرق،،حمد (6 سنوات)لابس بنطلون جينز وبلوزة بيضا(هاي نك)،،وسهيل(4 سنوات) لابس كندورة كركمية وجاكيت بني جلد،،وكاب،،هههه اسميه نسخة من منصور،،موول ما يداني البناطلين وهالسوالف،، العنود: ههههههه،،يا حافظ ع البدوي صدقه،،فديتهم كلنا متولهين عليهم،،وهاي اختج شيخه يوم انه علي اهنيه محد بيشوفلها صورة،،موول تختفي،،حشى البنات من يلقن الريل لصقن فيه،،شمووه جانه الا طبعج شرات شيخة،،اخااف عقب عبدالله يعاافج من كثر ما مجابلتنه هههه شما: ومنوه قالج اني باخذ اخوج.. العنود: جب جب،،عااد اونها عندها عزة نفس،،اقص ايدي منيه اذا ما كنتي اتموتين عليه اليدة(موزة): اشوفكن الا تصاصرن،،شو عندكن،،قرن وغدن حريم خشناات،،ما اتشوفن ولد عمتكن ياي صوبنا،، علي وهو يهوي على يدته: السلاام عليج يدتيه،،شحاالج ربج الا بخير؟ اليدة: مرحبا مرحبا بوحسن،،حي هالشووف ولديه،،شحالك وشو حال عربك من صوبك؟ علي: بخير كلهم يسلمون عليج،،علي وهو يمسك ولده حمد،،ها يدتيه حمد بوايهج،، اليدة:فديت انصخه،،وتمسكه وتلوي عليه،،بويه شحالك؟ شو هالبس لابسنه اتقول مصري حمد: يدوه انا هب مصري ،،انا اماراتي،، اليدة وهيه تضحك: والنعم والسبعة انعام بو شهاب،،الا مخرب عليك هاللبس اللي لابسنه،، سهيل ياي صوب يدته ومط عصاها عنها،،ومسكه ابوه قبل ما يشرد بها اليدة: مرحبا بسهيل،،هيه هذا انا ولديه،،ومسكت سهيل وخلته ايلس على ريولها،، سلمت شيخة على يدتها،،وسلم علي على شما والعنود،،وسلمت شيخة عليهن ويلس علي شوي يتقهوي وروح عنهن،، " شيخة 33 سنة اكبر عيال بو سلطان(الشباب والبنات)،،شيخه معرسة من 9 سنوات تقريبا،،عندها ولدين،،علي ملج عليها علي اول ما رد من بريطانيا مخلص دراسة،،شيخة خلصت ثانوية ويابت نسبة ما دخلتها لا الجامعه ولا التقنية،،وكانت ذيج الايام محد مهتم واايد بالدراسة،،وشيخة من الاساس ما كانت فالحة في المدرسة،،فما كان لها رغبة انها اتكمل في أي جامعه خاصة،،يلست في البيت لين ما ياها نصيبها،،علي ولد عمتيه ريال محد ما يمدح في اخلااقه،،يشتغل في السلااح الجوي،،ودووومه سفرات ودنيا،،وما مخلي على شيخة قاصر" شمووه: عنبووه يا شويخ حرقت تيلفوونج،،قلنا عااد ريلج هناك بس شلي تيلفونج ام سلطان: والله انج ما تستحين،،شو هالرمسة بعد شيخوووه: هههه خليها متعوده عليها،،لسانها متبري منها،،تيلفوني شله حمد عني وفره في السيارة،،وما استهميت اني ادوره،،لين ما ركبت السيارة انتبهت انه عالسيت اللي ورى العنود: يا بروودج يا شيخة،،اسميها ما عطتج نورة ختيه شوي،،دوومه فحلجها،،اتقول ولدها شيخة: صح تعالن وين نورة،،وفطيم ما اشوفهن؟ اليدة(موزة): ثره حد يشوفن هذيلاا،،فطيم منخشة في حجرتها ،،ونورة تلعي(ترمس) في هالحديدة،، شيخة: هههههه خيبة حديدة،،يدتيه لو التيلفونات حدايد بيسوون البنات عضلااات ومحد بيروملهن العنود+شمووه: هههههههههههه ام مطر: اسميها سوالف عمتيه " اذن المغرب،،وسارن البنات يصلن داخل ،،وام مطر وام سلطان واليدة صلن فالخيمة،،اما حمد وسهيل فمحد يقدر يمسكهم من ايوون عدنا،،ابويه مسولهم حديقة ،،فيها ميرحانات،،وزحلاقانه،،وحاطلهم سيكلااتهم هناك،،والعاب صغيرة" شيخة وهيه تدخل حجرة فاطمة ولقتها ياسة اتصلي،،سلمت فاطمة وياسة بتقوم،،انتبهت على شيخة يت ووايهتها شيخة: ها فطييم،،عنبوه الجو برى يخبل وانتي منخشة اهنيه فاطمة وهيه اتقطب سيادتها: هيه شفته من الدريشة،، شيخة وهيه ملااحظة كيف انه شكل فاطمة تعبان: فطييم شي يعورج،،بلاااه جيه شكلج؟ فاطمة: من السهر،،من شووه يعني،،وهيه اتحاول اتغير الموضوع،،الا حمد وسهيل ووينهم،،فديتهم من متى ما شفتهم،، شيخة: دخييلج ،،محد مينني غيرهم،،بعده سهيل بربه،هذا اليعري حمد من دخل صف اول اتخبل،،شي بالانجليزي وشي بالعربي،،تدريبها عاد مدرسة خاصة،،وشويخ اختج ما اتضوي شي بالانجليزي،،محد غير علي مهون عليه شوي،،كل ما يفضى اخليه يمسكه ويدرسه،،ولا انا موول ما يسمع رمستيه فاطمة وهيه تبتسم ابتسامة خفيفة: حليلهم يا شوويخ اتحمليهم شوي،، عقب شموه ما صلت،،طلعت من حجرتها وهيه تسمع صوت طالع من حجرة منصور اخوها،،غرفة منصور وشموه وفطيم فوق كلهن حذال بعض،،بس منصور قسمه اكبر،،لنه ريال وبيي في يوم وبيعرس،،،،ما عدا سلطان عند قسم اروحه تحت،، شما++العنود اتصلي في حجرتيه،،وشويخ احيدها عند فطييم،،اووووه نسيت اكيييد نوير،،بسير اشوفها اخافها ما سمعت الاذان،،لقيت باب الحجرة شوي مفتوح،،ما كان قصدي اني اسمعها،،لنه مب من طبعي هالشي،،بس الكلاام اللي سمعته غريب وخطيير في نفس الوقت،،معقوووولة نورة جيه،،لالا ما اظن،،ادري انها جريئة واايد،،بس مستحيل ما توصل لدرجة انها.................... نورة وهيه ترمس فالتيلفون/// نورة: هههههههه نو نو ما اقدر لا تحاول خالد: نواااري حبي يلااا،،الا صورة ما راح تخسرين شي نورة: يعني انته ع بالك اني حلوة خالد: اكيييييييييييييييد واحلى البناات بعد،،من صووتج عرفت انج حلوة نورة: مشكوور من ذووقك خالد: ها شو قلتي،، نورة: بفكر،،ما اوعدك بشي،،تدري صورتيه غاليه عليه واايد شما++ما قدرت اسمع اكثر من جيه،،ريولي ما شلني،،بنت عميه،،معقووولة،،الله يلعن التيلفونات،،ويلعن التقنيه اللي دخلتيها،،محد خربج غيرها،،محد خربج غير البناات اللي فيها،،ما قدرت استوعب،،وما عرفت كيف اتصرف،،ادخل عليها ووقفها عند حدها،،ولا اسكت واستر عليها،،ولا اخبر أي حد غيري يتصرف وياها،،ما ادري ما ادري،،احسني مخربطه،،حتى حسيت نفسي احوليت دخلت حجرة فطيم بدال حجرتيه،، شيخة: بسم الله شمووه شو فيج،،اتقول حد عاطنج كف على ويهج شمووه وهيه مرتبكة: ها،،لالا ما شي،،بس ياسة افكر اسويلج الكيكة اللي اتحبينها شيخة: شمووه انتي هب صاحيه،،تونا ماكلين الكيكه اللي احبها،،تراني انا مسوتنها في بيتنا ويبتها اهنيه شمووه: اوووه صح،،يلاا يلاا تعالن ننزل تحت،،اكيد عيايزنا محتشرات شما++ونحن طالعين انا وفطيم وشويخ،،ولنه بنورة في الممر،،كانت اكيد توها مخلصة مكالمتها ويا حبيب القلب،،كان خاطريه اعطيها كف على ويهها،،لالا والله لو يسمحولي اذبحها ذيج الحين جان ذبحتها،،بس ما اقول غير الله يستر عليج يا نورة،،المشكله اني ما اعرف اسكت،،واذا سكت ببين عليه،،مالي غير العنود،،بس العنود اخبل عني،،اخافها اتخبر عليها اخوانها واتصير مشكله عوودة،،ومثل هالسوالف فيها قطع ارقااب،،بس لازم افكر شو اسوي،،مستحيل اخليها اتكمل في هالطريج،، شما++عالساعة تقريبا 10 وشي روحوا قوم يدتيه والعنود ونورة،، وشويخ وعيالها روحوا ع الساعة 12 وربع بالليل ،،كان هاليوم واايد طويل،،وصارت فيه واايد امور لازم ارتبها في عقلي،،فطييم اختيه واللي كل مره اتسوء حالتها،،وعبدالله اللي مب عارفه كيف اتعامل وياه،،والحدث المهم،،اني كشفت انه نورة بنت عميه اترمس واحد،،والله يعلم منوه هالواحد" مـن صـد عـنـي تـرا مـانـيـب مـحـتـاجـه.....من دونه أعيش دامه عاش من دوني بعد يومين بو سلطان وهو يرمس سلاامة حرمته: ام سلطان تراه سلطان يبى يعرس،،صاك ال 28 وما عنده حرمة،،واللي كبره تحتهم عيال ما شا الله ام سلطان: لو يبى الليلة اخطبله،،بنت عمه محد شراتها،،وما نلقى أخير منها،،غاوية وراعية بيت،، بو سلطان: انتي شاوري سلطان قبل..يمكن الولد هب فخاطره بنت عمه،، ام سلطان: واابويه انا،،شو هالرمسة بعد،،لالا العنود محد شراتها،،وانا من زمان عيني عليها،،الا سلطان ولدك كل مرة يأخر هالعرس،، بو سلطان: هزرج ما عنده خلااف(مانع) ام سلطان : لالا ما بيقول شي،،وخله عليه بو سلطان: شورج وهداية الله،،انا برمس بو مطر الليلة،،ومحد بياخذ غير نصيبه وتنزل فاطمة وهيه لابسة جلابية بيج سادة،،بس فيه تطريز خفيف عند الصدر وعاليدين،، ولابسة شيلة من نفس اللون ..وااتهوي على ابوها واتحب راسه،،وامها بعد: شصبحتوا ابويه؟ بو سلطان: بخير بويه،،شو موعنج الحينه،،الساعة 7 ونص الحينه فاطمة: ما ياني رقاد،،قمت واتسبحت وقلت بسرح وياكم صوب العزبة،،احيدكم تسرحون الصبح ام سلطان وهيه فرحانه في خاطرها: يحيج بنتي يوم الا بتخاوينا،،حلاتها العزبة هالوقت،،واليوم سحاب ما شا الله،،عساها تسقي دار بوخليفة اليوم بو سلطان: آمين ،،يلاا بنتيه عيل،،وصي عالخدامه اتحط الاكياس اللي جدام المطبخ فالكروزر،،وانتي شلي هالدله وملة التمر،،وحطيهن فالسيارة فاطمة: ا ن شا الله بويه ام سلطان: نفعت بنتيه،، فاطمة وهيه تبتسم: امبوني نفااعه اماايه .. في بوظبي(شقة منصور) منصور راقد ومتلحف ويسمع منبه تيلفونه يرن،،قاام بسرعه واتسبح،،وطلع ،،وهو توه يشغل سيارته والا بمسج/// المرسل:عليا.المارينا "صباااح الورد حبيبي،،لا تنسى تاكل قبل لا تطلع,,اوكيه" منصور: اسميها متفيجة،،والحين كلت ولا ما كلت شو بتسوين يعني،،،هب متفيقلج الحين،،متأخر ع دوامي،، رن تيلفونه والا بواحد من ربعه: صباااااح الرقاااد ههههه....لالا والله من شوي طااالع...الليلة..خلااص..برد عليك عالعصر ..اوكييييه..باي منصور++اووه نسيت الاوراق على كرفايتيه،،اخااف البشكارة اتفرهن في الزباله،،بدق على امايه،،دقيت لأميه رن بس ما شلته،،وفاطمة بعد،،ودق عالبيت بعد محد شله،،اوووه هذيلاا وين ساروا،،سلطان فالدوام،،،ما شي غير شمووه،، شموووه وهيه تسمع شي يرن مثل الحلم بس طنشته،،منصور دقلها فوق الثلاث مرات،،المرة الاخيرة انتبهت شمووه وهيه اتمط ايدها لين الكامدينو واتييب تيلفونها : آآآلو(والصوت كله رقاااد) منصور وهو يصارخ : حوووه قومي قومي بيتكم احترق شمووه وهيه تنش وتيلس ع الكرفاية وقلبها شوي وبيوقف: ها..متى؟؟شوووه..منوه انته؟؟ منصور: ههههههههههه،،اسميج مقصة،،صدق انج يااهل شمووه وهيه اترد اتشوف منوه اللي متصل: عنلااااااااااااااتك يا نويصر..حد جيه يسوي،،الحين لو يتني سكته قلبيه.. منصور وهو مب قادر يمسك نفسه من الضحك: هههههههههههههه،،واحد صفر شمووه وهيه اترد تنسدح وتتثااوب: خلصني شو تبى؟ منصور: شلي عمرج وسيري حجرتيه،،بتلقين اوراق على كرفايتيه،،شليهن وحطيهن داخل مكتبيه،،في الدرج الثاني،،انزين؟ شمووه: انزين انزين منصور: الحين اتقومين،،اخااف روزي اتخمهن وتفرهم فالزبااله شمووه: ان شااااا الله،، منصور: بدق تراني عقب عشر دقايق،،انزين،،يلاا قومي شمووه: لا حووول،،محد يرووم يرقد في هالبيت منصور: ههههههه،،احسن،،العرب كلها اداوم وانتي حضرتج تحت اللحاف شموووه: لا إله إلا الله يالحسد،، منصور:محمد رسول الله،،يلاا بخليج ،، شمووه: باي " قامت شما وهيه موول مب قادرة اتفج عيونها،،كانت لابسة بيجاما من قطعتين،،وشعرها اللي شوي متبهدل وواصل لين تحت ظهرها،،وصلت لين حجرة منصور،،وسوت شرات ما قالها،،بس وهيه تفتح الدرج لمحت شي غريب،،لمحت صورة واحد لابس كندورة بيضا كويتيه وكاب اسود وعليه نظارة شمسية،،والخلفية بحر،،كأنهم كانوا في بوظبي ،،وحذاله منصور وكانوا حاطين يديهم على جتوف بعض،،بس مب غريب عليها،،جلبت الصورة،،لقت مكتوب عليها "الله يردك بالسلاامة يا ناصر" شما++ناصر ،،مب غريب عليه هالاسم ولا حتى الصورة،،،لا يكووون ناصر،،هيه هيه ناصر ما غيره،،ناصر اللي ماات،،ناصر اللي خذ قلب فطييم وماات،،بس شو معناة"الله يردك بالسلاامة"،،لالا اكيد هالصورة من زماان،،انزين انا شو ابى الحين بهالسالفة،،بسير ارقد احسن لي",, زرعتك وردة ٍ حمرا تزّين كل بستاني ودفنت القلب في تربة مشاعرنا وخليته | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ليطمئن قلبك وترتاح النفس ويزول القلق | محروم.كوم | منتدى أخبار المواقع والمنتديات العربية والأجنبية | 0 | 10-02-2011 04:30 PM |
| ريح حالك من كل مشاكل الربيد شير وحصول على حساب بريميوم لمدة شهر وبسهولة | محروم.كوم | منتدى أخبار المواقع والمنتديات العربية والأجنبية | 0 | 06-07-2009 03:10 AM |
| هل تعلم لماذا لا ينشرح صدرك ويزول همك؟؟ | » βỊη άℓ đόόŁα « | الإسلام والشريعة | 9 | 01-12-2009 06:03 AM |
| لماذا لاينشرح صدرك ويزول همك رغم انك تصلي ؟؟!! | هيبـﮧ ابدﯜيـﮧ | الإسلام والشريعة | 9 | 08-28-2008 09:33 AM |
| هل تعلم لماذا لاينشرح صدرك ويزول همك .... ??? | أم عفراء | الإسلام والشريعة | 17 | 06-22-2008 02:13 PM |
الساعة الآن 07:34 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227