مُآڒڷت أبحث عڹ ڹفـωـِې ۈهۈېتـے فأڹآ פـڪآېة ڷمُ تڹتهـے بعـِد ! - الصفحة 3

شيخه الغيـد ! · 12-02-2011, 09:03 PM

مســـآكم لغــه عربيــه
شحالكــو . . !

يقولكم البارحــه عقب ماصليــت الفير . . تلآقيت ويآ أخويه بوسنيــده . .

بوسنيده : شويخ تزهبــن بنسرح شمــال

للعلم فقط اسميه لا شيخه ولا شيآته بس جذا كتبت شويخ هههه

شيخه الغيــد : فذذمتك ..!

بوسنيده : أجذب عليج عيل هيييه عالساعه 9 بنظهر وان ماتزهبتن بنسير عنكم ..

شيخه الغيــد : خلاص تم ..

ماخبرت حد هههه سرت حجرتيه وقلت بررقد ساعتيــن عالأقل عسب اكون مصحصحه ..
تجلبت يمين يسآآر امررة ماشئ . . طااااار الرقـــاد

قمت تسبحت وخلاف كشخت بذيك المخــورة وريت العرب يلمون قشآآرهم ..
وظهرنا والوجهه صوب " الفجيرة "

طبعن صورت طشــونه ياغير مالي بارض انزل الصور . .

استانسنــا وخلاف رديــنا . .

ماتم شئ عن 4 - 12 - 2011 . . بالتوفيج لكل طلاب الثنويه العــامه ..
__DEFINE_LIKE_SHARE__

شيخه الغيـد ! · 12-03-2011, 12:47 PM

مسااكو درآســـه . .

شحالكو وشحال عربــكو وعلومكــو ؟

نشيت الساعه 8 ونص وقبظت كتــابيه
انا من النــوع البطــــئ جدا جدا . .

عآآدي ايلس عالدرس الواحد ساعــه او ساعتيــن . .
البارحه ذاكرت 5 دروس واليــوم بككمل البااقي . .

نآس مستانسه باليوم الوطنــي ونآس تكررف . . الله يساامحهوو بس

نتــلاقى عالعصير إن الله راد . . برررب

__DEFINE_LIKE_SHARE__

شيخه الغيـد ! · 12-04-2011, 11:57 AM

الســلام عليــكم ورحمه الله . .

شحااالهوم عيال الثانــويه العامــــه . . ؟

اليــكم علومي ---> تأثير امتحان اللغه العربيــة

الله يسلمكم نشيت الساعه 5 وقبظت الكتــاب والله كنت متروعه ماعرف ليــه ..!

وخلاف سمعت الأذان قمت تمسسحت وصليـــت .. راااحه فذمتيه رااحه

ظهرت ريت ابويه يتريــق يلست ومزرت بطنــي هههه . .

كنت حاسه بتوتر وحفــوز فظيع . . قبظت مصحفيه وقريت قرآن . .

وخلاف تسبحت وتلبست ووصلت المدرســه عالساعه 8 إلآ عشر . .

ركبت فوق وسلمت ويلسنا نرااجع يميــع . .

خلاف يتنا بنيـــه قالت : بنات لجنه الثانويه العامه صوب عــواشر . .

شلينا بعمارنا هذآك الصوب . .

وزعوا الأوراق . . سميت بالرحمـــن وقريت الدعاء وفتحت الدفتر . .

وحليـــــت والحمدالله الامتحااان روعــــــــه سهل . . بدعت من خااطريـــه . .

ويوم وصلت للتعبير " السيرة الغيريه " وانا اكتب ومتحمسسه خلص الحبر هههه . .

رفعت راسيــه : أبله الحبر خللص . . اريد قللم ..!

الابله : من وين اييبلج قلم . .

صديت صوب رباعتيه كل وحده رافعه قلمها وحلييلهن وهاي تقولي من وين اييبلج قلم . .

ماحفلتها مديت ايدي وخذت القلم وكملت حل . .

وطلعنـــــا ونحن مستانسسين .. الحمدالله يااربيه ..

رديت البيت وبشرت امايه . . وسرت حجرتيه مسكت الفون

لقيت 8 مسسجات . . والعثررة لهدرجه انا مهمه

ع فكرة انا الوحيــده فالعايله الكريمه ثانويه عامه . . محد فسسنيه

كانت خالتيه ورباعتي و و الاهل . .

رديت عليـــهوم ومن الفرحه قلت ببشركــو .. لي ددعا ماقصر والله لا هانـــه واللي ما دعالنا برآيه

نزلت امتحانات الفيزيآء من الموقع . . وببدأ عقب صلآة الظهر ان الله راد . .

زين اني دارسه وحدتيــن قبل براجعهن وبدرس الباقـــي . .

وخلاف بخبركــو بموقف شفته البارحــه . . متغصصه منـــه إلا أكتبه هنه
أريد افرغ لي فخاطريه ههههه

دعواااتكــو . . BRoOb

__DEFINE_LIKE_SHARE__

شيخه الغيـد ! · 12-08-2011, 11:41 AM

مرحبــا . .

خطف الأسبوع الأول البدايه كانت سهله ( عربي ، فيزيا ، علم النفس )
عيشونــا أحلام ورديه وبدايه خير . .

ياغير علقنــا فالأحياء واليوم الطــامه الكبرى " فالديين "

مابقول شئ ولا بعلق عالامتحآن . .

المهم خطفت قلت بسلم عليــكو . . دفنتو بقعتيه تحت

ماعلينا أهم حايه الأخلاق

واسمحوليــه الحينه بسير اوطي راسيه . . أحس بككتمه وغصـــه . .!

brb __DEFINE_LIKE_SHARE__

شيخه الغيـد ! · 12-09-2011, 05:35 PM

السلام عليـــكم ورحمه الله . .
جمعـــه مباركه ياعرب زايــد . .

يتصفح الموضوع حالياً: 2 (2 من الأعضاء و 0 من الزوار) ‏شيخه الغيـد !, ‏maroko0o

يامرحبا الســاع منوره الشيخه . .

علومــكو . .!

يقولكم شيخه الغيد تحوط فالبيت بالجاكييت ومتلبسه دلاغ وفوقهو وقــايه
ناقصنيه القفاز بس . . ههههه
الجو بااارد هالأيام امبونه غاوي فالشتــاء

اليوم سرت بيت يديه . . تغدينا عندهو ويلسنا سوالف طشونه وخلاف ترخصنآ
لانه " شيخه الغيـد ّ " ثانويه عامه هههههه امزح امزح

رديت البيت وصليت العصر وقبظت كتاب الرياضيــات . .

يالله هآنت آخر اسبوع . .

ياني مسج من ربيعتيه تقول بتخطف عليه المدرسه يوم الخميس . .
الله يسلمكو هاي ربيعتيه من زماااااان ياغير من انتقلنا وحولت ع هالمدرســه ماعدنا نتلاقى . .

رديت اقراا المسج مرة و2 و 3 ارييد استوعب . .

خلاف قالتلي مااوعدج بس برمس امااايه . . ترا الحلوة علمــي يعني بيخلصون قبلنا

ياعســاني ماخلا منها . .

الله اكبررر واعظــم . .
حان الآن موعد آذان المغرب وذلك حسب التوقيت المحلي لمدينــه " شيخه الغيـد ! " وضواحيها __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ېـξـڹێ ٵڹٺ ٺڟلمڹېے \| ٺـﯙڦېـξ	محروم.كوم	منتدى أخبار المواقع والمنتديات العربية والأجنبية	0	11-22-2010 06:13 AM
أڹآ ترآڹےْ طــَيرڪْ إلـِې يـحـَبڪِ " مـُوۈوټ " \| pics	همس العشق	المسنجر وملحقاته , توبيكات , ماسنجر بلس , msn	9	11-07-2010 05:23 PM
لآ المۈتُ أبڪآڹې ۈلا الفرحُ أضحڪڹې . . ๑	خفآيا إنسآن	الإسلام والشريعة	6	09-22-2009 12:22 PM
ڜڣﭟ ۈ ڜڵۈڹ [ ـٵڵخېـٵڹـۃ ] قـٵڛېـۃ ڵح‘ـدْ الإهـٵڹـۃ ..! Topic	~ {‏ ℓǿvẻ Sє¢яєт } ~	المسنجر وملحقاته , توبيكات , ماسنجر بلس , msn	5	04-05-2009 12:03 AM
ڤېڲ ڛـכر آڷڪۈטּۈآسبـآإب آڷـבּـﬦـآڵ .. ٿۈڦېـ۶ـېـۓآڵڼېۈ ~	мαζέ sђвѐέћ	تصاميم الاعضاء	55	01-14-2009 06:48 PM