مُآڒڷت أبحث عڹ ڹفـωـِې ۈهۈېتـے فأڹآ פـڪآېة ڷمُ تڹتهـے بعـِد ! - الصفحة 13

شيخه الغيـد ! · 02-25-2012, 10:36 AM

يآصبآح النور

امممف يالكسسل مآحبه نشيت من غبشه الرحمن
عالسآعه 6 بنشآط وحيويه

والحينه سآيرة لدار الزين فيآ امايه وبوغيث *
وخلاف بنخطف ع الوثبـــه و المنآطق المجآورة

زخيت كمن عضو برآدآريــــــه
وسلفر ر فيآهو ياغير مسحت رآبط الصورة بالغلط وضعتي منيه هههه

(1)

(2)

(3)

(4)

(5)

(6)

(7)

(8)

(9)

(10)

(11)

يآمرحبااابكو مليـــــو و و و ن منورين الحتـــه

فدآعــــه الله __DEFINE_LIKE_SHARE__

شيخه الغيـد ! · 02-25-2012, 09:06 PM

وصلني إهدآء ياعرب زآيد *

" قطعت الوصل "

قطعت الوصل يا حلـو السجايـا . . ولا ادري وش علامك ما تجيـني

طويت رشـاك ثر عن وردمايـا . . وصرت اتخوز عن دربي وعيني
تخلينــــــي ادوي مــن ظمـايـا . . على البيبــــان مهجـور حزينـــي
اخاف اسباب صدك من الوشايا . . كثير النـاس فيهـم غادرينـــــــي
إذا لك في هوى غيـري بغايـــا . . انا ما تبع هوى اللي ما يبينـــــي
ولا اجبر نفس ما تبغي هوايـــا . . ولا ترضـى بســـــلـوم الطّيبينـي
حبيبـــي زورني واجبـر عزايـا . . وخلّ الواش في غيظـه دفينـــــي
عذابـي منـك طـال واعنايـــــــا . . وصبري قد نفذ ويـن المعينــــي
عسى الله فيـك ياصـل رجايــــا . . ونصبح فـي هوانـا مهتنينــــــي
ونسعد في المحبـه يـا منايـــــا . . بجـوّ خـالـــــي من الحاسديـنـــي
عليك اغار من ريـح الصبابــا . . إذا لفّك مـن ايســـار ويمينــــــي
ومن كاسك على لمس الشفايا . . ومن شيلك على لمس الجبينـــــي
ودادك لدنـي لــــــــدّ الظمـايـا . . وغيّر حالتي يـا نـــــــــور عينـي
جعلـك الله حلمـي والـروايـــــا . . وفي دربي خيالك لـي قرينــــــــي
وفي عيني عزلك امـن البرايا . . ابكل اوصاف من طبع وزينــــــي
عديـم فـي المدايـن والقرايـــا . . شراتك مـن جميـع العالمينـــــــي
شعلت النار في باطـن حشايــا . . تعذبنـي وقلبـك مـا يليـنـــــــــــي
الا يـا عاذلينــــــي فـي هوايـا . . انا ما سمع لكـم يـا عاذلينــــــــي
طريـق الحـب بالنـي بـلايـــــا . . ومكتوب على صفحـة جبينـــــــي

ماعرف بشو ارد عليهو !!

استآنست فالعين اليوم *
ريت عرب من زمآن عنهو ، عمومتيه ، العيوز ، البنــــات

ماسرنآ الوثبه !! لأسبآب
فالدرب يلست أد د د درس جغرافيا عنديه امتحآن !!
الله يسهل

عسآني ما خلآ من تقييمكو + رسآيلكو الخآصه والزوّار

__DEFINE_LIKE_SHARE__

شيخه الغيـد ! · 02-26-2012, 09:01 PM

مسآكو معطّر بذكر الرحمـــن
قولو فيآيه " سبحآن الله وبحمده ، سبحآن الله العظيم "

اليوم مهب ورمله *
الصبح وانا حآدره المدرسه اشوف لي تمشي ومغمضه عيونهآ و و و . .
وانا مبتسمـــه للغشوة فوآيد

وبآجر عنديه امتحآن عربي 5 دروس وشيخه الغيد مادرست
إلآ درس وآحد !! شآطرة شآطرة

كنت رآقده والساعه 6 وشئ نشيت نزلت تحت وريت حمد سرت اسلم عليه

شيخه : وينك انته كلـــه خآري مآعدنا نتلآقى
حمد : ههه مشغول فديتج . . علومج !
شيخه : علوم الخير علومك انتـــه !! تعآل بتخبرك متى عرسك !!
حمد : هههه ثرج مستعيله
شيخه : هيــه عيل اول وآحد من خوآنيه بيعرس
حمد : ان شاء الله قريب

وحدرن خوآتيــــه يلسنآ نهذرب ع رآسه
لي فهمنآه انه عرسه بيكون فالصيف لو مآخآب ظنيه

خلآف صديت ع ختيه تمينآ نرمس عن الفسآتييين ومن وين بنآخذ واي لون وجذآ !
تقولي بنطقم اقولهآ اسمحيليه شيخه الغيد اسبششل ولا شورآيك بوشهآب

ضحك وقآل جمله هههه هب هيّن حميدآن

شويه وضوت امـــــايه فديت هالشوف يلسنآ نسولف
قلتلهو وينـــه ابويه قالوليه فالعزبـــه
يعلني اسد عوقـــه *

والحينه بحوط فالمنتدى وخلآف بدر رس مآلي بآرض والله هههه ! __DEFINE_LIKE_SHARE__

شيخه الغيـد ! · 03-02-2012, 08:51 AM

بآ آ آ كو من بعد غيييبـــه دآمت أسبو وع بالضبط

منوه تولــه عليــّه يرفع ايده !!
دعآآبه دعآبـــه نزلو ايآديييكم احرجتوني *

يآ مرحبآ الســـاع

كنت مضغوطه هالأسبوع
امتحانااات وخرآبيط يعني مآشئ مجآل للراحــه أبد !!

ويوم الخميس
كنآ مقترحين نحنا " طآلبات الثاني عشر القسمين أدبي وعلمي "
انه يكون يوم مفتوح وفيه العاب وجذآ

قدمنآ الاقترآح وبعد درآســـه وتفكير تخيلوا نحن مقدميينه فأول 2
ماعليـــنآ اهم شئ لبّوا الطلب

دآومنا بدون شنط

استآنست فيه ويآكثر الموآقف لي مريت فيهآ
ضحك ضحك ضحك صبغوا ع ويهيه ورشونيه بالمآي ولي . . . . ومسآبقآت

قلنا آخر سسنه وبنظهر لي فالخآطر كلـه
بخبركو بموقف من الموآقف لي مريت فيهآ *

تعرفونهآ الألعآب المطاطيه لي فيهآ هوآ هههه اوني شرحت
المهم الشله محتشرآت يبن يركبنها وانا اقولهن لآ لآ لآ . .

تبون الصدق انا اخآف من هالالعـــاب
تمن يتحآيلن عليه يا شيخه يالله ولي تقول عسب خآطريه
ولي تقول والله بززخج بالقو مابتتعورين ولي تحمسنيه يالمنصوريه يالله عاد

واللي اصغر عنيــه سايرين رآدين ماتخوف
ماشاء الله عليهو

بعد محآيل ركبت من وصلت فوق ششهههقت والقـــــــــــو و و م !!!!
يلست ع صوب قلتلهن : مابنزل

تمن يضحكن عليـــه والبنات سايرات ورآدات
ربيعتيه : ياحرمه يالله لين متى !! 5 دقآيق ونحن ميلسات فوق
شيخه : هب نآآآآزله قلتلكو مابنزل انقلللعن برآيكن !!

نززلن والله وخلونيه روحي كملو حوآطه صوب الالعآب وانا فوق
لين شرفت البويه انا اشوفها من الصبح ترآقبنيه *

البويه : حلوة اليلسه فوق صح !
شيخه : طــــــــــــا آ آ ف
البويه : مابتنزلين !!
شيخه : طــــــــــــا آ آ ف
البويه : عآدي ايلس ويآج !!
شيخه : طــــــــــــا آ آ ف

قآمت من مكآنها ويلست عدآلي بالضبببط
وانا اطالعهآ وفاجه عيونيه !!! والبنآت ينآقزن ويطيرونآ فيآهم

قلتلهآ : شوفي يآ فلآنه مآلي بآرض ارمسكو واغث عمريه ذلفي عن ويهيه
يآخي ماتحسس ع دمهآ ماادانيهآ !!

تمت تتطآلعنيه صديت عنهآ *
انا اباا انزل خلآص عففنت فوق بس متروعــه
تميت حول ربع سآعه وهيه يالسه عدآلي

قالت : تعآلي انا بنزلج مابتتعورين والله !!
طفرت قلتلها : حللفي

شقت الحللج : والله صدق بس زخيني بالقوو !!

اضطريت اسمع رمستهآ البنآت فيهو نذآله مارددن هالصوب !!
يلست وانا زآختنهآ بالقوو لدرجـــــــه انه اصاابعي علمن ع ايدهآ

قالت بعد لين الثلآثه وخلاف بننزل
انا شويه وبصيح قلتلها انزين انزين يالله بسسرعه
غمضت عيونيه اترياها تعد !!!

صديت صوبهآ اشوفهآ تتطآلعنيه ومبتسسمـــه !!!

شيخه : تتمصخرين انتي يالله ابااا انززل
البويه : انزين تريي شويه
شيخه : لا واللله ماكملت رمستيه إلآ بوحده نذله كآنت ورانا دفرتنآ
تخيلو ما كنت يالسه عدل
طحت ع ايديه ولأن اللعبه حآره طشونه احتررقت والله لين الحينه ايديه تعورني !!!
يلست ابا استوعب شو استوى !!

شفت البويه سارت عند البنت ومسكتهآ من قمييصهآ البنت ضآيعــــه وهيه تتطالعها !!
حرام غمضتنيه لو بعدها ريآل هالبويه ماشاء الله عليـــها !!

حآيزت امبينهن انا فالنص البويه قدآمي والبنت ورآيه !!
قلتلها خلاص سيري انا تعورت هب انتي !!!

تمت تتطالعنيـــه والله تحسسنيه انها ريآآآل اشك فيهآ يآخي
صديت عنهآ ورمست البنت وحليلها كآنت فحآله صعبـه

. . brb __DEFINE_LIKE_SHARE__

شيخه الغيـد ! · 03-05-2012, 09:19 AM

صبآ آ ح الخير *

شحآلكو عرب زآيد ؟ ربكو إلآ بخير ونعمه !!

ميهوده انا !!! محتآيه دعوآتكو . .
المفروض ابدا ادرس من يوم السبت !!
وانا من التعب ماذآكرت شئ !

رآحن عليّه يومين . . السبت والاحد !!!

اليوم قلت بدرس تآريخ من الصبح
زآد عليه التعب !! بس ان شاء اللله بخلص الكميه بضغط على عمرريه

مااريد اسير الدختر . .
حتى الريوق مااشتهيه البارحه رقدت بدون مااتعشــى !!
هه اللي يقول رقدت اصلن !!

يالله يآمحلآ جوج يالعين حآليا انا متوآجده فبيتنا لي فالعين *
عالعصير يمكن مش أكيد إذا استويت احسن يعني نخطف عالعيوز

اسمحوليه الحينه بقوم اتريق هب زين اتم جذآ

احب هالفيس يرفع معنويآتيه . .

brb __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ېـξـڹێ ٵڹٺ ٺڟلمڹېے \| ٺـﯙڦېـξ	محروم.كوم	منتدى أخبار المواقع والمنتديات العربية والأجنبية	0	11-22-2010 06:13 AM
أڹآ ترآڹےْ طــَيرڪْ إلـِې يـحـَبڪِ " مـُوۈوټ " \| pics	همس العشق	المسنجر وملحقاته , توبيكات , ماسنجر بلس , msn	9	11-07-2010 05:23 PM
لآ المۈتُ أبڪآڹې ۈلا الفرحُ أضحڪڹې . . ๑	خفآيا إنسآن	الإسلام والشريعة	6	09-22-2009 12:22 PM
ڜڣﭟ ۈ ڜڵۈڹ [ ـٵڵخېـٵڹـۃ ] قـٵڛېـۃ ڵح‘ـدْ الإهـٵڹـۃ ..! Topic	~ {‏ ℓǿvẻ Sє¢яєт } ~	المسنجر وملحقاته , توبيكات , ماسنجر بلس , msn	5	04-05-2009 12:03 AM
ڤېڲ ڛـכر آڷڪۈטּۈآسبـآإب آڷـבּـﬦـآڵ .. ٿۈڦېـ۶ـېـۓآڵڼېۈ ~	мαζέ sђвѐέћ	تصاميم الاعضاء	55	01-14-2009 06:48 PM