الحب في دبي

Noorah 3 · #1 11-25-2011, 11:30 AM

السلام عليكم

هذي اول مشاركه لي فالكتابه ...

و اتمنى تعجبكم القصه ...

و اتمنى منكم التفاعل

------------------------------------------------------------
المقدمه

تروح الايام بسرعه ..اسرع ما تخيلته ..
ع بالي بأني بكون وياك في هالعمر و هالزمن و بنتحدى كل العالم و بتكون لي و بكون لك للأبد
كنت اعتقد بتكملني و ان انت نصفي الثاني و بتحميني من كل الناس و من كل حد بس ماكنت
ادري ان كل شي بيتحول ضدي انت حبيبي و كل حياتي بتكون ضدي و بتجرحني جرح ما
منها اول ولا آخر ...بس حبك كله كان كذب في كذب ...
كانت سنه الاخيره حقي في الجامعه و هو كان في السنه الله و يعلم لان كان مفصول من تقنية دبي دخلت كلاس بيزنيس لاول مره و هو كان قاعد صوب الثاني من كلاس ,, صوب اللي يقعدون فيها شباب ...
شفته لاول مره في حياتي و هو قاعد مع ربيعه اللي كنت اسميه اربع عيون كان يضحكني ربيعه طول الوقت كان
يطالعني و هو مبحلق عيونه كانه ضفدع ... بس يانا العميد و اعتذر عن غياب البروفسور و ان حصصنا بتبدا من
اسبوع الياي ...
و طلعت برع الكلاس و كانت وياي ربيعتي الضعيفه اللي كنا نسميها سنجابه عشان ظروسها كانت ع برع فديتها
و هم الشباب طلعوا ورانا ماكنت اتخيل يكون شرات ديناصور وايد طويل ..صح انا كنت طويله وايد بس مب 190 سم
و ضخمه شراته طالعته باحتقار و مشيت و هو مالتفت لي حتى بنظره و لا اي اهتمام انقهرت وايد انا الريم اللي مخبله
الكل هذا يرفضنيه و لا يصد عني قهرنيه بحركاته وايد ...
انا ماقول اني حلوه بس اقدر اقول ان الله عطاني جمال ماقدر اوصفها لكم عادة الناس يوم يشوفوني يقولولي تغطي حرام
عيون الناس جمره بتحرقج ... شعري طويل و ناعم و غليظ و عيوني وساع و ضعيفه و طويله.. وجهي مرسوم كانه
لوحه فنيه ماشاءالله هذا مب مدح بس احاول افهمكم ليش الكل كان يتخبل عليه ...
غروري كان ذابحنيه ذبح ماكنت الا العب بقلوب الشباب عمري ما حبيت صدق ولا كنت افكر احب في يوم ..
مسحت الحب من قاموس حياتي للأبد بعد فسخ خطوبتي مع واحد قطري من اكبر عايلات القطر ...
كرهت الرياييل كلهم صح انا ماحبيت خطيبي بس كان لعاب كل ليله مع وحده شكل و لون ... من بعد فسخ خطبتي كلمت
وايدين وايدين ماذكر كم بس عمري ماتعديت حدودي مع حد منهم كنت اتألم في داخلي وايد بس غروري و كبريائي
ماكانوا يسمحون لي اصيح و لا اشتكي لحد
مر اسبوع و دشيت الكلاس و انا كاشخه و متعطره و طبعا اخر وحده و معاي المها ربيعتي الضعيفه و كنت متعمده بس عشان الفت انظار الكل ... الكل التفت بس هالديناصور مالتفت ابد ولا سوى لي اي سالفه حتى ... يلست فالكلاس و انا طول الوقت اعابل في تلفون و اطرش مسجات حق ربعي ...
تميت ع نفس الموال اكثر من اسبوع و كل ماحاول الفت انظاره و هو مو مطنشنيه الين خلاص وصلت حدي و حلفت اني اييب راسه يعني اييب راسه ولا هالديناصور ع شو شايف عمره لا حلو ولا اي شي
حتى مرات يحضر المحاضره و احس ان مب غاسل ويهه و فيه رقاد غير طبيعي ....
في يوم كنا قاعدات انا و ريم برع الجامعه وين الباركنات وشفت ولد خال الديناصور يطوف اول ما طاف ابتسم لنا قلت حق المها لو انتي حرمه ازقريه قالت تخسين حرمه و بتشوفين كيف بزقره ,, قالت بصوت عالي مروااااااااااااااااااان تعال
والله من الضحك بطني عورنيه ماكنت اعتقد جي بتزقره و باسلوب همجي ,,مسكين لو تشوفون ويه مروان كيف كان مستغرب في خاطره يقول بلاهم هالبنات تخبلوا ولا شو ...بس حليلها المها توهقت ماعرفت تقول شي لان السالفه كانت تحدي لا اكثر ... فانا قلتله مروان ماتعرف متى الامتحان لاني في المحاضره كنت العب
طالعني و هو يبتسم قال اول اسبوع اي امتحان اختي .. فسكته قلتله انا الريم و هذي المها ربيعتي فضحك الريال و روح
بعد ما سالنا اذا تامروني ع شي قلناله سلامتك ...
هذي كانت اول خطتي اتقرب من مروان عشان اييب راس ولد خاله الديناصور و اكسر غروره انا الريم اخبل الكل هذا يسولي طاف ادري وقتها كنت سخيفه بس تعرفون الغرور يعمي الانسان ...
انا و مروان صرنا ربع كل يوم نتكلم و نسولف و نضحك و تبادلنا الارقام و كل يوم نساعد بعض في الدراسه خاصا في امتحانات لاني صح كنت مهمله بس الدكاتره كانوا يعطوني اسالة الامتحان ...
كل يوم كنت اشوف ديناصوري هادي و ساكت مايرمس ولا يسال كان خاطري اسمع صوته لو يقول استاذ او يكح
كل يوم كان في ايده ريد بول خالي من السكر و يشرب بس هاللي كنت اعرف عنه ...
في يوم كنت قاعده كالعاده في باركينات و اتريا الدريول بس عشان ايي و يوديني كوستا عشان اشتري حليب و شوكليت
شفت مروان و ولد خاله في سيارته السوده يايين صوبنا انا و المها ..فسلموا عليه و انا كنت واقفه صوب دريشة الديناصور و هو يالس يكلمني و يطالعني بعيني يقولي تعالي بنسير الجميرا و بنشتري دوخه و بنرد فطبعا ها كان طلب مروان الكتكوت لانه مروان حليله كان وايد قصير
تخيلوا كتكوت و ديناصور يتمشون مع بعض
كان ودي اقوله هيه بيي وياكم بس كنت ابي اعامله بغرور شرات ماعاملنيه فقلت لا شكرا مره ثانيه ... و هو في عيونه نظرات ترجي بس طقعت و مشيت عنهم و انا ندمانه لاني رفضت دعوتهم
فنفس اليوم العصر مروان اتصلي و قالي ليش ماييتي و مادري كيف قلتله بذكاء شو رايك نأذيه و اونه انا ابى اتعرف عليه و نسوي محادثه الجماعيه...فظبعا مارفض طلبي فاتصلنا لبعض و صوته كان تعبان فيه رقاد صوته في تلفون هادي و حلو بس طبعا اللي كنت اكلمهم صوتهم احلى عنه و حتى اشكالهم احلى و اغنى عنه
بس عمري ما همني الفلوس لان اهلي الحمدلله عندهم خير ...
كلمته فمروان قالي انا مشغول يالجماعه خذي رقمه و عطاني رقمه و اخيرا اقدر اكسر غروره اخليه يحبني و هو قال بيرقد بعدين بيرمسني
فما اتصلتله طبعا بعده لين هو اتصل بي و انا كنت في فيستيفال ويا المها و احمد اللي يموت في المها بس هي ماتحبه تحب واحد ثاني
قصة المها قصه تحب واحد مريض نفسي و حتى كان في مشتشفى الراشد يعالج نفسيا لان قبل انسجن و هو حاول يطعن المها في نص الجامعه بس احمد سوى عمره روميو و حاول يمنع هالمينون عنها لين يو الشرطه و زخوه فبس غلطة ريم كانت ان هي راحت تتغدى وياي انا و احمد ...
احمد كان وايد طيب بعد احسن عن هالمينون اللي كانت تحبه حتى كل مسجاته اللي كان يطرشلها انتي قحبه و بنت قحبه و انتي مال كل حد مادري شو كانت تبى فيه بس والله كنت اشوفها مينونه بس انا الريم مريت بأخص تجربه منها
تجربه خايسه تجربه مميته فقدت حياتي و اسمي و نظرتي للناس ...احتاج لأمان احتاج لوجوده في حياتي في نفس الوقت ماعرف شو اقول
...........

بشوف ردودكم لو حبيتوا القصه بنزل اجزاء ثانيه ... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور عيد الحب * عيد الحب * بطاقات عيد الحب للتصميم	محروم.كوم	منتدى أخبار المواقع والمنتديات العربية والأجنبية	0	10-05-2009 07:50 PM
زرع الحب في الطفل .. أبجدية الحب للدكتور محمد الثويني	محروم.كوم	منتدى أخبار المواقع والمنتديات العربية والأجنبية	0	05-14-2009 05:50 PM
[Style] : ستايل الحب قمة الاحتراف تصميم شبكة نسيم الحب	محروم.كوم	منتدى أخبار المواقع والمنتديات العربية والأجنبية	0	05-02-2009 03:10 AM
-:: الإنسان قبل ( الحب ) وبعد ( الحب ) وعند ( الحب ) ... ::-	♕ وليد الجسمي ♕	الإستراحه العامة	6	01-06-2009 12:35 PM