لا تلوم القلب اذا انجبر بحبك

روح الحنونه · #1 09-04-2009, 12:33 AM

)*(بســـم الله الرحمن الرحيـــــــم)*(

مرررررررررحبا ملاين ولا يسدن وان زادن لا بأس:-

حبيت انزل لكم هالقصه لانها عيبتني وان شاللهتعيبكم

هالقصه خياليه ولكن الاشخاص من ارض الواقع يمكن الاسامي نصهم واقعيه ونصهم لاء وانشالله تعيبكم ولا تلومني اذا شيء ماعيبكم لان اول مره اكتب قصه وروحي مرتبكه خخخخ

وان شاء الله تعيبكم
من تأليف الكاتبه: رومانسيــــ^_*ــه وعيـون عسليـــ^_*ـــه

العنواان: لا تلـــوم القاــــ :*_*: ــــب اذا انجبـــ :*_*: ــــر بحبــك 

الجزء الاول:-

يوم الخميس الصبح
بيت بو حمدان

طق طق طق

ام حمدان: فطوم نشي بسج ارقاد,,اووه نشي عاااد والله انج خستي من هالرقااد عفانا الله,, نشي ااهوو اجووف

فطوم:اوهووووووو محد يرقد فـ هالبيت (وترد ع امها)ان شاء الله
ماما الحين بنش والله..وتقول فـ خاطرها.."خليني انام بعد 5 دقايق عقب بنش والله موب حاله هاي يقومونا من صباح الله خير"

والحبيبه اتكمل رقادها..

وبعد جي امممممممم ربع ساعه اتي امها وتستغرب ليش لين احين فطوم ما نشت وتطق الباب بعصبيه وتزاعج لان تعرف ان فطوم ما بتنش الا بالدفاشه: فطموووووو وصمخ نشي اجوف فجي الباب..

واهني تنقز فطوم من الرقاد وتقول : والله بنش..

وتدخل الحمام وتتغسل وتتسبح وتظهر وتتلبس لان اليوم بتسير بيت خالها وتكشخت من الخاطر وتعطرت وحطت(قلوس+جحال)ونزلت وهي تدلع

خلونا انعرفكم ع شخصيات عائلة فطووووم:-
اول شيء هم من الشارجه وهم من قووم ال.......

وثاني شيء بنتكلم عن شخصيه فطووم؛ فطووم هي البنت الوحيده من 4 اولاد فطووم عمرهاا (14) وهي صف ثالث اعدادي وهي حلوووه واتخبل كل شيء فيها عذاااااااب صوتهاا مثل الكناري والجسم ماشاء الله والعيون وسااع عسليات واااايد يجذبون والخشم حد السيف وشعرها الين ظهرها واسود سوااد الليل وهي بيضه وبياضها روووعه وكلا ع بعضها خباااااااااااااال ويجذبون وعندها غمزاات حلوووووووه,, وهي دلوعه ابوها واتحبه واااااايد وهو بعد يموت فيها لان بنته الوحيده وفطووم لها قلب وااااااايد رهيف وهي حسااسه واايد لدرجه فضيعه(وهوايتها الفروسيه, والشعر, وقرأت الروايات والقصص( وهي جريئه ما يهمها شيء اي شيء تبى اتقوله اتقول ف الفيس وعنيده من الخااااطر وف نفس الوقت خوااااااافه وااااااااااايد والكل يدري انها خواااافه..... الله يعينكم عليها ههههههه),,,,( فطوم اتشجع العين يعني_ عينـــــــــــــــــااااff ااايه(

,واحين اني ع اخوها البجر وهاا اول وااحد من اخواانها وفطووم الثالثه((2 قبلها و2 بعدها)) اسمه حمداان ماشا الله عليه هو بعد حليوو يدرس فـ الجامعه 2 سنه, عنده غمازاات وااااايد حلوه ووااضحه وعند الغمازه ع طرف اليمين عنده حبه خال روووعه وجسمه واايد اوكيه وطويل وعنده سكسوكه وحواجبه مقروونه يعني كله ع بعضه يجنن وهو عمره(21)..((بس محد من كل الشخصيات فـ القصه كان يوصل لجمال فطوم ودوم كانت تفتخر وشوي مغروره)),,,( حمدان يشجع الوصل_ وصـــــــــــــلااااوي(

وبعد حمداان اي هزااع ((هزااع وفطوم فيهم شبه,, ويحبوون يلعوزون بعض ع قوله فطوم تزقره بعض الاوقات (عدوي اللدود))..
عاد هذا هزااع سواالف اخر سنه فـ المدرسه هو بعد حليو من الخاااااطر بس حمدان اشوي احلى عنه ويحــــــــــب وحده بتعرفونها عقب وجسمه رياضي ويحب الرياضه وهو عمره(19),,) هزاااع يشجع العين_ عينـــــــاااوي(

وبعد هزااع فطوم وبعد فطوم حموود فيه ملامح حلوه ويموت ع شيء اسمه كرة قدم ودوم يقول حق فطوم خااطري اصير لاعب لفريق الاهلي وعمره(10),,,)اهلاااااااااااوي(

وبعده اي عزوز وملامحه حلوه وجذاابه وعمره(5)...........) دووم فريق بس حمدان يقوله اذا ماشجعت الوصل ما بوديك الدكان فيصطلب ويشجع الوصل(

ابو حمدان:هلا والله بالغزال هلا بنور عيني هلا بالطش والرش والماي الورد ف الغرش..

وتركض فطوم عند ابوها وتلوي عليه: فديتك انا والله اموووواح..

هزاااع: بل بل بل كل هذا حق المفعوصه الصراحه انا بديت اشك ان فطوم ساحره ابويه..

فطوم: وانت شو حاارنك هاا..

بو حمدان : بابا هذا اصلا يغار منج صح..

فطوم:ههههههه صح

هزااع: نعم ننعم نعم انا اغار من ها السحليه(ويأشر ع فطوم)

وتنش فطوم: انا السحليه يا السبال

يقوم هزاع ويتمصخرعليها:انا السحليه يا السبال..ترى اذا انا سبال انت اختي
وما رحت بعيد اوقيق يا السباله ههههههه

فطوم:ها ها ها ما تضحك يا السخيف

هزاع: بالله انا موش أأل منك سخف ها ها ها

الكل الا فطوم:ههههههههههههههههه

فطوم:اففففففففففف يا ثقل دمك

هزااع: اه اه اه دمي ثقيل فطوم سااعديني خليني اخففه بموت ويا راسج

الكل:هههههههههههههههههههههههه

ام حمدان: بسم الله عليك من هالطاري لا اله الا الله

هزاع بدلع عسب يقهر فطوم: فديتج امايه محد يسواج وربي(ويلوي عليها) ويطلع السانه حق فطوم ويحرك حوايبه بغياض

فطوم: يا العنز وانتي ماما بس دافعي عن غناتج وحبيبج اوووووف (وتصارخ) ياااااااااااااااااالله

الكل:ههههههههههههههههههه

ام حمدان: الله لا يحرمني منكم و اجوفكم معاريس قولو امين يا السامعين

حمدان بصووت واطى: الله لا يييب ها اليوووم

الكل الا هزاع: امييين

هزااع من الخااااطر: اميييييييييييييييين(ويرفع ايده للسماء ويقول): من بؤك لي باب السماء يارب يا كريم

فطوم:هي انت هذا الي فالح فيه اقول اقول منو؟؟

هزاع: لا لا لا لا حياتي انتي شو اتقولين تعالي معاي بنروح قبلهم..)ويأشر لها بعيونه عسب تسكت(

فطوم بخبث:هههههه اتحريتك بعد يالله سير شغل السياره يالله بسرعه اجوف,, وما تنسى اتوديني الشيشه وع حسابك فاااااااااهم هههههه

هزااع: اخ يا القهر بس شنو انسوي مجبورين اوووف,, انزين

فطوم:ههههههههه

حمدان: حووو انتو شو سالفتكم وهزاع الهزاع يسمع كلاام فطموو اليااهل والله دنيا هههههه

فطوم وهي تلعب باظافرها واتحرك خصرها: والله يا خويـ

قاطعها هزاع ويسحبها وياه: يلا امشي بلا خربطااااااان

فطوم: اييييييي ايدي يا العنز

الكل:هههههههههههههههههه

وركبو السياير عسب يروحون دبي

سيارة هزاع
طبعا هزاع وفطوم ظرابه ونجره وضحك وسواالف ومثل ما وعدها وداها الشيشه وع حسابه وما خلت شيء

اما سياره حمدان
شوي يسولفون وشوي يسكتون

والحمدلله وصلو بالسلامه دبي

فطوم عند باب بيت خالها اتزاعج وطبل ع الباب: بطلو الباب فطوم ال>>>> وصللللللللت بطلو الباب وبطلو الباب ايه ايه يمين ويسار يمين يسار مسمع مسمع

علاااااوي: انزين انزين ييت وخير يا طير فطوم السيلانيه

بطل الباب وشرد لان يعرف ان فطوم ما بتعديها ع خير
فطوم صدق كانت معصبه ع علاوي: انا السلانيه والله لا راويك نيوم القايله يا عليوي

الكل:هههههههههههه

وركضت فطوم عسب تمسك علوه,, وهي يالسه تركض فوق الدري اتخرطفت وطاحت لان علاوي كان صاب ماي ع الدري

فطوم: هين يا بو عليوي انا وراك والزمن طويل ايييي ايدي

الكل:هههههههههههه

بعرفكم ع شخصيات بيت خال فطوم
هم من دبي قوم الــ..........
بوحمد خال فطوم
ام حمد مرت خالها وتزقرها(عمووو)
البجر حمد ملامحه عاديه بس ضعيف ويدرس فـ الخارج بحار ع السفينه وعمره(25)

وعقب حمد اتي الريم ما شاء الله عليها حليوه ومتزوجه من سنه وبعدها موب حامل وعمرها(23) متزوجه من ولد خالة امها اسمه اسماعيل يشتغل فـ دبي مدير البلديه العامه وعمره(27)

وعقب الريم اي خليفه ماشاء الله عليه حلييو اشوي اضعيف عمره(21) 2 جامعه قد حمدان

وبعد خليفه اي محمد اسمراني سماره يجنن سمار البدو حليوو عيونه وساع وسود يعني مزيوون وهو احلاهم من اخوانه قد هزاعو بس مره رسب وهو عمره(19) صف 2 ثنوي

وبعد محمد اتي مها حنطاويه وويها دواري يعني جميله وهي قد فطوم عمرها(14) صف 3 اعدادي

وعقب مها علي ها سواالف يحب يلعب وياه فطوم وااااااايد , حليو وهو قد حمود اخو فطوم وعمره(10)

واخر العنقود عبدالله ملامحه عاديه وهو قد عزوز وعمره (5)

ويدتهم تسكن فـ بيت خال فطوم واااااااااااايد اتحب فطوم لدرجه وتخاف عليها

.............

قامت فطوم من مكانها ودشت الصاله وزاعجت: هلا بالزين كله هلا بالحب كله هلا بيدوه حبيبتي

وتركض عسب تلوي عليها بس اتنش اليده من مكانها اونها زعلانه منها

هزااع:ههههههههههههههههههههه والله قفطه مو كل يوم عيد يا ماما الحلو يبي تجديد صح يا الحلو

اليده:لا خطا انا مالي غناه عن غناتي )وتلوي ع فطوم(

وهزااع يقفط وكان يبغي يشرد لانه ما بيسلم من لسان فطوم

بس ما خلته: اقول احين منو قفط هاا, ابويه مو فطامي الي يقفطونهاا اوقيق ع قولتك

الكل:ههههههههههههه

وهني يدش علاوي وهو يتجنب انه يناظر فطوم :السلام عليكم

الكل الا فطوم: وعليكم السلام والرحمه

فطوم: وعليكمو السلام ورحمه الله وبركاته(شرات المدرسه)

فطوم: هلا والله بـ بوعليوي اقرب تعال ايلس عندي اباك فـ رمسه

علاوي: بايع عمري انا عسب اي عندج

فطوم وهي تسطنع الاستغراب: ليش عاد شو انا اكلت اللحوم

علاوي : اونه جي تسوين عسب اي عندج وتذبحيني لا لا لا

فطوم: قصدك سالفة الطيحه ههههههه لا عادي

عاد علاوي الغبي راح ويلس عند فطوم وهو مستغرب منها

ومسكته فطوم من ايده: احين انا تاج راسك اتقولي سيلانيه هاا

علاوي: والله اسف حقج علـ

ما وحاله يكمل الا وفطوم راشى عليه بيبسي بارد

ويشهق علاوي شهقه قويه: فطمو وريل ان شاالله يفكني منج قولي اميين

فطوم نقعت من الضحك لان شكله كان موووووت يضحك:ههههههههههههههههههههههههههههههههههههه وااااي

ويركض علاوي عسب يروح يتسبح

فطوم: تستاهل هههههه

اليده: فطمو ويهد جيه جي سويتي فـ ولد خالج هاا يا جليلت الحيا

محمد خالي: عاشووووو يدتي مانع علف ههههههههه(مال مسلسل الحياله)

فطوم: جب جب (وتتمصخر عليه) عاشووو يدتي مانع علف مالت ع ويهك استح استح اتقول حق يدتي جي(واترمس يدتها) يدوو انت ما تعرفين شو سو فيه جان روحج اتقومين وتضربينه اهئ اهئ اهئ(اتسوي عمرها اتصيح)

اليده شهقت: فديتج خلاص لا تصيحين قولي شو استوى

فطوم: يسلمج الله انـ

ويقاطعها حمدان: انا الي بقول اعرفج اتيبين كلام من عندج,اسمعي يدوه(ويقولها السالفه)

اليده: هههههههههههههههههههههههههههههههه

فطوم: يدوه شو بلاج بدال ما تروحين تضربيـ

اهني يدخل علاوي وهو لابس الروب ويقاطع فطوم: هي انتي شو تضربني ياهل عندج

الكل: ههههههههههههههههههههههههههههههههههههههههههه

علاوي وهو مستغرب: شو بلاكم تضحكون ضحكوني وياكم

هزااع: تبي ههههه تضحك هههههههه ع عمرك جوف شو لابس صدق ياهل ههههههههههههههههههههههههه

علاوي اول ما جاف عمره ربع وراح يغير لانه صدق قفط ويهه

عقب ساعه ونص

ام حمد: يلا يا عيال الغداااء

والكل قام يتغدى وعند الغداء ما يرمسون الا ع الاخبار والرياضه وها السوالف

وعقب الغدى كانو يالسين سوالف محد كان ناقصنهم الا الريم واسماعيل

فطوم: انا بسير المطبخ بقص فواكه حد يبى شيء

الكل: لا مشكوره

قامت وهي نازله كانت تتطالع الارض عسب ما طيح ومره وحده

*بوووووووووووووووووووووووووووووووو*

اهني تنقز فطوم من مكانها وتصرخ:اميييييييييييييييييييييييي

الريم واسماعيل: هههههههههههههههههههههههههههههههههههههههههههههههههه ههههههههههههههه

فطوم يوم استوعبت السالفة قامت وضربتها ع ظهرها بالقو: يا الماصخه يا الطفسه

الريم: ايييييييييييي ظهري عنبو ابليسج فـ حد جي يضرب اخخخ

فطوم: تستاهلين والله طاح قلبي ف) ورفعت عيونها وجافت اسماعيل فسكتت(

الريم: ههههههههههههههههههه لا كملي ههههههههههههه

ودشو ثلاثتهم وسلمو ويلسو والريم وااااااااااااااااااااااااااايد كانت فرحانه لدرجة انه الكل استغرب منها عاد فضول فطوم وصل حده

فطوم: ريمو شو بلاج جي مشتطه

الريم وويها غدى شروات الطماط وهمست : ماشيء

عاد فطوم عرفت بنت الاذكياء ع قولتهم اللبيب بالاشاره يفهمو وربعت وساسرتها عسب تتأكد فطوم ومره وحده زاعجت وهي ميت من الفرح: مبرووووك يا اجمل غزال فـ هالدنيا كلها مبروك يا بوسلطان

عاد هني كلهم ماتو من الوناسه وتمو يباركولها وبو حمد قال بنسوي حفله لا صارت ولا استوت وبسوي الحفله فـ البوم,,, وفطوم خبرت امها :قلت حق ماما وبابا اني بتم عند مهوي وانا ومهوي اتفقنا انه انخطط وانسويلها ســبــراايــز, وقلت حق مهوي تعالي انسير الحجره ونتفاهم(اونه عاده نتفاهم ههههه)

فـ الحجره

مهوي: يلا فطمو فكري ابسوي شي لا صار ولا استوى واتكون الحركه يديده

فطوم وهي يالسه اتفكر: اممممممممممممممممم فكري يا فطوم فكري اممممممم(وتضرب اصبعها براسها)

مهوي: يلا يا ام الافكار العجيبه والله انا حاسه انج بطلعين فكره خطيره شراتج

فطوم وبعد انتظار طووويل نقزت وزاعجت: لقيتها مهوووووي لقيتها وااااااااي (وتمت تترقص)

مهوي وهي مشتطه: قولي خربتي فيوزات مخي والله اذا الفكره بايخه والله لا اقطعج بالسجين قطعه قطعه وافرج فـ الزباله عسب ياكلونج القطاوو فهمتييي

فطوم: بل خيبه تخيب العدو كل هذا كان فـ فؤادج و موب قايله(وتروح وتمسح ع شعرها) مسجينه مسجينه

مهوي: فطمو يعلج بريل ما يجوف قووووووووووولي اميين

فطوم: انزين انزين اسمعي سلمج الله يوم ريمو بدش بعد جي عشر دقايق هي نسيت اخبرج محد بيعرف الا قوم ميره وشيخو عيال خالو مها اوكي, وبنسوي شراات الاعراس يعني ريمو ادش ونحن بعدها بـ10 دقايق بندش ع اغنية (يا هل اليوله مال الميدان معرووووف طبعا)انزين انتي البسي كندوره لون اممممم هي الزيتونيه الغامجه والسفره بيكون لون بيج وفيها نقوش لون زيتوني مال حمود اخوج الختم وانا بلبس شراتج مال هزاعوووو )نحن بنكون ورى الباب وتي ميرو وشيخو عيال خالو ويبطلون الباب ونحن اندش نتجدم 4 خطوات عقب نوقف ونجابل بعضنا وبعلمج بعض الحركات وبندرب وااايد, وشو رايج في افكاري(والابتسامه شاقه الحلج)

مهوي كانت وااااايد منصدمه بس واااايد عيبتها الفكره لان الريم اتموت ع هايل السوالف ومحد لين احين امسوي هاي الحركه وقامت وحضنت فطوم: صدقت وما غلطت يوم سميتج ام الدواهي والافكار العجيبه

فطوم: اعيبج انا عشلون عيل

وقمنا ونزلنا الاغنيه وحطينها في الاستريو ورفعنا الصوت عااالي وتمت فطوم اتعلم مهوي لان فطوم خبيره في سوالف الميدان ويوم خلصو اطالعو الساعه وشهقو لان الساعه استوت 12 ونص الليل

فطوم: تبين الصدق انا ما حسيت بالوقت موليه كان كشخه بس لازم انام عسب انش من صباح الله خير وندرب ما عندنا وقت اوقيق هههه

مهوي: اوقيق كفج كفج هههههههههههههههه

فطوم: حمار يلفج ليله عرسج

مهوي اطقاطعها:والله حفظناه انت وريلج فار يحبج

مهوي و فطوم:هههههههههههههههههه

ورحو يرقدوووون

مرحباااااااااااااااا ملاييييييييييييييييييين ولااااااااااااااااا يسدن وان ما سدكم ترى الخييييييير واااااايد

الصبح /يوم الجمعه

نشو الكل من صباح الله خير عسب الكل يتجهز لان اليوم الليل بيروحون قاعة البوم اول شيء الريم واسماعيل رفضو يسون حفله بس بو حمد اصر الا يسوي حفله لا صارت ولا استوت علشان بيكون يد ومن بنته الغاليه وبعد اصرار كبير وافقوو والكل استانس وراحو فطوم ومهوي يدربون ف الحجره ويطلعون الكنادير وملابسهم لان يوم بيروحون بيلبسون كنادير تحت العباه ومحد بيعرف وبعدين بيبدلون(ع فكره فطوم اتصلت حق حمود اخوها وقالتله ايب كندورة هزااعو وما يخبر ولاااا احد)

ف الحجره(بعد التدريب)

فطووووووم اطالع ساعتها: اوييييييه مهوي ابسرعه قومي خلينا انروووح انصلي,,اكيد الشباب احين بيووووون

مهووووووووي: اوووووووووه يالله يالله

وبعد الصلاه

فطوم: مهوي اي لون بيكون لبسج ليكون الوردي ترى و

مهوي اتقاطعها: والله ادري انه مو حلو علي,, لا لا بلبس الفوشي الي شيء كرستال ع طرف الرقبه تذكرينه

فطوم وهي فرحانه: وانااا اقدر انساه هذا ذوقي والله انه يجنن عليج بتخبلين

مهوي : وانت شو بتلبسين

فطوم : لا عاد ما يخصج عقب براويج المهم انا بسوي شعري سشوار انت شوو بتسوين

مهوي وهي مبطله عيونها: فطوم حبيبتي ينتي لا لا اكيد ينيتي شو اتبطلين شعرج تبين اتموتين بيحسدونج,, وانا بعد بسوي سشوار

فطوم اتقوم وتحط ايدها ع خصرها: لا والله وانت بعد شعرج طويل ليش اتفلينه هاا ارمسي

مهوي: انزين انزين كيفج

فطوم: اكيد كيفي عيل كيفج

مهوي: لا كيف ريلج

فطوم: واااااي فديت هالطاري بس بعد ما يخصج فيه

مهوي: لا يخصني

فطوم توقف ومهوي بعد وقفت وجابلتها : تتحدين

مهوي اتعيب ع فطوم: تتحدين (اتعدل صوتها) جي اخاف منج انا

وتمو يتضاربون جنهم يهال

وبعد صراع قامت فطوم ويلست ع الشبريه: خلاص بس بموت(وكانت صدق امعرقه)

مهوي ما استحملت ونقعت:هههههههههههههههههههههههههههههههههههه اي بطني ههههههه طاعي شكلج اااااااه بطني ههههههه

فطوم قامت وهي صدق كانت امفوله وضربتها ضرب وعقب ما خلصو اليهال لعب قامن يجهزن اغراضهن ويتعدلن ويوم خلصو كانت الساعه 4 العصر يعني شيء وقت بعده بعدين حسو بملل

فطوم: اووووووووووف ملل

مهوي : هي والله يا حيهم الاولاد يظهروووون عكيف كيفهم (وصرخت) ملل يا ناس يا عالم

فطوم وهي اتفكر :امممممممممممم (وصرخت) هي لقيتها مهموي اشرايج انخلي هزاعوو وحمود اخوج ايولون ويانا والله بيكون كشخه ولو كنا بروحنا احس بنرتكب ف هزاعووو يعرف ايول ويولته خطيره وحمود اخوج بعد يولته حلوه وبتصل احين ف هزااهوو بقوله خلي ايب شرات كناديرنا من عند ربيعه حقه وحق حمود اخوج هاا اشرايج

مهوي زين ما اغمى عليها من الفرحه : وشو راي بعد انتي لو قررتي ف شيء لازم يكون اوكي شراات ويهج فديت خشمج انا والله

فطوم وهي اونه اتعدل الكلر مالها:احم احم

مهوي تضربها فوق راسها: بسج كل ها خقه بعد تبين زياده

فطووم: افا ما استاهل بس المهم اننا انسوي شيء حق ام سلطان

مهوي: اقولج ريمو ولا اسماعيل قالولج اذا يه ولد بيسمونه سلطان

فطوم:لا

مهوي: خلاص عيل كل دقيقه والثانيه قالت ام سلطان و ام سلطان والله

فطوم: ما يخصج انا بقولهم يسمونه سلطان يعني سلطان فهمتي

مهوي :لا ما فهمت المهم سيري اتصلي ف هزاعووو الحشره

فطوم: كلي خراج بشكارة ريلج انا سيري روحج انا كل شيء دبرت وخططت وفيوزات راسي نقعو مو انت يالسه مرتاحه ومخج ما خذله اجازه يلا سيري بلا رمسه زايده

مهوي: انزين انزين فكيني من هاللسان

وتقوم عسب تتصل ف هزااع
وقبل ما ترفع السماعه

فطوم اتزاعج: لا لا لا

مهوي: شو بلاج اتباغمين جنج بتولدين,, اخي اتخيل شكلج امممممم(واونه اتسوي عمره ادقق ف فطوم) لا لا لا ما يليق,, شو تبين يعلج السعاده

فطوم: اول شيء انا الحمدلله كل شيء يليق علي اوكي وثاني شيء غصبن عنج بتدعين لي بالسعاده وثالث شيء صبري بنسوي ف هزاعو مقلب اونه انت معجبه واتصليله وادلعي وبنجوف شو بيكون ردت فعله اوقيق

مهوي: اوقيق خشمج خشمج فديت هالخشم والله

ويتخامشون

فطوم: فديتج والله احين سيري اتصلي ولا اقول سيري يبي موبايل الدريول لانه لو كلمناه من البيت بيعرف يلا سيري

واتروح مهوي وتيب واتصلت وقبل ما يرد

مهوي: احم احم جي حلو صوتي

فطوم:عسل والله

اتشققت مهوي: ثانكـ...

وكانت تبغي اتكمل بس هزاع رد

هزاع:الووو

مهوي بدلع: مرحبا

هزاع استانس: هلا والله هلا بهل مرحبا ارحب امنو وياي غناتي

مهوي وهي اتحط ايدها تحت السماعه وتقول حق فطوم: طاعي هذا بعدني ما قلتله منو انا وقالي غناتي والله دنيا,, اووووه نسيته ع الخط

فطووووم: هههههههههههههههههههه حركات اخويه

هزاع: الو الوووووووو الووووو وين راحت

مهوي: الو معاك معاك

هزاع : اشوى حسبت انج رحتي وخليتيني متعذب ف مكاني يلا غناتي قولي منو ويايه

مهوي بدلع وغنت (ترى مهوي بعد تملك صوت جميل بس محد وصل قد فطامي):معقب مغرم انا بئى موش عايزه الا هوه مشيت همسه ........)(نانسي عجرم) مهوي وهي اتغني كانت اتسوي ماااااالت للسماعه,,وفطووم كانت تضحك بصوت واطى عن يسمعها وينكشفووووون

يتبع ..

هذا الجزء الاول ..اذا شفت تفاعل بنزل الباقي

اتمنى تعيبكم القصة ^^ __DEFINE_LIKE_SHARE__

الطبع الذبوحي ×!! · 09-15-2009, 05:00 PM

روووووووووووووووعهـ نزلي آلبآرت آليآآي .. آتريآآه << وآآآآآآآآآيد حلوه آلقصهـ __DEFINE_LIKE_SHARE__

دمعه المقهوره · 09-16-2009, 02:34 AM

رووووووووووووعه فديتج
نتريا البارت __DEFINE_LIKE_SHARE__

مزيونه البر · 09-25-2009, 06:08 AM

مشكووووووووووووووووووره روووووووووووووووووووعه نترياااااااا الباااااااااااااااااااااارت الياي __DEFINE_LIKE_SHARE__

Dam3.3iny · 09-25-2009, 04:03 PM

القصة وااااااااااايد حلووه ..

كملييييييهاا الله يخلييج ..

يلااا ويييين البااارت ؟؟؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
غلاك ف القلب يكبربي ويتسلل ... يقولها القلب قبل ماتقولها شفاهي ... v.t.c	..{mr.shrjawy }..	سيارات و دراجات	18	11-07-2009 12:48 PM
اوامر من وزارة الاعلام بعدم نشر اي مقال اوخبر ينتقد الوزيرة	محروم.كوم	منتدى أخبار المواقع والمنتديات العربية والأجنبية	0	10-02-2009 07:00 PM
بحبك انا بحبك ... نغمة البوم باسكال مشعلاني الجديد 2009	محروم.كوم	منتدى أخبار المواقع والمنتديات العربية والأجنبية	0	07-08-2009 10:50 AM
نغمة جوال من القلب الى القلب http://up8.fileaty.com/download-ee65333d7f.mp3.html	محروم.كوم	منتدى أخبار المواقع والمنتديات العربية والأجنبية	0	06-01-2009 03:10 AM
() بيتك هنا في داخل القلب :/:/ النغمة الي بتوقيعي (_) داعمة دورية	داعمة دورية	نغمــات للهــواتف	23	04-05-2008 12:06 AM