راعي العجراء والرحله البحريه

محروم.كوم · #1 11-25-2011, 11:30 AM

السلام عليكم ورحمة الله وبركاته
اليكم هذه السالفه
السباحه بالبحر
في يوم من الايام قبل سنين لا اعرف لها تاريخ الوكاد انها منذو مبطي (شباب)
عزموا الشباب ان نطلع رحله بحريه للشرقيه نسمع بهاف مون ولاندري
ولافينا واحد يعرف للبحر والبعض منا يمكن اول مره يشوف البحر الا بالخارطه
المهم وصلنا للبحر وطقينا الخيمه والوقت حر ورطوبه عاليه شي ماتعودنا عليه
ولامكيف حتى المهاف ماهي معنا وحنا ماتعودنا عليه حنا متعودين على الرياغي
والشعبان وملاحق الضبان لو الشمس عموديه والحراره فوق 50 درجه نشب الضو ونتدفى عندها
المهم من شدة الرطوبه صرنا مانطلع من البحر ماغير سباحه ليل ونهار ولو يحصل للواحد ينام بالبحر كان مامثله
ولا ندري انه اذا طلعت من البحر لازم ترش ماء على جلدك اول مره
ادري ان الماء يغسل بالماء
ماطول عليكم بالسالفه من كثر السباحه صار جلد الواحد يتقشر واللون صار اسود مدري بني والجلد المنتقشر يصير ابيض لاشفت ضهر الواحد تقول
قمراء في معشاش
ومن كثر ماتراكب الاملاح على الجسم صار الواحد ماعاد يقدر يتحرك الضهر متشطب
كل حركه يحس انه يتمزق لحمه مستوي لوتطبخ الرجال لو كان هرش مايحتاج له قدر كاتم
فوحين وكب رزك
علاوه على عيوننا الواحد صايرات حمر لاصرنا جالسين مع بعض وشفت العيون تقول
مدرج مطار باليل
اللي حصل ان اخيكم راعي العجراء بلش بضهره من التصدعات والتشققات على طبقه الجلد الاستوائيه من عوامل الاملاح المصاحبه من المياه الهاف مونيه

والوقت كان بعد الضهر وملقي الضهر للهواء ادور نسناس شمالي يلطف الجو على الضهر
معنا بالرحله واحد خبل ويتخيبل وهو يمر من عندي وانا مثل ابو الهول ماقدر اتحرك ولا حتى التفت وهو يجي من عند ضهري وهو يغرس اضافره بضهري من عند الرقبه حتى اسفل الضهر وهو يقشع اللحم مع الجلد وهو يخلي الضهر تقل مشط حراثه بالارض
وهويضحك وانا بلش بعمري اللحم والجلد يتطوى مع اضافره تقل قشرة مرسم من برايه
وانا ماغير دموعي على خدي من القهر لاقوى الحقه ولا تحرك عن مكاني
انثر دموعي ياعسى الجرح يلتم ---- والدمع يزود علة الملح بالملح
مازال هذا الشخص يتذكر ضحكته
وانا مازلت اتذكر واعاني من جروحي وعلتي
انتهت السالفه ارجوا ان اكون وفقت في طرحها لكم
وقبل الختام
سبحانك اللهم وبحمدك استغفرك اللهم واتوب اليك
تحياتي للجميع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راعي العجراء والخروف	محروم.كوم	منتدى أخبار المواقع والمنتديات العربية والأجنبية	0	11-17-2011 03:30 PM
راعي العجراء في سوق السمك	محروم.كوم	منتدى أخبار المواقع والمنتديات العربية والأجنبية	0	10-31-2011 12:50 PM
عرس راعي العجراء	محروم.كوم	منتدى أخبار المواقع والمنتديات العربية والأجنبية	0	09-26-2011 02:30 PM
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
من سواليف راعي العجراء (عزيمة القعوس لراعي العجراء )	محروم.كوم	منتدى أخبار المواقع والمنتديات العربية والأجنبية	0	09-10-2011 01:40 PM