مُآڒڷت أبحث عڹ ڹفـωـِې ۈهۈېتـے فأڹآ פـڪآېة ڷمُ تڹتهـے بعـِد ! - الصفحة 19

شيخه الغيـد ! · 09-27-2012, 08:19 PM

يا مرحبا الســــــاع

ضيقه والله انها ضيقه ضوتنيه
اعوذ بالله !!

علقتها فيني ! تعبت ! صاحت ! اشتاقت ! مرضتْ
كله ما همنيه ياغير رمستها تعـــورْ
ربيه يسامحها

قسم بالله ما احب هالخربطاااااااااااااااااااااااااااااااااااااااااان ْ
والمشكله تدري !!

سؤال يا عرب زايد
البنات صاحيات ؟

الي اشوفه فالجامعه شيء مش طبيعي ابد ابد ابد
يالله بالســــــــتر

بطلع اتمشى فالحاره فيا امـــايه وبوشهآبْ
هذا اروحه قصه هو وحرمته ههههه

ربيه يهنيهو . .

عقبال راشدْ لي رافع ضغط امايه ومطفربها ما اتخيله معرس
وعقبه الرزين الغرشوب القميل " مطر " ؛

تراه هالمدح له سبب ههههه يعلنيه افداه

ودامت دياركم عامره بالافراح والمسرات __DEFINE_LIKE_SHARE__

شيخه الغيـد ! · 10-03-2012, 08:26 PM

مرحبــــا مليــو و و نْ
شحالكو ؛ كلن بحــاله . .

واخيــرا يانا اليوم المنتظرْ " الاربعاءْ الخميسي "
على كثر التعب لي حسيته اليوم ، إلا انه كل شيء يهون

لانه باكر { OFF } . .

يلست فيا امـــايه يعلنيه افداها وخواتيه
لين ضون الحرمات ويلسن عندها

شو تسوين يا شويخ ؛ سوالفهن ما تناسبنيه ابدد
ملل ، طفرره ، الجو طاقع

قمت واتصلت ف بوغيث

مطر : مرحبا الساعْ
شيخه : مرحبا ملايين ولا يسدن شحالك خويه العزيزْ
مطر : من الاخر شو فخاطرج
شيخه : افــــــــا ا ا ؛ انا اتخبر عن حالك تقوليه من الاخر !!
مطر : هههه بخير ما نشكي باس
شيخه : يعلك دوم بخير
مطر : ها شواخ شعندج يالس فيا الشباب
شيخه : قم قم عنهو تعال البيت
مطر : شو تبينْ !

سمعت اصوات وحشره

شيخه : خلاص ماشي ، وبندت عننه

سرت صوب قسم حمدْ
ويلست فيا حرمتته ، ونحن مندمجين فالسالفه
سمعت راشد يباغم " كالعاده "

شيخه من فوق : ها رشود شعندك
راشد : تعالي تحت

شليت بعمريه ونزلت

شيخه : شو تبا !
راشد : اريد عصير برتقال مصصصدّع
شيخه : الحين يايبنيه من فوق عشان عصير !!! عندك البشكاره قولها !
راشد وهو عاقد حياته : لا تستهبلين

شيخه : ياخي عرّس وخل حرمتتك تسويلك
وقف . .

اول ما وقف شردت : انزين انزين

يوم يوقف يزيغنيه انا قدامه لعبه ، مره حاس يديه الهررم تميت متويععه 3 ايام
من جذا هو الوحيد لي ما ارومله

وخويه الغالي ما يداني يشرب من يد البشكاره ><!
بطـــــــــران فذمتيه بطران هب منه منو خوييّه " حمدان "

سويتله وتوني راده من المطبخ
قلت بفتح المنتدى

كتبتلكو عن شهر ههههه
من الفضاوه والله

__DEFINE_LIKE_SHARE__

شيخه الغيـد ! · 10-06-2012, 11:54 AM

الســـلآم عليكو ورحمه الله
شحـــالكو عربْ زآيــد !!

اول شي اريد اعتذر للعضوآت لي عنديه عالمسنْ ،
أنا آسفه لانيه احيانا ما ارمسكنْ او ما ارد عليكنْ يوم ترمسني

ربيعاتيه يغثنن بالواحد واخاف اطلع حرتيه فيكنْ
من جذآ يوم ما ارد واكتب شي فالبرسونالْ اعرفن انه حاليه " زفت "

ثانيا يقولون باكر دوامْ ؛
امححق طاري فذمتيـــه مالي بارضْ !!

عندي 3 بروجكتاآت
ما خلصت غيرْ وآحد ؛ لا بتفلحين يا شيخه

بخبركو سالفــــه دامني فاضيه هههه . .

امس سمعت ابويه وبو شهآب يسولفون شكلهو يتشاورون ع ســـالفه
منْ يلست صخوا !!

حدر بو سنيده سلم ويلس عدالي
عطيتْ بوشهاب نظره شسالفه !! ابتسم واشرّ بيده يعني هب قايل
بوزت وتنهدت

طالعنيه ابويه : شعندج ابويه
شيخه : شو قلتْ لحمد !! اريد اعرف

ثلاثتهم ضحكوا وانا ابتسمتْ تقفطت ما اعرف !

هزري لاحظو مستويه فضوليه بشكل مش طبيعي !! ما كنت جذآ
هب حلو هالطبعْ ما انصحكو

ابويه : تعالي تعالي عدالي
يلست عنده قال : شوبلآج انتي
شيخه : لا تعليقْ

بوسنيده : دلوعه شعندهآ بعد
شيخه : ابويه شوفه دوم يطفربيه
ابويه : راشد صخْ عننها

سكت راشد ، ابويه : باكر اريدج تطبخين الغدا
شيخه : هـــآ

حمد وراشد نقعو من الضحك

ابويه : شو ها بعد بتردين ابوج
شيخه : ابويه ما اعرف اطبخ اخاف اسود ويهي
ابويه : هههههه ما يطيع زينج بنت ابوج تسودين ويهج باكر الغدا عليج انزين ابويه
شيخه : ان شاء الله !! " ما اقدر اردده "

وظهر يالله عاد شو بيسكت حمود ورشود

المهم يا اليوم الثــــاني وانا ضاربنيه حفوز شو بخبص !
لين نزلت تحت قالوليه ابويه معزوم عند عربْ
حمدت ربيه هههههههه

كنت بيلس قدام امـــايه اكتب الوصفه
بس انقذنيه راعي العزيمـــه __DEFINE_LIKE_SHARE__

شيخه الغيـد ! · 10-12-2012, 11:42 AM

الســلآم عليكو ورحمه الله ؛

جمعــه مبـــاركه علينآ وعليكو
شصبحتوآ !!

بخبركو بموقف عالصبْح

نشيت عالســـآعه 7 ونص " هب قهر فذمتكو !!! "
يوم عدنآ اجـــازة يطير الرقاد ويوم بنداوم ودنـــا فيه . .

المهم عقب ما تسبحت و و و !
نزلتْ تحت ، قالوليه الوالد فالعزبـــه للاسف الشديد كان ودي اسرح فيآه !
قبظت الآيبـــاد ويلست عالدكه خاري اوني بسوي البرزنتيشن

شويه ولا تحدر سيــاره ولد عميّه " حمدآنْ "
من الصببح حاط اغنيه ميحدْ " شل غشاه " اسميه متفيقّ

فريت الشيله ع ويهيه يوم شفته نزلْ
والله كنت بشرد داخل ياغير هب من سلومنآ نقفي بالعرب وهو امبونه شافني

ولد عميه : صبحج الله بالخير بنت العم
شيخه : صبآح النور ،
ولد عميه : شحالج
شيخه : بخيرْ
ولد عميه : يالله صبــاح خيرْ ! شعنه مبوزه انزين

رفعت راسيه وعطيته نظره وصديت بويهيه

ولد عميه : ايــــــــوا ا ا ، عرفت ليه زعلانه
شيخه : منْ قال زعلانـه !! شعندك انته ،
قال وهو يطالع فوق ويدندن : اونج ما تعرفين ْسالفه الحلاوه يا حلاوه !

يالله حسيت انه الدم كله فويهيهه حراااااره انصدمـــــت
منو خبرررررره !!!!

حمدآن : ههههههههههههههههههههههههههه
شيخه : فاررررقت ويهك يالخآآآيس يعلنيه ما احلمك يا حمدآنْ

وربعت دآخل وانا اسمعه يقول : انزين تعآلي بنتفاهم هههههههههههههه ،
ضحكت بلييييا ضروس

محد غير اختتته والله يانه دواها عنددديه الهرمه

ما عليه !
__DEFINE_LIKE_SHARE__

شيخه الغيـد ! · 10-23-2012, 08:51 PM

كتبتلكو سآلفتيه فيآ اللبنانيـــه
ياغير كله رآح ، قهررر ما بعيد

فداعه الله __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ېـξـڹێ ٵڹٺ ٺڟلمڹېے \| ٺـﯙڦېـξ	محروم.كوم	منتدى أخبار المواقع والمنتديات العربية والأجنبية	0	11-22-2010 06:13 AM
أڹآ ترآڹےْ طــَيرڪْ إلـِې يـحـَبڪِ " مـُوۈوټ " \| pics	همس العشق	المسنجر وملحقاته , توبيكات , ماسنجر بلس , msn	9	11-07-2010 05:23 PM
لآ المۈتُ أبڪآڹې ۈلا الفرحُ أضحڪڹې . . ๑	خفآيا إنسآن	الإسلام والشريعة	6	09-22-2009 12:22 PM
ڜڣﭟ ۈ ڜڵۈڹ [ ـٵڵخېـٵڹـۃ ] قـٵڛېـۃ ڵح‘ـدْ الإهـٵڹـۃ ..! Topic	~ {‏ ℓǿvẻ Sє¢яєт } ~	المسنجر وملحقاته , توبيكات , ماسنجر بلس , msn	5	04-05-2009 12:03 AM
ڤېڲ ڛـכر آڷڪۈטּۈآسبـآإب آڷـבּـﬦـآڵ .. ٿۈڦېـ۶ـېـۓآڵڼېۈ ~	мαζέ sђвѐέћ	تصاميم الاعضاء	55	01-14-2009 06:48 PM