راعي العجراء واحلام العصافير

محروم.كوم · #1 11-10-2011, 10:10 PM

السلام عليكم ورحمة الله وبركاته
اليكم هذه السالفه القديمه والقديمه جدا لمدثكم راعي العجراء
في سنة من السنين على وقت بيوت الطين الجار بالجار والسطوح متلاصقه مع بعض
و كان عمري 14 سنه او15 سنه ماذكر بالضبط يمكن اقل او اكثر
دائم الوالده رحمها الله تعالى تقول ماشاءالله عليك ياراع العجراء كبرت ان شاءالله تحج فيني وابوي الله يرحمه يقول ايبله كبر ابشتري له سياره وانا اتسمع ومبسوط من كلامهم امغط رقبتي زود علشان اصير طويل بعيونهم عاد اتقول الوالده ايبله شف شاربه خاط
لا ونبا نزوجه انا ابخطب له بنت ولا كل البنات وانا اصددق كلامهم اني كبرت واركض للمرأيه ولاشفت وجهي لاشوف شارب ولا شي والله يوجهي ماتفرقه عن وجه اخوي الصغير اللي عمره اربع سنوات ولاشعره حتى مافيه شعرة وحده جايه بالخطا
لاشارب ولا لحيه مدرج مطار ماغير براطم من الركض والمراكض بهالشرع تقول
كاكاو مارس او سنكرس لاهيب سود ولاحمر
المهم راعي العجراء بدا يدق من الهواجيس مره اقول ابلبس عقال حتى اصير رجال وانا مابعد لبست الطاقيه ولاالغتره ومره اقول ابا الددسن اول حتى اعلق العقال بالمرايه شغل من اول
ومره اقول لاولله العرس زين يقولون الحرمه تضف الرجال وخلاقينه وخذ من التخيلات اهلي حاطين لي غرفه وعندي حرمه نلعب انا وياه حدى رجا بدا رجا ياحبيت الولو ياعمي يابو حسين كم بقى على عيد رمضان
وانتغالب انا وياه على دوشق العرس انشوف اللي يطرح الثاني
المهم هكذا كان تفكير راع العجرراء
ويوم صار ذاك اليوم قلت للوالد رحمها الله انا ماعاد نائم بالغرفه مع اخواني انا ابي انام بالسطح بالبراد ابي احسسها اني فعلا صرت رجال
قالت ياوليدي توك على نوم السطح لحالك
قلت خلاص يمه انا رجال وكبرت ولا اخاف وش اخاف منه انا معكم بالبيت ماقلت ابطلع
افروشوا منامي بالسطح ياوليدي توك على النوم المهم اقنعتها وقالت طيب
حطت فراش بالسطح وانتم عارفين من اول اللانوار بالديره قليله ماهي مثل الحين

وتشوف النجوم واجد والسماء اسود بالحيل المهم اني رقيت للسطح علشان انام
ويوم شفت السماء اسود وهو يدخلني الخوف وانا اخذ البطانيه وتغطاء فيها حتى ماشوف السماء وانا يقالي ابي البراد
تلحفت بالبطانيه واقعد اتخيل الجن بسم الله الرحمن الرحيم ان عيونهم بالطول واذانهم مثل اذان الثور وان لهم لحى طول متر ومن هالتفكير
لعل فيه بس متعود ان يحول من بيت الجيران لبيتنا عن طريق السطح ومن هذا المكان
وانا مازلت في تخيلاتي وهو يطب على بطني وانا اجيك امحول مع الدرج صافق طبلوني
وتارك فراشي بالسطح ولا يردن الا الغرفه بدون فراش وانا انام بدون وساده عند ارجول اخواني بلا عرس بلا هم خل العرس لهله والددتسن ماعاد ابيه
ويوم جت امي تبي تصحينا ولاي نائم عند اخواني وفراشي للبس ستمرغ عليه بهالبراد
ومن عقبه دخلني الخوف الى الحين اعرست وجوني عيال وانا لادق الباب بالليل ماجسر افتح الباب
اخذ شغالتنا معي تجسرني اشوف من عند الباب ولا سافرت الشغاله اخلي اللي يدق الباب
لو يقعد الى الصبح الليل مافيه من عند الباب تعال الصبح او يصبر حتى تجي شغالتنا
وافتح الباب
انتهت السالفه وارجوا ان اكون وفقت في طرحها واخراجها لكم
والله يحفظكم ودمتم غالين
وقبل الختام
سبحانك اللهم وبحمدك لااله الا انت استغفرك واتوب اليك
تحياتي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
راعي العجراء في سوق السمك	محروم.كوم	منتدى أخبار المواقع والمنتديات العربية والأجنبية	0	10-31-2011 12:50 PM
راعي العجراء والشايب قصه قديمه	محروم.كوم	منتدى أخبار المواقع والمنتديات العربية والأجنبية	0	10-27-2011 01:10 PM
عرس راعي العجراء	محروم.كوم	منتدى أخبار المواقع والمنتديات العربية والأجنبية	0	09-26-2011 02:30 PM
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
من سواليف راعي العجراء (عزيمة القعوس لراعي العجراء )	محروم.كوم	منتدى أخبار المواقع والمنتديات العربية والأجنبية	0	09-10-2011 01:40 PM