|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم وورحمة اللله وبركاته
__DEFINE_LIKE_SHARE__
اليكم هذه السالفه القصيره راعي العجراء والبسه وعوالها كان عندي بسه تجي وتروح كم مره اشوفها في البيت وتاركها بحال سبيلها لم تزعجني بالرغم ان عندي حمام حاطهم في شبك في حديقه بالبيت ولم اجد منها مضايقه او التعدي على الحمام وتاركها في حال سبيلها ويوم صار من من المرات يوم شفتها جايه عندي بالبيت ولابطنها كبير عرفت انها حامل لعلها وضعت في بيتي تحت اغراض عفش البر ولم اتضايق باكر يكبرون ونشوف عوالها على الجدران وقمت بمساعدتها واطعامها حتى يكثر حليبها لعوالها بعد فتره كبروا الاطفال وصاروا يعتمدون على انفسهم في الحصول على اكلهم ولكن من وين يحصلون عليه من حمامي وخاصه واحد منهم صار كبر اسطوانة الغاز منتفخ من الشحوم تقول مصارع من حقين المصارعه اليابنيه ماعرف اسم اللعبه بس اللي سروال المصارع تقول شمالة عنز لاشفته تقول منسي فيه لي الهواء وتسلط على حمامي ولا يختار الا ازينهم واغلاهم فقررت ان اجيب محباله لعلي اقدر اتخلص منهم دخلت للسوق وشريت وحده وحطيتها بالحديقه وحطيت علبة تونه وتركتها يوم صار الصبح الا وهذا واحد منهم بالحباله وانا اشيله وحطه بشنطة الموتر وفريت الرياض كله وهو بالشنطه ويوم وصلت طريق المطار وانا افتح الشنطه وهو ينطلق وانا افتك منه وانا ارجع للبيت واحط الحباله والتونه وهي تصيد واحد ثاني واطلع فيه مثل اخوه واطلقه في شارع بالربوه وانا ارجع للبيت وعلى نفس السالفه حتى فرقتهم كلهم مابقى الا البس المصارع حاولت فيه كذا مره ولم استطع بالصراحه ذهين يمكن شايف اخوانه بالحباله ولا يقربها يوم صار ذيك الليله ولاها برد يكسر سسته اللوري السبعه طن ويحده الجوه مع ريحة التونه وهويدخل للحباله وتمسكه من كبره مايقدر يديور فيها وعليه فرو (شعر) الظاهر ان مرضعته فلبينيه المهم يوم صار الصباح وانا اطلع ابغى اروح للعمل الا البس بالحباله بس متاخر شوي قلت هذا ابعاقبه اول وبا اتركه وانا افتح عليه لي المويه بالبرد وهو يحاول انه يسوي شي او يقاوم ولكن مافيه فايده وهو يستسلم للامر الواقع اشوي يوم كمش وصار كبر قاروره الكاكولا وانا اتكلم اقول له خلك تتوب ماتقرب حمامي غير هالمره لعل البس نفض جسمه يبي يتخلص من الماء اللي بشعره وانا اتكلم الا الماء اللي بجسم هالعري كله بوسط افمي دورني ماعاد ادري وين انا فيه اروح اغسل واتمضمض وغير ثيابي ولكن مافيه فايده طعم البس هاك اليوم بحلقي عيا يروح رشيت طيب بحلقي ودخنته بالعود الازرق مافيه فايده حتى فليت ريد رشيته بحلقي ومافيه فايده مابقى الا شوي واقول نيو نيو واقعد ثلاثة ايام وانا ماغير نفسي ماتقبل شي ماغير طعم البس في حلقي انتهت السالفه وارجوا ان اكون وفقت في اخراجها لكم وانا مازلت اقول نيو نيو نيو وقبل الختام سبحانك اللهم وبحمدك لا اله الانت استغفرك واتوب اليك مع تحيات اخيك راعي العجراء وكل عام وانتم بخير |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء في سوق السمك | محروم.كوم | منتدى أخبار المواقع والمنتديات العربية والأجنبية | 0 | 10-31-2011 12:50 PM |
عرس راعي العجراء | محروم.كوم | منتدى أخبار المواقع والمنتديات العربية والأجنبية | 0 | 09-26-2011 02:30 PM |
سالفة راعي العجراء والحصني | محروم.كوم | منتدى أخبار المواقع والمنتديات العربية والأجنبية | 0 | 09-23-2011 05:10 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |