|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته حياالله كل من تفضل وزار صفحتي المتواضعه من مشرفين واخواني واخواتي الاعضاء وزوار مكشاتي الغاليه فصل الشتاء على اعتاب مملكتنا الحبيبه وكلها ايام ويرن جرس الباب فنسمح له بالدخول مستمتعين بطيب الجلوس معه فنخبره عن مدى اشتياقنا له وهواطيب ممن دق جرس بابناقبله من الاخ ربيع واختاه صيف وخريف...اللهم لا أعتراض. بمناسبة اقتراب الشتاء حضرتني سالفه صارت منذ مبطي وهي ان الوالده حفظها الله كانت ترتب مخزن البيت وتعبت في تنضيفه لأنه مليان عفوش شي للبيت وشي للبر وكنت اساعدها وقالت امي :ان العفوش بهالمخزن مضيقة صدري وودي اصرفهن ..امي تقصد الزايد.. كنت بصف اول ابتدائي ورحت من بكره للمدرسه وكان عندنا درس فقه وشرحت المعلمه لنا ليه وجبت علينا الصلاة و.....الخ وبعد ان انتهت قالت ابي اسئلكم الحين اسئله عن الدرس. وقالت المعلمه: ماهي اسباب الضيق عند المسلم ولماذا يشعر به؟؟ رفعت اصبعي وقلت ترك الصلاة قالت المعلمه وش بعد قلت وإذا عندهم مخزن مليان عفوش وقراشيع بعد يضيق الصدر !!!استغربت المعلمه وضحكت وانا استغربت ضحكتها لأني اتكلم من جد.. وقالت طيب تصدقو بوه للفقراء والمساكين ..قلت يعني اللي يجون ويطقون الباب ؟ردت ايه عطوهم كل اللي ماتبون ولكم اجر... مر كم يوم على السالفه وبيوم طق الباب وامي رايحه بأختي الصغيره للمصتوصف وكانت وحده من اللي يسئلون ويطلبون.. اغناهم الله من عنده ولا أحاجهم لأحد.. وقالت انها تبي اي شي يؤكل او يلبس او ملابس للشتاء ..فقلت لها ان عندنا مخزن مليان وامي ماتبيه مضيق صدرها وهو مليان بطانيات ولحافات ومطارح ودفايات قاز وشناط فيها جاكيتات وفرا للوالد واخواني وفرش وقش للبر وزل وبسط خوذيهم شوفي المخزن فوق .. راحت تركض وشوي إلا وجت ومعها 7 او 8 حريم وقالت وين ؟؟ورقيته للسطح وضفو كل اللي يقدرون عليه وآخر وحده طلعت ياله تحرك من ما معه ولاه بجيت امي وقالت وشذا؟؟ قلت خلاااااااااااص مافيه شي بيضيق صدرتس يمه انا عطيتهم كل اللي بالمخزن ...انصدمت وصفقت كف بكف ولااااحول ولا قوة إلا بالله شوي وجا ابوي وقالت له وش سويت .ابوي يضحك وامي تستغفر ولا فهمت وش به امي إلا بعدين .. يا صبر الارض!!!!!!!!!!!! تحياتي اختكم .. قوافي ..
__DEFINE_LIKE_SHARE__
|
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:سوق حلة القصمان.قوافي | محروم.كوم | منتدى أخبار المواقع والمنتديات العربية والأجنبية | 0 | 10-20-2011 01:00 AM |
سالفة:طين جدي.قوافي | محروم.كوم | منتدى أخبار المواقع والمنتديات العربية والأجنبية | 0 | 10-11-2011 08:30 PM |
سالفة:وفاء متوارث..قوافي | محروم.كوم | منتدى أخبار المواقع والمنتديات العربية والأجنبية | 0 | 10-03-2011 02:00 PM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |
سالفة:طير المدعى..قوافي | محروم.كوم | منتدى أخبار المواقع والمنتديات العربية والأجنبية | 0 | 09-03-2011 01:10 AM |