سالفة النسيان بسوق التمر

محروم.كوم · #1 10-23-2011, 10:40 PM

بسم الله الرحمن الرحيم
أخواني وأخواتي المكشاتيه
مشرفين وأعضاء وزوار
السلام عليكم ورحمة الله وبركاته
اليكم هذه السالفه اللي قديمة شوي له حول 25 سنه حسب ما سمعت
هذا واحد يجلب كل يوم للسوق تمر طبعاً وقت موسم التمر
بالعاده يحمل التمر بالسياره قبل المغرب يعني مسيان ويجي للبيت ويصلي المغرب واذا جاء قبل الفجر جهم للسوق
وبيوم من الايام جاء من المزرعه محمل التمر ويدخل يتوضاء ويصلي المغرب والا معه ناس مصلين المغرب ولا يعرفهم سلام عليكم السلام 00 اقلطو قالوا الله يغنيك حنا جايين نبي تمر كان عندك قال ابشروا بالخير بس تقهووا المهم لزم عليهم الرجال ودخلوا يتقهوون وسوالف وتطرقوا للتمر وقال التمر هذاه جاهز بالسياره عند الباب قالوا له كم سعره المهم اتفقوا وباع لهم التمر وعقب ما تقهووا قال لهم العشاء قالوا كثر الله خيرك تقهوينا ونبي اهلنا وطلعوا وسلموه الفلوس وأخذوا تمرهم وتوكلوا على الله بدربهم
الرجال صلى العشاء وتعشاء واللي عليه بالخير ونام يوم جاء قبل الفجر قام وتوضاء وركب سيارته وجهم للسوق مثل العاده ويصف مع سيارات الجلابه وينزل ويقفل السياره ويروح يصلي الفجر وعقب الصلاة جاء لسيارته ويقعد يمشي بسيارته شوي شوي حتى ياصل يم المحرج ويحرج على تمره
يوم وصل ويسلم على المحرج يعرفه كل فجر وهو عنده المهم قال للمحرج يالله قل به واخلص علينا نبي نروح نتقضى ونخلص اشغالنا
قال المحرج عقب ما شاف السياره فاضيه وش تبين احرج عليه تبينن احرج على السياره والا ويش
قال حرج على التمر قال المحرج وين التمر يابو فلان
الناس منهم اللي يضحك ومنهم اللي مندهش لان بعضهم يعرفونه
تهول الرجال وناظر لحوض السياره والا والله فاضي قال بصوت مرتفع شوي 00 لوالله سرقوا تمري يومني اصلي الفجر حسبي الله ونعم الوكيل لازم ابلّغ
قالوا الناس اللي يعرفونه تأكد يا رجال غديك ما جبته والا انك بايعه
يوم قالوا له هذا الكلام والاه مثل قولة اقعد يانيم

وهو يتذكر انه بايع التمر عند البيت البارح 00000
وسلامتكم
طبعاً هذا نتيجة النسيان 00 وانا آخذن المركز الأول مع مرتبة الشرف بالنسيان
أملي ان تحوز هذه السالفه على إستحسانكم
محبكم
النبهاني
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إستطلاع: سعر سهم بيت التمويل الخليجي بسوق الكويت بوصله للدخول والخروج بسوق دبي	محروم.كوم	منتدى أخبار المواقع والمنتديات العربية والأجنبية	0	09-04-2011 01:10 PM
عدت اليكم بشوق فهل تستقبلوني بشوق قصة جديدة من القطاوي 2008	محروم.كوم	منتدى أخبار المواقع والمنتديات العربية والأجنبية	0	07-27-2010 12:10 AM
(( باب النسيان))	راعي النيسان 97	الشعر المنقول	4	01-14-2010 05:47 AM
رحيلك (مدن النسيان)	بوالجازي	الإستراحه العامة	11	10-18-2009 08:57 AM
مقبرة النسيان	ولد333النفيع	شعر و خواطر	4	12-21-2008 05:14 AM