سالفة راعي العجراء والهلوكبتر

محروم.كوم · #1 10-16-2011, 02:20 PM

السلام علاكم ورحمة وبركاته

اليكم هذه السالفه وقت ازمة الخليج
انتم تعرفون راعي العجراء اذا فكر ضاع يالله ترج راسه (قصدي الدميحه ) حتى يطلع الحثال يمكن يكون تفكيره سليم ولو بنسبة10% تنفعه وقت الزنقات والا بدون رج الله يخلف على اهله
انتم تعرفون وقت ازمة الخليج الله لايعيده الطيارات كانت واجد من كثرهن السماء صارت رياغي غرض البل تمرغ علاها
وكنت امشي بالسياره مع طريق الملك فهد باتجاه الشمال بسيارتي الكابرس موديل 2009
لاتستغربون من موديلها بذاك الوقت82م بعيني تعادل 2009 وكان الخط فاضي لازحمات ولا ساهر تقدر تمسح طبلون موترك وكان الوقت بالضهريه الا وصوت الهلوكبتر فوق راسي راح تفكيري مع الهلوكبتر وان الهلوكبتر ماهي سريعه طلعت راسي مع القزازه ماشفتها تلفت يمين يسار ماشفتها قلت اجل هي فوقي بالضبط ابا اتساقط انا وياها وان شاءالله ماتطوف علي وانا الحم رجلي على البنزين والطياره صوتها معي فوق راسي
بس هي ماسكة طريق الملك فهد بس بالجو وانا بالارض والكل منا رايح شمال
قلت وانا ابو عجراء ان الله فك راسي ماتسقطين علي المهم تحمست بزود واقول تكفى ياراع العجراء لاتطوف علاك اشوي الا وجاني نفق وانا ادخل فيه الصوت مانقطع ولا خف الا زاد الصوت ياولد وشلون زاد الصوت وانا داخل النفق هي دخلت معي النفق الا والصوت
يوم زاد اكثر من اول اثر الكفر الامامي منسلخ ويضرب بالرفرف تقول حس طياره هيلوكبتر ساعة ماطلعت من النفق 200 متر يوم ضرب الكفر بهالشموس لوني افتكيت من تفكيري ومشيت شوي شوي كان وصلت البنشري
واخر شي مشيت على الجنط حتى حصلت راعي بنشر
شفتوا كيف حد تفكيري وين وداني اه لوكان معي احد يرج راسي ويطلع الحثال كان سلمت من البنشر
انتهت هذه السالفه وارجوا ان اكون وفقت في سردها لكم
سؤال
هل تريديون استمرار بهذا الاسلوب ام لا
يهمني رضا الجمييع
وقبل الختام
سبحانك اللهم وبحمدك لااله انت استغفرك اللهم واتوب اليك
تقبلوا تحيات
اخيكم راعي العجراء
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عرس راعي العجراء	محروم.كوم	منتدى أخبار المواقع والمنتديات العربية والأجنبية	0	09-26-2011 02:30 PM
سالفة راعي العجراء والباص (خط البلده)	محروم.كوم	منتدى أخبار المواقع والمنتديات العربية والأجنبية	0	09-24-2011 10:20 AM
سالفة راعي العجراء والحصني	محروم.كوم	منتدى أخبار المواقع والمنتديات العربية والأجنبية	0	09-23-2011 05:10 PM
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
من سواليف راعي العجراء (عزيمة القعوس لراعي العجراء )	محروم.كوم	منتدى أخبار المواقع والمنتديات العربية والأجنبية	0	09-10-2011 01:40 PM