|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته مشكلة الفتك مثل ماتعرفون ان زيت القير الاتوماتيك مايتعاير الا في الوكاله او في ورشه متخصصه انا في الحسا ومعي فتك 2008 سوبر سفاري وبعد ما فتح الوكيل عندنا خسرنا موزع كنا بالراحه نسوي صيانه عنده ولاعنده زحمه لكن الشكوى لله الحين مكان ورشة الوكاله داخل البلد وشوارعها ضيقه ولازم حجز حتى لو علشان تعاير زيت القير .. المهم قريت مره في احد ردود الاخوان هنا في مكشات عن ورشه في صناعية الرياض القديمه متخصصه في النيسان يديرها شاب سعودي اسمه ابو صالح التركي عندهم امكانية معايرة + تغيير زيت القير فتوكلت على الله وجيت للرياض من الشرقيه وسألت عن الورشه ودلني عليها صاحب ورشه وراه بشارعين قابلت صاحب الورشه ونعم الرجل ونعم الاستقبال والاخلاق ويكفي انه مواطن وابن بلد وعز الله ان الرجل خبره في النياسين .. طلبت منه معايرة الزيت وفحص صلاحيته وسألته هل عنده حل للرجه اللي تجي في دركسيونات النياسين عند ضرب المطبات ( رجه شديده يعرفها اهل النياسين ) طلع عيار خاص لفحص زيت القير وفك مثل الصره في الاعلى وعاير الزيت وطلع مهوب ناقص لكن قديم ويحتاج تغيير (من شريت السياره ماغيرته) وأما الرجه فطلب من احد الميكانيكيين رفع السياره وقام بهز الكفرات الاماميه بيده وقال لي الرمانات عندك مافيها فضاوه .. ونزل تحت وفحص ذراع الدركسيون وحصل فيه فضاوه وطلب من العامل فكه وكبسه ... مكينة سيارتي وتجهيزها لتغيير الزيت واشياء اخرى سيأتي ذكرها لاحقا وراني زيت قير الفتك الاصلي وطلع سعر اللتر 85 ريال وشغل يديهم 200 قلت توكل على الله وغير الزيت المجموع 8 لترات بقيمة 680 ريال + 200 = 880 ريال وهذي صور متسلسله للزيت والسموحه على رداءة بعض الصور لاحظوا كلمة ATF وهو الزيت الخاص بالقير الاتوماتيك حسب المدون بكتالوج السياره ابو صالح الله يجزاه خير على باشر عمليه تغيير الزيت بنفسه وهنا ذراع الدركسيون اثناء كبسه .. وبيض الله وجهك يابو صالح طحت على علة الرجه اللي كانت مسويه لي قلق والله ياجماعه اني كنت اعاني منها واحس ان الكفرات الاماميه بتطير من السياره والدركسيون كأنه بينفك من قوة الرجه ... شغلة الكبس 150 ريال والمبلغ بالنسبه لي لاشيء مقابل اني افتكيك من الرجه بأسهل الطرق وفي نفس الوقت لو كان اجنبي كان جلس يجرب في سيارتي وعلى حسابي طبعا اعطاني نصائح الله يجزاه خير وسويت بعضها والبعض الآخر راح اعمل به بإذن الله اولا : نصحني افك مسامير في الثلاجه لأنها دائما تحتاج لشد ولا لها أهميه لو تم الغائها لكن خطورتها انها ممكن تسبب تلف في المحرك لو طارت من مكانها وسحبها الهواء الى الداخل .. وعملت بنصيحته (وثقت في الرجل من خلال مناقشتي له في كثير من امور النيسان والميكانيكا والكهرباء) ثانيا : نصحني اركب تبريد منفصل لزيت القير حتى لايكون هناك تسرب في المستقبل لاسمح الله ويختلط الزيت بالماء ويتلف القير وهي معلومه جديده بالنسبه لي واقتنعت بكلامه لأنه فعلا اي مبادل حراري ممكن يصير فيه تهريب مع الوقت وسوف اعمل بنصيحته عند توفر الوقت ثالثا: نصحني اركب مساعد دركسيون استرالي لأنه أقوى وأثبت من مساعد السياره الاصلي وسوف اعمل بنصيحته ايضا طبعا قلت مادام اني موجود في ورشه متخصصه خلني اغير اشياء تعودت اغيرها باستمرار وهي فلتر الهواء فلتر البنزين البواجي ربلات المساحات أمام وخلف بعدها استأذنت الأخ محمد التركي (ابو صالح) في اني اخذ لقطات متفرقه للورشه ووافق الله يجزاه خير .. القسم القديم للورشه القسم الجديد للورشه والله يبارك له في حلاله ويوفق كل مجتهد ناصح لأخوانه شغل ترتيب لايعلى عليه ..حمايه لكل سياره يعمل عليها العامل علشان ماتتأثر بويتها تخصص نيسان ماشاء الله تبارك الله مكاين وقيرات نيسان متوفره في الورشه مكينة سياره مفكوكه منها للتوظيب لما عرف اني من الشرقيه أصر على اني اروح معه للبيت وعزمني للغداء وعز الله انها عزيمة حاره تدل على طيب الرجل ولا افضله على من يقرا كلامي ولما اعتذرت جلس في الورشه على روس العمال لين خلصوا الشغله الساعه الواحده بعد الظهر مع ان الورشه تسكر 11 ونص وكل هذا لأني قلت له من البدايه ان عندي دوام ليل وهل فيه امكانيه تخلص الشغلات على الظهر ووعدني يخلص الشغله مع الظهر بيض الله وجهك يابو صالح وكثر الله من امثالك .. وصف الورشه : الرياض الصناعيه القديمه شرق من مجمع البلاد للصيانه للأسف اني نسيت اخذ احداثياتها رقم جوال ابو صالح : 0504118191 للي يبي الوصف أتمنى اخواني المكشاتيه اني قدمت اي شيء ممكن يفيدكم __DEFINE_LIKE_SHARE__ |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نسخة ماسنجر 2011 النهائية .. العربية .. تجربتي لكم بالصور | محروم.كوم | منتدى أخبار المواقع والمنتديات العربية والأجنبية | 0 | 10-01-2010 01:00 PM |
بالصور تجربتي مع شطاف الوضوء للرحلات لايفوتكم ماشاء الله | محروم.كوم | منتدى أخبار المواقع والمنتديات العربية والأجنبية | 0 | 08-31-2010 10:50 PM |
تجربتي بعد تحويل قير الفتك من اوتو الى عادي + استفسار | محروم.كوم | منتدى أخبار المواقع والمنتديات العربية والأجنبية | 0 | 03-07-2010 10:30 AM |
تجربتي بالصور لعمل الركاز لتثبيت البكرات عليها في صيد المجرور | محروم.كوم | منتدى أخبار المواقع والمنتديات العربية والأجنبية | 0 | 01-02-2010 11:50 PM |
مشكلة الرجه وما أدراك الرجه | محروم.كوم | منتدى أخبار المواقع والمنتديات العربية والأجنبية | 0 | 12-07-2009 01:40 AM |