منتدى استراحات زايد - تجربتي مع زيت الفتك + الرجه .. بالصور

السلام عليكم ورحمة الله وبركاته

مشكلة الفتك مثل ماتعرفون ان زيت القير الاتوماتيك مايتعاير الا في الوكاله او في ورشه متخصصه
انا في الحسا ومعي فتك 2008 سوبر سفاري وبعد ما فتح الوكيل عندنا خسرنا موزع كنا بالراحه نسوي صيانه عنده ولاعنده زحمه لكن الشكوى لله

الحين مكان ورشة الوكاله داخل البلد وشوارعها ضيقه ولازم حجز حتى لو علشان تعاير زيت القير .. المهم

قريت مره في احد ردود الاخوان هنا في مكشات عن ورشه في صناعية الرياض القديمه متخصصه في النيسان يديرها شاب سعودي اسمه ابو صالح التركي عندهم امكانية معايرة + تغيير زيت القير فتوكلت على الله وجيت للرياض من الشرقيه وسألت عن الورشه ودلني عليها صاحب ورشه وراه بشارعين

http://www.9o9i.com/upfiles/bar80449.jpg

قابلت صاحب الورشه ونعم الرجل ونعم الاستقبال والاخلاق ويكفي انه مواطن وابن بلد وعز الله ان الرجل خبره في النياسين ..

http://www.9o9i.com/upfiles/osc80449.jpg

طلبت منه معايرة الزيت وفحص صلاحيته وسألته هل عنده حل للرجه اللي تجي في دركسيونات النياسين عند ضرب المطبات ( رجه شديده يعرفها اهل النياسين )

طلع عيار خاص لفحص زيت القير وفك مثل الصره في الاعلى وعاير الزيت وطلع مهوب ناقص لكن قديم ويحتاج تغيير (من شريت السياره ماغيرته)

وأما الرجه فطلب من احد الميكانيكيين رفع السياره وقام بهز الكفرات الاماميه بيده وقال لي الرمانات عندك مافيها فضاوه .. ونزل تحت وفحص ذراع الدركسيون وحصل فيه فضاوه وطلب من العامل فكه وكبسه ...

مكينة سيارتي وتجهيزها لتغيير الزيت واشياء اخرى سيأتي ذكرها لاحقا

وراني زيت قير الفتك الاصلي وطلع سعر اللتر 85 ريال وشغل يديهم 200 قلت توكل على الله وغير الزيت
المجموع 8 لترات بقيمة 680 ريال + 200 = 880 ريال

وهذي صور متسلسله للزيت والسموحه على رداءة بعض الصور

http://www.9o9i.com/upfiles/zqa80449.jpg

http://www.9o9i.com/upfiles/6rw80449.jpg

http://www.9o9i.com/upfiles/cjn80449.jpg

لاحظوا كلمة ATF وهو الزيت الخاص بالقير الاتوماتيك حسب المدون بكتالوج السياره

http://www.9o9i.com/upfiles/hj080719.jpg

ابو صالح الله يجزاه خير على باشر عمليه تغيير الزيت بنفسه

http://www.9o9i.com/upfiles/vff80719.jpg

وهنا ذراع الدركسيون اثناء كبسه .. وبيض الله وجهك يابو صالح طحت على علة الرجه اللي كانت مسويه لي قلق والله ياجماعه اني كنت اعاني منها واحس ان الكفرات الاماميه بتطير من السياره والدركسيون كأنه بينفك من قوة الرجه ... شغلة الكبس 150 ريال والمبلغ بالنسبه لي لاشيء مقابل اني افتكيك من الرجه بأسهل الطرق وفي نفس الوقت لو كان اجنبي كان جلس يجرب في سيارتي وعلى حسابي

http://www.9o9i.com/upfiles/5gi76424.jpg

http://www.9o9i.com/upfiles/ibb76424.jpg

طبعا اعطاني نصائح الله يجزاه خير وسويت بعضها والبعض الآخر راح اعمل به بإذن الله

اولا : نصحني افك مسامير في الثلاجه لأنها دائما تحتاج لشد ولا لها أهميه لو تم الغائها لكن خطورتها انها ممكن تسبب تلف في المحرك لو طارت من مكانها وسحبها الهواء الى الداخل .. وعملت بنصيحته (وثقت في الرجل من خلال مناقشتي له في كثير من امور النيسان والميكانيكا والكهرباء)

ثانيا : نصحني اركب تبريد منفصل لزيت القير حتى لايكون هناك تسرب في المستقبل لاسمح الله ويختلط الزيت بالماء ويتلف القير وهي معلومه جديده بالنسبه لي واقتنعت بكلامه لأنه فعلا اي مبادل حراري ممكن يصير فيه تهريب مع الوقت وسوف اعمل بنصيحته عند توفر الوقت

ثالثا: نصحني اركب مساعد دركسيون استرالي لأنه أقوى وأثبت من مساعد السياره الاصلي وسوف اعمل بنصيحته ايضا

طبعا قلت مادام اني موجود في ورشه متخصصه خلني اغير اشياء تعودت اغيرها باستمرار وهي

فلتر الهواء
فلتر البنزين
البواجي
ربلات المساحات أمام وخلف

بعدها استأذنت الأخ محمد التركي (ابو صالح) في اني اخذ لقطات متفرقه للورشه ووافق الله يجزاه خير ..

القسم القديم للورشه
http://www.9o9i.com/upfiles/ks876103.jpg

http://www.9o9i.com/upfiles/cke76103.jpg

القسم الجديد للورشه والله يبارك له في حلاله ويوفق كل مجتهد ناصح لأخوانه

http://www.9o9i.com/upfiles/bvq76103.jpg

شغل ترتيب لايعلى عليه ..حمايه لكل سياره يعمل عليها العامل علشان ماتتأثر بويتها

http://www.9o9i.com/upfiles/b7176103.jpg

تخصص نيسان ماشاء الله تبارك الله

http://www.9o9i.com/upfiles/omo76177.jpg

http://www.9o9i.com/upfiles/9pv76177.jpg

مكاين وقيرات نيسان متوفره في الورشه

http://www.9o9i.com/upfiles/rrp76177.jpg

http://www.9o9i.com/upfiles/fj476177.jpg

مكينة سياره مفكوكه منها للتوظيب

http://www.9o9i.com/upfiles/wcp76424.jpg

لما عرف اني من الشرقيه أصر على اني اروح معه للبيت وعزمني للغداء وعز الله انها عزيمة حاره تدل على طيب الرجل ولا افضله على من يقرا كلامي

ولما اعتذرت جلس في الورشه على روس العمال لين خلصوا الشغله الساعه الواحده بعد الظهر مع ان الورشه تسكر 11 ونص وكل هذا لأني قلت له من البدايه ان عندي دوام ليل وهل فيه امكانيه تخلص الشغلات على الظهر ووعدني يخلص الشغله مع الظهر

بيض الله وجهك يابو صالح وكثر الله من امثالك ..
http://www.9o9i.com/upfiles/0ut76177.jpg

وصف الورشه : الرياض الصناعيه القديمه شرق من مجمع البلاد للصيانه
للأسف اني نسيت اخذ احداثياتها
رقم جوال ابو صالح : 0504118191 للي يبي الوصف

أتمنى اخواني المكشاتيه اني قدمت اي شيء ممكن يفيدكم