|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله الرحمن الرحيم هلابكم اخواني واخواتي المشرفين والاعضاء والزوار حيا الله كل من مر وقرء شارع الدركتر يمر بوسط حي من احياء الرياض القديمه ولا اعرف سبب تسميته الحقيقيه كانو يقولون لنا ان فيه دركتر كبير مر من هنا من زمان وان الشارع هذا كان يكفي كفر واحد بس والثاني مدري من وين يمر والين الحين افكر هو كان يدعس على البيوت مثلا ؟؟؟؟ الشارع على يمينه وشماله بيوت اكثرها بذاك الوقت من طين والقليل من البلك بمقام فيلا الان ولا ننسى الخبازابو خبز عادي والفوال والبقاله واذكر ان بطرف الشارع دائما تقف مجموعه من الدركترات ليه مدري يمكن هم رمز الشارع بطلع شوي عن السالفه بمسميات قديمه كنا نقولها ولا تصححت إلا بعد قرن مثل..... > نرجع للسالفه الحي يسكنه سعوديين وناس كثير من جنسيات عربيه مختلفه وغير عربيه ولكن كانو ولله الحمد مسلمين كان لنا قريب يسكن هناك وبجوار منزلهم تسكن عائله باكستانيه وعنده 7 من الابناء والبنات وعندهم بنت صغيره سبحان المالك المتصور ايه بالجمال كانت عندي هوايه اخذ بنات الجيران الصغار وكد شعورهم والعبهم بالعابي واشتري لهم حلاوه وهذا كله بأستئذان اهلهم ولكن هذي البنت البكستانيه ما عرفت وشلون اقولهم باخذ بنتكم وارجعها المغرب ولا البيت بيتي عشان استضيفها والعابي ببيتنا البعيد المهم اتفقت انا وبنت قريبنا اننا ناخذها من الشارع واخذناها ولعبناها لين نامت وكنا قرب المغرب ولا فيه احد يدري انها عندنا ونمنا حنا بعدوبعد صلاة العشاء جا ابوي واقعدون من النوم ولا شافو البنيه ورحنا كذالك بنت اقربائي نامت ولم تستيقض إلا والشرطه تدخل وتفتش عن البنت اللي اخرشي شافها ابوها وهي تلعب معنا ولقوها نايمه بكامل زينتها اللي حطيناها لها من بكلات وشرايط واستلمو البكستانيين بنتهم واخذوالشرطه رجل البيت وبنته معهم للتحقيق بأمر الاختطاف؟؟؟؟ ومن الفجر وبابنا يطق ...طق طق طق مين قالت انا ام فلان جيت بعلمكم بنتكم وش سوت لاعادة عليكم ولا على جيتكم ابونا وبنتي من امس وهم بالشرطه ما جو لين الحين !!!بنتكم سرقت بنت البكستانيين ويحسبونه بنتي ماصدقو انه قوافي اللي ماخذته تكدكد راسه وما خلت بكله او شريطه ماحطته به؟؟؟؟ قمت على الاصوات وابوي يهديه ويقول خير خير انا الحين بروح للشرطه.. وباخذه معي تعلمهم اللي صار عقب ما سمع مني وش السالفه وابوي عارف اني اخذ بنات الجيران واهلهم يدرون بس ها المره لا استئذنت احد ولارجعتها بحكم اننا نمنا وضاعت الطاسه مع النوم كالعاده. راح الوالد وانا معه وبالفعل لقينا الباكستاني مصر على اتهامهم بالسرقه وتفاهم الوالد معه وعطاه مبلغ مالي حتى يتنازل وفعلا انتهت المشكله والهوايه بعد. والغريب صار بيننا وعائلة الباكستاني صداقه واخوه لايستهان بها لين سافرو لباكستان واحسن شي اني اكملت هواية تمشيط راس البنيه كل ما جو لمنا ولها معزه كبيره لين الحين واتمنا شوفتها اخت وعزيزه.... تحياتي اختكم .. قوافي ..
__DEFINE_LIKE_SHARE__
|
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:حصان الباشا..قوافي | محروم.كوم | منتدى أخبار المواقع والمنتديات العربية والأجنبية | 0 | 09-22-2011 05:11 AM |
سالفة:فرعون مدحدر..قوافي | محروم.كوم | منتدى أخبار المواقع والمنتديات العربية والأجنبية | 0 | 09-18-2011 11:30 PM |
سالفة.مجلس الأمهات..قوافي | محروم.كوم | منتدى أخبار المواقع والمنتديات العربية والأجنبية | 0 | 09-14-2011 11:00 AM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |
سالفة:طير المدعى..قوافي | محروم.كوم | منتدى أخبار المواقع والمنتديات العربية والأجنبية | 0 | 09-03-2011 01:10 AM |