|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
بسم الله الرحمن الرحيم
__DEFINE_LIKE_SHARE__
حيا الله كل من مر وقرء من مشرفين واعضاء وزوار من الاخوه والاخوات سالفة اليوم حدثت من سنين طوال ولين الحين كل ماشفت الحرامي اللي بيسرقنا وبعدين صار صديق العائله الحبيب اقول ياليت كل حرامي مثله. كنا مخيمين والجو اشبه بفريزر الجفالي مافيه اي لحظه من الدفئ لا صبح ولاظهر ولاليل واذكر ان الرمل كأنه متجمد لا دعست عليه تطلع اصوات تهشيم اشبه بالقزاز.والواحد ياله يمشي من الخلاقين فنايل وجاكيت ولو توسع كرمكم الله الجزمه 4 شربات لبسنا وفوقهم بطانيه او فروه وعساك والعيون ياله ترمش من التجمد .. مدري وش حادنا ؟؟؟؟؟ ولين معنا 2 من الاخوات العاملات لمساعدة الحريم بكنس البر وينامون بخيمه صغيره لحالهم وعندهم دفايه تشتغل على الغاز والخيمه شي عظيم من الدفى والجميع ينام مبكر موب نعاس لا؟؟؟ينام متفرزر ولاتبدء حالة ذوبان الجليد إلا الضحى وذيك الساعه الجميع يصحى من النوم ثم نعاود الفرزره وهكذا لين انتهت الرحله !!!!!! بليله اذكر قمنا على صراخ اخواتي العاملات وهقوتي البر من جميع الاتجاهات سمعو الصراخ: هرامي هرامي وين بوووليس طارو الرجال اللي بالسياره واللي على رجليه يدورون وينه مافيه شي ويرجعون وش شفتو قالو هرامي لابس بيزاما يعني بجامه وطاكيه يعني طاقيه ..وش ها لحرامي الكشخه وبالبر ويوم دارو بيشوفون الاثر واثرها ناقه بين خيمتهم والرواق وشكلها مارجعت للمراح مع خوياتهاوجايز لها الدفى وقعدت بين الرواق والخيمه عقب ما عطيناها تمر وحنيني شخصت وقعدت وحنا نحسبها راحت وقامت بالليل تاكل من الباقي وذولا سمعو خشخشه و طلو من الخيمه مع الظلال ما ميزو غير البيزاما والطاكيه وهرامي..قصدي وسلامي. تحياتي اختكم ..قوافي.. |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سالفة:فرعون مدحدر..قوافي | محروم.كوم | منتدى أخبار المواقع والمنتديات العربية والأجنبية | 0 | 09-18-2011 11:30 PM |
سالفة.مجلس الأمهات..قوافي | محروم.كوم | منتدى أخبار المواقع والمنتديات العربية والأجنبية | 0 | 09-14-2011 11:00 AM |
سالفة:دجيجات.امي...قوافي | محروم.كوم | منتدى أخبار المواقع والمنتديات العربية والأجنبية | 0 | 09-12-2011 12:00 AM |
سالفة:طير المدعى..قوافي | محروم.كوم | منتدى أخبار المواقع والمنتديات العربية والأجنبية | 0 | 09-03-2011 01:10 AM |
سالفة:خروف الضيوف..قوافي | محروم.كوم | منتدى أخبار المواقع والمنتديات العربية والأجنبية | 0 | 08-29-2011 01:40 AM |