ســــالفة راعي العجـــــــراء والتـــــيس المدلل

محروم.كوم · #1 09-21-2011, 09:50 PM

سالفه راعي العجراء والتيس
في يوم من الايام طلعنا مجموعه شباب للبر الصغير فيهم راعي العجراء عمري 50
والكبير رقم العمر مفتوح ماندري كم بس يقول حجيت ذيك الحين من نجد على سفينه مرهمه مكينتها بمكينة كتربلر مايردها لاعرفجه ولا سوافي بعرض البحر وحنا مصدقينه الى الحين لانهم يقولون اكبر منك بسنه اعلم منك بقرن
المهم راعي العجراء هو القهوجي والطباخ والمعاوني وهم ماغار يسولفون على بعض والثاني يقول شت كوره صب ام ريالين شوته عاليه وضربت قزازه طياره مادريت الا محول الطيار بالملعب وقام يلحقن يقول الطيار يوم ضربت القزازه نزيت (ارتعت) واختل توازن الطياره
وروعت الركاب طبعا مصدقينه الشيبان اللي يقول لاحول ولا قوة الابالله واللي يقول
جت سلامات اشوى ماطاحت الطياره واستاثمت بخلق الله ومن هالكلام
على العموم نعود لسالفة التيس
كان معنا بالرحله تيس اقشر وماغار يثغي صجنا وباين عليه مدلعته امه انواع الدلع قالوا يارع العجراء
اذبح التيس قلت ابشروا قام معي واحد من الشباب النشيطين وهو اخفهم على عكاز اخذت السكين
وطرحت التيس بالارض ابي اذبحه لعل السكين مامن سكين خرطي عرض شفرتها خمسه سم
واقول بالتيس احاول يطلع دم اضغط بقوه احرحره مافيه فائده التيس الضعيف اول يقول مباع
وعقب السكين بدا يقول مباح كسرت الحنجره فقط دم يفتح الله ولا نقطه
تركت التيس ورحت اسن السكين مامعنا غارها واجيب فنجال واحاول اسنها بالفنجال قلت يالله
للتيس قال خويي هي زانه قلت ان شاءالله طرحت التيس وانا احاول اذبح ابي دم يطلع اشوى احسن من اول ماغار سويت فتحه بالحلق اقل من سم واحد ماغار الدم يقطر على نقطه نقطه الصراحه استاثمت فيه وضاق صدري ويوم شفت الدم ينقط والتيس يقول مباح دورني ماعاد تلقاني وانا افتح كبوت السياره بسرعه واسن السكين على سير المكينه لعل يفيد وانا ارجع للتيس وهو يناضر فيني
واطرحه وحاول فيه اشوى توسع ثلاثه سم المشكله ماحولنا احد ناخذ منه سكين والبلشه احصلت قلت للي معي قال خل نرميه بالشوزن احسن من السكين قلت الا لو اعضه بسنوني مع حلقه يمكن اقطع رقبته اسرع
او اذبحه بعظم ساق قعود ميت له ثلاثين سنه احسن من السكين
المهم رحت اسن السكين للمره الرابعه والتيس مره يقوم على حيله ومره يطيح قلت هالمره بسنه بحصاة وانا بالصراحه انفعلت اشد الانفعال من هذا الموقف
منظر مؤلم واعصاب متحطمه الى النهايه قلت للي معي هات الشاكوش على شان احط السكين على حلقه واضربها بالشاكوش اذا لزم الامر
والكن الحمد لله الامور تحسنت وتم ذبح التيس بكل عنايه واهتمام دون اللجو الى الشده بالشاكوش
وبالصراحه يااخوان هذا اللي حاصل بذبحة التيس من غير المقدمه فهي اضافه فقط للدخول بالقصه
ارجوا ان تحوز قصتي على رضاكم والسموحه على القصور واذا كان هناك ملاحظات اتقبلها منكم بصدر رحب والله يحفظكم

وتسلم علاكم عمتي منيفه

وفي الختام
سبحانك اللهم وبحمدك لااله الا انت استغفرك واتوب اليك

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من سواليف راعي راعي العجراء (ثوب العيد والخياط الباسكتاني )	محروم.كوم	منتدى أخبار المواقع والمنتديات العربية والأجنبية	0	09-16-2011 02:10 PM
اهداء من راعي الوسط الاسود لعيون راعي الاستاندر	ولد_4800_زعبيل	أستراحة الفيديو المنوع	12	02-16-2009 02:56 PM
لعيووووووونك يا راعي استاندر قطر ولعيون كل راعي استيشن اهداء من هل الفتكات كلهم	ولد_زعبيل_VTC	سيارات و دراجات	34	12-30-2008 08:21 AM