قصتــي المــركوونــه >> ღ♥ღكل شي حولي يذكرني بشي ღ♥ღ ج(1)

ولـد الظـاهـرة · 10-08-2011, 11:02 PM

السلام عليكم ورحمة الله وبركاته..!!

قرااء قصتي الاعزااااء متاابعيني الداائمين ..!!

اشكركم كل الشكر على المتاااابعة والتوااجد وخااصة الي توااصل معي من الجزء الاول
حتى الجزء الرااااابع {{ كلي احساااس و البريمي }}..!! وهذا الجزء اهداااء لهم..!!!!

توقفناا في الجزء الساابق مع نقطة حااسمة الي هي غيرت حياة الاخووين وخالهم

امل رااحت بيت عمهاا
واحمد رجع مسقط للجامعة يكمل درااسته

وطلااال ايام وبيرجع دواااامه..!!!!!

وبعدين ...!!!!؟؟؟؟

^

^

^

مضى لامل 3 اياام في بيت عمهاااا بس كان اكثر وقتهاا حابسة نفسهاا بالغرفة وناادر تطلع او تشااركهم في الاكل بس مجااملة لعمهاا او ليلى بنت عمهااا... والي حسسها انه غير مرغوب فيهاا من زوجة عمها وبنتهااا نورة..

في احد الاياام كانت امل وليلى جالساات بالصااله يتابعن فلم وكانت ليلى ماخذة رااحتهاا عالاخر وماشي ما حاطتنه من فوشاار{فراخ} وعصااير ومكسراات لزوم السهره وكانت امل جاالسة معها وماخذة رااحتهاا لانه عاارفة ان عيال عمها محد يوسف من جات ما شافته بس سمعتهم يقولوا انه راايح يجيب بضااعة وسعيد ناايم فهالوقت..

ليلى : شاايفتنه هالفلم قبل واايد حلو ونهايته حلوة بعد بس انتي شووفي البطل يسدج !!
امل: بنديه احسن وانتي حكيلي الفلم!!.
ليلى بعفووويه وبرائة: ليش احلى تشووفية اخااف انسى شي ولا تفووت لقطة.!!؟
امل: عيل لمي ثمج وخليني اتااابع لا تحكيلي ايااه ماحب!!!
ليلى واحترررق وجهها فشله: وانا على بالي تتكلم صدق طلعت تتمصخر!! ماالت..
امل: ههههههههههههه تعودي من اليووم..
شوي وتنزل نورة: ايش تشووفن؟!
ليلى: الفلم الي شفنااه من اسبووع فلاب تووب سعووود ..
نورة: وداامج شايفتنه من قبل ليش تشووفيه مره ثانيه عندج امتحااان فيه!!؟
ليلى: لا بس علشاان امل تبى تشووفه..
نورة: قدييييييييييييييمه وانتي كله ربيع من خطف عن نفسي ماحب اتاابع شي شفته وعااد قديم.
ليلى: نوروووه لعني بليس ورووحي انخمدي وخلينا انتاابع الفلم..
نورة:لو يوسف ويشووفكن والله يلعن ساعتكن سهراانات على افلاام..
امل وبعد ما انقهرت من كلاام نورة من جات وهي تهدد بيوسف وهي تقووم من مكانهاا: ليلى انا بروح اناام نعست.
نورة: خافت من يوسف ههههههههه يحليلها.
امل: ما خفت من الرجل الحديدي ياذا اليووسف الي كل يووم بسالفة وتاريخ كنه مكثر فتوحااته التاريخيه .
نورة: الرجل الحديدي هاااه لا تحسبي انه محد يقدر عليج لا حبيبتي حالك من حالنا !!
امل: محد يقدر لا انتي ولا عشرة من امثالج والي عندج سووويه يالبطة.... وطلعت امل بسرعة قبل ما تسمع رد نورة والي اكيد بتكون تغلي لانه كله ولاحد يتحداها ويحط رااسه براسها.
في الصبااح على السااعة 9 الصبااح كانت امل وااعية مالقت حد عندهاا ليلى رااقدة ونورة كعاادتها توعى الساعة 11 ما ورااها شي... نزلت امل الصاله ولثاني مرة من انتقلت بيت عمهااا تلتقي في عمهاااا يتريق مع ولده سعيد وزوجته ام يووسف..
امل: صبااح الخير عمي صبااح الخير عمتي.. وصدت صوب سعيد: هلا سعيد..
بو يوسف: الله يصبحج بالخير تعاالي تريقي .. وهو يقووم يالله من رخصتكم انا طاالع مشوار..
ام يوسف ما ردت عليها وهي تكلم سعيد: سعيد ليش ما جبت العاامل يصلح الزرااعة الي برااا ؟!
سعيد: هلا امل شحالج.. ويرد على امه: نسيت والله نسيت حراام حد ينسى؟! الحين بطلع واجيبه تماااام؟!
ام يوسف: هيه سكتني كما كل يووم .. اذا ما جبته بخلي ابووك يتصرف انت ما منك تكله!!
امل: الحمدلله تمااااام.. اقول وين ساار عمي؟؟!!
سعيد: اعتقد يخلص مووضوع المزرعة من الاسكاان ليش؟؟!
امل: وهي ترد على سعيد ماشي بس كنت ابا اقوله اني اباا اروح مع خاالي اليووم اقيل هو بااكر بيدااوم..!
سعيد : اهااااا ما مشكله بخبرة بس سجلي رقمه لو احتجتيه..
امل: هااااته!!
سعيد :سجلي معااج.. وعطى امل رقم عمهاا بس هي تكلت على سعيد يخبره..
طلعت امل تخبر خالهاا وتتجهز...
.........
امل ونازله من فووق تبى تطلع براا وهي تبى تفتح البااب لان خالها قالهاا دقاايق وبكون عند البااب اطلعي لانه ماحب يدش..
ويووسف دااش بنفس الوقت: على وين سايرة؟؟!
امل: اولا الناس تسلم بعدين سايرة عند خاالي..
يوسف: من خاالج وطالعة كذا ليش ما متغشية ومن من استاذنتي!!!
امل: اولا سعيد خبر عمي وخالي واحد وماعندي غيرة ثانيا اتكلم عربي وبالعربي معنى خاالي اخو امي يعني حسبت اخوووي يعني محرررم وما يحتاج اتغشى.
يووسف وبعصبية ويقرب صوبهاا ويرفع صبعة بوجهها: تكلمي بادب يوم اكلمج ولا تراا بتشوفي شي ما يسرج..
امل: اهااااا اسمع كلاام جديد خلاص انتهت فترة الاستضاافة والتملق بدى وقت الجد..! على فكرة كلمووني عن الرجل الحديدي بس ما حسبته كذا بسرعة يصنع المشاكل.
يوسف: صدق انج وحدة فاارطة وما عندج اسلوووووب والله لوما اخااف ربي كان كسرت ضروووسج وطلعة من البيت ماااشي...
امل: لا تقوول فارطة فااهم وبطلع غصب عنك وخاالي برااا يترجااني اذا تقدر تمنعني!!
يووسف قفلت عنده وفوول اول مره حد يووقف بوجهه ويتحدااه خوااته يتراجفن من يكلمنه بس هذي لسانها طوويل وقويه: عتبي من الباب على براا وشووفي شو اسوووي..
امل: عصبت عالاخر وردت تركض فووق غرفتهاا ودشت معصبة وهي تتحرطم...
ليلى: خير اموول ماالج ليش تتحرطمي؟

امل: الله على الاهل الله على الاخوة الي يعووضووني اهلي صرااحة اول مرة التقي في الرجل الحديدي حتى سلاام الله مارده علي كنه شاايف جنيه واخر شي جااي يعلمني الادب..هذي اولهاا لا انا مستحيل اعيش هنا لحظة وحدة بتصل فخاالي ولا اخووي يتصرفوا معااه..
ليلى ما فاهمة السالفة: شو هنااك شو صااير لا تقولي التقيتي فيووسف؟!
امل: لا التقيت فسلاخته من غيره ... اخر زمن جااي يعلمني الادب ويتشرط في!!
ليلى: اموول لا تحطي رااسج فرااسه ترا هو طيب بس مشكلته ينغااض من حد يحط راسه فراسه وعااد عصبي!!
امل: عصب ينطله ان شااء الله ما يهمني اسااسا ما يهمني عصب انجلط ما يهمني هو شدخله في انا!!!؟
قطع كلامهن اتصال طلال فامل علشاان تطلع: وينج اموول طلعي انا براا بسرعة..
امل: ما برووح خلاص..
طلال: ليش شو صاار..؟؟
امل وشي تبى تصيح: خلاص صااروا يتحكموا في شوي شوي يمنعووني عنكم وهذا يوسفووة هزبني ونازعني ولا خلاني اطلع ماشي كلمه ما قالي ايااهااااا .. وجلست تصيح..
هني عصب طلال ونزل من سياارته وهو يتصل في يوسف: هلا يوسف بغيتك براا لو سمحت..
يوسف: هلا طلال شحااالك؟؟! اقرب المجلس ليش براا؟؟
طلال: لا بس مستعجل شوي.
يوسف وهو عاارف ليش طلال يبااه: ان شااء الله شوي وبكون عندك..
طلع يوسف عند طلال واول ما شاافه بادرة طلال بالكلام: ماهجيتها منك يوووسف قدامناا تهزبها وما صارلهاااا فترة من جاات معكم؟! هذي الاماانه؟! عيل لو رحنا شو بتسوى؟!
يوسف: محشووم والله بس بصرااحة هي رفعت ضغطي ماجا علي اسالها سؤاال خذتني بشرااع ومجدااف وبصراحة بنت اختك لساانها طويل!!
طلال: تحملها يااخي ما شووي الي مر عليهاا..
يوسف: يعني اخليهاا تسووي الي برااسهاا وتسبني واطول لساانها لانه ما مر عليهاا الشي الهين كله سؤاال وهي كبرت الساالفة ودامها فبيتنا من حقي اسالها وين رايحة وين جايه ولا انت تشوف ما من حقي!!؟..
طلال: من حقك بس ما بهالطريقة في اسااليب ثانيه وهي حساسة هالفترة بزيادة يعني شي طبيعي تطلع من طورهاا.
يوسف: طلال انا ما اكرها وما سويت كذا الا لاني اعتبرها مثل وحدة من خوااتي واخااف عليهااا لانها فبيتناا!!!
طلال: عالعمووم خلها تطلع بتقيل عندنا اليووم وعقب برجعهاااا..لاني باكر مساافر.
يوسف: ولا يهمك ويااريت لو تنصحهاا شووي ما ترفع صوتها على الشي والمااشي..
طلال: ولا يهمك ..
دش يوسف البيت وخلى الخداامه تزقرهااا وهو جلس بالصاله يقرى الجريدة..
امل وهي نااازله من فووق وتكلم الخداامه وما منتبهه بوجود يوسف في الصااله: وين هذاا ابو العضلاات راااح؟!
الخدامه مافااهمة: من؟!
اموول: هذا ابو عيووووون الرجل الحديدي.. وقبل ما تكمل كلامهااا..
يوسف يقاطعها: بعدج ما طلعتي من البيت اذا نااويه تتمنكري بهزبج ولا اخليج تطلعي..
امل ارتعش جلدهاا خووف بس ما بينت ومشت بدون ما تلتفت له وطلعت برا البيت ورضت بالبااب بقوة..
يوسف: ماعليه يابنت خليفة ان ما علمتج الادب وربيتج من جديد ما اكوون انا يوسف ولا اخليج على تكلت احمد ولا خالج الي مدلعنج..
.........
في السياارة طلال يكلم امل: ما كان المفروض ترفعي صووتج عليه هذا فحسبت ولي امرج..
امل: يهبي دامك انت عاايش واحمد محد ولي امري غيركم..

طلال: اموول لا تكرهيهم فيج وتسووي مشااكل خلي الاموور تعدي على خير لحد الله وغاايته!!
امل وهي تقوول في خااطرهاا:{ هذا الي اباااه يعاافوني ويندموا اني جيت معهم}

يتبع................
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღ♥ღ فرحوا عيالكم ღ♥ღ حياكم شئ جديد و مميزღ♥ღ	محروم.كوم	منتدى أخبار المواقع والمنتديات العربية والأجنبية	0	06-16-2010 04:00 AM
ஹღˆ¨°ღ♥ღّأكواب القهوة والشاي و الشوكلاه الساخنه احجزي اكوابج الآن ღˆ¨°ღ♥ღஹ	محروم.كوم	منتدى أخبار المواقع والمنتديات العربية والأجنبية	0	04-10-2010 09:30 PM
ღˆ¨°ღ♥ღّخيـــط من نـــور ..يواري ..خيــــوط الظلام...!! ! ღˆ¨°ღ♥ღّ	Дјறàl Диsǎήһ	الإسلام والشريعة	14	01-31-2010 04:20 AM
ღ ♥ ღ vtc ღ ♥ ღ اهـداء الـى شـرجـاوي قـول وفـعـل ღ ♥ ღ vtc ღ ♥ ღ	Al-Rayyani	سيارات و دراجات	15	07-04-2009 03:30 PM
♥ღ ღ♥ღاخـاف اعاتبهم وهــــــــم مــــــايبــوني؟؟ღ♥ღ ღ♥ღ	~ ع ــ،ـذبة الآطـ،ـبـ،ــاع ~	هواتف , مسجات , وسائط , برامج , ثيمات , نغمات , بلوتوث	30	06-10-2008 10:52 AM