السلام عليكم ورحمة الله وبركاته

استرااحااات زاايد منتدى رااقي وكبير شجعني اخط به قلمي
وتطاة قدمي لتسجيل
ونشر لو القليل من كتاابااتي...!!

احببت ان اعرض قصتي ومن كتاابتي كانت في رفي منذ فترة ليست بقصيرة
اكتبهااا مع احدااث الزمن فهي وااقعية متدااخلة لاشيااء عايشنااها ونعاايشهاا..!!

اتمنى تعجبكم... بس احب اشكر شخص عزيز علي كان له وقفة و سبب كبير ودور
اني اكتب هالقصة فهو شجعني بطريقة غير مبااشرة وهو لا يدرري
فشكررا لك اخي اينماا تكون فقصتك كانت باادرة لنشر قصتي التي لم يطلع عليهاااا سوى شخص واحد فقط..!!

قصة وااقعية عاايشت بعضهاااا وتعاملت مع معضم ابطاالهااااا .,,,,,,,

............................................

قصة كل شي حولي يذكرني بشي..... للكاتب:::{ولد الظاهرة}

احيان تعيش مع ذكريات تتمنى لو تنمحي من حياتك تتمنى لو يكتب عليها ممنوع العودة ولو للحظة
واحيان تعيش ذكريااات راائعة لا تريد نسيااانهاا ابدا تسترجعها كلما تلاشت بين الذكريات ومشاغل الحياة...

فدائما ما يكوون حولنا ذكريات فكل شي يذكرنا بشي آخر ....

قصتي تحمل عنواااان كل شي حولي يذكرني بشي اتمنى ان تنال على اعجابكم وتمتلك لو القليل من وقتكم الثمين...

^

^

بداية هناك في تلك القرية البسيطة.. في تلك العاائلة وخاصة في ذلك البيت حيث يجمع شمل عاائلة تتقاسم كل انوااع الحياة بحلوها ومرهاااا.. بفرحها واحزانها..

العنوود وتصارخ بصوت عالي: عبود وقسم بالله وما تطلع من الحجرة اخبر ابووووي واقولة يدخل حجرة البنات بلا اذن وبتشووف!!..
عبدالله وبكل قوات عين: سيري سيري شربي حليب اول بعدين تعالي ههههههه
بعدين لا تقولي عبوود لا اكسر ضروسك ما حلوة من لسانج شووهتي اسمي الفني خخخخ.
امل وراسها بينفجر من مناقرهم المعتاد: عبوود فكوني انت ويااها واطلعوا برااا ما في خلق ضرابة من الصبح!!
عبدالله: ياحلاتها من لسانج اموووله ما هذي ام كشة منفووشة تقول حد نازقنها خخخخخ بليز اموول اجييييييييين....{يقولها عسب يقهر العنود}..
شوي ويشوف عبدالله المخاد تطاير صوبة وراح ركض صوب حجرته..
العنوود: بس حلمي في الحياة اخذ حقي منه واكسرة تكسير!!
امل: وانا حلمي في الحياة اشوفكم بالعين لسانكم لو ساعة عنبو ما حاله كل يوم مناقر وحروووب!!!
العنود : ههع حلوة منج انتي بتموتي اول وحدة خخخخ ما بتلقي حد يكلمج وخاصة مثلي انا بالذات..
امل: دخيلج بس يا يالشيخة رضاكم غايتنا ..
العنوود: هيه زين على بالي.!

العنوود وهي تختار ملابسهاا واطلع كندورة وادخل غيرها ومحتارة في الاختيار: اقول امووولة شرايك باللبسة هذي احلى ولا الحمرة؟!!
امل: عنوودة فكيني وطلعي انتي وحدة فااضية وانا عندي امتحاان .
العنوود: خييبة ما طلبنا شي ترا الا نظرة حتى لا تتكلمي بس هزي عينك؟!
امل: اللهم صبرك يا رووح.... رمشي غالي ما تهزة كندورة خخخخخ اقول بتطلعي ولا اشووتج براا؟؟؟؟!!..
وشوي وهي تتنهد: بس تصدقي الشرهة ما عليكم انتوا علي انا كل اربعاء جيت اربع{اركض} البيت اوني مشتااقة امحق شووق لو جالسة هناك احسلي بذاكر اكثر مع موزاانه وايمووو قبالهن اهون عن قبالكم انتي وعبوود!!
العنود : دخيلج بس يا ام الاحاسيس والعواطف والمشاعر الجياشة هههههههههه روحي بس منيتي علينا الي يسمع عااد..
قامت امل وزخت العنود من كندورتها من عند الكتف وسحبتها برا الحجرة وصكرت البااب ورجعت وفتحتة مرة ثانية وهي تتكلم بصوت كلة كبر وبطرة وقهر وغيظ من العنود : لو سمحتي لا تراويني وجهج الا بعد المغرب اوكي!!؟ وصكرت البااب بقوة.

العنوود وهي مقهورة وتصاارخ بقوة : ماعلية ان ما خبرت حموود وخليته يهزبج يالبطراانه ما اكون عنودة اصلا انا قايلة ماحب حد يشاركني بالحجرة بس ياحسرة حكم القوي عالضعيف..

احمد وهو دااش وقوطي الديو بيدية كعادتة : مالكم صوتكم واصل لعند المسجد؟! عسى ماشي اصابات مثل كل مرة؟!
العنوود :لو ما طلعت ولا كان فية اصاابات بس رفقت عليها.
عبدالله وهو يصارخ من غرفته : واااضح جاكي شاان من مطرود هههههههه واي بطني ضحكتيني في غير الموعد خخخخ.
العنود: تشب تشب مالك خص اونه قبل المووعد ومتى موعدك اخ عبود؟!
عبدالله: اولا عبوود فعينج ثانيا الموعد بعدين يوم اكفخج واذلج من تجي تصيحي وتتقردي تبي تلعبي بليستيشن هههع.
احمد وهو يمشي عنهم ويدندن بــ: ياااا ليل مطولك .. آآآه يا ليل مطوووولك... طب آآآآه يا ليل مطوووووووولك..
العنود تصارخ: انزين احمدووة اي واحد احلى هذا ولا هذا وتاشر على الملابس الي كانت بيدهااااا..
احمد: الي في النص هههههههههه.
عبدالله: هههههههههه حرااااااق والله.. ولك من عندي احلى دوري بليستيشن.
احمد: تشب انت حسابك بعدين تناقر اختك وقدامي خخخخخخ
ودش الغرفة وعبدالله حاس بالنصر من مجرد ان العنوود انهزبت من امل واحمد ...

برا وفي حوش البيت بالتحديد........
الوالدة { شيخة}: العنووود .... العنووود..... العنوووود وجع ان شااء الله!!!
العنود جاية تركض صوب امهاااا: نعم امي؟! وتصد على الجهة الثانية وشافت جارتهم جالسة مع امهاا : هلا خالتي ونزلت تسلم عليهاا.
الوالدة: ما تسمعي؟! صارلي ساعة ازقرج ولا الصمم نزل عليج؟!

العنود : ما سمعت من صريخ عبوود حقج علينا يااحلو..
الوالدة : قلتلج كم مرة لا تسمية عبوود عااد عوود ما تفهمي ...سيري هاتي القهوة حق خالتج .
العنود: عبوود عوود لاا دخيلج لا تضحكيني امي .. اسفة ماامي بس وين الشغالة؟! الحين ابا اعرف من الي مجيوب يخدم الثاني انا ولا هي؟!
الوالدة: حسبي الله على بليسج محد يقدر يطرشها كلة والشغالة ارحميها شوي يالبزا كله عليها؟.
العنود: ان شااء الله ياريت بس لو تدلعيني مثل ما تدلعيها على الاقل اشعر باالاماان والطمانينة مع راتب شهري يضمن حقي خخخخخخ.
راحت العنود بسرعة قبل ما تسمع رد امهااا لانها متوقعة الرد .
الوالدة : حسبي الله عليج يا ام لساان الله يصبرني عليج بس تكبر وتدبر ماشي عقل مووول..

يتبع....!!