| ||||||
 |
| | LinkBack | أدوات الموضوع | انواع عرض الموضوع |
10-01-2011, 12:10 PM
| رقم المشاركة : [ 26 ] | |
| عضو جديد  |  ان شااء الله بحاول الليلة انزل الجزء القاادم لقرااء قصتي المتواااضعة ’’!!!! كونوا بالقرررب __DEFINE_LIKE_SHARE__ | |
| ||
 |
|
10-01-2011, 02:06 PM
| رقم المشاركة : [ 27 ] |
| عضو فعال | فأنتظاارك ,؟!
__DEFINE_LIKE_SHARE__
|
|
| |
| |
|
10-01-2011, 09:37 PM
| رقم المشاركة : [ 28 ] | |
| عضو جديد | مرحبا قرااء قصتي المتوااضعة..... الحلقة الراابعة من المسلسل الخليجي..!!! احب اشكر كل من تاابع الاجزااء الاولى وتواصل ويااي سوااء بكلمه او لاااا .,,,, .. .. ... توقفنااا في الجزء الثاالث عند....:- بعد نص سااعة بويوسف و ولدة يوسف كاانوا براا عند البااب طلع لهم احمد واستقبلهم ودخلهم المجلس... بعد ما تقهوا وتفولوا بدا بو يوسف يتكلم : شوف يا طلال انت حسبة واحد من عيالي دامك رابي بين عيال اخووي والله الشااهد اني غاامضني اخوي وعياله اكثر منكم بس ما باليد حيلة وناادم اشد الندم على موقفي منه وزعلي على شي زاايل مثل ما تعرفوااا المال فرقنا والورث الي فرق قلووبنا ومن غير اني كنت احسد اخووي على عيااله وانه ربي رزقة عيااال اكثر مني وينشد فيهم الظهر على الرغم ربي رزقني ولدين بس هذا كله من بليس و وسوسته والغشاوة الي على عيوني.. طلال وحاول يقطع كلام بو يووسف : محشوووم عمي بو يوسف. بو يوسف وهو يرفع يدة لطلال بمعنى خلني اكمل: انا صدق كنت قااطع اخووي وبعيد عنه وعن عياله الا بموااقف تنعد لحد هنا وبس الحين عياله من حقي و واجبي اوقف معهم عقب ابوهم وخواانهم انا وااثق فيك كل الثقة ومقدرك بس لا تحرمني من اخر شي اتمنااه لو اكفر ذنبي.. احمد صد على خااله الي كان مصدوم اكثر منه وطلال شاف على احمد وشااف على سالم بو يوسف: والله يا عمي سالم العيال عيالك قبل ما يكوني خواني وعيال اختي وما اقدر امنعك هذا حقك بس هم ما صغاار ويعرفوا مصلحتهم وانا ما بقصر معهم واذا على راحة ضميرك اطمن بو محمد الله يرحمة عمرة ما شل على احد وكيف اخوة والشاهد الله ما كان يذكرك الا بكل خير من قدامك و ورااك!! قاطعة سالم: بس يا طلال امل بنت واحمد ما دووم معاها ورااه درااسة وشغل والبنت ما تعيش بروحهاا وانت ورااك دواام وعايلة ولا تنسى انك بتسافر برا ما راح تفضى والبيت بلا رجال ما يصير وانت رجال عاقل تعرف شو اقصد كلاام النااس ما يرحم ياولدي والعادات تقول كذا ولازم العيال يعيشوااا معي لان هذي الحاله ماتسر!! طلال ماعرف بشو يرد لانه هذا عمهم وهو احق فيهم وكلامه منطقي.. صد سالم على احمد الي كاان ساكت من بدوا يتكلموووا وساارح وعيونه على الارض ويطالع الزولية لو تساله عن عدد خيوطة كان قال من كثر ما سرحة عيونه عليهااااا!! احمد وهو يرفع عيونه صوب عمة: بس ياعمي انا ماصغير واقدر اتحمل تراني رجاااال وما تغلبني اختي واذا قصدك ادرس عادي من باكر مستعد ادور شغل واترك الدرااسة لانها مامنها فاايدة..وامل تدرس يعني بتكون فالكلية الا ذا جات في الاجازااات وترا طلال مووجود وما بيقصر معناا لا تكلف على عمرك..! طلال: احمد انت شو تقول درااسة ما تترك بتكملها فاهم وهذا مافيه نقاااش.. بو يوسف وهو يقاطع طلال::انا ما قلت ما رجاال والنعم فيك بس افهم من كلامك انك شال علي وكلامي ما عاجبنك؟؟!! لين متى امل بتضل تدرس؟! سنه ؟ سنتين؟! بتخلص قريب وخالكم طلال مشغوول يغيب اساابيع واذا جاا راح يكمل درااسة يعني محد عندكم ولا تربطوا خالكم فيكم وبعدين تبى النااس تتكلم علينا ويقولوا عق عيال اخوة وما وقف جنبهم من ماااات!!؟؟ احمد: محشوووم عمي ماقصدت كذا بس امل بنت وانت عندك اولاد وانا اعرف اختي ما بترتاح عندكم ولا عيالك بياخذوا رااحتهم !!! بو يووسف: طحت من عيني يا احمد هذا كلامك ما هجيتها منك لو من غيرك كنت عديتها ولا اهتميت فيه بس يجي منك؟؟! امل بنتي وهي المتقدمة في البيت وعيالي عقب لا تقول المشاكل الي بينا قبل تخليني اتركم لا يا ولد اخووي وحس في كلام النااااس.. طلال كاان ساكت ولاحب يتدخل بينهم علشان ما يحسس عمهم انه يحرضهم عليه على الرغم انه ما رااضي... بالاضاافة الى يوسف ولد عمهم الي كان ساكت ولا علق على كلام ابوووه او احمد فقط مستمع لا غير!!.. يا ترى من هو يووسف وهل له دووور في القصة؟!! احمد: افهم ان كلام النااس هامنك اكثر ياعمي؟؟! لا تحااتى محد بيتكلم لانها تكلمت وشبعت من زمااان! طلال: احمد عيب تكلم عمك بهالاسلووووب وهو جاينكم وقصدة شرررريف وهذا حقة!!{ وهو يصد صوب سالم}: محشووم بو يوسف ولا تحط فخاطرك شي احمد يعق كلاام بدون ما يقصدة لا تلوومه حالته صعبة.. بو يوسف: ما لمته وعاذرنه وحااس فية.... هذا كلاامي ردوا علي فاقرب وقت اترجااكم.. {{تـدري متى الجرح يبطي وقعه ويــآآآآآلم ؟؟؟؟؟ لاجاك من ناس أنـــــت اللــــي تـــعــالــــجــــــــــهاااا ..!!!!!}} طلع بو يوسف و ولده يوسف من عندهم وخلوا احمد في دوااااامه ماقدر يطلع منهاااااا!! وعند البااب وقف ابو يوسف وزقر امل: امل ... امل.. سمعت امل عمها يزقرهااا وحطة اللحااف على رااسها وطلعت امل: نعم عمي ... ونزلت وخاشمة عمها وحبته على رااسة.. يوسف من سمع ابوووه يزقر البنت طلع ينتظره برااا.. بو يوسف:: الله ينعم عليج بنتي..شحالج عسى طيبه.. امل: الله كريم وادرى بعبادة.....سكتت وكبست عالارض وعقب كملت كلامها:: منك السمووحة عمي على كل كلمة ما كنت اقصدها والله يوم رديت عليــــــــــ.... قاطعها عمها: افاا بنتي اي كلام واي خراابيط معذورة ولو انا مكانج كان طلعت اكثر الله كريم والله يغفرلهم ويرحمهم ان شاااء. امل: امييييييين.. بو يوسف: انا بسير اذا بغيتوا شي خبرووني ولا يردكم الا لساانكم انا خبرت احمد وهو بيفهمج يالله فمان الله... طلع ابو يووسف وترك خلفة قراار صعب سوااء من احمد او طلال او امل بس لوين يبى يوصل وشو هدفة بالضبط!!!!!!! امل وهي تمشي صوب خالها طلال: طلول شو السالفة الي عند احمد وتصد على احمد بنفس الوقت: احمد شو يبى عمي لا تقوول جااي يبى الورث ما رايم يصبر!!!؟؟ طلال: لا امووول شو ورث ما ورث ما تحشي عمج عاااد نيته صاافية الرجاال. احمد: بس ما داش كلامه رااسي خير شر وانا ما مقتنع واحسة ما وااثق في شو يشووفني ناقص يد او رجل ولا شو بالضبط!!؟.. امل: مافهمت شي!! ممكن توضحوا اكثر بدل لغة الهنوود هذي ولا ما من حقي يعني!!؟ طلال: عمج جاااي يبااكم تنتقلوا عندة يعني تعيشوا في بيته لان الوضع كذا ما حلو لا في حقكم ولا حقة هو!! احمد: بصراحة ما مرتااح ولا عااجبني المووضوع من الاسااس... امل: نعم!!!!!!! يعني نروح عندهم؟؟! لا طلووول اسمحلي حتى لو كااان لمصلحتنا بس ما اباا يااخي عنده عيال كباار ما بناخذ رااحتنا غير فبيتنا وبعدين انا ما ارتااح لعمي ولا عيااله فكيف تبووني اعيش عندهم!!؟ طلال: اموول مهما يكون هذا عمج.. امل: الي افهمة انك بتتخلى عنا؟! يعني انت موواافق ورااضي!! يالله يا خاالي مسرعك ما غيرت راايك وبغيت الفكة منا وانت من اياام واعدني انك ما بتتركنا وبتتمسك فينا لاخر يووم!! طلال: امل انا ما قلت بتخلى ولا اخلفت بوعدي بعدني عند وعدي حتى لو تبيني اوصلها للمحااكم بوصلهاا وقاايلنها من اووول انتوا بعين وبنتي ريم بعين ومستعد ااجل درااستي واسوي المستحيل حتى لو انتقل من الشركة لخاطركم.... امل فهميني هذا عمج والحق يحكملة هوو فيكم حتى لو كنتوا كباار بس انتي بنت واحمد بعدة على المسؤلية وما داايم مووجد لك وكلاام النااس ما يرحم..!! امل: بس كلامك يقول العكس يعني تأيده في قرارة انت استسلمت له من اول موااجهة انا خاايفة يا خاالي تقولنا ما اروم على حملكم وعمكم اولى!!؟ بس تريد الصرااحة ما تنلام ولا من يبى هم فوووق همه!! طلال زعل من كلام امل وحس انهااا ما واثقة فية وانها تفكر بيتخلى عنهم وهو وعدهم ..حسسته انه ماقد كلمته..... قام وركب سياارته وطلع من البيت!!! {{نداري احساس خلق الله , ولا ندري وش السبّه وليت اللي نداريهم .. شوي شوي يدارونا ابد محنا تغيّرنا ولا الاحساس نلعب به ! ولكن البشر صاروا .. بليّا خلق يشوفونـا يتبع.............
__DEFINE_LIKE_SHARE__
 | |
| ||
| |
|
10-01-2011, 09:37 PM
| رقم المشاركة : [ 29 ] | |
| عضو جديد | ^ ^ احمد: زين عااجبج الي سويتيه يعني لازم تحرجي خالج انتي ما سمعتي كلامه مع عمي وكيف وقف معنا ولا رضى ترا هو مثلنا مغلووب على امره لا تحسبي انتي بس المغلوووبه والمقهوورة والمظلوومه حسستية بالتقصير معناا وانه ما قد كلمته صدق انج اناانية وما عندج احسااس!!.. امل: احمد حراام عليك ليش تخلووني انا الظالمة ما سمعت كلامه... قالنا بالحرف الوااحد عمكم احق فيكم وكلامه منطقي شو تفهم منه!!؟؟ كلكم شاايفين الوضع عاادي لانك ولد وبتلقى الف شي يلهيك ويطلعك من هالحااال بس انا بنت مالي غير الله وانتوا حياتي فبيت عمي مثل القبر عمي متسلط وعيااله مثله وبيستغل انه محد لي ويتحكموا في!!,, بدت دمووع امل تنزل بحررقة قاامت وتركة المكاان ودشت داااخل بسرعة.. بدرية زوجة خاالهم كانت في الصااله تأكل بنتهاا ريم ماحبت تتدخل او تعلق على الموووضووع لانه تشووف هذا مصيرهم ولهم الحق يحددوة بنفسهم بلا ضغط من اي شخص.. احمد قاام هو الثااني وطلع بررا البيت... ................................ في بيت ساالم عمهم وفي الصاله بالتحديد وكان الكل مووجود سالم وزوجته وبناته ليلى ونورة واولادة سعيد ويووووسف وبعد ما رجعووا من عند عيال المررحوم اخوة بو محمد يوسف: بصرااحة انا ما مقتنع بالفكرة خلهم مع خاالهم وفكنا وفك نفسك من عواار الرااس.. سالم: كيف اخليهم ما يصير يا تتكلم بخير يا تسكت انا قاايلك من اوول.. يوسف: يعني بعد هالعمر تبااهم يعيشوا فبيت ما تعوودوا عليه واساسا حتى ما يطيقووا يشووفونا ما رااكبه العقل ومثل ما قال احمد صرااحة عندك بناات كباار والولد ما بياخذ رااحتة ولا بناتك بياخذن رااحتهن وبعد اخته احنا ما بنرتااح بوجوودها بنضل مقيدين فبيتنا ولاهي بترتاح خلهم مع خالهم ابرك!!! ام يوسف: صدقة يوسف خلهم شو تبااابهم ما تجيب غير عواار الراااس خالهم يبتلش فيهم احسن! سالم بو يوسف: واخلي حلال اخووي ياخذوه الغررب وانا فاك ثمي لا والله باكر خاالهم بيقص عليهم وبيااخذ البيت والمزرعة واحنا خبر كااان. يوسف: تصدق كنت حاااس انه هدفك الاوول والاخير الورث ما عيال اخووك!!! سالم: سوود الله وجهك ياللوووث صدق ما تستحي هذا كلامك لابوووك!!؟؟ انت لو رجاال وتفكر صح كان فكرت قبلي وانا اقوول محد غيرة بيساندني اثرة الولد طاير وطاير شليله وراا المرغد وتجارته الي ماجايبه غير المخاسير.. ام يوسف: هدي اعصاابك يا سالم ما يصير كذا الولد ما كان يقصد ولا ما كذا يوسف.. وهي تشوف على يووسف وتحااول تهدي الوضع!! يوسف: انا طاالع لا تترجووني على العشااا والي تبى تسواااه سواااه مالي خص فحد علي بنفسي بس... وطلع يوسف من الصااله صووب حجرته.. سالم: صدق اني ما خلفت يوم خلفت هاللوووث فحياته ما قالي ان شااء الله ابووي فحياته ما ساندني فشي فاالح يرااكض وراا فلووسة وتجااارته بس حسبي الله على بليسة !! ام يووسف: مازين يا ساالم تدعى عالولد وتتحسب هذا ولدك مهما يكوون وهو ما قال شي.. سالم : ما سمعتية كيف وااقف ضدي على كل شي كني ظالمنهم وباااغي حقهم ما كني اباا مصلحتهم والفيهم عن يتناهشوهم الغررب وهم صغاار ما يعررفوا شي وينقص عليهم بسهوولة.... وفي احد زواايا الصاله .......نورة تكلم اختهاا ليلى بشويش: ولا انا متشجعة جيتهم هناا خااصة املوووة ما اداانيها احسها متكبرة وشاايفة نفسها على ولا شي وعااد بيكبر رااسها اكثر.. ليلى: حراام عليج احسهاااا طيووبه بس انتي ما تعااملتي معهااا وداايم تحطي حواجز بينكن!! نورة: ابركها من سااعة اساسا ما اطيقها من زمن المدرسة كنه محد مثلها في الدنيا حتى ما كني بنت عمهاااااا ولا كنها تعرفني وانتي تداافعي عنهااا بس علىشااانها تكلمج عاادي ترااها مزااجيه بس خليها تحطج فرااسهاا وبتشووفي!!.. ليلى: دوومج كذا ما تحبي حد غير نفسج ,........ شوووي ويطلع يوسف من غرفته لابس كندورته وشال سويك سياارته في يديه وجااي يطلع نوورة: على وين يوسف!؟ يوسف ما يخصج انتي موصاايه علي؟؟! نورة: حشااا سؤال ما نقعنا فيك كليتني بقشووري.. يووسف: علشاان ما تسالي مره ثاانيه... وجاا بيطلع الا تزقر عليه امه: على وين النو{ وين سااير}؟؟!! يوسف: استغفر الله..... طالع عند الربع وما اباا عشاا لا تترجووني..... وطلع من البيت.. ام يوسف: الله يصبرني عليكم ما يستووااا على هرج وااحد كل وااحد فواادي دومهم.... يوسف اكبر عيال سالم وعمرة 26 سنه على الرغم ان سالم ابوة اكبر من المرحوم خليفة وهو تاجر يعني عنده كم مكتب مقاولات بالاضافة لمحلات ثانيه وبعده في بداية مشوارة يحب التجاارة وحلمه يصير تااجر كبير.. ونورة اصغر منه من عمر امل اما ليلى اصغر وحدة وهي صف ثالث ثاانوي بس طيبه وعلى نيااتها وعقل اكبر من سنها..وسعيد ذكرناه قبل.. ................................. احمد وهو بنفس المكاان الي متعوود يرمس فيه مع ربعة الا صوت تلفوووننه يرن........ فهوووووود يتصل بك... احمد: مررحبا فهوود شحاالك؟؟ فهد: هلا والله هلا فاابو فهد هلا والله.. عااش من سمع هالصوووت .. احمد: جيبها من الاخر شو عندك؟! فهد: افهمهاا طردة بطريقة دبلومااسية صح؟؟! احمد: داامك ذكي ليش تستغبى احياان ؟؟! فهد: الله يالدنيا قلت بدق على ربيعي وحبيبي وصديقي وابو زوجتي المستقبلية اكيد ملاان . اكيد اشتااقلي! وفي النهاايه ما القى الا زفة وطردة محترمة..!! احمد:: هههههههههه والله ضحكتني وانا مالي خلق اضحك ما اتووب عن سوالفك .. فهد: دووم هالضحكة ان شاء الله اقوول وين انت فالبيت ولا طاالع!! احمد: وين يعني اتعبد خخخ في المكاان المعتاااد راامس وحدي!! فهد: عيل ثوااني وبكوون عندك غمض عين وفتح عين وبتلاااقي علاااء الدين بين يديك يطلبلك عشااا ههه احمد: عيل لا تجى مافي اطعمك احيدك من تجى تطلب على حساابي بس اذا متعشي وشبعاان تعاااااال ابغااك ههه فهد: يالله بنعفيك الليله لانك ضيفي ما مشكله ياا فهد تحمل البخيل لحد ما ينترس مخبااه هههه احمد: والله انك سواالف تعاال تعاال ابااك فسالفه لا تتاخر// فهد: تمااام بس جيب باارد معك عااد لا تتبيخل العشاا وطوفنااه.. احمد: حسبي الله على بليسك خلاص تعال انت بس يالله فماان الله.. فهد: بااااااااااي .. {{وآتنفس رغم هذا الضيق في صدر المدينه وآتبسم حتى لو ما به .. عصافير واغاني !}} __DEFINE_LIKE_SHARE__ | |
| ||
| |
|
10-01-2011, 09:39 PM
| رقم المشاركة : [ 30 ] | |
| عضو جديد | امل وهي تمر غرفة غرفة بعد ما طلعت بدرية زوجة خاالها صوب اهلها تسلم عليهم وبترجع لانهاا كاانت مشغولة فترة العزااا ومرتبطة في عييال اخته طلال الي هي بنت عمهاااا خلت امل بروحها بعد ما اصرت عليهاا امل تروح وما تحاتيهاا وبعد ما حست بدريه انهااا محتااجه وقت تضل فيه بروحهااا وتفكر...... اول غرفة دشتهاا كانت غرفة اخوها محمد كاانت مظلمة شغلت الليت ولفت بنظرهاااا على الغرفة تخيلت كل شي فيهاا مثل اول.. شافت بنات اخووها وزوجته ومحمد الاثااث ذكرها فيهم ريحة الغرفة يتخللها عطر محمد وعياله .. اصواتهم تتردد على جدراان الغرفة... بحركة سريعة بندت الليت وطلعت تسابق دمووعها قبل ما تسبقهااا...وعقب دشت غرفة فيصل وخاالد وتذكرت موااقفهم وحركااتهم الصبياانيه وكيف فيصل قايل لخاالد انه اخر اسبووع له فالحجرة يدورله على مكاان ثاني لانه خلاص يبى يعرررس والغرفة ملكه آآآآآه يااا فيصل ما كنت تدري انك انت بعد اخر اسبووع لك فالدنيا كلها ما البيت وبس....وفجأة لفت نظرهاا لغرفة احمد وعبدالله.. عبدالله الي كاان ما يحب حد يسميه عبوود غيرهاا عبووود العفووي والي 24 ساعة مضاارب مع العنوود على اتفه سبب عبوود مدمن البليستيشن عبووود الي يقولهاا البيت بدونج شاارع بلا ليتااات آآآآآآه ياا عبدالله لو تعرف انك انت الي صاارت الدنيا بدوونك ظلام في ظلام.... جرت خطوااتها بررا صوب غرفتها وهي تشووف سرير العنوود مثل ماا هو تذكرتها على اخر مووقف لهاا وهي تختاار ملابسهاا .. الله ياا عنووده ليتج ترجعي ولو لحظة اختاار لج ملابسج وما بطردج من الغرفة حتى لو فجرتي رااسي بحنتج بس تعاالي المح طيفج دقااايق تعالي الغرفة بدوونج موحشه مالها طعم .صرت اتجنبهاا واكرهاا بدونج!!!!. عست دمووعها وطلعت لاخر محطة اخر محطة تذرف دمووعها فيها كالعاادة... غرفة امها وابوهااااا.... دشت الغرفة وهي تحااول تلمح طيفهم... جلست على السرير وهي توزع نظرهاا حولهااا .. كل شي حولها يذكرها بشي كل ركن في البيت كل زاوية تصرخ بذكرى وموقف ما ينمحى!!!! امل: الله كيف هنت عليكم كان خذيتووني ماخسرتوا شي!! يابوي احمد صغير وما بيده حيله ادري انه يحااول يحسسني العكس ادري انه تعب من كثر ما يجاملني ويبين القوة وخالي مغلووب على امره وانا الضحية كلهم يحسبوني انانية كلهم خاايفين يوعدووني وما يوفووا ... {{{الأماكن .. آه .. ياسخف الأماكن .. "لانظرت ولا لقيتك" ولاتنهدت وشكيتك .. ولا أنتهى ليل المولع دون وصلك "وصوتك".. الأماكن .. كلها نفس الأماكن .. هم .. وأشباح .. ومساكن < وأنت وينك > .. ياهواي وعذابي .. _غبت عني وماحسيت بي _ آه .. يابوحي وصمتي آه .. ياهمي وحزني آه .. ياغيمي ومزني آه .. ياأجمل ذكرياتي آه .. ياروحي وذاتي}}} ............................. فهد: انتوا ما صغاار يعني عمك على شو خاايف!!؟ احمد: اذا جيت تشووفها عالمنطق عنده حق نوبه ما حلوة نعيش برووحنا وبيت عمي مووجود!! وبنفس الوقت احسناا بنكوون ثقل على خاالي لو بين العكس خاالي وادريبة مستعد يضحي بوظيفته وينتقل لشركة ثاانية خاصة انه لاقي عررض ثااني و علشاانا احنا بيعمل المستحيل!! فهد: انزين ما فيهاا شي هذا عمكم ومستحيل مايحب مصلحتكم واكيد حيااتكم بتكوون طبيعية لحد ما تتعودووا ليش مكبرين السالفة انتووا انسوا المااضي يابوك؟؟!! احمد: انا عاادي عندي ترا بااخذ صيفي وبكوون معظم الوقت فالجاامعة وبحااول اشتغل يعني بترك الجاامعة بس اختي يا فهد ادريبهاااا ما بترتتااح خااصة ان زوجة عمي محد يوااطنهااا وهي سبب نص المشااكل ومستحيل تشكيلي اختي علشان ما تضاايقني!!! فهد: شو اقوولك يا احمد ربي يعينكم ..لكن سيرة ترك الجااامعة لا تجيبه على لساانك ولا لا انت تعرفني ولا انا اعرفك فااهم!!!؟؟ احمد:: خيررر فهوود هااه وين العشااااا الي جبته ترااني جوعاان!!؟ فهد::: غير غير الساالفة ما مشكلة لكن احيدك من تشووفني تنفتح نفسيتك ههههه. احمد: واااضح دومك تسدهاا بس هالمره غير كلامك حلوو وصاير رومنسي خخخخخ.. فهد: هيه جالس اكلم خطيبتي تراا لازم تطلع الرومنسية هههه صدق انك ما وجة تعديل مزااااج.. وانتهت رمستهم بعد ما فضفض احمد الي بخااطرة وتقااسم هموومة مع صااحبة ورفيق عمرة وارتااح شوووي وخف من همووومة الي على صدرة استأذن من فهد ورجع البيت بعد ما خبرته بدرية ان امل بروحها في البيت ولا يتاخر عليهااا... ..... امل وهي جالسة على كرفاية ابوها وامهاااا وماسكة صورة لابوهااااا قديمة شوووي لمحت احمد وااقف على الباااب حاط يد على فريم البااب واليد الثاانية على الجنب وهو يبتسم لها احمد: ليش انتي هني؟؟! يالله براااا دووري عااد اعتكف هني.. امل: مالي حق يعني ولا بس لك برووحك تجى تفطر فوادك هنا وتطلع؟! احمد: اووووووب الحلو زعلاااان ما لايق عليه.. امل: ولا القنااع هذا لايق عليك.. احمد انا عاارفة انك توضحلي انك راايق ومتنااسي عارفة انك تتصنع القوة قدامي وانت من ورااي اضعف من الريشة تراني ما صغيرة افهم اكثر منك!! خلاص ليش نجامل بعض خلنا صريحين و وااضحين كلنا ضعااف!! احمد وهو يمشي من عند الباااب صوب امل ويجلس جنبهاا على الكرفااية: آآآآآآآه يا اموووول ياليت اقدر اغير كل شي ياليت بس.. اعترفلج انا ضعيف تشووفي الذباابه الي هي ذبابه اقوى مني تصدقي كل يوم اقول هذا حلم واافيق منه كل يووم اجلس اترجى ابوي ولا امي ولا وااحد من خوواني يدش علينا من البااب ويقووول احنا رجعنااا بس مجرد ارجع للوااقع اعرف اني اطلب المستحيل!!!! {{ياليت تدري كم بصدري من اللــيـت // وياليت لوبه ( ليت ) تفهم وجعنا ,,؟؟}} تنهد احمد بقوة وحط يدة على كتف امل من ورا ضهرها وامل حطت رااسها على كتف احمد كانها تدور الامااان وتحتمي في...... احمد: انتي صرتي واايد حسااسه وعصبية ودمعتج على طرف عينج ردي امووله الي كلنا نعرفهااا المبتسمه الي الكل يعرف عدد ضروسها من كثر ماشااف الطقم!!... امل وهي تبتسم :: احمد انا موافقة انا ننتقل فبيت عمي بس بشرط ما تترك الجامعة فااهم واذا جبت طااري الشغل قبل ما تخلص على لساانك بذبحك فااهم لانة هذا حلم ابووي قبل ما يكون حلمك.. بس من تخلص ونجي اجاازة نرجع بيتنا او بيت خالي تماااام!!!!!؟؟؟ احمد:لا تحاتي الجامعة.. بس اموول هذا من خااطرج ولا قررتي لانج تاثرتي بكلاام خاالي وكلامي وتتهربي من الوااقع.. شوفي اذا ما رااضية مستعد اوقف في وجهم كلهم وخلي عمي يوصلهاا وين ما يبى عسااها توصل المحاااكم ماعندي ماانع... امل: دخيلك ما اباا مشااكل وبعدين انا فاهمة هدفة وهدف الحية الي عندة وبخليهم يكرهووني ويردوونا بيتنا هههههه.. احمد وهو ينزل ويجلس على الدعنة{ الارض} عند رجوول اختة: افاااا ما تسويهااااا احيدج عااقلة تدخلي بمعرووف وتطلعي بمعرووف بس خليني اخلص واشتغل وبنستقر بروحناا سوااء هنا او من وين اتوضف حتى لو مسقط.. بنشتري بيت وبنسكن هناك ويمكن طلوول بينتقل او يخلص قريب بنرووح معااه وترا هي كم سنه بزوجك وبفتك ههه!! امل: تشب بجلس عاله عليك وبعد داارس المووضوع زين وحااط الخطط الرجاال ههههه احمد: اعجبج على بالج انتي بس يفهم في التجاارة ههههههه امل: هههههههههههههه شدخل التجاارة في السالفة !!؟؟ طلال وهو وااقف عند الباااب وبعدين مشى صوبهم: ضحكوونا معكم ولا ما نستااهل احنا؟! احمد: ولووو انت اسااس الضحكة هههههه طلال وجلس جنب امل : يعني تحشوا في كنتواا صح ؟! امل: ما عاااش الي يحش فيك ابو ريموووه.. طلال: الله يديم هالضحكة ايوة كذا ابااكم تفتحوا النفس اذا دشيت عليكم ما تسدوهاا.. احمد:: الله يا طلوول عاد احنا نسد النفس ما هجيتهاا منك.. طلال: حشمني طول وعرض طلووول وقسم بالله استحي مراات من ربعي يوم يسمعووك!! احمد: حشااا ما يسوى علينااا عااد خخخخخ. طلال وهو بيى يقووم: يالله تصبحوا على خير ويصد صوب امل: زين رضيتوا علينااااا على بالي زعلانه كنت جاااي اكسر رااسي وراس احمدووووه اهم شي ما تكدري خااطرج والي تبيه هو الي بيصير غصبا عن الكل... امل: فديتك طلوووول ما تقصر وانا الي اسفة قسم بالله ما كان قصدي بس تعرفني لحظة غضب شووووي وما عليك مني فكرت وقررت برووح عند عمي شو يعني هي عيشة وبعدين كم شهر ارجع الكلية.. طلال: لا لا ما ابااج تقرري بسرعة خذي رااحتج واذا ما مرتااحة ما كنج سمعتي شي انسي!!! امل: هههههه لا عادي شو يعني بياكلووني هذا عمي مهما يكووووون وحرمته اعرفلهاا انا لا تحااتوا ترا لساني اطول من لساانها ولو واذا ما حبيت العيشة هنااك بخبركم وبنشووووف تصرف ثااني عااد خلونا نجرب ما بنخسر شي.... طلال: براااحتكم.... يالله تصبحوا على خير.. احمد وامل:: وانت من اهلة..... وكل وااحد رااح لغرفته يناااااااااااااام.. او يتصنع النووم كعاادته!!.... {{صاحبي ما عاد لي نفس ٍ تطيق وماعلى المحروم من نفسه ...عتــَب أنثر دموعي عليّ ..( ودي أفيق ... وادري إنـــّي مت ّ ..).. طالبتـْـك طلـَب ليتها بسْ جت على كوني يضيق البلا ضاقت عظامي يا عرَب !!!! الحياة اليوم ما تسوى شهيـــق كنت أبحــيـا .. بس.... ربي ما كتـــَب وكل ما ينسد ّ في وجهي طريق تضحك الفرحة عليّ .. ْبــلا سبَب ...؟!}} بس 5 اياام انتقلت امل لبيت عمها سالم بعد ما رااح احمد الجامعة لانه خذ صيفي وامل ما نزلتلها موااد صيفية على الرغم انهااا كانت تتمنى تاخذ صيفي علشاان تهرب من الوااقع بس ارادة الله اكبر..... العم سالم: نورة رتبتي الحجرة حق اختج امل ترااها بتنام معكن شوفلها مكاااان لحد بعدين.. نورة وبدون نفس وتحرك ثمها بطريقة قرف: ماحيد ليلوووه بشوفهاا.... وطلعت فووق تشوف اختهاا وتبلغهاااا الخبر.. نورة وهي تركض صوب الغرفة وتصكر البااب ورااها عن حد يسمعهاا: ليلوووه وصلت وصلت ام البلا وصلت البزااا اما اني كرهتهاا من شفت خشتهاا داشه البيت.. ليلى بستغرااب: من هي؟؟! نورة: من غيرهااا سووس البلاا املوووه اونها ماتبى لا حبيبتي بتجي علشان تتحكم فينا وفي البيت من زمان عيونهم عليه وتدلع على ابووي تحيده بيكبرلها رااسهاا اونها يتيمه ولاحد يزعلها بس ما عليه.. ليلى: صدق انج فااضية وما عندج سالفة وينهاا ليكون تسمعج؟! نورة: تطمني حبي مرتزة في الصااله ويقولج الوالد شوفيلهاا مكااان تنام فيه انا ما ابااها فغرفتي ماحب حد يشااركني فيهااا.. ليلى هزت رااسهاا وطلعت تشووف امل وتستقبلهاا. تحت وفي الصاله وين ما كانت امل مع عمهاااا دشت عليهم ام يوسف زوجة عمها: هلا امل . امل وهي توقف تسلم عليها وتحب راسها: هلا عمتي عساج بخير؟! ام يوسف وترد بلا نفس كانهاا ما مرتاحة بشوفتهاا: من الله بخير.. ابو يوسف: بروح اتوضى للصلاه من رخصتكم.. وامل لا تستحي البيت بيتج.. وصد على ام يوسف: شوفي البناات زقريلها وحدة منهن توديها الحجرة ويجلسن معهاا.. شوي ونازله ليلى من فوق: هلا اموول شحاااالج نوور البيت اكثر من بعد وجودي طبعا خخخخخخ امل: هلا ليلى الحمدلله تماام انتي شحالج؟! ليلى: مااشي والله اجازة وملل لا شغلة ولا مشغلة اضرب راسي من جدار لجدار.. ام يوسف وهي تاشر بيدهاا كانها قرفاانه : شليها الحجرة يمكن تبى ترتاااح ... امل وهي تقول في خاطرهاا: {جااايه من لندن انا ابا ارتاااح ترا الا عقت حصاااه}... ليلى: تعاالي امووله بتنامي عندي بالغرفة واخيراا لقيت حد معي يونسني عااد تحملي. امل وكاانت تبى تقول لا تعوودت على العنوود وازعااجها بس سكتت: عادي فديتج!! طلعت ليلى وامل الغرفة ترويهااا مكانهاا وتحط اغرااضهااا وطلعت عنهاا ترتاح شووي وتاخذ راحتها.. امل وهي تتصل على ربيعتها موزة بعد ما تركتهاا ليلى بروحهاا..... : مسااء الخير.. موزة: مسااء النور والسرور وكرتوون مليان عطور بريحة الورد والزهور هلا والله بام منصور.. امل: ههههه هلا والله بام ضرووس هههههه كل هذا حقي لا اخجلتيني صرااحة بس ما لقيتي غير منصور؟؟. موزة: لزوم القاافيه يابنت خخخخخخ خلاص ردي النص اذا تحسية واايد خخخ. امل: خييبه مسرعج غيرتي لا خلاص اباااه . موزة: غريبة تذكرتنا الاخت ورفقت بحااال المِعَنى هههه امل: امحق مِعَنى والله.... تصدقي موزاان انتقلت اليوم بيت عمي.. موزة وهي مستغربه: من عمج؟! امل: من غيرة يعني ماعندي درزن وااحد بس عمي ساالم. موزة: لا تقولي الي زوجته الحية ام رااس والي ما كان يحب المرحوومه امج وما رااضي زوااج ابوج منهااا و كاره ابووج بس لانه عنده عياال وزوجته هو ما جااابة عييال الا بعد كم سنه ولا 4 بس ولهف ورث ابوووج كله فحلقة....!!!؟؟ امل: ما شااء الله حافظة التااريخ العريق كااامل لا بصرااحة شااطرة انسة بنانا!! موزة: من صدقج انتي؟ امل: هيه من صدقي يالله خليها على الله وبعدين انتي ما عرفتي امووله صح وقت الجد جد وقت اللعب لعب وما بخلي حد يسترجي يزحزح شعرة من راااسي وبذكرج!! موزة: لا احيدج وقت الشدة نعاامه خخخخخ. امل: نعامة ترفسج فبطنج ماالت على رااسج الي مثل النارجيله خخخخخخ يالله قلبي وجهج صفحة 100.. موزة: ماعندي 100 اخر 99.. امل: عيل انا طريتهاا هههع.. موزة: بااايخة. امل: محد غيرج يالله باااااي تعبانه ابا ارقد.. موزة : سيري مخرسة نوووووم باااي.. ليلى تفتح البااب بشووووي وتدخل الغرفة: على بالي نمت قلت ما بزعجهااا!!! امل: لا ما نمت كنت اكلم موزاانه ربيعتي ليش بغيتي شي؟! ليلى: عيل خلا نزلي نتغدى مع بعض ابووي قالي ازقرج تنزلي بس انا عبالي نمتي. امل: ما اباا غدا شبعاانه شكرا احسني نعساانه ابا اناام شوووي من صليت الفجر مارديت اناام!! ليلى: برااحتج بقول لابووي نايمه عسب يعديهاااا خخخخخ بس لا تفرحي ما كل مره اسالي مجرب درجة اولى هههه. امل: عليج حركاااات انتي.. ليلى: بعدج ما شفتي شي فديتني.. ..................... مضى لامل 3 اياام في بيت عمهاااا بس كان اكثر وقتهاا حابسة نفسهاا بالغرفة وناادر تطلع او تشااركهم في الاكل بس مجااملة لعمهاا او ليلى بنت عمهااا... والي حسسها انه غير مرغوب فيهاا من زوجة عمها وبنتهااا نورة.. الى هنا ورااح اتووقف ... الجزء طوويل بسبب الغيااب وهذي الضريبة خخخ شو رااح يقاابل اما فبيت عمهاااا وشو ردت فعل امل حيااتهم رااح تتغير ولكن لشو بالضبط..
__DEFINE_LIKE_SHARE__
يوووسف رااح يكون له دوور. بس منو هذااا يوسف وشو دورة؟؟؟؟؟؟  | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ღ♥ღ فرحوا عيالكم ღ♥ღ حياكم شئ جديد و مميزღ♥ღ | محروم.كوم | منتدى أخبار المواقع والمنتديات العربية والأجنبية | 0 | 06-16-2010 04:00 AM |
| ஹღˆ¨°ღ♥ღّأكواب القهوة والشاي و الشوكلاه الساخنه احجزي اكوابج الآن ღˆ¨°ღ♥ღஹ | محروم.كوم | منتدى أخبار المواقع والمنتديات العربية والأجنبية | 0 | 04-10-2010 09:30 PM |
| ღˆ¨°ღ♥ღّخيـــط من نـــور ..يواري ..خيــــوط الظلام...!! ! ღˆ¨°ღ♥ღّ | Дјறàl Диsǎήһ | الإسلام والشريعة | 14 | 01-31-2010 04:20 AM |
| ღ ♥ ღ vtc ღ ♥ ღ اهـداء الـى شـرجـاوي قـول وفـعـل ღ ♥ ღ vtc ღ ♥ ღ | Al-Rayyani | سيارات و دراجات | 15 | 07-04-2009 03:30 PM |
| ♥ღ ღ♥ღاخـاف اعاتبهم وهــــــــم مــــــايبــوني؟؟ღ♥ღ ღ♥ღ | ~ ع ــ،ـذبة الآطـ،ـبـ،ــاع ~ | هواتف , مسجات , وسائط , برامج , ثيمات , نغمات , بلوتوث | 30 | 06-10-2008 10:52 AM |
الساعة الآن 06:33 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227