غلاتك من غلا روحي - الصفحة 14

دار الزمن · 03-27-2009, 11:51 PM

عسى المانع خير __DEFINE_LIKE_SHARE__

roo7 algala · 04-02-2009, 04:47 PM

نتريااا البارت باسرع وقت ...! __DEFINE_LIKE_SHARE__

كليـ ـغلا · 04-02-2009, 08:51 PM

وين البارت .؟.؟.؟ __DEFINE_LIKE_SHARE__

الهمسه · 04-07-2009, 05:07 PM

[align=center]مرحبا الساع

شحالهم عرب زاايد

اول شي السمووحة على التاخيير بس انقطع النت
وما رمت ادخل

المهم ما بطوول علييكم

البارت الحادي عشر

في دبي وبالتحديد في سيارة سيف
مطر : مناروو الحمارة ما ادري شفيها ما تشييل التلفون
مايد : الله يهداك بلاك معصب تلاقيها من الازعاج ما انتبهت لتفلونها
في بيت بوحمدان وبالتحديد في الستوور
بوسعوود كان واقف مجابل منار وحاط يده على ويها وعينه بعينها وما انتبهوا للتلفون لانه سايلنت ثواني واندق باب الستور ،، منار على طول تيمعت الدموع بعينها
بوسعود : اششش حبيبي لاتصيحين هذي اكييد امون
سار بوسعود وفتح الباب
امون : منوور بسرعة شيلي تلفونج مطر صار له ساعة يتصل فيج وانتي ما تشيلينه
منار : وييه وييه وييه نسيته سايلنت
وركضت بسرعة وخذت التفلون
منار : واااااابويه ثمان مسكولات
بوسعود : بسرعة شيليه
شالت منار تلفونها
منار : الوو
مطر : وويعة شعنه ما تشيلين تلفوونج
منار : كان سايلنت وما انتبهت له
مطر : حلفي بس مرة ثانية لاتسوين تلفونج سايلنت
منار : اوكي ،، انزين آمر شو تبا
مطر : كنت ابا اسأل اذا تبون شي انييبه معانا غير العشا لكن بس خلاص ميوود اتصل بامون وسألها
منار : اوكي انا آسفة
مطر يته الضحكة شوي لان اول مرة يعصب على منور ويلاقي منها رد جي : يحليلها المأدبة ،، بلاج حد صافعج على ويهج
منار : ها انا لا مافيني شي
مطر وهو يضحك : اقوولج فيج شي هذ مو رمسة اختيه ،، انزين تبين شي لو اسكر
منار : مشكوور اخوي ما تقصر ما ابا شي
مطر : ههههههههههههههههههههههههه
وسكر التلفون
مطر : هههههههههههه مو طبيعية وربي مو طبيعية
مايد : بلاك على البنت
في الستور عند بوسعود وامون ومنار
منار : وااااايه الحمد لله
بوسعود : شو يبا مطر
منار : ولا شي بس كان يبا يعرف ليش ما اشيل تلفوني
بوسعود : اها ،، وانتي شدراج ان مطر يتصل في منوور
اموون : مايد طرش لي مسج ،، وبعدين بسرعة طلعوا لان هم جريبين من البيت
بوسعود : اوك الغلا
طلعت امون وسارت المطبخ
في المطبخ امون سارت ووقفت عدال عواش وعواش كانت اتحط السلطة
امون : عواش انتي فيج شي اليوم
عواش : ها لا ما فيني شي
امون : تقصين على منو انتي اصلا انتي اليوم مو طبيعية ،، وييييييييه عرفت اليوم جايفة حبيب القلب
عواش : امون وويعة سكتي لا احد يسمعج
امون : آه ه ه ه ياويل حالي كم بعيش انا
عواش : بتسكتين والا احط الشوكة الي في يدي في رقبتج
امون : وايه مرت حسن بتذبحيني
الريم كانت مارة من يمهم وسمعت آخر الكلام
الريم بخبث : وابووويه منو حسن ماخبرتينا عواش
امون شوي وبتموت من الضحك وعواش محرجة حدها
امون : ولد الجيران اتصدقين
الريم : صج حسن العوضي
امون : جوف الغبية أي حسن واي خرابيط من وين يبتي اسم حسن اصلا انا مانطقت بهالاسم
الريم : وييه عيل انا من وين يبت هالاسم
قربت امون حلجها من الريم وهمست : مو منج من هزاع الي سارق عقلج
وركضت على طول برى المطبخ وسارت غرفتها
في غرفة امون : فتحت تلفونها ويلست تقرى المسج الي طرشه لها راعي الرنج السودا >>>>> اذا ما تذكرونه جوفوا البارت الي قبله
امون في قلبها : ليش يه في بالي سيف يمكن مو هو لازم افتح تلفون مايد او راشد واجووف رقم سيف وبعدين بعرف اذا هو او غيره بس قطع عليها حبل افكارها يوم تبطل الباب بدفاشة
امون : سلامووو يالدبة حد يبطل الباب جي
سلامة : السموحة يالبنت الخيلي احنا نكرف تحت وهي ممبطحة على السرير وفاتحة شعرها وتفكر في ما ادري منو قومي ياحمارة و
امون : بس بس بس كلتيني ما تسوى علي وبعدين اونه نكرف تحت ابويه تراني كنت معاكم وانتوا ما تسوون شي كله الخدم الي فالحين فيه بس الضحك
سلامة : انزين امون انا للحين ماخذيت الهدية شسوي
امون : امممممممممم روحي اخذيها احين محد فوق الا انا وانتي
سلامة : رايج جي يعني
امون : هيه وانتي كيفج
سلامة : اممممم امون انتي فيج شي
امون : آآآه ه ه يا ويل حالي
سلامة : اووووب امون لايكون حد سرق قلبج
ابتسمت امون واحمرت خدودها وركضت برى الغرفة
سلامة : ماادري شسالفتج يا امون فاهمة الكل بس محد يقدر يعرف في شنو تفكرين
سارت سلامة غرفة مايد بس مالقت الهدية ويلست اتدورها ،، اما تحت عند امون وصلها مسكول من مايد وبسرعة ركضت للستور وخبرت بوسعود ومنار ان الشباب يايين
بوسعود : مشكوورة امون انتي اغلا من اختي
امون : مشعلوو يعني انا مو اختك
بوسعود : فديت روح اختي انا
باست منار امون على خدها : يعلني افدا روحج
بوسعود : هي هي هي شو خليتي لي اذا عطيتيها بوسة وعقب روحج شو بقالي انا
الكل : هههههههههههههههههه
دخلت سيارة سيف البيت
امون : منوور بسرعة بسرعة ركضي المطبخ
ركضت منار بسرعة المطبخ
بوسعود : تدرين ان هذي اسعد ليلة في حياتي
امون : الله يهنيكم يارب ويخليكم لبعض
بوسعود : يارب
هزاع + سيف + مايد + راشد + مطر + حسن + سعيد : مرحبا
بوسعود وامون : مرحبتين
هزاع : آخ منك ياللوتي شعنه ما ييت معانا يالس مع الحريم ها
بوسعود : لوسمحت انا يالس مع شيخة الحريم
امون : احم احم وعطته نظرة ومشت
مايد : انا بسير فوق ببدل ثيابي
باس راشد مايد : مع السلامة ودير بالك على عمرك ترى الي داخل كلهن حريم اخاف يسرقونك يالمزيون
الشباب : هههههههههههههههههههااااااااي
مايد : حدك شخيف
الشباب : ههههههههههههههههه
شخيف أي اوكي شخيف
مايد : اف منكم محد يغلط يالسخيفين
وسار مايد غرفته ويوم دخل لقى سلامة واقفة في وسط الغرفة والاغراض فوق تحت
بس هو مااهتم للغرفة كثر مااهتم لسلامة سار ولوى عليها من ورى
وصرخت سلامة بأعلى صوتها وعلى طول حط مايد ايه على حلجها وقال بصوت خفيف : ناوية تفضحينا
سلامة : هيييييييييي خرعتني وبعدين مرة ثانية لاتعيدها
مايد : شو الي ما اعيدها
سلامة بحدة : الحركة الي سويتها قبل شوي
ومشت وهي معصبة
مايد : اسف ،، وبعدين لاتضيعين السالفة ليش عافسة الغرفة فوق تحت
سلامة : ها
مايد : ايييه ليش
سلامة : كنت ابا
بس قطع كلامهم صوت الباب يوم انطق
سلامة شوي وبتصيح : وين اروح
انطق الباب مرة ثانية
ماايد : اشششش ،، لحظة ،، سلامي دخلي في الكبت
دخلت سلامي الكبت وسار مايد وفتح الباب
ام حمدان : ساعة على ماتفتح الباب
مايد : السموحة منج امييه
ام حمدان : يالله بسرعة انزل الكل يترياك تحت
مايد : بس انا للحين ما بدلت
ام حمدان : بسرعة يلا جدامي انزل ولاتخلي ابوك يحرج عليك
مايد : بس
ام حمدان : لاتيلس تبسبس لي يلا جدامي وخذت يده ونزلوا تحت ويحليلها سلامة فوق في الكبت
الكل تعشى وعقب العشا اجتمعوا برى (يدو مصيفة ويدو غبيشة وابو حمدان وام حمدان وحمدان وميثا وام راشد ومايد وسعيد وهزاع وراشد وحسن وبوسعود ومطر وامون والريم وسارة وعواش ومنار وموزة )
مايد : انا بسير اسبح عن اذنكم
الكل : اذنك معاك
سار مايد يسبح
يدو (غبيشة) : وينها سلامة
ام حمدان : هي والله ماجفناها
سارة : يمكن راقدة لان قبل شوي تقول تعبانة
امون : يمكن
عواش قامت : يالله مع السلامة
امون : وين عواشي خلج يالسة معانا
بوحمدان : هيه باتي معانا هالليلة
عواش : تبا العيوز تذبحني
بوحمدان : هههههههههه انزين فديتج تريي اخوج مايد ايي عسب اوصلج
عواش : لاعمي احين بيي الدريول
بوحمدان : لاابويه ما عندنا بنات يسيرون مع الدريول في هالوقت
سيف : خلاص عمي انا بوصلها
بوحمدان : زين ما تسوي يالله عيل امون سيري لبسي عباتج عسب توصلون عواش
امون : ان شاء الله باباتي
سيف : انا في السيارة
حسن وبصوت خفيف : الله يخسك ياسيف روحت علي فرصة ماتتعوض آآخ
هزاع : لحقي يدوو ولد العوضوي استخف
الكل : هههههههههههههههههههههه
راشد : مو منك من الي مطيح جدام بيتهم اربع وعشرين ساعة
حسن : جب ياحمار احين شو الي يفكنا من السان العيايز
يدو (غبيشة) : منو العيوز عيز حيلك
الكل : هههههههههههههههههههههههه

امون شوي وبتموت من الفرح وسارت بسرعة ولبست عباتها وعقب سارت السيارة ووقفت عدالها محتارة وين تقعد جدام والا ورا
بس فتح سيف لها الباب وقعدت جدام
سيف : الشيخة وين بيتكم
عواش : روح سيدة لف يمين بعد يمين احين سيدة اخر بيت الي عند اللفة
سيف : العنابي
عواش : هيه
سيف : تفضلي اختييه
عواش : تسلم الشيخ وتصبحون على خير
سيف وامون : وانتي من اهله
شغل سيف المسجل
سيف : هاي الاغنية اهداء [/align]

عيضة
القوس قوسك
القوس قوسك والسهام سهامك ...
مالي على رمش(ن) تسله قوه ...
انا اسيرك واقف(ن) قدامك ...
واللي تبا تسويه فيه سوه ...

وثقت في قلبك وطيب انسامك ..
ماظن تظلم وانت فيك امروة ...
قلبي رهيف ولا يروم هيامك ...
توه تعلم كيف يعشق توه ...

قلب(ن) قطفته لا ترص احكامك ...
خفف على قلب(ن) حتمت بجوه ...
يفداك لكنه يشيل احلامك ...
ملكك ولا لي منه غير انخوه ...

بك زين من راسك يـ لين ابهامك ...
والليل ياخذ من صباحك ظوه ...
ما يحجب الويه الصبوح الثامك ...
طلتك دايم يالحلى محلوة ...

سيف : تعرفين اهداء لمنوو
هزت راسها امون بمعنى لا ماتدري

سيف : هذي الاغنية اهداء لمزيون شاغل فكري وهو ابيض وعيونه سود ووساع ورموشه طوال وحياته مقرونه وخشمه سلة سيف وجسمه الكل يتمناه هو طويل شوي ودليع واايد وعصبي واايد وحنوون واااااااااايد وصووته عذاااب واول مرة جفته كان لابس لابس جينز اسود وتنورة قصيرة حمرا فوقه وبدي اسود وفيه وردة حمرة وتحتها I love you وحاط جحال اسود وقلوس شفاف
وحاليا منزل راسه وخدوده صايرين حمر شرات الورد
امون بدلع : سيف بس عاد
سيف : آآآآه ياويل حالي عليج امون امون امون خبلتيني
ضحكت امون ضحكة خفيفة : هههه
سيف : يعلني افدا ضحكتج وانفاسج
امون استحت وتبا تغير الموضوع : احم احم سيف مو جنك طولت الطريج وهو واايد قصير
في بيت بوحمدان في الحديقة
يدو (مصيفة) : يالله انا بسير ارقد
يدو (غبيشة) : انا بعد
يدو (مصيفة) : سامحنا يا محمد (بوحمدان) بنثقل عليك هاليومين
قام بوحمدان وباس راس خالته : افا ياخالتي البيت بيتج انتي الداشة واحنا الطالعين
يدو (مصيفة) : يازين ماربيتي ياغبيشة
يدو (غبيشة) : تسلمين يااختييه
هزاع : بل توالفوا العيايز احين ولا باجر بكملون رمسة
يدو (مصيفة) : وين عصاتي عسب اكسر ظهر هالخام احين احنا عيايز والله العيوز مرتك وانت ريلها
الكل : هههههههههههه
هزاع : والله انا مرتي هب عيوز مرتي تاشر للقمر وهو يقوم وتقعد مكانه
الشباب : اوووووووووووووب
عاش المعرس
يدو (مصيفة) : في ذمتيييه بتطلع عيوز
هزاع : وفي ذمتييه بتطلع اصغر منج بمرتين ونص بعد
الكل : ههههههههههههههههه
بوحمدان وهو بموت من الضحك : خلج منه خالتي وسيري رقدي هذا السانه يلوت اذانه ،، هزاعوو اضحك احين لان وراك عقب انته وخمتك تنظيف الميلس
الكل : ههههههههههههههههههههههه
راشد : عمي للحين ما نسيت
بوحمدان : ولا بنسى
بوحمدان وام حمدان ويدو (مصيفة + غبيشة) : تصبحون على خير
الكل : وانتي من اهله
بوسعود : انا بسير السيارة دقيقة وبيي
سار بوسعود السيارة وفتح الهدية ولقى ساعة رجالية فخمة مع عطر تحطيييييييييم ومعاهم بطاقة وفتحها
:

تسمع من العالم احاديث ساعات
أبيك تسمعني مجرد ثواني ..
أبختصر وأقول لك بعض كلمات
يامن وجوده في حياتي اماني ..
ماهمني بالناس غير انت بالذات
لك في عيوني ياعيوني مكاني ..
أحــــــــــــبـــــــــــــك

من محبوبتك

خذ بوسعود تلفونه وطرش مسج لمنار (وانا اموت عليج) قرت منار المسج وارتبكت دقايق ويوصلها مسج ثاني بس هالمرة من مطر (شفيج اختييه شكلج مو طبيعية ؟؟ حد ضايقج ؟؟ تبينا نرد ؟؟ ) طرشت لمطر مسج (مافيني شي ومحد ضايقني بالعكس انا واايد مستانسة )
هزاع : شرايكم نلعب
راشد : بنتريا ميود وامون وسيف وعقب بنلعب
فوق في غرفة مايد طلع من الحمام ولف الفوطة على خصره وفتح الكبت بطلع من ثياب ولقى سلامة ودموعها تنزل على ويها
سلامة : خليتني بروحي
مايد : هههههههههههههههههههههههه
طلعت سلامة من الكبت ومشت
مايد وهو بموت من الضحك : لحظة سلامة تعالي فديتج والله نسيتج
ردت مرة ثانية سلامي ودزته وخذت الهدية من الكبت وطلعت وسارت غرفتها وتمت اتصيح من القهر
اما في بيت المنصوري
في غرفة حنين
حنين : يا ربيييييه والله حلوو بس مغازلجي بس حلو وربي الي في سماه حلوو اففففففف ابا ارقد باجر علي امتحان الله يسامحك ياسعيد سرقت النوم من عيني
في غرفة عواش
قفلت الباب وفتحت الورقة بتقراها
:

تحلا بعيني
يـا مشعـل القلـب تكفـي خفّـف شـويّـه
القلـب مـن كثـر صــدّك ويـلـي لْحـالـه
دامــه يحـبّـك ولا لـــه غـيــرك بْـغـيّـه
وش لــه تحـطّـه بدنـيـا الـهـمّ وتْـنـالـه
انـتـه حبيـبـي لقـلـبـي نـــوره وْضـيّــه
تحـلا بعينـي وقلبـي صِـرْت تـحـلا لــه
وانتـه ربيـع الخفـوق وْشمسـه وْفَيّـه
وان حبّ غيرك خفوقي باقطع وْصاله
ما اريد بك حَدٍّ وْلـو هـو كـان حوريّـه
إنـتـه مـهَـدّي الـغـرام وانــت زلـزالـه
للمـوت انـا لـك حبيـبـي صــورةٍ حـيّـه
ميّت بحبك وحبّك صِرْت انا اسعى لـه
يــا بــو عـيـونٍ مـثِـل عـيـن الدمانـيّـه
حــورا هَدَبْـهـا مـظـلّ ودعْـــج قـتّـالـه
كاسِـنّـك الحِـسْـن واوصـافـك خيالـيّـه
ومـن راد يوصـف جمالـك أيتهيّالــه

من راعي الفتك تريي اتصالي الساعة 12

حضنت عواش الورقة وتمت اتدرو في الغرفة <<<< استخفت البنت خخخخخخخخخخخ

عواش : اذا اتصل اشيله ولا لا يا وربييييييييه شسوي

توقعاااتكم ؟؟؟؟؟؟؟
__DEFINE_LIKE_SHARE__

نونو كيوت · 04-09-2009, 03:11 PM

ثانكس حبوبه البارت طرررررررررررر
وجاري الانتظار
حبوبه لاا تتأجرين علينا لو سمحتي __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تعرف غلاتك؟؟؟	غالية الثمن	الإستراحه العامة	9	09-18-2009 01:35 AM
يا غلاتك بقلبي...	بنوته كول وين ما تكون	قصص و روايات	12	03-11-2009 09:33 PM
قسم بالله (( ما تنزل ... غلاتك من شرااييني..}	شيطونة الـ ع ـين	هواتف , مسجات , وسائط , برامج , ثيمات , نغمات , بلوتوث	18	03-11-2009 06:48 PM
غلاتك بقلبي يا نصيب الغير...	بنوته كول وين ما تكون	قصص و روايات	6	03-10-2009 06:35 PM
غلاتك	••{ ظبية	الإستراحه العامة	13	07-13-2008 03:08 PM