غلاتك من غلا روحي - الصفحة 12

نونو كيوت · 03-16-2009, 08:59 PM

وين البارت ؟!؟! __DEFINE_LIKE_SHARE__

كليـ ـغلا · 03-19-2009, 08:10 PM

ويـــــــــــــــــــــن البارت ؟؟؟ __DEFINE_LIKE_SHARE__

الهمسه · 03-19-2009, 08:22 PM

مرحبا الساااع

شحالهم عربنا .. ربهم الا بخييير وعااافية

ما بطوول علييكم في الرمسة ووياكم الباارت

البارت العاشر
في بوظبي وبالتحديد في بيت بوراشد
سارة : يمه من الي بودينا العين
بس ام راشد ما ردت عليها لان سمعوا صوت ريال
مطر : هوود هوود
يدوو ( مصيفة ) : عدلي شيلتج بسرعة ،، اقرب ابويه اقرب
مطر : قريب ان شاء الله
ام راشد : شحالك فديتك
مطر : بخير ربي يعافيج خالتي ،، انتو شحالكم
يدوو : بخير
قامت ام راشد
مطر : جووف احين انا ياي عسب اجوف القمر يقوم يمشي عني خلاص انا بسير
ام راشد : الله يقطع سوالفك يا وليدي انا بسير اتصل في راشد عسب ايي ياخذنا ويودينا العين لان سيارة الدريول خراب مطر : افا انا هني وتتصلين لراشد
ام راشد : ما نبا نتعبك
مطر : تعبكم راحة يالغالية ،، متى تبون تسيرون
ام راشد : اذا ما عليك كلافة بعد نص ساعة
مطر : تم ما طلبتي يا ام راشد
وقام مطر باس راسها وراس يدو وظهر
( مطر يحب سارة وسارة تحبه وهو محيرها من سنتين يعني يوم كان عمرها 18 سنة والكل يدري ،، وعنده اخت وحده اسمها منار عمرها 18 سنة وهي ربيعة البنات (سارة+الريم+سلامة+موزة+امنه) )

في العين دار الزين وبالتحديد في بيت بوحمدان البنات زهبوا كل شي والكل تغدا
في الصالة بعد الغداء
يدووو : ريمووو متى بتي امج واختج ويدتج
الريم : والله ما ادري احين بتصل فيها
اتصلت الريم في اختها سارة
الريم : الوو
سارة : هلا بالي نستنا
الريم : فديتج والله انسى روحي ولا انساج

هزاع في قلبه (بسم الله على روحج يا بعد روحي)

سارة : تسلمين غناتي ،، شحالج
الريم : بخير ربي يعافيج انتي شحالج
سارة : والله بخير ناقصنا شوفتج
الريم : متى بتيوون
سارة : اليوم ان شاء الله
الريم : من بييبكم اذا سيارة الدريول خراب
سارة : مطر
الريم : واااااااايه يا حظج
سارة : هههههههه
الريم : توصلون بالسلامة ،، سلمي على امييه ويدووو
سارة : اوكيك باي
الريم : باي
سكرت الريم عن سارة ويدو طاحت فيها اسئلة من بييبهم ومتى بيون و.....
( تعرفون بعد العيايز وفضولهم )
امون : انا بسير غرفتي اتزهب بتيون
البنات : لا
امون : حراااااام بتخلوني بروحي
يدوو : خلي عنج الدلع وسيري لبسي ذيج الكندورة المخورة
الكل : ههههههههههههههههههههه
في غرفة امون
كانت يالسة بروحها (الكل كان تحت) ومحتارة شو تلبس لان اليوم بتييها ربيعتها عواش لكن قطع عليها حبل افكارها لما رن تلفونها
امون : مرحبا بأهل بوظبي
منار : مرحبتين
امون : بسم الله بلاه صوتج
منار على طول صاحت
امون : ويييييييه بلاج حبي شفيج من زعلج
منار : محد بس اليوم ذكرى حبنا انا وبوسعود ومستحيل اقدر اجوفه ،، امون وحشني وربي انه وحشني
امون :واااااااااايه فديتج لا تصيحين عورتي قلبي ،، انزين شرايج اليوم تيين العين
منار : ومن الي بوديني
امون : اليوم مطر بيي تعالي معاه
منار : حلفي ما خبرني
امون : والله العظيم
منار : خلاص بسكر عنج احين وبسير له
امون : اممممممممممممممم قبل ما تسيرين انتي شريتي له هدية
منار : اكييييد
امون : خلاص ييبيها معاج
منار : لييش
امون : منور بدون فضول انتي ييبيها ولاتنسين تلبسين احلى ما عندج لانج بتجوفينه
منار : وااااااااااااو حلفي
امون : خلج سولفي معاي عشان مطر ايي العين وبعدين قعدي صيحي
منار : انزين باي
امون : باي
سارت منار لمطر وتأكدت من الخبر الحلووو واستأذنت من امها وابوها على انها بتسير العين وطبعا وافقوا ،، سارت واتصلت لبوسعود
منار : الووو
بوسعود : هلا بهالصوت هلا والله هلا وغلا هلا بعيوني وروحي وعمري كله انتي
استحت منار ويالله طلع صوتها : هلا فيك
بوسعود : فديت الي يستحون انا
منار : تفدتك العافية ،، بوسعود اليووم بيي العين
بوسعود : حلفي
منار : والله
بوسعود : لحظة منور لحظة
بوسعود كان في الشارع ووقف على صوب وطول على الاغاني ونزل وقام ايوول وثواني وربعه جافوه ووقفوا يمه ونزلوا ايولون ومنار يحليلها تترياه ايي على التفلون بس من سمعت الربشة عرفت ان اكيد سوى حركة من حركاته المخبل وسكرت عنه وسارت تتلبس

(بوسعود اسمه مشعل بس الكل يناديه بوسعود وهو يموت على التراب الي تمشي عليه منار ،، وهو يحبها من سنتين ،، ساكن في العين وهو ربيع وراشد وهزاع وسعيد وسيف ولكن مايد ربيعه اكثر وحتى مع امون وام حمدان عادي)
عقب الربشة الي سواها بوسعود ركب سيارته وسار بيت بوحمدان
في بيت بوحمدان
رن تلفون مايد
مايد : مرحبا مرحبا
بوسعود : مرحبتين بالقمر
مايد : شحالك
بوسعود : بخير ،، وقوم افتح لي الباب انا يمه
مايد : اوك باي
سار مايد وفتح الباب لبوسعود
مايد : يامرحبا الساع
بوسعود : مرحبتين كبار
وتخاشموا
بوسعود : ميود بارك لي
مايد : مبروووووووك خطبت منار
بوسعود : آآآآآآآه ياريت
مايد : ياويل حالي ثره الريال رايح فيها
بوسعود : هيه والله رايح فيها عدل
مايد وبوسعوود : ههههههههههه
بوسعود : ميووووود بتي العين اليوم
مايد : هيه مع اخوها مطر
بوسعود : ما ادري مع منو بتيي المهم انها بتيي وبس
في غرفة امون
تلبست امون واتصلت في محل كيك ووصته يسوي لها كيكة ( بوصفها لكم احم احم خخخخ ،، حجمها صغير وعلى كافي ومرسوم عليها قلب احمر ومكتوب داخله تاريخ 5/5/2008 ذكرى حبهم )
وبعدين اتصلت في محل الورد ووصته على باقة حمرا ،، وطلعت شموع توها ماخذتهم من دبي لونهم احمر وخلتهم على صوب وعقب نزلت تحت
سيف : مرحبا بالشيوخ (امون كانت لابسة كندورة مخورة سودا وحمرا ولابسة بعد شيلة سودا فيها في الزاوية فصوص حمر وحاطة جحال وقلوس شفاف)
راشد : هلا والله بالقمر
يدوو : محلا هالطول يعلني افداه
امون : وييييييييه وجان استحي
الكل : ههههههههههههههه
يدوو : تعالي يلسي يمي فديتج
سلامة : كل هذا عشان الكندورة
الريم : عيل احنا بعد بنقوم بنلبس شراتها دام هالترحيب كله بصير لنا
سيف : حبيبتي لا تتفائلين واايد هالترحيب بس حق الشيوخ والا انتي لو لبستي كنادير البدو كلهن ما بتلقين هالترحيب
الكل : ههههههههههههههههه
سارت امون المطبخ ولحقها سيف
سيف : شهالحلاة
امون بدلع : سيف عاد
سيف : واااااايه محلا الدلع لا ياه منج
استحت امون ونزلت راسها : .........
بس قطع هاللحظة للاسف بوسعود وهو داخل المطبخ
بوسعود : مرحبا بالمزايين
امون : هلا والله ،، شحالك بوسعود وشحال قلبك
بوسعود : لا انا بخير ولا قلبي بخير
انقهر سيف من تصرف امون وطلع من المطبخ معصب حده
لاحظت امون هالشي على سيف بس قالت بتراضيه بعدين
امون : افاا ليش
بوسعود : ابا اجوفها امون وحشتني
امون : ولا يهمك انا مسوية لك مفاجأة متأكدة بتعجبك
بوسعود : ادري ان منار بتيي
امون : لا غيرها
بوسعود : شووو
امون : اسمع انت مو تبا تشوفها
بوسعود : هيه
امون : بس خلاص بتجوفها ،، انزين بسألك شريت لها هدية
بوسعود : اكييد بس انتي شدراج ان اليوم ذكرى حبنا
امون : نسيت اني بنت الخيلي
بوسعود : يعلني افدا قوم الخيلي كلهم
امون : ههههههههه كل هالحب عشان تشوف منار
بوسعود : افا افا بذمتج انا مو
بس امون قاطعته لان وصلها مسج
امون : انزين بس امزح معاك
المسج : امون ياحمارة وينج صار لي ساعة في الصالة مرة ثانية ما بيي
المرسل : عواشي
امون : ههههههههههههه
بوسعود : شفيج من منو المسج
امون : لا تخاف مو من عند منار ،، يالله بسير لان ربيعتي يات
بوسعود اوك

دخلت امون الصالة وسلمت على عواش
امون : يالله بنات بنسير غرفتي
يدوو : سارت روحج قعدوا معاي شوي
البنات : ههههههههههههههه
يدوو : عايشة فديتج تعالي يلسي يمي
عواش : ان شاء الله يدوو
يدوو : جوفي هاي الرمسة العدلة
((ملاحظة : ترى الشباب ساروا الميلس وبوحمدان وام حمدان راقدين يعني في الصالة بس البنات ويدوو))
سلامة : عواش ليش ما يات اختج حنين
عواش : لان عليها امتحان باجر
سلامة : اها الله يوفقها
في الميلس
(مايد+سعيد+هزاع+راشد+سيف+حسن+بوسعود)
بوسعود : لا تحاول تغلبني
مايد : مصدق روحك تباني انا اخسر ما عاش ولا بعيش الي يفوز علي
بوسعود : ههههههههاااااااااااااااااااي
حسن : ميوود يدوو هني >>>>>>>> العيارة وماتسوي يبا يجووف عواش وقال يبا يسلم على يدوو خخخخخخخ
مايد : هيييه
حسن : ابا اسلم عليها
مايد : سعيد سير معاه ليدوو انا يالس العب
حسن في قلبه (اووووف يعني لازم يروح معاي بوعين زايغة)
سعيد : حسوون اجوف مو عاجبك اسير معاك
حسن : يالخام احين انا شو قلت
سعيد : ماقلت شي بس ويهك يبين
الشباب : هههههههه
سار سعيد مع حسن ليدو
سعيد : تريا عند باب الصالة
وكان سعيد بدش
حسن : انزين يمكن في بنات دق الباب
سعيد : حتى لو في بنات عمي
حسن : لااقصد يمكن ربيعات بنات عمك هني
سعيد : وانت شدراك
حسن : انا قلت يمكن
سعيد : انزين لاتعور راسنا
ودق سعيد الباب
امون : منووووو
سعيد : انا ،، ادخل
امون : لا بنات هني ،، شو تبا
سعيد : ربيعي يبا يسلم على يدوو
يدوو : دش ابويه انت وربيعك وانتوا لبسوا شيلكم عدل
الريم بصوت خفيف : بلاها يدوو خرفت
موزة بصوت خفيف : سكتي ياحمارة لاتسمعج وتسويلج سالفة
البنات : ههههههههه
دخل سعيد ومعاه حسن
عواش كأنه حد صب عليها ماي بارد وحسن مات من الفرحة وخاصة ان حبيبة قلبه يم يدوو يعني بجوفها عدل وسعيد استح من نفسه عن الي سواه معاهم بالموول
يدوو : اقرب ابووويه اقرب
حسن : قريب يدو
سار حسن يم يدوو وكانت بتقوم تسلم عليه
حسن : يلسي يدوو حرام ماتقومين
ونزل حسن وباس يدوو فوق راسها فصار ويها جريب من ويه عواش وغمز لها بعينه ،، عووش بسرعة نزلت راسها واستوى ويها طماطة
وقامت من مكانها
يدوو : وين بتسيرين عواش
عواش : المطبخ بشرب ماي
حسن : يبيلي معاج اذا ما عليج امر
عواش : ان شاء الله
سارت عواش تشرب ماي وتحس روحها ميتة من الفرح بس ماتدري ليش وخذت كوب ماي ودخلت الصالة الا حسن يالس مكانها ويضحك يعني مرتاح عالآخر لكن من جافها سكت وتم مبهت فيها ،، يت عووش وعطته الماي
عواش : تفضل
بس حسن تعمد وهو ياخذ الكوب انه يلمس ايدها بس الحمد لله محد لاحظ هالشي وطبعاً ويه عووش الي استوى طماطة وبغت تموت <<<<< الصراحة من حقها
حسن : مشكووووورة الشيخة تعبناج معانا
عواش بصوت يشبه الهمس : تعبك راحة
حسن : صج
عواش استوى ويها طماطة مرة ثانية ولعنت لسانها مليون مرة لان هذي ثاني مرة خونها
يدوو : يلسي بنيتي بلاج وقفة
عواش: اترياه يكمل شرب عسب اودي الكوب مرة وحده
يدوو رفعت يدها فوق للسماء : فديت السنع انا ،، عساج ياعواش تكونين نصيب واحد من عيال عيالي
بس حسن من سمع الدعاء غص : كح كح كح
يدوو : صحة صحة
حسن : على قلبج
( وعطى عووش الكوب وسارت عووش المطبخ )
في المطبخ
عوش كانت تغسل الكوب ودخل عليها حسن وهي ما تدري ،، بس حسن فضل انه يسكت وما يخليها اتحس بوجوده ويستغل الفرصة ويجوف نظر عينه بس دقايق وعواش لفت
عواش : بسم الله الرحمن الرحيم
حسن : ليش جايفة وحش
عواش ضحكت على تعليقة ضحكه خفيفة
عواش : السموحة مو قصدي ،، تبا شي
حسن : هيه اباج تغسلين كندورتي محل ما تلعوزت
عواش : شوووو اتخسي
حسن بنظرة كلها حنان خلت عواش تذووب : افا افا
وقرب يمها شوي
عواش : اذا قربت زود بصرخ وبخلي الكل ايي
بس حسن ما اهتم لرمستها وقرب منها زود وهمس لها فاذنها : في شي في شنطتج اذا رديتي البيت اقريه
وغمز لها مرة ثانية وطلع
عواش حست الفضول بيذبحها شو الي حطه لها في شنطتها بس قالت ما بخبر حد لين ما اوصل البيت واجوف شو حط لي
في الصالة
رن تلفون امون
امون : مرحبا
منار : مرحبتين ،، امون جريب بنوصل اذا وصلنا بسوي لج مسكوول وطلعي لي برا
امون : من عيوني بس هذا رقم منوو
منار : رقم مطر
امون : اهاا اوك باي حبي
منار : باي
قامت امون وخذت معاها بعض الاغراض بس بدون ما حد يحس او يجوفها وطلعت برا وسارت للستور الي في الحديقة ودخلت الستور وكان فيه طاولة على صوب ومعاها كرسيين نظفتهم وحطت على الطاولة قطعة شيفون حمرا والشموع ورن تلفونها فطلعت ويابت الكيك وباقة الورد ،، حطت الكيكة الطاولة وفتحت باقة الورد ونثرت الورود على الطاولة ويمها وحطت كوبين من العصير وصحنين وبخرت المكان وشغلت الايسي وطلعت وسارت الميلس وطقت الباب

مايد : اقرب مطر
بوسعود حس روحه بموت واخيرا حبيبته واهو في بيت واحد بس يحليله قطع عليه افكاره يوم سمع الصوت الناعم
امون : مايد تعال شوي
طلع مايد ولوى على اخته وباسها فوق راسها
مايد : آمري فديتج
امون : ميودي ازقر بوسعود اباه في رمسه
مايد : مايصير اسمع الرمسه انا
امون : اكيد يصير تسمعه اذا الشيخ مايد مايسمع الي يبي منو يسمع
مايد وامون : هههههههههههههههههههه
مايد : لافديتج انا بدخل اكمل لعب وماابا اسمع شي ،، سيري يم النخلة الي هناك وانا بخلييه اييج
باست امون مايد على خده : ثاانكس حبي
دخل مايد
مايد : بوسعود امون تبيك
بوسعود : اوك وينها
مايد : يم النخلة واقفة تترياك
سار بوسعود لامون
امون : بوسعود ما بطول معاك وين الهدية
بوسعود : شوووووووووو اونه بتخليني اجوفها واحين ييب الهدية
امون : هههههههههههههههه ياحمار بتجوفها بس ان بحط الهدية مكان ما بتجوفها
بوسعود : واذا حد جافها شو بتسوين ،، بتحطين منار في موقف مع اخوها وبيتهم وانا في موقف لاني خنت ربيعي ورمست اخته
امون : بــــــــــــــس كليتني محد بجوفها
سار بوسعود سيارته وياب الهدية وعطاها امون
امون بدلع : اصير افتحها
بوسعود يقلد عليها : عشان اقص ايدج
امون : ياحمار امزح معاك ولاتخاف بعدين منار بتراويني اياها (وطلعت لها السانها وسارت)
بوسعود ضحك عليها وكان بيدخل الميلس بس امون ركضت مرة ثانية وزقرته
امون : بسعووووووود
بوسعود : لبيه
امون : امممممممممممم بوسعود مو عارفة شقولك
بوسعود : بلاج امون فيج شي محتاجة شي
امون : لاسلامة قلبك بس
بوسعود : بس شوووو
امون : امممممممم تذكر امساعة يوم كنت اسولف معاك في المطبخ
بوسعود : هيه
امون : حسيت يوم دخل علينا سيف استنكر الموضوع ،، بس اذا ممكن توضح له
بوسعود : ها اموون اجوف قلبج بدى يميل
امون : مشعلوو يوز عني لابدى يميل ولا شي بس انا ما احب احد ياخذ ني فكرة خطأ
بوسعود : انزين من عيوني بحاول اوضح له
امون : بس لاتخبره اني انا الي طلبت منك
بوسعود : ليش يعني ؟؟؟؟؟؟ ههههههههههه
امون : لاتطول السالفة وهي قصيرة لاتخبره وبس والا تدري بس ما اباك ترمسه اصلاً
بوسعود : عنبوو بلاج زعلتي امزح معاج ،، كل شي ولا الغالية ربيعة الغالية اخت الغالي
اموون : ثاكنس فديتك
بوسعود : لوتسمعج منار احين بتدوس في بطني وبطنج
اموون : لا حرام عليك والله منوور تغار من العالم كله الا مني ما تغار
بوسعود : تصدقين حتى انا استغرب يعني تغار حتى من امييه وانتي ما تغار منج ،، بتخبرج شمسوية حق حبيبتي اخاف ساحرتها
امون : اييه ساحرتي بجمالي واسلوبي
بوسعود : واايد مصدقة روحج انتي
امون : يحق لي صح والا انا غلطانة دامني من قوم بالخيل
بوسعود : يحق لج يحق لج لاتاكلينا بس
امون : خخخخخخخ سخيف حدك يالله انا بسير ربيعتي داخل وانا هني معاك
بوسعود : يحق لج توقفين معاي ،، يحق لج والا لا
اموون : اكيد يحق لي دامك ربيع الغالي
بوسعود : أي غالي حددي موقفج سيف والا مايد
ضربته امون على خفيف على جتفه وسارت داخل
في الميلس
سيف كان يلعب في تلفونه ومعصب حده على امون ويا بوسعود وقعد يمه
بوسعود بصوت خفيف : اممممممم بلاك
طالعة سيف بنظره وكمل لعبه : ماشي
بوسعود : حسيت انك متضايق من ساعة ما جفتيني واقف مع اموون
سيف : لييش منو انا عسب اتضايق
بوسعود : سيف لاتقول جي ،، اممممممم بس حبيت اقولك ان انا وامون مثل الاخوان وانت جفت بعينك ان محد علق يوم دخل مايد وقال ان امون تباني صح او لا
سيف : ......... (لاتعليق)
بوسعود : بوالشباب ها للحين متضايق والا خلاص
سيف ما رد علييه
سيف : خلاص
بوسعود : هاا اجووف الغيرة بدت تلعب دورها فيك
سيف : عن السخافة الزايدة وخوز عني
سيف وبوسعود : هههههههههههههههههه
هزاع : بلاكم تتصاصرون ضحكونا معاكم
سعيد : ضحكوا بلا ضروس على قولة يدوو
الكل : هههههههههههاههي
راشد : ما اتخيل سيف وبوسعود ما فيهم ولا ضرس
الكل : ههههههههههههههههههاااي
سيف : مو جنهم يتمسخرون علينا ،، بوسعود عطني غرشة الماي
وتموا الشباب يلعبون بالماي ولاجنهم يالسين في الميلس وماسمعوا الاذان يوم اذن ،، وهم يلعبون ويتحاذفون بالمخاد وهذا غير الفوالة الي كلها على الارض من مكسرات وغيره ،، دخل بوحمدان عليهم ولقا حالتهم جي ولما جافوا الكل وقف مكانه خاييفين من ردة فعله
بوحمدان ما كان يبا يضحك بس يوم جاف وييووهم غصب ابتسم ،، وطبعا من جافوا ابتسم الكل تم يضحك
بوحمدان : اول شي انتوا ما صليتوا ويالسين تلعبون شرات اليهال
الكل : هههههههههههههههههههه
بوحمدان : اول شي الكل يسير اصلي والليلة ما بتنامون الا اول منظفين الميلس كامل ومحد يساعدكم
هزاع : عمي عيل شو فايدة البشاكير الي مقعدين في البيت
بوحمدان : ولك ويه ترمس يامسود الويه
الكل : ههههههههههههههههههه
وهم قاعدين يضحكون دخلت سيارة البيت فالكل التف لها وكان مطر ،، نزلت من السيارة يدوو وسارة وام راشد ومنار وطبعا مطر
بوسعود بغا يستخف يوم جافها وماخوز عينه من عليها لكن يحليلها منار ما تروم ترفع عينها ومطر موجود
مايد بصوت يالله ينسمع : بوسعود خف عالبنية شوي تراها ذابت من نظراتك

بوحمدان : يامرحبا الساع
مطر : يامرحبابك
بوحمدان وباقي الشباب ساروا وسلموا على يدو (مصيفة) وام راشد وفي هالوقت طلعت امون برع
امون : مرحبا باهل بوظبي
الكل : يامرحبابج
هزاع : احين انتوا هل بوظبي عسب تردون كلكم
الكل : هههههههههه
سارت امون وسلمت على سارة ويدوو ومنار وام راشد وخذتهم داخل
بوحمدان : سيف ابويه سير ازقر البشكارة عسب تاخذ الشنط من السيارة
سيف : فالك طيب عمي
بوحمدان : فالك ما يخييب
دخلوا الشباب الميلس وسار سيف المطبخ ويلس على الكرسي يتريا البشكارة اتيي وكان يشرب ماي ثواني وامون دخلت عليه
امون : السلام
بس سيف مارد عليها عصبت امون عليه وخذت كوب ماي وطلعت
عند البنات فوق
سلامة : ياحيا الله منوور وحشتينا
منار : الله يحييج ويبقيج حبيبتي
موزة : عواش بلاج ساكتة
عواش : ها لا ولا شي
منار : وينها امون اختفت
امون : انا ييت
منار : امون بسج حلا
امون : ويييه وجان استحي ،، منوور تعالي غرفتي فصخي عباتج
منار : لامايحتاي لان شوي وبنسير
سلامة : خخخخخخ ضحكتيني ومنو بخليج تسيرين ،، فديتج انتو بتباتون اهني اليوم
منار : ولا في الاحلام اصلاً مايبنا لنا ثياب انا ومطر
امون : انزين اتصلي في مطر وسأليه بتباتون هني والا بتردون
منار : اوك
اتصلت منار لمطر
منار : الووو
مطر : هلا والله شو تبين
منار : حشا شوي شوي علي
مطر : خلصيني شتبين
منار : كنت بسألك بنبات اهني والا لا
مطر : لابنرد بوظبي ما بنبات اهني ولا شي
سمع بوحمدان رمسة مطر ولزم عليه ان يباتون اليوم هني وباجر بعد الغدا يسيرون فخبر مطر منور بهالموضووع
منار : يااااااااي بنبات هني
عواش : ياحظج
موزة : انتي بعد بيتي معانا
عواش : ولا في الاحلام يدوو ترضى وبعدين مايصير اخلي حنين ويدو بروحهم في البيت اصلاً انا شوي وبمشي
امون : شوووووو تمشين لا ابويه تتعشين عقب تمشين
عواش : حلفي بس
امون : والله العظيم
امون : يالله منوور تعالي فصخي عباتج وبعطيج شيلة من عندي تلبسينها
ساروا امون ومنار غرفة امون
امون : يودي الشيلة وبسرعة عطيني الهدية
منار : لييييييييش ما بجووفه ،، انتي وعدتيني اجوفه (منوور شوي وبتصيح)
امون : واايه فديت دموعج لاتصيحين ،، بتجوفينه بس بخلي الهدية مكان ما بتجوفينه
عطت منور امون الهدية وعقب منار سارت للبنات وامون سارت الستور وتاكدت ان كل شي اوك وبعدين سارت الصالة وزقرت امها
ام حمدان مع امنه على صوب
ام حمدان : شوتبين
امنه : امييه اطرش الشباب يشترون عشا
ام حمدان : هيه فديتج ،، ونزلي انتي مع البنات زهبوا الاكل الي مسويينه
امنه : ان شاء الله مامي
باست امون امها فوق راسها وكانت بتتصل لمايد بس جافت مسج واصلها
المسج :

يحسبني يوم سلم ماسمعته
سامعنه بس بتغلى عليه
قلت أثقل بس ثقلي ما استطعته وابتسمت وجيت لمعانق ايديه
يحسب إني يو مارديت بعته
مادرى بكل عمري مشتريه
والصراحه يوم سلم ماسمعته
كنت افكر كيف أنا اسلم عليه

راعي الرنج السودا
المرسل : 36............

امون على طول فكرت ويا في بالها سيف ابتسمت وباست الشاشة وقالت بتعرف بطريقتها ،، اتصلت امون في مايد
امون : الوو ميوود
مايد : هلا والله
امون : ميود سير انت والشباب يبوا عشا
مايد : فالج طيب اختييه
امون : فالك ما يخيب
مايد : تامرين على شي ثاني
امون : سلامة قلبك بس لا يسير بوسعود معاكم
مايد : انت شسالفتج معاه اليوم
امون : هههههههههههههههههههههه
مايد : لحظة اليوم تاريخ جم
امون : 5/5
مايد : اوووووووووه صح خبرني قبل شوي ،، انزين على شو ناوية يا ابليس
امون : يحليلي انا بليس ،، بخبرك بعدين على شو ناوية بس انت سو الي قلت لك عليه وبس اييه ولا تنسى اذا جريب بتوصلون البيت طق لي مسكول ضروري مو تنسى ترى اذا نسيت بتصير مصيبة
سكر مايد عن امون
مايد : شباب يالله نسير نشتري عشا
الشباب : يالله
مايد سار يم بوسعود وخبره انه ما يسير معاهم
هزاع : بوسعود يا الله قوم بلاك يالس
بوسعود : انا ما بسير تعبان
بوحمدان : تستاهل يامشعل وهالخراب الي مسويينه في الميلس بتنظفونه يعني بتنظفونه
الكل : ههههههههههههههههههه
مطر : زين تسوي فيهم عمي
هزاع : يوز عنا ها لا افرك في المسبح
الكل : ههههههههههههههههه
مطر : ما اروم على المحترين
هزاع : انا احتر منك هههههااي
مطر : جفتني كاشخ تبا تخرب كشختي اعرفك حقووود
الكل : ههههههههههههههههههههه
بوحمدان : عن اذنك يا ولدي بسير ايلس مع امي وخالتي وتراك هب غريب
بوسعود : الله وياك عمي
في المطبخ
البنات عافسينه فوق تحت اونه بزهبون العشا
امون : منار اباج تسوين لي شغلة تعالي
سارت امون مع منار الستور
منار : يمه امون وين بتويديني
امون : جب ياحمارة لا احد يسمعج وتسوين لي سالفة
دخلت امون ومنار الستور
منار : وااااااااااو حلوو من سواه
امون : انا سويته
باست منار امون ولوت عليها
منار : الله لايحرمني منج
امون : ولا منج
شغلت امون موسيقى كلاسيك واتصلت في بوسعود وخبرته انه ايي الستور وان اذا سوت له مسكول بسرعة يطلع
في الستور
منور يالسة على اعصابها وتحس روحها متوترة حدها ،، ثواني ودخل بوسعود
بوسعود : مساء الحب
منار : مساء النور
بوسعود : وحشتيني
منار : انت اكثر
حرك بوسعود الكرسي لمنار وقعدت وهو قعد
بوسعود : كل ما لج اتصيرين احلى
استحت منار ونزلت راسها : ......
بوسعود : احبج
اهني منار حست روحها بتذووب خلاص
بوسعود : غايتي اسمعها منج
منار : احبك
بوسعود : آآآآآآآه ياقلبي محلا هالكلمة عيديها
منار بدلع : مشعل
بوسعود : ياعيون مشعل يا روح مشعل امري تدللي
منار : سلامتك قلبك
بوسعود : مادريت ان اسمي جي حلووو
ضحكت منار ضحكة خفيفة
بوسعود : فديت هالضحكة عساها دووم
طالعة منار بوسعود بنظرة كلها حنان : بوسعود ااوعدني انك ما تخليني
بوسعود : اخلي روحي ولا اخليج
منار : اوعدني
مسك بوسعود ايديها وباسها
بوسعود : اوعدج اني ما اخليج
منار طبعا يوم مسك ايديها حالتها صارت حالة وياها الم في بطنها وويها انقلب طماطة وحتى يدها استوت حارة

بوسعود ضحك على خفيف وهد يدها
بوسعود : يا ويل حالي على الي يستحون قطع بوسعود الكيك وحط قطعة في صحنه وقطعه في صحنها
بوسعود : جوفي القطعة الي في صحني انا بأكلج اياها والي في صحنج انتي بتأكليني اياها
منار بدلع : لا
بوسعود : افا ترفضين لي طلب واليوم احلى يوم بالنسبة لنا
رضت منور بالامر الواقع ويلست اتأكله وهو يأكلها ،، خلصوا اكل الكيك
بوسعود : ابا اشرب من عصيرج
منار : انزين نفس العصير
بوسعود : بس انا ابا اشرب من الي يمج
عطته العصير وشرب منه وقام من كرسيه ويلس تحت ريلها وشربها من نفس العصير ،، وعقب طلعت منار الهدية وعطته اياه
بوسعود : ثانكيووو حبي
منار : ولكموو قلبي
بوسعود : بس هديتج بفتح جزء منها احين وبلبسج اياه
منار : .........
فتح بوسعود الهدية وطلع منها سلسة ناعمة فيها قلب وموجود عليها حرفة m(منار) من جدام وورا حرف m (مشعل) بس فجأة رن تلفونه وقطع عليهم اللحظة الرومانسية بس سعود ما عليه من التلفون ولبس منار السلسة وباسها فوق راسها

توقعاتكم
شو حط حسن في شنطة عواش ؟؟
ومن الي طرش مسج لامون ؟؟
وسلامة للحين ماخذت الهدية شقايل بتاخذها ؟؟
ومطر بعرف بالي صار بين منار ومشعل ؟؟
واذا عرف شبسوي ؟؟
ومن الممكن ان تدخل امون في مشكلة بسبب منار وومشعل ؟؟؟
ومن الي اتصل لمشعل ؟؟؟

تريووني في البارت الياي
__DEFINE_LIKE_SHARE__

كليـ ـغلا · 03-19-2009, 08:57 PM

يسلموو ع البارت ..

ننتظر البارت الياي لا تبطين علينا .. __DEFINE_LIKE_SHARE__

رحلت عن بلادي · 03-20-2009, 01:57 AM

السلااام علييج ..
ابصرااحهـ الباارت طرر تسلم يمنااج ..

و لج التوقعاات::-

شو حط حسن في شنطة عواش ؟؟

اممممممممممممم يمكن هدية ..

ومن الي طرش مسج لامون ؟؟

سيييييييييييف ..

وسلامة للحين ماخذت الهدية شقايل بتاخذها ؟؟

اممممم يمكن هي تدخل و اتيبها و لا اتخلي امون اتيبها ..

ومطر بعرف بالي صار بين منار و مشعل ؟؟

اممممممممممم يمكن يشووفهم ..

واذا عرف شبسوي ؟؟

بيعصب و بعديين مشعل بيفهمه الموضووع و مطر بيهدا و بيفهم الموضوع ..

ومن الممكن ان تدخل امون في مشكلة بسبب منار وومشعل ؟؟؟

اممممممممممم يمكن بس بعديين بتظهر منهاا ..

ومن الي اتصل لمشعل ؟؟؟

امووووووووووووون ..

فــ انتظاار البااارت الياااي ..

يسلمو ع الباارت الحلو ..

السمووحهـ .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كيف تعرف غلاتك؟؟؟	غالية الثمن	الإستراحه العامة	9	09-18-2009 01:35 AM
يا غلاتك بقلبي...	بنوته كول وين ما تكون	قصص و روايات	12	03-11-2009 09:33 PM
قسم بالله (( ما تنزل ... غلاتك من شرااييني..}	شيطونة الـ ع ـين	هواتف , مسجات , وسائط , برامج , ثيمات , نغمات , بلوتوث	18	03-11-2009 06:48 PM
غلاتك بقلبي يا نصيب الغير...	بنوته كول وين ما تكون	قصص و روايات	6	03-10-2009 06:35 PM
غلاتك	••{ ظبية	الإستراحه العامة	13	07-13-2008 03:08 PM