رحلة الى ربيع حائل 1430هـ ...................حامد الحنيني

محروم.كوم · #1 08-30-2011, 02:50 PM

السلام عليكم ورحمة الله وبركاته

صباح الخير للجميع

اول بدايه احب ان اهنئكم بعيد الفطر المبارك
وكل عام وانتم بخير
وأسأل الله ان يتقبل منا صيام رمضان وقيامه انه مجيب الدعاء
هذا اول موضوع لي في هاذي الخيمه
و عسى ان يحوز على رضاكم واستحسانكم

كانت هذه الرحله عام 1430هـ لربيع حائل وكانت
الرحله بعد ربط الطيور يعني الجو كان معتدل
وممتاز جدا والامطار في هذه السنه طيبه جدا ولله الحمد
والارض تشرح النفس وجنا خبر ربيع حائل
قررنا الذهاب من القصيم سيارتين وعدد اعضاء الرحله
اربع اشخاص فقط لاكن من الرفقه اللي يتمناها كل رجال ولله الحمد
ومدة الرحله اربعة ايام .. لا اطيل عليكم والصور تعوض عن الكلام
متابعه ممتعه .

فطور الصباح كان بسميراء تبعد عن منطقتنا تقريبا 110 كيلو
لقينا ارض بها عشب قلنا فطور اول يوم فيها

وصوره اخرى وطبعا الربع يفطرون وانا اصور

وبعد الفطور حركنا لأكمال الرحله لاكن والله ناسي خط الرحله
لاكن والله اعلم مرينا على الغزاله والوهيبيه وهكالديار
وواصلنا الرحله حتى (ريع المغني) ما ادري وين مكانه لاكن بالقارمن
طلع الاسم
المهم نكمل الرحله وصلنا هالشعيب توه سايل قلنا الغداء فيه خل نتمشى
الى وقت الغداء وندور لنا طلحه

ياسلام الارض معشبه والسيل توه غاسلها

وصورة الهدد بالشغيه

ماشاء الله تبارك الرحمن
هاذي هديه للمكشاتيين

الارض طيبه بالحيل

اخذت جوله بالموقع والارض من نظفها مايحتاج بساط
توسد يدك وانسدح ...... وهذا اللي سواه الذيب متمدد

وصوره للمسيل اخضر ماشاء الله باين العشب الله يعيدله السيل

بدأت بشائر الخير والبركه ........... ابشرو بالحليب

الله الله الله طلع بناخي ويقول له شهرين ماعلفها مرتعه بهالربيع
ياسلام سلم

وكمان صوره

الرجال ماقصر عزمنا ولزم علينا بالعزيمه
يالله تخلصنا منه بيض الله وجهه قلنا حنى ناس طرقيه
وان حصل بالرجعه وقت مرينا واشوى قال اللي يريحكم
غدينا بالشعيب ونزلنا العزبه والتويس رابطينه
قال واحد من الربع وشرايك تطلق التيس خله يفلي تراه من الصبح ماذاق شئ
وانتبهله وحنى نبي نضبط الغداء والتيس اخذينه من عرب الصبح

ويوم فكيت التيس وهو يملى فمه من العشب وينصى الضلع يمشي مليون الماخوذ متعود على الضلعان
وانا مابين اصدق واكذب وانا اطلق رجلي للريح واقرط النعول وطردي حده لاتحده والربع
شيبان مافيهم اللي فزع كلن يقول عندك عندك واحدحده عن الضلع وهو يعقبني وركب الضلع يالليل ما اطولك المهم وانا التقط انفاسي والحقه واطرحه يوم بغيت انزل الى رجلي
كلها حسك حسبي الله ونعم الوكيل عقل الله وهاذي صورة المتهم وراك ابونادر يحد السكين اعذبه مثل ماعذبني .

بعد الغداء قال ابو نادر انا معي احداثية موقع معطينيها واحد يقول الموقع طيب
وشرايكم مانمسي الى فيه قلنا شورك وهداية الله عليه
وصلنا وقت الغياب ونزلنا العزبه والاسير لهالحين اطلع الحسك ...
وقمرى نص الشهر مكان مايبي مدح شئ شئ شئ...

سم بسم الله اذبح التويس وعلقه عاد هذا تخصص ابو نادر يرفض المساعده
والله يسلم هالايدين يارب

بدى الصلخ وابونادر يقول هاه رضيت
واقول لا لين اذوق لحمته واشرب مرقته

اقووول ابو نادر كني رضيت

وبدى الطبخ والنفخ الكاتم على البريمس
وانا عند الشويه

وبعد هالعشاء الدسم قلنا نبي نذوق ضبان الديره
لو هالضب مشرف على حصاه شبعان من النعمه قلت ناولني الخرازه
خلني اجرب الرمي فيه وجابه الله ماشاء الله علي بواردي

المهم ماكثرنا اربع ضبان على قدنا وكملنا الرحله ........
منظر من الاعلى وقدامنا ارض منبسطه

يتبع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تهنئة بالعيد وصوره مع سؤال .....................حامد الحنيني	محروم.كوم	منتدى أخبار المواقع والمنتديات العربية والأجنبية	0	08-27-2011 10:22 AM
قصة داب ذريع مابين الحقيقه والخيال.............. حامد الحنيني	محروم.كوم	منتدى أخبار المواقع والمنتديات العربية والأجنبية	0	08-25-2011 01:20 PM
من مقانيص الحنيني حامد الحنيني	محروم.كوم	منتدى أخبار المواقع والمنتديات العربية والأجنبية	0	08-20-2011 01:40 PM
مقناص 1431 هـ (جديد الحنيني) الجزء الثاني ........... حامد الحنيني	محروم.كوم	منتدى أخبار المواقع والمنتديات العربية والأجنبية	0	08-10-2011 09:40 AM
صورتين تبشر بسنت ربيع أن شاء الله علا حائل 10\11\1430هـ	محروم.كوم	منتدى أخبار المواقع والمنتديات العربية والأجنبية	0	10-30-2009 11:20 AM