مقناص 1431 هـ (جديد الحنيني) الجزء الثاني ........... حامد الحنيني

محروم.كوم · #1 08-10-2011, 09:40 AM

السلام عليكم ورحمة الله وبركاته
صباح الخير ومساء الخير للجميع
حياكم الله في الجزء الثاني من (جديد الحنيني)
اشكر كل من شارك وشاهد وأتحفني برده على الجزء الأول
وها أنا اعرض الجزء الثاني وكله سبب تشجيعكم وردودكم الطيبة
ونبدأ مع الصور مع تمنياتي لكم بمشاهده ممتعه .
ــــــــــــــــــــــــــــــــــــــــــــــــــ ــــــــــــــــــــــــــــ
هذا المقناص بعد ما رجعنا من مقناص الشمال بكم يوم
و حنا بالمدعى ذكرلنا رجال اثر حباري قريبة من الديرة
ويقول دورهون قنوص ولا حصلوهن الأرض ماتقص قاع وتركهون
المهم قال واحد من الربع أنا أبا أروح الصبح للموقع يمكن أحصلهن مدامني فاضي
قلنا تم ويوم أصبحت الصبح كان عندي شغل مادريت إلى الرجال يدق علي سلام وعليكم
السلام بشر عسا جرتها جديدة .. قلتها والله بس كذا... قال أي والله أثرها عندي
وأنا لحالي كانك فاضي الفزعة قلت والله أنا مشغول لاكن أول ما اطلع أكون عندك
ويوم جت الساعة 12 يومه دق علي بشر وش العلوم؟؟؟؟ قال أبشرك بالخرج
مشاء الله مبروك مبروك وشلون لقيتها!!! وشلون الهدد وجاته مجموعه من الأسئلة؟؟؟؟؟؟؟؟؟؟؟؟؟؟
قال أبشرك أبو محمد جاني بدري وقصينها ويوم وصلت الساعه 11 حولها وأنا أقص رجليه وأبو محمد يقطع بموتره
قلت لبو محمد أنا فكيت سبوق الطير من الصبح الظاهر أبا اربطه قال اربطه يقول يوم قربة يدي أبي امسك سبقه
وهو يتل ويروح الطير مع الأرض و أنا ارفع نظري إلى هي طيار من فوق الرمث ويوم شافت الطير
وهي ترتفع لاكن مشاء الله على جهام لحقها وحولبها قلت عساك صورة
قال لا ماصورت لاكن الحبارى مخلاص وتجي تشوف الربع يبون يعلمون الطيور عليها قلت جايك بأذن الله
يوم طلعت على طول وأنا أروح يمه أنا واحد من العيال ويوم جينا ونتغدى ونتفرج على المزيونه بالقفص

وأتفرج على جرتها قال أبو نادر يالربع قبل شوي طحتلي بجرة لها أول مالها تالي و90%أنهن ثنتين
لان اللي أقصه خرب حليل ماهو كبير ولاصغير واللي خطمت علي دجاجه والذكر اللي جاني أنهن ثنتين
قلنا مشينا المهم وناصل الموقع لو الأرض اللي تطربك تقول بباكستان من الجره ماتدري وش تقص وش تخلي
وكل موتر يقصله جره يوم اختلطت علينا الجرر القديمة والجديدة قلنا خلها بكره كان به شئ جديد
نبي نلقاه ونخليها لبكره وهاذي صورة الخرب اللي طرحه أبو نادر بطيره جهام :

وهذا المثلوث لبو شجاع عزالله طير موقف سبوووق وصامل وطلع على حباري الشمال الثنتين
الله يبارك لراعيه فيه ماناقصه الا حبارى الروض وبيذبحها بأذن واحد أحد :

وهذا حر جير لبو محمد وكان من الطيور اللي علمناها على المخلاص:

ويوم جاء اليوم الثاني يوم طلعنا من الدوامات وحنا نروح للموقع كل المجموعه يوم وصلنا الا نفس
أمس الجرر واجد واغلبها جديد شكينا أنهن ثنتين بعد.... المهم نتفرق وكل موتر مع جره يوم أذن العصر
إلى يوم صوت واحد من العيال قال الحبارى جرتها عندي جددددددديده هالحين
لأني قبل شوي مقطع مع هالخط ولا لقيتاها والحين جرتها جديدة تحبري وناطحة الشمس المهم الأرض ماتقص غير مع درب القلابيات
و نتوطى الرمث يوم قمزت من تحت المواتر وهي تطير ويهد أبو محمد حبيب الله يستر عليه وتطير وتوقع يوم شافت الطير
و يازينها للطير اللي يبي التعليم دجاجه ... وأبو محمد يسوق عليها بالموتر وهو يطيرها
ياسبقها سبقاه لاكن حبيب الله يستر عليه يقول وين أنت رايحه خلاص مافيه هجره وهو يرددها علينا التفرجه على كيف كيوفك ...المهم وترديد يطرب اللي مايعرف الصقاره ويأخذ منها ريش ثلاث مرات بالجو
واهي تنزل تبي الأرض وقبل لاتطب الأرض إلى الطير معها وهو يطرحها مشاء الله عليه
وهاذي صورها ويبين إن أبو محمد يوضي نبي نصلي العصر :

وهالصورة تبين طبيعة الأرض اللي صدنا الحباري بها صعبه جدا بالقصص :

وبعد الصلاه تفرقنا ندوج عسا الله يرزقنا بشئ ومع المغيب طلع دهام لاكنه ماتل
باتجاه الشمس ولا وكد طلعه قلنا أكيد إن فيه شئ لا كن أبعدنا عن الموقع ونبي ندعي الطيور
والصباح رباح وهذا سرهيد يشلويله راعيه :

يتبع
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إسطوانة ثرات الشيخ أبي اسحاق الحويني الإصدار الأول والثاني وثالث	محروم.كوم	منتدى أخبار المواقع والمنتديات العربية والأجنبية	0	09-23-2010 03:46 AM
أنت الجماعة .. ولو كنت وحدك \| الحويني	محروم.كوم	منتدى أخبار المواقع والمنتديات العربية والأجنبية	0	05-23-2010 03:40 PM
ليلة البارحة توفي (عبدالله الخنيني)،أخو مسافر-رحمه الله-1	محروم.كوم	منتدى أخبار المواقع والمنتديات العربية والأجنبية	0	05-06-2010 03:20 PM
تلاوة من أروع ما تتخيل للشيخ الحوينى( حفظه الله) من بوابة المسلم	محروم.كوم	منتدى أخبار المواقع والمنتديات العربية والأجنبية	0	09-17-2009 11:00 PM
الشيخ الحويني وتلامذته في المقابر موقف طريييييييف جدااا	محروم.كوم	منتدى أخبار المواقع والمنتديات العربية والأجنبية	0	06-29-2009 02:40 AM