فطوري في مكارم الرياض

محروم.كوم · #1 08-27-2011, 08:50 AM

اهلين ومرحبتين كبار على الجميع في الشهر المبارك
اليوم جاي أغيّر جوّكم معاي .. مثل ما غيّرت جوّي ..
لابد من الواحد انه يغيّر روتين اليوم والبيت الي متعود عليه كل يوم فقررت اني آخذ أسرتي المكونة من ام العيال وثلاثة أطفال الله يحفظهم .. وقررت اننا نفطر بره البيت
اخترت فندق مكارم الرياض اللي عند مطار الملك خالد ..
والحمدلله ما خاب اختياري كان يوم أكثر من رائع .. وبصراحة اعجبني الجو العائلي اللي في الفندق والأجواء الرمضانية الحلوة ، كأنك مو في مكان غريب
رحنا للمطعم واستقبلنا توم وجيري عند بوابة المطعم اخترنا المطعم اللي على المسبح دخلنا المطعم وكان بوفية مفتوح .. الحلى انواع وأشكال وفول ورز ومشاوي وساندويتشات وعلى كل طاولة فيه دلة قهوة وتمر .. والحمدلله افطرنا وتعشينا ..
بس اللي لفت نظري انهم كانوا حاطين مساحة لعب للأطفال وغرفة خاصة لألعاب البلاي ستيشن وكانت كل الألعاب مجانية وكان فيه سحب على جوائز وكان رقمي 20 و 21 وفاز رقم 19 ، واذا انت رايق تقدر تاخذ لك غطسه غطستين في المسبح وفيه للأطفال بعد
وخدمتهم بصراحة ممتازة وفوق الممتازة بعد والله يمشي وراي بالشاي ويقولي تفضل .. وأي شيء تبيه يجيبه لك لطاولتك ..
وحسابي في النهاية على كل هذا ( 330 ) ريال
بصراحة كان يوم عائلي ممتع الى أبعد حد
أترككم مع الصور و تلاقون خير ان شاء الله

هذا اول ما تدخل الفندق

أول المستقبلين .... :0oz5j:

هذا مدخل المطعم في الدور الأرضي ..

طبعاً اخترت طاولة على المسبح وهذا منظر منها

من طاولات البوفيه

فطورنا .. بسم الله .. اللهم تقبل صيامنا

ولهيت بالاكل ونسيت أصور لكم العشاء الرئيسي كان تقريباً رز وفيه مشويات وساندويتشات وشيء هندي سلطة كذا عجيبة بس كانت لذيذة بصراحة ..
اللهم لك الحمد .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فطوري	محروم.كوم	منتدى أخبار المواقع والمنتديات العربية والأجنبية	0	08-24-2011 06:10 AM
مكارم الاخلاق	جنون الروح	الإسلام والشريعة	10	04-02-2010 07:02 PM
فطوري الخفيف .. بيض بلدي بالبقدونس وزيت الزيتون الأصلي ...!	محروم.كوم	منتدى أخبار المواقع والمنتديات العربية والأجنبية	0	02-28-2010 04:30 PM
فطوري في فيضة ام اعشر	محروم.كوم	منتدى أخبار المواقع والمنتديات العربية والأجنبية	0	02-20-2010 07:11 PM
مكارم الاخلاق!	محروم.كوم	منتدى أخبار المواقع والمنتديات العربية والأجنبية	0	05-07-2009 10:10 PM