لا تحـاسبنے علـے جرحٍٍٍٍِ نـزفـ .. انتــ سـآس الـجرحِِِ يالخــل العنيــدِِِ .. - الصفحة 21

MĨŠŞ қάṦн5ά · 02-07-2009, 12:25 PM

ظنكم هند بتوافق ع علي؟!

اوف كوورس

وشو من احدااث بتستوي ف البر؟!

مآدري..

وشوق ومحمد شو مصيرهم ؟!

بيحبون بعض

وشو رايكم ف البارت ؟!

طـر وربي طر

تسلمين غنآتي ع البآرت

ونتريآ البآرت اليآي احر من اليمر ..^^ __DEFINE_LIKE_SHARE__

حنطاويه _ طرر · 02-07-2009, 12:26 PM

المشاركة الأصلية كتبت بواسطة cutty tweety

السلام عليكم ..

الصراحة القصة ولا اروع ..

وايد حلو ..

واشكر فنج انج نزلتيهـ ..

يلا عاد نتريا البارت الياي ..

وبلييييييييييييز .. بلييييييييييز ..

لا تبطين علينا ..

نزليه فأسرع وقت ترومين ^^

يلا نترياج الغلا ..

وعليكمـ السلامـ والرحمهـ ..
تسلمين الغلا .. وهــذآآ من ذووقجـ ..
وانشاءاللهـ بــآآجر بنزل البــآآرت ..
تسلمين ع الطلهـ الحلوهـ ..
منورهـ .. __DEFINE_LIKE_SHARE__

حنطاويه _ طرر · 02-07-2009, 12:28 PM

المشاركة الأصلية كتبت بواسطة bint_uae

ظنكم هند بتوافق ع علي؟!

اوف كوورس

وشو من احدااث بتستوي ف البر؟!

مآدري..

وشوق ومحمد شو مصيرهم ؟!

بيحبون بعض

وشو رايكم ف البارت ؟!

طـر وربي طر

تسلمين غنآتي ع البآرت

ونتريآ البآرت اليآي احر من اليمر ..^^

اللهـ يسلمجـ .. هـذآآ من ذووقجـ ..
وتسلمين ع التوقعــآآت والطلهـ الحلوهـ ..
منورهـ .. __DEFINE_LIKE_SHARE__

حنطاويه _ طرر · 02-08-2009, 06:13 PM

مـرحب الســآآع ..

اخبااركمـ ؟!

تسلموون ع الردوود الغــآآويهـ ..

البارت الحادي عشر ..

( .. دفئ آلمشآعر ڪلمآ مآ ثآر ۈجديْ .. يْڝيْر شۈفڪ ھٌۈ منْآھٌ ۈآمآنْھٌ .. ۈيْثۈر شۈقيْ لۈ لمستِڪ آبيْديْ .. شۈق آلقلۈب آليْ تِعآديْ آلخيْآنْة .. ڪآنْ حبڪ حلم فيْ آلعمر ۈرديْ .. خيْآل شآعر ع آلقڝيْدة رھٌآنْة .. مآدآم آحبڪ ۈآعشقڪ ۈآنْتِ ۈعديْ .. يْبغى غلآڪ يْدۈم لآخر ژمآنْھٌ .. )

ام راشد: مالها خص نورة .. هند فديتج انتي تعرفين ان الزواج سنة الحياه وان كل بنت مصيرها تكون ف بيت ريلها وانتي ماشاءلله كبرتي واستويتي عرووس والكل يتمنااج .. وفي نااس طلبوو ايدج
هند مصدوومه: شوو؟؟
ام راشد: علي ولد خالتج مريم خطبج ويتريا الرد عسب يخطبج رسمي
هند: !!!!!!!!!!!!!!!
ام راشد: عندج يومين تفكرين فيهم وتردين علي .. وظهرت ..

ومن ظهرت ام راشد .. وان نورة حادره الغرفه
نورة: شو استوى اكيد هزبتج ؟؟
هند: ..............
نورة: هند .. هنووده
هند: علي خطبيني؟
نورة: علي!! امنوو علي!!
هند: ولد خالووه مريم
نورة: صدق!! مبروووك
هند: ع شوو؟؟
نورة: بتعرسين..
هند: بعدني ماوافقت
نورة: يالخديه وافقي .. الصراحه انا كنت حاطه عيني عليه (هند عطتها نظرة): بس يوم عرفت انه خطبج طاح من عيني .. صدق ماعنده ذوووق
هند: لا والله
نورة: هههههه
هند: بعدني مب مصدقه
نورة: لا تصدقين مب لازم هع
هند: نوورووو اظهري بررررررررع
ف البر ..
الشباب كانوو يلعبوون بالدراجات .. والشياب يسولفوون عن الاشغاال والشركاات .. والحريم والبنات يالسات يحشن ف الخلق ههه ..
روضة: انا زعلانه محد باركلي
الكل: جيه!
روضة: انا حامل
الكل فرحلها ..وكل وحده طاحت عليها تباركلها وتوايهاا
روضة: بس خلاص اختنقت .. وينه سعيد عنكن
الكل: ههههههه .. وان سعيد ياي عندهم..
سعيد: بلاكم ع حرمتيه؟؟
روضة متلعوزه : لعوزوبي افففف
سعيد: فديتج والله .. حدر عن الدراجه وشلها
ام محمد: ويدي استخف الولد
اليده(سلامه): ههههه .. ماسار بعيد ظهر ع يده
البنات: عااش بوعسكوووور
وسعيد متشقق وروضة قافطة والكل صد عليهم وهم ناقعين من الضحك
روضة قافطه: سعيد حرام عليك نزلني
سعيد: افا عليج .. ركبها ع دراجته وهو وراها
روضة: ابى ارنزل
سعيد: نونو ماشي هع .. وعطاها شرده .. وروضة تباغم وهو يضحك
اليد(سلطان): ذاك الشبل (ويأشر ع عمره) من هذا الاسد
بوسعيد: استخف الولد ..
الشباب: نريد نعررررس
الكل: ههههههههههه
بوعلي: لاحجين ع عوار الراس استانسوو انتوو وبعدين فكروو بزوااج
ام علي: يعني الحين انا معوره راسك يالشيبه

بوعلي: افا بس افا كله ولا زعل حرمتيه .. امنو قال انج معوره راسي
ام علي: انت
الكل: هههههه
بوعلي: لا تخليني اسويبج شروات روضة وسعيد
ام علي لبقت: لا بويه خلني مستريحه ف مكاني
ميرة: عااشت الوالده تستحي ههه
عزوز: انا الصراحه ابى اعرس مارووم اصبر
ام سيف: استح وخيل
الكل: ههههههه .. وسمعوو الآذآن .. والكل سااريصلي .. جريب الـ 5 ساروو البنات ع العرقوووب
و الشباب كانو يالسين ع العرقووب الي تحتهم
مها: عليوو توني ادري ان اخووج طرر
ساره: حاطه عينج عليه
مها قفطت ونزلت راسها .. عليا: هههه عادي حلال عليج
سارة: وانا موافقه بعد
مها: لا والله شورايج بعد اييب الملاج ويملج علينا
شوق: والله فكره حلوه . .سمعوو البناات اليده(سلامه) تزقرهم عسب يشربوون شاي .. مسوتلهم شاي كرك (ياحيهم) .. والشباب من سمعوو طاري الكرك ربعوو عندهاا .. وعبدالله يلس يترياهم .. وميرة ومها بعد تمن يالساات
ميرة: دام محد اهنيه تعالي نلعب ب الرمله
مها: انتي ياهل
ميرة: هههه والله كشخخه بننسدح وبنتزحلق من ع العرقووب
مها: واذا حد خطف وشاففنا شو بيقوول استخفووا
ميرة: كيفج انا بنزل .. وانسدحت ودزت بعمرها وفجأه انصدمت ب عبدالله و طاحت عليه وهم الاثنين اتخرطفووو فيا بعض واللتفوو كمن لفة .. ميرة: آآآآآآآآآآآآآآآآآآآآخ
مها فزت من مكانها: ميره!! .. وربعت عندهم
عبدالله: آآخ .. ونش .. ميرة قافطة وويها لبق : آسفه ماريتك
عبدالله يلس ينفض كندورته عن الرمله : لا عادي .. وحاول يساعد ميرة عسب تنش .. وشكلها تعورت لانها مارامت تنش
عبدالله: شي يعورج؟؟
ميرة: رويلاتي يعورووني
عبدالله: سلامااات الغلا ويا بيشلها
ميرة: بـ .. بمشي برووحي
عبدالله: بس ... .. وان مها واصله ..ربعت عند ميره .. مها: بلاج .. شو صابج ؟؟؟
ميرة: ريويلاتي آآي
مها: حد قالج تسوين شرات اليهاال
عبدالله: ههههه..اشلج!!
ميرة: لا والله .. بخبر عليك شووق عورتني
مها: ههههههه
عبدالله شهق: يـأ .......
ميرة: سويتلي واوا ماحبك اهىء ..
عبدالله ومها: ههههههههههههههه
ميرة وتوها تفوووكس: قصدي .. احم .. أ..أ.. ابى اسير ماروم امشي
مها: وانا ماروم اشلج (وغمزلتها ) .. وميرة بغت تعفد عليها وتكفخها : لا والله مهووووو تعالي
مها: هههههههااي .. وسارت ..
عبدالله كاتم ضحكته: اوصلج؟؟
ميرة: مـ .. مدري
عبدالله: انزيين انتي زخي كندورتي والحقيني
ميرة: جيه جايفني عنزه (ويلست تتحرطم)
عبدالله: هههههه
ميرة: اهىء اهىء
عبدالله: انزيين خليني بشلج
ميرة: هييه عسب استوي بريااني دياي
عبدالله: هههه .. ذليتيني .. كفايه انج مكسرتني
ميرة: افففف خلاص مابسير
عبدالله: براايج .. وسار ..
ميرة من شافته يبتعد : عبدالله
عبدالله: نعم !!
ميرة: تعال لا تسير
عبدالله سار عندها: شو تبين؟
ميرة: اباااك
عبدالله:!!!!!!!!!!!
ميرة: أ...أ...أأ.. قصدي اباك تشلني فياك
عبدالله: هههههه .. سار عندها وحط ايدها ع جتفه وقربها صوبه بس امبينهم مسافه وميرة خلاص راحت فيها .. وصلوو عندد الحريم .. ام علي شهقت: ويدي بلاج؟؟
ميرة سارت عندها .. مها: ههههههههههه .. البناات ربعوو عندها وعبدالله ودرها وسار عند الشباب .. وميرة ماسلمت من اللساان امهاا وسارت فيا شوق عسب تتنظف ..

ميرة: اخووج يقهر اففففف
شوق: انتي الي لاصقه فيه هع
ميرة قفطت .. شوق: هههههههههه
ع الساعه 7 .. كلهم تيمعوو ويلسوو يسوولفوون ... سارة: شورايكم نسير المزرعه ؟؟
البنات: هيه هيه
بوسعيد: نحن ورانا اشغااال مب فاضيين
عليا: شووقوو تمصلحي شوي
شوق: هههه .. ولصقت ف ابوها: باباتيه حبيبي خلنا نسيير بلييز
بوسعيد: لا لا نحن ورانا شركاات واشغاال وحاله مب فاضيين
شوق مدت البرطم: حرام عليك
بوسعيد: خلاص اوكيه وانا اقدر اردلج طلب
سعيد وعبدالله: مصلحححححه
شوق: ههههه
بوسيف: بس نحن بنرد الصبح بوظبي عسب الشركه
بومحمد: خلاص تم والحين يلا سرينا .. شلوو قشارهم وساارو المزرعه .. وكل وحده من وصلت خذتلها شور وصلت . وتيمعوو عند مها ..
سارة: سهرتنا الليله خلووها صبااحي
شوق وعلياا: عااشوو عاشوو
ميرة: خلوني بنش برزف
مها: خليج ف مكانج عن تفضحييناا
اللبنات عدا ميرة: ههههههههه
ميرة: جب ماحبكم
ف غرفة سالم وفاطمه ..
فاطمه توها ظاهرة من الحمام(تكرموون) كانت تسبح ..
سالم: نعيماا حبي
فاطمه ابتسمت: الله ينعم عليك .. عيل وينهم ؟؟
سالم: ارقوود
فاطمه: حرام ماتعشووو
سالم: ماعليه .. خلينا لو يوم واحد ناخذ راحتنا ارواحنا (وغمزلها)
فاطمة قفطت واحمرت .. سالم شل ثيابه وسار الحمام (تكرمون) : بشتاقلج
فاطمه: هههه
سالم: تعالي فياي
فاطمه انحرجت: سااالم
سالم: هههههههههههه
ف غرفة سعيد وروضة ..
روضة كانت راقده (ماتنلام تعبت من كثر الحواطه فيا سعيد) .. سعيد سار عندها وزخ ايدها وتم يمسح ع شعرها: حبيبي
روضة: هممممم
سعيد: بلاج؟؟ شي يعورج؟؟
روضة: لا
سعيد: عيل جيه راقده؟؟ >> سؤاال ذكي .. حتى العلماء ماعرفو يجاوبوون عليه خخخخخ
روضة: سعيد تعباانه ابى ارقد
سعيد: لا لا بتسهرين فياي
روضة: باجر باجر انا اليوم تعبانه .. وتصد الصوب الثااني .. سعيد عفد عليها ..
روضة شهقت: سعييد!!
سعيد: بتنشين ولا؟؟
روضة: هيه هيه خلاص .. ونشت ..
سعيد: هههههه
روضة ماصدقت سعيد نش عنها سحبت اللحاف ورقدت
سعيد: روضوووووووووو
عند الشباب ..
احمد: السهرة صباحيه
محمد: انا ماقدر تعباان
عزوز: عن المنكر يلا نشووو
محمد: غصب!!
عزوز: هيه يلا اخطف بسرعه
محمد: عزوز تعباان
سيف: يالشييبه
عزوز:تباني اشلك
محمد ويرمس شروات اليهال: هيه هيه
عزوز: طااع هذا لاتصدق عمرك
محمد: ههههههههه .. وساارو الملحق
ف الفلة الثانيه الشياب والعيايز ارقدوو ف سابع نوومه ..
عند البنات ..
شوق: بنات شو رايكم نسوي مقلب ف الشباب
ميرة فزت: هيه هيه
مها: لازم فديتج عوقج عندهم هع
ميرة: مهوو جب
مها: اعصاابج عن ينطلج عـ ....... (وطآآخ ع راسها) : آآي يالسخييفه
ميرة: ماحبج .. وظهرت وهي تعري ..
ساره: مهوو حرام عليج
مها: كسرت راسي الله يخسها .. وبعدين ادريبها ميروو مابتزعل ...
عند ميرة .. كانت ف غرفتها وتصيح .. تق تق..
ميرة: أ .. امنو ؟؟
×××: ...........
ميرة وهي تصيح: مهوو اذا هاي انتي تراني مب فاتحه .. مابي ارمسج
×××: ................ .. تق تق
ميرة: سيري مابي ارمس حد .. تق تق .. ميرة سارت تفتح الباب وصرخت: بس خلا........
انصدمت بالي واقف جداها .. حدرت الغرفه بسرعه وحاولت تسكر الباب بس عبدالله منعها وحدر الغرفة .. ميرة تمسح دموعها: أ..أ.. عبدالله
عبدالله: جيه تصيحين؟
ميرة: عبدالله اظهر
عبدالله طاف: كنت حاس انه فيج شي قلبي قبضني
ميرة: عبدالله بلييز اظهر عن حد يحسبنا
عبدالله ولا معبرنها: شو فيج ؟؟ جيه تصيحين؟؟
ميرة: ............. تصيح ..
عبدالله: ميرة حبيبي لا تصيحين والله ماقدر اشووف دمووعج
ميرة: ....................
عبدالله: بس خلاص .. حشى!! درام ماي مب عيوون
ميرة: هههههههه .. اهىء اهىء (تصيح وتضحك)
عبدالله: فديتج والله
ميرة توها تفووكس: عبدالله اظهر اخاف حد يحسبنا
عبدالله: مابى
ميرة: بوحميد دخيييلك
عبدالله: فديت بوحميد من لساانج يا ام حميد
ميرة: ام حميد!!
عبدالله: هيه فديتج انتي الغاليه ام العيااال
ميرة قفطت واحمرت من الفشله ..
عند البنات ..
شوق: سيري عندهاا راضيها
مها: اخاف احصل فلعه ثانيه منها
عليا: هههه يلا سيري
مها: اذا تاخرت تراني ف المستشفى
الكل: ههههههههه ..
سارت مها عند ميرة .. وعبدالله كان ظاهر .. مها حدرت من غير مادق الباب وركيض عند ميرة ولوت عليها: سوووري ماكنت اقصد
ميرة: ههه لا عادي فديتج
مها: بلاهن عيوونج محمرات كنتي تصيحين ؟؟؟
ميرة: لا لا
مها: جذابه
ميرة: شكلج تبين فلعه ثانيه
عند الشبااب ..
علي: بعدها ماردت باجر بيردوون علينا
سيف: الله يعينك
علي: الله يصبرني لين باجر هذا اذا قدرت ارقد
عزوز: عااش العااشق خخ
محمد: بوعسكوور من عرس غط وقمنا ما نشووفه
عبدالله: ههه لاهي بحرمته والي ف بطنها
احمد: ياحظه بوعسكوور آآه
سيف: هالاخواان فيهم شي
محمد: كل واحد فز وقاال متى بعرس
عزوز: ههههههههههههههه
عبدالله: بس صخووو بدى الفلم .. سكروو الليتات وكانو حاطين فلم اكشن ومندمجين .. ف نص الفلم ...
احمد: خسك الله اظربه يلا
علي: احمد اسكت قبل لا ارشك بكف
احمد: هههههههههههههه
عند البنات ..
كل وحده شلت بعمرها وسارت غرفتها وحطت راسها ورقدت .. الا شوق وعلايه .. الي كانوو يسولفون ف الصاله ويشوفون فلم رومانسي
عليا: آآه ياحظها لو انا بدالها جان وافقت
شوق: استحي وخيلي .. ههههه .. شو بعد لو انتي بدالها
عليا: هههههه
شوق: مب منج من الي شاغل بالج
عليا:هـآآ !! امنو ؟؟
شوق: امنو غيره بوشهاب
عليا: لا والله ................. شوق
شوق: هلا
عليا: انتي بعدج تحبين احـ ...
قاطعتها شوق: امممم لا
عليا: !!!!!!
شوق: صح اول شي زعلت وايد .. بس بعدين اكتشفت اني ماكنت احبه كنت اعتبره شراات اخووي .. ولاني تعلقت به ف صغري واايد ودووم اسولف عنه واكتشفت اني كنت اتوهم اني احبه ..
عليا: صدق!!
شوق: يب يب .. وبعدين انا نسيت احمد وعندي الي احسن عنه هع
عليا: عن الغلط ..تراني مارضى
(احمد: كح كح كح كح مدري امنو يطريني .. الكل: خخخخخخ)
شوق: والله وكبرتي وقمتي ماترضيين ع حبيبج
عليا: حبج برص انا بسيير ارقد احسن من مجابل ويهج
شوق: مااعليه عليوووو
عليا: هههههه فديتج يلا تصبحين على خير
شوق: وانتي من اهله .. سارت عليا ترقد وشوق تمت ف الصاله ..
ع الساعه 2 الشباب تموو سهرانين اما محمد ف كان صدق تعباان وساار الفله عسب يريح ويرقد .. وهو ساير غرفته غير طريجه وسار الطابق الثالث عسب يطمن ع البنات ..
مفتووح .. وسكره وانصدم ب شووق t.vتجدم شوي وشاف الـ
محمد: هاي شو مرقدنها اهنه ... تجرب منها : شوق شوق
شوق: .............
محمد: حبيبي شوق نشي
شوق: عبدالله بعدين تعبانه ابى ارقد .. وتلصقت ف ذراعه
محمد: هههههه مصطله الاخت .. محمد شلها عسب يرقدها ف غرفتها واحتتار وماعرف أي وحده فيهم .. وشوق تلصقت به اكثر والرياال ذااب رااح فيهاا
محمد: الحين انا وين اوديها ياهي بلوه .. امممممم ..
شل شوق ونزل الطابق الثاني ووداها غرفته وقفل الباب بسرعه سار وحطها ع الشبريه وظهرن كمن خصله من تحت الشيله .. محمد رد الخصل ع ورى ولحفها : فديتج والله ..وتم يتاملها .. ع صوت آذان الفير الكل نش عسب يصلي ومحمد حاول انه يقومها بس هي مب راضيه ..سار تغسل وتمسح وسار يصلي ..ورد عندها محمد يتاملها: خاطري اييب الملاج واملج علييج بس ماقدر .. يرب منها باسها ع يبتها برقه ..
بالباجر .. فالحديقه .. الشياب والعيايز يتريقوون
اليد(سلطان): شو هالمنكر بعدد لين الحين ارقدووود حشى عفنوو
ام سيف: عيزنا منهم سهر ف الليل ورقااد الصبح مدري متى يجابلوون ربهم ؟؟
بوسعيد: لين متى بنعلمهم ..كل واحد استوى طوله طول نخله ولا يعرف مصلحته ولاهي بالسهر
بومحمد: وان قلت له تعال داوم ف الشركه قال لا بعدني تعبان ومادري شووو
بوعلي: اذا بيتموون ع هالحاله غزة الله فلحوووو
الكل: هههههه
بوسيف: يلا عيل نحن نستاذن بنسير الشركه ..
ونشوو الشيااب وسااروو .. والحريم ساروو يتمشوون صوب الخيووول .. واليده خذت ام علي وسااروو صوب الهووش والبووش
ف غرفة محمد ..
تجلبت شواقي كمن مره لين حست بعمرها ونشت ..
شوق: انا وين ؟؟ .. وشهقت يوم شافت محمد راقد ع القنفه : اويه هذا شو مرقدنه اهنه ,, نشت من ع الشبريه تبى تشرد وبالغلط دزت الابجوورة وطاحت .. فز محمد من رقاده وطاح ع فيسه .. محمد: آآخ ×× .. ونش .. شاف شوق واقفة وتضحك ..
محمد: لا تضحكين .. (وتم يحك خشمه الي احمر من قوة الطيحه) .. : آآخ
شوق: انت شو تسوي اهنه ؟؟
محمد يشووف شوق ويشووف الغرفة وياشر: هااي غرفتي ..
شوق قفطت .. محمد تيرب منها : صبااح الخيير يا شووق محمد
شوق همست: صبااح النووور
محمد: شورايج ف غرفتي حلوة صح
شوق: .............
محمد: بتكوون غرفتنا بعد كمن يووم هع
شوق قافطة وموخيه براسها .. محمد حب يحرجها: تذكرين امس شو استوى
شوق: ...........
محمد كتم ضحكته: اذكرج هع .. امممم .. كنتي راقده وانا شالنج و . ..........
.. I nowشوق حطت صبعها ع شفايفه وهمست: لا تكمل
وعطتها شرده بس انصدمت من شافت الباب مقفووول .. شوق: محمد افتح الباب
محمد: ابى بووسه
شوق: حمودي عاد
محمد: آآخ قلبي .. ......
عند البنات ..
مها توها ناشه من الرقاد وسارت الحمام(تكرمون) تغسلت وخذت لها دش وتعدلت ولبست مخورة بنفسجيه وظهرت من غرفتها .. وان هي حادرة الطابق الثاني دعمت العموود: آآآآي .. وحدر دم من خشمها .. وبالصدفة سيف كان توه ظاهر من غرفته شافها وربع صوبها
سيف: مهاا
مها تصيح: دم .. دم .. واغمى عليها ..
سيف توهق شلها من ع الارض وسدحها ع ريله وتم يصفعها ع الخفيف : مها مها
مها: .........
سار غرفته وشل غرشة عطر وشممها ونشت .. مها: آآي
سيف: سلمتي
مها نشت: الله يسلمك
سيف: شو خشمج الحين ؟؟
مها: ز..زين
سيف: خوفتيني عليج .. مرة ثانيه شوفي جدامج
مها موخيه براسها : انشاءالله .. (كانت مستاانسه خخخ)
عند علياا .. ماقدرت ترقد تمت تتجلب ... ونشت .. سارت تغسلت وخذت لها شور وصلت .. وبدلت وحدرت الطابق الثاني وهي تتثاوب وحاطه ايدها ع شفايفها : آآآه .. روز ..روز .......
عليا : وينها هاااي (توها تفووكس) اووه نحن ف المزرعه >>سبحاان الله >> ماعليه مشفره
عليا سارت الغرفة وفتحت الباب وسكرته .. وهي تتحراها غرفة خويها سيف .. وفجأة حست بـ باب الحمام ينفتح .. وعلياا فتحت عنونها ع وسعهن من الصدمه وشهقت ...........!!!!

كـــــــــــــــــــــــــــــــــــــــــــــــــ ــــــت ..

اممممممممممممممممم ..
ظنكم امنو الي ظهر من الحمام؟!
وهند بتوافق ع علي ولا؟؟!
الشيااب بيسكتوون عن حال الشبااب ولا؟!
وشو رايكم ف البااارت؟! __DEFINE_LIKE_SHARE__

محد عجبني · 02-08-2009, 08:41 PM

ليش البارت قصير __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انتظرك يامن علـے العهد خنت	لا للحب	الشعر المنقول	9	03-07-2010 08:52 PM
•°¬ علـے ڪف القدر نمشيـے ۆلا ندري عن المڪتۆب ¬°•	ليتني قلب زايد	مدونات ويوميات الاعضاء Blog	9	12-18-2009 10:59 PM
متـــــ‘,ــــى تبكـــ‘,ـــي علــ‘,ـــى نفســ‘,ـــــك ؟!!	ميود راك	المواضيع المكرره	6	04-10-2009 12:55 AM