الكابتن خلووده ..عادت اليكم من جديد ((طبختي في ورطة لارا حقت المطبخ))

محروم.كوم · #1 08-09-2011, 08:00 AM

بسم الله الرحمن الرحيم

السلام عليكم ورحمة الله وبركاته

اول شي رمضان خير عــآآالجميع يارب

مدري ليه حاسة انو بيجيني كف من كم عضوة تحبني هنا ويقولولي بدري ياشيخة
خليها رمضان الجآآي احسن :tounge_smile2:

بس برجع اقولكم والله ظروف مرت عليا وبسببها انقطعت هالقطعة الاليمة من اهمها انو النت انقطع عني والا انا نشبة ما ابعد عن اقلاعـ . .

ما عليكم من هذرتي
صح انو فريقنا اتاخر مانزل طبختو اللي ورطتنا فيها لارا الحبيبة
لكن ..
اهو راح ننزلها لكم والله يعين شاشاتكم من السعابيل اللي حـ تنزل عليها :biggrin3:

حبيباتي الطبيخات >> اقصد الفراشات

اللي تشوف شي غلط في الطبخة ولاكآآنها شافتوووو سامعاااااات :smokin:

نبتدي بسم الله
,,
الاكلة هيا مصقعة شكلين يعني صينيتين وحدة حمرا يعني خضار والتانية بيضا بالزبادي

ومع الشرح والصور ان شاء الله حــ تفهموو اش اقصد >> ماظنتي :bravo2:

اولا المقادير

باذنجان كم حبة
وبطاطس

وفليفله
بصل
بقدونس
ملح فلفل اسود
بهارات
لحمة مفرومة >> لحد يستفرب انها مو موجوده قاعدة تاخد شاور دافي عشان تسيح :biggrin3:
طماطم
معجون طماطم
علبة زبادي كبيرة
بيضة
...............................
طيب اول شي نفرم البصل ونحطه عالنار هوا واللحمة شويتين ونبهرهم بالفلفل الاسود والملح
وبعدها نضيف لهم الطماطم والمعجون وشوية مويه وننساهم عالنار المن ينحرقوآ :bravo2:
دي صورتها

امزح لحد يصدق خلوهم ع نار هادية المن يستووو تمام
في اثناء ذلك >>> اه يالفصحى

نقطع البطاطس والباذنجان حلقات والفلفل ونقليهم في الزيت لمن يتحمروا ودا شكلهم

دي البتنجانات قاعدة تستنى دورها :biggrin3:

ودا الفلفل

بعد ماخلصنا القلي للخضار واستوت اللحمة
نبدا نرتبها في الصينية بدا الشكل

كده احنا تقريبا انتهينا من الصينية الاولى والتانيه شبها الا اننا في اخر شي ما
نضيف الطماطم الحلقات لا نحط بدالها
المقادير اللي هيا
زبادي
بيضة
فلفل اسود
شوية ملح
ومايونيز ملعقتين صغار
ونخلطهم كويس جداا :biggrin3:

ونصب الخليط ونوزعه بالتساوي في الصينية
زي كده

الان ندخلهم الفرن لحد ماتتحمر من فوق ونخليها على نار هادية عشان ماتنحرق

الشكل النهائي

دي القطعة لاول واحد يقولي رايه في الطبخة المحترمة

وفي الختام لايسعني الا ان اشكركم من اعماق قلبي انكم استحملتو شرحي اللي ما ادري اش يبغى

اطيب الامنيات بقضاء اوقات مليئه بالطاعات

شهر مبارك عليكم يا آل اقلاع

,.,.,.,
,.,.,
,.,

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديد: شراشف الموز للمره العاشـــــره++كل مستلزمات المطبخ في موضوع وااااحد..(جديد)..(ج	محروم.كوم	منتدى أخبار المواقع والمنتديات العربية والأجنبية	0	08-27-2009 02:10 AM
جديد: شراشف الموز للمره العاشـــــره++كل مستلزمات المطبخ في موضوع وااااحد..(جديد)..(ج	محروم.كوم	منتدى أخبار المواقع والمنتديات العربية والأجنبية	0	08-27-2009 02:00 AM
شراشف الموز للمره العاشـــــره++كل مستلزمات المطبخ في موضوع وااااحد..(جديد)..(جديد).	محروم.كوم	منتدى أخبار المواقع والمنتديات العربية والأجنبية	0	08-20-2009 07:50 PM
قصة لارا كرافت	محروم.كوم	منتدى أخبار المواقع والمنتديات العربية والأجنبية	0	06-30-2009 08:20 AM
الكابتن نايف هزازي ينفي أي خلاف أو مشادة مع الكابتن ياسر القحطاني ويرد على الإشاعات	محروم.كوم	منتدى أخبار المواقع والمنتديات العربية والأجنبية	0	06-19-2009 01:00 PM