...... > ♥ لو أخليـج أرتكب أكبــر غلطـــة في حيــاتــــي ♥ < .......

مخبلتهم · #1 07-22-2011, 09:08 PM

...... > ♥ لو أخليـج أرتكب أكبــر غلطـــة في حيــاتــــي♥ < .......

بسم الله الرحمن الرحيم

هـــــلا و الله بالأعضــــاء و العضوات

اليوم قررت أقدم لكم روايتـــي

أسم الروايـــة :

لو أخليــــج أرتكب أكبر غلطـة في حيــاتــي

نوع الروايــــة :

رومانسيــة

الشخصيــــات الرئيسيـــــــة ..

...... > ♥خـــــالد♥ < .......

شـــاب فــي غـــايـــة الجمــــــــال .. من عــائلــــة غنيـــة .. شخصيــة قويــة ومحبوبــة والكل يتخبل عليه

.. يسكن فــــي العيــــــن ..

عمــره : 19 سنــــه

...... > ♥مـــايد♥ < .......

ولـــد حليـــــو .. إنســـان طيب و يحب يســاعد النــــاس ..

.. يسكن فــي راك ..

عمــره : 19 سنــــه

...... > ♥فهــــد♥ < .......

ولد قمـــر .. مـــرح يحـــب ينكـــــــــت و ما يروم يعيش بدون مقــالب ..

.. يسكن في راك ..

عمــــــره : 22 سنـــــه

...... > ♥ذيــــاب♥ < .......

شــــاب حليو .. بس ماله خــص بالدنيـــــا حياته ماشيه والحمد لله ..

.. يسكن فــي راك ..

عمره : 18 سنــــــــه

...... > ♥فطامي♥ < .......

بنوتـــة حليـــوه .. بــس فيــهـــا دفـــاشـــه هب فــي حد ..

.. تسكن فــي راك ..

عمرهــــا : 17 سنـــــه ..

...... > ♥ســــارة♥ < .......

بنوتــــة كيووت .. دلوعـــــة بشكـــــــل بس طيوبــــــة و فيهـــا جرئ ..

.. تسكــــن فــــي العيـــــن ..

عمرهــــــا : 17 سنـــــه ..

...... > ♥ميثوووه♥ < .......

بنـــــت جميـــلة .. بس راسهـــا يابس اللي تبـــاه لازم تسونـه لهـــا ولا راح تطيحون في بلوهعوده

.. هــي من أهـــل راك .. بس تسكـــن في العيـــــــن ..

عمرهـــــا : 16 سنــــــه

...... > ♥ريم♥ < .......

بنـــــــت حلوه .. تستوي أخت فطامي .. بس وين هي وين فطامي .. ريم هــاديــة و رقيقــة و وايد تستحي ( حليلهـا )

.. من أهل راك ..

عمرهـــــا : 20 سنـــــه

وخــــــــــــــــــــــــــلاص ..

هذيـــل أهم الشخصيـــــــــــــــات .. وبـــاقي الشخصيــــــــات راح تتعرفون عليهــــــــــا خـــلال الروايــــــــــــــــة ..
__DEFINE_LIKE_SHARE__

مخبلتهم · 07-22-2011, 09:11 PM

...... > ♥ البـــــارت الأول♥ < .......

( الصبـح .. الســاعـــة 4 ونص الفجــــر )

( العيــــــــــــن .. بيــــــــت أبو خــــالد )

( بالتحديد غــرفــــــــــة خــــالد )

صــــد خـــــالد صوب الســــــاعــــــــة شـــافهـــــا 4 ونص .. قـــال خـــل أسيــر أرقــــــــد شوي ..

سكــــر اللاب توب .. و أغلق فونـــــــه .. و انسدح على السرير و غمــض عيونـــــه و رقـــــــد

( و مــــــــــا مرت إلا نـــص ســـــــاعـــــــــــة )

( يعنــــي صــــــــارت الســــــاعـــــــة 5 )

.. دق دق دق ..

" خـــــــــالد !! .. خـــــــــــالد افتح البـــــــــــاب .. "

طبعــــــــــــا ً خــــــــــــالد طــــــــــــــاف ..

شوي شوي بدأ الدق يزيــــــــــــــــــد ..

" خــــــــــــــــــــــــــــــــــالد "

نقــــز خـــــــالد من السرير و ســـــار صوب البــــــــــــاب ..

فتح البـــــــــــاب وكان مبين عـــليه العصبيــــــــــة

خــــــــــــالد : نعـــــــــــــــم

سعود ( أخوه الصغير ) : ماما تقول قوم صــــــــل

خـــــــالد : بــــــــــس !!!!

سعود : و بعدين انــزل تحت تبـــاك فــي الصــالة ويــا ماما مريم ( يدتهم )

خــــالد : إن شـــاء الله .. في شيء بعــــــــــد ؟

سعـــــــود : لا

خــــــالد : اذلف

وسكـــــــر البــــــــاب .. وقــــــــــام يطـــــالع الســـــاعــــــة

خــــــالد : حرام عليهم .. نص ســـاعــــة بس

دش خـــــــــــــالد الحمام ( أكرمكم الله ) .. و خـــذ لــه شور وتوضئ وطلـــع يصـــلي

بعـــــــــد ما خلص صــلاة .. قـــــام و طاح على السرير و رقــــــــد ليـــــــن الســــــاعــــــة 9 الصبــــح ..

( و فــــي الصـــــــــــالـــــــــــــة )

اليده مريم : ويه الولد ما نزل أخاف استوى بــه شــيء

أم خـــالد : ما عليــج عمتي تلاقينـــه راقـــــــد

اليده مريم : بسه رقــــاد من متــى وهو راقـــــد

أم خــــــالد : جان ما يكون الســاعـــة اللي سار له سعود راقــــد

اليده مريم : مـــا علينــــــا ..

أم خــــالد : تبين قهوة عمتي

اليده مريم : لا مشكورة

أم خـــــالد : ما تبين شيء

اليده مريم : لا الغاليـــة

أم خـــــالد : عيــل بالإذن بروح

اليده مريم : على وين ؟!

أم خــــالد : تدرين اليوم الجمعـــة و بيون ضيوف على الغداء و لازم أجهز لهم

اليده مريم : هيـييه مب مشكلـــــة

وســـــــــــــارت أم خــــــــالد المطبـــــخ تشوف شو راح يسوون ..

...... > ♥ ............... ♥ < .......

( فـــي جهة ثـــانيـــــــــــة )

( فـــي راك .. فــي بيت أبو محمـــــد )

( وبالتحديد فــي غرفــــة فطامي )

كانــــت واقفــــة جدام المنظــــرة تطــــالع شكلهـــــــــا و تتعدل ..

شوي انفتح البــــــاب وبسرعــة بسرعـــة دخلت ريم وسكرت الباب وراها ..

صدت فطامي صوبهـا وحطت إيدهـا على خصرهـــا : نعم آنســة ريم ما تدرين أنه في اختراع اسمه .... ( قاطعتهــا ريم )

ريم : فهــــــد تحت

ابتسمت فطامي : والله !!!!

ريم : يا ربــي خبل بــي

فطامي شو بتضحك : ليش ليش شو سوى ؟!

ريم و مبين عليهــا المستحــى : ما خلى شيء فيني فشيلـــــــــة

نقعـــت فطامي من الضحك : يا الهبلــــة هذا خطيبــــج باجر ريلج

ريم : جب

فطامي : يا ربي منج صدقيني الريــال بيتعقــــد

ريم : فطامي الله يخليج قولي له أنــي أتلبس عسب بنروح العزيمــة مع ماما و ما راح أقدر أقعــد معـــاه

فطامي : و ليش ما تقولين له بروحج ؟!

ريم : استحــــــــــي

فطامي : يا ربــــــي منـــــــج ..

وطلعـــــــــت فطامــــي من الغرفـــــــــة ونزلـــــــت تحت الصــــــالـــــة

شـــــــافـــــــــت فهـــــــــــد قــــاعد بروحه ..

فطامي : السلام عليكم

فهــد بابتسامــة : و عليكم السلام حيا الله القمر أخت القمر

فطامي بخقــه : أدري أنـــي قمر أحلى من أختي القمر ههههه

فهــــــد : حبيبتي لا تصدقين عمرج وايد

فطامي بنظرة : ليش الغــــالي ؟!

فهـــد : ما أقصد شيء طويلة العمــــــــر

فطامي : بلى بلى

فهــــــد : عيـــل وين ريم ؟!

فطامي بدلع : تتلبس عشان بنروح عزيمة مع ماما و ما راح تقدر تقعد معاك

فهــــــد : يا ويلي على الدلـــع أنــــا شوي شوي يبــه عن نطيح

فطامي : إيييه أنــــا هب خطيبتك ولا حرمتك ولا حبيبتك عشان تقول جييه

فهــــــد : فدييت المعصبة >>>> ( يحب يغايض فيهـــــــــا )

شوي يــــــت الشغــــــالـــــــة وويـــاهـــــــا أكواب مـــاي

لأنه فهـــــــــد ما راح يطول فـ طلب كوب ماي عن خاطر أم محمد ..

حطت الشغـــالــــة أكواب المــــــــاي و ســـــــارت ..

طلعــــــــت أم محمد من المطبـــــــخ .. ( كانت تشيك على الحلاوة اللي بتشلهــا معاها )

أم محـــمـــــــد : فطامي

صدت فطامي صوب أمهــــــــــا : هلا ماما

أم محمد : لبستي وخلصتي ؟!

فطامي : هيه

أم محمد : عيــل وين ريم ؟!

فطامي : ســارت تلبس

أم محمـــد : زين عيـــــــل أنـــــــا بسير بلبس وبجهز وبرجع

فطامي : أوك ..

وســـــــــارت أم محمـــــــــد عنهم ..

يلس فهـــــــــد ومسك كوب المــــــــــاي

فهــــــد : يا حلو

فطامي : ......... ( طاااااااااااف )

فهــــد : يا قمـــــــر

فطامي : بعطيك كف بـــــــــارد ( قصدهــا بصب عليك الماي البارد )

فهـــــــد : له له حبيبتي ليش

قـــــــامت فطامي و صبـــــــت المـــــــاي عليــــــــه

تجمـــــــد فهـــــــــد من الصدمـــة ما توقــع تسويهــــا

قـــام ورش المـــــــــاي عليهــــــــــا بس يا المـــــــاي على قميصهــــــــــا

و طبعـــــــــا ً بـــان كل شيء ..

صرخت فطامي : حماااار

و ســــــارت فطامي ركض للحجرة

كانت ريم يالســـه تفكر في هدوء فجـــأة انفتح البــــــــــاب بدفــــــاشــــــه

ريم بصدمـــــة : أويـــه فطامي بلاج ؟!

فطامي : هذا خطيبـــــــــج المنحرف أكرهه

ريم : ليش شو صــــــــــار ؟!

فطامي : صــــــــــار اللي صـــــــار أووووف

فجــــــــــت فطــــــــامي الكبـــــــــــت وطلعـــــــت ثيـــــــــاب و دخلت تبدل

و يوم طلعت قـــــــــامت تعدل شكلهــــــــــا على السريـــــــــــع ..

المهــــــــــــــم مــــــــــر الوقـــــــــــت بســـرعــــــــــــة

و ركبــــــــوا السيــــــــــــــارة وســـــــــــاروا العيـــــــــــــــن ..

و طبعــــــــــــا ً خذوا وقـــــــــــت طويــــــــــــل لين وصلــــــــــــــوا

...... > ♥ ............... ♥ < .......

( الســـــــــاعــــــــــة 2 الظهـــــــــــــــــر )

( فـــــــــــي بيــــــــــــت أبو خــــــــــــالد )

.. دن دوون .. دن دووون .. ( جرس البيت )

ســــــــارت الشغــــــــــالة وفتحت لهـــــــم البـــــاب

أول ما دخلــــــــــــــوا كانــــــــــت أم خــــــالد توهـــــــــا نازلـــة من فوق ..

أم خـــــــــالد : مرحبـــــــــا مرحبــــــا بـ أم محمد وبناتهــــــــا

أم محمــــد : مرحبتين يـــا أم خـــــــالد

وسلمـــــــوا عـــلى بعـــــــــــض

أم خــــــــالد : شحالكم ؟!

أم محمــــــد : حمد لله بخيـــــر

أم خــــــالد : عيــــــل وين محمد ولدج ؟!

أم محمــــــد : ســـــار يودي الأغراض البيت وبيي

أم خـــــــالد بذهول : برجع راك !!!!

أم محمــــــد : له وين راك الحين .. عنده بيت هنـــي في العين

أم خــــالد : وحليله

شوي صدت صوب البنـــــــــات

أم خـــــــــالد : كيف الحال بنوتات

فطامي + ريم : الحمد الله

دخلــــــــــــــوا الصــــــــالــــــــــــة و قعــــدوا ..

شوي نزلــــــــت ســـــــاروه ..

ســـارة : السلام عليكم ..

وســـــــارت سلمت

أم محمد : و عليكم السلام .. شحالج ســـــــارة ؟!

ســــــارة : الحمد الله بخيـــــــــر

شوي يـــــــت الشغـــــــالــــــة وحطـــــــوا الغـــــــداء

و يلســـــــــوا يأكلون ..

ما مر وقت طويـــل إلا وفون أم خــــــالد يرن ..

( أبو خــــــالد )

ردت عليــــــــــــه

أم خـــــــالد : ألوا

أبو خـــــالد : السلام عليكم

أم خــــالد : وعليكم السلام

أبو خــــالد : تغديتوا ؟!

أم خـــالد : الحين يالسين نتغــدى

أبو خـــــالد : عيل خويلد وين ؟!

أم خــــــالد : ليش ما يـــا عندكم ؟!

أبو خــــالد : لا ..

أم خـــالد تكلم ســـارة : وين خـــــالد ؟!

ســــــارة فوق في الغرفـــــة : قـــال ما يبـــا غداء

أم خــــــالد : جييه

ســــــارة : ما أدري

أم خــــــالد ترمس أبو خــــالد : ما يبـــــا غداء

أبو خـــــالد : انزين ما عليه يلا فمان الله

أم خـــــالد : مع الســلامــــــة ..

شوي قــــامت فطامي ..

أم خـــــــالد : وين ؟!

فطامي : بس .. بسير أغســــل

أم خـــــالد : يا الله ما كلتــي شيء

فطامي : بس ما أبـــــا

أم خــــــالد : انزين

وســــــارت فطامي فوق ..

حصلــــــت الحمامات ( اكرمكم الله )

و غلست و خلصـــــــــت

ويوم يت بتطلــــــــــع شـــــافت خـــــــالد ..

فطامي : خلووود !!

خــــالد : بسم الله أنتي متى طلعتـــي هنـــــي

فطامي : مفاجأة ..

خـــــالد : بس أنتي قلتي لي ما بتيين

فطامي : أبغــي أسوي لك مفاجأة

ضمهــــــا خـــــالد بالقـــــــــووو

خــــالد : صدق أنج سبـــاله

فطامي : طالعـــه عليــــــك ههههههه

قرب خـــــالد منها و باسهـــــا بوســه من الخــــاطر

فطامي : حبيبي لا تتهور

خــــــالد : كيف ما أتهور وأنتي عندي

شوي سمعــوا صوت حد ياي

فطامي : اويـــه حد ياي أخاف يشوفنــــا

خـــــالد : خـــل يشوفنــــــــا عشـــــــان يعرف أنـــي احبــــــــج

كان خــالد ناويه عليهـــا نيه بس رن فونـــه ..

( محـــــــــــــــمد )

خـــــــالد : ألوا

محمـــــد : يا هــــــلا والله

خـــــــــالد : تدري أنك حمار

محــــمد : جييه !!!!

خــــــــالد : خربت عليي

محمــــد عرف أنه كان طايح في فطامي : اصبر خل تعرس ريمووه و عقب تعال خذهـــــا

خــــــــالد : ثرهـــا ريمووه طايعـــة تعرس ما صدقنـــا وافقــة عليـــــــه

محمد : ما عليـــــه اصبر

خـــــــــالد : ترانـــــــــي صــــــــــابر

محمـــــــد : ما عليـــــــه تعــــــــال يلا انتظرك تحت

خــــــالد : ما عليــــــه الحين بنزل

محمــــــــد : يلا مع السلامــــــــــة

خــــــالد : بـــــــاي

دخل خــــــــالد الفون في مخبـــــــاه ..

خــــــالد : تدرين أنه أخوج متفيج

فطامي : أدري أصــلا ً هو دومــه متفيج

خــــــالد : أنتوا في السنة احسنـــه تون العين

فطامي : شو نسوي

خــــــالد : يـــــلا عن إذنج ..

فطامي تنكت : لا عن خشمي

صد خــالد صوبهــــا و عطاها نظرة : لا عن شفايفج

احمرت فطامي ..

...... > ♥ ............... ♥ < .......

( فـــــــي راك )

( عنــــــد مايـــــــــد و ذيـــــــاب و فهــــــــــد )

مـــــــايد : الله يقطع سوالفك يا ذيابوووه

ذياب : و الله العظيم الحين الحرمـــــة مسوين لها راس تظهر وتشتغل و تحوط مني مناك

مـــــــايد : هذي حال الدنيــــــــــا عادي يا أخوي

ذيــــــاب : يلا ما عندنــــــــا بنـــــــات يشتغلون البنت من تعرس همهـــا في بيتهـــا وريلهـــا و عيالهـــــا

مــــــــــايد : هههههههه هدي يا أبوك

ذيــــــــــاب : فهــــــــــد ليش ساكت

فهـــــــد : أنـــــــــــا تعبت من ريم

مايد : ليش ؟؟

فهــــــــــد : ما تقعد وياي تختلق أعذار عشان ما ترمسني و دوم تعطيني فطامي

ذيــــــــــاب : تستحي وحليلهــــــــــا

فهــــــــد : أنـــــــــا خلاص بطلقهـــــــــــــا

مـــايد + ذيـــــــاب : شووووووووووو ؟؟

...... > ♥ نهــــــــايـــــــة البــــــــارت♥ < ....... __DEFINE_LIKE_SHARE__

RoODey-a7 · 07-22-2011, 09:43 PM

احم يشرفني اني اكوون اول وحده ( فرست كلااس ) هع هع

الباارت نااااااااايس عذاااب

ونتريااا الباارتاات الياايه احر من الجمر
بليز لاتبيطين علينا
اختج : روودي __DEFINE_LIKE_SHARE__

راوية الشعر · 07-22-2011, 10:10 PM

الصرآآآآآآآآآآحة روآآيتج طررررررررر عآد لا اطوليين علينا

حدي متشققه ابا عرف شو بيستوي في البارت الياي __DEFINE_LIKE_SHARE__

memowla · 07-22-2011, 10:30 PM

تسلمين اختي على البارت
وتستاهلين تقيم حبوبة __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
♥♥♥♥♥♥آبــــــــــــــــي حبكــ معـــــي يـــــــــــكبر♥♥♥♥♥>>قصة قطرية رووعة	داعمة قطوة	قصص و روايات	73	01-21-2012 07:46 PM
♥♥♥ يَآ قَلبّ لآ تِحزَنُ عَلِيِنَآ لأ تِحزنّ♥♥♥ مِنُ قَلبّ يَنبِض غَلآّ ومِنُ رُوّحّ مِسئٌوٌلَه ♥♥♥	Esma7eli Yal'3ram	تصاميم الاعضاء	17	04-14-2010 11:18 PM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥♥♥ أعطي البلاك بيري الخاص بك لوك جديد ♥♥♥ زائد ثيم بنفس التصميم♥♥♥	محروم.كوم	منتدى أخبار المواقع والمنتديات العربية والأجنبية	0	10-28-2009 09:10 AM
♥::♥::♥رمضان ميدان التنافس♥::♥::♥ لفضيلة♥الشيخ إبراهيم بن عبدالله الدويّش♥::♥::♥	محروم.كوم	منتدى أخبار المواقع والمنتديات العربية والأجنبية	0	08-13-2009 08:00 PM