الشوق يا خلي حيل غلاب ما آطيق بعدك لاحشى ما اطيقـه \بقـلمـي

عـروقيـے تحتويـڪ · #1 11-25-2013, 12:17 PM

الشوق يا خلي حيل غلاب ما آطيق بعدك لاحشى ما اطيقه

(ممنوع نشر الرواية دون ذكر أسم الكاتبه لو سمحتوا)

الصفحه الاولى ..,

عيني انا بعينها والقلوب ابعاد ،، أخشى هدب عيني يلامس هدبها
مقى الحكي حينها ،، والقلب ما اعدتا على لقى اللي حبها من عرفها

زايد:كلللوش مبروك يا حبيب قلبي
سيف:الله يبارك في حياتك يا حبيبتي
سلطان: وابويه انا عالرمسه اسطلبوا انته معرس وللحين ما عقلت
عبدالعزيز: عاد الحين شو بيفكنا من لسان البدوي
جاسم:هيه والله وأنت صادق
عمر: مب عايبينكم البدو شو
سيف : لا حشى شيوخ شيوخ
حمد:فديتهم والله هل العين

قبل 4 سنوات .,

دخل الفلة وهو فـقمة عصبيته وشال شنطته ويقول فخاطره : كيف أبوي يسوي فيني جي أنا ولده يخليني موظف عادي وأنا دارس خمس سنوات تعب وأخرتها موظف عادي انا ولد مدير الشركة وحفيد علي اشتغل موظف عادي واسكن فسكن...! والمصيبه راتبي ما يتعدى العشرين الف ..!

طلع فويهه شاب وسيم ملامحه هادية وقال: السلام عليكم
رد علييه بدون نفس: وعليكم السلام
رد عليه الشاب : أنا سيف انته زايد صح
استغرب زايد من اسلوب هالسيف يحسه دلوع ومبزاي : هيييه والحين ممكن تزول عن ويهي
سيف: باي يا حلو ..
زايد ما رد علييه ويلس يطالعه بنضرات احتقار

في العين داار الزين
في أحد فروع ستار بوكس

..........: شفيها لو سحبنا على الدوام من أول يوم تراه أول يوم
.......:عمور تستهبل فضيحه ها أول يوم حقنا

عمر: سليطين لا تغث لي فؤادي ترانا غبنا وانتهى الموضوع
سلطان سكت عنه ولد عمه ويعرفه طول عمره مهمل ,.

الصفحه الاولى هي صفحه من عشرات الصفحات التي ستكتب فيها روايتي وهي صفحه بسيطة وقصيرة والصفحات القادمة أفضل

عطوني رايكم في الرواية وأن شاء الله بتنزل صفحه أجمل من الصفحه التي قبلها

♥..لـمَسَة إבـًسَآسَ..
__DEFINE_LIKE_SHARE__

عـروقيـے تحتويـڪ · 11-25-2013, 12:23 PM

الصفحه الثانية

يا بحر فيني من الحزن كثر ما فيك

من حزن وأوجاع وغياب وغرايب

لاتلومنـي إليـا شفتنـي دايـم أجيـك

ولاشفتني دايم علـى الشـط ذايـب

حزني كبير أكبر من حدود شاطيـك

وأقسى من جـروح الزمـان العطايـب

وإن كان تنشدنـي فأنـا مقـدر أخفيـك

دايم اظن ويطلـع الظـن خايـب

في هالزمن أقرب حبايبـك يشقيـك

إليـن تدفـع فـي غـلاه الضـرايـب !!

من بعد هذا يبتعد عنـك ويجفيـك

ماكنه بجنبك قضى الوقت طايـب !!

وإلا الخوي اللـي توقعـت يفديـك

يفديك عمره لاغـدت بـك نشايـب !!

صد وتصدد مايبي سمع طاريك

وياما أنت دونه أتعبتك الطلايب !!

لاتقول لي بدري وتوك ويمديـك

وتعال وأسمع باقي الهـرج صايـب

خلك بحالك وأطلب الـرب يهديـك

ولاتنشد اللي غاب وين أنـت غايـب

وإن شفتني غايب عن حدود شاطيـك

أعرف تراني تحت ذيك النصايب

وأعرف تراني دايم إن ضقت بآجيك

لأني أنا والموج صرنا حبايب !!

قااام من جدام البحر وهو مهموم بعد الي صار امه و ابوه كيف يسوون جي فجآأه
ركب السيارة ومسك خط أبوظبي مستحيل يتم في دبي بعد الي صاار .،

العين .،،.

سلطان: ها عمر بتروح الدوااام اليوم ولا بتسوي مثل امس
عمر : ههه لا عااد لا تخليني احلم
سلطان عطااه نظرة
عمر : امزح بسم الله
سلطان : هاها ضحكنا يلا امش
عمر : أن شاء الله عمي

أبوظبي .،،.

سيف : السلام عليكم
....: وعليكم السلام
سيف : شحالك عبدالعزيز
عبدالعزيز : الحمدالله من صوبك
سيف : مااشي الحال
عبدالعزيز : وينه زايد ابد ما ييلس ويانا
سيف : زايد هذا بطراان لانه ولد المدير ما يريد يكلم احد
عبدالعزيز : حرام عليك سيف انا ما شفت منه شي
سيف : بتشوف عزيزي صبر كم يوم بس

خط دبي

ااه يا رببي شو اسوي أنا ليش ابوي يطلق امي بعد هالسنين الي طافت وهم ويا بعض ليش !!
صح أن امي ما تلعب دور الام ولاتسمع رمسه ابويه بس هي في النهاية زوجته وأم ولده الوحيد الله يسامحك يا ابوي

،..

الأرض لا مـن مرهـا الغيـث تحتـاس
بعد الضمـى تشـرب ويذهـب جهدهـا

من طيبها ينبت بها الـورد بـا جنـاس
وتجلـي عـن الصـدر المعنـى نكدهـا

يا حلو نبت العشـب مـن قبـل ينـداس
وشوف كلباء العامـره فـي عقدهـا

بعض الليالي وان غـدى ليلهـا نعـاس
تسري بهـا الذكـرى وترحـل وحدهـا

وبعض العلوم ان جات من ناس عن ناس
يزيـل هـم الـي همومـه سـردهـا

وبعض الكلام ان كان بالصدر هوجـاس

يـزداد بـه حرقـه وروحـه جلـدهـا

الناس يا اللـي تفهـم النـاس للنـاس
والـرب عالـم غيبهـا مـع بـددهـا

نـاسٍ صداقتهـم بالألمـاس تنـقـاس
ما هـي تضيـع المعرفـه فـي بلدهـا

الطيب فيهم ما عـرف طبـع الافـلاس
وقلوبهـم مـثـل الـذهـب تعتمـدهـا

وإلا الـردي نفسـه تبيعـه وينـحـاس
روحه وهـي روحـه يقـوم يحسدهـا

قلت الكلام اللـي كتبتـه مـن الـراس
قلبـي نجـوم الطيـب حافـظ عددهـا

كلباء .،،.

.....: امايه تاامرين على شي
امه : سلامتك يا ولدي
ابتسم هذي امه ما تتغير تحبه وتخاف عليه ما له غيرها هي واخته والحين بيروح عنهم
شل اخته الصغيره ...: ها مهاااري تبين شي
مهرة : ابي العاب
...: هههه هذا همج أنتي يلا امايه انا بروح
مهرة : جسوم لا تروح
جاسم ؛ ههه قبل شوي كنتي ما تبيني
مهرة : انا ابيك وابي العاب
جاسم : هههه لا تخافين اي وقت تبيني بتشوفيني اوك
مهرة : اوك
حب راس امه ومشى

أبطالنا اليوم ماسكين خط أبوظبي
وبعضهم معتزلين الكلام
والبعض الاخر عادي

عند زايد كان في نقاش حاااد مع ابوه

زايد : ابويه حراام عليك
ابو زايد : ماشي حرام انا خليتك موظف عادي عشان انت بجهدك توصل للمكان الي تبيه
زايد : ابويه شوف الي عندي في السكن كلهم خقاقين
ابو زايد : محد خقاق يا ولدي كلهم مافي منهم الا انت نظرتك للناس ما أدري كيف
زايد : يعني ما بتغيرني
ابو زايد : هيه
زايد : طيب يبه مع السلامه

في الصفحه الثانية تعرفنا على أبطالنا .،

زايد ، جاسم ، عمر ، سلطان ، عبدالعزيز ، سيف ، وولد دبي ( الي للحين ما نعرف اسمه)

كل واحد حياته مختلفه عن الاخر وكل واحد فيهم عنده مشاكل من ما عنده مشااكل .،

عطوني رايكم في الصفحه الثانيه .،

لمسة إحساس
__DEFINE_LIKE_SHARE__

آتصــےـنع آلبســےـمآـآت · 11-25-2013, 12:51 PM

نااايس بارت .. اممم ما عندي تعليق ... ونترياااا تكمل يالغلاا ..... __DEFINE_LIKE_SHARE__

عـروقيـے تحتويـڪ · 11-25-2013, 01:43 PM

المشاركة الأصلية كتبت بواسطة آتصــےـنع آلبســےـمآـآت

نااايس بارت .. اممم ما عندي تعليق ... ونترياااا تكمل يالغلاا .....

تسلمين يا الغالية
__DEFINE_LIKE_SHARE__

مسـ دفاشه · 11-25-2013, 02:50 PM

البااااااارت روووعه واحس ان في اكشنات فالقصه هع هع <<< يااخي حسست عمري هههه

ونتريا البارت الياااي باحر من الجمر ..... __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مالي لا أطيق فراق صحبي mp3 حزينة ومؤلمة جدا	محروم.كوم	منتدى أخبار المواقع والمنتديات العربية والأجنبية	0	01-19-2013 12:10 AM
مالي لا أطيق فراق صحبي mp3	محروم.كوم	منتدى أخبار المواقع والمنتديات العربية والأجنبية	0	01-14-2013 06:10 PM
مالي لا أطيق فراق صحبي mp3 حزينة ومؤلمة جدا	محروم.كوم	منتدى أخبار المواقع والمنتديات العربية والأجنبية	0	01-08-2013 11:30 AM
غمات.. نغمة روعة للجوال بصيغة mp3	محروم.كوم	منتدى أخبار المواقع والمنتديات العربية والأجنبية	0	10-10-2012 08:11 AM
لا أطيق الاختلاط بالناس ...سؤال وجوابه ... حياكم ...	الرهيب القطراوي	الإستشارات النفسية والاحتياجات الخاصة وتطوير الذات	3	05-10-2011 07:11 PM