إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...

انضم الينا
استراحات زايد الصفحة الرئيسية

         :: مواصفات سيارة تويوتا كامري 2023 (آخر رد :saddkn)       :: طرق عزل الاسطح بالخبر (آخر رد :رودى طه)       :: كيف تحمي منزلك من هجوم الحشرات (آخر رد :رودى طه)       :: برامج الرشاقة السعيدة (آخر رد :دارين الدوسري)       :: تبي متابعين تيك توك مجاناً؟ (آخر رد :ريم جاسم)       :: قهوجي جدة صبابين قهوه مباشرات ضيافه 0539307706 (آخر رد :ksa ads)       :: وانيت نقل عفش بالرياض 0539735360 ونيت توصيل اثاث مشاوير (آخر رد :ksa ads)       :: متجر Google Play: (آخر رد :محمد العوضي)       :: فوائد تحميل التطبيقات: (آخر رد :محمد العوضي)       :: تحميل التطبيقات ومصادرها: دليل شامل (آخر رد :محمد العوضي)      

إضافة رد
 
LinkBack أدوات الموضوع انواع عرض الموضوع
  #1  
قديم 01-26-2011, 10:02 PM
الصورة الرمزية t7b w tkabr
عضو جديد
بيانات t7b w tkabr
 رقم العضوية : 129360
 تاريخ التسجيل : Jan 2011
الجنس : Female
علم الدوله :
 مكان الإقامة : no where
 المشاركات : 7
عدد الـنقاط :100
 تقييم المستوى : 0
 رسالة SmS
al7ya 7lwa Bs nfhmha
رسالة MMS


sـــلآم ..~
شحآآلكم ؟!~
عسآآكم بخير ..~


بابي نزلكم قصتتي ,, و ابي رايكم فيها ,, ولاتقصرون بالردود .. ا~
انا نزلتها قبل ف منتدى ثاني و لقيت تشجيع منهم .. و ان شالله تعيبكم ^^


بنزل ان شالله كل يوم او يومين 3 بارتات من 40 بارت ^^ ..~
__DEFINE_LIKE_SHARE__
رد مع اقتباس
قديم 01-26-2011, 10:54 PM   رقم المشاركة : [ 2 ]
عضو جديد

الصورة الرمزية t7b w tkabr

بيانات t7b w tkabr
تـاريخ التسجيـل : Jan 2011
رقــم العضويـــة : 129360
الـــــدولـــــــــــة : no where
المشاركـــــــات : 7 [+]
عدد الـــنقــــــاط : 100
الجنس : Female
علم الدوله :
الحالـــة : t7b w tkabr غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
رسالة SmS
al7ya 7lwa Bs nfhmha

 
رسالة MMS

افتراضي

}..إآلحـژنﱟ قـ᷉درﯤ ؤ لآ هٗـﯚ بـﱢرغبتـﱟے●

البارت الاول ..

كانت يالسه حذال الدريشة في حجرتها , تكتب يومياتها في دفترها الوردي الصغير .. كانت تكتب كـل شي في خاطرها لكن تترجمها بخـواطـر نثريه .. همومها عاديه و ولكن بطموحات كبيرة .. كانت تحلم بان ترفع رأس أمها فوووق .... مع وجودها بحظن امها .. البنيه الطفوليه كانت بنظر امها مهما كبرت جدام عيونها ..

كانت تكتب في مذكرتها لكن طريقتها الخاصه ..
(( ليه كل ماوجدنا الدفا و الحظن اللي يلمنا وقت ظيجتنا .. يختفي عنا و يبتعد ويغيب و يصبح لا جود له بيننا .. و بلحظات غيابه نتمنى وجوده بيننا لو ثانيه ..كانه لو غاب بعد هالثانيه ما بنشتاقله اكثر ..
ام حمد تزقرها: الريـــــــــــــــم
الريم فرت دفترها ع شبريتها و سارت عند أمها
الريم و هي ظاهره من حيرتها و سايره صوب امها ..
ام حمد : سيري تعشي انا بسير ارقد احين
الريم : ماتعشيتي ؟
ام حمد : انا ما ابي شي
الريم : و حمد بيي و لا لاء
ام حمد : ما ظنتي بيي من وقت
الريم : انا بدق عليه بجوف يمكن بعد اييبلي عشا وياه
ام حمد : برايـچ المهم تعشي .. تصبحين ع خير
الريم : وانت من اهله
وسارت الريم للصاله .. ويلست تبي دق ع اخوها حمد .. حمد عمره 23 سنه عزابي
دق تلفون البيت .. سارت الريم ترد ع التلفون
الريم : ألو
المتصل : الو السلام عليكم
الريم : وعليكم السلام .. منو
المتصل : انتي منو
الريم عصبت : انت داق مب انا
المتصل : هذا بيت عمي محمد
الريم استغربت : انت منو
المتصل : انا هزاع ولد عمـچ أحمد
الريم : السموحه .. منو تبا
هزاع : ابي حمد
الريم : حمد مب موجود
هزاع : عيل قوليله اني دقيت
الريم : انشالله .. فمان الله
هزاع : مع السلامة

دقت الريم ع حمد
حمد : مرحــــبا مليون و لا يسدن بذمتيه
الريم : مرحـــبا الباجي
حمد : هلا و الله بالريم .. انت يوم دقين الساعه 9 او 10 يعني وراها عشا صح
الريم : يــــــب
حمد : ههههه شو تبين
الريم : امممممم برايك شو بخاطرك انت
حمد : انا بخاطري الصراحه ماقدونالز
الريم : اوكي خلاص ابي مشاوي خخخ
حمد : حتــى انا تراني اعرفـچ بتقولين العكس هههههه
الريم : مشكلتك انك فاهمني خخخ .. يلا اترياااك بسرعه لا تتأخر
حمد : انشالله .. تامرين بشي ثاني عمتيه
الريم : لا ... بس بسرعه يلا.. خخخخخخ... باي باي ماي ستيوبد براذر
حمد : باي .. هاف أ باد داي
الريم : يوتو .. ايييييييه ترى هذا مب رصيدك رصيدي يلا باي
حمد : وخيييييييبه مب بخل علييييـچ و الله لو وزعوه ع هل الدوله بيبقى وبزياده ... هه فمان الله
الريم سارت عند أمها .. حدرت الريم
الريم : أمــــــاية ... انت راقده
ام حمد يلست : لا مب راقده
الريم : ولد عمي اممم نسيت شسمه ... (تتذكر) هيييه هزاع اسمه دق وقال يبي حمد
ام حمد : هزاع
الريم : هيه شحقه شو السالفه
أم حمد : منصور و محمد وهزاع .. مشالله عليهم لو ان هلهم قطعوا و لا عاد يسألون عنها الا بالمناسبات و حق مظاهر بس .. بس عيال غير عن أبهاتهم
الريم جربت من امها و حطت راسها ع صدرها ..
ام حمد و هي تمسح ع راس بنتها
ام حمد : بـلاج غناتي .. انتي من رديتي من المدرسه و انتي مب ع بعضج ..
الريم : امــايه .. ربيعتي صفووي .. امها توفت ..
ام حمد تنهدت : الله يصبر ربيعتح ع فراق امها ..
الريم ببراءه: امايه توعديني ماتخليني ..
ام حمد ابتسمت لبنتها بحنان : يا الريم .. كـل شي مكتوب و مقدر ..
الريم و الدمع ع عيوونها .. : يعل يووومي قبل يووومج .. يعل عيني ماتبكيج ..
ام حمد بعصبيه و ع حنان : لااا يالريم لاتقوولين جيه .. انشالله .. اجوفج متخرجه انشالله من الجامعه و اقوم بعرسج و اجوف عروس ..
الريم وهي لااويه ع امها : الله يعطيييج طووولت العــمر ....
ام الريم : زين غناتي ... ابيج توقفين ويا ربيعتج .. و مااوصيج عليها .. فقد الاك مب سهل
الريم : افا عليج .. لو اني مب ذاك الزود وياها .. بس بعد واقفه وياها ..
الريم : زين امايه انا بسير اطالع تلفزيون لي مايي حمد
أم حمد : زين يلا سيري

الريم بنيه عمرها 17 سنة .. آخر سنة في الثنويه .. من طبيعتها العناد بس حبوبة .. وايد متعلقة بأخوها الوحيد .. اما عن شكلها .. الريم حنطية قاصة قذلتها فوق عيونها و ويها دائري و خدودها كبار و عيونها دائريه سوود ٍ.. وشعرها أســود و طويل يعني لي تحت الظهر .. و ناااعم بس مب سيييده يعني فيه تموجات و لفات من تحت ... يعني فيه حركه مب بااارد .. وملامحها وااااايد طفوليه .. و شخصيتها بعد طفوليه .. وغير انها معروووفه بستاايلها المميز .. يعني كشيييييخه حتى النخااااع .. ههه

بيت بو محمد

ام محمد :منصور حبيبي .. متى بتي
منصور : أمايه تراني قبل شهر عندج
أم محمد : انت قلتها قبل شهر .. و انت مايلست الا يومين و رديت وسافرت ..وانت تدري قلبي مايقوى ع بعدك ..
منصور : ههههههههه .. فديت روووحج يالغاليه
ام محمد : عقب كم شهر بتي
منصور : امممم ثلاث او اربع شهور
ام محمد : واااااابوي ... وايد
منصور : هههههه.. عقب جمن اسبوع بيي انشالله
ام محمد : زين .. هاك عليا حاشرتني تبا ترمسك
عليا : مــــــرحبا ملــــيون ولا يســــــدن بذمـــتيــه .. هلا هلا والله بحبيييب قلبي منصوري
منصور : هههه مرحـــــــبا الباجي .. هلا والله بختيا علايه
عليا : هلا فيك منصوري
منصور : شو هالترحيب هذا الحافل
عليا : ماااالت عليك انت اصلا حق السلام عليك و شخبارك بس
منصور : هههههههه السمووووحه منج
عليا : خلاص خلاص حصل خير .. ماقلتلي شعلومك
منصور : بخيييير و سهالة دام سمعت هالصوت
عليا : ههههههه ادري
منصور : اقول عليا انا مشغول شويه الحينه .. بدق عليج اليوم بليل .. وسلمي ع و ابويه
عليا : الله يسلمك و لا تنسى .. فمان الله
منصور : انشالله .. مع السلامة


بيت بو مزنه

مزنه : رواضي ..
روضه وهي تلعب بشعرها : عيونها ..
مزنه : شخبارها المدرسه وياج
روضه ابتسمت : رووعه
هزاع بمسخره : اكييد روعه .. تراج رايحه السوق مب مدرسه .. كاشخه جنج سايره عرس
روضه : هزااع تراني سايره مدرسة بنات
مزنه : ههههه الله يكملج بعقلج ..
روضه : مزنووه شو هالرمسه شو جايفتني مينووونه .. حـشى كل هذا لاني اكشخ في المدرسه .. مااصاارت علينا .. عيـل ادعي حق بنات مدرستنا كلهم مب لي انا بس .. اففف
دشت جواهر .. اللي كانت في كرسي متحرك لانها سوت حادث عقب بقولكم تفااصيله ..
جواهر : السلام عليكم
الكل : وعليكم السلام و الرحمه
هزاع : جوجو وين كنتي
جواهر : كنت في بيت يدوه
هزاع : اها .. جواهر (نـش و سار صوبها )
جواهر بستغراب : هاا
هزاع يود الكرسي ودزه : ابيج بسالفه ..
جواهر سارت و يا اخوها .. للصاله الداخليه .. و قف الكرسي جدامه ..
هزاع : جواهر .. انت تدرين قبل اسبوع من ظهرت من المستشفى شقال الدكتور
جواهر صدت عنه بكرسيها : هزاع باجر عليه كويز بسير اذاكر ..
هزاع زخ يدها و رد كرسيها جدامه
هزاع : وانا كل مارمست تقولين لي بتذاكرين .. يلسي الحينه و خليني اكمل رمستي
هزاع : جواهر فديتج .. انتي تدرين ان الدكتور قالج انج اكيد و باذن الله بتمشين .. بس لازم العلاج الطبيعي .. جمن شهر .. وتذكرين وعدج و لا اذكرج فيه .. مب انتي اللي كنتي تموتين صياح في المستشفى عسب تظهرين .. ووعدتيني انج تسيرين و تتعالجين .. و لج اسبوع من ظهرتي من المستشفى و انتي تاجلين .. وتـرى خذيت لج موعد ..
جواهر و هي صاده عنه و دموعها اربع اربع .. كـل ماحد ذكر لها الحادث تصيـــح
هزاع انكسر خااطره يوم جافها تصيح ..
هزاع : جوجو انا مب قصدي اذكر... (مااستحملت و حطت رااسها ع صدره و تصييح )
وهو مااراام يقول شي او يسوي شي الا انه يلوي عليها و يهدييها ..
جواهر و هي تصيح : هزاع و الله اني زااايغه
هزاع : من شو حياتي .. انتي مكبره الموضوع .. ترى الا هو شهر ونص في العلاج الطبيعي .. و حلاتج عقب بتمشين بدون هالكرسي اللي مب مخليج تاخذين راحتج .. ومقيد حركتج
جواهر و هي تحاول تهدا ..
هزاع : جواهر انا كنت اتحراج قويه .. و قادره تواجهين مشاكلج و تحلينها مب تتهربين منها .. وانا اللي اعرفه انج ع وعدج .. صح و لا
جواهر وهي تمسح دموعها ..
جواهر : بس عندي شرط واحد بس
هزاع : قولي
جواهر : اذا بسير بسيير بروحي .. و ماابي احد يرمسني ع الموضوع هذا مره ثانيه .. و لا تطروونه جدامي
هزاع : تــم ..
عقب سارت حواهر عسب تسير جناحها عقب لا تخوونها دموعها ... لانها ماتحب ابدا تصيح عند احد .. بس هزاع كان الشخص الوحيد اللي يفهمها .. اكثر من امها وابوها وطبعا هو و مهره اكيد (عمتها ) ..
عقب ماسارت عنه لجناحها بالمصعد .. هزاع سار ويلس عتد مزنه ..
دشت سارة و كانت شبه راقده
مزنه : ساارووه شحقه نشيتي .. توني رقدتها بطلعت الروح
هزاع : هههههه ... انت سيري رقدي وانا بسير ارقدها .. يلا سارووه
ساره ببرائه زخت يد هزاع :ع وين
هزاع : بنسير نرقد ..ولا شرايج
سارة : لالا ماابي .. مافيي رقاد
هزاع : يلا .. باجر وراج روضه
ساره وهي مستانسه: عمووو انا مارمستك عن ربعي اللي في المدرسه
هزاع طالع مزنه
هزاع : هذا اللي بتنزل راسنا في القاع ... ربعج منو سارووه
ساره يلست تعدد باصابعها
ساره : علاوي و فهوود و سعوود و زيوود و وااااايد بعد
هزاع : ماعندج ربيعات
ساره : امبلى عندي وااايدين
مزنه : هذي زعيمة الصف و برع الصف تعرف نص اطفال الحضانه الحشره
هزاع : هههههه فدييييتها والله طالعه ع عمها ... ساروه
ساره : ها
هزاع : يلا ركبي ع ظهري

اما في بيت اليـــده ..
مركز العايله .. و ملجــا افــرادها ..

اليده ظبيه : مهووور .. مهرووه
مهره : هااا
اليده ظبيه : دقي ع ولدي منصور
مهره : امـايه .. ترى عقب جمن اسبوع بييج .. و تراج الصبح مرمسته
اليده ظبيه بعصبيه : و شلي حارنج .. اقول دقي و انت ساكته
مهره : انشالله .. (زخت مبايلها و دقت ع ولد اخوها .. منصور .. )
منصور رد ع طول : ياااامرحب .. يا هلا وغلا بعمتيه مهوور
مهره بعصبيه : مهوور في عينك و يا هالراس ..
منصور : هههههه .. اقول احمدي ربج اقولج عمتي .. و انا اكبر عنج زين .. عطيني امـي ظبيه .. يلا
مهره : اراويك انا .. انت بس رد البلاد ..
منصور : هههه .. يــلا عطيني امي ظبيه يلاااا
اليده ظبيه : مرحبا ملايين و لايسدن بذمتيه ..
منصور : مرحبـــــا البااجي .. هلا و غلا .. هلا بالغاليه .. توووه مانور مبايلي
اليده : هلا فيك .. شخبارك .. و شخبار دراستك
منصور : الحمدلله .. كله من دعاويج يالغاليه ..
اليده : ربي يسهلك طريقك و يبعد عنك بنات الحرام و عيال الحرام ..
منصور : آميــــن .. زين فديتج .. شحالج و شخبار صحتج .. عساج بصحه و سلامه
اليده : والله يا ولدي من اسمع صوتك احس اني بخير و سلامه ..
منصور : فديـــت رووحج انا .. يعل عيني ماتبكيج يالغاليه .. بس انت تريي جمن شهر يخلصون .. و خلاص عقبها حرمت اسافر .. زين
اليده : يـلااا شرات ماترييت هالسنين كلها اترياك بروم اتريا جمن شهر .. اهم شي سلامتك منصور : الله يسلمج من الشـر
اليده : زين فديتك مابطول عليك .. كٍل و ارقد عدل .. يـلا فمان الله
منصور :ديري بالج ع عمرج .. فداعة الرحمن ..

اليده تمووت في هزاع و منصور .. و ع فكره هالاثنين محد ربااهم الا اليده ظبيه ..لانهم من كانوا صغار و هم مطيحين عندها .. ومحد يعرف لهم الا هي .. يعني تقدرون تقولون انها مفتاح صندوق اسرارهم .. و تفهمهم من عيونهم .. يعني هم وااايد واااايد وياها ... لدرجه ان امهاتهم يحسدوونها ع علاقتها مع عيالهم .. لانهم لو شو يسوون مايوصلولون لغلا و المحبه اللي يكنونها ليدتهم ..

بيت بو حمد

دش حمد للبيت .. والريم تترياه
حمد : الريم .. بعدج مارقدت
الريم : اترياك و يا ويهك
حمد : ههههههه والله
الريم : هيه بس تدري بسير ارقد احسن
حمد : افا و العشا منو بيتعشى وياي
الريم : اممممم روحك تعشى انا بسير أرقد
حمد : افااا والله .. بس تدرين وفرت بعد
الريم بعناد : دام السالفة فيها عناد بيلس و اتعشى وياك زين
حمد ابتسم : احسن لاني مااحب اتعشى بروحي
الريم : افففف منك .. انا بسير ارقد و ماعليه منك
دق مبايل الريم ..
حمد : منو هاي اللي داقه بنصاف الليول
الريم ابتسمت : هاي ربيعتي .. ترى باجر عندنا امتحان .. و هي تبدا تذاكر الحينه .. اكيد عندها اسأله ..
حمد : هيه .. و انتي مستويه زكيه الذكيه عند ربيعاتج
الريم : هههههههههه ... والله ماااعندك سااالفه .. انا بسير ارد عليها و ارقد ..
حمد : ههه .. نوووم العوااافي
الريم : الله يعاافيك
عقب سارت الريم للدرج .. ووقفت وصدت ع حمد .. كأنها تذكرت شي ..
الريم بدلع << تحااول هه : حموودي
حمد : بالاول شيلي هالقذله الا ع عيونج .. عقب ارمسي .. محد يجوف عيونج من هالقذله .. حتى يوم ترمسيني اتلفت حولي .. اقول يمكن ماترمسني ترمس اللي عدالي
الريم : هههههههه حشى حشى .. من طوولها حرام عليك .. (وهي ترفعها بيدها ) اوكي جيه
حمد : ههههه .. هيه جيه اوكي .. وليتج قصيني بعد احس ..
الريم نشهق : شووووو يالظاااالم .. قوول طوليها و رديها ورا بسكت لكن اقصها لااااا ثم لااا ثم لااا
حمد : هههه .. شتبين
الريم : اممم .. باجر ابيك توصلني للمدرسه .. يعني بوعيك من وقت .. اوكي
حمد : شحقه
الريم : اممم البنات مسوين لمه من وقت بنتريق ويا بعض ..
حمد : اوكي .. تبين تييبين شي وياج
الريم : لا الله يخلي لي ماماتي .. بتزهبلي ريوق اييبه و ياي .. يلاا تصبح ع خير
حمد : و انت من اهله ..

اليوم الثاني


مريم : يلا فديتج انا عند الباب ظهري
عايشه: فديتج مرايم مابروم اسير وياج ..
مريم : افااا ليش
عايشه ماعرفت تجذب وبتردد : امم امم تعبانه شوي ..
مريم : شووو يالسه تقوولين ترى عقب اسبوع عرس ليلى (ربيعتهم) لا تيلسين تاجلين و انت ماشريتي شي ..
عايشه : مااعليه بلبس شي من ملابسي
مريم : لااا شو بلااج .... يلااا عاد عن الدلع
عايشه : غناتي خــلاص سيري و لجي ع السوق ترى الساعه 11 الظهر ..
مريم بتفكير : عواش .. محمد رفظ صح
عايشه طالعت محمد اللي منشغل بالملف اللي عنده و بعلت ريجها و سكتت
مريم : ياااربي منه .. وليييش .. انا بدش و برمسه
عايشه بترجي : مااعليه فديتج .. ترا هو مب دوم ماييلس عندي .. و ماحبيت اسير واودره بروحه
مريم بتنهد : اوكي ع راحتج .. انا بخطف ع مهور و نسير رباعه ..
عايشه : زين حبيبتي اخليج .. فمان الله
مريم : فداعة الرحمن
عايشه و بنبره فيها خوف ..
عايشه : محمد هاي آخر مره اجذب ع مريم .. خــلاص انا ماروم
محمد بدون اهتمام : وليش ماقلتي لاختي اني رافظ و خلاص
عايشه : زين ممكن اعرف ليش
محمد : مادري ..
عايشه : يعني السالفه مزاج
محمد رفع راسه و رفع حواجبه : ايه مزاااج زين ارتحتي الحينه

عايشه تنهدت .. ملت من هالعييشه خلاص .. علاااقتهم ويا بعض مكشوووفه للكـل ... هي وياه بس عسب ولدها و مستحمله بروووده و كره لها اللي ماتعرف ليش و هذا غير خووفها منه ماتدري ليش و لو انه عمره مامد يده عليها .. بس يأذيييها و يجرحها بمشااعرها ... بس بعد محمد طيب و قلبه ابيض ..يعني بختصار مزااااااااااااااااجي بشكل غاااامض .. ولكن دووومه يحسسها انها و لاااا شي و لا تسوى عنده شي .. ولكنه غيووووووووووووووور لدرجه مميته ..... و لا الكل يغار بس غيرته هو مب طبيعيه .. مب خليها تظهر ع راحتها .. ابد .. و يوم عرست وقفت دراستها .. و يلست في البيت ...وبعد كل هذا هو مايروم يطلقها و هي تقربله من بعيد شوي لانه يدري بتستوي مشاكل .. و هي ماعندها الا بيت عمها لانها يتيمه.. و هذا غير ولده .. عبود .. والكل يعرف بهالشي ورفظه لها كان اول شي .. و مماسبب لها بجرح عمييق بكبريااءها .. لكن ماباليد حييله ..

عايشه : عيل شلبس حق عرس ربيعتي
محمد بعدم اهتمام: لا تسيرين
عايشه : نحن تفاهنا في الموظوع خلاص وترى لي شهرين ماظهرت فيهن السوق .. والله حرام عليك .. وانت تدري البيت مايفظى كله ظيوف .. مب حلوه اظهر جيه لهم بنفس الملابس .. والله فشله ..
محمد تنهد : زين .. اليوم عقب صلاة العشا بوديج .. زين
عايشه .. كانت بسيطه جدا .. يعني اقـل شي كان يفرحها .. تستااانس ع اي شي تافه ... وبذات اذا كان من محمد ..
عايشه و هي مستانسه نشت..
عايشه : مشكووور فديتك مااقصرت .. يعل عيني ماتبكيك
محمد ابتسم من ردة فعلها .. و كمل شغله .. و هي سارت تجوف عيالها ..
لقتهم في حجرت النوم .. وخاابصييين و عااافسين الدنيا ..
عايشه و هي تقصر حسها ..
عايشه : عزووووز عبووود شتسووون ..
عزوز عمره 4 سنوات ..
عزوز : عبووووود هو قالي يـلا نلأب في حفرت بابا و ماما ( نلأب – نلعب , حفره – حجره (مب بني آدمين ارانب) << .. عادي هالولد مصـــرقع .. مب شرات اليهاال ..
عايشه صدت ع عبوود : عبوووود ..
عبووود عمره 7 سنوات هادي و حبوب مب شرات عزوز ..
عبود : والله اني ماقلتله جذب عليج امايه ..
عايشه تنهد : يــــاربي شسوي فيييكم ..
عبود بقهر وهو رااافع صوووته : امااااايه لا تصدقيييييه .. والله انه جذاااااب
عايشه: قصر حسك لاييك ابوك ويهزبك الحين
محمد من وراهم
محمد بصوت كله جديه و حزم ..
محمد : شسالفه .. بـلاكم
عايشه : ماشي فديتك .. بـ
محمد وهو يطالع الحجره ..
محمد : منوووو سوا كل هذااا ..
عبود وقف عند ابووه
عبود بسرعه : ابووويه هذا عزوز
عزوز الشـــرده ورى امه .. وتلصق فيها ..
محمد : عزوووووز تعااال هني
عايشه وهي تهدي الوضــع
عايشه : خلاص محمد .. خلااص .. انا بعاقبه
محمد : لا خليييه ايي
عايشه صدت ع عزوز ..
عايشه تهمس لولدها : حبيبي سير عند بابا وقوله آسـف زين ..
عزوز ببراه وهو يتمسك بامه اكثر : لا ماابي ..
عايشه صدت ع محمد ..
عايشه : خلاص محمد انا بعاقبه ..
محمد : انا قلت خليه ايي .. انا اللي بعاقبه .. انت ماتعرفين الا دلعينهم .. لو الواحد ماشد عليهم وهم صغار يوم يكبرون مابيغدون ريااايييل ..
عايشه : الله يهديك يا محمد عمرهم 4 سنوات ..
محمد بعصبيه : عزوووووز تعاااال هننني
عزوز زااااغ .. بس شبيسوي .. وقف عدال امه و هو زاخها من مخورها ..
محمد : لــيش زايغه .. تعرف الي تسوي غلط صــح ..
عزوز هز راسه ببراءه بهيه ..
محمد : عيـل عقابك اليوم بنسير انا وعبود السوق وبنخليك في هني ..
عزوز ع فكره اذا جااف أي حد طااالع من البيت يتلصق فيه يعرفه او مايعرفه .. المهم يظهر .. والوحيد الا يبتلش فيه تركي و احيانا زايد ..
عزوز سار عند ابوه ..
عزوز : باابااا والله ماثويها مله ثاانيه
محمد : ماشي ..
عقب ربع عزوز برع الجناح وهو يصيح ..
عايشه : حرااام عليك الحين زعل ..
محمد : محد بيخربهم الا دلعج
عايشه : عزوز لو زعل ماياكل و لا يرقد .. عزوووز حساس حس فيه شوي ..
..
عزوز سار للصاله يدور ع يدته .. ولقى عليا يالسه ع اللاب .. وتركي زاخ الريموت و يطالع تلفزيون ..
تروك انتبه لعزوز : افــــــــا منوووو زعـــــل حبــــــــــيب عمـــه ..
عزوز بقهر : احوووووووك ( اخووك)
عليا : ههههههههههههههه ... والله ان محد في البيت يرووم يعطي بالويه الا عزوز ..
تروك وهو فيه ظحكه بس زاخها : لا حبيبي عيب تقول جيه .. هذا بابا
عليا : زين عزوزي انت شو سويت
عزوز : ماثويت ثي (ماسويت شي)
تروك بشك : عزوووووز .. ادريبك اكبر جذاااب قوول شسويت
عزوز سار و يلس في ثبان تركي ..
عزوز : لأبت في حفرتهم ( لعبت في حجرتهم )
تروك : هههه .. زين انت ماعندك حفرتين تلعب فيهم ..
عزوز : لا انا منيت من حفرة النوم و حفرة الانعاب ( لا انا مليت من حجرة النوم و حجرة الالعاب)
تروك : ههههه والله اشك انك تتحراني ارنب .. زين بابا شو قالك
عزوز رد يصيييييح ..
عليا تفكر : اكيــــد مابخليك تسير وياه مكان صح
عزوز هز راسه بالايجاب و هو يصييح ..
تروك : شو هالبلشه الحين .. لو هربتك وياي لساانك كالعاده يزل و تقولهم انك سرت وياي ..
عليا : زين شرايك لو سرت عند ساره
عزوز : لاااااا لااااا هاي انا مااهبها (هاي مااحبها)
تروك : لييييش
عزوز : ثرييييره .. ابا الوووح عند حمام ( حمدان )
تروك : عيـل لا تقول لحد و عقب مايسير ابوك بهربك .. ههه
عزوز باس تركي ع خده ..
عزوز : انت واااايد هلووو(حلو) ..
عليا اونها زعلااانه و مدت بوووزها ..
عليا : واناااا .. مب حلوووه ..
نش عزوز و سار عندها و باااسها ..
عزوز : انتي بعد هلوووه . .

,,,,,,,,,,,,,,,,,,,,

بعد مرور ….. ايام ... و بالظبط وقت وصول منصور .. كان كالعاده اييهم من لندن كل جمن شهـر .. بس هالمره بيطول شوي ..

بيت بو حمد (توفى )
حمد : اماية ترى محمد ولد عمي دق قبل شويه عازمنا عندهم ولدهم منصور رد هني جمن يوم للبلاد
ام حمد : غريبة مب من عوايد اعمامك انهم يعزمونا لمناسباتهم
حمد : اماية ترى الريال حلف علي إنا نيي كلنا
ام حمد : خلاص صار لو اني ما اطيق اليلسة ويا حريم عمومتكم بس مابردهم و تكون القطيعة منا نحن
الريم : زين الحينه دوري ارمس .. جوفوا انا لازم اسير السـ
حمد بملل : السووووق
الريم : اكيييد .. وبعدين هذي اول مرة اجوفهم يعني لازم اكون حلوووووة
حمد : ههههه وانا اكيد ماارضى تكون اختي اقل من غيرها
الريم : ليتك كل يوم جيه آآآه
حمد : زين يا حلوة اليوم قبل العصر باخذج عسب نلحق ونسير
الريم : انشالله

بيت بو هزاع
هزاع : علاية وعيني الساعة 6
روضه : الصبح
هزاع : علايه بلا استهبال المغرب بلاج
روضه بعصبيه : نعـــم منو منو
هزاع : افف علااايه عن الخباله
روضه : انا علاااايه ويا هالراس
هزاع رفع راسه بتعب : اووه روضه ..
روضه بعصبيه : ومن متى علايه توعيك من الرقاد
هزاع ابتسم : احمد ربج اني غلط فاسمج و سمييتج علاايه
روضه طنشت رده .. و سألته : عسب منصوور
هزاع : هيه يلا سيري و قفلي الباب بعد ولا ساروه بدش
روضه : هههههه انت تخااااف من ساروه
هزاع : لا يالخبلة انت سيري و قفلي الباب
روضه : هه زين
سارت روضه و قفلت الباب .. مرت سارووه من جناح هزاع .. وهزاع بهلوقت كان بسابع نومه
ساره رضت الباب رض و دشت
ساره :عمووووووووووو .... هزاااااااااااعووووووه
هزاع رفع راسه : يااااربي شهل بلشة .. ساروه فديتج انت سير عند عموه روضه لاني ابا ارقد
ساره و بعيونها دموع : تروغني هزااااااااعوووه
هزاع : لالالا اهبي انا .. بس بابا انا ابي ارقد لازم اسير عند عمو منصور
ساره مستانس : عمو منصوري
هزاع : هههه هيه
ساره ببراءة : زين عمووه ابا لاب توبك عسب العب
هزاع : بس .. يفداج بس خليني ارقــد
عقب حدرت مزنه
مزنه : ساروه شتسوين هني .. يلا ساروه خلي عمج هزاع يرقد
ساره : زين انا بخليه يرقد بس باخذ اللاب توب
مزنه : زين يلا .. هزاع .. بلاك مب هذا اللاب توب حقك اليديد
هزاع : يفدااها اللاب و راعي اللاب .. بس ابي ارقد يا نااااااااااااس
مزنه : ههههه يلايلا ساروه
وعقب سار مزنه و ساره برع .. و هزاع رد رقد ..

أما عند منصور فبنقللكم الأجواء
منصور (( متى بس اجوف هلي دووم مب كل جمن شهر و اييهم ,ايلس ويا يدتي و اسووولف وياها .. , و اجوف الوالده و الوالد و هزاعووه و مريوم و محمد و اصبح ع خبال علايه واللوتيه ساروه وحمدانوه واهمهم عمتيه مهووور .. و العايلة كلها . شو هالعيشه كل الاكل اللي آكله فاست فود, بس شو اللي بيدي يوم الاهل كلهم يبوني اكمل دراستي برع .. بس تدرون الحياة واايد صعبة هني .. اكيد مب ع البيزات ابد .. بس يوم تتوله ع اهلك و ناس غاليين عليك .. شتسوي .. بس مااقول إلا ربي يعيني ع الغربه ))
دق مبايل منصور
منصور : الو
هزاع : مرحبااااااااا الساع
منصور : مرحبا الباجي
هزاع : هلا والله
منصور : افف تدري اغراض مهروه اللي طلبتها مني ماخذه جنطه اكبر من جنطتي
هزاع :هههه .. اصلا شو طالبه منك
منصور : عطوورات و جمن بدله مفصلتها هني من العطله اللي طافت .. (بسخريه ) و لاااا وشوو يدووه تباني اعرس جريييب .. بعد .. خبلوو فيني علايه و مهرووه .. بعد ازييدهم يستوون ثلاااث .. لاا يابوك يكفيني هنتين ..
هزاع : هههههههههههههه ... ماعليك .. علايه انا بااخذ همها منك .. و مهوور نهاايتها ترظى بواحد من هذيل اللي يخطبوونها ..
منصور يلس يتذكر اللي كانو يايين يخطووبنها بس دووم تردهم .. بحجة درااستها ...
منصور : هههه .. دخيلك لا تذكرني فييهم .. مدري عمتك منو تبي يخطبها ...
خذت عن هزاع المبايل .. ((الحبيبه كانت متلصقه بذوون هزاع تتريا منصور يقول لو ياب اغراضها و لا لاء .. ويوم ظمنت اغراضها في الجنطه خلااص ))
مهره :.. شحقه انشالله تبا الفكه مني يالسه ع قلبك وانا مااادري .. وبعدين انا ماباخذ اي احد .. الحلوو للحلوييين .. يالشييين
منصور : ههه .. جب جب و لا ترى افر جنطتج من البلكوونه .. و الله لا تعيش الشحاتين اللي يعشوون في الشوارع بقصور ..
مهره : هههه ... يفداااني كل بااوند دفعته ... ههه .. مااشي يغله عليه ع قوولت ماما

منصور : هيه صح .. اكيد ..
مهره : مانسيت شي اكييد
منصور وهو يظحك : امبلى من متى وانا اييب شي كاامل لاااازم بالقطااره
مهره بقهر : اففف شوو نسيت
منصور : مدري والله ..
مهره : افففف والله انك مذله .. هاك هزاع
هزاع :ههه .. تعاااااال اليوم حلمت انك راد لندن و انت بيدك يــد المـــدااااااااام
منصور : ههههههه
هزاع : ويا ويهك شحقه تظحك
منصور : انت تدري عني اتزووووج مشروووووع مااجل الى اجلن مسما
هزاع : شحقه ويا ويهك شقاصرك عين راس خشم
منصور : ههههه .. لا مب جيه بس مزاااااااااج ..
هزاع : ابيك تفهمني ... ابي افهمك .. فهمني ياخي
يلس منصور على الكرسي : جوف يا ولد عمي انا انسان مب مستعد حق مسؤولية بيت و عايله ابي اعيش العزوبية بعدني ما مليتها
هزاع : زين مايكفيك 21 سنه عزوبية
منصور : هههههههه ... ياظالم يعني انت تبي تقولي اني اول ماولدت وانا عزوبي ... بس يمكن تقول اني للحين مب متهيأ للزواج و حشرته.. يلا يلا سيري للمطار ترياني
هزاع : لالا احلف بس اسير اترياك وانت حتى ماسرت المطار
منصور : هزاااعوووه ترى بدق ع عمي يلااا
هزاع : جب جب يلا انشالله تروح و ترد بسلامة .. يلا بخليك الحينه فمان الله
منصور : فمان الرحمن

وعقب جمن ساعة
في سيارة حمد ..
الريم : حمودي
حمد : عيونه
الريم : امم تدري ذاك اليوم اللي وصلتني فيه حظرتك متأخــره وراااح عليه الريووق .. و يوم دشيت المدرسه ويااااي .. تدري شسويت في بنات مدرستنا
حمد بسخريه : شو بعد
الريم عدلت يلستها : خبلت في البنات و يا هالويه .. انت دووم جيه ماتعطي حد فيس
حمد : هذي اللي ناقص بعد .. لا غناتي انا آآآخر شي افكر فيه البنات
الريم بقهر : انت حاله ميؤووس منه افف .. الله يعييين حرمتك
حمد ببتسامه : لالالا ... هذي حلااالي .. يعني بنات الناس غيير و حرمتي غيير
الريم : ههه .. يعني اقوول ياااااحي حرمتك .. بس متى بتعزم
حمد : هههه ... بالاول خليني اتثبت بشغلي و عقب يصير خير
الريم بوناسه : صــج .. واااو كشخه .. اخيرا بتعرس
حمد بنص عين : ليش يالس ع قلبج
الريم : هههه .. عســـل ع قلبي ..
حمد بركن سيارته ..
حمد : يلااا .. بس سمعي نحن ورانا درب من راس الخيييمه لييين العيــن .. يعني بســرعه
الريم : من عنوووني ..

اشترت الريم .. تنوره طويله سوده عليها نقش بلون الفظي ... و بدي حرير بلوون الفظي الغامج وعليه حركات بلون الابيض .. كان واايد كيووت عليها ..
حمد تنهد : خلـصت
الريم : ههه .. هيه هيه خلصت .. يـلا باجي الاكسسوري
حمد : خذيها من هني
الريم : يالظالم .. هني مب حلوه اكسسوارتهم جديييمه .. وعليها غبره بعد .. يلا يلا
حمد تنهد : يا رب صبرني بس
الريم : ههه ..
عقب ماخذت الاكسسوارات المتناسبه مع ملابسها ..
حمد بمسخره : مابتاخذين عباه بعد
الريم : ههههه لا فديتك عندي عباه حلوه حق اللي شريته
حمد : تدرين اني اتمسخر .. و انتي شكلج انتي بتجلبينها جد
الريم : ههه لو ماعندي عباه عدله جان جلبتها جد .. بس الدنيا حظووظ
عقــب ماخلصــو .. سـاروا للبيت .. و ع طوول سارت تتزمب لان الدرب طويـــل من رااك (راس الخيمه) لــي دار الزين (العيــن) .. تزهبت و كشخـت ..

حمد : يلا ترى ورانا درب للعين
ام حمد : يلا خلصنا
حمد : وين الريم
الريم : كاني يايه
حمد : خلصت
الريم : شرايك
حمد : حلو .. يلااا ترى امايه تتريانه في السيارة
الريم : لالالا مابي
حمد بستغراب : شو ماابي
الريم : ابي رااايك
حمد هز راسة : حلوووووو واااااااااايد واااااااااااايد
الريم بغروور (تمزح طبعا) : ادري بدون ماتقوول ..
ويلست تفكر الريم ببنات عمها الا عمرها ماجافتهم .. كيف اشكالهم شخصياتهم .. خقاقات او متواظعات .. بترتاح وياهم او لا ....

اما هزاع ساير بوظبي لان منصور بيرد من مطار بوظبي .. و قوم بو حمد من بوظبي .. هزاع كان ماشي في الشارع و يرمس منصور اللي يتريا في المطار
هزاع : منصوور
منصور : هاااا
هزاع : تدري منو دعو للعزيمة
منصور : منوو
هزاع : قوم عمي بو حمد
منصور : حمــد والله زين بعد لاني الصراحة خااطري اجوفه من زمان ماشفته .. الأسبوع الا طاف دقيت بس ماكان موجود... ياخي عنده عزة نفس و رجووله و شخصيه .. صدق الواحد يفتخر فيه انه ولد عمنا
هزاع : صدقك والله
منصور : انت شو تسوي ويا الويه لي 10 دقايق اتريا
هزاع : العب كورة يعني شو ساير للمطار ... وشوبيستوي لو ترييت احمد ربك اني يايك
منصور بستهبال : هييييه و عسى بس ماثقلت عليك بس
هزاع بستهبال: لالالا كيف بس افا انا دريولك عادي هذي شغلتي بس انت ماعطيتني راتبي الشهر اللي فيه يرووح
منصور : هههههههههه يلا يلا اسكت و لا اكنسل الفيزا مالتك و اسفرك بنجلادش هههه
هزاع : عنلاتك يالهرم .. انت اصلا حرام الواحد يسوي فيك خير
منصور : يلايلا ولدي عمي ع الفاضي خلنا نستفيد منك يالزلمة
هزاع بقهــر : جب جب ولا كلمه هني في الخليج حاسديني ع عيوني الزرق وبذات لو دروا اني مواطن و من هل البلاد .. واذا سرت عند الاجانب تحروني شراتهم هذا الا لو رمست هني تثبت جنسيتي عندهم ..
منصور : هههه وتخيل تقولهم انك هزاع الـ ( ..... )
هزاع : هني ينتحرون هههه
منصور : ههههههه زين يلاااا عاد اسرع شويه
هزاع : لالا حبيبي ترى المخالفات عليه مب هليك
منصور : يلا عاد يعني انت الي تحاتي الغرامات من ورى المخالفات
هزاع : زين اذا استوابي شي تراك انت سبه
منصور : لا والله ومنوو اللي يظرب وييلات في المزرعه هناااك هااا ..
هزاع يبي يقهر منصور : هههه ثماااانين اسوق ع ستيييين يا منصور
منصور بقهر : شـــو 60 انا الظاهر برقد هني في المطار ... يلا .. ترى منصور ولد عبدالله الـ (....) يتريا
هزاع : هههههه .. اقول منصور تريا هزاع الـ (...) .. و لا خذلك تاكسي و طير به للعين ..
منصور : افف زين يلااا يلااا .. خلها 200
هزاع يقهر منصور .. و بنغمه يقووول : باباااي
منصور : بااي وياهالعيوون ..
هزاع : هههههه ...
و عقب سكر عنه .. وشغـل اغنية لنوال ..
)) طحت بهواه يا هلي سموو علي ....
و يلس يغنـــي وياااها .. ترى هزاع صووته رووووعه .. حق الاغاني و الشلااات ينفع ..
دق مبايله .. ابتسم .. و رد عليها ..
هزاع وهو يغني : طحت بهووااه يا هلـي سموو علي .. من يوم شفته وانا حالتي حال و ابيه .. (كان بيكمل)
عليا بخجل : هزاع
هزاع : عيووونه
عليا : امم تراني استحي شوي شوي عليه ..
هزاع بنذاله .. (يغني) : يعشقني وعذبني مرمرني وانا مالي سواه ... يعشقني يعشقني من قلبه وقال انا ادري يحبني بس شوي اتغلى عليه

هزاع : علااايه .. علااايه .. علياااا
عليا : .........
هزاع : افا تسفهيني وانا ولد عمك و حبيبك
عليا : اجوف جلبنا سعودي ..
هزاع : هههه ... عادي قبل جمن اسبوع راااد من القنص من هناك ...
عليا بستهبال : هزاع قولي كلام جيه سعودي حلو
هزاع : اممم شووو تبين .. انا خبره برمست السعوديين البدو بذات
عليا : ههه من كثر ماتسير المقناص هناك
هزاع : ههه .. هيه و هالاجازه ساير انشالله ويا عمي للمقناص
عليا تشهق : شووو .. حراام عليك لــيش
هزاع : عيل ابوويه انا يعطيني اجازه .. و ايلس هني في البلاد .. لالا اسمحيلي انا من زمان و انا اتريا هالاجازه ..
عليا : عيـل برايك
هزاع يغير الموظوع .. لو انه درى انه متظايجه .. عقب بيراظيها مب وقته ..
هزاع : ماقلتلي حبيبتي شو الرمسه اللي تبيني اترجمها ..
عليا : ااممم مادري ماذكر شي لان .. مرات بنت خالتي ترمسني بسعودي .. وعاد انا مادري يمكن طايحه سب فيني و انا خبر خير ههه
هزاع : ههه .. افااا ... عيل قولي شو تقوول ..
عليا : اممم .. تقوول والله صعبه رمستهم .. ماارووم
هزاع : ههه .. زين حياتي
عليا : ها
هزاع : وصلت اللحين المطار و هذا هو اخوج واقف هناك ... هه شكله مشتط هههه
عليا : هههه الله يعينك .. عيل اخليك ..
هزاع و هو ظاهر من السياره
هزاع : اليوم ابي اجوفج لا تسيرين لبيتكم قبل ماايلس وياج
عليا بخجــل : اوكي .. يلا باي
هزع ابتسم : فداعة الرحمني حبيبي ..
عقب سار هزاع لمنصــور .. وهو مستاانس و موووده عااال العاااال .. (ع قولة اخوانا المصريين)
هزاع : يــــاهلا و مسهلا .. تووها مانووورت البلااااد ..
منصور وهو مشـــتطــ .. لانه واايد تأخر عليه ..
منصور : لالا جان تأخرت احسن بعد .. خســت ياخي وانا اترياك
هزاع ببتسامه : وشحقه مايلست داخل تترياني ..
منصور : اسمع الذكي هذا .. يا بابا ترى هالاجازه حق كل الطلبه .. يعني انا مب راد روحي شي طلبه بعد رادي لبلادهم .. ويرفعوووون الظغط
هزاع يغمز حق منصور : ونووره راده وياك
منصور : اقول انجلب ويه ..
هزاع : ههه شصار
منصور : يااخي لزززززقه و لا سوبر قلو ..
هزاع : ههه .. الحــب ياخي شدراك فيه ...
منصور بسخريه : خليت الحب لصحاابه
هزاع : ههه لي يعني مثلاا
منصور بقهر : صــج انك متفيــــج .. طووف طووف جدامي .. ناقصك انت بعد
هزاع و منصور ماشين صوب السياره .. هزاع حس ع دمه .. و لاحظ ان منصور صج متظايج
هزاع بجديه: منصور فديتك بلاك شصار .. ادري بحركات نوره بس عمرها ماظايجتك لهدرجه ..
منصور تنهد و هو يركب السياره : ياخــي انا .. ملـــيت والله تبط الجبد هالبنيه ..
هزاع بستغراب : احيييدك انت عندك دكتووراااه بالطافااات للبنات
منصور : بس كل شي له حدود .. تدري شو طالبه مني
هزاع : شــو ؟؟!!
منصور : الاخت تبي تتعرف ع يدتي
هزاع سكت ثلاث ثواني يتخيل منصور يقول ليدته .. و عقــب انــــــــفــــــــطـــــــس من الظـــحــــــك
هزاع : هههههههههههههههههههههههههههههههههههههههههههههههههه هههههه
منصور كان في خاطره يظحك .. بس بين انه محرج عشان يسكت هزاع
منصور : اقووول انطم و لا ترى توووبه اقولك شي
هزاع وهو يحاول يكتم ظحكته
هزاع : هه .. اوكيه .. هههه .. اووكيه بسـكت .. ههه .. .. زين انت شو قلت لها اصلا شدراها بامي ظبيه ..
منصور بقهر : مره جافتني ارمسها و هي كانت موجوده في في نفس المكان .. وبعدين في ذمتك شبقولها ... حياااااج .. انا من زمان وانا في خاطري اعزمج في بيتنا .. و عقب ماتتعرفين ع يدتي .. بنسير نتعشى برع شرايج
هزاع طالعه بستغرااب .. و انتبه ان اللي جدااامه انه ولد عمه منصووور .. و رد و نقع من الظــحك
هزاع : اتحداااااااااااااااااااك قلتلها جيه .. في ذمتك شو قلت لها
منصور ابتسم و سكت
هزاع هز راسه : ادريبك لسانك متبري منك يوم ترمس البنات .. شو قلت ويا هالويه
منصور ببسااطه : ماشي جمن كلمه و سارت ..
هزاع : منصووور قووولي شو قلت
منصور : ههههههه
هزاع : منصوور ارمس يالغلس



زيــن الحينه تتحرون الريم بتتأقلم ويا اهلها و بنات عمها الا عمرها ماجافتهم ..
و هم اصلا بيحبونها و يتاقلمون وياها .. و لا
و شــو سالفة جواهر مع الحادث ..
و تتحرونها بتسمع رمسة اخوها و تسير .. و لا بترجع برمستها ..
__DEFINE_LIKE_SHARE__

من مواضيعي
0 {..إآلحـژنﱟ قـ᷉درﯤ ؤ لآ هٗـﯚ بـﱢرغبتـﱟے●

  رد مع اقتباس
قديم 01-26-2011, 10:59 PM   رقم المشاركة : [ 3 ]
عضو جديد

الصورة الرمزية t7b w tkabr

بيانات t7b w tkabr
تـاريخ التسجيـل : Jan 2011
رقــم العضويـــة : 129360
الـــــدولـــــــــــة : no where
المشاركـــــــات : 7 [+]
عدد الـــنقــــــاط : 100
الجنس : Female
علم الدوله :
الحالـــة : t7b w tkabr غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
رسالة SmS
al7ya 7lwa Bs nfhmha

 
رسالة MMS

افتراضي

الجزء الثاني ..

حدرت الريم ويا امها الفـلا .. وهي تمشي من الباب الرئيسي لي الباب الداخلي .. و هي مبطله حلجها .. كانت شو حدييييقه و لا شو نوافير و لا شو يلسات و الكراسي و خيم ورى للشباب .. يعني الحوي كان تحفه من النوع الفريد .. عاد يوم دشت الريم داخل .. ؟؟؟!!!
الريم (( يااااربي هب فلا هااي .. وربي قصـر .. يااااي .. لهدرجه عمي غني .. )) ..
جافت ام منصور .. ام الريم .. ويات صوبها .. و سلمت عليها و ع بنتها ..
ام منصور : بنتج هاي
ام الريم : هيه .. الريم
ام منصور : كبرت بنتج .. احيد انا يوم كانت ياهل جنه امـس .. شحالج الريم
الريم بخجل : بخير .. علومج عموه
ام منصور : بخير و سهاله .. قربوا حياكم تفظلو
ام الريم : دام فظلج ..
عقب جافت ام الريم .. اليده ظبيه .. كانت الوحييده في العايله اللي مب شايله ع ام الريم اي حقد او حرب ..
اليده : يا مرحب يا مرحب توها مانورت العين .. ياهلا
ام الريم ببتسامه : يا هلا فيج عمتيه .. ومنوره باهلها ..
عقب ماسلمت عليها .. اليده انتبهت لـ الريم اللي واقفه ورى امها ..
اليده : ومنو هاي القمـر اللي وياج ..
ام الريم ابتسمت و صدت ع ببنتها : سيري سلمي ع يدوه ..
اليده استااانست يوم جاافتها .. كانت اول مره تجوفها بعد مده طويله من القطاعه .. بينهم ..
اليده : مشالله مشالله .. يا حلوها بنتج يا ام حمد .. يلسي حذالي غناتي .. بلاج واقفه ..
ام الريم سارت و يلست بصوب و الريم يلست حذال يدتها وهي خلاص بتموووت من المستحى .. كله تمدح فيها و هي عاد ماتروم جيه .. تستحي ع طووول .. و تحمر و توخي رااسها ..
اليده (( وينك يا ابو حمد تجووف بنتك اللي غدت حرمه .. و مشالله عليها ... قمر قمر .. والله انها دخلت قلبي هالبنيه ))
اليده : غناتي صف كم انتي (كان مبين عليها انها في ثالث اعدادي)
الريم : انا في الثنويه العامه
اليده : مشالله .. يعني بتخلصين الثنويه .. هالسنه .. عيل ربي يوفجج بولد الحلال انشالله ..
الريم .. خـــــلاص ماااااتروووووم .. وهذا غير ان عيون الحريم اللي في الصاله عليييها .. و اليده كان صوتها عاالي .. وهالشي زاد احراج الريم ..
اليده : شكلج مليتي مني ههه
الريم : لا يدووه ..
اليده : فديتج حبيبتي ههه ..
عقب يات مهره .. لامها ..
مهره : امايه .. هزاع يقولج منصور وصل لو تبين تسلمين عليه ..
اليده ماكانت منتبه لمهره ..
اليده : تعالي يا مهروه سلمي ع بنت اخوج بو حمد .. الريــم
مهره كان ف خاطرها من زمااان تجووفها .. بس شو تسوي لو القطاعه فرقت بينهم ..
مهره : يااامرحب .. يا هلا وغلا .. بنت اخووي
الريم بخجل : هلا فيج عمووه
مهره : علوومج الريم
الريم : بخير و من صوبج
مهره : الحمدلله .. امايه منصور وصل تبين تسلمين عليه ..
اليده نشت : اكيد .. وينه فديته ..
مهره : بدق ع هزاع ..
عقب سارت اليده و ام منصور لصوب منصور يلسمون عليه ..
اما الريم سارت و يا مهره عند البنات اللي كان مسوين يلسه و مرتبشين رواحهم ..
روضه و عليا و ملاك (بنت خالت عليا) و فطيم ( بنت خالتها الثانيه ) .. و عقب ماسلمت عليهم يلست وياهم
مهره وهي تتلفت : وينها جوجو
عليا : في جناحج راقده ..
روضه : والله ماعندها سالفه .. اوكي تعبانه ماقلنا شي .. بس مب اربع و عشرين ساعه تعبانه .. والله انها متغيره وايد عن قبل
مهره : ماعليه .. شتبونها يعني تناقزلكم .. قبل اسبوعين مسويه حادث حسوو مافي احساس عندكم
روضه بدفاع : اوكي ماقلنا شي نحن ... بس ما تحط يدها ع خدها و تتريا الفري .. و لا انها تنعزل عن الناس اصلا بالمووت يات ويانا يوم قلنا لها بيت يدوه رظت ..
مهره تنهدت : انا بسير عندها .. وين مريوم
عليا : ويا الحريم .. خلاص ايام اول ذيج اللي تيلس ويانا
مهره : ههه .. ترمسين جنها عروس .. مريوم من ثمان سنين معرسه
دشت عليهم مريم ..
مريم : قــل اعووذ برب الفلق من شر ماخلق .. ذكروا الله ..
مهره : هههه .. مشالله مشالله .. تدرين اني حاقده عليج .. انا بحياتي ماجفت بنت اخو تعرس قبل عمتها ..
مريم : هههه .. اول شي انا اكبر عندج .. وياا مكثرهم اللي يخطبوونج بس انتي رااكبه رااسج ..
مهره بغرور : ههه ششوي .. محد يرظي غروري
مريم دزت مهره : اقوول اسكتي و لا انتي ناويه ياخذونج قدوه رواظي و جواهر
مهره : هههه واحلى قدوه زين .. المهم ماعلينا .. خليج ويا هالشياطين لا يسوون شي
فطيم : لا والله .. مهوور لوو كنت عمتهم ترانج مب عمتي و عادي تراني مطيحه المياانه ..
مهره : ههه .. جب جب انا في مقااام عمتج .. صـح ملووك
ملاك بخجل : هيه
مهره ببتسامه و هي تهمس لمريم .. و الكـــل فاهم شو بتقووول لمريم .. و يلسوا يطااالعون ملاك .. وملاك موخيه رااسه مييته من الحيــا ..
مهره : يااااحيه ترووك يوم بيتيوزها .. ادريبه يبا هاليوم اليوم قبل باجر .. لو انها اعقل منها .. بس الدنيا حظووظ ...
مريم و هي تهمس لمهره : هه .. صدقج والله .. و لا عن تروك .. هذا لو جافها و هي متغطيه عنه يتخبل و يسوي عرس في البيت .. هذا لو عرس شبيسوي
مهره بصوت عادي : هههههه .. بيفظحنااا
مريم : هههههههه
عليا : ماااازاااا تكووولووون (ماذا تقولون) ..
مريم : آآآآآآآخ ع لغتنا ماراحت الا يوم ينط عرقها عند علايه
مهره : ههه .. انا سايره عن جوجو .. مااوصيكم ع بنت عمك .. لا تخربونها .. وترد بيتهم و هي متيننه منكم
ســارت مهره لجواهر ..
جواهر ماكانت رااقده كانت متمدده ع الكنفه .. و متلحفه بلحاف خفيف .. و يالس تفكر .. دشت مهره للحيره ..
مهره : جوجو
جواهر انتبهت حق مهره ..
جواهر : عمووه
مهره يلست حذالها ..
مهره : غناتي الكـل يالس تحت و يسوولفوون و مرتبشين وانت يالسه هني..
جواهر تنهدت : لو يلست وياكم بغلس عليكم
مهره : افاا .. لاحشى .. بالعكس انت تربشينا بسوالفج .. يلا نزلي وياي عند البنات وهيه صــح (بتفعال) بنت عمج بو حمد الله يرحمه ياايين .. و يت بنت عمج الريم بينج وبينها سنه .. احسها عسوووله و بتحبينها .. انزلي سلمي عليها ..

في الميالس عندالشباب و الشياب ..
بو هزاع : شو تشتغل حمد
حمد : مهندس
بومحمد : مهندش شو
حمد : معماري
بو محمد : عيل ليش ماتشتغل في الشركاتنا اللي في راس الخيمه
حمد : مشور عمي بس انا مرتاح في شغلي
بو محمد : زين من متى متخرج ..
حمد : من جمن شهر
بو هزاع : وهالسرعه لقيت شغل .. واسطه ولا
حمد : يبت امتياز عسب جيه اشتغلت بسرعه
بو محمد : يعني ماثبتوك بعد
حمد : لا بس في احتمال كبير يثبتوني
بو محمد : شرات ولدي منصور
حمد : صدق .. منصور مهندس معماري
منصور : هيه .. بس بعدني
حمد :وين تدرس
منصور :جامعة اكسفورد ..
حمد : اكيد تكمل ماجستير
منصور : هيه
حمد : كم باجيلكم
منصور : يعني بحدود اربع شهور
حمد : يلا هونها وتهون .. اكيد مب سهله عليك الغربه ..
كان الجووو بااارد كئيييب عند الشباب .. لانه ملللللللل ... لان الشياااب ماكلين الجووو عليييهم ..

اما في الصاله عند البنات ..
عليا : انا بنيه جامعيه حبوووووبه و عسووووله و
فطيم : هههه مدااااح نفسه يباااله ر,,
عليا : بووووووسه .... زين ريامي رمسيني عن نفسج ..
الريم : شوو تبون تعرفون ..
عليا : كل اللي في خاطرج
الريم : اممم .. عمري 17 سنه في ثالث ثنوي علمي .. امم قوليلي شتبون تعرفون
فطيم : امم انتي من راس الخيمه صـح
الريم : هيه
ملاك : صج .. انا و لا مره سرت راك .. خاطري اسير الشماليه .. دومه حامد (اخوها) يوعدنا نسيرلها في العيد ..و عقبها نسير المبزره
عليا:هههه .. ترى كل مانبي نتمشى في العين و لا نسير دبي او العين و لا حتى و البر .. اقولج وانتي ترديني ..
فطيم : ههه ... لو تقولين منصور و لا محمد بيوديكم جان سكتت بس المصيبه ان تروك لازم ايي وياكم لانكم تسيرون ويا الدريول .. ههههه
ملاك عصبت : افف تراكم عورتوولي رااسي ... والله حرام عليكم
عليا : ههه .. حرام عليج فطامي .. لا دلعين تركي .. تغاااار ملاك ..
فطيم : ههههههه ... جيه السالفه .. عيل .. ترووووووكي ولد خااالتي عاااادي فدييييت رووحه والله
ملاك صدت ع عليا
ملاك : علاااايه سكتي هالدبه .. ترى موتها ع يدي
الريم ببراءه : شسالفه ؟
فطيم نشت و يلست حذال الريم ..
فطيم : سمعي يا بنت اخو ريل خالتي .. ملاك بنت خالتي المصوون .. و تروووكي ولد خالتي .. يمووووتووووون ببعض ... بيتخبلوووووون ع بعض ..
الريم : اها .. زين هم مالجين او خاطبج
فطيم : لا وحياتج حتى مب متحيرين حق بعض .. بس الكل يعرف ان ملاك حق ترووووك و بـــس.. لازم تعرفين لان محد في العايله مايدري تدرين ان حمدان و سارووه و عبودي يدرووون ..
الريم : اها جيه السالفه .. عيل لا تلومنها لو ذبحتج لانج دلعتيه
فطيم : هههه واصلا بيقى لي نفس لو ذبحتني عسب الوومها ..
ملاك مدت البوز شبر
عليا : ياااويييل حااالي انا ع هالبراطم .. خلاااس خلاااس .. (صدت ع فطيم) فطيييم خلاص صخي والله بتزعل عليني .. لانها لو عرست بتقول لتركي عن نغزاتنا .. و تروك بيذبحني ..
فطيم :ههههههه ...
الريم حست بقهر ملاك و هم يحرقون اعصابها .. لو انها تدري انها يمزحون وياها .. بس يمزحون عادي بس الا تروكها محد يجرب صوبه ..
الريم : والله حرام عليكم ..
نشت فطيم . و سارت و باااست ملاك ع خدها ..
فطيم : ههه .. مااارووم ع زعل بنت خالتو انا
.. عليا كانت يالس حذال فطيم .. ولوت عليها .. وعطتها بوسه
ملاك : مشكلتي اني بجمن بوسه و كلمه حلوه ارظى
فطيم : ههه .. عيل بسهووله بيرااظيج تروك
ملاك تزاعج : فطييييييييييييييييم
فطيم : هههه .. خلاااص خلااص ههه بسكت ..
حدر ت عايشه (حرمة محمد )
عايشه : علايه جفتي عبودي
علايه : هيه ويا حمدان يلعبون صوب الميالس ..
عايشه تنهدت : زين بعد انا محد بيخبل فيني الا هالعبود
عليا : اووه فديتتتته والله قلبي هذا ..
نزلت مهره للبنات ..
مهره : ريامي .. امج تقولج يلا بتسيرون
نشت الريم : صج .. عيل احد تنش و توصلني للباب .. بيتكم يخربط
نشو البنات كلهم
مهره : وين وين .. يلسن انا بسلم ع ولد اخويه حمد .. وهو واقف عند الباب يلسن
عقب سارت الريم ويا مهره
مهره : عشى ارتحتي ويا البنات ريامي
الريم ابتسمت : هيه حبوبات
مهره : ههه .. زين عندج مبايل
الريم : هيه
مهره : عطيني مبايلج عيل ..
الريم : *******
ام الريم كانت واقفه حذال اليده ..
مهره عقب ماسلمت عليهم لانهم بيروحون
مهره : لا تقطعون عاد يا ام حمد
ام حمد : انشالله .. بس عاد الزياره الحين عليكم ..
مهره : انشالله .. من عيوني ..
ام حمد : عيل يلا بنبطي ع حمد
اليده : عيل يلا ..
تغشت الريم .. احتياط لو في احد ويا اخوها ..
اليده و مهره سلمو ع حمد ..
اليده : شخبارك يا ولدي ..
حمد : بخير لج الخير ومن صوبج
اليده : بخير وسهاله .. علومك وعلوم الدراسه ..
حمد : بخير .. تراني اشتغل مادرس ..
اليده : مشالله مشالله ..(( خليت وراك ريال يا بو حمد )) .. وشو تشتغل
حمد : مهندس
اليده : الله يوفقك انشالله ..
الشياب في الميالس اما عند الشباب في الخيميه الجووو غييير ... .. و عقب ماساروا الكــل و بقة قوم
بوهزاع و بو محمد في بيت اليده..
يوسف : ياخي انتي معقد غييرك يتمنى حد يعطيه ويه ..
منصور بغرور : شسوي ياخي انا شسوي ... ربي عطاني شخصيه و جمال ماعطعاك
يوسف : اقول جب جب لا تخق علينا .. لو انك معرس شبسوي بنا
هزاع : لا تييب طاري العرس عند منصور .. الا العرس ... ييب طاري الموت و لا طاري العرس
منصور : ههههه .. مصخصتها هزاعوه
يوسف درس و يا منصور جمن سنه و هو متزوج الحين ..
سيف : الا صج منصور .. شخبارها نوره
منصور رد راسه لورى ..
منصور : يالـــــلــــه رحمـــتــك يـــارب
يوسف : تدري منصور من بنته هاي اللي كل شوي تتجرب منك وانت تعطيها لو لباس
منصور بعدم اهتمام : مايهمني
هزاع بهتمام : بنت منو سيفوه
سيف : هذي بنت التاجر الكبير حمدان الـ (....)
هزاع بستغراب : حمدان ال(..) .. بس ابوها يتعامل ويانا وايد وشكله محترم معقوله بنته جيه متبرجه و مافيها حيا
تركي بستعباط : شوقتوني والله خاطري اجوفها ..
منصور طالع اخوه تركي .. بطرف عينه
سيف يغايظ بمنصور ..
سيف : لا هذي وحده بس جوف الطوابير اللي يسوونها لو اخوك هالطفس يا للجامعه
هزاع : هههه .. هيه وانا ارتب هالطوابير .. هههه ... سيوووف اسكت ترى بيرفع خشمه علينا
منصور : لو بخق عليكم .. بيخق ع شي يستاهل مابخق عليكم ببنات
حدر زايد و هو يسمع رمست اخوه .. ع فكره زايد اكثــر شي ويــا منصور .. يعتبره قدوه بحياته ... علاقتهم مب اخ و اخوه لا علاقتهم اب و ابنه ... دومه لو عنده مشكله او قرار يتخذه يلجأ له قبل لا يفكر انه ايي عند ابوه .. عقب بتعرفون شكثر زايد متعلق بمنصور ..
زايد : جفتوا الناس ذات تفكير راااااقي ..
تركي بستهبال : اعـــرب راقي يا راقي ..
ع فكره هم سنه وحده .. و زايد يدرس ويا تروك بس تروك ادبي و زايد علمي .. والصبح كان زايد يدرس تركي عربي (الاعراب) لان امتحانات قربت ...
زايد فر الوساده ع تركي و يلس حذال منصور ..
زايد : مكسور بتروك .. و علامة كسره المخده .. والله اني جفت فشله شراتك يا تروك في العربي ماجفت ..
تركي : جب جب .. هذا عربي مب لعب يهال
زايد : يوم انه مب لعب يهال شحقه ماتذاكر اول بأول .. هاااااا
تركي : مب فاظي .. انا دوومي بزي ..
زايد : يااا سلااااام بزنس مان من ورانا يا تروك
تركي بتفلسف : لا يا خووي انا تفكيري ارقى منك .. حلاتي وانا ابطل سالفة العرس ويا يدوه ..
زايد : لاااحج ويا هالويه بعدك ياهل ع طاري العرس
تركي بقهر : ماشي انا بخطبها عقب ماتخلص الامتحانات ..
زايد : بطير البنيه يعني ..
تركي : شدراك انتي ياخي لو حبيت ذيج الحزه مابتلومني
منصور : هزاع نش نش بسير عند امي ظبيه .. محد بيرفعلي الظغط الا تروك


في الصاله .. (منصور هزاع مهره والاهم اليده ظبيه)
منصور كان حاط راسه ع ريول يدته ظبيه ..
هالاثنين (منصور و هزاع ) تقدرون تقولون انهم تربوا عند يدتهم لانهم يوم كانوا صغار كانوا مطحين في بيت يدتهم .. يعني وااايد متعلقين بيدتهم .. اكثر من امهاتهم .. حتى اليده كان منصور و هزاع اجرب اثنين لقلبها لو انها ماتقول عسب لا تسوي حساسات بينهم .. بس تصارفاتها كانت تثبت لهم ان منصور و هزاع غييير عند اليده ..
هزاع غاار ..
هزاع بقهر : اييييه انت نش .. راسك عوود بيعور ريول امي
منصور درى ان انقهر ..
منصور : ليش جاف راسي يونية عيش .. حلاته والله .. وبعدين انت دووومك مطيح عندها انا بين جمن شهر اجوفها ..
هزاع حس انه يبي يقهرها .. طبعا النذل هزاع يدري شو اللي يعصب يدته من منصور ..
هزاع بنذاااله : امـــــــــي ... لو تدرين شو حلمت اليووووم
اليده : خير انشالله
هزاع يرفع حواجبه لمنصور : كــــل الخير
منصور فهم ان هزاع بيقولها عن حلمه .. رفسه بريولها و اشر عليه انه يسكت .. نش هزاع بسرعه و يلس حذال يدته ..
اليده مستغربه : خييير بلاكم
منصور : ماعليج منه امي ... مهووور مب ناويه تنشين وتظيفين ولد اخووج الغالي
مهره نشت : انشالله شي شغله ثانيه عندي .. و لا جنك مطيح عندنا و تظيف روحك بروحك ..
هزاع : هههه وقت مايبي يطلب شي يستوي ظييف فجاءه عليكم ولا جنه راابي هني .. اسأليييه بعد شو يبي
مهره بقهر : وشو يبى مسيوو منصوور .. بعد قهوه و جاي .. و لا شو يا منصور
منصور : ههه فرش جوووس وذ ايس بليز كويكلي اي وونت تو قو تو سليب
مهره : امـــــي سمعي هااا شو يقول .. محد بيفظحنا عند العرب غيير هالخديه .. اللي مفتخره فيه عند العرب ..
منصور : ههههه .. خلااااص خلااااص ييبي قهوه وجاي نرظى بالواقع و كوب ماااي باارد
مهره ترمسه شرات اليهاال : زين بابا وشوووو تقول بعد
منصور : لوووووو سمحتي عمتيه
وعقب سارت مهره تخبر البشاكير يسوون جاي و قهوة .. وعقب ردت
هزاع بنذاااله :يدوووه ماسالتيني شو حلمت
منصور يطالعه بنص عيين ..
اليده : خيــر انشالله
هزاع :كــــــل خييير يالغاليه ... حلمت ان منصور رد سافر لكن هالمره ساافر ويده ع يد المدام
اليده : هيــــه تذكــــرت (وصدت ع مهره)
منصور : هههههههههه قفطوووه
اليده تظرب ع راسه منصور ..
منصور : آآآآي
مهره : ههه شو امايه
اليده ترمس مهره: جفتي بنت اخوج بو حمد الله يرحمه
مهره بتسامه : الريم
اليده : هيه .. شرايج فيها
مهره فهمت قصد امها .. وسارت حذال هزاع للحماايه .. و هي طالع منصور و طالع امها ..
مهره : ياااوييل حااالي قمــر وربي انها قمر .. و لا واخلاق مشالله عليها الصراحه والله تسكت .. دخلت قلبي بسرعه ..
منصور عظ ع شفايفه يبي تسكت
هزاع وهو يجاري مهره ..
هزاع : لا صج .. كم عمرها
مهره : السنه اليايه بدش الجامعه .. والله انها مشالله عليها اخــلاق وربي ونعم التربيه ..
هزاع :.. عاد هاي بنت عمه .. وهو اولى من الغريب .. ولا شاريج يدووه
فر الوسااده ع هزاع بالقوو .. بس زخها هزاع .. و هو يظحك ع منصور
اليده تطالع منصور : والله انها دشت قلبي .. مشالله عليها جمال و اخلاق .. وهذا غير انها بنت عمك وانت اولى بها من الغريب .. وانك بترد صلة الرحم اللي انقطعت بيننا ..
منصور وهو كااااره هزاع و مهره .. اللي نااقعين ظحك ..
اليده تظرب منصور ع راسه ..
اليده : ارمسك انا .. شرايك..
منصور : امي انا ماافكر بزواج الا يوم اخلص دراستي ويعدين انا بختارها ومب شرط اختارها من الاهل
اليده تظرب منصور ع راااسه هالمره بالقوووو
منصور : آآآآآآآآآآي امي .. حرام عليج .. راد من السفر و تعباان .. و فوق كل هذا ايلس اسوولف وياج و تظربيني .. وتظحكيين هذييل عليه (ياشر ع هزاع ومهره)
اليده وهي بدت تعصب
اليده : ومتى بتخلص هالدراسه .. ابويه الدراسه ماتخلص و العمر يخلص .. و الصراحه في خاطري انها تكون لك وماهي لغيرك ..
هزاع : عااااشووو .. حلوووه ...تكووون لك و ماااهي لغيييرك .. حطيها ببيت شعر مهاري
مهره : اممم (تلحن) .. اناااا لك و وماني لغييرك
هزاع : ههههه
منصور بعصبيه : هزااااع مهروووه انجعمووا .. (وصد ع يدته بعد ماعدل يلسته و باس رااسها) امي يالغاليه انا ماافكر بزواج الحين و اللي باخذها باخذها عن اقتناع .. جوفي محمد ماخذ عايشه و الكل يدري انه ماكان يباها من الخاطر .. وجوفي حالهم الحين .. امي لو حتى فرظنا باخذ وحده مب من الاهل يعني مابتكون مب مواطنه يعني .. و العرس انا لااحج عليه اصلا مب وقته
دشت ساره اللي كانت فاهمه ان خالها و حبيب قلبها بيعرس
ساره : يدووووووووووووه منصوووور حقي
الكـــل نقع ظحك عليها
منصور : ههه .. زين و حمدان
ساره بعصبيه : حمداااانوووه ها انا ماارمسه
منصور : بلاه
ساره : ييت عنده و قلتله تزوجني قالي وع مااابيج انتي انتي مب حلوه ..
الكل نقع ظحك ع سوالف هالبنيه جنها وحده عمرها عشرين ..
هزاع : هههههه تعااالي غناتي .. هذي لو يلست في مكان لازم تفظح الجبيله بكبرها

يلست في ثبان هزاع لــــين رقدت ..
اليده بحنان و هي تمسح راسه منصور ..
اليده : زين انت ماتعرف عنها شي .. يمكن لو جفتها بتحس براحه و تاخذها ..
منصور يبي يسكر المووضوع باي طريقه ..
منصور : بفكر ..
اليده و هي تهز راسها : تتحراني مب فااهمتك و لا تبي تسكر الموضووع
منصور : هههه مشكلتج انج فاااهمتيني صح
اليده : اكيد تربيت يدي .. بس ياولدي لو تعزني بس ع الاقل فكر بسالفه
منصور : لعيوونج يالغاليه افكر
مهره بجديه : والله صج منصور .. البنيه لأطه ع قولة المصريين .. والله مشالله عليها .. واذا بغيت تتخبر عن شخصيتها انا عندك ..
منصور حس بجدية مهره ..
منصور : هههه الخيييبه بيووم وليله كسبت هالشعبيه في العايله

مهره : هههه .. بشخصيتها
منصور نشت : صــج مخبله فيك هالبنيه .. المهم انا ساير ارقد ..
في فلة اليده كانو حاطين جناح تحت خااص في منصور و جناح ثاني لهزاع في الطابق التحتي.. لانهم اكثر المرات اييون يرقدوون في بيتها .. عقب سار منصور يرقد ..
مهره : هزاع
هزاع : هااااا
مهره : هزاااااااااااااااااااااااااااااااااااااااااااااااا اااااااااااااااااع
هزاع : والخييييييبه .. مب جني يالس حذالج و لا حووله ماتجوفين .. وبعدين سارونه راقده
مهره : هههه .. هذي نووونها ثجيييل (بدلع)ممكن طلب صغيروووون
هزاع هز راسه : ادري ورى هالدلع طلب .. و لا من وين تييلج الحنيه ع ولد اخووج
مهره : ههه .. جب جب انا كلــي حنيه ع بعظي
هزاع :ههه واايد .. زين شوو تبين ..
مهره : ابيك تنش و تييب لي مبايلي من المطبخ والله تعبااانه حيييييييييييييييييييييييييييل ..
هزاع : شوووووووووووووو
حدر عليهم تركــي ..
تركي : شسالفه ..
هزاع : عمتك تبيني اييب مبايلها من المطبخ .. جفت كيف تتجرا تبيني اظـــرب خــــط مـــن الصـــاله الــداخلـــبه و عقـــب اسيــر الصالــه الخـــارجـــيه و عقـــب الـــف ذيـــج الـــلــفه الله لا يراويك .. ارقد ليلتين فيهاااا لين مااوصل المطبخ ..
تركي يهز رااسه : افااااا يا عمتي .. كيف تخليني الاشغاال الشاقه ع ولد اخووج
مهره بقهر : صج شباب مابلوومكم ..
تركي : وينها علايه باخذها للبيت
هزاع فز قلبه : علايه هني
مهره : هيه في الصاله
هزاع : شو تسوي روحها
مهره : ع المسن (ترمس تركي) بترقد هني سير انت
تركي سار عنها للبيت ..
هزاع بجديه : ع سالفة بنت عمي الريم .. انتو جد ترمسوون و لا سوالف
مهره : لا والله يا هزاع بجد .. واقنع ولد عمك .. ترى البنيه قمر بجمالها و اخلاقها في ثانويه العامه يعني اظمن لها الزواج السنه الياي مشالله عليها يكفي دخلت قلب امايه .. بس ولد عمك هذا مسوي اظراب بدون اسباب
هزاع تنهد : ومن مايدري امووت واعرف شسببه .. اذا ان ولد عمه و اقربله من روحه مااقالي .. كله يقول مب مستعد نفسيا للزواج و مسؤوليات لانه هالشي بيغير بحياته كل شي
مهره : تتحراه يحب
هزاع : منصور و اعرفه عدل مستحيل .. بس يمكن بينه و بين نفسه لان منصور يتحرى الحب ظعف
مهره : صدقني يحب .. لانه طرى سالفة الزواج من برع العايله وهو يدري هالشي مستحييل عندنا حتى فهد ريل مريم لو انه من الاهل ببعيد شوي .. بس بالموت وافقوا عليه .. تشك بحد من البنات المواطنات اللي يدرسن عندهم في الجامعه
هزاع : اممم .. والله مادري (وفكر بنوره اللي دومها تتلصق بمنصور ..)
هزاع (( لالا مستحيل يحبها .. بس هذي الوحيده المواطنه اللي تعرفه .. بس يمكن يحبها .. انا بسحب الرمسه منه باجر .. ))
هزاع : انا بجووفه و برمسه ..
دشت عليا .. اللي تتحرى انه محد في البيت الا يدتها و مهره ..
عليا تزاااعج : مهااااري .. مهااااااااااااري .. مهووور تعالي بطلت ايميلج
هزاع تنهد : يااااحلووو هالصوت حتى لو تزاااعج
مهره ظربته ع جتفه : ههه استح ع ويهك
حدر ت عليا عليهم و هي تغنــي و مب منتبه لحد
عليا : الحــــــب خـــــالد و حبـــــــك خـــــــالد و بـــــاقــي للي احبه و احب دارن سكن فيـــها ..
مهره : هههه عاااشووو وينه راشد الماجد يسمعج والله يعتزل ..
عليا : هههههه
هزاع تدخل : جب جب لا تتمسخرين ع حرمتي
عليا صدت ع هزاع اللي كان يالس ع صوب ..
عليا باحراج : انت هني
هزاع : ههه لا يالغاليه هني ..
عليا : .........
مهره حست انها منحرجه ..
مهره : اقول علايه ترى تروك راح البيت .. بترقدين هني
عليا : لااا مااروم عندي وورك هووم لازم اسويهم و اطرشه بعد
مهره : بعدج عليها مب جنج خلصتيه امس
عليا : لا بعدني .. بدق ع تركي
مهره : منووو ترووك تبيني يقطع رقااده عسب ياخذج .. احسج مب اخته ..
عليا : ياربي شسوي الحين
مهره : عندي الحل اللي يحبووو ألبك ..
هزاع كان يالس ويا يدته يطالع تلفزيون و يسوولف وياها .. مهره رمست يدتها .. و سوووت اكبر طاف لهزاع ..
مهره : ماماتي
اليده : عيوونها
مهره : امايه عليا تبي ترد البيت .. عندها واجبات .. و تروووك سار و منصور راقد تعباان .. ترظين تسير ويا الدريول بنصااف الليل
اليده صدت ع عليا ..
اليده : علووي مابترقدين هني ..
عليا : لا فديتج مابروم اليمعه اليايه مابترقد الا وانا بحظنج
اليده : زين .. منو بيوديج الحين
عليا ببرأه : ماعرف
مهره : افااا امايه .. واللي عدالج مااسحته من الوجود
اليده تصد ع هزاع .. اللي كان شاااااق الحلج ..
اليده : تدرين نسيته هههه .. عيل غلايه سيري لبسي عباتج .. ولد عمج بيوصلج
هزاع نش .. و سار ياخذ سفرته من الكنفه ..
هزاع : عيـل اترياج بسياره
عليا : اوكي ..
عقب سارت عليا و هي تسحب يد مهره . و عقب ماساروا .. زخت يد مهره و حطته ع صدرها ..
عليا : قلبي يدق بسرعه مهووور شسوي ..
مهره : عيل لو عرستوا بيوقف قلبلج
عليا : مهوور عن الخبال .. شسوي .. خلاص بحدر السياره وبصخ
مهره و هي ماشيه ..
مهره : ههههه ... بعدج ماعرفتي هزاع يا ماما .. حتى لو انتي طرمه بيخليج ترمسين .. عيل هزاع يلاقي هالفرصه بدون غلاست اخوانج ..
عليا : ياربي والله استحي .. تدرين انا مكبره الموظوع الا هي جمن دقيقه واوصل
مهره : ها ها ها ظحكتيني غصب حياتي هزاع بتلاقينه يمشي اقل من الثمانين .. سيري لبسي عباتج يلا ويوم تردين البيت دقي عليه اوكي
عليا : اوكــي
عقب سارت و لبست عباتها و تغشت و ظهرت برع الفلا .. كانت شي ثلاث سيارات ولا سياره مشغله او فيها ليت حتى ..ماعرفت وين تروح .. وقفت وقجاءه لقت حد يزخ يدها .. شهقت المسكينه ..
هزاع : الخييبه فظحتينا .. زين ماصرختي بعد
عليا : شتباني اسوي يعني حد يزخ يدي وانا في الشارع في الليل .. شو معناته
هزاع بخبث : يحبـج مثلا
عليا وخت راسها بحراج (( بدينا من الحين .. ))
وعقبها ساروا للسياره .. وركبت عليا في الكرسي الخلفي ..
هزاع صد عليها : وين يالسه .. تعالي يلسي جدام .. شو دريول
عليا : لالا مب قصدي جيه .. بس لاني اعرف انك ماتحب احد من البنات تيلس جدام
هزاع ابتسم : البنات غييير وانتي غيييير حياتي .. يلا تعالي جدام
عليا استحت و يها استوى طماط .. زين انها متغشيه .. وعقب ما سارت ويلست جدام .. وحرك الموتر ..
هزاع : علايه
عليا : هلا
هزاع شغل cd .. كان قصايد ع شلات يعني ريمكس ..
عليا بشك : هالصوت مب غريب عليه .. هزاااااع هاااا صوووتك
هزاع : هيه عيبج
عليا : هيه والله انه عذاب (( شووو قلت انا ياااويييل صج اني خبله )) ... أأأأ انااا
هزاع : ههه .. فديتج والله .. ماصار شي .. من حقج تتخربطين صوتي حلوو ههه
عليا : هههه .. متى سويته و شقايل سويته
هزاع : واحد من ربعي عيبه صوتي و هو يشتغل في الالكترونيات وهالسوالف .. و سجل صوتي .... و هذا السيدي كل حرف فيه اخترته وانتي في بالي ..
عليا (( ياااااااااااااااااااااااااااااناااااااااااااااااس لحقووووووووووووووووووووو عليه انااااااااا اذوووووووووووووووووب ))
عليا : أأ .. أأ ياربي شقول .. مشكوور .. والله مشكور هزاع .. فديتك والله .. والله اني مستانسه ..
هزاع : مدييييمه هالوناسه ..
عليا بخجل : وياك ..
هزاع عظ شفايفه (( هذا مب ناويه تخليني ارقد .. ))
عليا بلعت ريجها : هزاع
هزاع : رووحه ..
عليا بخجل : انا من زمان وابي ارمسك بهالسالفه بس مستحيه ..
هزاع : افا عليج .. رمسي وماعليج ..
عليا : امم .. يوم توصلني انا و مهور للجامعه ..
هزاع : اها..
عليا بسرعه ترمس : البنات ..
هزاع بستغراب : بلاهم
عليا : امم .. وايد يطالعن ..
هزاع فهم الموضووع ..
هزاع : اهااا تغااارين يعني ..
عليا : .....
هزاع : بسوي اللي تبينه .. بس بشرط صغيير وااااايد
عليا : وشو هالشرط
هزاع بهبل : قوووليلي شحقه ماتبيني اوقف عند الباب الرئيسي ..
عليا : يعني ماتعرف ؟!
هزاع : امبلى .. بس اعرف ليش ..
عليا : حلو هاي تعرف و ماتعرف ..
هزاع : زين انا مب طالب شي .. بس ابيج تقولين كلمه باربع احرف بس ..
عليا : لازم
هزاع طالعها بطرف عينه : هيه
كان موقف السياره لانهم وصلوا .. ودق مبايل عليا ..
عليا و هي تغير الموضوع .. وهي تبطل السياره
عليا : هاي مهوور ..
هزاع : تغيرين الموضوع هاا .. Cd ماشي الا تقولينها
عليا وهي نازله من السياره ..
عليا : هزاع حرام عليك ..
هزاع بنذاله : ماشي .. يلا قوليها ..
عليا : بالاول عطني cd
هزاع : هاج (ويعطيها cd )
عليا : اغاررر عليييك لاني احبببك .. زيييين ..
عقب سكرت الباب.. وقلبها يدق . . ردت ع مهره ..
مهره : ياااااااااااامرحب .. هلاااا والله بالحبييييبه
عليا : سكتي عني .. ليتج تحسين بقلبي .. يدق طبوووول ..
مهره : ههههه .. شو استوى
عليا : قلتله اني اغار عليه لاني احبه ..
مهره :ههه هههه هههههه .. يااااااقلبي عليكم .... بسيييير اجوووف حااال ولد اخووويه اليوم .. اكيد متخبل الحين ..
عليا : ويا ويهج حسي فيني انا بنت اختج رفيقت دربج ..
مهره : هههه .. زين زين .. شصار بعد ..
عليا : هيه عندي cdحقه مسجل فيه صووته .. يااوييل حالي عذاب .. والله عذاب ..
مهره : صدق .. عيل اربعي وبطلي لابج وخليني اسمع
عليا : اوكي .. بخليج الحين بسير جناحي اتسبح و ابطله و بدق عليج
مهره : هاهاها .. لعبي غيرها ياماما .. انتي اصلا تربعين .. لاجرب لاب و انتي مب مغيره ملابسج انتي تبين تكونين اول وحده تسمعينها .. لا ياماما لعبي غيرها .. جدامي يلا بطلي لابج ..
عليا بقهر : اففف مشكله اذا حد فاهمج سلاح ذو حدين ..
مهره : هههههههههه ...
و الحيــــن بنمــر ع كـــل الشخصيـــات و يرمسونا عن اعماارهم و شخصياتهم قبل لا يرقدوون علينا .. واولهم منصور عن يرقد عنا .. يـــــــــــــــــــــــــــــلا .. ^___^

انا اسمي منصور .. ابلغ من العمر اثنان و عشرون عادي سوا اعمارك ماتقرون تراني ابي ارقد الحين.. المهم انا ادرس برع البلاد ببريطانيا وبلندن تحديدا في جامعة اكسفورد
اكيـــد دريتوا عن رايي بموضوع الزواج .. مادري ليش كل مايلست ويا اي احد في هالعايله طراالي هالسالفه واولهم يدتي .. انا بفهمكم شو الموضوع من رايي .. هي مب عقده بس انا مب مستعد لهالتغيرات الكبيره في حياتي روحي اصلا الحين بعدني مب مستقر .. واهم شي لازم تعرفوونه عني شيئن اول شي انا اعجبــــــــكم بالطافات للبنات لان ماعندي هالخرابيط ابدا .. و ثانيا لازم تعرفون رفييق دربي و حبيبي قلبي ولد عمي هزاع .. اما عن شخصيتي فعقب بتعرفوني اكثر ... خلاص بس الحين خلوني ارقد ..

.....

مرحبـــا مليوون ولا يسدن وياك القمووره مهوووره .. عمتهم اسما بدون فعل .. لا احترام و لا تقدير لا تلومونهم عادي تراني اصغر عنهم وعمري 20 سنه .. ادرس ويا علايه .. ع فكره انتو اكيد لاحظتو اني وااايد وياها .. يعني بختصار توام رووحي هالبنيه و مستحيل نخش شي عن بعض .. امم شو بعد اقولكم .. اممم انا تقدرون تقولون اني ع الكلمه اتأثـر مب حساسه وايد بس شااعريه رومنسيه .. امووت ع الشعر بس مالي كتابات .. اما عن شكلي .. عيوني عسليات شرات علايه .. مب بييييضه ذاك الزود بس حنطي مايل ع البياض اكثر .. علايه دوم تقولي مب حنطيه بس انا احس جيه المهم خشمي صغيرون شفايف فيها سلكون طبيعي هههه .. بس مب كبار ذاك الزود ههه .. برمسكم الحين ع ماماتي (يدتهم ضبيه) .. ع فكره انا وامايه بس نعيش في البيت لكن بيتنا اربع وعشرين ساعه فـــل .. الظيوف وهذا غير عيال اخواني اللي يرتاحون هني اكثر من بيوتهم .. الله يخلي ماماتي ظبيه اللي توفر الاجواء الجدييمه اللي توحي بالامان و الراحه و الود وتخلي الواحد لو مهموم قد شعر راسه يرتاااح نفسيا .. لو تجوفون بيتنا بتقولون غريــــب يعني نصه من التراث و نص الغرف مودرن .. طبعا الصالات اللي في بيتنا من ذوق امايه اخوويه بو محمد تعذب تلعوز يوم غير اثاث بيتنا .. لان يدوه مايعيبها شي .. ماقدر اعدد لكم جم مهندس ديكور وشو تتمسخر عليهم امايه طبعا جدامهم ههه .. امي الحق حق عندها ولها كلمه ع اخواني و ع عيال اخويه يعني شخصيتها قويه ولها كلمه ع الكل و تعطي بالويه عادي عندها و اقولكم بعد شي انا و هي مانطيق حريم بو محمد و بو هزاع الا ام ام زايد الله يرحمه ... ابويه توفى كنت دلوووعته يحبني بشكل لاني اول بنيه و آخـر العنقود .. توفى من فتره طوييله قبل ماياخذ بو حمد اخويه الله يرحمه ام حمد .. واهم شي لازم تعرفونه عني اني انا مصــغر من امي ظبيه فديتها .. يعني ماما هي دووم الحظن اللي ييلجاووله الكل كبار و صغار .. وانا نفس الشي عند البنات لو عندهم مشاكل في المدرسه في حياتهم الخاصه مايرومون يقولون لامهم ايون عندي .. يـلا يـلا وايد رمست اليوم .. حلجي يعورني ... باااااي ..

آآآآآآآآه ياااوييييل حالــــــــي احبه والله احبه احبه احبه ... لووو سمعتووو صوووته في الشلات و القصاايد ... ياااااناس خلاااص بقطع شعري ... هههههه .. هيه صح انا علاايه .. وترى هزاع مب ولد عمي بس ترا نحن مالجين و لا تتحرون ارمسه و ايلس بروحي وياها وهو ولد عمي وبس لاطبعا منقووود .. واهم شي لازم تعرفووونه عني اني اموووووت فيه اتخبل عليه .. امم شو بعد انا ادرس ويا مهور وانا واايد وياها .. وتراني اربع وعشرين مطيحه في بيت يدووه .. لا تسالون ليش .. امايه يا انها تيلس في البيت عندها حريم .. او تظهر ويا خالوه السوق .. برمسكم عن بنات خالاتي اولهم فطيم اكيد كرهتوها لانها طايحه بملوك بس ماعليكم عســل ع قلوب الكل .. بس هذي طبايعها لو تبي تغلس ع حد حياته ههه .. امم اما ملاك اكيد فطيم ماقصرت و قالت لكم قصة حياتها .. ويا تروك .. ع فكره بعدها بثنويه العامه .. الحين هم كبار ونحن منقود عندنا يرمسها وياخذ راحته وياها .. بس هالتركي حاله خاااصه .. عقب بتدرون بخباله .. اووه نسيت مااوصفلكم شكلي .. اممم عيوني عسليات بيضه ويهي بيظاوي ماعندي خدود شفايفي مب كبار شرات براطم مهوور هه .. اهم شي عندي ان هزاع يحب شكلي ..
ههه .. ماعليكم مني .. برمسكم عن مريوووم .. اختي العووده .. و محمد اخووي العوود .. مب حلوه ترتزون عندهم .. تراهم متزوجين يعني بيجابلوونكم و لا بيجابلوون اهلهم .. هههه .. ماعلكم مزااجي اليووم (( عااااال العااااال)) ههه ..اممم مريووم معرسه من ثمان سنين .. عندها ولد واحد حمداااني او حفيييد بالعايله .. فديته والله عمره 6 سنوات .. ريلها فهد .. ماابالغ انهم بيتخبلون ع بعض .. و لامره تظاربو تخيلوو .. تف تف تف تف مديين حااالهم .. اما عن محمد .. فمادري شقولكم .. ماخذ عواش .. عسوووله و قلبها ابيض الكل يحبها ويمووت في قعدتها .. الا اثنين بتستغربون لو قلتلكم منو .. محمد و امايه .. عواش ترى يتيمه .. وكل يعرف انها مب مرتاحه ويا محمد .. يعني تدرون وااظح ع الحرمه لو مرتاحه او لا .. عندها ولدين عبادي و عزوز .. ساكنين ويانا تراهم ..حمووود والله لو سمعني بيذبحني .. مب مشكله الحياااه حلوه .. حموود حبوب و طيووب .. بس مادري ليش ويا حرمته تعامله وياها غيير لو قارنها بتعامله ويانا ونحن خواته .. .. يــلا خلاص ابي ارقد الساعه 2 في الليل يـلا بس ابي ارقد .. اجوفكم بااجر ..

اما انا احلـــــــــى شـــــــباب العاااايله عقب الطفس منصور وهزاع .. هههه المهم احلى من محمد ... ماعلينا انا انسان واثق من شكلي .. انا في ثنويه عامه ادبي مب فاظي لدراسة اربع وعشرين ساعه برع .. و زيود اخويه مب دوم ويا بعض ولا بعد علاقتنا سطحيه يعني بين و بين .. يمكن لان شخصيتي غيير عن شخصيته و طمووحااااتي (عادي يا كثرهن مشالله ) غير عن طموحاته ... يعني لو عندنا اختلافااات كبييييره بيينا بشكل واظح لكن قلوبنا ع بعض .. والشي اللي يجمعنا هو اهتمامات الشباب .. يعني نسير عوافي ويا الربع .. و نسير البر وياهم عاد حلاته اللمه هناك .. لازم تعرفون شي عني لان كل من يعرفني لازم يعرف اني ..امووووووووووووووووووووووت في بنت خالتي ملااااكي .. اكيييد عرفتوني تروووك

انـــــا زيوود .. في الثنويه العامه علمي فكه آخـر سنه.. ماعرف وين اكمل الجامعه برع و لا داخل البلاد .. ماعليكم مني انا دحيح بين شباب العايله .. واهم معليه دراستي .. انا امايه متوفيه .. ابويه تزوج امايه ع ام محمد و عقب مايابتني بعشر سنوات توفت الله يرحمها ماببالغ واقولكم كانت الاقرب ليدتي من عمتي ام هزاع و ام محمد .. لان قلبها ابيض و صافي ومابنكر لكم اني عقب ماتوفت كنت حااشر يدوه اني اعيش عندها .. لكن ابويه الله يسامحه رفظ ..
تدروون عاد برمسة الناس يعني مب عشاني ... وعلاقتي ويا ام محمد تدرون عيشوها انتو ماله داعي اقولكم .. اما عن شكلي لو بوصفه لكم .. تراني مااخذ وايد من منصور اخوويه .. عيوني سوود كبار .. انا ابيضاني بس مطيح انا وهزاع و تروك بالبر و سمرت شوي .. انا مااطيق الصراحه السفر لسبب واحد بس لو انه تااااافه.. تدرون شو .. لاني يوم اسير هناك لازم البس جنزات و تي شيرات و قمصان .. لو ان منصور حاشرني في الويك اند دوم يبيني ايي عسب اقوي اللغه عندي ..واذا قلتله لاء .. يقص عليه و بقولي حلووو عليك الجيينز .. هههه .. يــلا انا ابي ارقد الحين .. تصبحون ع خيييير وانا من اهله ..

انا اليوم مزاااجي راااااااااااايج .. اكيييد عرفتووو منووو انا .. هزاااع .. يا مرحب فيكم .. انا عمري 22 سنه ع عمر خوي دربي منصور .. تدرووون شلي يرفعلي الظفط يوم يطري لي عيوني .. ترى عيوني زرق شرات يد يدي مايات الجينات الا عليه انا .. بس حلوه طالعه عليه .. هههه حلوه الثقه بالنفس يعني .. انا تقدروون مااخذ دكتوووراااه في مشاعر الحب .. انسان رمنسي عكس الطفس منصور .. ممسووح من المشاعر .. تدروون من اللي اكتشف هالجانب من شخصيتي .. قلبي و روحي علايه .. ع فكره انا لو قلتولي سير البر يوم واحد بس و لا تسير باريس اسبوع شو بتختاار .. اقولكم البر لو حتى نص يووم .. لو اني اشتغل في شركة العايله و اللي تحتاج اني اسافر برع الدوله وايد .. وهاي اهم الاشياء اللي لازم تعرفون عني .. يلا ابي ارقد اللحين ..

انا جواهر يزقروني جوجو في االبيت و في المدرسه يزقروني جوي .. اصغر وحده في العايله بعدني في اول ثنوي والفروض اكون في ثالث عدادي بس دشيت قبل عمري يسنه للمدرسه .. لاني وااايد اهتم لدراستي ... اكييد في خاطرك تعرفون شسالفة الحادث.. اول شي الحادث كان ويا الدريول يوم كنت سايره للمدرسه استوى الحادث .. اكيد بتقولون ابالغ في مشاعري في الموضوع .. بس كنت صج بين الحيا و الموت في الحادث ويلست في المستشفى ثلاث ايام في غيبوبه .. اما عن ريولي تدرون ليش ماابي احاول اني امشي عقب الحادث .. لانهم قالو ان نسبة مقدرتي في المشي 75 بالميه تخيلو .. و هالشي بيتحدد وقت مراجعتي للعلاج الطبيعي .. وعسب جيه انا متردده .. امم لو تبون تعرفون شي عني .. ستايلي تقدرون تقولون سبوورتي.. يعني متعوده ع الجنزات و تي شيرتات و جواتي.. مب وايد ويا روضه لختلاااف الكبييير بين شخصياتنا .. وهاي حياتي

انا رواظي رووووضه .. اخت جوحو .. واكبر عنها بثلاث سنوات .. بقولكم شي ماقالته لك جوجو .. ترى امايه و ابويه انفصلوا لفتره مب قصيره كانت سنتين .. من انولدت جوجو بثلاث اشهر استوت مشاكل بينهم و انفصلوا بدون طلاق و يدتي ماقصرت علينا وحطتنا بعيونها وهذا غير ان جوجو كانت ويا امايه وماكانت تعرفنا طول ثلاث سنوات عقبها بعد ظغط من يدوه ردها ابويه .. والحين الحمدلله علاقتهم زينه .. المهم الحين برمسكم ع عمري .. اممم بنوووته حتى النخاااع .. ههه لوني المفظل هو البنك .. احب اكشخ في المدرسه .. هيه صح تراني في ثالث ثنوي ادبي .. مب شرات جوجو في المدرسه ادرس وايد لا .. حياتي كلها شردااات .. مب فاظيه حق الدراسه ترى كلنا في مدرسه وحده .. امم تدرون اللي يجوفني بيقول هاي اكبـر خقاقه .. انا مب خقاقه ذاك الزود .. يعني عاديه .. مدرستنا مدرسه نموذجيه ... يعني يطلع عندي جمن كلمه بالغلط انجليزي وانا ارمس يدوه .. وعاد تدرون بيدوه تعطيني ذييج المحاظره .. ماعليه .. امم بوصفلكم شكلي الحين .. اممم بيظه و بيظاويه شعري لنص ظهر صابغته خصلات صفرا و لونه بني .. امم ظعيفونه و وطولي وسط .. و هاااذاا شكلي ..

و هــذي حال شخصياتنا .. من وجهى نظرهم طبعا .. بس مب جنه نسينا اهمهم .. (الريم) خلونا نجووف شو رايها باهل ابوها ..

كانت يالسه ع شبريتها .. وسرحااااانه ..
آآآه ياوييل حالي .. والله بنات عمي عجيبات .. ياليت من زمان اعرفهم .. اليوم كان ربشـه حشره .. خذوا ارقامي .. وانشالله نتواصل .. اما من امايه فتدرون الصراحه ماحبت حريم عمي وانا بعد حسيتهم متكبرات .. تدرووون ماايلاموون مع هالعز كله .. بس تدرون بناتهم عسل صح انهم كشيخات و حلوات بس مب متكبرات شرات امهاتهم .. لكن يدووه حبيييتها انا خلاص .. صح انها احرجتني بس هاي طباع الكبار .. امم عمتي مهره انا حبيتها .. عســــل .. بس ابي ارقد الساعه 3 في الليل ..


وهاااي نبذه بسيطه عن كل واحد فيهم .. شووو تتوقعون بتكوون الاحداااث .. تدرون بختصر عليكم المووضوع واقوولكم .. ان الجزء الثالث بيغيييير مسااااااار كل شي .. يعني بعد الجزء الثالث بتبدا الاحداااث و الحبكات و الحركاات ..
__DEFINE_LIKE_SHARE__

من مواضيعي
0 {..إآلحـژنﱟ قـ᷉درﯤ ؤ لآ هٗـﯚ بـﱢرغبتـﱟے●

  رد مع اقتباس
قديم 01-26-2011, 11:04 PM   رقم المشاركة : [ 4 ]
عضو جديد

الصورة الرمزية t7b w tkabr

بيانات t7b w tkabr
تـاريخ التسجيـل : Jan 2011
رقــم العضويـــة : 129360
الـــــدولـــــــــــة : no where
المشاركـــــــات : 7 [+]
عدد الـــنقــــــاط : 100
الجنس : Female
علم الدوله :
الحالـــة : t7b w tkabr غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
رسالة SmS
al7ya 7lwa Bs nfhmha

 
رسالة MMS

افتراضي

الجزء الثالث ..

بيت بو هزاع ..

جواهر : لاااا ماابي احد وياي ..
ام هزاع : ليش غناتي .. انا بساعدج ..
جواهر بنفعاال : انا قلــــت لاااااا ولا ابي احد يساعدني و لا محتايه مساعده من احد.. خلاص كافي ارحموووني ..
هزاع وهو يطالع امه
هزاع : امايه خلاص ودريها .. هذا شرطها من البدايه و نحن وافقنا عليه .. (صد ع جواهر) جوجو سيري فديتج بتتاخرين ..

جواهر سارت عنهم للسياره .. حاولت جواهر تركب السياره بروحها .. بس البشكاره جافتها انها ماتروم .. تجدمت و حاولت تزخ يدها .. بس جواهر دزت يدها بشمأزاز .. لانها ماكانت تبي احد يساعدها ابد ولا تحس ان في احد يشفق عليها .. البشكاره سارت و ركبت بدون ماتجيس جواهر .. اللي بطلعت الروح ركبت و هي تصيييييح .. كان الموقف كله صار . . و تركي اللي كان بيدش الميلس يتريا مهره يوصلها لبيتهم .. وهو ماااشي يطالع بنت عمه .. كسرت خاطره حس انه تحس انا الكل يساعدها لانهم يشفقون عليها .. كسرت خاطره ع تصرفاتها اللي بتخلي الكل يكره يتعامل وياها بسبب حساسيتها الزايده ..

عقب ساعه ..
الساعه 6 في بيت بو محمد ..

ام محمد وهي ترمس عليا بالفون
ام محمد : يلا علايه بسرعه .. ترى تأخرنا ع خالتج
دش تركي ..
تركي يغمز لها : ع وين الحلوين بيرووحوون
ام محمد ببتسامه : بنسير عند بيت خااالتك
تركي فز قلبه : اي وحده فيهن ام حمد و لا ام حامد
ام محمد ظحكت عليه : عند ام ملاك
تركي ببتسامه قطعت ويهه: صـــج .. منو بيوصلكم
ام محمد : الدريول
تركي يظرب ع صدره : افا وين وين رحت .. بس بتلبس و بييكم ..
ام محمد : عيل فديتك سير وازقر علايه قولها تستعيل
تركي و هو طاااير لجناح عليا ... يدش عليها بدون استئذان . .
عليا شهقت يوم جافته ..
تركي : خسج الله حشى جافه يني .. تشاهقين
عليا تاخذ نفس : خرعتني ويا ويهك .. (بعصبيه)ما عندك يد دق فيها الباب .. لو حتى ريول عادي راظيه بس دق الباب استح ع ويهك
دش منصور بعد ماسمع صراخ عليا و الباب مبطل ..
منصور : في ذمتج ترمسين منو .. هذا ..(ياشر ع تركي)
عليا ببتسامه : ماقول الا الله يعينها ملاك
تركي بقهر : هاهاها ظحكتيني تدرين .. اقول يلا بسرعه خلصي ترى بوصلكم انا لبيت بنت خالتي
عليا تتخصر : شـــــــــو ..
تركي بنفعال : و ليش انشالله ماتبيني اوصلكم
منصور هز راسه ببسخريه : لانك قليل ادب .. تذكر آخر مره شسويت
تركي ابتسم يوم تذكر : هيه .... والله اني جفتها بالصدفه .. وخلاف تراني ماجفتها من خمس سنين .. يعني اكيد تغيرت ملامحها ..
منصور يتمسخر: ميؤووووووس منك .. خلاااص وقعت في الحب
تركي تنهد وهو يخوووورها : اوووووه الا وقعت قول عفدت عليه ... آآآه يا قلبي .. يا منصور .. ليتك تحس بالحب جان مالمتني ... يعني فداااهاااا و مانحرم منها يارب ....
منصور ظربه ع رااسه ..
منصور : استح ع ويهك تراها بنت خالك .. مب وحده من هالخياس اللي تعرفهم
تركي بقهر: افففف انا كل مابطلت سالفه رديت ع هذيل .. تراهم بس اتسلى بهم بس
عليا : تدري يا ترووكي .. لو درت ملاك والله انها بتكرهك .. هي موووتها و هالسوالف تحتقرهم اللي عندهم هالسوالف..
تركي بطل عيونه : والله ... عيل خلاص بغير رقم فوني .. و لا تزعل عليه ..
عليا بنذاله : مااظمنك
تركي بتفاعل : والله لدق ع وحده وحده و..
عليا بطلت عيووونها
عليا : لييييه ويا ويهك كم و حده .. ومن حلاااتك اصلا
تركي بخقه : حلووو غصبا عنج
عليا : لا والله ومستانس ..
تركي بترجي : علايه والله لارمسهم واقطع علاقتي فيهم وانت عدالي
عليا تنهدت : بفكر ..
منصور : ههههههه .. والله وقدرتي له يا بنت خالتي ذييبه بنت ريااال هههه
تركي : جب حب .. يلا علايه بسرعه ..
عليا : ههه انشالله ..
عقب سار عنهم تركي يتلبس و يكشخ و يتعطر .. كان شكله رزززززززززه .. اما منصور يلس ويا عليا شوي .. الا كانت تعدل جحالها .. و رسم عيونها
منصور من النوع الغيووور حتى لو انه يدري ان اخته بتتغشى و هي مب سايره بيت غريب ..
منصور بجديه ع مزح : بس خلاص عيونج استون سوود من كثر هالجحال ..(ترى عيونها عسلياات)
عليا فاهمه اخوها عدل فطالعته و ابتسمت له ..
دق هزاع ع منصور بذاك الوقت ..
منصور : هلا والله .. وينك انت ... وين ساير .. راس الخيمه .. شعندك ...... لالا ماروم اسير وياك .. بسير ويا الربع .. هههه عادي نخون فيك ونسير البر .. ههه من زمان ماسرت .. تصدق الحين في خاطري اسير له .. هههه ... ماعليه منك .. يلا باي بااي ..



اما في بيت حمد

حمد : ريييييموووه
الريم : شو تباا
حمد : فديتج ابي كوووب جااي ..
الريم : اوكي من عيوووووووووني .. كم حموودي عندي انا .. واحد وعسل ع قلبي
حمد تنهد : وين تبين تسيرين
الريم بترجي : حمووودي الله يخليك .. والله ما انسى لك هالجميل طوول عمري ..
حمد : بالاول لو تعرفين تسوين جاي عقب ذليني عليه ..
الريم : اففف ع االاقل بنش و بقول للبشكاره تسوي ..
حمد : عيل قولي شتبين ..
الريم : ابيك توصلني للحديقه اللي عدالنا
حمد : شحقه
الريم : انا وربيعاتي متواعدين هناك
حمد : انت تدرين انها حق عايلات .. وتدرين برايي في الموضوع
الريم : حمووودي الله يخليك والله مابطول ساعه او ساعه ونص بالكثير و تعال وردني للبيت ..
حمد : لاء
الريم زخت يده وهي تترجاه ..
الريم : انا رمست ربيعاتي .. والله فشله اقولهم عقب اني مااروم
حمد : يزاتج .. انتي تدرين اني مستحيل اخليج تسيرين بروحج
الريم : زين البشكاره بتسير ويياي
حمد : لااا يعني لا ... يلا نشي قولي للبشكاره تييب دلة الجاي انا بظهر الحين ..

اما عند جواهر ..

عقب ماوصلت .. للمستشفى دشت ع طول بروحها طبعا .. للدكتور .. ( د . فيصل الـ..... ) برمسكم شوي عنه .. الدكتور فيصل كان مييز بكل شي حتى بطرق العلاج اللي عنده و باسلووبه الراقي مع الناس يعرف يتعامل مع العنيدين لانه متعود ان اغلبى مرضاه جيه بس طبعا باسلووب .. عمره 26 سنه اما عن شكله فهو ع قووولت اخوانا السعوووديين مملوووح ..

جواهر كانت اول مره تيي .. يعني مب عارفه وين تسير .. باول دشت ع الدكتوور ..
جواهر : السلام عليكم
د. فيصل : و عليكم السلام و الرحمه .. جواهر
جواهر : هيه
فيصل ببتسامه : يلسي شحقه واقفه
جواهر يلست و كان شكلها متوتر بس تحاول تخفيفه و تبين انها مالها خاطر و محرجه بعد .. و فيصل كان متعود بحكم عمه يتعامل مع هالاصناف من الناس.. ترى فيصل عنيييييد .. وهالشي اللي مصبره ع شغله ..
فيصل : وياج الدكتور فيصل الـ..... , وانشالله انا بكون الدكتور اللي بيتابع حالتج ..
جواهر كانت باذنها منتبه لكل شي يقوله لها .. بس عيونها تروح هني و هناك
فيصل ابتسم : حابه تقولين شي عن نفسج و لا نخليها للايام اليايه ..
جواهر : ....
فيصل : عيل ع راحتج اذا لو مابترمسين وياي ..
جواهر بسخريه : اكيد ع راحتج بتغصبني ع الرمسه بعد
فيصل ابتسم : كاج رمستي .. ماعليه مب مشكله .. الاهم انج تكونين يايه هني من خاطرج
جواهر : ..
فيصل : ترى يا جواهر .. غيرج ياي هني و الامل فيه شبه معدوم .. وايي عندنا و و الابتسامه ماتفارقه
جواهر بسخريه : ترى عاميهم كلامكم انتو يا دخاتر تجذبون و تخلون الواحد يتعلق بامل مب موجود
فيصل حب فيها جرائتها .. يعني مابيتعب وياها .. و بتعطيه بالويه ..
فيصل ابتسم : لا بالعكس نور الامل اللي يجوفونه جريب منهم وهو بعديد عنهم وانتي عاميج الاحباط و الامل اللي اقرب لج من روحج ..
جواهر طالعته .. بس ردت وصدت عنه و لا كانه موجود ..
فيصل : يلا خلينا نسير .. اعرفج ع مساعدج بتدريبات
جواهر : لي متى بتم جيه
فيصل: جوفي انا مااروم احدد الفتره هاي انتي اللي تحددينها .. ولو تبين تقريبا .. بقولج عقب مااجوف تجاوبج مع العلاج ..
جواهر بلعت ريجها : يعني تقريبا ..
فيصل : اممم شهرين اقل شي
جواهر بطلت عيوونها
جواهر بستغراب : شهــرين
فيصل : هيه شهرين .. وحمدي ربج غيرج هني من ست شهوور و بعده ماخلص العلاج ..
جواهر مشت وياه و هو حااس انها محرررجه و مب متوقعه ع الفتره
فيصل : يعني اني كنت كم تتوقعين تخلصين
جواهر : اسبوع او اسبوعين بالكثير
فيصل : عيل جوفي لو انتي تبين تخلصين في اقل مده لازم تحطين في بالج شي واحد و بس ..
جواهر : شو
فيصل : انج بترومين تمشين في غضون شهر و عندج الهمه عاااليه .. و لو تخلين عنج هالاحباط و السلبيه بنكونين توب
جواهر : (سكتت ماتروم توعده و هي بعدها بحالة نفسيه زففته .. ) ..
فيصل ببتسامه : اعرفج ع الدكتوره هيله ..
هيله مدت يدها لجواهر و هي مبتسمه لها
هيله : يامرحب .. علومج جواهر
جواهر : ...
فيصل : احسج قبل ماتيين فني متحلفه انج ماترمسين احد بطيبت نفس
جواهر طالعته رفعت حياته ..
فيصل : سمعي يا جواهر .. هني الكل يتعامل مع الثاني شرات الاخ و اخته و مافي احد احسن عن الثاني ماعندنا ابن فلان و لا علان .. ((ع فكره د.فيصل من عااايله كبيييره جداااا .. بس هو متوااظع وااايد و مايحب يتفاخر بعايلته ونفس الوقت هو يعرف بنت من جواهر .. لانه ربيع هزاع ))
جواهر كانت مصدووم منه اول مره بحياتها حد يوصفها بالكبرياء ..
جواهر تدفاع عن عمرها : بس انا ماكان قصدي جيه انــ
فيصل بتحدي : عيل اثبتيلي الكعس .. بوجودج هني
عقب سار عنها .. وبقت هي و د . هيله ..

بيت بو محمد
دش تركي وهو يصاااارخ

تركي : يلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااا ... ورانا جوووفت الحباااايب .. (انتبه لنظراتهم )
وبظييج قال : بالغلط زين... خلاااص كليتونا بعيوونكم ..
عقب ظهر عنهم و سار للسياره .. يتريا عليا .. عقب ماشرفت ..
تركي : شحقه ييتي جان رقدتي عقب ييت
علييا بنص عين : والله محد ظربك عن يدك وقالك وصلنا ..
تركي سكت عنها .. ورفع ع صوت الاغنيه (( يعشقني )).. و هو مندمــج ع الأخيــــر ..
عليا قربت من اذووونه و همست له بنذاااله ..
عليا : تروووكي .. (ع فكره هو مااايطيق حد يدلعه و بذات هالاسم ) .. هي قالتلك انها تحبك ..

تركي صد عليها ..
تركي : عليوووه لا تلعبين فيني ..
ام محمد : بلاااااكم .. تركي طالع جدام لا تسوي بنا حادث
تركي صد جدام وهو محرج .. و اما عليا زخت مبايله ويلست تتعبث فيه و هي مستااانسه و بداخلها تـــظحك عليه ..
عقب ماوصلوا للبيت .. كانت تبي تظهر بسرعه قبل لا يرمسها .. بس هو اذكى و اسرع منها ... قفل باب
عليا : ترووووك يلا بطل لي الباب
تركي بنفعال : لاااا .. بالاول قولي شسالفه .. هي صح ماقالت لي ولا مره .. بس اكيد تعرف اني احبها .. (بعين تكسر الخاطر) علايه غناتي انتي قولي الصج تحبني صح .. بردي قلبي الله يبرد ع قلبج
عليا : ههههههه .. واااابووويه علييييك .. خلاااص يا تركي .. بقوولك .. والله انها تموووت فيك .. و تحممممممر لو يبنا طااااريك بالغلط حتى
تركي تنهد : والله اني احبها .. والله العظييييييم اني احبهااااا ..
عليا : خخخ زين يلا بطل الباب .. ابي اظهر .. يلاااا
تركي بخبث : زين هي تدري اني اموووت فيها .. لان الصراحه ماسمحتلي الفرصه اني اقول لها عن اللي بخاطري
عليا : اصلا في حد فهالعايله مايدري انك تحب بنت خاالك .. اذا ساروه و حمدانوه يدروون هي ماتدري
تركي ابتسم : اففف متى بخلص من هالدراسه و اخطبها ..
عليا : هه لا تحاتي الكل يعرف انها حقك انت .. ومحد بياخذها غييرك
تركي : ادري (جوفوا الواااثقه ) بس ابوووها هالنحس ماارتااحله ..
عليا : شعليك من ابوها .. انت بتخطبه و لا بتخطبها .. يلا بطل البااااب .. افف مليييت منك يلااا
تركي : ههه .. زين زين ... سلـــمي (وغمزلها)
عليا : هههه اقول مووت احسن .. قال شوو قال سلمي ههه.. (وشرردت داخل )
عقب ظهر تركي و يا عليا .. عليا سارت دش داخل .. اما تركي سار الميلس .. جاف الباب مطلب و ريحة الدخوون من كيلوا تشمها.. شاله الحوش شـل .. دش لقى بنيه يالس تعدل الدلال و الفواله .. كانت متشيله عدل احتياط لو حد طب وهي موجوده

بيت بو حمد ..

ام حمد : خلاص لا تكسر بخاطر البنيه ..
الريم : هيه صح لا تكسر خاطري
حمد تنهد : ساعه بس ..
الريم قامت و باسته ع خده و هي طاايره من الفرح ..
حمد : انا قلت ساعه بــس
الريم : اوكي بسير اكشخ
حمد : نعم نعم
الريم : ماقصدي اكشخ .. ابدل ملابسي بس
حمد بجديه : ريمووه
الريم : بلاك انا تربيت يدك .. وانا خبله اكشخ و انا سايره مكان عام ..
حمد : عيل يلا انا اترياج في السياره لا تتبطين
الريم : من عيوني ..

في بيت بو حامد ..

ملا ك : قصااايد (بنت اخوها عمرها 12 سنه) يلا دشي داااخل و خذي وياج هالوسايد مغبره خلي البشكاره تغسلها .. انا بدش داخل اخاف يدش حد و ياكلني حامد شرات ذيج المره (وتنهدت ) قصااايد يلاااا بلاااج وااقفه ..
تركي ابتسم و سار صووب الوسااايد اللي اشرت عليها ملاك .. و قف وراها .. حليله مايروم يردلها طلب
تركي ببراءه: وين احطهم ..
ملاك يوم سمعت صوته بلعت ريجها .. ماعرفت شوو تسووي .. زين انها متشيله عدل و لا اخوها بيذبحها .. صدت عليه ملاك بتردد : تتتركي
تركي ببتسامه اطيح الصقر من السما .. ذووووبت قلب ملاااااك معاها ..
تركي : عيووونه ..
ملاك بتردد: شششحالك
تركي : بخييير و نعمه من جفتج
ملاك ماعرفت شوو تسوي .. كانت حده منحرجه.. و انتبهت انه زاخ الوساايد ..
ملاك : هاتهم عنك ..
تركي مد يده : هاج
ملاك زختهم و شردت.. بـــــس
تركي زقرها يوم وصلت عند الباب ..
تركي : ملااااك
ملاك صدت صوبه : هلا
تركي ببتسامه : احبــــج
ملاك ... وقفت مصدووووومه ... ومستحيه و مبطله حلجهااا ...ماتعرف شوو تسوي .. تدري انه يحبها لكن ماااتوقت انه يتجرا ويقووولها بويها .. انتبهت ع عمرها انها بعدها واااقفه .. وتطالع فيه بستغراااب .. و ع طووووول شــردت داااااخل صااااروووووخ .. وتركي يظحك عليها .. (( حليلها استحت غدت شرات الطماطم .. لالا ملوكي مب طماطم قووولوا شراات التفاااح الاحمر .. وربي ان كل مااجوفها احسها استوت احلى .. شسوي احبهاااا .. والله احبهااا ))
عقب دشت ملاك داخل .. وماكانت ابد ع بعضها ..
ملاك : السـ ـسـ ـسلام عليكم
الكل : وعليكم السلام والرحمه ..
ام محمد : هلا ببنيتي هلا .. تعالي يلسي حذالي .. تعالي
ملاك كانت اصلا حالته لله .. والحين منحرجه من ام محمد
يلست حذالها ..و ع الصوب الثاني عليا ..
ام محمد : ها ملاك شخبارج
ملاك : بخيــر وسهاله .. شحالج انتي خالووه
ام محمد : بخيير من حفتج
ملاك بسرعه تذكرت .. تركي يوم قال لها نفس الكلمه .. اختبص وييها ..
عليا همست لملاك : بلاج
ملاك طالعته بنظره ..
عليا بقهر وبصوت واطي : انا اوريك تروك
عقب نشو البنات و ساروا صووب حيرة ملاك ..

ع فكره اهل ملاك .. مب شرات اهل عليا .. يعني حالتهم مستوره عايشين في بيت شعبي .. عندها اخ اسمه حامد من النوع الصارم و الشديد شرات ابوه .. وهو يدري ان تركي يحب اخته من كانوا صغاار .. بس ساكت عنهم .. وهو متزوج من بنت عمه و عنده ( فيصل و ناصر توم و اصغرهم قصايد ) ابوها من النـــوع البخــــــــيل و الطمـــــــاع بشــــكل مب طبيعـــي ابـــدا ..

عليا : شصار
ملاك بعدم اهتمام .. و بتردد ..
ملاك : مماصار شي ..
عليا بشك : اكييييد ..
ملاك : يعني في ذمتج شبيصير يعني
عليا : ملووك ارمسي
ملاك بتردد : جفت تركي وسلمت عليه .. بس
عليا بطرف عينها : اكيييييد
ملاك : هيه .. شخبارج ويا هزاع
عليا .. اذا احد يبي يسكر موضوع وياها .. يبطل سالفة هزاع .. تنسى كل شي ..
عليا : هيييه امس تاخرت في بيت يدووه و.........(وقالت لها السالفه كلها )
ملاك تنهد : يااقلبي والله انه رمنسي
عليا : عيل شووو تبينه دفش ... حياتي يوم انه يحبني لاازم يكون رووومنسي ... ماعليه ترى تركي بعد فيه شوي احساس ..

ملاك بقهر .. فرت الوساده اللي عندها ع عليا
ملاك : جب زين منووو طرااه الحين اخووج
عليا : هههههه ...
ملاك نشت
عليا زخت يد ملاك ..
عليا : وييين .. والله آسفه خلاااص .. مابطرييه
ملاك :.. بسير اييب عصير ..
عليا : يلسي يلسي ماابي ..
ملاك : لا . عيب .. وبعدين ماسالتج
عليا : زين قولي للبشكاره
ملاك يلست بقهر : افف لا تطرين سالفة البشكاره
عليا بستغراب : شسالفه
ملاك : ابويه قالها بيعطيها 600 بدل 700 وهي رفظت و عقب شردت للمكتب مالهم و سفروها و ابويه حلف انه البشكاير يدشون بيتنا . . و كل البيت ع راسي .. تدرين حرمة اخويه حامل و لا هي تبي تساعدنا بالبيت .. حتى لو انه مب بيتها .. وامايه تعبانه
عليا تنهد : مسكين حالج .. وانت في ثالث ثنوي بعد ..
ملاك نشت : جفتي .. يلا انا سايره اسوي عصير
عليا نشت : عيل بسير وياج ..
ملاك هزت راسها بياس : يـلا .. بس بدون ماتجوفج امايه ..و الله بتذبحني
عليا : حشــى لييش
ملاك وهي تقلد امها يوم تعصب : ادخليييين ظيييفه المطبخ يلي ماتستحين ..
عليا : هههه .. ماعليه كل شي يهون عشاني
ملاك : هيه صح يــلا يلا


في الحديقه عند الريم و ربيعاتها ..

الريم : بنات انتو سيرو انا بتمشى بروحي شوي ..
البنات : لالا ماااشي ..
الريم : زين انا بيلس هني وانتو سيروا لعبو هاللعبه .. وانا اترياكم
فاطمه : وليش ماتيين ويانا
الريم : يا سلام تبوني العبها .. عسب تطيير شيلتي و اصارخ .. و الشباب مسوين سيد شطووله .. ليتني سمعت رمست اخوي و لا ييت ..
فاطمه : يلا ريامي والله ماتسوى اللعبه بدوونج .. يـلا
الريم بعناااد : لا يعني لا ..
فاطمه : راسج يابس .. يـلا بنات .. سيرو نلعب .. وانا بيلس وياها
ساروا البنات و بقت هي و فاطمه ..
الريم وهي تتعبث بالايبوت حقها ..
الريم : زين زين يلا سيروا ..
الريم (( ليتني ماسرت.. مادري ليش اليوم زحمه وبالذات الشباب .. ليتني سمعت رمست اخويه حمد .. وماييت )) يلست سرحااانه مع الاغنيه ..
فاطمه يلست حذاله ..
فاطمه : ريموه ابي ارمسج
الريم تخوز السماعات عن اذونها ..
الريم : بـلاج ..
فاطمه تنهدت : آآآه .. مساكين من حبو مساكين و لا طالو اللي هم يبونه ..
الريم : فطامي .. خلاص انسي .. ملجتج جربت .. وانت بعدج ع ذكراه
فاطمه : والله لو قلبي ع كيفي جان مااستوى الا استوى ..
الريم : يا حياتي انتي لو بتملجين و تعرسين وانت بعدج تحبين شخص ثاني هذي تعتبر خيااانه تعرفين شو معنى خيانه ..
فاطمه : والله .. والله مالي يد .. والله مارووم .. احبه والله احبه ..
الريم بعصبيه : شو تحبينه انتي بعد .. خلاص يا ماما انسي خلاااص ..
فاطمه : ريمووه لا تعصبين ..
الريم بهدوء : سوري .. بس ترى اللي تسوينه ظلم لج و له .. هو ماله خص .. انتي اصلا شحقه وافقتي عليه وانتي تحبين واحد ثاني ..
فاطمه : شسوي يا الريم .. لو قلت لابويه لاء بيسالني ليش شقوله .. وهو ريال ونعم فيه يشتغل و مب كبير وايد .. والكل يشهدله بشهامته و رجولته ..
الريم : كاج يالسه تمدحين بالريال .. شحقه ماتحبينه وماتبين تنسين الثاني
فاطمه : قلبي ماهو ع كيفي ..والله احاول احبه او حتى اتقبله مااروم .. خواته يرمسوني عنه .. وا..
الريم : فطامي الريال شاريج .. ويوم ان ولد عمج ها يباج .. جان رمس يوم رخصوج عيال عمج ..
فاطمه تنهدت : وهالشي اللي محيرني ..
الريم : لانه يلعب .. يقضي وقت بس ..
فاطمه : ريموووه لا تقولين هالرمسه ..

.........

دشت عليا السياره و تركي مانتبه لها و امها تاخرت شوي عليهم ..
اما تركي وهو طرباااااان ع آآآآخـــر .. و يغني و مندمج ويا الاغنيه .. جديد في جديد (عاد انا مب حافظه كلماتها بس سو اعماركم ماتقرون هههه )

جديد في جديد
كلامك غير
وسلامك خير
يبيلك قلب خصوصي اكييد
لونك آهه شكللك و لونك
ولهك بعض وكلك

عليا وهي محرررجه تدري بخبااال اخوها .. وهذا غير ان ملاك كانت متوتره و حالتها ع الله..يعني تاكدت ان صار شي بينهم
عليا : تروووووووك
تركي من سمع صووتها زاااغ .. درى انها عرفت .. و يلس يرقع السالفه .. صد صووبها ..
تركي ببتسامه : عيوووووونه
عليا : شسويت بالبنيه ..
تركي : ملوكي بلاها فديتها
عليا : ملوووكك بعيييينك يلي ماتستحي ..
تركي بترجي: زين اوصفيلي ويهها يوم دشت عليكم من برع
عليا : اقوولك حااالتها لله .. دشت و سلمت وهي مب ع بعضها .. قوول يالخديه شصااار
تركي وهو يغني : آه ياعيونه تذوبني تعذبني...فيها فنونك جمال صعب
عليا : تروووووووووووووك قوولي والا ترى والله اقول لمحمد عن بلاويك
تركي : حموووووود لالالا قولي لابويه و لا هااا اخووج اففف والله الجديه تترحم ع عمرها منه
عليا : عيل قووول شصاار
تركي بدون اهتمام جنه ماقال شي ..
تركي: ماشي بس شفتها وهي بالميلس .. وتتحراني بنت اخوها قصايد و قالتلي يييبي الوسايد.. و تدري بخووج ماايروووم يردلها طلب .. سرت و يبت لها ووقفت جدامها .. جااافتني .. وييهها استوى اشارات مرور استحيت (تنهد يوم تذكرها )وااابوووي فديييتها و فديت مستحاها ..
عليا عصبت : ايييييه كمل و لا تيلس تتخيلها .. و تتفداها ..
تركي : افف .. ماشي عقب بغت تشرد .. بس انا زقرتها (ويطالع المنظره يبي يجوف ردت فعل عليا) وقلتها احبـــــج .. وبس
عليا مصدوومه: شووووو كل هذا وبس جاااان يلست بعد ويااها بعد
تركي بدون اهتمام : لالا مصختيها عييب
عليا : ليش انت تعرف العييييب
تركي : علااايه .. يلاا عاد جنج ماتعرفيني يعني .. الا بنت خالتي ماارظى حد يرمس عنها بشين
عليا : عيل ترظى حد يقول لي هالرمسه و هو غريب عليه
تركي : علايه حبيتي انتي .. تدرين فيني .. قلبي يعورني والله احبها واموووت فيها ... ومااروم اتم جيه .. انا لازم اقووولها .. وخلاف انا لو بخطبها اخاف تقوول اني ياي اخطبها لانها بنت خالتي بس .. وتدرين فيني احبــــها والله احبها
عليا تنهدت : انا لوو ايلس وياك من الصبح لي الليل مابتغير هالطبااايع .. ياخي خفف هالجراءه اللي فييك افف
تركي : هههه .. هاااي مب جرئه فديتج .. بعدج ماجفتي بعد
عليا كفخته ع رااسها
عليا : ايييه استح ع ويهك وايد سكتنا لك انا و منصور
تركي: ههه .. عادي حرمت المستقبل .. ههه
عليا : زوجة المستقبل يا ذكي .. وبعدين انا حق شو اصححلك اصلا ..

عند منصور و هزاع ..
(يرمسون بعض بالفووون ) ..
هزاع : وين بتسير ويا الربع ..
منصور : في بلاد الله الواااسعه ..
هزاع : منصووور .. (وبالويه ساله ) حد في قلبك
منصور : انت آخر شخص تحريته يسالني هالسؤال
هزاع : جاااوب ع قد السؤال لا تسوي فلم هندي
منصور: بذمتك هذا ويه حب
هزاع : لاء ... : وتوقعت ردك .. بس اتاكد
منصور بشك : هذا السؤال مايطلع منك ..
هزاع : لا يطلع مني .. وليش مايطلع .. وبعدين تراك ماتقولي شي الا عقب مااسحب منك الرمسه سحب ..
منصور : ههه .. شو للحين ماتعودت ع طباعي ..
هزاع : انا من انولدت و مرابعك وانا متعود ع طبايعك.. مادري من نحاست حظي و لا احد داعي عليه
منصور : جب جب .. غيرك يتمنى يرابعني .. وانت بارد مبرد .. استويت ولد عمي و اقرب واحد لي
هزاع : ايييييه .. عن الخقه ..
هزاع بجديه : منصور .. صج صج .. انت ماتحب نوره
منصور بطل عيونه : هزاع من جدك انت ..
هزاع : زين زين خلاص فهمت ..
منصور : هزاعوه لا تخبل فيني .. منووو مطرشك
هزاع : لا والله جافني صبي عندك يطرشوني .. بس كان في خاطري ارفع ظغطك شوي .. وعرفت شلي يرفع ظغطك .. ههه ..
منصور : والله ماعندك سالفه ..
هزاع : ههه ادري ..
دق مبايل منصــور الثاني ..
منصور : شو يبا تروك الحين ..اقول هزاع برمسكم عقب اوكي ..
هزاع : اوكي ..
منصور : (رد ع تركي ) الووو
تركي بنفعااال : منصوووور الحقققق عليييينا ...
منصور بخوووف : ترووك اهدا و ارمس .. مب فاهم شي
تركي : ابووووويه ..
منصور بخووف اكبر : ... ابوويه بلااااه
تركي وفي صووته نبرة البجي : في المستشفى ..
منصور بنفعااال : .. شوووو .. تركي شسالفه ... بلااااه ابوووووي... قوووول ..
تركي بتوتر : مااادري والله ماااادري ..
منصور : بأااااي مستشفــــى ..
تركي : بمستشفى (.......) ..
منصور : خلاااص اهدى .. وكاني ياي انا ..
... بهالوقت تركي ماكان ع بعضه .. وكان حده متوتره .. مايعرف شوو يسوي لانه بعده صغيير ع هالمواقف الكبييره .. ماكان يعرف وين يروح و يين ايي .. كان واقف يتريا احد يظهر يقوله شصار لابوووه .. كان ع اعصااابه .. يتريا احد .. اي احد بس يطمنه ع ابووه .. امه و اخته عليا .. في البيت .. يتريون اتصااال من تركي يطمنهم ع ابووهم .. كان مبايل تركي مايصخ .. كل مايبي تركي يرد .. يفكر شو يقوول .. يكذب ويقول انه بخير و لا يقول لهم ان ابوه طوول داخل غرفة العمليات و مايعرف شي عنه .. حط يده ع ويهه .. ويلس ع الارض .. كان منهااار مايعرف شوو يسوي ..
دش منصور اللي من جااف تركي و حاله من بعيييد .. زاااااغ .. وبسرعه سار صوووب تركي ..
منصور وهو يزخ تركي من جتفه
منصور بنفعااال : بلااااه ابووووي تركي .. شصااااار
تركي : ماااعرف .. والله مااااعرف ..
منصور عصببب : شووو ماااتعرف .. تركييييييي قوووول شفيه ابوووه
تركي كان روووحه مب ع بعضه و زاده منصووور ..
تركي بنفعااال : والله اني مااعرف .. يعني تبيني اقولك انه بخيير وانا ماادري عن حااااله شي ..
منصور حس انه جسى ع اخوه .. وحاول يزخ اعصااابه .. وتنفس بهدوووء .. يلس و تركي ع الكرسي .. وهو يحاااول يهدي رووحه و يهدي توتره .. ويخفي اترجاافه .. لان ابوهم كان من قبل طايح عليهم وكانت جلطه .. ولو صار له مره ثانيه شي وتعب .. بتستوي ذبحه مب جلطه وبس .. ولهالشي الكل متوتر ..
منصور : دقيت ع عمي و لا ع محمد
تركي هز راسه بلا ..
نش منصوور .. ودق ع عمه .. وقاله و عقب دق ع محمد .. وماكملت ربع ساعه الا و الكل ياي .. والحريم يتيمعوا في بيت بو محمد .. يتريوون احد اييهم .. او يدق عليهم ويطمنهم ..
ظهر الدكتوور من الغرفه ..
بو هزاع : بشر ..
الدكتور : ماروم اقولكم حالته كيف الحين .. بس انشالله يقوم بالسلامه .. بس للاسف انتو تاخرتو وايد وهالشي اللي زاد حالته سوء ..
محمد طالع تركي بحــقد وكره من الخااااطر .. وعقب ماسار الدكتوور
محمد بعصبيه : وانت ليييييش ماوديت ابويه بسرررعه للمستشفى و لا لازم احد وياك يقولك شوو تسوي بعـــد .. مــــب رياااال انت ..
تركي عصصصصب من اخووووه .. كانه يتهمه بانه السبب بللي فيه ابووه .. ولو ان تركي سوووا كل اللي عليه .. ووصله وهو ماعنده لييسن .. لان الاسعاااف تاخر عليهم وهو كان زاااغ ومتوتر وتريا شوي .. فقرر بسرعه انه هو اللي يوصله للمستشفى .. لوان الاسعاف بتيي و بتسعفه ع طوول ..
منصور حس بالعصبيه من عيووون تركي كان صدق محرررج .. وانه زاااخ عمره لايغلط ع اخوووه العوود ..
بو هزاع بحزم : محمد خلااااص .. صار اللي صار ..
منصور يدافع عن اخووه ..
منصور : محمد .. تركي سوا اللي علييه .. لا تحمله ذنب ماله يد فيه ..
محمد كان معصب يعني محد يلوومه .. لو انه جرح تركي برمسته .. بس حتى ..
منصور كان حاس بتركي انه خلاااااص وصلت عمده للنهايه .. زخ يده و مشى به بسرعه بعيد عنهم ..
منصور : تركي لا تاخذ برمست محمد .. مايقصدها .. تدري متوتر ومب ع بعضه ..
تركي طلع إللي بخاطره .. لان منصور هو الوحيد اللي يسمعهم (تركي و زايد ) وعلاقتهم ويا اخوهم منصور مب شرات علاقتهم ويا محمد و ابوهم ..
تركي بنفعال : يعني انا السبب في الحاله اللي فيها ابوويه .. يرمس جني تعمدت أأخر ابوووي .. ويستويبه اللي استوى ..
منصور زخ يد تركي .. وظغط عليها .. وهو يحاول يهديه ..
منصور : تركي اهدا .. انت تدري بعصبية محمد .. والواحد يوم يعصب يقول رمسه مايقصدها
تركي تنفس بعمق وهو يحاول يهدااا ..
محمد زقر منصور وهو بعيد عنه
محمد : تركي خلك هني .. والحين بييك
وسار منصور صوب محمد
منصور : خير منصور .. قالك شي الدكتور
محمد : لا ماقال شي .. ابويه بعده ع حاله ..
محمد : لا للحين بس قالوا انه فيه جلطه .. منصور دق ع هزاع و ع حمد ولد عمك .. لازم يدرون
منصور : انشالله .. بدق عليهم ..
منصور سار ع صوب عسب يدق عليهم .. بالاول دق ع هزاع ..
هزاع : يااامرحبا
منصور : هزاع ..
هزاع بخوف (حس بنبرة منصور ) : خير انشالله .. بلاك
منصور : ابويه .. في المستشفى
هزاع بخوووف : بـــلاه عمي ..
منصور : قالوا جلطه
هزاع يعرف حالة عمه و يعرف كيف صحته ..
هزاع : جلـــطه .. وشحاله الحين
منصور تنهد : ماعرف يا هزاع حالته مب مستقره ..
هزاع : الله يشفيه انشالله .. خلاص منصور كاني بمسك الخط وراد العين .. منصور
منصور ذاك الوقت خلاص مارام يزخ عمره .. كان قوي عند اخوانه وعمه لانهم كانوا متوترين و لازم حد يصبرهم ويقويهم .. وهزاع حس فيه .. لانه يعرف بطباعه ..
هزاع : منصور .. انت ريال لا يهزك هالشي .. اوقف ويا خواتك وامك هم محتاجينك قوي مب ظعيف ..
منصور حس بقشعريره كانت رمسة هزاع لها اثر ع منصور ..
هزاع : يلا فديتك اخليك الحين
منصور : فمان الله
هزاع : دير بالك ع عمرك .. وابوك انشالله بنش لكم بسلامه .. فداعة الرحمن ..
وعقب دق ع حمد ..
حمد : هلا منصوور
منصور : هلا فيك .. شخبارك
حمد : بخير وسهاله .. خير منصور عسى ماشر (ترى كانت الساعه متاخره) ..
منصور انتبه للساعه .. وحس انها مب حلوه منه يدق ع الناس هالحزه ..
حمد : منصور . خير انشالله ..
منصور : ابويه في المستشفى ..
حمد بخوف : منو عمي .. بلاه ..
منصور : يقولون جلطه .. ..
حمد : خلاص كاني ياي ويا الاهل الحين
منصور : لالا تعب عمرك .. ماله داعي .. يا حمد .. يوم ينش بسلامه حياكم
حمد : لا فديتك الحين ياي ويا الاهل .. هذا مب واجب يا منصور .. هذا عمي ..
منصور : ع راحتك .. يـلا فمان الله
حمد : في حفظ الرحمن ..
.. في بيت بو حمد ..
ام حمد كانت يالس ويا ابنها .. وسمعت شوي من رمست حمد ..
ام حمد : خير انشالله ..
حمد : عمي بو محمد في المستشفى طايح عليهم .. والظاهر انه حالته صعبه ..
ام حمد : عيل يـلا شو تتريا سير تلبس .. بس لازم الريم تسير هذا عمها ..
حمد : عيل انتي لازم تسيرين
ام حمد : عيل يلا بسير البس عباتي..
حمد : عيل يلا بسرعه ..
وبسرعه بدل حمد ملابسه و سار صوب امه اللي كانت متزهبه ..
حمد : امايه خلصتي
ام حمد : هيه .. يلا ورانا درب للعين .. بنييهم ع الصبح .. يـلأا فديتك دق ع اختك وقولها تستعيل ..
الريم كانت ناشه من الرقااد
الريم : كاني زاهبه ..
ام حمد : عيل يـلا ...
وعقب ماركبو الكل السياره .. ام حمد كانت بتركب في الكرسي الخلفي ..
الريم : امايه ابي ايلس ورى ابي ارقد لين مانوصل يلسي جدامي فديتج
ام حمد : لو اني مااحب ايلس جدام بس ماعليه ..
وبذااك الوقت كانوا ماسكين الخط سايرين صوب العين .. و نفس الشي هزاع كان ماسك الخط للعين ..

في بيت بو محمد ..
في جناح عليا ..
مهره : علااايه والله اني خااايفه عليج اكثر ماني خايفه ع اخوويه .. بس اهدي
عليا بين دموعها : لو جفتج جان مالمتني ..
مهره : عليا غناتي .. بس ارحمي رووحج .. شخليتي حق امج ..
دشت روضه .. وجافت حال عليا .. وسارت عندها ولوت عليها .. عسى انها تهدا شوي وتطلع اللي بخاطرها ..
روضه : اهدي فديتج وادعيله و لا تصيييحييين ..
مهره : اقولها من ساعه ماتسمع شي .. الا تزيد بصياحها ..
عليا : لا تلووومنيييي هذاااا ابووووويه تعرفوون شو ابووويه
دق مبايل عليا ..
مهره تطالع الفون ..
مهره : هذا هزاع .. بترمسينه ..
عليا : لاء مابرمسه ..
مهره : ع راحتج ..
طرش هزاع مسج ..
هزاع ((( عليا ردي )))
مهره بطلت المسـج ..
مهره : علايه طرش مسج يبي يرمسج
عليا زخت المبايل .. وسارت صوب البلكونه .. وحاولت ماتبين انها مافيه شي ..
عليا : الو
هزاع : هلا عليا .. شخبارج
عليا : بخير ..
هزاع : انا ادري فيج انج تصيحين وادري انج تغشين علي ..
عليا :......
هزاع : علايه .. سيري عند امج صدقيني محتايتج .. لا تيلسين تصيحين .. وانت بيدج شي تسوينه ..
عليا : شوو
هزاع :صلي و ادعي لابووج
عليا : انشالله ..
هزاع : توعديني .. تسيرين عند امج
عليا وهي تسمح دموعها ..
هزاع : علاايه .. اوعديني
عليا : اوعدك .. الحين انزل لها ..
هزاع اوكي حياتي اخليج انا ..
عليا : فمان الله ..
هزاع : فداعت الرحمن ..


اما في السياره حمد .. كانت ام حمد تسولف ويا حمد و الريم راقده ..
حمد كان يحاول ينتبه للطريج .. لانه ماكان راقد من امس .. ويفرك عيونه
ام حمد : ابويه بلاك
حمد : ماشي فديتج
.. حمد يحــاول ينتبه للدرب .. وحس براسه يعووره .. وهو يفرك عيوونه ماارام كان صداع قــوي .. والشارع كان للرايح و للي ياي .. وحمد يحاول بنتبه للدرب مارام ولف بسياره الجهة الثانيه وبهالوقــت كانت شااحنه تمــر .. وفجـــأ والشاحنه تحاول تتفادى سيارة حمد .. انصــــــــــــدمو في بعض .. واتكســرت الســياره من جدام بالقـــو ع حمد و امه .. .. كان الحادث قــوي وايــــد .. و الريم كانت راااقده .. بطلت عيونها وهي تحاول تتحرك من الهزه اللي هزت السياره .. كانت تبي تتحرك تجوف اهلها مارامت تتحرك بسهووله ..رفعت راسها شوي لان يدها معلقه .. وكانت تشجووف اخوها من ظهره اللي كله دم ..طالع من راسه .. كان المنظــر يخوووف .. وبذات لو كانت تحاول تساعده وماتروم اصلا تتحرك
الريم وهي تصرخ ..
الريم : حمـــد .. حمــــــــــد ..
حمد :.....................
الريم انتبهت لامها الا كان جسمها برع السياره .. بعد ماتكسر الباب ..
الريم وهي تتحاول تتحرك ..
الريم : امااايه اماااااااااايه .. (بهالوقت حست بالمصييييبه الا فيها .. ماعرفت شو تسوي .. ) .. يلست تصيييح .. وتصيييح .. وبنفس الوقت تحاول تنـش وتزخ يد اخوها .. وعباة امها .. لكن بدوون فاايده ..
هزاع كان ماشي بنفس الدرب .. وهو ماشي جاف الحادث ..
هزاع (( اكيد حادث استوى امس او اليوم الصبح .. بس غريبه كان المفروظ يشلون السيارات عن الطريج .. ))
مشى هزاع عدالهم وهو يطالع الحادث .. انتبه لشي اسوود يتحرك داخل استغــــرب ..
هزاع (( بسم الله شو ها .. ليكون نسوا احد هني في الحادث .. ))
وقف هزاع سيارته ورى الحادث .. و طلع .. وسار للسياره ..

الريم انتبهت ان في احد واقف جدام السياره ..
هزاع وهو رافع صوته ..
هزاع : فــي احـــد هنـــا ..
الريم : ....... (تبي تصارخ ماتدري شلي فيها .. تحس لسانها انربط من الصدمه .. تبي تقوله اهلها هني ساعدهم ماترووم .. حست ارن راسها يعورها وماتروم ترمس حتى ..
الريم بترجي وبصعوووبه رمست : سيــر الحج ع اخويه وامي .. دخيييلك ..
هزاع صد صوب الريـــال ورفع راسه .. لانه كان حاط ويهه ع الزجاج ..
هزاع بستغرااااب : حمــــــــــــــد ..
وانتبه للحرمه اللي عداله .. وعرف انها حرمة عمه .. وبنيه بنت عمه ..
زخ مبايله بسرعه و دق ع الاسعاااف .. ووقالهم المكــان اللي هو فيه ..
انتبه هزاع انه لو حرك حمد وحاول يساعده .. بيدخل الزجاج في ويه .. وكانت عمته كانت متعلقه بالباب .. ولو حركها بيأثر في ظهرها و هذا يعني النخاع الشوكي .. وهني الخطر .. وصد ع بنت عمه .. اللي كانت مب مصدقه الا يصير وصاااخه وصدومه .. وانتبه انها تروم تظهر لو كسر بابها ..
هزاع بصوت واظح : ردي ع ورى بكسر الباب ..
الريم رفعت راسها ولقت ريال .. ماكانت تعرف انه ولد عمها ..
هزاع رفع صوته : الريـــم .. تحركي شوي ع الجهه الثانيه .. واذا عورج اي شي وقفي لا تكملين .. زين .. انا بكسر الباب
الريم : ....... (صااخه)
هزاع حس انها في حالة صدمه .. وماتروم تستوعب اي شي .. ما تلام عقب ماتجوف اهلها بين الحياه و الموت وهي ماتروم تسوي اي شـــي ..
هزاع بصوت عـــال عسب تستوعب اللي يصير حوليها ..
هزاع بصوت عااالي : الريـــــــــم .. الريــــــــم .. الريم سمعيني ..
الريم تصد صووب الصــوت .. وكان راسها يعــورها وايد .. وماتروم تنتبه شو يقول لها
هزاع وهو يصارخ : الريـــــــــم انتبه لـــي .. خليج واعيه .. الريـــــــــم
الريم تحاول تنتبه له شـو يقول ..
هزاع : الريم ردي ع ورى .. بكسر الباب .. عسب تظهرين ..
الريم مافهمت الا بكسر الباب .. وخافت انه بيكسر الزجاج عليها .. وردت ع ورى .. شوي ..
الريم : يدي متعلقه ماروم احركها ..
هزاع ماعرف شو يسوي .. لانها لو ودرها يمكن السياره تنفجـر عليهم وهو يروم يساعد احد و ع الاقل واحد ..
انتبه هزاع ان الزجاج شوي متكسر يعني يروم يدخـل يده .. رد سيارته وبسرعه ياب من سيارة معدات السياره ..وياب منها حديده .. وبسرعه سار للسياره ودخل الحديده من الجاما .. وكسر الجاما وتناااثر الزجاج ع هزاع .. وهو حاول يكون ع جهه بحيث انه مايتعور من الزجاج .. بس يا شوي عليه .. وانجرح لان بقوه ظرب الجاما ..
هزاع : بترومييين تظهرين الحين ..
الريم بخوف وهي تجوف الدريشه ويدها المتعلقه ..
الريم : مارووم يدي متعلقه .. ماعليييك مني سير الحج ع هلــي ..
هزاع معصب : هلج ماروم اساعدهم لو ساعتهم بياذيييهم .. يلاااا حااااول ..
الريم وهي تحاول تبعد يدها من الكرسي اللي علقت فيه يدها .. وهي بخاطرها تصاارخ كان يعووور .. حست ان يدها انقطعت ما انخلع و تكسرت بس ..
وبالمووت رامت تظهرها ..
هزاع : يـــلا بسرعه هاتي يدج ..


تتحرون هزاع بيروم يساعد الريم و ينقذها ..
وحمد و امه ينتكتب لهم جياة و لا ..
وبو محمد شو بيستوي فيه ..
واخيرا جواهر بترووم تمشي و شو بيستوي بها او لا ..
و ملاك و تركي شبيصير عليهم ..
__DEFINE_LIKE_SHARE__

من مواضيعي
0 {..إآلحـژنﱟ قـ᷉درﯤ ؤ لآ هٗـﯚ بـﱢرغبتـﱟے●

  رد مع اقتباس
قديم 02-12-2011, 04:04 AM   رقم المشاركة : [ 5 ]
عضو جديد

الصورة الرمزية جفا السنين

بيانات جفا السنين
تـاريخ التسجيـل : Feb 2009
رقــم العضويـــة : 64618
الـــــدولـــــــــــة :
المشاركـــــــات : 133 [+]
عدد الـــنقــــــاط : 181
الجنس : female
علم الدوله :
الحالـــة : جفا السنين غير متواجد حالياً

 

بيانات إضافية
 بينات الاتصال بالعضو
 اخر مواضيع العضو

 
رسالة SmS
دايــمــ اتعطشــ لشوفتكــ وارتجيــ لحظة معاكــ كأن مـا فيــ الكونـ مثلكــ لأنك فـيــ عيونيــ ملاكــ وإن صارت عيونيــ عيونكــ وقتها تدريــ ليهــ أحـــــبـــــكـــ وليهــ اتنفســ هواكــ *_*

 
رسالة MMS

افتراضي

جان اندمج بالقصه
يوم خلصت البارت ابا اكمل اشوف ماشي
قمت اضحك ع عمري


يعطيج العافيه خيتووو
بس كملي
اصراااحه عيبتني
__DEFINE_LIKE_SHARE__

من مواضيعي
0 جفويه تبي ثيمات ...
0 جفويه تبي مساعده ؟
0 الي يقدر يساعدني؟!.
0 الي يقدر يساعدني؟!.
0 الي يقدر يساعدني؟!.


 


سبحان الله وبحمده ... سبحان الله العظيم

  رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
●●● وكـريـه ذابـحـه الـكروان● والارنـب ●والـغـرنـوق ●●● أبـو عـقـاب محروم.كوم منتدى أخبار المواقع والمنتديات العربية والأجنبية 0 08-20-2010 06:50 AM
بدي تـﯚقيع لـﯚ سمحتـﯚ (: ›• غَنٍجَ اڷشاُمً ‹• طلبات التواقيع , التواقيع الجاهزة 8 06-02-2010 05:58 AM
[[ حصريا ●● دويتو ●● عليـ جانـ ●● حسن غريب ●● حفلهـ أم القيوين ●● 2009 ]] ┃[ خلود الشبح ]┃ اغاني , شلات , هبان 0 08-04-2009 02:27 PM
َﱢﱟﱞﱡ۩ﱡﱞﱟﱢ..... إيــــــرانــ َ.....ﱢﱟﱞﱡ۩ﱡﱞﱟﱢ ميود راك سفر وسياحة 9 03-14-2009 01:23 PM
يـآإ للآإωـِف شـﯚهـِﭟ صـِﯚرة { گلي دفآإشہ ..~* { كلي دفآشة ..~* تصاميم الاعضاء 40 05-31-2008 04:37 PM


الساعة الآن 09:50 PM


Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By Almuhajir

RSS RSS 2.0 XML MAP HTML