| ||||||
 |
| | LinkBack | أدوات الموضوع | انواع عرض الموضوع |
02-17-2011, 10:37 AM
| رقم المشاركة : [ 6 ] | |
| عضو جديد |  القصصة والله رووووعة واندمجت بهاا من الخااطر حااسه ان الام بيستويبها شي وحمد والريم بيسيرون العين عند هلهم >< بس يلا نترياا البارت الياي لا تبطيين علينا __DEFINE_LIKE_SHARE__ | |
| ||
 |
|
02-24-2011, 11:11 PM
| رقم المشاركة : [ 7 ] | |
| عضو جديد  | سوووري 4 التأخيير >< الجــزء الرابــع .. هزاع وهو يمد يده لها .. هزاع : الريـــم يــلا .. الريم مدت يدها .. زخ هزاع يدها وبقوه دزها له .. وظهرت بصعوبه من الجاما .. هزاع وهو حاط عينه بعينها : شي يعورج .. الريم مانتبهت له .. وبسرعه سارت لاخوها و امه .. بس هزاع زخ يدها وبقوه بعدها من السياره الريم وهي تصارخ : انت شتــــــــبي فينــــــــــي .. هزاع بعصبيه : لو تتحرين انج بتساعدينهم .. ترى بتاذينهم الحين بتيي الاسعـــاف .. وبتساعدهم الريم بصراخ : خوووووووز عني .. خوووز .. هزاع : الريــــــــــــــــــم .. انـ وقبل لايكمل رمسته .. سمع صوت الاسعااف .. هزاع : تعالي هالجهه .. وخلي المسعفين يساعدون اهلج .. الريم سمعت رمسته وسارت شوي بعيد عنهم .. وعيووونها علي حمد اللي خذووه باالاول .. والريم يوم جافت اخوووها بالحاله .. وقــف قلبها .. حست ريولها ماتشيييلها .. طحت ع الشارع و تصـــــــــــــــــــــيح .. الريم بين دموعها : حمــــــــــــــــــد ... لااااااااا تخلييييييييييينا .. حمــــــــــــــــــــد .. هزاع يطالع الريم من بعيد .. حس بمرارة الحال اللي تمر فيها .. كسـرت خااطره .. المسعف : هذي كانت من الحادث هزاع : هيه .. المسعف : متاكد ان مافيه شي .. هزاع : لا .. سار هزاع صوبها .. وبمسافه بينه و بين الحادث .. هزاع : الريــم الريــــــم .. (ماردت عليه كانت تصيييح و لا حاسه بلي حوليها) هزاع : الريم .. الريم اهدي .. شــي يعورج الريم هزت راسها بنفي .. هزاع بهدوء : الريم مكانج هني مب حلو .. وسيارات تمر سيري سيارتي .. الريم بعصبيه : شــــو ... استح ع ويهك .. (بين دمووعها ).. حراااام عليك ارحم حاااالي .. هزاع : الريم .. انا ولد عمج هزاع مب غريب .. الريم استغربت .. لكن هالشي ماهمها كثر ماهو خاايفه ع امها و اخووها .. هزاع : يــلا الريم .. الريم بعناااد وبصرااخ : ماااابي .. ابي امااايه و اخووويه .. هزاع : يـ (وســــــــــمع صــــــــــــوت انفجـــــــــــــــــار قـــــــــــوي ) وقفت الريم وهي تطالع .. مصدوووومه .. خـــــلاص امها ماتت .. خـــلااااص فقدت امها الريم سكتت من الصياااح .. مصدووومه .. مارامت تتخيل فكره فراق امها وهي عايشه ... يعني الحيــن بترووم تتحمل الفكره اللي هي واقع .. صد هزاع ع الريم بمراره وتوقع صرااااخ و بكي منها .. ولكن استغرب من هدوووئها .. الريم : امايه في فـ فـ السسسسياره .. هزاع تنهد : الريم هذا امر ربج .. الريم شهـــقت شهقاااات متقطعه .. الريم : امــي .. امــ ــــايــه .. (ربـــــــعت بسرعه صوووووب السياره المحترقه و الحريييج بعده شاااب في السياره ) الريم وهي تربع صوووب السياره .. هزاع يصاااارخ : الريــــــــــم .. ويييين سااايره .. وبســــرعه هزااع ربع صووبها .. لانها لو خطت خطوه ثااانيه بتحترق ويا امها .. هزاع زخ يدها بقـــوه وهي تظربه ع يده باقوى شي عنده .. الريم : هذي امـ ـي تفهـ ـهم هـ هـذ ي اا مـي .... خــــــــــــــــوز .. خـــــــــــــوز يدك عنــــي .. هزاع :شتبين تسووييين .. تبين تحرقين عمرج .. ساره تصاارخ في ويهه : هيه انا شحقـــه عااايشه.. انا مالي أي حياه بدون امايه .. خووووز عنــــي .. خووووز هزاع حس انها بتعانده و هذا اصلا هب وقت عناد و هزاع روحه متوتر بس حاس بوضع بنت عمه و متعاطف وياها بس كان زاخ يدها بقووه .. ولا عوره ظربها ع يده .. هزاع انتبه ان سيارة الاسعاف بدت تتحرك .. هزاع : الريم اخوج حمد في الاسعاف .. بسرعه دشي السياره يــلا .. الريم هدت من الصياح وتذكرت اخوها .. هزاع ماعطاها فرصه .. وسحبها من يدها للسياره وهو يمشي مشي سريع وهي وراه .. بطل لها باب سيارته ودشت و يلست .. وهو لف ودش السياره و هو ورى الاسعاف .. و الريم طوووول الطرييييج وهي موخيه راسه ودموعها ماوقفت و هي تشاااهق من الخاطر .. كانت صج تكــسر الخــاطر .. هزاع : الريم هذا امر ربج الريم وهي ميته صياح : هذي امـ ـي امــــــي .. هزاع : هدي يا الريم ربج ماينسه عبيده الريم ماقدرت تمسك عمرها و يلست تصيح من خاطرها دق مبايله ..هزاع تذكر منصور اللي يترياه في المتشفى .. منصور : الو .. وينك من 4 ساعات اترياك هزاع : منصور مااروم اييكم اليوم .. منصور : شحقه شسالفه .. منصور انتبه لصوت حد .. يصيح .. منصور بستغراب : شهصوت في احد وياك هزاع هزاع : هيه بنت عمي منصور بخوف وبستغرااااب : اختي هزاع : لاء .. بنت عمي بو حمد منصور بخوف : شسالفه هزاع شلي يابها عندك هزاع اقرب من الهمس : سوى حادث اهلها و حمد حالته حرجه و عمتيه توفت منصور انصـــدم : ياللله رحمتك يااارب .. هزاع سو اللي عليكم و انا برمس الاهل .. هزاع : انشالله . منصور : دق عليه اذا صار أي شي يديد في حالة حمد هزاع : انشالله .. منصور : يلا ف حفظ الرحمن هزاع : مع السلامه و عقب ماوصلوا و ظهروا من السيارة .. بسرعه ظهرت الريم من السياااره .. وربعت وصارت عند اخوها وهم يظهرووونه من سيارة الاسعاف .. زخت اخووها من ثوبها وهي تصاارخ بأسمه .. الريم وهي زاخته من ثوبه و تهزه .. الريم : حمـــد .. حمــــــــــــــــد لا تخلييييينييييي ... حمـــــــــــد ... دخيلك لا تخلينه بروحي .. حمـ ـد وغالتي عندك .. انا مالي اهل غيرك .. حمــــ ــــد المسعف : اختــــي ابعـــدي عنه .. تــــــــراج تاذيييينه .. خـــوز عنـــه .. الريم ماسمعت رمسته .. وهي تصـــارخ و تصـــــــيح .. الممرظه و هي تبعدها عن اخوها و هي تقااومها بكل قوتها لكن الريم ظعييفه و الممرضه متيــنه وطويـــله .. ولكـــن بعد بطلعت الرووح لان مب بسهوله استسلمت لها .. هزاع : خلاااص اهدي .. اهدي مايصير الا الخيــر الريم تصارخ في ويهه هزاع .. بس هالمره من الخاطر .. الريم بصوت عااالي : اي خيييييير اي خيييييييييير ترمس عنه ... اهلي كلهم بيمووووتووون وتقووووولي اهدي شوووو ماااعندك قللللب تحس فيييييه .. هذييييل هلي وانا مااااااالي غيييييرهم بهدنيا (سكتت الريم وطاحت ع الارض و هي تصييييح و تصييييح ) كاااان كل المستشفى يطالعهم .. هزاع انحرج .. تدرون انها مب حلووه تصاارخ ع ريااال طول و عرض يااهل .. بس هو حس فيها .. اللي فيها مب هين .. ماعصب عليها .. نزل لمستواها .. هزاع بهدووء : الريم صراخج و صياحج كله محد بيستفيد منه شي .. وعقبها دخلو حمد لغرفة الطواري و هي من جافته جدامها و هي ميته صاح و تدعي ربها انه يقوم حمد بسلامة .لانه كل املها في حمد . و هزاع يلس و شكل الريم يكسر الخاطر و كل مارمس هزاع كلمة صاحت بزيادة و حس اهله واااايد مقصرين عليهم هزاع : الريم هدي .. اخوج انشالله مافيه شي الريم و هي تشهق : شوو .. انت تجـ ـذب عليـ ـه .. كـ كـ ـان كـ ـله د م و ما يرمـ ـس وياي ياهــل عنـــدك تجــ .ــذب عليه .. طلع الدكتور من الغرفة .. هزاع نش عند الدكتور هزاع : خير دكتور .. شصاير ع حمد الدكتور : والله يا خووي مابخش عليك .. حالته وااايد حرجه لانه وايد نزف هزاع تنهد بمراره .. الدكتور : (وهو منتبه للريم ) انت نقربلها هزاع : هيه بنت عمي الدكتور : زين كانت في الحادث و لا ( كان واظح من عباتها انها حالتها لله ) هزاع : هيه الدكتور : طيب مافيها شي متاكد هزاع : لا هي تقول لاء بس يدها احس انها استوابها شي الدكتور : عيل بجوفها .. مااخااف الا يكون عندها نزيف داخلي هزاع و الكتور يو صوب الريم .. وهي من جافتهم رفعت راسها وجافت الدكتور نشت تتحرى عنده خبر عن اخوها هزاع : الريم الدكتور يبي يجوف يدج الريم ماسمعت رمست هزاع .. الريم بندفاع : شصار ع اخوووي الدكتور ماكان يبي يخوفها ويقولها عن حالة حمد وخصوصا بعد ماعرف انها اخته من رمستها الدكتور : الحمـد لله الريم سكتت .. صدقت بالبداية بس شكت في الموضوع .. الدكتور : ممكن تعطيني يدج اجوفها .. الريم مدت يدها بتردد .. الدكتور : امم سوي اشعه هزاع : زين ممكن تجبس يدها الحين و باجر الصبح نحن بنيي و بنسوي الاشعه وكل شي الدكتور انتبه ان الوقت متأخر و هي اصلا محتايه ترتااح .. الدكتور : خلاص انشالله .. (زقر وحده من الممرضات وقالها شو تسوي بالظبط ) الممرضه : لـتس قوو الريم طالعت هزاع نظرة شك .. ماكانت وياااهم يوم رمسوا عن اخوها .. كانت بس تبي تعرف شو استوى لاخوووها .. هزاع : انا بترياج هني .. اوكي الريم هزت راسها بايجاب .. الدكتور كسرت خاطره البنيه لانه عرف ان امها بعد ماتت .. و اخووها نسبة وجوووده بالحـــياه ظئييييله جدا .. الدكتور : ماوصيك ع البنيه .. ترى امها متوفي اليوم و اخوها بين الحياه و الموت .. هزاع : لا توصي تراها بنت عمي .. انا حطيت رقمي في الرسبشن اي شي يستوي دق علي باي وقت .. الدكتور : خير انشالله .. هزاع يلس في اجرب كرسي له وحط يده ع ويهه .. ويلس يتذكـــر كــل شــي صااار .. حزن لحزن الريم .. كسرت خاطره .. حزن ع حال حمد وهو بعده بعز شبابه .. وحزن ع موت ام الريم الا الكل كان يحاربها و يسوي لها مشاكل وهي مع كل هذا ماصار منها خطا .. وعقب فكر شو يسوي الحين بـ الريم .. هو ولد عمها مب اخوها يكون وياها بروحه .. وهذا غير لو رد للعين الناس شو بيقولون وين كانوا وين باتوا .. الناس مالهم الا الظاهر و اكيد بيفكرون بشي ماهو بزين عنها و حتى عنه هو .. هو واااثقه ميه بالميه من نفسه انه مستحيل يجرب صوبها .. واكيد اهله كلهم بعد وااثقين بتربية هزاع .. بس كلام الناس مايرحهم وهذا غير انهم عاايله كبيره و لها مكااانه اجتماااعيه عااااليه .... شو يسوي الحين ؟؟!! (يــا ع باااله مهره ) هزاع دق عليها .. اكيد عرفت بالسالفه .. مهره بسرعه ردت عليه .. مهره : هلا هزاع .. هزاع : مهره ماعرف شوو اسوي الحين مهره بستغراب : شسالفه .. هزاع : حمد الحين حالته حرجه لازم اليوم نبات اليوم هني و باجر انييهم .. واذا رديتها العين اخاف اسوي حادث لاني صج تعبان ولا هي بترظا .. شسوي مهره فكرت برمسته .. وفكرت لو باتوا في فندق .. وبسرعه فكرت لو ردوا شو نظرة الناس لهم مهره : اسمع الساعه كم الحين .. هزاع : 4 الفير .. مهره : عيل ماعليكم سيروا الفندق .. هزاع بستغراب : شو تقولين مهره : هزاع الساعه 4 الفير باجي كم ع الصبح يعني ساعتين .. السالفه بتتغطى ماعليك من الناس .. انت سير وسوى الا عليك وماعليك من احد كلنا واثقين منك يا هزاع . هزاع تنهد : اوكي .. باي مهره ماحبت طول عليه لانه تدري مب ناقص حد يزبد عليه توتره او ينصحه يسوي هالشي او لا .. هو ريااال و يعتمد عليه .. مهره : فداعة الرحمن .. ماوصيك ع بنت عمك .. عقب سكر عنها هزاع و رفع راسه .. لقى الريم واقف جدامه .. هزاع ابتسم لها .. ونش .. هزاع : نسير الحين و باجر الصبح بييبج هني .. الريم بستغراااب : شـوووو نسير .. انا مب سايره وياك .. و لا بخلي اخووي هني برووحه . هزاع : اولا مابيسمحولج تباتيين هني وثانيا انا ولد عمج مب غريب يظرج .. مشى هزاع جدام ولا عطاها فرصه ترمس .. سار عنها شوي ودق بالمبايل ع حد .. وهي تمت واقفه .. الريم ( انا في مره جفته في بيتنا ومره في بيت يدوه بس مب اكيد .. اخاف بس شبه .. والله اني زاايغه اخاف يسوي بي شي .. ) هزاع رد لها و هو يرمس بالفون .. هزاع : هاج رمسيها .. (ومد يده لـ الريم ) الريم بلعت ريجها .. : منو هزاع : عمتج مهره .. الريم : عمتي .. الوو مهره : الريم .. دخيلج سيري ويا هزاع .. هذا ولد عمج ومستحيل يظرج .بشي .. ووعد انه باجر يوديج عند اخوج الصبح .. الريم : هاا .. زين .. عقب ردت الفون لهزاع .. هزاع : يـلا الريم .. الريم مشت ورااه .. وسارت وياه للسياره .. ويلست ورى وهي سانده راسه ع الكرسي الامامي .. و دموعها تمشي ولا تووقف لكن بهدووء مااعتاده منها هزاع اليوم .. سكت عنها هزاع و لا رمسها .. وصلوا للفندق .. واخذ وياها فونين .. هزاع : يـلا الريم .. الريم ظهرت بهدوء من السياره وسارت وياه .. هزاع كان يمشي جدامها وكل شوي تطالعها لو كانت وراه او لاء .. وقف هزاع عند الرسبشن و خذ المفاتيح .. وصد عليها .. كان بيعطيها مفاتيح جناحها ويسير .. لكن يوم صد عليها .. لقاه مب في حاله يروم يبتعد عنها .. فقرر انه يوصلها بنفسه .. هزاع : يـلا بوصلج لجناج .. الريم سارت وياه .. ووصلوا لجناحها .. وعطاها المفتاح .. هزاع : يودي هالفون وانا مسيف اسمي هزاع لو دق عليج احد ثاني لا تردين .. اوكي الريم هزت راسها بالايجاب .. هزاع سار عنها وسار لجناحه الا عدال جناحها .. من التعـــب دش هزاع جناحه و لا دق ع احد حطه ع سايلنت و المنبه ع السبع .. ورقـــد ع طوووول من التعـــب .. وآخر شي يفكر في كان هو حالة الريم الحين .. الريــم مارامت ترقد ع تعبها اللي تعبته كله .. كان تفكيره كلها بأمها و اخوووها .. جافت عباتها كيف وسخه .. ومقطعه من تحت .. وشيلتها الا ماتغطي من شعرها الكثيير .. استحـــت يوم تذكرت ان ولد عمها شافها بالحاله وجاف شعرها .. طنشت السالفه وردت تتذكر اهلها و طاحت ع الكنفه و تصيح و تصيييح و تصييييييح الييين ماغلبها النوووم ورقدت ... في المستشــفى في العيــن .. منصور و محمد كانوا ويا ابوهم من الليل وكانت الساعه ست و نص .. ظهر الدكتوور من عندهم و الابتسامه ماليه ويهه .. منصور و محمد نشو بسرعه محمد: طمنا يا دكتور الدكتور : الحمدلله حااالته الحين مستقره منصور تنهد .. كأنه حمل وانزاح .. محمد : انزيـن ممكـن نجـوفه .. الدكتور : ممكن بس لا طولون عليه .. ولا تخلونه يرمس لانه بيتعب .. منصور : انشالله .. وبسرعه سار منصور و محمد عند ابووهم محمد : الحمدلله ع السـلامه منصور : الحمدلله ع سلامتك ابويه بو محمد مايروم يتكلم اكتفى ببتسامة رظى لعياله الا وقفوا عداله و لا ساروا عنه دقيقه .. يلسوا شوي وياه .. عقب ظهرروا .. منصور : انا بدق ع هزاع اجوف شو صار عليهم .. محمد : دق وقولي شصار انا بدق ع الاهل بطمنهم .. .. هزاع نــش الساعه سبع بتعب بطل عيونه مارقد الا ساعتين .. نش وبسرعه غسل ويهه وزخ سويج السياره و بوكه و مبايله و ظهر ع طول .. سار السوق .. ودش محل عبــايات .. البايعه : نعم .. اساعدك في إشي هزاع : ابي عباه مسكره و شيله البايعه : اوكي وين القياسات .. هزاع (والله انج فاظيه) هزاع تلفت و جاف عباه ع طولها تقريبا .. هزاع : هاذا الطول .. البايعه : زين و العرض هزاع : مب مشكله اي شي .. البايعه : زين هيه ضعيفه هزاع بعدم اهتمام : هيه هيه .. بس بسرعه ختيه البايعه : زين سادا و لا فـ هزاع وصــل حــده .. هزاع : هيه سااده يلااا بسرعه انا مستعيل .. البايعه : اوكي .. دق مبايل هزاع .. هزاع بصوت كله تعب : الو منصور : هلا هزاع .. قولي شصار هزاع : ع حالنا ماتغير منصور : وشخبار حمد هزاع : الحين ساير صوبه .. منصور : ماقالولك شي عنه امس هزاع : امبلى قالو ان حالته وايد حرجه .. منصور : يالله رحمتـــك يــارب .. ربي يقومه لاخته بسلامه .. هزاع : والله يا منصور ماكاسر خاطري الا اخته .. منصور : الله يعين .. وهو بعز شبابه شستويبه حادث .. اللهم لا اعتراض (تنهد ) عيل يوم توصل دق عليه لاتنسى .. هزاع : انشالله .. شخبار عمي منصور : الحمد لله حالته استقرت و قبل شوي طالع من عنده هزاع : الحمـد لله .. يلا انشالله حمد يقوم لنا بعد .. مادري ليش انا متـفائل بحمد .. منصور : انشالله احساسك بمحله .. هزاع زخ الكيسه وسار صوب الفندق .. دق ع مبايله اللي عند الريم .. الريم ماردت عليه كانت رااقده بشكل متقطع متعب لانها راقده ع الكنفه و المبايل بعيد عنها .. هزاع (( ادق عليها و لا اخليها راقده احـــسن .... لالا بخليها راقده وانا بسير عند حمد اتطمن عليه و ارد لها تكون نااشه .. بس هالعباه شقايل اعطيها الحين .. هي ماتروم تظهر جيه )) عقب سار هزاع و دبر الموضوع بسرعه .. وسار للمستشــفى .. شـــو بيستوي لحمد ... الريم بتتقبل موضوع وفاااة امها اصلا .. شبتسوي عليا لو درت بهزاع .. وجواهر شصار عليها .. في بيت بو محمد .. الكـــل كان موجود .. دق تلفون البيـــت .. و اليده كانت اجرب وحده له .. ردت عليه و العيوون كلها عليها .. اليده : وعليكم السلام .. هلا ابويه محمد .. شصار ع ابوك ... (والابتسااامه ماااليه ويهها) الحمـــدلله .. الحمــدلله .. وكيفه الحين .. عيل تعالي لي الحينه بسير اتطمنا عليه .. لالا الحينه ماشي عقب .. (عصبت) اقووولك يــلا اترياك الحينه .. يــلا فمان الله .. ام محمد تبي تتاكد : ها عمتيه شو قالوا اليده : الحمدلله بصحه و سلامه .. ام محمد : الحمدلله .. عيــل متى بنيه اليده : الييوم العصر بيي محمد و بنسير صوبه .. (صدت ع عواش حرمة محمد ) غناتي سيري عند علايه و بشريها .. تلاقينها تصيح الحينه .. عايشه : انشالله يدوه .. نشت عايشه وسارت صوب عليا مهره نشت و يلست عند يدتها .. مهره بتوتر : امايه اليده تطالع مهره .. وهي حاسه ان فيها شي .. اليده : خير انشالله .. بلاج .. صار شي بعلايه . مهره : لاا امايه .. بس .. بس ..(ترمس بسرعه .. كانه حمل و تبيه ينزاح) امس قوم حمد سوى حادث .. وام حمد توفت و حمد بحاله حرجه .. الكـــــل يطالع مهره .. مهره تذكرت الريم .. وتبي تخفف عنهم الصدمه .. مهره : بس .. بس الريم الحمدلله مافيه شي .. اليده بنفعال : وشحقه محد قاالي .. مهره ارتكبت : امم .. ماابي اوترج زياده .. وخلاف ترى هزاع وياهم .. اليده ارتااحت نسبيا يوم مهره طرت ان هزاع وياهم .. ام مزنه : ولدي انا وياهم .. ؟!! اليده : هيه امس قالي انه بيسير صوب راس الخيمه .. الحمدلله انه تلاحج عليهم .. لا تطيح الريم بيد غريب و يسير شي مايعلمه الا الله .. مهره دقي ع هزاع .. برمس الريم .. ام مزنه وهي تهمس لام محمد .. بدوون ماتهتم بلي قالته مهره .. و لا كانه صاير شي ام مزنه : هاي العيوز كل شي تعرفه .. حتى عن عيالنا .. مهره سمعت شوي من رمستهم .. عطتهم نظررره .. خلتهم ينجعمون و ينشون من مكانهم .. وعقب زخت مبايلها ودقت ع هزاع .. مهره : هلا هزاع .. شخبار حمد .. هزاع بتوتر : مااات مااات يا مهره .. شسوي ... قوووليلي شسوي .. كيف اقول للريم .. كييييف.. مهره نشت و سارت بعيد عنهم .. مهره بخوووف : هزااااع انت شوتقووول .. هزاع : حمد مااات .. مااااات . مهره تنهد و سكرت عيووونها بقوه .. وتذكرته .. كان في عز شبابه .. في بداية طريقه لتحقيق احلامه .. وفجـأ بدووون اي انذاار .. مااات .. وتذكرت حال الريم لو وصل لها الخبر شو بتكون ردت فعلها .. مهره : لا تقووول للريم يا هزاع .. هزاع بستغراب وبتفاعل : واذا سالتني شقوولها .. مهره : قولها اي شي .. وييبها هني .. وامايه بتتصرف .. هزاع تنهد : خلاص .. الحين ساير صوبها .. و العصر بيرخصونها و بنسير .. مب سهله تفقد شخص عزيز عليك .. فما بااالك لوو فقدت كل الناس العزيز علييك فجأه بدون سابق انذار .. فكر فيها و بتحس بقشعريره .. لمجرد التفكير .. نشت الريم و رااسها يعوورها .. بطلت عيونها تحاول تجوف الا جدامها .. تحاااول تركز .. تعبت وحست ان الام اللي في رااسها يزييد لو تركز ع اي شي جدامها .. و حطت راسها لورى باهمال .. فكرت شوو آخر حدث لها .. مر عليها صوورت هزاع و هو يقولها خبر اخوها .. حست بشعور غريب ماتدري ليش ماصدقته .. سكرت عيونها بقوووه .. وطاحت دمعه من عيوونه .. ورصت ع اسنانها بمرااره .. الريم بصوت وااطي و لا هي بحاسه باحد .. الريم : ليش كل هذا .. كلهم يختفون من حياتي بيووم وااحد .. وليش انا مامت وياهم .. اموت احسن من اعيش بدونهم .. هزاع : كل واحد بيوومه يا الريم .. خلي ايمانج بالله كبير .. الريم ماصدت عليه .. وصخت .. حست بمراره .. لا الصياح و الصريخ بيروم يخفف عنها هالحزن .. هزاع نش حط مبايله عندها .. هزاع : انا ساير و العصر بييج .. شي في خاطرج .. الريم هزت راسها بنفي بدون ماتصد صوبه .. وهو طالع.. الريم : هزااع هزاع : هلا الريم : اخوي .. ابي اجووفه هزاع حاول يتدارك الموقف .. هزاع : ممنوعه الزياره .. الريم : ومتى اروم اجوفه هزاع : بجووف الدكتور .. و ظهر برع .. وكانت الساعه 2و نص . . مر ع الدكتور .. هزاع : متى بتروم تظهر الريم .. الدكتور : اليوم لو تبي .. هزاع : يعني بيظرها لو بتظهر اليوم .. الدكتور : لااا .. بس بنعطيها ادويه .. لان فيها فقر دم اصلا .. الدكتور : و المشكله انها مب طايعه تاكل بعد .. هزاع (( اوووووه نسيييييت من امس وهي مب ماكله شي .. كيف رااح عن بااالي )) هزاع : ماعليه انا بدبر الموضوع .. سار هزاع صووبها مره ثااانيه و لقى الغدا حاطينه ع الطاوله .. و هــــي مــــب موجــــوده .. هزاع بخووف (( وين ساااارت )) هزاع توقع اي شي منها .. بعد ما عرفها من امس .. طلعت من الحمـام ( الله يعزكم) وبهالوقت دشت النيرس .. النيرس : شوو تسوين .. وليش شايله المغذي .. بــلاج انتي .. كم مره بركبه لج .. الريم كانت رووحها مب طااايقه عمرها . . و هاي فرصتها طلع اللي ببخاطرها .. الريم : انجلــــــــــــــعي .. النيرس عصبت : شووو انجلعي .. اشتغل عندج انا .. الريم بعصبيه : والله لووو ماانجلعتي بتجوفين شي ماجفتيييه .. هزاع يتدخل : لو سمحتي سيري النيرس طالعت الريم بنظرت احتقار .. عاد هني الريم عصبــــت .. الريم تبي تبط حلجها و تسبها .. هزاع بحزم : الريـــم خـــلاص .. الريم طالعته بحده و يلست ع الشبريه .. هزاع : شحقه ماتاكلين .. الريم : مالي خاطر .. هزاع : لازم تاكلين .. انتي اصلا فيج فقر دم .. الريم بمراره : احسن .. ماابي اكل لي مااموووت من اليووع .. وافتك من هالحياااه .. هزاع حس ان كلام الريم .. مب رمسه قالتها بس .. حس انها تعنيييها بكل مافيها من مشاعر .. هزاع بهدووء و بنبره فيها حنان .. هزاع : الريــم هذا امر ربج .. وخلي ايمانج بربج كبير .. مب سهل تفقدين من تغلين .. لكن هذا الواقع و باجر بيستوي ماظي و شي تذكرينه ما تعيشين كل يوم بذكراه .. الريم بدت تصيح لكن بنوع من الهدوء .. الريم : اي حياه ترمس عنها اصلا .. اي حياه .. بعد فراق امايه .. هزاع : ترى هلج ماماتو .. يدوه و عمتي مهره و خواتي و عليا كلهم اهلج بعد و يحبونج الريم صخت ماعرفت بشوو ترد عليه .. الريم بمراره و بصووت واااظح انه شوووي و تصييييح .. الريم بين دموعها : وحمـــــ ـــد هزاع سكت ماعرف شوو يقول لها .. الريم بترجي : هزاع قولي بلاه اخوويه .. لا تجذب عليه هزاع تنهد : لو فيه شي بتدرين .. الريم وهي تصيح بزيااده : ممكن تخليني بروحي هزاع نش ( احترما لمشاعرها ) .. هزاع : ع رااحتج .. بس تراني بيي آخذج العصر الريم ماكلفت ع عمرها و تساله ع وين .. خـــلاص البنيه تحطمت .. ومب قادره تفكر في شي .. هزاع : يوم ارد الاقيج ماكله غداج .. يلا فمان االله .. الريم طبعا ماسمعت رمست هزاع ووقفت ع الدريشه طاالع الناااس ابتسمت بسخريه بين دموعها .. الريم (( في حد من هالناس اللي ماره من هني عندها هم شرات همي .. (تنهدت بمرراره) .. همي اكبر مني والله اكبر مني .. والله اني مب قادره استحمل خلاااص .. )) هزاع و هو ماشي و هو مب متخيل ردت فعلها لو درت بوفات حمد .. هزاع حزن ع ولد عمه لوفاته و هو بعز شبابه و عمته الا مايا منها الا الخير .. و بنت عمه الا حالها لا يسر صديق و لا عدو .. سار الفندق و دش جناحه كان ميهود .. من الصدمات الا يااته هاليوومين .. حس ان حياته كلها انجلبت فوق تحت .. دق مبايله .. ماكان له خاطر يرمس حد .. لمح اسم منصور ع المبايل .. بسرعه زخ المبايل و رد منصور : هلا هزاع .. هزاع تنهد و رهو حاط راسه ع الكرسي منصور : بلاك .. شصار ع حمد هزاع بمراراه : توفى سكت منصور مصدووووم.. منصور : هزاااااع انت ششووو تقوول هزاع : اليوم الصبح .. منصور مس ويهه بيده منصور : ان لله وانا اليه لراجعون هزاع : والله يا منصور اني مب عاارف اسوي شي .. وماقلت لريم بعد .. منصور : شحقه هزاع بنفعال : تبى البنيه تموت عليه بعد منصور : ومتى بتييبها للعين هزاع : اليوم منصور : زين هي تدري انها بتعيش هني هزاع : لااا منصور بستغراب : و شحقه ماقلت لها هزاع تنهد : ماعرف شقوووللها مااعرف منصور : هزاااع انت تعرف تتعامل مع هالمواقف اكثر عني .. قولها عن اخوها وانها بتسكن عند عمومتها تراها مالها احد غيرنا هزاع :لا .. اانا بدق ع مهره و هي بترمسها .. انا مابروم ارمسها .. منصور : ع راحتك .. جوف شو احسن لها و سوه .. .... السـاعه 5 العصـر .. كانت الريم يالسه ع الشبريه .. و هي سرحانه و دموع ع خدها ماتوقف .. دش هزاع .. و لقاها بالحاله .. رد و ظهر من الغرفه .. ودق ع مهره .. مره ومرتين و ثلاث ....... وهي ماترد .. قافلته .. يات الساعه خمس و نص و هو يحاول يدق عليها .. انقهــــر .. ورد يفكر بعقل .. مهره شكلها مابترد يعني محد بيرمسها غيري .. __DEFINE_LIKE_SHARE__ | |
| ||
| |
|
02-24-2011, 11:13 PM
| رقم المشاركة : [ 8 ] | |
| عضو جديد | دش هزاع .. هزاع : السلام عليـ ... (انتبه ع الغدا) شحقه ماكليتي الريم بدون ماتصد عليه : مالي خاطر هزاع : المفروظ تاكلين غصب حتى لو مالج خاطر .. عقب بتتعبين الريم :...... الدكتور اليوم مرخصني .. ممكن توصلني للبيت هزاع : اي بيت الريم صدت عليه مستغربه : بيتنا عيل وين هزاع : وبترقدين رووحج .. الريم : هناك البشكاره و خلاف حمد بيقوم بسلامه و بيي البيت هزاع : زين وقت ماهو في المستشفى انتي بتييلسيين عندنا في العين الريم بطلـــت عيــــونها .. الريم بنفعال : انا مب ظاااهر من راس الخيمه الا وريلي ع ريل اخوويه .. و مستحيل ايلس هناك عندكم و خويه هني .. تباني اودره هني و اسير عنه هزاع بهدوء : عيل تبين تيلسين في البيت بروحج الريم : قلتلك البشكاره هناك هزاع : لا ماشي انتي بتيين وياي العين الريم عصـــبت ورفعت صوووتها عليه : ماااااشي مب سااايره وياك اي مكان و الحين بظهر و باخذ تاكسي هزاع كان بيعصب علييلها بس زخ اعصابه .. هزاع : اانا قلت لا .. الريم عصبت بزياده : ولي امري وانا ماادري هزاع بحده : ولد عمج ويحق لي اغصبج اذا شي بيظرج الريم : انا مب ياهل عندك تغصبني ايي وياك و لا اني خبله عندك ماافهم و بظر عمري هزاع : عيــــل شتسميني عنادج ها الريم نشت .. ووقفت جدامه الريم : مب راده عليك .. و عسب ماتقول اني ناكره الجميل .. مشكوور وماقصرت ع كل اللي سويته .. و مشت عنه و كانت لابسه عباتها .. يعني بتسير هزاع بعصبيه : ع وين ساير الريم زاغت من صوته كانت اول مره يعصب عليها .. ماصدت عليه الريم : بيتنا يعني وين هزاع وهي يحاول يزخ اعصاابه .. ويراعيها هزاع : يا بنت الناس ماابي اعلمج اللي شو العيب و المنقود عندنا .. انتي بتيين وياي الحين و بنسير العين الريم : ماالي اهل في العين .. انا هلي هني هزاع : ع راحتج .. بس بتسيرين وياي .. الريم بعناد : لاا هزاع : عن العناد ويلا بنسير الريم : انا قلت لا هزاع مايحب العناد ابد .. لو ان منصور فيه هالطبع بعد .. بس اصلا هذا مب وقت عناد هزاع تنهد بقوه .. هزاع : يعني لازم اسحبج عسب تسيرين وياي ماكان قصده انه يسويها صج .. بس الريم صدقت الريم بنفعال و بخوف و بتلعثم : بصارخ لو فكرت تسويها هزاع بعدم اهتمام : صارخي ع راحتج .. انا ولد عمج و محد لج غيري هني .. ويلا ع السياره اترياج .. الريم بنفعااال : لاااا يعني لاااا ماتفهم انت هزاع وهو يلبس نظارته و يصصد عنها .. هزاع : يـلا اترياج و ســار عنها .. الريم اصلا مستحيل تسير بروحها بتاكسي .. الريم : ايــــه هزاااع .. هزاع مشى عنها و سار و هي تلحقه .. هزاع مشى بسرعه و هي ورااه .. لو وقف وياها و حاول بتركب راسه و لا بتعانده و هو مب فاظي لها .. وصل للرسبشن .. و خطوتين وبيظهــر برع المستشفى .. حليله سوا انجاز و قدر انه يظهرها .. صد يبي يتاكد انها وراه .. لـــقى نـــاس متيمعه ع حد .. يلس يدورها بين الناس .. و طاحت عينه ع بنيه طايحه ع الارض .. هزاع بخووف : الريـــم .. يات النيسر و خذوها و حطوولها مغذي .. هزاع بقهر (( كله مني انا .. كله مني انــــا .. المفروظ مااظهرها من المستشفى الا بعد ماتاكل .. حتى لو غصبا عنها انتبه ع النيرس الا ظاهره و مبين عليها انها معصبيه .. النيسر : اكس ايوزمي سير هزاع : يس النيرس : ار يو هير هزبند هزاع : نو ايم هير كزنت النيرس : اوكي كان يو توك تو هير سو اي كان دو ماي جوب شي ول بي سو سيك هزاع : اوكي . جست ويت فور فيو منت دش هزاع عليها و هي تصيح هزاع : الريم خلي العناد حقج و خلي الحرمه تشتغل الريم و هي تمسح دموعها بكمها شرات اليهال الريم : لو بتوديني البيت بسوي هزاع : تنهد .. كان ويهها مصففر وتعبااان .. كسرت خاطره .. هزاع : اوكي بس ع شرط الريم : شو هزاع : اليوم بس و باجر نرد للعين الريم فكرت شوي بعقل .. وهزت راسها بقوه (شرات اليهال) بالايجاب سار عنها هزاع ووقف جدام الغرفه .. تريا جمن ساعه و عقب سار عند الدكتور عسب تظهر .. الدكتور : يا خوي لو بتم ع حاله هذي كل يوم بيغمى عليها و بتيي هزاع : لا انشالله اليوم بتتاكل الدكتور : عيل ع مسؤوليتك هزاع : هيه .. عقب مارخصوها .. سار صوب غرفتها .. هزاع : يلا الريم وقفت : ابي اجوف اخويه هزاع : ممنوعه الزياره عليه الريم و الدموع لعيونها : من الجاما ..دخييلك لا تحرمني من جووفته هو بعد هزاع تنهد : لو هو ع كيفي جان جفتيه .. الريم وخت راسها و سارت ورا هزاع للسياره .. هزاع : الريم الريم : هم هزاع : شو تحبين تاكلين الريم تذكرت يوم تطلب عشا من اخوها تذكرت يوم كان يقولها راايه عقب تقول عكسه و يطلع هووو راايه .. ابتسمت و دمووعها تنزل هزاع صد عليها مستغرب : الريم بلاج قلت شي ظايجج الريم و هي تمسح دموعها بيدها : لا .. بس تذكرت شي هزاع : اها .. ماقلتيلي شو تحبين الريم وهي سانده راسها ع الجاما الريم : ماابي شي هزاع صد عليها : لا والله .. ترى لو ماكليتي عندج مكانين تباتبين فيهم المستشفى و لا العين الريم : خلاااص خلاااص .. اي شي هزاع : اوكي سكت هزاع و الريم كانت سرحاانه و هي تطالع الشارع اللي دووم ايي حمد من شغله .. تترياه يوصلها اي مكان بخاطرها عمره ماقال لها لا الا في مصلحتها .. علاقتهم مب شرات اخ و اخته .. كانوا يعتبرون بعض كل شي .. تربيت امهم .. خلت قلوبهم ع بعض .. وقفت السياره انتبهت ع هزاع الي ظهر من السياره .. ردت تطالع الشارع و تصيح بهدوء ع امها الا ماغابت عن بالها دقيقه و يوم رمستها عن الموت ويوم حظنتها و حست بشعور غريب من نوعه .. من ذيج اللحظه اللي تذكرت فيها كل شي .. تذكرت الحادث .. كانت هي اللي محتشره تبي تيلس ورا .. كرهت عمرها .. الريم بصراااخ : كله مني كللله مني انننناااا السبب .. انا المفروووض اكون بداااال امي وبسرعه سار هزاع للسياره .. هزاع بخووف : الريم بلاااج الريم وهي تطالعه كله مني انا .. انا السبب بوفاااة امايه انا السبب هزاع : الريم اهدي .. هذا يومها .. الريم و هي تحاول تهدا و هي ماتروم توقف شهاق .. حست ان لها يد في وفاة امها .. وصلـــوا البـــــيت .. دشو البيت و خذت البشكاره العشا من هزاع .. و دش هزاع الميلس و الريم دشت داخل .. الريم و هي ترمس البشكاره : حطي العشا حق الريال ف الميلس البشكاره : اوكي الريم سارت تبي تبدل ملابسها مالقت عمرها الا ريولها تمشيها لحجرة امها .. وقفت جدام شبريتها .. يتل لها غصه .. تذكرت يوم كانت زاايغه في الليل لمنو تسير ومنو اللي كان يهديها ويلوي عليها .. ومنو كان يخفف عنها احزانها و يهديها .. ويحل لها مشاكلها .. سارت ع الشبريه و خذت الوساده و شمتها ابتسمت بمراره و لوت عليها .. وطاحت ع الشبريه و ماحست بعمرها الا وهي رااقده و هي حاسه بخوف لباجر .. تخاف من اللي بيستويلها عقب .. منو بيخميها عقب اهلها .. منو بيدافع عنها منو بيخفف عنها احزانه ... خايفه من كل شي .. بس بنهايه محد يروح لحزنه بريله لان (( الحزن قدر ماهو برغبه )) .. في الميلس .. هزاع : الحين شقايل بعرف لو كلت او لا دشت البشكاره و ياها العشا هزاع : الريم تعشت البشكاره : نو شي از سليبقا ان ماما روم هزاع تنهد : شو اسويبها هاااي .. بتموت عليه لو تمت ع هالحال هزاع زخ مبايله و دق ع مبايله اللي عندها تم ساعه ليين ردت .. الريم بصوت تعبان : نعم هزاع : تعشيتي و لا بعدج الريم بدون اهتمام : مال خاطر هزاع : الريم لو ماكليتي ترى الحيييين بوديج العين الريم : خلاص خلاص .. بسير اتعشى هزاع : وشو اللي يظمني الريم : انا عند كلمتي هزاع : نجوف لو اغمى عليج يعني ماكليتي سكرت عنه .. ودشت البشكاره وياها عشا .. الريم : انا قلت لج ابي عشا البشكاره : نو لكن مستر ان ميلس تل مي اجيب عشا حق انتي (لا لكن هزاع قالي سوي عشا حقج) الريم تنهد : حطيه و سيري يلست الريم تاكل جمن لقمه بالغصب .. حق نشت و سارت ع شبرية امها و ردقت شرات ايهال.. تتوقعووون الريم بتروووم تعييش و يا اهل ابوها ؟؟ و اللي تبيها اليده (لمنصور) ..؟؟ و الريم بترووم تتقبل وفاة اخوها بعد .. ؟؟ وشثايل بتغير حياتها الحيــن ؟؟ ووين بتعيش ؟؟ ؟؟ ؟؟ ؟؟ بيت بو محمد محمد : منصور وين هزاع منصور : تريى انا بدق ع هزاع محمد : شحقه شسالفة منصور : ما اعرف دش هزاع و برع الميلس ( الريم ) وعيونها حمـــر .. هزاع : انا بدش بوصل بنت عمي داخل و بيي سار هزاع برع الميلس هزاع : الريم يلا نسير عند هلي داخل الريم : منو هزاع : امايه و اختي و بنات عمج و حرمة عمي و الاهل الريم : انت بـ دش وياي هزاع : مااروم انا بدق علـ ـى عليا .. وهي بتاخذج داخل الريم سكتت هزاع : لا تحاتين الريم .. انا بقوم بكل شي الريم : مشكور هزاع : هذا كله واجبي دق هزاع ع عليا عليا : الوووو مرحباااا الساع هزاع : هلا علايه .. علايه ابيج تظهرين احين الباب الخلفي عليا بستغراب : ليش هزاع : بنت عمج هني عليا : اي بنت عم كل بنت عمي هني هزاع : بنت عمج بو حمد عليا : هييييه والله نسيت .. ثواني وانا عند الباب هزاع : بسرعه .. باي عليا : بايات هزاع : تجوفين هالباب اللي مناك الريم ببراءة : لاء هزاع : زين يلا لحقيني هزاع مشا و مشت وراه الريم ووصلها عند الباب و كانت عليا واقفة تترياه عليا اول ماشافت الريم .. قربت و سلمت عليها هزاع : علايه مااوصيج ع بنت عمج زين عليا : لا توصي .. حياج يا بنت العم .. تفظلي حياج هزاع : انا ساير الريم دشت ويا عليا عليا ببتسامة : حيا الله بنت عمي .. وين حرمة عمي الريم سكتت و طاحت من عيونه دمعة عليا بستغراب : بلاج الريم .. خير انشالله __DEFINE_LIKE_SHARE__ | |
| ||
| |
|
03-05-2011, 12:59 AM
| رقم المشاركة : [ 9 ] | |
| عضو جديد  |  ننتظر البارت الي وراه خيووووو
__DEFINE_LIKE_SHARE__
| |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ●●● وكـريـه ذابـحـه الـكروان● والارنـب ●والـغـرنـوق ●●● أبـو عـقـاب | محروم.كوم | منتدى أخبار المواقع والمنتديات العربية والأجنبية | 0 | 08-20-2010 06:50 AM |
| بدي تـﯚقيع لـﯚ سمحتـﯚ (: | ›• غَنٍجَ اڷشاُمً ‹• | طلبات التواقيع , التواقيع الجاهزة | 8 | 06-02-2010 05:58 AM |
| [[ حصريا ●● دويتو ●● عليـ جانـ ●● حسن غريب ●● حفلهـ أم القيوين ●● 2009 ]] | ┃[ خلود الشبح ]┃ | اغاني , شلات , هبان | 0 | 08-04-2009 02:27 PM |
| َﱢﱟﱞﱡ۩ﱡﱞﱟﱢ..... إيــــــرانــ َ.....ﱢﱟﱞﱡ۩ﱡﱞﱟﱢ | ميود راك | سفر وسياحة | 9 | 03-14-2009 01:23 PM |
| يـآإ للآإωـِف شـﯚهـِﭟ صـِﯚرة { گلي دفآإشہ ..~* | { كلي دفآشة ..~* | تصاميم الاعضاء | 40 | 05-31-2008 04:37 PM |
الساعة الآن 05:09 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227