{ خَـــآتَــمْ فِـي أَصــَـآبِــع رِجـآل ..~ - الصفحة 3

فارسة ما تهاب خيول الغدر · 02-17-2011, 10:52 PM

كششخة البارت

وترا الاول انتي عايدتنه خخ

نترقب البارت الياي

لا تبطين علينا __DEFINE_LIKE_SHARE__

Nonaz · 02-25-2011, 02:50 PM

يا هلااا

مب إعآده !!

بس ف البدآية

تسلميين والله ع المروور __DEFINE_LIKE_SHARE__

Nonaz · 02-25-2011, 02:54 PM

(الجزء الخامس)

فَـــــــــــــــــــــــــآرس

لآآآآآآآآآآآآآآآآآآ يآآآلله رآآآحت علي نومه خآلد بيحشرني الحيين تأخرت ساعه كاملة عنه يارب ان المحآظرة مآ بدت ياربييي

والله زين اللي طحت من الشبرية ولا كنت بكمل رقادي .. كآن رقاد ولا أرووع حلمت احلآم متتآلية هههه بس اسميها احلام روووعة حلمت اني اطييييييررر ومآدري شوو

الله يستر علينا بس

تسبحت ع السريع ... تسفرت وظهرت

يييت بقفل الحجرة

اووووووه نسيت الفون والبوك

رديييت خذتهم وظهرت وف نفس الوقت دقيت ع خالد اجيس النبض واعرف وينه

طوووط طوووط

خالد : انتتتتتتتتت وييييييييييينك

فارس : والله راحت علي نوووومه اسمح لي الشيييخ

خالد : الله يهديييك .. بس الحمدالله اللي قلتلك قبل موعد المحاظرة بساعتيين ولا كنت اخرتنا

فارس : هآآه يعني باقي ساعه ع المحاظرة

خالد : ايه نعم بنفطر فييها وعقبها نرووح

فارس : الحمدالله ,, اسمييني خفت انك تهزبني عاد انت هادي وهم ينبهون من غضب الهادي :p

خالد : هههه المهم ربع ساعه وأكون عند باب الفندق اترياني

فارس: زين

سكرت منه وحسييت ان ماي بارد انصب علي ... صدق كنت بفتشل لو ان المحاظرة بدت ... يعني انسان مالي 3 ايام او يومين متعرف علييه وفوق ها أأخره وأتعبه وياي

المهم خل اسير صوب قسم الاستقبال خل اعطيهم البطاقة ينظفون لي الحجرة

وصللت وحصلت سالم بو التحرطيم

هالريال من اول يوم شفته يتوعد ف حد وهو ف سيارة الاسعاف عرفت انه انسان مزاجي وعصبي ودايما يتحرطم

خخخخ والحين الظاهر انه بيظهر من هالفندق من كلامه لعامل الاستقبال

سالم : والله ان هالفندق فندق زفففت شرات ويوهكم حتى اختيار العمال اللي هو ابسسسط شي ف الحياة ما تعرفون ... موظفيين لي بنت عمرها ما يتجاوز العشرين وهبله وما فيها عقل لا وفوق ها ماعندها غيري تكسرره وتكرهه ف حياته

هههههههههههههههههههههههههههههه ضحككت ع كلامه مافي غيرها افنان اللي بتسوي جيه ولا الثانية مبين عليها رزيينة ههههههههه والله ان هالبنت يوم ورا يوم اكتشف انها انسانة فظيييعه ومب هينه

عامل الاستقبال : يا سيدي معلييش والله ان المدير طرد العاملة .. ما حتحصل كوارث وهي مطروده ... احنا آسفين اوي اوي ضل معانا يوم زِيادة يمكن تغير رايك

سالم : تستهبل ع مخي ولا شووو ما تشوف ريولي كيف كسرتوها لي

وبعدين خلاص الأهل يتريوني ف السيارة ....الله لا اييبني لهالفندق مره ثانية

هههههههههههههههههههههههههههههههه مسكييييييييييين

خخخخ اول ما شفت انه يشوفني اصطلبت عن يقول اني اتشمت به ...

سالم بحركة اضحكت فارس : تبا تاخذ لك جناح ولا حجرة ف هالفندق مآ انصحك ووالله من قلبي ما انصح انا وانا اضخم عنك كسروو ريولي انت شوو بيسوون بك بيكسرونك بالكامل ... ترا لا تتحسبني مينوون لكن عندهم سكنية داخل تخليك تكره عمرك كره

فارس : هههههههههههههههههههههههههههههههههههههههههههههههههه هههههههههههههههههه

سالم : يلا سلام ويوم تتكسر قول سالم ما قال

ورحل

ههههههههههههههههههههه وربي صار لي مدة مآ ضحكت جيه شكله صدق متعقد الله يهدي هـ البنت شو سوت بالريال لعبت ف مخه

خخخخ شفت عامل الاستقبال يطالعني يشوف اذا انا اقتنعت بكلام الريال وبنسحب ولا لا ابتسمت له وطلبت منه ينظف حجرتي

ظهرت ويلست ف حديقة الفندق تميت اطالع الناس الرايحة والراده تذكرت مريوم .... ههه اكيد انها بتعزي لان اليوم بتسير المدرسة .... لأن اجآزة الربيع خلصت ... خل اتصل بها لين ما يي خالد

مريم : الو السلام عليكم ورحمة الله وبركاته وياكم ضعيفة بنت متين الوسطي اهلا من المتحدث ؟

فارس : والله وكبرتي يا مريووم واستويتي تتطنزين ع ابوي وتقولين عنه متين عشتوو .. بعدين اشك انج ضعيفة ها ويهي ان مارديت وحصلتج زدتي 10 كيلو

صرخة حادة وصلتني من الفون خلتني ابعده عن اذني 3 امتآر حششى من وين لها هالصوت

مريم : فاارررس يا زفت انت تدري اني مآ اقصد لا تخليني اشد آخر شعرتين ف راسي وبعدين اطمن ضعيفة ما متنت

فارس : ليش لا يكون حورية سوتها وقصت شعرج ؟

مريم : تخسسي الا اختك تلمس شعري هاللي قاصر بعد

فارس : ليش مب اختج بعد ؟

مريم : اقول مستر ملتزم فرحنا ورقصنا يوم ان الله هداك بس لا تييلس تتفلسف ع راسي .. يلا الحين شو تبا ليش داق ؟؟!

فارس : شف هاي اللي ما تستحي .. صدق اني غبي يوم فكرت اتوله عليج واتصل بج ... فمان الله

مريم : شف عاد بقولك شي بس لاتصدق عمرك .. ما يهون علي اقولك باي لكن نصر الله راعي باص مدرستنا واقف عند باب بيتنا ويدق هرن .. تدري يعني الود ودي اغيب واخليه يروح لكن أعرف امي بتخليني اسير للمدرسة مشي .... لآآآآآآآ بيرووح باي

ههههههههههههههههه والله ان هالبنت هبله الله يحفظها ... خل ادق ع امي اتخبرها واشوف مريوم وحورية عافسين الدنيا عليها ولا لا

طوط .............. طوط

ام فارس : السلام عليكم ورحمة الله وبركاته

فارس : وعليكم السلام ورحمة الله وبركاته ... هلا والله بنور عيني

ام فارس : فارس يمه .. ولهت عليك .. شحالك فديت روحك ! مرتاح ! قاصرك شي ! تاكل عدل ؟ في شي مظايج بك ؟ اعتمرت ولا بعدك ؟ بتخبرك تقرا الأذكار ولا لا ؟

فارس : أمآيه الله يهديج لازم هالسمفونية كل مآ ارمسج الحين راح الرصيد عليها ...

(هيه , مرتاح , لا , هيه ,لا,لا,هيه)

هاه امآيه لو حافظة اسئلتج وترتيبهن بتعرفين اجوبتي عليهن

ام فارس: ههه يالله مستحيل تبعد عن سوالفك

فارس: يوم تبعدين عنها انتي ... المهم شحالج وشحال حورية ومريوم لا يكون متعبينج ... والوالد شحاله قوليله لا يستانس وايد كلها 4 ايام ولا 3 وبخرب عليه استفراده بج

ام فارس: هههه والله انك ما تستحي شو هالكلام بعد ,, شو اقولك يا فارس عن حورية ومريم والله كأنهن هالقطو والفار اللي ف التلفزيون مآ يتفاهمن بس الله كريم

فارس : مآ عليج امايه والله يوم برد للبلاد بإذن الله بروييج بهم بس الحين ربيعي وصل بنسيير نحظر محاضرة توصين بشي ؟

ام فارس : الله يحفظك .. تحمل بعمرك

فارس : وانتو بعد .. فمان الله

بندت عنها وانا حدي معصب من هالثنتين مريم وحورية مشاكلهم فظيعه احس كل وحده فيهن ودها تذبح الثانية وتفتك منها الله يستر بس

المهم

خالد يالس يسوي مسكول يباني اظهر

وانآ ظاهر من الحديقة تعرضت لي وحده وقفت بويهي كانت متنقبه ماعرفتها لكن ما ادري

ليش حسيت اني اعرفها وانها مب غريبة علي

زاد استغرابي يوم شفتها ترمسني

.... : يآ أخ

فارس : نعم اختييه ؟

... : مآ تلاحظ انك لعبت وفرحت واستانست ع حساب تعاسة غيرك الحين لازم تدفع الثمن

فارس : هآآه انتي شو تقولين ؟

.... : لا تدعي الغباء اونك مآ تعرف انت لازم تصحح غلطتك يالظالم يالخاين كيف طاوعك قلبك تشرد وتخلي هم كبير عليها

ملامح ويهي انخطفت بعد كلامها شو تقصد هاي: عن شو تتكلمين انتي ؟

.... : شوف سواد ويهك شو سوا .. اختي مب قادرة تتحمل الهم اللي طاح ف جبدها انت غلطت وياها ولازم تتحمل غلطتك

ما بجذب عليكم وبوصف لكم شعوري ساعتها تدرون حسيت اني بصييح بنهار عن شو تتكلم هاي يارب اللي يكون ف بالي مب صح انا انا انا

خاني التعبير بس قلت اسألها اتأكد يمكن تقصد شي ثاني

فارس: احم اختييه انتي شو تقولين ممكن توضحين لي ؟

....... : اختي حامل منك وانت وانت المفرووض اللي تتحمل ها كله

كورت ايدي بقهر عقبها تميت امسح ع ويهي بقهر عبرتي ثبتت ف حلجي بصيح استغفرالله

فارس : اختييه والله اني تبت صح ان هالغلطة او المرحلة اللي مرينا بها انا واختج مستحيل تنمسح من حياتنا بس والله والله وهو الشاهد ع مآ اقول اني تبت ومآ قمت افعل مثل فعايلي اللي قبل وبعدين انا ما كنت اجبر وحده انها تييني واني اسوي بهن شي هن اللي ييني ويعرضن علي واختج وحده منهن .... أنآ أنآ مادري شو اقولج بس وينها اختج ؟

....... (بصيآح) : لآلآلآلآلآلآلآ انت تججذذذب صححح ؟

فارس : شو فيييج ؟

.... ( بصيآح اقوى ) : الله يخليييك قول اني مغلطة وانك مآ لمستتتها الله يخلييك بشرني قول انك مآ لمستتتها

فارس ( بغضب) : انتيي شو تخربطييين ... انتي تستهبلييين ؟

...... ( وهي تجلس على الارض ببكآء ) : والله حرااام علييك مآ حصلت الا هالمسسكينة ليييييه يا ربي ليييه ليتني دووم وياها ليتني مآ اخليها . مآ اصدق مآ اصدق كيف كيف ؟؟؟؟؟؟؟

شو فيها هالحرمه انينت شوووه شو السالفة افففف يارب استر

مآضيي كآن اسود الوآحد يفتششل منه كنت راعي بنات وشرب ومن هالسوالف احس بحززن كبير كل مآ تذكرت مآضيي يييت أعتمر اكفر عن ذنوبي والحمدالله اني اهتدييت قبل مآ اموت وعسى ربي يتقبل

هه شتآن مابين قبل والحين قبل كآنو يقولون صل اقرا قرآن خآف الله كنت ارد عليهم بكل وقاحة " مآ اسوي شي مش مقتنع فيه"

يالله كيف كآن لسااني يتجرأ وينطق هالكلام ليت الماضي ينمسح بالمساااحة كنت مسحته او ليتني افقد ذآكرتي .. لكن ليش التشآؤم انا الحين انسان اخاف الله اصلي ومحافظ ع صلواتي وقفت سماع الأغاني والشررب بعد عناااء طويل والحمدالله كل ها بفضل ربي ومآ انكر فضل اهلي علي اوووه أنآ قمت اخررربط والحرمه هنيه بتموت من الصيااح استغفرالله هي لو تفهمني السالفة وتخليني اشوف اختهآ كنت بكفرر غلطتي ولو بالزوآج منهآ بس بس كيف اضمن ان هالولد مني مش من غيري

لحظظظة هالصوت مألووف انآ متأكد اني سمعته من قبل وين يا ربي وين وبعديين انا ما جد لمست وحده من بنات السعوودييية لآآآآآآآ يكون

أفنآآآآآآآآآآآآآآآآآآآآآآآآن؟؟

أفـــــــــنـــــــآن

مآ اقدر استوعب شي بعد اللي سمعته ... طحت منهآرة اصييح مآ اقدر اتخيل انه لمس او جس شعره من شعراتها كيف وثقت فيه كيف ذاك الوقت مآ سألته وتأكدت اذا سوا بها شي او لا كيف مآ سألتها هي نفسها بس اعرفها هي كتومة مآبتخبر ليتني ظغطت عليها وسألت بس انا حماره انانيية

نطقت : آآآآآآآآآآآآآه يآ رحآآآآآآب

وتميييت أصيح عقبها نطق بعد ما نزل شوي لمستواي

فارس : انتي شو تخربطين أفنان شو فيييج ؟؟

أفنان : لييييييييييش لييييييش لمست رحاب والله حرام عليييك مآ حصلت الا هالمسكينه مآ يكفيك اللي ياها .

جآوبني بعدها بوقت طويل

فارس : شفتها مسكينة ع قد نياتها وبو طبيع ما اييوز عن طبعه كيف اخلي هالفريسة اللي مآ تتفوت تروح علي

افنان : انت حقيييييييييييييييير حقييييييييييييييييييييييييير شايفها مسكينة بريئة محتاجة وناقصصة قصيييت عليها

فارس : أنآ ما اشوفها مثل مآ تشوفينها أنآ اشوفها انسانة شراتج بس انها هادية يعني عاديي لو سويت بها شيي

افنان : لا تستهبل ع مخخخخخي فررررق بيني وبينها انا انا اروم ادافع عن نفسسسي اروم اتكلم ارووم اسوي فيك وابهذلك وما اسكت عن حقي لكن هي شو تقدر تسووي

فارس : كل ها هي تروم تسويه بس انتو تعاملونها كأنهآ ما تقدر تسوي شي كأنها عآجززة

افنآن : لأنهآآآ هي عآجزززززززززززة اصلا رحآب مآ تنططططططق مش مثلنا رحااااب بكككمه ولا تسممع بس تعتمد ع لغة الشفايف ساعات تسسمع خفييييييف ونطقها ضعيييف لانها تنطق ع حسب مقدار سمعها

آآآآآآآآآآآآآآآآآ حسبببببببببي الله عليييك حسبي الله عليييييك

فارس : زييين انا ما لمستها بس كنت شاك انها بكمى وبغييت اتأكد منج وهذي انتي تكلمتي شرات المينونة وعرفت بعدها انها ما تتكلم وترا بتتحسبيني حقير صح لكن كل هذا ف صوب وحقارتج ف صووب يآ آنسة افنان عسب اتوبيين تسوين ف الناس مقالب ثجيلة دم

ورحل

مدري كيف اوصف حقارته او كيف أأدبه بس اللي أعرفه اني رايحة اذبحه ركضت وراه حصلته بيركب السيارة اسرعت قدر الامكان وفصخت نعالي اللي تعتبر مهترية فوق اللآزم وف الأساس لازم اغيرها

فريتها علييييه وطلعت كلمة مني حسيتها من أعمآق قلبي : أكرررررررهك

فَـــــــــــــــــــــــــآرس

بتقولون حقير قولو بتقولون كريه قولو .... قولو اللي تبونه عني لكن هالبنت التافهه تستاهل جد خرعتني كانت تبا تسوي فيني مقلب وانقلب المقلب عليها .. كريهه خلتني انزل دموعي ع الفاظي جد مآ تربت ييت بركب ويا خالد وكنت معصب حددي لكن اللي زااد عصبيتي يوم حسيت بشي يظرب ظهري حصلتها نعال لفيت من الصوب اللي يتني فييه شفتها واقفه بعصبية وآثار دموعها عالقة ذبحتني رموووشها شكلها يجنن والدموع مجمعه كل ثلاث شعرات ف صوب

بس يوم استوعبت اللي استوا رحت بمد ايدي عليها انا ناوي أأدب هالبنت قبل مآ اسافر رحت صوبها ياي بصفعها لكنها اصدمتني بكلامها

أفنان : انت سخيييف حقيير تافه ما عندك احساس انا كنت يايه اقولك مشكوور ع اللي سويته ويا رحاب وآسفة لأني طولت لساني عليك هذاك اليوم لكن يا ع بالي اسلييك يوم شفتك سرحان يا ف بالي المقلللب وليتني مآسويته لأنك مآ تستاهل ربع اللي سويته لك احمد ربك سويت لك اكشن ويا ويهك

بالذمه بعد هالكلام بشو اقدر انطق هاي لازم افهمها شو يعني الأكشن الحلو والمقالب الخفيفة بسم الله هآي مقالبها جرايم اعوذ بالله منها اففف مش متفيج لها ابد

أفـــــــــنـــــــآن

سرت عند منيرة من صباح الله ... صرآحة الجو كآن ممل وهاللي ساعدني اسير لها ف هالوقت .. ابوي مادري عند منو راح فرحت صوب الجمآعة لقيتهم راحوو لدوآماتهم الشنيعة فشردت بسرعه عن ايي رابح ويحصلني ف شقتهم ويخليني اشتغل عنده عبده

رحت عند منيرة ويلسنا ف الحديقة بما ان الجو يفتح النفس وباارد .. كنت مصره ف البداية اسير عند العملاء ف الفندق لكن منيرة مآ خلتني الظاهر انهم كارهيني شو يخصهم ويا روسهم بس تصدقون يوم فكرت فيها اكتشفت انهم خايفين بسبتي ينكشف الفندق وانه يشغل حريم ويتقفل وبعدها ينقطع رزقهم وحليلهم

المهم وأنآ يالسة اسولف ويا منيره شفت فارس طالع من الحديقة الخلفية وسرحان يتني فكره جهنمية ... شليت نقاب منيرة لأني اعرف انه بيعرفني ف تنقبت ورحت له بسرعه حآولت العب ف صوتي ونجحت

وسويت به المقلب لكن المقلب انقلب ضدددي والسبب مخيلتي التافهه بعد مآ تم يشرح انه اهتدا ومآدري شو ع طول فكرت انه ضرر رحاب ولمسسها عسب جيه كآنت متأذيه ذاك اليوم تمييت اصيييح انآ عنندي كل شي ولا رحآب وبسبت غبائي كشفت له سر رحاب اللي محد يعرفه غيري وغير منيرة وجماعت رابح حسيييت بالقهر تبعته وفلعته بالنعال وقلت كلااام مدري اذا هو من قلبي اواني امثل تصدقون مآ قمت افهم نفسسي ماعرف اذا هالكلام صدق ولا كذذب المهم اني بعد مآ قلته حسيته مش من قلبي مب افنان اللي تقول كذييه لريال .. كسر خآطري يو شفته استوا بليييد عطيته ظهري وقلت : إن كيدهن عظيييم كنت ناوي تفلعني لكني قدرت امنعك بهالكلام وأمتص غضبك وووو عسى ربي يكمل هدايتك

ورحت

أعزآئي القرآء : ان لمرووركم وتعليقاتكم أثر كبير في إكمآل القصة وأوجه هذا الكلام لقرآء من خلف الكواليييس أتركو لكم بصمة في هذه الروآية

وترا ردوودكم تسآعدني ف تطويل البارتات

بآنتظآركم

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديــٍد\\فِـي دنْيتِك آنا وأتْمنى تقْبلـنيٍ..	!!فآرِسْ آحلآمـيْ!!	تراحيب وتهاني	5	06-27-2010 09:20 AM
{ مـِِـوت فِـي غيضِـكِـ .. × أحِـمد الكـٍيبالِـي ×	شيطونة الـ ع ـين	نغمــات للهــواتف	5	11-29-2009 12:55 AM
.+[فِـي ظِلـآلِ آيَةٌ ]+.	ToX!c	الإسلام والشريعة	34	09-26-2009 04:53 AM
{ يــآ طـِـِير وضبـِـِتك بتدريـِـِب .. ابغ ـِـي اصـِـِاوع بكـِـ هـِـدادي .. ~	CRAS7	التراث والحضارة	6	12-13-2008 07:31 PM