| ||||||
 |
| | LinkBack | أدوات الموضوع | انواع عرض الموضوع |
01-29-2011, 09:02 PM
| رقم المشاركة : [ 6 ] | |||||||||||||||||||||
| عضو جديد  | 
لحظآت واحطه وتسلمين ع التشجيع ^^ __DEFINE_LIKE_SHARE__ | |||||||||||||||||||||
| ||||||||||||||||||||||
 | ||||||||||||||||||||||
|
01-29-2011, 10:33 PM
| رقم المشاركة : [ 7 ] | |
| عضو جديد | (الجزء الثالث) حآولت اسكت ولفيت عسب اشوف فارس وين راح وانصدمت يوم شفته يعطي بنت كف وكآنت افنان ربيعتي . نزلت بسرعه من السياره وقاومت الألم اللي احس به بس عشان اوصللافنان واصيح ف حظنهآ التفتت لي افنان وانصدمت اول مآ شافتني كانتحابسه دموعها لكن يوم شافت حالتي دموعهآ بدت تنزل من الخوف افنآن بخوف : رحآآآآآب شو فيج خذتني بحضنهاآوانا ماصدقت قعدت اصيح صياح كانت كل شوي تسحبني من حظنهآ تبا تعرفشو فيني وشو اللي استوا بس انآ ارد واحظنهآ كنت احس اني فقدت حظن امي وهاي انا رديتله افنآن باتهام لفآرس : لا يكون انت اللي سويت بهآ جييه والله ...... فارس مقاطعآ لهآ وبغضب : انتي شو فيج لا يكون تتحسبيني سفاحانآ ماسويت شي باختج مآدري ربيعتج واسئليها افنآن : سفاح ونص مآتشوف ويهي كيف حولته لأحمر فارس : تستاهلين زوود ما جفتي عمرج كيفتمشين بخط السيارات كنا بنروح فيها لو لا الله ,,, وبكل برود تيين تلعنيني لي ش انجكنتي بتروحين فيها مش كأنج انتي الغلطانة افنآن بغضب : والله لأردلك كل اللي سويته فيني ودبل بععد لكن فهمني بلاهآ رحاب ؟ فارس : مآدري اسئليها تراني سفاح يعني اكيد بجذب عليج افنان : لا تستهبلشوف كيف حآلتهآ مستحيل تقولي فارس : ما بقووولج افنان بغضب : انجلع والتفتت الى رحاب لتحآدثها فـــــــــــــــــــــــــآرِس أحِبأحرِق أعصآب هالبنت تذَكرني بمريوم اختيييه يالله كيف اشتقت لهم ههه اللي يسمعنييقول صار لي سنة مآ جفتها مب كأنه يومين . ييت مَكه أعتِمر انآوالرَبع بَس بَعدهم مآ وصلووو , واليوم يا ف بالي احوط وابعد عنيالملل وسبحآن الله وأنآ امشي بين السكك حَصلت هالبِنت رحآب وكسْرَتخآطري كيف كآنت خآيفَه وسَآعدتهآ ,, حسيتهآ برِئية مع تَقلبآت ويهآبس اللي مستغرب منه ان صوتها أبَد مآ طلع حتى يوم تصِيح تصِيح ع السآيلنت ليتربيعتهآ شَراتهآ أعوذ بالله هآي مآ تِسكت خخخ ... التفت صوبهمأشوووف شو يقوولوون لَكِن إنصدَمت من اللي أشوفه ... مُستحيل يكون اللي أفكر فيهصَح حَركآتهآ وكِل شَي يدِل ع هالشَي ... يَآربييي ان شاءالله مآيكون صَح فَآرِس : إحم إحِم هآ يا ست أفنآن نآوية توقفينآ اكثرعن جيه ! افنان برفعة حآجب : لحظة يا سَيد فآرس ليش للحين وآقفشوت تتريا فارس : يآآ سلام والأزمة اللي انتي مسويتنها لنا كيفنتصرف وياها مآ تشوفين سايق التآكسي محرج من الصبح يصارخ افنآن : والمطلوب ...! فارس : بندق ع الشرطة الحيين ولازم تدفعييينالتعويض افنان : ياآآآآ سلآآآآآآآآآآآآآآآآآآآآم وانا شويخصني فيكم ,,, محد قالكم لا تصدموني كآن مشيتوو وفكيتووعمآركم فاآرس : ليتني والله سويت هالشي ع الاقل افتك منج ومنشرج ومن حشرتج لحظة وأخذ يتحدث بالهآتف ويصف للشرطةالمكآن فارس : الحين بتيي الشرطة و بنشوف شو بيقولون افنان : زين انت تفاهم وياهم وانا برووح رحاب تعبانه فارس : والتعويض ! افنان بلا مبالاة : ادبر امرك فارس : شف هاااي اللي بتجلطني ولكن لا فائدة منكلامه فقد رحلتا \ \ \ \ لحظآت فزع وارتباك ,, وقلوب تنتظر بفزع مآ هو قادم وألسنه ترجو الخآلق وتدعوه بكل مآ اوتيت منقوة . ابـــــو الجــــمــآجم مآدري شو اسوي او شواقول احس اني مرتبك وخايف ومب فاهم اللي يستوي بس الشي الوحيد اللييتردد ف ذهني ان رحاب ميته ميته تأخرت ساعه ونص هذا اذا ما ما كانتساعتين بس من........ منصور مقاطع افكاري : بو الجمآجم ليش رحابللحين مايت ؟ بو الجماجم : مادري يوم تيي اسئلها . منصور : ياخي بلاك دوم جيه معصب ومتنرفز اف بوالحماجم : اقول يالياهل روح ومن جهة أخرى اليازية : ساره انتي قلتي بتعشيني اليوم عشا حلو صح ؟ ساره (توهقت) : هيه بسرحاب للحين مايت اذا يت بعشيج وبفطرج بأشياء حلوه زين ؟ اليازية : وعد ساره : اففف وعد اقتربت منهآ اليازية وطبعتقبلة صغيره على خدهآ اليازية : تدرين .. انا احبج انتي ورحابومنصور وايد نهظت ساره من مكانها وكأن الامر لم يعجبها ساره : ماشي فايدة من انتظارها .. بنصلي العشا وبعدين نشوف شوسالفتها ... استغفرالله أخرنا الصلاة اليوم عشانها منو بيكون الامام اليوم؟ بــــو الجمـــــاجم نشيت لان الدور علي اليوم عشان اكون الامام صليناوخلصنا وعقب كل واحد تم يصلي السنة ويدعي ربه ان رحاب ترد لنا سالمة ... كآنت هاي فكرة ساره بأن لازم كل مره حد يصلي فينا عشان مانتهاون ف اداء الصلاة والحمدالله ان نحن كلنا محافظين عليها صح ان اللي نسويه مناعمال لكسب البيزات يزيد من سيئاتنا بس هاللي نقدر نسويه عسب نكسب ولأن باختصار لودورنا ع عمل نشتغل فيه مآ بنحصل احنا ما درسنا ولا نعرف شي لاقراية ولا كتابة احنآ جآهلين . صراحة في كل مره اقول بعتذر لساره عاللي سببته ذاك اليوم بس في شي داخلي يرفض ... بتستغربون ليش حاقد علييها ... صح انها تعيبني ساعات بس كل مآ اذكرانهآ هي السبب ف اللي انا فيه الحين اكرها كره ساره هي السببالرئيس اللي خلا اهلي يبعدوني عنهم انحرمت من اهلي ونآسي ووووعن وديمه المهم خلوناف سالفة رحاب ليش للحين مايت اسميني خايف عليها هالبنت ماتروم تظرب نمله اخآف حد اعتدى عليها ولا شي .. يآرب ردهآ لنا سالمة .. السفـــــــــــــــــــــــــــــآح يآربيييه احس خآيف وبزيآدة بعد مس صامته مآ يت للحين واللهانهآ مسكينه اكيد صاير لها شي كعآدتهآ نحسسه .. يالله سترك اللي مستغرب منه شي وآحدليش للحين مآ يا الزعييم ! معقولة انفجت نحآستها واستوت محظوظة الله العالم الحين بغربل ف منصور خل يروح عني الملل السفاح : منصور منصور : آمر السفاح : مشكلة المؤدبين .... مآ يامر عليك عدو الحين اسمع ليش مآطلعت لك لقب للحين ؟ منصور : حق شوو اللقب ؟ السفاح : يا حبيبي الريايييل اللي شراتنآ مطلعين لهم القاب وانت لا ... هيييييييييه صحنسيت انك ياهل منصور : انت الياهل .. زين اذا بطلعلي لقب شو بستفيد؟ الشبح ( مشاركا) : بتكون لك هيبتك وتستوي ريال صح السفاح؟! السفاح : هيه نعم .. ها شو رايك ؟ منصور : زين لووافقت شو بيكون لقبي ؟ السفاح بابتسامة : ممم خلنا نفكر مادري بساحس بو جبهه يناسبك صح يا شبح ؟ الشبح : هههههه صدقك وربي واصلع بعديناسبه خخخ منصور (بعصبية) : مالت عليكم يالسبلان (بحزن) اصلا شعريكان ناعم بس عشان ( بدموع) انا ويزوي وامايه وابويه سرنا العمره وووهناك حلقت عسباعتمر ووبعدين ضعت وشلوني الحرامية سيطر الحزن على المكانفهكذا وصل منصور واليازية اليهم السفاح في محاولة لتغير الجو : انزين ياخي شو رايك ف البيبي ؟ الشبح ( محاولا اسعآد منصور ) : لاشو بيبي شوف ملامحه الرجولية .. يكفيك ضعفه الشديد اللي يثبت انه ياي من مجاعةافغانستان ... شوف كيف قصير جنه واحد من الاقزام السبعه السفاح : ولا خشمه يقول مطبة ... وصلعته تقول سيراميك ناعن الشبح : شوالسيراميك بعد ؟ السفاح : اتوقع المربعات الموجودة ع الارض ... السفاح : اووه احلى ووين شفتها وكيف عرفت اسمها السفاح : يا طويل العمر تحيد المحل اللي سرقت منه مره اول مآ دخلتكنت احوط وجيه وبعدين وانا امشي سمعت الهندي يقول جوتي مال انت وايد في وصخان انتافي وصخ سيراميك ... وبجيه عرفته الشبح: اها عيل بعدين ذكرني اسيرواشوفه وياك منصور (بصدمة) : حلفوو انكم ماتعرفون السيراميك؟ الشبح : هيه والله مآ جد سمعت به يمكن جفته وانامدري منصور : سلامات لا يكون عايشين في العصور الحجرية !! السفاح : لا انت الظاهر سافرت عبر آلة الزمن للمستقبل منصور :== عيل الله يعينكم الصراحة تخلف ما جد شفته عيل انتو مآشفتو بيتنآ قصر قصر .. (بعبره مخنوقه ) وبشآكير وايد وكل شي حلوو الشبح : يالله ردينا ع طير ياللي خلاص يوم تكبر ويكون رابح الدبشيبه رووح انتقم منه ورد بيتكم منصور : منو قال اني بنتظر لينمايشيب ..انآ واختي بنشرد وجريب ان شاءالله صمت الاثنان في ذهول اي شجآعة تحتوي قلب هذاالطفل ليفكر في الهرب !!! ســـــــــــــــــــــــــــــــآره يالله شكثر هييل متفيجين جود مختفية وصار لها ساعتين الحين ولاوصلنا اي خبر عنها وآآآآآآآآيد خايفة احس ف اي وقت بفقد اعصابي مب قادره اظهر وادور عليها او اتصل بها كل شي وقففيني وانا اتذكر شي مهم غاب عن بالي افنان هي سارت تشحت عند الفندقاللي تشتغل فيه افنان طوووط ... طووووط اففف هايبلاها ما ترد افنان : الو معكم مضيفة فندق ال .... منو وياي؟ ساره بغضب : تستهبليين انتي ....لو اني داقه ع فون الفندق نفسهقولي هالمقدمة مالج بس انا داقه ع فونج افنان : اووبس سويرا مشتطهليش ؟ ساره : افنان قسم بالله اني متنرفزه حدددي ومالي خلق ابد ... رحاب عندج ولا لا ؟؟ افنان (بجدية) : ممم هيه كانت عندي ساره (بصدمه) : كآنت .. زين الحين وينها ومتى كانت عندج افنان : حبه حبه ساره (بصراخ) : افنااان بتنطقينولا شوو .. شو هالبرود اللي فيج ؟! افنان : شوفي من ساعه كنت ظاهرهمن الفندق وكانت بتصدمني سيارة بعدين شفت واحد نزل من التاكسي ونزلت وراه رحاب .. كانت تصيح وويهها يخوف منتفخ وجيه .. المهم اللي فهمته ان شي واحد من الشحاتينضربها وخذ بيزاتها وهالريال خذها وساعدها ساره : والحين وينها افنان : منيره الحين يالسه تظمد جروحها وبعد شوي بييبها صوبكم .. الا بسألج البوتمبه يا ؟ ساره : والله البوتمبه للحين مآ يا ولله الحمد والظاهر انه ما بيي بس الاحتياط واجب .. يبيها بسرعه افنان : ان شاءالله \ \ \ بجيه ينتهي البارت والسموحه ع التأخير بس استوت ظروف ان شاءالله مآ اكون قصرت فيه والسموحه اذا كان قصير | |
| ||
| |
|
02-02-2011, 06:48 PM
| رقم المشاركة : [ 8 ] | |
| عضو جديد | اوووه شي يحححبط ولا رددد >,<
__DEFINE_LIKE_SHARE__
| |
| ||
| |
|
02-17-2011, 02:19 PM
| رقم المشاركة : [ 9 ] | |
| عضو جديد | (الجزء الرابع) بـــو الجـــــــمــــــــــــآجـــــــــــــم هالهبلة افنان 3 ايام وهي كل شوي نآطة عندنا وما تسير عند ابوها الا آخر الليل .... اسميها سوت كوارث عديدة في هالايام طفرت بي ... وآآآآيد حركية واحسها عفست الدنيا فوق مآ هي معفوسة وشخص واااحد اللي احسه بينفجر منها وقريب بعد واللي هي ساره احسها صدق صدق متنرفزه منهااا وتلعن نفسها لانها خلتها تيلس ويانا وعطتها ويه ... بس صراحة احس ف هالثلاث الايام قل الحزن اللي فينا قمنا نضحك ونلعب احسها غيرت جونا ... اكثر شي يضحكني يوم تضارب ويا الشبح والسفاح ومنصور احسها ولد ف هيئة بنت ... ساره بغضب : افنآآآآآآآآآآآآآآآآآآآآآآآآآآآآآآآآآآآن سفاااح منصوووور بسسسسسسسس شو هالازعاج وراكم شغل باجر منصور : افففف قولي للهبله اللي يايبتنها لنا ... اذتنآ وصدعت بنا الشبح : يا بنننننت الذين آمنوو وين خشييتي البطانية برررقد السفاح : ههههههههههه وحليلك ساره بعصبيييه : اششششششششش قصرووو حسكم بتنش اليازيه عققب واذا نشت ما بتروم ترقد بسسسس .... افنان اصطلبييي عطيه بطانيته افنان : اففففف منو قال اني خذتها الشبح : السفاااااااااااح قال انج خشيتيها يلا طلعيييها والله اني تعباااان افنان : مبببببب عنننننننندي افهههههم يا يا اغبى من ف الكون وخلني افوز ف لعبة الحية ( اللي في الفون) والله اذا خسرت يا ويلللك الشبح : متتتتى بنفتك منج والله مآ الوم المدير يوم انه طردج ابو الجماجم : وبعدييييين يعني متى ناويين تخلونا نرررقد الشبح نهض باتجاه الفتيات وتحديدا افنان : قوووووووووووووومي عطيني بطانيتي افنان بعدم اكتراث : مآدري وينها الشبح اخذ يرفسسسها بغضضب : والله طفرت منج مآ يكفي الضرب اللي حصلته من الزفت رابح تيين تزودينها علي عطططيني افنان كي لا تظهر المهآ : مب عنننندي وقوم خلاص عورتني سااااااااااره بعصبيه زائده : شبححححححححححح شو يالس تسوي بسسسسس وأخذت بطانيتها ورمتها عليه : خذ بطانيتي بس اسكتووو عنا ولا والله تشوفوون شي ما قد شفتتتوووه من قبببل والتفتت الى افنان بتهديد : وانتي خلني اسمع حسسسج واخذت تحدثهم جميعا : ليييتكم مثل رحاااااب ... كانت بتكون الدنيا بخيير منصور : لااااااااااااااااااااء تخيييللللي نكون شرات رحاااااب يمممه الدنيا كلها بتخاف منااا صوتها يخرررررررررع تحسونها ماتعرف ترمسس حتى يوم ترمس اخااااااف ف اسد اذنني صدمة اعتلت ملامح الجَميع واعنآق التفتت بسرررعه لِتَرى هَل عَلمت بمآ قيل عنهآ أم هِي غآرِقة ف سبآتها رحـــــــــــــــــآب هههه الحمدالله افنان سوت لنا جو مريح هالأيام احس الكل تحمس وياها وقام يضحك ويلعب .. الله يحفظها بس اللي كاسر خاطري الشبح .. انضرب اليوم من قبل رابح بس الحمدالله اللي مآ حرقه او سوى به شي شنييع .. أحس الزعيم هالأيام مب ع بعضه .... أحسن ولا كنا بننكشف اولا لأن افنان ملازمه مقرنا هالأيام ومآ انتبه انها منخشه ف الحمام وثانيا لاني انا هالايام ما اشحت بسبب ريولي المتعورة ف كل الاعضاء يحاولوون ييمعون بيزات زيادة عسب يعطوني اياها وييمعون حصتي .. الله يخليهم صدق احبهم أووووه ساووه بدت تعصب عليهم مسكينة شكلها مرهقة .. بس كل شي جمد فيني وانا اشوفها تقول : ليييتكم مثل رحاااااب ... كانت بتكون الدنيا بخيير أحسسها طعنة انغرست ف صدري .. ليتها ما رمسست ليتها بعدتني عن سالفتهم .. خفت اشوف تعابير الكل او حتى شو بيردون عليهم ف سويت عمري راقده ع نفس وضعيتي كأني غفييت من قبل بس هم مآ انتبهوو آآآآآه متى بفتك من الهم اللي انا فييه وأمووت ســــــــــــــــآرة أحس قلبي بيوقف من الخوف خآيفة التفت لرحاب .. خآيفة تكون فهمت كلام هالياهل ويروح تفكيرها بعيد وتفهمني غللط .. ليتني مآ رمست ولا يبت طاريها .. آآآخ منك يا منصور بذبححك .. إرتحت يوم شفت ملامح الارتياح ظآهرة ع بو الجماجم والسفاح كأنهم يقولون لي انهآ راقدة التفت لها وشفت وضعيتها الغير مريحه ف الرقاد عدلتهآ ووو سآره : منصوووووووووووور منصور : نععم ؟ ساره : آخر مره اسمعك تقول هالكلام فاهم ؟ منصور : بس انا ما قلت شي == ساره (بحززم) : فاااهم ؟ منصور (بفزع) : زيين وذهب الى مكآنه ليغط في نوم عميق الســــــــفــــــــــآح يآ ربآآآآآآه كانت وشيييكة كآنت وشيييكه بمعنى الكلمة كنا بنشوف منصور يقع ضحية بين يدي سآره لولا فضل الله بس صدق حز ف خاطري كلامه عن رحاب ما توقعت ابد ن حد يرمس عنها جييه زييين اللي كآنت راقدة ولا كان بييها اكتئاب فوق اللي فيها طع الهبله افنان .. وربي مآ شي يهزها يالسة تنكت وتصررخ ليش انها خسرت ف لعبة الحية وأحس ساره شوي وتنفجر فيها خخخخ خل انقذ افنان قبل مآ تروح ضحيية لمخآلب ساره الفتاكة .... السفآح : افناااااااااااان ! افنان : خير سحفف ؟ السفاح : ياااااربيييي تعرفين القنبلة النووية ف خاطري افجرها فييج كل مآ ناديتيني بهالإسم السخيف أفنان (برفعة حاجب وأنف ) : إحمد ربك واسجد مرتين لأني بس اناديك .. عاد كيف لو ادلعك السفاح : امحححق والله لو تناديني باسمي رآكان ابرك لي من هالسخافة افنان : اقول اسكت الله يخلييك راسي بينفجر من تفاهاتك وخــــرجـــــــت السفاح : مب كأنه خطر عليها الروحه من دون ما تحط نقابها اخاف ربووح يشوفها او اي حد ساره : وهم شو يخصهم وبعدين الكل راقد الحيين .. الحين يلا ارقدوو ويا ويله اللي اسمع حسسه بيتعاقب السفآح : والله انج قاصه ع عمرج الحيين إجآزة الكل يتهنى ويا اهله ويلعبوون ويسهروون الا احن وذهب ليركل الشبح ركلة تقطع عليه تفكيره وذهب للنوم كل وآحد منهم أخذ زآويته ومكآنه ليغط كل واحد منهم بأفكاره وتخيلاته .. فكرهم متعلق بالغد ومآ هو مخبأ لهم بو الجمآجم اشغل فكره بها ... بمن سلبة عقله بعزيمتها وقوتها .. بمن واصلت ف ركل حبه ولم تعره اي اهتمام ... بل بمن ادمت قلبه وجرحته بكلمآتها ضآق صدره ضيقا ... واشتعلت انفاسه قهرا هي التي ابعدته عنها .. هي التي وسوست لها بأن تركله كما الكره بين الأرجل حروف اسمهآ تجمعت ف عقله فلفظها من بين شفتيه بكل محبة وقلبه يتمنى العودة اليها والى منبع السعادة والى الحضن الدافئ الســــــــفــــــــــآح آآآآآخ ليت الرقاد يجيني بسرررعه شرات اليازية يآ حيها بسرعه ترقد اكره الرقاد لأنه يرد بي للمآظي ولأهلي ... اخآف افكر بهم واتألم كل مآ تخيلت تعابيير ويووهم وهم كل يوم يشوفون شبريتي ويتأكدون اذا رديت لهم ولا لا .. كنت الولد الوحيد لهم ورحت عنهم أحسها طعنه انغرست ف صدورهم بكل قوة لكن هذا احسن لهم من الهم اللي دايما يفكرون فيني ... يخافون علي ويكدون ويتعبون عشان كم بيزه تعيشني ... خل يفكرون بأعمارهم كآنت امنيتي بس اغيب عنهم سنة وارد وانا حامل وياي بيزات تعيشني شرات جزيرة الكنز سار الولد وغامر عسب اييب لامه بيزات تعيشها وكان هذا قصده ... وسويت شراته لكن شي فرق من بينا هو خذ الكنز واسعد اهله لكن انآ ... أتعستهم فوق التعاسة اللي فيهم حملتهم همومي بغلطة كبييرة صدرت مني وانا ياهل ... وكل ها بسبت غبائي وبسبب خبث راابح ما توقعت اني بحصل واحد ف خبثه لكن استاهل اهلي حذروني من ناس هالزمن وخبثهم كنت اتوقع الكل بريء لكن كل هالأفكار طلعت خيالات واوهآم كنت طالع من بيتنا اجيب اغراض من الدكان كآنت الساعه 12 ف الظهر يومهآ شفت عبدالعزيز اللي هو الشبح يمشي ويا رابح حسيته فرحان ومتشقق من الوناسة اشتغربت لاني اعرفه دآيما زعلان ومتكئب كنت دايم مآ اقرب صوبه لأنه مش من النوع اللي يعيبني ما كان يحب يلعب بس يضارب .... وعصبي لكن هالمره زآد فضولي وعمر الطفوله ساعدني عسب اتعرف عليه ... رحت له كنت اتوقع انه بيشتري لعبه او شي وبعدها بيلعبني وياه ( ابتسامة الم علت وجهه وهو يتذكر الحديث الذي دار بينهما ) الشبح كان مستغرب من تقدمي صوبه وزاد استغرابه يوم رمست وياه السفاح : اسمع شو بتشتري اي لعبة الشبح : اي لعبة ومنو انت ؟ السفاح (بابتسامة بريئة ) : انآ راكان وانت ؟ الشبح برد طفولي : ويو انا اسمي احسن عن اسمك انا عبدالعزيز السفاح (بعصبية طفولية ) : انا اسمي احسن .. ليش تقول كذييه بخبر ابوك ترا الشبح ( بضحكة غريبة ) : هههه اتحداك تخبره السفاح (بتحدي) : زين وذهب ليمسك الرجل الواقف امام الشبح : يا هم ولدك يسبني ويعيب ع اسمي ضحكة قوية انبعثت من فم الشبح ليتبعها حديثه الساخر : يا غبي هذا مو ابوي .. انا ابوي سافر ويا امي وهذا واحد غني قال اذا اشتغلت عنده بيوديني عندهم وبيعطيني فلووس واايد السفاح : انت مآ تقووول الصدق الشبح : والله صدق حتى عمي قال نفس كلامه هو اللي وداني عنده السفاح ( ملتفتا لرابح ) : صدددق كلامه ولا لا رابح ( بقسوة ) : ياربي من ثرثرة اليهال ما يخصصك يلا عبدالعزيز بنروح عبدالعزيز ( مخرجا لسانه ليغتاظ الآخر) : ويوووووووو وذهب اتذكر وقتها ان كبريائي وعنادي ما خلوني اسككت عن مغايظة عبدالعزيز لي .. لحقتهم وتميت اصر ع رابح واترجاه انه يشلني وهو ما صدق خبر ... قلتله عقبها بكل براءة بروح اخبر امي وبرد لكنه قال انه بيتصل عليها اوهمني انه اتصل عليها ووافقت ورحت وياه للموت بعدها بأيام تصادقت انا والشبح كان عمرنا 6 سنين وقتها ... كبرت صداقتنا و كبر وياها ألمنا ... كآنت ساره الوحيده من الموجودين الحين موجوده اول مآ دخلنا كانت العصابه ف ذاك الوقت مكونه من الناس اللي بشرتهم سودا عدانا احنا كنا نحاول ما نحتك فيهم لانهم بالنسبه لنا رعب ككوننا يهال ما نفهم شي لكن هم تفوقو علينا بشجاعتهم وجرأتهم قدروا يتحدون رابح ويشردون منه واللي ما قدر يشررد من رابح قدر يشرد من الدينا كلها بموته من قبل رابح كنا نصييح دم من كثر الالم عدا ساره كانت قوية قلب من يوم هي صغيرة ف يوم من الايام عانينا من اليوع والضرب رحنا لرابح بكل براءة نترجاه يخلينا نرد لأهلنا خلاص ما نبا بيزات ولا قصووور بس نرد لهم لكنه حطمنا بضحكة استهزاء منه .. خدعنا الخبيث بعدها ردينا نصييييح ف هذاك الوقت كان بو الجماجم يدخل للعصابه لاول مره كان اكبر عنا بكم من سنة رحنا له لانه كان ف عيونا ريال مب هو اكبر عنا كنا نصييح عنده ونسحبه من ايده عسب ينقذنا ويظهرنا من العيشه اللي نحن عايشينها لكن كل شي تحطم وكل شي وقف وكل امآلنا واحلامنا تحولت لسراااب بعد ما شفناه يصيح ويانا كان يصيح بألم واحنا شاركنا الصياح كان كل واحد فينا يندب حظه اللي قسى عليييه كنا نصيح ندم والم يتنا ساره وقتها يلست ويانا وطالعتنا بنظرات متكبره ومستهزءة بحالنا واخرتها نطقت وعيبت علينا تمت تقول انا اقوى عنكم واشجع انتو الحريم وانا الريال انا ما اصيح وانتوو تصيحون شرات اليهال بعدها قمنا نتحدى بعض ببراء وقمنا نسولف في هاللحظات وبمساعدة ساره تغيرت حياتنا بالكامل ف نفس الوقت عرضت علينا عرض وهو ساره : تبون تصيرون اقوياء وشجعان غيروا سماءكم وفعلا كل واحد طلعله لقب من شخصيات كرتونيه او القاب كان يسمعها تنقال بين الاولاد قوة علاقتنا نحن الاربع الين مر شهر و ودخلت رحاب ف العصابة كانت قليله كلام وكانت دايما مريضة وتعبانة .. ما كنا نهتم فيها ابد ونتجاهلها لانها ما كانت تسولف ويانا حتى اسمها ماعرفناه الا من الزعيم وبسذاجتنا الطفولية ما حبيناها وما كنا نخبر الزعيم يوم تمرض مرت سنه وعقبها اكتشفنا سر رحاب انصدمنا واااااااايد وحسينا بتأنيب الضمير قمنا نهتم بها اكثر عن نفسنا صح كنا صغار بس عقولنا كانت كبيره وواعية والفضل يعود لرابح بعدها شيئا ف شيئا تغيروو اثنين علينا ساره وبو الجماجم صاروا ما يطيقون بعض دايما يتضاربون ويتكافخون كبرنا وكبرت عقولنا وتفتحنا وعانينا من امرين ظلم رابح وصعوبة العيش كنا لازم نحصل وظائف ثانية تعيشنا وتنقذنا من ظلم رابح ساره صارت قتالة وعمرها 16 سنة اول ما عرفنا بوظيفتها انصدمنا توقعناها تستهبل لكن يوم شفناها مره مساكه كلية صدقناه وما اجذب عليكم ان للحين نخاف منها نخاف تتحول فجأه لذئب وتذبحنا وتاخذ اعضاءنا ارضاء للزعيم انا بو الجماجم صار حريف سرقة وتبعناه انا والشبح لكن علاقتنا بساره وبو الجماجم صارت اقل عن قبل وانقطعت افكاره بدخول النوم الى عينيه | |
| ||
| |
|
02-17-2011, 02:20 PM
| رقم المشاركة : [ 10 ] | |
| عضو جديد | أفنـــــــــــــــنــــآن
__DEFINE_LIKE_SHARE__
ظهرت من عند الشلة المجنونة .. ورحت بعدها صوب ابوي . احنا وهم ف نفس العمارة المتهالكة صدقوني شهر ع الأقل وبطيييح وهذا يفسر طبعا الصداقة اللي بينا دخلت الحجرة اللي ساكنين فيها انا وابوي لقيته نايم بهدوء وحليله كبر ف السن وما حصل السند اللي يوقف وياه ويعينه وانا الصراحة مقصره ف حقه بس هو دوم يقول انتي عن ريااييل بس احسه يجاملني >,< مم بيتنا عباره عن حجرة وحمام .. انسدحت ع بطانيتي العزيزة المهترئة اللي ما توصل قيمتها 5 ريالات ... يلست افكر بحالي و لوين وصل ... مآ اقدر اشتغل ف الفندق بعد طردة المدير لي ومن الله باقي اسبوع وبيخلص الشهر اللي مسموح لنا نشتغل فيه بالفندق وبعدها لازم انا ومنيره ندور ع شغلة ثانية لان الفندق ما يقدر يخلينيا نشتغل عنده اكثر لأن نحن حريم وهذا مخالف لقوانين الدولة الله يستر .. كيف بحصل انا ومنيره شغلة ثانية ... فديييتها منيرووه اشتقت لها صارلي 3 ايام ما شفتها بروح لها باجر خخخ وبالمره بطفر محمود الطباخ يعيبني يوم يعصب أحس اليوم كان ممل وكئيب بالنسبة لي عسب كذييه حاولت قدر الامكان اني اسلي عمري ويا عصابة كابتن رابح .. كانت الامور ماشية اوكيه وقمت استانس لين مآ سمعت منصور شو قال عن رحاب فديتها ما تستاهل ... كنت ادري انها ناشة وتمثل انها راقدة لاني لاحظت حركتها يوم سكرت عيونها بقووة .. وهذا اللي خلاني الاحظ واعرف انها ما تبا تراوينا انها انجرحت من كلام منصور تعكر مزاجي وقتها واايد لكن خليت الامر بالنسبة لي طبيعي وهاي عادتي ما اظهر اللي احس به كثير تراودني تساؤلات عن نفسي لي شانا وابوي عايشين بروحنا وكأننا ورقة مقطوعة من شجرة كبيرة .. وين اهلنآ ؟! وين عمومي وخوالي والامر الاكبر والاهم منوا مي ووينها لو ماتت صدق ليش ابوي يقول ان ماعندي ام ليش ما يقول امج ماتت تعبت وانا افكر ساعات اكره عمري من كثر التفكير المهم خلني اقلب ع قناة ثانية من المخ ساره ... كيف وصلت للعصابة .. حسب كلامها انها اول وحده موجودة وشو سر العداوة بينها وبين بو الجماجم ؟ بو الجماجم وكرهه لساره وكيف وصل شو من اسراار مخبيها عنّا رحاب .. كيف وصلت لهنيه.. كم مره سألتهآ وتقول ماعرف .. ليش بتخبي عني مآ ظيها يا ترى ؟؟ الشبح : عرفت انه يتيم وان عمه باعه بعد وفاة اهله لراابح ... انصدمت يوم سمعت منه هالكلام وانصدمت وحسيت بالشفقة عليه اماا عمه كل ما تذكرته دعيت عليه بالموت والشلل وعدم التوفيق ف حياته السفاح وظهرته من بيته ... يوم حكالي قصته سألته عن بيته كان ف منطقة بعيييده عن المنطقة اللي ساكنين فيها تقريبا بينا وبينها 6 ساعات وف هذاك الوقت كنت اشتغل ويا عيوز وابيع قطع وهذا اللي ساعدني اروح لهم ويوم رحت ما حصلت حد ف البيت سألت وقالولي انهم انتقلو فجأه من فتره بعييييده يوم خبرت السفاح حسيت آماله وامنياته تبخرت كنت اعرف انه يخطط للشرده لكن يوم سمع كلامي كل شي طار ف الهوا تم يحاتيهم شهر خايف عليهم بعدها رضا بالأمر الواقع وعاد لطبيعته منصور واليازية اختطفهم رابح من الحرم .. يا ترى كيف شعور اهلهم الحين ؟ واللي اعرفه انهم اماراتين .. يا ترى اهلهم ردوو للإمآرات ولا يالسيين يدورون عليهم منيرة اختي بالرضاعه الظاهر امها كانت ترضعني .. زين وين امي وقتها ليش ما رظعتني اوووه خل نعود لقناة مخنا اللي تتحدث عن منيرة عايلتها مكونة من ام كبيرة واللي هي امي خخخ بس هاي ما تتحملني وكل ما تشوفني تقول ليتني ما رظعتج خخ بس ساعات احسها امي من حنانها علي وعندها اخوين ما منهم فايدة دايما سكرانين وهي الثالثة وابوها متوفي انقطع تفكيرها بعد ان داهمها النعاس نآم كل منهم وعقله يعود به لذكريات اليمه وتوقعات وافترظات وتساؤلات هو يسأل اين هم والآخر كيف يعيشون والأخرى متى اموت والأيرة من اكون والبقية متشبثون بالأمل \ \ في مكان تنسى فيه النفس اوجاعها وشهواتها وتغرق في بحر دموعها ندما وطلباً للمغغفرة انتهى من اداء صلاة الفجر وأخذ يردد اذكار الصبح ليستفتح بها يومه 1- أَصْـبَحْنا وَأَصْـبَحَ المُـلْكُ لله وَالحَمدُ لله ، لا إلهَ إلاّ اللّهُ وَحدَهُ لا شَريكَ لهُ، لهُ المُـلكُ ولهُ الحَمْـد، وهُوَ على كلّ شَيءٍ قدير ، رَبِّ أسْـأَلُـكَ خَـيرَ ما في هـذا اليوم وَخَـيرَ ما بَعْـدَه ، وَأَعـوذُ بِكَ مِنْ شَـرِّ هـذا اليوم وَشَرِّ ما بَعْـدَه، رَبِّ أَعـوذُبِكَ مِنَ الْكَسَـلِ وَسـوءِ الْكِـبَر ، رَبِّ أَعـوذُبِكَ مِنْ عَـذابٍ في النّـارِ وَعَـذابٍ في القَـبْر. [مسلم 4/2088] 2- اللّهُـمَّ بِكَ أَصْـبَحْنا وَبِكَ أَمْسَـينا ، وَبِكَ نَحْـيا وَبِكَ نَمُـوتُ وَإِلَـيْكَ النُّـشُور. [الترمذي 5/466] 3- اللّهـمَّ أَنْتَ رَبِّـي لا إلهَ إلاّ أَنْتَ ، خَلَقْتَنـي وَأَنا عَبْـدُك ، وَأَنا عَلـى عَهْـدِكَ وَوَعْـدِكَ ما اسْتَـطَعْـت ، أَعـوذُبِكَ مِنْ شَـرِّ ما صَنَـعْت ، أَبـوءُ لَـكَ بِنِعْـمَتِـكَ عَلَـيَّ وَأَبـوءُ بِذَنْـبي فَاغْفـِرْ لي فَإِنَّـهُ لا يَغْـفِرُ الذُّنـوبَ إِلاّ أَنْتَ . [البخاري 7/150] 4- اللّهُـمَّ إِنِّـي أَصْبَـحْتُ أَُشْـهِدُك ، وَأُشْـهِدُ حَمَلَـةَ عَـرْشِـك ، وَمَلائِكَتِك ، وَجَمـيعَ خَلْـقِك ، أَنَّـكَ أَنْـتَ اللهُ لا إلهَ إلاّ أَنْـتَ وَحْـدَكَ لا شَريكَ لَـك ، وَأَنَّ ُ مُحَمّـداً عَبْـدُكَ وَرَسـولُـك .(أربع مرات ) [أبو داود 4/317] 5- اللّهُـمَّ ما أَصْبَـَحَ بي مِـنْ نِعْـمَةٍ أَو بِأَحَـدٍ مِـنْ خَلْـقِك ، فَمِـنْكَ وَحْـدَكَ لا شريكَ لَـك ، فَلَـكَ الْحَمْـدُ وَلَـكَ الشُّكْـر . [أبو داود 4/318] نهض بعدها متوجها لغرفته في الفندق وافكاره تعود به الى عائلته اشتاق اليهم بصدق فهو متعلق بهم الى حد الثمالة واليوم سيصل رفاقه وبعدها يعتمرون ويرجع الى بلاده بين اهله واحبته فــــــــــــــــــــآرس كنت راد من صلاة الفجر في الحرم الله يا هو شعور راحة كبير تحس به رحت لحجرتي ف الفندق .. لاحظت وحده تنظف حجرتي واول ما دخلت خافت وارتبكت توقعتها العاملة افنان بس لا هذييك مآ تخاف عيل منو هااي انا مستغرب من هالفندق كيف يوظف عاملات وطبعا بما اني انسان فظولي درجة اولى تجرأت وسألتها .. فارس : عفوا اختييه ليشه الفندق يسمح للحريم يشتغلون عكس الفنادق الثانية منيرة (باحتشام) : والله في ثنتين يشتغلت ف هالفندق بس حتى مش اساسيات بس مؤقت اليين يوصلون الإثنين المتأخرين واصلا باقي اسبوع وتخلص مدة عملنا أهآ اهآ الحيين فهمت السالفة .. قعدت اظحك ف خاطري على ارتباكها حسيتها خايفه اني اسوي بها شي .. ف هاللحظة تذكرت رحاب ع طول وتذكرت كيف كانت خايفة ... كل ما اتذكر كيف مسكتها بإيدي وغرست راسها ف صدري احس بشعووور غريب حسيت انها اوووووه بس بس صح هي قالت انهم ثنتين اللي يشتغلت هنيه واكيد انها تعرف افنان فارس : ادري اني مزعج بس ممكن اسألج وين افنان ,, العاملة الثانية منيرة : آسفة اسرار العمل المفروض ما اطلعها كآنت سترحل الا انه اوقفها بسؤاله فارس : زين تعرفين رحاب حسيتها انصدمت من سؤالي وكيف عرفت رحاب منيرة : لا يكون انت اللي ساعدتها ذاك اليوم فارس : هيه علييج نور زين ممكن اسئلج وين افنان وشحال رحاب ؟ منيرة : مممم افنان خلاص ما بتشتغل هنيييه ورحاب بخير ما عليها باس فارس: والله والله آخر سؤال بس مم رحاب عندها مشكلة او شي من هالقبيل يعني ليش هي دايما ساكته منيره بعصبية غير مقنعة : افففف ما يخصك ورحاب مآ تحب تتكلم بس ولا هي بخيير وصحتها احسن عنك ورحلت اففف بلاها هالبنت عصبت فجأه ما تختلف عن ربيعتها ابد بس كنت بسألها عسب اعرف اذا شكوكي اللي نحو رحاب صح ولا لا افف شكل ربي مب كاتب لي اعرف ... امآ بالنسبة لأفنان فمتأكد انها اننطردت ولا شو سر عصبيتها ذاك اليوم خخخخ اتذكر يوم كنا بنروح فيها بسبتها ساعتها نزلت من السيارة وانا معصب حدي واللي زاد عصبيتي انها يلست تسبني وتلعني وتعلن اهلي ومش حاسه بعمرها واذكر بعد انها كانت تسب مدير الفندق بعد خخخ اتوقع ها كله من خوفها ساعتها ما حصلت حل الا اني اعطيها كف عسب اردها للواقع وعسب ابرد حرتي وخوفي بعد ادري اني كنت حقير بس تستاهل كل شي عندي ولا اللعن وتطويل اللسان :p بس بيني وبينكم عليها عيون ذباحه ماشاءالله ورمشها مآ شاءالله ورحاب ملامحها جنااااان اففف استغفرالله انا ياي اعتمر واكفر عن ذونبي مب اطالع ف بنات خلق الله ناظرت ساعتي باقي ساعتين وبييني واحد تعرفت عليه قريب اسمه خالد ماشاءالله عليه ملتزم وطيب بس كلامه قلييييل المهم اتعرفت عليه وعرفنا بعض واليوم تواعدت انا وياه نسير محاظرة بيسويها واحد من الشيوخ المطاوعه وان شاءالله استفيد منها الحين برقد شوي وبعدها بسير =) خلص البارت | |
| ||
| |
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جديــٍد\\فِـي دنْيتِك آنا وأتْمنى تقْبلـنيٍ.. | !!فآرِسْ آحلآمـيْ!! | تراحيب وتهاني | 5 | 06-27-2010 09:20 AM |
| { مـِِـوت فِـي غيضِـكِـ .. × أحِـمد الكـٍيبالِـي × | شيطونة الـ ع ـين | نغمــات للهــواتف | 5 | 11-29-2009 12:55 AM |
| .+[فِـي ظِلـآلِ آيَةٌ ]+. | ToX!c | الإسلام والشريعة | 34 | 09-26-2009 04:53 AM |
| { يــآ طـِـِير وضبـِـِتك بتدريـِـِب .. ابغ ـِـي اصـِـِاوع بكـِـ هـِـدادي .. ~ | CRAS7 | التراث والحضارة | 6 | 12-13-2008 07:31 PM |
الساعة الآن 01:56 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227