وطتّ رجليّ علىً دربه و لآآإ آإدريّ وشّ نؤوى فيني .! - الصفحة 133

3ashegat. · 04-27-2011, 09:16 PM

حراااااااااااام ليش تاخرتي؟؟؟ __DEFINE_LIKE_SHARE__

¦ أستـآيلْ بدۈيـﮧ « · 04-28-2011, 01:15 AM

مرحبـآ مليوووون ضحححيووة . . ’
ششحـآلج آلغآلية . . عسسآج بخير وسهآلـة . . ؟

يآ سسلآمـي ع البـآاارت الغآااوؤوي
مححــلآة سسيفٌ ومهــور :$
مششكلة يتحدون ولآ يقدرون يستغنوون عن بعضض
بس العنـآاااد مششكلـة هـأآأإعُ
منصصصِـور إن شاء الله بيأخذ سلآمِـة (=
لييش مآ تطريين نـآصصَـر نبأ نعرف أخبآرة ف الغربـة ><"

يعطيــج ربي العافيــة الغنـآأآة وخذ رآححتــَـج
ونحـن فـ أنتظــآرج . . ربي يوفقــج ويسهل عليَج (=
(f)
__DEFINE_LIKE_SHARE__

شموع عمري · 04-28-2011, 03:25 PM

تسلمين على الباااااااارت روووعه

خذي راحتج ماعليج من كلام حد

كلنا مقدرين ظروفج __DEFINE_LIKE_SHARE__

دلوعة خدامتنا · 04-28-2011, 04:56 PM

البارت ولا اورع
!!!woooooooooooooow __DEFINE_LIKE_SHARE__

«ضَحِيًة حِبُيًبُيً ..}● · 04-28-2011, 05:18 PM

.

البارت الـ 62
روضة : ها راح ؟
مهره : هيه راح . .
روضة : الاوضاع حلووه ماشاء الله . .
مهره تبتسم : الحمدلله
عذاري تنزل من فوق : مممممممممهوور . . اختااااااااه
مهره تسير صوبها : عيون اختااااااه . .
ويتحاظنون
عذاري تشوف شعرها : شو هالزيين له له له شو هالحركات اختاه خفي علينا . . " تغني " اشقر على اشقررر . .
مهره : ههههههههه حلو يعني ؟
عذاري : قمممممممر طالعه يخرب بيت الجمال . .
مهره تقرص خدها : عدلي الرمسه انتي بعد . . هاه شوه الدراسه ؟
عذاري : ااااااااه يالدراسه . . فديت الدراسه والله يعلها ما تخلصصص . .
مهره تطالع روضه . .
عذاري : فديت الدراسه والي اخترع الدراسه والي سسسماها دراسه بعد . .
مهره : يا مغير الاحوال . .
عذاري : عيل وينه سيفو ؟
مهره : سار بيرقد بيت عموه
عذاري : فكه
مهره : حرام عليج لا تقولين جي عن ريلي
عذاري : الله والريل
روضة : لا مصطلب حرام عليج ومستوي جنتل ورومانتك وحركاتيشن فاتج
عذاري : حلفي .. يالله اممموت ع الرومانتك عاد انا . .
مهره تبتسم : الله يرزقج بالريل الرومانتك ان شاء الله
عذاري تذكر سلطان : ماظن فيه ذره رومانسيه " تاشر ع ويهها " مالت . .
روضة : ليش حد ف بالج شووو ؟
عذاري: الواحد ما يحلم يعني . .
منصور دش : بلى احلمي انتي واحلامج . . واهم شي تعرفييين انها احلام . .
عذاري تطالع منصور : يا خسسيس انت بالذات لا تقول جي " تطالع بعين ترجي " معقوله بيكون حلم . . الله يخليك قول لا . .
مهره مستغربه وتطالع روضة الي ميته من الضحك . .
منصور : ألا حلم وستين حلم بعد
سارت عذاري صوبه ومسكت ايده وسوت نفس الافلام ونزلت ع الارض : يعني ما بي اليوم الي بيسويلي هالحركه ويقولي هل تقبلين بي زوجاّ
منصور ميود ضحكته : لا يختي . .قومي من احلامج قومي
عذاري تقوم وبجدية تطالعه : انزين ليش يعني . .
منصور : نصيبج عاد
عذاري : هااه روحك قلت نصيب يعني يمكن يستوي انته شعرفك
منصور يطالع فوق : اذا الله راد
عذاري : انت ليش تحبطني ياخي
منصور : انتي ايه "يضرب راسها " كبري راسسج وسيري درسي يلا اشوف . . اوه صح انا ياي ابا كتابج
عذاري فاجه عينها وتطالعه : يبا كتابي
منصور : والله بصفعج لو ما اصطلبتي
عذاري تحط ايدها ع حلجها
منصور : يالله سيري فايتنه درس ومش حال شي يبا ينقل
ماردت عليه وسارت فوق طيران وردت تحت وهيه تشهق : اندؤك
منصور : خلصتي انتي
عذاري : لا . . لا يطول فيه عاااد
منصور يبتسم : انزين . .
وتنش مهره وتسلم عليه . .وسار عنهم
مهره تمسك عذاري من جتفها وتسحبها صوب روضة : مابهدج لين تنطقين شسالفه !
عذاري تتنهد بعذاب : السسسالفه ومافيها . . " وسكتت"
روضة : رممممممسي
عذاري عاقده حياتها : نعم انتو شو تبون . . انا وراي دراسسه . . يوم بيخلص من الكتاب خل ييبه لي فوق . .
وشردت عنهم عسبت ماترمس وتقول شي . .
.
.
.
الصوب الثاني
سلطان يشوف الكتاب وميت ضحك . . كله اشعار واغاني وسوالف ع الكتاب حش وسب . . شاف رقم عليه وحس بفضول واستغل انه منصور رقد ع الغنفه واتصل ! وسمع صوت واحد وبند قال انه مغلط . .
سلطان بقهر : مالت عليج بس . . " كتب لها ع الرقم " ( حلو صوته ع فكره )
وسكر الكتاب بقوة من غير ما ينقل شي واعتمد ع نفسه عشان يحل . . دق منصور عشان يرد الكتاب لاخته وتدرس وطرش منصور الخدامه عشان ترد الكتاب و رد رقد
عذاري مسكت الكتاب وحظنته : انا شو الي قاعد يصير فيني . . واي واي فديت ريحته " تشم الكتاب " فيه ريحه ولا هاي انا تخبلت ؟ انا لازم اذذذاكر ما بفلح لو تميت جي . .
فتحت الكتاب وتمت تنبش فيه . . لفت انتباهها خط غريب بلون احمممر ! قرت المكتوب واتخبلت . .
<< ويييين الفون لازم ارمسسسسسس حصيص . . فهمممممممممممني غلط . .
كانت شوي وبتصيييح
تمت ادور فونها اهني واهناك وما حصلت ماتت من الخوووووووووف وهيه تذكر انها اليوم متصوره بفستاااان . . ما خلت مكان ما دورت فيه ونزلت تحت ادور وما حصلته !!!
لبست لها شيله بيضا وتمت ادور فالحوش . .
عذاري : اكيد نسيته ف سيارة الدريول !! اكييد
ف الصوب الثاني سلطان كان فالسيارة وشافها وهيه تحوس فالجوش وعرف انها ادور فونها . . مسك الفون وشاف 6 مس كول من غلاي ! ابتسم باستهزاء وفتح المسج ب فضول وكان (( انتي وينج يالسحليه ؟؟؟؟ كلميني على طول ؟ ليكون تهورتي ويا حبيب القلب . . عنلاتج من ابنيه والله اني خايفه )) والمسج الثاني (( ها سلطان ما سوا فينا خير !!! )) انقرص قلبه وحس بعمره يرجف يوم قرا هالرمسه . . فتح الاستيديو بفضول اكثر وخذا نظرة ع الصور وماصدق عينه !
>> صدق يوم قالت ربيعتها سحليه . . هالسحليه تكون بهالجمال !
عقب ما خلص من الصور رد قرا المسجات بخطفة سريعه بس الي مطرشة من حصيص الي كانت اغلب السوالف عنه هوه ! اتصل لعمره رنه وسيف رقمها ..
ابتسم من قلب ونزل من السيارة وهو يحاول يقبض احساسه : هكو ف ايدي
عذاري من شافته اتصنمت ..
سلطان عاقد حياته . . : شفيج ؟ ماشفت الفستان الاحمر لا تحاتين
حط ايده ع يبهته وغمض عينه وفخاطره يقول " ششيت . ."
عذاري : شووووووو . .نبشششت تيلفوني يعني
سلطان : هيه نبششته " يبلع ريجه "
من شاف مسجات حصيص عنه عرف ان الرقم الي ف كتابها سوء فهم والسالفه فيها شي . . بس حب يغصصص فيها ..
سلطان : كنتي اشوف مسجات حبيب القلب . .
عذاري عقدت حياتها وسحبت فونها بعصبيه : كنت اتمنى اشوفك عشان اشرحلك الموقف لكن طز الحين . . صدق انك سخيف " تحط عينها ف عينه " ماتوقعتك جيه . . حششم ان تلفون بنيه وعيب تنبش فيه . .
وراحت وهيه مقهوره . .
سلطان : لحظة ! " باستغراب " وين رايحه . .
لكن هيه كانت مروحه ولا سوت له اعتبار . .!
سلطان بلع ريجه بضيج ماتوقع هالشي يصير ابد !ولا توقع ردت فعلها تكون جيه . !!! كل الي سواه ركب السيارة وراح . . دخل البيت ومثل العاده ابوه وحرمت ابوه يضاربون !
سلطان الوحيد الي عايش ويا ابوه . . عنده اخو اكبر عنه معرس . . وعنده اخت اصغر عنه ومعرسه . . امه وابوه منفصلين وهو عاش ويا ابوه الي يتزوج حرمه ورى حرمه ! وما يخلص من المشاكل .. هالسبب الي يخليه يدرس ف بيت منصور اليي اقترح عليه الفكره لانه اقرب ربيع له ويعرف مشاكله والبلاوي الي يمر فيها . . صعد فوق بضيج يبا يكممل دراسه بس ما يقدر . . يذكر المسجات و كيف عذاري توصف حبه . .
سلطان يتنهد : ااه منج يا عذور . . انا وين والحب وين . . مابا ارد احب . . مول مش وقت الحب الحين مووول . .
مسك تلفونه وطرشلها مسج فاضي . . ردت عليه بتعجب . .
سلطان طرش لها ( شقاعده تسوين )
استغربت وردت ع المسج ( منو انتي )
سلطان ( وحده نبشت فونج بدافع الفضول . . والحين ضميرها يئنبها وماقادره تكمل دراسه وانتي السبب . . تبيني ارسب يعني ؟ )
عذاري بلعت ريجها وسارت قفلت باب الغرفه وتمت تقرا المسج مره ومرتين وثلاث . .
سلطان ( بتحرقين قلبي وما بتردين ؟ )

عذاري : سسسسسلامت قلبك . . " تعقد حياتها " احسن على سواتك تستاهل . . !!
ماردت ع المسج !
سلطان دق . . احتارت ترد ولا ماترد لكن اخر شي ردت !
سلطان : مساء الخير . .
عذاري : اخلص
سلطان ابتسم : بل
عذاري : شو قول يالله
سلطان : هيييه يالدنيا . . البارحه انتي الي تبين رضايه والحين انا اخلص ؟
عذاري : ما يبين فعينك شي
سلطان : وشدراج ما يبين في عيني . . يمكن ما ابين . . يمكن ماباج تحسين
عذاري وهيه تفكر . .
سلطان ينسدح ع السرير : معايه ؟
عذاري تتنهد وتنسدح ع السرير : ليش داق ؟
سلطان : متصصل اتاسف . .
عذاري: واذا ما قبلت اسفك ؟
سلطان : ببند فويهج بعد شو . . احمدي ربج بعد
عذاري تبتسم . .
سلطان حس انها ابتسمت وابتسم . .
هدووووء بسيط . .

عذاري: خلصت دراسه ؟
سلطان : وانتي الي يفكر فيج يقدر يدرس
عذاري بلهفه : كنت تفكر فيني ؟
سلطان بتردد : آآآ . . اقصد افكر بالغلطه الي سويتها وما احب حد يشل ويزعل علي
عذاري باحباط : ايوا . .
سلطان : وانتي خلصتي ؟
عذاري: لا بعدني . .
سلطان : كنتي تفكرين فيني
عذاري : لا طبعا !!!
سلطان يبتسم . .
عذاري تتنهد وتغمض عينها . .
سلطان : شو بلاج ؟
عذاري تفتح عينها : ماعرف . .
سلطان : ممم . .
عذاري : يالله قوم خلص دراسه . .
سلطان : وانتي ؟
عذاري: انا بعد لازم اخلص . . اختي عندنا وابا اقعد معاها
سلطان : وين واصله ؟
عذاري : باقيلي اخر اربع وحدات . .
سلطان يبتسم : يالله شدي الهمه عشان توصلين لي . . انا باقيلي وحدتين .
عذاري : انزيين . .
سلطان : آآآ . . عيل خلاص بخليج . .
عذاري : ممم اوكي . . " شفيني صايره ذربة بزياده "
سلطان : عذاري ؟
عذاري وقلبها يدق . . غمضت عينها وفخاطرها " عيووونها " : هلا
سلطان : انتي حاسه احنا شقاعدين نسوي ؟ انتي اخت اغلى ربيع عندي . . انتي اخت واحد عطاني ثقه ودخلني بيته وأمني بلي فيه
عذاري تبلع ريجها . .
سلطان : ماراح ارد اتصل . . وبمسح رقمج . . اوكي ؟
عذاري باندفاع : عقب الامتحانات !! مش الحين . . الله يخليييك
سلطان : ليششش
عذاري :انت بتعطيني دافع . . بقدر ادرس وآكل الكتب آكآآآآل . . ولا اتم اترياك ع الدريشه واترقب متى اشوووفك . .
سلطان : تتريني ع الدريشه عذري ! " يبتسم " يّ حظي . .
عذاري غطت ويهها باللحاف . .
سلطان مبتسم : موافق . . لين اخر يوم امتحانات . .
عذاري تبتسم : اوكي . .
سلطان : درسي عدل . .
عذاري : وانت بعد . .
سلطان مبتسم : ان شاء الله .. يالله فمان الله
عذاري : مع السلامه
بندت وخشت راسها فالمخده وهيه تتتتتفداه . .
.
.
.
سيف : ومحمد خوش ريال ونتشرف بنسبه . .
عنود : على كيفكم انتو شووووووووو
بو خالد : عنووووود !
عنود منزله راسها : بس مابا اتزوجه . . ع الاقل مش الحين
بو خالد : بتتزوجينه . . ماشي كلمة ثانية . .
حمد : ابويه لا تغصبها . .
بو خالد : انا اعرف مصلحتها وين
حمد : محمد اخوي واقرب واحد لي . . لكن مش معناته اني اغصب اختي عليه . .
سلامه : ابويه من متى انت تغصب بناتك ع شي ما يبوووونه ؟
ام خالد تطالع سلامه عشان تسكت . . .
سيف : انا ويا ابويه . . عنود ما بتحصل واحد زين مثل ولد عمها .. وبعدين امبين عليه انج فخاطره وبيشلج ف عيونه . . وانا فكرة انه يعيش عندكم مش عايبتني وبنات ف البيت . . بنقول سلامه ما تطلع وايد من الغرفه . . لكن انتي !!!ادريبج ما تقرين ف مكان . . من فوق لين تحت ومن تحت لين الزراعه ومن الزراعه لين الحوش . .
ام خالد : وانتي تشكيتي لي ماترومين تلبسين ع راحتج ولاعت جبدج من الشيله . . بتفتكين من هالشي وبتاخذين رااااحتج . . " بهداوة " يا بنيتي ما تثقين ف ابوج ؟ ابوج يعرف مصلحتج
سلامه : ومتى تبونها تتزوج ؟
بو خالد : اقرب وقت . .
سيف : صح كلامه . . عقب 4 شهور كـ حد اقصى
حمد : ابويه بس محمد بعده . . حتى المهر ما ولفه . .
بو خالد : هو مخبرني انه عنده 500 ألف ف حسابه . . منها للمهر وتكاليف العرس وكل شي
ام خالد : نسيت انه الولد الوحيد . . وعمك مزهب له كل شي ومش مخلي عليه قصيره
حمد يطالع عنود : قولي الي ف خاطرج
عنود تتنهد : موافقه ببس ع شرط .. .
سيف : الي هو ؟
عنود : لا عرس ولا شي . . فالمحكمه وبس . . " تنزل راسها " عشان خالد الله يرحمه
سيف يبتسم : ونعم الشرط . .
ام خالد : الله يكتب لج الي فيه الخير يا بنيتي . . والله محمد ريال والنعم فييه . . مسوي لنا حس فالبيت بعد ما كان البيت ميييت . .
حمد يتنهد : اهم شي راحتج اختي . . وانا ما باج تنغصبين . . "يمسك ايدها " صلي استخارة اليوم وخذي لج اسبوع . . كل يوم صلي وخبريني شو بيصير . . " يكلم ابوه " طبعا ما بتمانع
بو خالد : خلاص تم . .
حمد : ومحد بيرد على محمد لين الاسبوع الياي . . " يبتسم " زين ؟
عنود تحظن حمد واستغبنت . . اما سلامه ما حبت الفكرة كلها !! واتضايقت لان خالد جريب متوفي . . ليش مستعيلين جيه . . لكن ما قالت شي . .
.
.
.

مهره تتصل ف سيف وتذكرت الاتفاق . . وعلى طول وصلها مسج
" هااه تنسحبين "
مهره تبتسم " لا "
" مالت عيل "
" وحشتني والله "
" وانتي اكثر . . وينج ؟ "
" فالصاله يالسه ويا روضة ومامااا . . وانت وين"
" يالسين كلنا . . كنا نرمس عنود لان محمد تقدملها اليوم وكلم ابوي انه يباها "
" وووووووووالله ؟ عيل ما خبرتني "
" توها السالفه "
" فديتها . .وشو قالت "
" موافقه "
" اكيييد ولا "
" قنعناها بكلامنا "
" ممم "
" احبج "
ابتسمت " وانا بعد "
" يالله حبيبي بروح اخذ لي قيلوله "
" سبحان الله توني يايه اقولك نفس الشي "
" خلي عنج "
" كييييييفك لا تصدق "
ابتسم " نامي نامي "
" وانت بعد نام "
10 دقايق وطرش لها
" رقدتي ؟ "
لكنها ماردت عليه لانها رقدت . . تم يتجلب ويتجلب بس ما ياه رقاد . . تم يفكر ب ميثا . . وبكل الي صار . . اتصل فالمستشفى وخبروه انه صحتها بدت تتحسن . .
" هييه رقدت . . انت ليش ما رقدت ؟ "
سيف : آآآه . . ييييتي ف وقتج ودق . .
مهره بصوت مليان رقاد : ألوو
سيف يغمض عينه : فديت هالحس . .
مهره مبتسمه : ليش مارقدت ؟
سيف : ممماعرف . . ضيجان شويه . . ما يستوي اشوفج الحين ؟
مهره مبتسمه : لا ما يستوي . . نسيت الاتفاق ؟ الا اذا انت بتنسحب . .
سيف : بندي بدقلج فيديو كول
مهره عاقده حياتها : لااء مابي . .
سيف : والله بدق وبتردين . .
بند ودقالها وردت عليه وتمو يتشافون وساكتين بس يضحكون
سيف : ههههههههههههههههه
مهره : زين جي رديييتنا مراهقين . . شو هالحركات هههههههههههههههه
سيف يبتسم : فديت الاششقر . .
مسك الفون من الشاشه كان يبي يخوز قصتها من ع ويهها ما حس بروحه وضحك وضحكت وراه
سيف : نسيت انه فالتلفون . . ابا اشووووووفج لايف الحيييين
مهره تاشر له بصبعها : نووو . .
سيف : ماعليه . . بطلعه منن عيونج وقسم
مهره : اصلا كفايا عطيتك ويه ورديت ع الفون
سيف : اوكي ياحماره . . بندي بندي
مهره مبتسمه : احببك . .
وبندت بسرعه . . دق مره ثانيه بس ماردت . .
" انزين ماعليه بتشوفين "
" خبرني . . بترد ترقد ؟
" جب مالج خص "
انقهر وحط الفون سايلنت ورقد وهيه تمت تتريا المسج لين مارقدت !
.
.
.

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM