وطتّ رجليّ علىً دربه و لآآإ آإدريّ وشّ نؤوى فيني .! - الصفحة 134

~صوتكــ نعيمــ~ · 04-28-2011, 05:55 PM

يالبيييييييييييييييييييييييييييييييييييييييييييييي يييييييييييه في ذمتي أن الويكند مايحلا ألا بقصتش ياضحيه .. نتريااش خذي راحتش ولاتسمعين رمست الباااقي الي بيترياش بيترياش لين أخر العام عادي .. __DEFINE_LIKE_SHARE__

»«t5lêēny · 04-28-2011, 06:33 PM

الـــــبــــارت طررر
ثاني باركن ولي الشرف
مشكوووووره ضحيوو

في انتظاارج __DEFINE_LIKE_SHARE__

ṡakḙᴙa ᵐᵑ ḁḹ5ạ6ʀ · 04-28-2011, 07:40 PM

حبتيييييييييييييييييييييييين ,,

ويتنج حبيبتي ,, __DEFINE_LIKE_SHARE__

Ŀάмάя · 04-28-2011, 09:17 PM

ههههههههههه والله كشخه سيف ومهره حبايب قلبي .. ونااااسه

رووووووووعه البارتين .. حبيتهم وايد .. يعطيج العافيه

بس شو سالفة سلطان .. شكله حب من قبل وما فلح

لا اطولين .. باجر نزلي بارت __DEFINE_LIKE_SHARE__

«ضَحِيًة حِبُيًبُيً ..}● · 04-28-2011, 10:28 PM

.
.
البارت الـ 63
الله اكبر الله اكبر . .
عنود تثاوب : خل اقوم اصلي عقب انام . .
صلت عنود صلاه الظهر ونزلت تحت . . ما شافت حد موجود غير محمد قاعد ع الغنفه ويكح بالحييييل ومعرق ركضت صوبه عنود وهيه تطالع ويهه . .
عنود : شووه فيييييك حمود ؟؟؟
قام محمد وقعدته عنود : لا تتتتتتتحرك ارتاااح . .
ركضت يابت له ماي . . محمد ما راضي ياخذ شي . .
عنود دمعتها فعينها : شفيييك . . الله يخليك خبرني
محمد بصوت متقطع يكح ويتكلم : هـآتي د. .. و . . .آ . . .ي ., . حذال . . ال . . س..ر ..يير
سارت عنود الملحق وشافت بخاخ بنفس المكان الي هو قاله . . شلته بسرعه وردت داخل عطته اياه . . خذاه وعقب غمض عينه . . وخفت كحته
عنود تعض ع شفايفها : شوه ياك ؟ ليش جي
محمد يبتسم : ياويلي ياويلي . . يخافون علي
عنود : دخيلك ارمس . . شصارلك
محمد ينزل راسه : ولا شي . .
عنود : تكلمممممم
محمد يطالعها : فيني الربو . .
عنود تمت تطالعه ماتحركت من مكانها . .
محمد يسحبها من ايدها ويخليها تقعد ع الغنفه : ايييه ياويلج لو خبرتي حد هاه . . بذبح روحي وما باخذ الدوا ترى
عنود ساكته . . ونزلت دمعه حارة من عينها . .
محمد يطالعها : شوفييج . . " يقرص خدها " انا بخيير ما فيني شي " يمسح دمعتها بظهر ايده " يالله عاد ما تسوى هالدموع تنزل على كحه
عنود : ليش ما قلت قبل
محمد يبتسم : متى قبل .. انتي تعطين حد ويه ؟
عنود : منو يعرف
محمد : حمد اخوج بس
عنود تمسك ايده تقومه : قوم بنسير المستشفى
محمد يقاومها : لييييش مستشفى . . شوفيني خلاص انا بخير الحين
عنود : بعد خل نسير نطمن اكثر
محمد يبتسم : لا تتخبلين . . خلاص من اخذ البخاخ اصير زييين . . بس اليوم اهملت الدوا عششان جي تعبت . .
عنود ترد تقعد وتمسك جتفه : الله يخليك لا تهممل دواك
محمد يصد بعيد : بهمل . .
عنود بعصبيه : حمود مش وقت مصخرررررتك
محمد فاج عينه : وابويه . . ياهل انا . .
عنود : هيه ياهل لانك ماتعرف مصلحتك . .
محمد : اع ـرف اعرف لاتحاتين . . " يغمز لها " هااا يقولون العروس وافقت
عنود تضربه ع جتفه بحيا : حيووان . .
محمد : هههههههههههههه . . ماتوقعت والله
عنود عاقده حياتها : مغصوبه اصلا انا
محمد : سيري سيري دقي راسج باليدار . . قالت مغصوبه . . ياهل انتي عشان يغصبونج
عنود تبتسم : كيفك لاتصدق
محمد بخبث : اعرف اني هايمه فيني اصلا بس ما تعترفين
عنود : ممممممممممما يحتاي . . المهم . . عندي طلب
محمد : اخييه . . هاي بعدها ماصارت حرمتي وقامت تتطلب . . قولي شعندج . .
عنود : ابيك تروح معاي المستشفى
محمد : وليش انتي ماتروحين معاي
عنود تضربه ع جتفه : عن السسسسسسسخافه
محمد يبتسم : يا بنت الناس مافيني شي والله . . شوفيني جدامج حصصصان . .
عنود : انا قلت طلب انزين
محمد يتنهد : يالله انزين . . " يطالعها بنص عين " لحظه كيف يعني تروح معاي ؟
عنود : يعني بنسير ويالدريول
محمد عاقد حياته : طاع ويهج انتي بس . . شحقه ان ششاء الله دريول . . انا اروم اسوق . . يالسه تهييينيني تراج . .
عنود : لاااالالا الدريول يودينا احسسسسن عشان ما تتعب انت فجاه
محمد : هاا شرطي . . تبيني اروح خليني اسسسوق واسير بكرامتي بسيارتي
عنود : اف . .
محمد ييلس : اصلا انا ابيها من الله . . ماروم اتحرك . .
عنود تقومه : خلاص خلاص موافقه . .
محمد يبتسم : يا حييج . . انا يوم باخذج كله بلعب وياج لعبه الاحتيال . . اعرف كيف اييب راسج الحين
عنود بنص عين : جب جب . . بسير البس عباتي وبرد . .
محمد : اذا طولتي والله بروح عنج . .
عنود : انزيييييييين . .
طلع محمد برا . . وسارت عنود تلبس عباتها . . شوي ونزلت ودخلت غرفه امها . . كانت امها راقده وابوها محد . .
ام خالد : شفيج يمه ؟
عنود : بودي محمد المستشفى . .
ام خالد تحط ايدها ع قلبها : شفيه
عنود : مايروم يتنفس عدل . . ومعاند مايبي يروح . .
ام خالد : خلي حد من اخوانج يوديه
عنود : حمد محد وسيفوه راقد !!
ام خالد : ما يستوي يا اميه تسيرون رواحكم
عنود : يمه انتي ما تبيني اعرس وانا مرتاحه ؟ خليني اكتشف الريال قبل العرس بمكن ارتاحله . . ان خليتوني جي والله بخبل فيه . .
ام خالد تتنهد وشلت التلفون واستاذنت من بو خالد الي ما عارض ابد .
.
.
.

منصور : انت وييين يالهرم ؟ كيف شردت هااه ؟
سلطان يتنهد : فالبيت
منصور : شفيك تتنهد
سلطان : ابويه طلق حرمته السادسة مادري السابعه . .
منصور : افا . . اسميه ابووووووك حركات
سلطان : انا رمست واحد يدور لي شقه . . ماقدر اتم فالبيت اكثر . . يا ريال نفسيتي تعبت . .
منصور : سلطون وششعنه ماخبرتني؟ انا عندي شقه . . انا وناصر دوم كنا مطيحين فيها ويالربع . . والشقه فاضيه من سافر ناصر. . .
سلطان : والله ؟
منصور : هيه والله . .! اتصل واستسمح من الريال ومرني اليوم وبعطيك المفتاح
سلطان : انا ماعرف بدونك شو حياتي
منصور يبتسم : حبيبي انت . .
سلطان : يالله عيل بممرك الحين بنسير ناخذ لنا كرك ع حسابك وعقب برد ادرس
منصور : ع حسابي عاد . . اسف
سلطان : اعنبوه الزط . . الا درهم الكرك . .
منصور : هيه بدينا بالاستغلال . . اليوم درهم باجر عششر . . عقب انهبني وانهب المعاشش
سلطان : ههههههههههههههه امففف عليك . . هاي شيم الريياييل عيل هاه . .
منصور : يالله يالله مرني عن اغير راييي . .
سلطان : اوكي . . يالله حبيبي فمان الله
.
.
.
مهره : ألووو ؟
شوق : هاه القاطعه . .
مهره : شششششوقي حبيبتي " تثاوب " شحالج . .
شوق : راقده ؟
مهره : هييه . . برايه عادي
شوق : لالا كملي رقادج . . انا ف راك يايه ويا الشيبه . . قلت بمر عليج وبنحوط ع المغرب جي لاني مادل شي اهني
مهره : خلاص تمام . . " تثاوب " بندي خليني برقد عيل
شوق : ماعليه دواج يوم بشوفج . .
.
.
.
منصور يمسك الفون ويشوف المسج
" يوم بتحس روحك فاضي كلمني . . ابيك بموضوع "
منصور انقبض قلبه مره وحده . . سلطان دق له هرنات وتم يترياه ربع ساعه بس منصور ماله حس
سلطان : الوو
منصور : سلطون دش الميلس اقعد ادرس لين ايييك . . يايب كتبك ؟
سلطان باستغراب : هيه . .صاير شي ؟
منصور : بخبرك عقب . . يالله انت ادخل الميلس لين اييك . .
سلطان : اوكي . .
مسك فونه وابتسم بخبث وطرش مسج " قاعده تشوفيني "
عذاري حطت ايدها ع قلبها : يمه منه السسسسساحر ..
طرشت له
" لا !! ماشي شغله شو "
سلطان تم يمشي فالحوش بمشيات بطيئة لين يدخل الميلس
عذاري حاطه ايدها ع قلبها : قسم بالله بممممممممموت . . ماقدر خلاص . . ليش يتعمد يسوي فيني جيه . . ااااه " حاطه ايدها ع قلبها "
اول مره تشوفه ب بدله . . كان لابس جينز مع قميص لاكوست
سلطان " ممم اوكي لاني كنت بروح المول وقلت اخذ رايج فيني . . لكن خلاص مش مشكله "
عذاري الي انرسمت الغيره فويهها وشبت ضووو ودقت له على طول
سلطان دش الميلس وتاكد ان باب الميلس مسكر عدل عشان يوم يدخل عليه منصور يحس فيه
سلطان يكتم ضحكته : مرحبا
عذاري : وووالللللللللللللله ماتسسسسسسير المول وانت كاششششخ جي والله
سلطان : ول ول ول ول . . شوي شوي مافهمت شي
عذاري وتتنفس بتعب : والله ممممممما تسير مكان حلفت
سلطان عاقد حياته : وليش ان شاء الله
عذاري: بسسس
سلطان : قولي ليش انزين ابي اعرف
عذاري : شكلك مششش حلو وتخوف بلد مابيك تخوف حد اهناك
سلطان : هههههههههههههه
عذاري قلبها يدق بالقو . . اول مره فحياتها تسمعه يضحك من قلبه . . تمنت انها تشوفه وهو يضحك
سلطان يبتسم : تقولين ما شفتيني
عذاري : شششفتك لمحه جي خطافيه
سلطان: سبحان الله ! وبلمحه خطافيه شفتي اني اخوف لهالدرجه
عذاري وهيه متنرفزه : سسسسسسسلطان !َ!
سلطان حس انه قلبه بيظهر من قالت اسمه بهالطريقه : لبيييه
سكتت . . ماعرفت شو ترد
سلطان يبا يرقع السالفه : آآآ . . انزييين . . درستي شي زياده
عذاري . . ..: . .!!!
سلطان : يالخبله . . اكلم منو انا
عذاري : انا ماقادره اقبض روحي . . ميته فييك والي فيني يزيد بشكل مش طبيعي . .
سلطان : . ..
عذاري قفطت ووخششت راسها فالمخده . .
سلطان : انا بعد . . ماعرف " يحط ايده ع قلبه " ماقادر . . . ماقادر ابلعج دقيقه
عذاري : حييييوان
سلطان : انتي ويين . . من وين تتكلميييين
عذاري تخوز المخده : كنت خاشه راسي فنص المخده
سلطان مبتسم : شدعوه . . كنتي تتريين شي حلو مني يعني
عذاري : لااااء طبعا . .
سلطان : انزيين . . يالله عيل فارجي خليني بدرس
عذاري : اصلا انا كنت بقولك الحين فاارج بعد
سلطان : ههههه خبله
عذاري تبتسم وفخاطرها " الله لا يحرمني من هالضحكه " . .
سلطان : يالله بندي
عذاري : اول قول لي انك ما بتسير مكان
سلطان : ع حسب مزاج اخوج . . هو يايبني اهنه
عذاري بصوت واطي : فديت اخوي حس ب شوق اخته
سلطان سمعها بس تصامخ : شو قلتي ؟. ماسمعت
عذاري : آقوول يالله عششان ندرس ونخلص ..
سلطان مبتسم : يمكن شوقي هو الي يابني وتعلثت ب اخوج
عذاري بصدمه سكتت . . ورصت ع قلبه بقوه تحس انه بيتقطع اليوم
سلطان مبتسم : يالله درسي عدل ..
ماردت
سلطان : انزين ؟
عذاري : انزين
سلطان: قولي ان شاء الله . . احلى
عذاري تبتسم : ان شاء الله
سلطان : انتي بقره بعد . . اي شي بقولج قوليه بتقولينه
عذاري بقهر : سسسسلطان !!!!
سلطان يعض شفايفه بقوه وفخاطره " فدييتها . . بتخبلني " : ويعه . .
عذاري عاقده حياتها : توويع ـك
سلطان : افا . . تبين الويعه تويعني
عذاري : عيل شحقه تقولي ويعه
سلطان : انا قلتلج ويعه تويعج ؟ انا قلت ويعه بس . . ماطريت تويع منو
عذاري : انزييين
سلطان : شو انزين . . تأسفيليي يالله
عذاري : اسسسفه
سلطان : صدق بقره . . توني اقولج اي شي بقولج قوليه بتقولينه ؟
عذاري : هييييييييييييييييه ليش لا . . احبك بقول الي تبيني اقوله
سلطان يبتسم : ألوو . . يشوش الصوت
عذاري عاقده حياتها : اقولك شي
سلطان مبتسم : لا تقولين . . انا الي بقولج . . يالله اشوف سوالفج وايده وما تاخذين نفس ! قومي يالله درسي . .
عذاري : ما بتطلع صح ؟ الله يخليك . . طمني عششان اروم ادرس
سلطان : تخافين علي يشلوني عنج
عذاري : قلتلك انك تخوف . . اخاف ع الناس لا يصيبها شي . .
سلطان : ههههه . .
عذاري : لا تضحك . . والله قلبي يدق بقوه يوم تضحك
سلطان فخاطره " فديت قلبج" : امحق قلب عاده . . يالله اشوف . . صدق ابنيه . . وايد تهذربين

عذاري : اصلا انت الي اطول السالفه
سلطان فخاطره " ادري مش قادر ابند والله " : يالله فارجي . .
عذاري : ما ردييييييييييت علي انزين
سلطان: قلتلج ع حسب مزاج اخوج . .
عذاري : انزين بس حوطو فالسيارة
سلطان يبتسم : ان شاء الله
عذاري : باي
سلطان : عثره .؟ جي عاد على طول
عذاري: ماعرفناااااااالك
سلطان يبتسم اكثر : باي
عذاري عقدت حياتها : باي
دخل منصور فنفس اللحظه الي بند فيها سلطان . .
منصور مستغرب : يا حيك . . اول مره اشوفك شاق الحلج جذه بدون سبب
سلطان يبتسم : قول ان شاء الله دوم وبس . . خببرني شفيك
منصور : ولاشي . . " يعطيه مفتاح " ها مفتاح الشقه . . خلص دراسه وعقب بوديك تشوف مكانها . .
سلطان ياخذ المفتاح : مششكور يا منصور وماتقصر
منصور : افا عليك بس . . اخ عزيز وغالي . . اقولهم ييبولك شي تاكله ؟
سلطان : لا متغدي وياينك . . بس اي كوفي عششان اركز ومارقد . .
منصور مبتسم : يا حيك اطلب واتمنى . . بروايك سنع الله عقب الامتحاانات . .
سلطان : تموون تمون ههههههههههه
منصور : ادرس ادرس . .
وطلع منصور عنه . . وقعد سلطان يدرس بضمير !
منصور يدق الباب وارتجفت عذاري وخشت الفون ب السده . . : ادخل
منصور : فاضيه
عذاري باستغراب : هاه ليش . .؟
منصور يبتسم : ربيعي يبا نسكافيه . . قلت بحقق لج امنيه . . يمكن ينعجب ف النسكافيه ويدمن عليه وعقب يقول ابا راعيته اخطبولي اياها . .
عذاري شقت الحلج : اححححححلف
منصور : هههه قولي ان شاء الله
عذاري حست انه في تغيير بسيط ف منصور : خبرني شو داس عني
منصور يبتسم : ولا شي
عذاري تسحبه ويطلعون برا الغرفه ويقعدون فالصاله الي فوق : الحين تقولي
منصور يتنهد وينزل راسه : رمست سلامه
عذاري عقدت حياتها : كيف رمستها . .
منصور يطالع عذاري ويبتسم بعذاب
>
<

سلامه : منصور قلتلك انسسى
منصور : ها الشي راجع لي انا وانا اخترتتتتج لو كنتي متشششلله بكبرج وماترمسين حتى
سلامه : ليش تبا تعرض نفسك للاحراج ؟؟ انا بردك . . مره ومرتين وثلاث بردك وما برضى
منصور : ليش ماترضين ليش
سلامه : بس انا مابيك مااابيك ماتروم تفهم يعني
منصور : ..
سلامه : انا اقدر كل لحظة انت وقفت فيها معايه وشجعتني ونسيتني العوق ونصحتني لكن ماقدر . . انا مابيك ولا افكر فيك كـ زوج . . لا تحرج اهلك
منصور : انا شاريج
سلامه : وانا بايعه . .
منصور : ..
سلامه : مع السلامه
>
<

عذاري : ليش قالت هالكلام
منصور : ماعرف " يطالع عذاري " ولا ابيج تكلمينها ولا تفاتحينها بالموضوع . . هيه بغت ترمسني بمزاجها ! واكيد مفكره فالموضوع وكانت جدا هاديه يوم كلمتني مش فيها شي ويايه تحط حرتها فيني . .هذا قرارها وهيه حرره . .
عذاري : وانت
منصور يبتسم ويطالعها : انا شو ناقصني . ؟ ادرس واشتغل تراني . .بكمل حياتي طبيعي
عذاري : بهالسهوله . . مابتحارب عشااانها ؟
منصور : لا . . تعرفين ليش ؟ لانها متخده قرار . .
عذاري : نصور يوم كان يحب حصيص . . نفس الشي !! حصيص متخده قرار لكنه حاول وحاول ييب راسها
منصور : لان حصيص انجبرت باهلها . .اما سلامه اتخذت القرار بنفسها ! وانا ما بمنعها " يبتسم بغصه " يالله قووومي سوي النسكافيه ولا ترى هاا
عذاري تقاطعه : لا لا بقوم الحين . . وبنرجع نفتح الموضوع بعدين . .
منصور : لا . . ماريد افتحه خلاص . . سكريه ! وسكريه للابد بعد
.
.
. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM