| ||||||
 |
| | LinkBack | أدوات الموضوع | انواع عرض الموضوع |
01-24-2011, 08:30 PM
| رقم المشاركة : [ 71 ] | |
| عضو فعال  |  يالطيبة متى ناوية تنزلين البارت بعد شهرين مثلا خلصينا عاد مب حالة هاذي __DEFINE_LIKE_SHARE__ | |
| ||
 |
|
01-25-2011, 09:21 PM
| رقم المشاركة : [ 72 ] | |
| عضو فعال | ياخي بدينا نعصب نزلي البارت بسرعة والله وي ويل ويت يو __DEFINE_LIKE_SHARE__ | |
| ||
| |
|
01-26-2011, 03:57 PM
| رقم المشاركة : [ 73 ] | |
| عضو فعال  | كيف ارحل هواك و حبك فـ / قلبي سكن كيف اتجاهل غلـاك انته لي حزته وحويت دام لي قلب اصطفاك والمحبه لك ضمن والعهد صادق معاك لاسليت ولانسيت * * * اليازيه : واكيد بيعرفون وبطي بيجلب الدنيا فوقج موزه : اسمعي اللي بقولج اياه بالضبط !! اليازيه : اوكي موزه : اول شي من يردون كلهم من هناك انا بقول حق بطي بسير مم آخذ لي ماي وانتي بتين ويايه اليازيه : وعقب موزه : وعقب بروح برمس الدكتور وبتبرع بدمي ياللي يحتايونه وبقول حق الدكتور يقولهم انه " فاعل خير " ولا اي شي اليازيه : بس موزه موزه " وتقاطعها " : الله يخليج يزوي لا ترديني اليازيه " تنهدت " : الله كريم . . . بعد ماوصلو كلهم وللأسف محد تطابق دمه مع دم سعيد بطي واقف صوب موزه واليازيه بعيد شوي عنه موزه : مم بطي بطي : لبيه موزه : لبية حايه مم بطي " عاقد حياته " موزه : مم بروح اخذ ماي عطشانه بطي : اوكي يلا طوفي بوديج موزه : ها اليازيه : اقولج ابا اسير الحمام " وانتو بكرامه " موزه : خلاص بروح ويا اليازيه مره وحده بطي : اوكي لا تبطن موزه : انشاء الله وراحن بسرعه صوب غرفة الدكتور الدكتور : تفضلو موزه : دكتور انا مستعيله اقدر اتبرع بدمي بس الله يخليج قولهم فاعل خير وحلفتك ماتقولهم انه انا الدكتور : اي فصيلة دمك موزه : o- الدكتور : طيب تفضلي اليازيه : بس انتو كم تحتاجون كمية الدم الدكتور : كيسين بالضبط بس نحن بناخذ منك كيس موزه : لا خذ كيسين اليازيه : موزو انتي مينونه موزه : يزوي الله يخليج خلي هالشي يعدي على خير اليازيه : استغفر الله يلا بسرعه عن نتأخر راحت موزه ويا الدكتور وسحبو عينة دمها عشان يشوفون اذا دمها يتطابق مع دم سعيد وبالفعل شافو شي تطابق فالدم الدكتور : تفضلي عشان نسحب منكي الدم موزه : انشاء الله ويلست موزه عالكرسي وبدو يسحبون منها دم وبدت موزه تتعب وويها يصفر الدكتور : اجلسي شويه عشان ماتحسين بدوخه موزه " بتعب " : دكتور الدكتور : نعم موزه : حق كم كيس سحبت الدكتور : كيس بالضبط موزه : دكتور بعد كيس الله يخليك انته تعرف انه فصيلة هالدم ماتتحصل وايد الدكتور : والله ماينفعش دا حيأثر على صحتك موزه : على مسؤليتي الله يخليك الدكتور : طيب انتي ارتاحي وانا حقيكي بعد شوي موزه : ان شاء الله اليازيه : واااي تأخرنا موزه " ابتسمت " اليازيه : اتصل بطي موزه " قوليله نحن فالحمام " اليازيه : اوكي اليازيه : الو بطي " وهو معصب " : انتن وين ذلفتن اليازيه " مرتبكه " : ها آأ نـحـ ـن يأأآ اآ ين .. اقصـ ـ د فالحمـ ـ ام يعنـ ي الحيـ ـ نه يـ ـايـ ـين بطي : بسرعه انقفضن اليازيه : ان شاء الله . . صوب سعيد مانع : ها سعيد شو تانس سعيد : ماشي حالي .. متى السفره مانع : باجر الصبح انشاء الله سعيد " تنهد " وسارت ام راشد صوب سعيد ويلست وحضنته لانها وايد كانت تحب سعيد ام راشد : انشاء الله حبيبي مافيك الا العافيه احمد : اوب سعود منو قدك سعيد " ابتسم " ام راشد : ها حبيبي شو انته الحينه سعيد : الحمدالله بخير ونعمه ام راشد : حالك مديم انشاء الله هادف : ماعليج منه امايه الا يتدلع سعيد : هههه بدينا بالغيره الكل : هههههههههههههههههه . . . نرد صوب اليازيه وموزه اليازيه : مواز يلا دخيلج امشي لا تطيحين عليه ادري انج ماترومين بس حياتي بليز حاولي موزه " وتلقط انفاسها " : اقبضني اليازيه " وكان التعب ملحوظ عليها " وقبضتها اليازيه ومشو لين غرفة السعيد ودخلو نصره من شافت موزه شهقت نصره : بلاج مواز الكل " صد يشوفها " اليازيه : مم اشي بس عشانها مب راقده من البارحه بطي : ليـش شو فيج موزه : تغمض عيونها وتفتحهن اليازيه : ممـ ماشي بس كانت ويايه وبس بطي " شاك فالموضوع " . . شوي ودخل الدكتور وبشرهم انهم لقو دم وكان يشوف موزه وهادف لاحض نضراته بو راشد : بس منو المتبرع الدكتور : والله المتبرع " فاعل خير " وماحب يخبر بأاسمـ ـه ام احمد : الله يجزيه الله خير الدكتور : طيب ممكن تتفضلو معانا عشان نعمل ليه فحوصات ونركب له اكياس الدم بو احمد : ان شاء الله اليازيه ظهرت ونست موزه بطي : يلا ولا عايبتنج اليلسه موزه " تمت تشوف بطي واول ماوقفت طاحت من طولها وين النيرسات وشلوها واليازيه ونصره يصيحن وبطي منصدم بطي : شو ياها انتن من رحتن من ردت وهي حالها جذى اليازيه "تصيح " : شـ ـو مـ اآ سـ ويـ ـناآأ شـ ـ ـي بو راشد : بطي خلاص يوز عن اختك بعد ماشلو موزه وحطوها فحجرة خاصه وسولها فحوصات واصر انه الدكتور اللي عند سعيد يسوي لها عشان محد يشك بالسالفه خلص وسوالها فحوصات وظهر بطي : طمني يا دكتور الدكتور : ضغطها نازل شوي بس انشاء الله مافيها الا العافيه بطي : من شو نازل اليـازيه : يعني اكيد من التعب ومن السهر وغيره بطي : اقتنع بكلام اخته شوي اليازيه : انا بدخل عندها الدكتور : لا هي نايمه اليازيه : اوكي عيل خليها ترتاح صوب نصره واليازيه فحجرة سعيد عالكراسي نصره : يلا خبريني دام محد اهنى وين سرتي انتي موزو وليش موزو تعبت وطاحت معنه كانت راقده واللي قلتيه خرط اليازيه " تتحسب سعيد كان راقد بس سعيد مغمض عيونه من التعب وقال بيستغل وبيعرف هن وين راحن " اليازيه : نصره حلفتج بغلات اميه وابويه عندج هالموضوع يتم من بيني وبينج نصره : اوكي والله وعد ماخبر حد اليازيه : اللي متبرع بالدم موزو وخذو منها كيسين عشان جذى تعبت ودوخت ونحن قلنا حق الدكتور انه مايخبر حد وانه فاعل خير سعيد ونصره " انصدمو " سعيد " فتح عيونه وكان يسمع كل كلمة قالتها اليازيه " سعيد : اليـ ـ ازيه اليازيه " بصدمه " ............ سعيد " عيونه تدمع ": ليش ماقلتيلي من البدايه اليازيه : ......... ممـ " ماعرفت شو تقول " نصره : لانه بطي ماخلاها تتبرع سعيد " عيونه تدمع " اليازيه ونصره ظهرن برع سعيد " يعني طاحت بسبتي خاطرت بصحتها عشاني آآآأه يـ ـاربي مب قاآ در افهم شي وتم يشوف كيس الدم اللي معلق وموصل بايده . . . عمري ارخصته فداك والعمر غالي ثمن ويا عسى اكسب رضاك طول ماعشيت وحييت دنيتي ظلمه بلـآك غم وهموم وحزن وبك تنور من ضياك بـ / الفرح كل ما لفيت عالساعه 7 نشت موزه وظهروها بس بعدها كانت تعبانه بطي : يلا نسيـر موزه : ويـن بطي : البيت بعد ويـن موزه : انزين " ونشت وبطي قبضها عشان ماتطيح اليازيه : نحن بنسير ولا بطي : مادريبج بتين اليازيه : هي ويت بزقر نصور . . . بعد مامرت الايام وسافر سعيد للعلاج وقرب موعد عرس موزه فبيت بو راشد طبعا بو راشد قال انه بطي مايشوف موزه لين العرس ولين الحينه كمل 3 اسابيع بالضبط يعني باجي له اسبوع بطي & راشد & هادف بطي " معصب " : ياخي شو ها راشد وهادف : ههههههههههههههه بطي " اضحكو شو عليكم " ونش عنهم هادف : تعال ايلس يا ريال الا هو اسبوع راشد : خخخ سير الحق اخوك لا يسوي شي بعمره . . . اما صوب البنات موزه : فيني رقااد اليازيه : توها الساعه 6 نصره : ماتبين تتعشين موزه : لا مابا نصره : تبين بروحج ضعفانه 5 KG اليازيه : ها كله حق العرس موزه " احمرت " : جـب اليازيه : اوف تبون من باسكن موزه " غطت ويهها " : اباا نصره : هههههه توج بترقدين عيل شوي ويسمعون صوت تكسير موزه : بسم الله شو ها وظهرن البنات صوب بطي بطي " يصارخ " : مـــــــوزه ! نصره : ليـش بطي : ازقريها لاي اصفعها الحينـه اليازيه : انزين خبرني شو مستوي دخل بطـي الحجره وشافها عاطتنه الظهر قبضها من ايدها وسحبها لين حجرته موزه " كانت معصبه اكثر عنه " : بلاك تزاعق بطي " اول شي صفعها طراق " موزه " تصيح " بطي " يقبضها من شعرها " : والله ماتوقعتج جذى يالنذله " ويراويها المسج اللي وصله وعباره عن صورها بطي : منو هذا يالحيوانه ثرج مسوتلج ربع موزه " صفعته " : تصدق انك حــ ـ يواان وانـ ـا هالعـ ـرس ماريـ ده ماريد ريل شـ ـكاك شراتك بطي : كمـلي تمثيلية تراج مثلتي عالكل موزه دزته وربعت صوب الباب فجته وسارت حجرتها اليازيه ونصره " !!!! " اليازيه : تعالي انتي بعد وين سايره نصره : حراآأ م ضربها !! اليازيه : لا تسيرين نصره : تخيلي قبل عرسج بكمن يوم ريلج يضربج صوب موزه كانت تصيح بحرقه موزه " وهي تصيح " : ويـ ـنج يا اميـ ـه خليـ ـتيني بروحـ ـ ي تعاأآ آ لـ ـ ي شـوفـ ـي كيـ ـف حالي بلأأج بعد ماتعبت من الصياح لبست عباأآ تها وشلت اغراضها ونزلـ ـ ت هادف " يطالع اخوه راشد " : موزه مـوزه موزه " سوت له طاف وظهرت وركبت ويا الدريول " خلاف ظهر هادف ووقف الدريول وسار صوب الجامه اللي ورا وشاف موزه وييها محمر هادف : موزه !!! شو فيـ ـ ج موزه " فعيونها دموع " : الله يخليك هادف خلني اروح هادف : شو تسيرين ماشي سيره موزه : هادف والله تعـ ـ بت تحملت اخوك بما فيه الكفايه يضربني ويتم يرمس عن شرفي " اخرتها يقولها مسوتلج ربع " !! اذا هو مايباني من البدايه ليـ ش خطبني وملج عليه انا ماأ جبـ ـ رته على شـي هادف " كان منصدم اول مره يشوف موزه جذى تصيح ومن الخاطر " موزه " وهي تصيح " : بلـ ـيز رمـ ـس اخوك انا ماريد عرس ولا شي هادف " انصدم زود " موزه : يلا عبد الكريم وتحرك عبد الكريم وعطول سار بيت قوم موزه بعد ماوصلت موزه قالت حق السكيرتي يقفل البيبان ومايفتحهن لحد ونفس شي وصت بطي ومانع وراحت فوق شافت البيت نظيف ومرتب ومدخن سارت سبحت وخلاف صلت وانسدحت عالشبريه تصيح اما صوب بيت بو راشد هادف سار صوب اخوه هادف : طق طق بطي : منـو هادف : انا هادف بطي : ادخل هادف " كان صدق معصب " : انتـ ـه شو الـلي سويـ ته بطي : بليز اذا بترمس عن موزه لا ترمس وبعدين هي عطول تشكت لك ماصدقت هادف : موزه طلعت من البيت بطي " بصدمه " : نعـم ويـن سارت هادف : بيتهم وماتبا ترد بطي : شل سويجه " وقبل لا يظهر من الحجره قبضه هادف هادف : بعد ماضربتها وهنتها تبا تردها شو انته تتحسب اللعبه عكيفك ولا مصخره عندك بطي " فر عليه التلفون " : شوف هادف " شاف الصور " : انزين وكيف عرفت انه واحد بطي : لانه اتصلت هادف : بطي ترا عيال الحرام وايد واكيد شافو عرسك بيقرب قالو بيخربون بيتك موزه مب من هالنوع حرام عليك بطي اللي تسويه فيها بدال ماتضربها ليش ماتفاهمت وياها بطي : اتفاهم عشو تخيل حد مطرشلك صور عفرا شو بتسوي هادف : اكيد بتفاهم وياها لازم بعرف مب منه والدرب ايلس اصفعها حرام عليك حرام بطي " دمعت عيونه " هادف " سار صوب اخوه وحضنه " بطي " ودموعه تنزل " : هاآأ دف ماآأ عـ ـ رف شو اسـ ـ وي هادف : مم الحيـنه خلها يوم يومين وخلاف بنروح لها بطي : .............. هادف : سير عن خواتك يالسات يصيحن بطي : انشاء الله ظهر بطي وسار صوب خواته بطي : نصاري نصره " تشوفه وتصيح " :........... بطي : تعالي ايلس اهنى نصره " ربعت فحضنه وتمت تصيح " نصره : حر أآأ م بطـ ـ ي ليـ ـ ش تسـ ـ وي فيـ ها جـ ـذى حرام هاآأآ ي يتـ ـ يـ مه ماآأ لهأ غيـ ـرنا بطـي : روحي غسلي والبسي نصره : وين بطي : بنظهر انا وانتي واليازيه نصره : اوكـ ـ ي وبعدها بطي راح يرمس اليازيه ووافقت انها تظهر وياهم . . . صوب موزه كانت عندها وديمه اللي اول ماتصلت لها موزه عطول يات موزه " تصيح " : قاآ ل ما بيـضـ ـربـ ـني و وؤ ضـ ربـ ـ ـنـ يي وديمه : خلاص حبيـ بتي لو اي حد في مكاآنه بيسوي جي يعني انتي تخيلي عمرج في مكانه موزه : بس مب يـ ـنـش يكـفخنـ ي مب لعبـ ـة انا عنده وديمه : خلاص حبيـ ـبتي انتي ارتاحي الحينه موزه : بليز ارقدي عندي لا تروحين وديمه : اوكي اصلا ماقدر اقولج لا موزه : انزين انتي فيج رقاد وديمه : بصراحه لا موزه : ولا انا وديمه : قومي نسوي لنا اي شي موزه : اوكي بس ببدل بلبس لي شي مريح وديمه : انزين عيل انا بروح بيتنا بيب لي ملابس موزه : اقولج مب جنج شرات قياسي وديمه : هي موزه : خلاص البسي من عندي ماله داعي تروحين وديمه :انزين بعدها بدلن ولبسن شرات بعض موزه : شو نسوي وديمه : كب كيك موزه : اوكي . . نروح شوي صوب المانيا فالمستشفى صوب احمد وسعيد سعيد : اووف كاره عمري ترا احمد : حبيبي سعيد بلاك جذى مابقى شي على عمليتك سعيد " صاد الصوب الثاني " احمد : مش مهتم سعيد : لا مش مهتم احمد : ليـ ش يا سعيد ليش مش متفائل سعيد : لانه الامل وايد ضعيف احمد : ربك قال اسعى يا عبد وانا اسعى وياك سعيد : والنعم بالله احمد : الحينه انته ارقد ارتاح وانا بمر عليك سعيد : خلاص عيل تحمل على عمرك احمد : ان شاء الله وانته بعد تحمل على عمرك سعيد : اول ماتوصل كلمني احمد : اوكي سعيد : ربي يحفظك احمد : ويحفظك حبيبي وظهر عنه سار صوب الشقه نرد صوب دار الظبي يوم العـرس موزه كانت فبيتهم ولين الحينه ماترمس بطي .. نشت موزه الساعه 9 واول مانزلت شافت اليازيه ونصره اليازيه حاطه ايدها على خصرها اليازيه : مرحبـا بالعروس موزه " استحت " : المرحب لا هان نصره : ماتبين تين بيتنا ها موزه " سكتت " اليازيه خزت نصره بعينها اليازيه : انزين دبوه يلا بدلي وتعالي موزه : وين اليازيه : حبيبي نسيتي انه اليوم عرسج موزه : لا نصره : يلا هاتي قشج قلبي عشان نسير الفندق لانه كل حد يترياج وبعدين نحن بنروح الصالون عالساعه 1 موزه : اوكي منو بيكون ويايه اليازيه : امايه موزه : اوكي وطبعا " وديمه " اللي هي مابتخلي موزه طبعا لبست موزه وراحت اول شي بيت عمها بو راشد خلاف نزلت وراحت داخل سلمت على ام راشد وظهرت وياها وشلو طبعا ميثـاآني الصغيرونه وويهو صوب دار الحي " اتلانتس " و خوله شما وسلامي بنتها واليازيه نصره ( عفرا وخواتها بروحهم فصوب ) راحو الصالون طبعا اما صوب الشباب ظهرو راحو الحلاق عالساعه 8 الا ربع الكل كان تقريبا فدبي " الفندق " بعد ماوصلو اليازيه : يلا نروح صوب موازي نصره : يلا اول ماوصلو صوب موزه شافوها توها الممكيجه باديه فيها اليازيه : حياتي ولله بنخليج بنمر عليج خلاف موزه : اوكي حبايبي نصره : تيك كير خلاف نزلن تحت وشافن هادف مع امه هادف : يعلني ماخلا من هالويه .. قمر وين ابويه عنج ام راشد " استحت " : هادف اذلف عن ازقر لك ابوك هادف : وربي انج تعقين الطير من السما نصره : اووووب العيوز منو قدها ام راشد : عيز حيلج الكل : هههههههههههههههههههههه ام راشد : وينه حبيبي هادف : منو ابويه ام راشد " احمرت " : هادف هادف : ههههههه والله اسف بطه يالس صوب ابويه ام راشد : عيب هادف هادف : هيه كله ولا حبيبج المهم انا ساير لاننه بدو المعازيم ايون ام راشد : اوكي فديتك . . . عالساعه 8 ونص كانت القاعه مزدحمه بشكل فضيع نصره : ماشفتي خوات عفاري اليازيه : لا والله نصره : هه شوفي هايج كيف تشوفج اليازيه : منو نصره : هاي خخخخ تباج حق ولدها اليازيه : جب ههه انا بسير فوق وانتي سيري عند امايه نصره : اوكي سيا بعدها بنص ساعه خلصت موزه مكياج وكل شي ويتها اليازيه عشان تنزلها تحت موزه :ماريد وديمه :شو ماتريدين تنزلين موزه "وعيونها بتدمع ": ابا اميه هي لاآأ زم تكون ويايه اليازيه "كسرت خاطرها ":حياتي موزه مكياجج بيخترب بليز لا تصيحين وديمه : يلا ننزل الساعه 9 كل حد يترياج ومسكت ايدين وديمه وساعدتها اليازيه .. بعد ماوصلن تحت سارت اليازيه قالتلهم عشان يبندون الاضاءه ويحطون الزفه اللي بتدخل عليها .. دخلت موزه اللي من دخلت الكل كان يسمي بجمالها كانت ظاهره تجنن بفستانها اللي ضيج صوب الخصر ومتميز بذيل طويل اما صوب الظهر كان مفتوح ونازله عليه خصلات من شعرها وكانت المسكه عباره عن روز احمر كان الورد ياي بشكل دائري على تحت ولها ذيل طويل ..كانت تسحر كل العيون اللي ترقبها بجمالها .. بعدها وصلت موزه لين الكوشه وساعدنها البنات وخلاف يلست وين البنات يابركن لها ام راشد : ماشاء الله تبارك الرحمن وحضنت موزه اليازيه : قمر وربي موزه :........ " تدور وديمه " ..........: تدوريني موزه : هي وخلاف البنات راحن يرقصن وكان الجو بصراحه ولا اروع وصو الشباب بطي كان مستعيل يبا يحدر بو راشد: امك تقول اصبر لين 12 بطي : مايخصني انا 11 ونص بحدر هادف : هد اعصابك يالمعرس زايد ربيع بطي بطي " استانس يوم شاف زايد " زايد حضنه بطي : يعلني ماخلا منك زايد : مبروك حبيبي والله يرزقك بالذريه الصالحه بطي : آمين وعقبالك ياربي زايد : لا ابويه انا بعدني بطي : لا بعدك ولا شي بسك يا ريال زايد : " خخخ " : خيـر انشاء الله بعد مرور الوقت حان موعد دخول بطي دخل بطي هو وابوه وعمه وزايد الصغيروني ( جيـِش -_- !) باركو لـ بطي وظهرو بطي " من شاف موزه تخبل تم مرتبك ماعرف شو يسوي ولا شو يقول بطي : مبروك علينا موزه " بصوت واطي وهي تشوف الارض " : الله يبارك فيك بطي : موزه موزه : لبيـه " ورفعة راسها تشوفه بطي " تم يشوفها وماقدر ينزل عينه " شوي وين اليازيه ونصره يلعوزن بـ بطي اليازيه : مانوصيك على موزه بطي " وهو يمسك ايدها " : موزه فعيوني نصره : ياويل حاليه عقبها يت ام راشد وخوات ريلها وطبعا واختها الوحيده وتمت ام راشد تصيح وتحضن ولدها بطي : اميه ليـش تصيحين ام راشد : حبيبي هاي دموع الفرح بطي " ابتسم بدون تعليق " . . صوب اليازيه اليازيه : ايه شوفي منو ساير فوق وتأشر نصره : خولو اليازيه : خلنا نسير هاي بتسوي مصيبه " عند بطي وموزه انصدمو بوجود خوله " خوله " كانت مظهره شعرها يعني وجود الوقايه وعدمها واحد " خوله : مبروك يا آأ بطي بطي : ................. خوله " وهي تأشر على موزه " : وانتي تتحسبين بخليج تتهنين به هه اليازيه يت وسحبتها تحت بطي " كان يقارن بين موزه وخوله .. خوله صح كانت محلوه بس مش احلى عن موزه خوله كانت ولا شي صوب موزه " خلاف شل بطي حرمته وراحو فوق فالغرفه فوق صوب بطي موزه بطي : ممـ موزه " بهدوء " : بلاك بطي : ممـ ماشي سارت عنه موزه تبدل وماقدرت تبا حد يساعدها دخل عليها بطي وشافها بطي : مم هاتي بفتح لج موزه : ............ بطي سار صوبها وفتح لها موزه : بتسبح انته اول ولا انا بطي : لا انا بسبح بسرعه موزه : ......... حدر بطي يسبح وموزه يلست تبطل شعرها بعدها بشوي خلص بطي وظهر شاف موزه تتحرطم بطي : ههه بلاج موزه : شعري بطي : صبري بلبس بفتحه موزه : لا بفتحه بروحي بطي : جب موزه : بطي بطي : قلبه وعيونه موزه " استحت " : لا تقول جب ماحب بطي : كيفي ماترومين تقولين لي شي الحينه موزه : اروم بطي : انزين جب موزه :... " خلاف سار بطي صوبها " موزه : شوي شوي بعد ماخلصت حدرت موزه سبحت . . . . اليوم اللي بعده الساعه 10 الكل كان متيمع فبيت بو راشد عشان بطي بيسلم عليهم وبيسافر اليازيه : وينهم تأخرو نصره : آخ فيني رقاد ام راشد : عيب عليكم نصره : اميه انا برقد اول مايوصلون وعوني بو راشد : تعالي نصير اهنى تعالي سارت نصره صوب ابوها هادف : بلاها هاي تتدلع نصره : كيفي ميثا يتهم ميثا : نثـره لو ثمحتـي قومـي مكاني دوم اتمنى لقاك دايم لـ / شوفك احن ولـآ ابا القى جفاك دامني قربك بغيت لين ذيرلي غلـآك وهاج بي شوق وشجن كيف ارحل عن هواك وانا في بحرك هويت كــــــــــــــــــــــــــــــــــــــت السموحه عالقصور وبغيت اقول لخواني بعض الاعضاء شي اسلوب ارقى من جذى نحن مش عايشين في فوضى اللي مش عايبتنه القصه لا يقراها واللي يحس عمره مش قادر يتريا ولا يبا البارت كل يوم بعد لا يقرى انا وحده عليه التزامات وادرس وامتحانات وانا لو ماقدر مابنزل القصه من الاساس والسموحه من الكل روؤح البداآوه __DEFINE_LIKE_SHARE__ | |
| ||
| |
|
01-26-2011, 04:17 PM
| رقم المشاركة : [ 74 ] | |
| عضو جديد  | مـسموحـه أختـي .، وتسلمين على البارت الـرووعـة .، __DEFINE_LIKE_SHARE__ | |
| ||
| |
|
01-26-2011, 08:52 PM
| رقم المشاركة : [ 75 ] |
| عضو جديد  | نـآآيس بـأإآرت ربي يعطييج الع,ـأإفييـة خيتوؤ ع هييك طرح .. لـآآ ـإفـأإآ علييج خيتوؤ خذي رآآحتتج أسبوؤع .. أسبوؤعيين .. 3 أسـآآبييع ~> بس المهم ينزل بـآآرت >.^ ونحن عـآآذرينج .. ترا كل شخص ملزوؤمـ بـ حـآآيتتـه .. و ـآلسمـوؤحـه __DEFINE_LIKE_SHARE__ |
|
| |
| |
|
| مواقع النشر (المفضلة) |
« يلي غلاتك في وسط قلبي و عيني و الحال دونك حبيبي اليوم يرثاله
|
رواية احبك خنجر بصدري اذا شلته يأذيني [ بقلمي ] »
العرض العادي
| |
الساعة الآن 11:41 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
