ﻟﯙ ٲﺼﯙﻣﮕ .. ﺿﻨﮙ ٲڶقـﻰ فيـﮏ ﻋﻴد ؟! - الصفحة 2

ﻣفـﻨﯚدہ · #1 05-23-2011, 05:55 PM

الشاهد الله مانسيتك دقيقه
حتى بمنامي تزورني بكل الأحلام
ماهي قصيده هذي والله الحقيقه
مالك خفوقي وهايم بحبك هيــــام

المزرعـــة
بعد ما وصلت العوايل كلها راحو البنات داخل يزهبون الاغراض والشباب برع
ظهرت موزه وشافت بطي يلعب كوره وعصبت
موزه : بطـي
بطـي " ياشـر لها ويقولها لحضه شوي "
موزه : الحينه تعال
بطي " سار صوبها " : ........
موزه : انا شو قايلتلك عن لعب الكره
بطي : اوكي حبيبي بس شوي كل الشباب يلعبون
موزه : هي عشان تدمر ريولك زود
بطي : بس 10 دقايق
موزه : ولا نص
بطي : يلا عاد
موزه : لا لا لا
بطي : انزين
موزه : يلا روح اسبح
بطي : بتسبحيني
موزه : يلا امشي
بطي : اول بتسبحيني ولا لا
موزه : هي هي
بطي " يقلدها " : هي هي
موزه : جب !
بعد ماحدرو داخل
ميثا : وين بتلوحون
بطي : بنلوح فوق بنتثبح
ميثا : انا بعد بتثبح
بطي : يلا جب سيري هناك
موزه : شوي شوي عالبنت لا تزاعق
بطي : يلا كش كش
موزه " سحبته وراحت "
.
.
.

نصره : يزويي انا ملانه
اليازيه : تعالي نسير نسوي cupcake w sweets
نصره : بزقر خولو
اليازيه : اوكي
بعدها راحت نصره وزقرت البنات اما الشباب والشياب يلوس برع
سعيد : اقولك انا تعبت بروح داخل
احمد : اوكيك
مانع : بس شباب
احمد : هيي نحن اللي فزنا يعني
هادف : لالا نحن
مانع : ماعليكم منهم خخخخ
كل شوي واحد يقول انا وانا
سعيد "حدر المطبخ " : بووووو
نصره " صرخت " : الله ياخذك بليسك يا سعود
اليازيه : خخخ شو رايك فابداعاتنا
سعيد : اشوف وسحب حبة cupe cake
خوله " بدلع " : لااااااا
سعيد : الله منو مسوي هالشي
اليازيه : احم طبعا انا
نصره : لا تخرطين انا
سعيد : انزين مب حلو
اليازيه : ههههه عيل نصره اللي مسوتنه
سعيد : يلا خلصن بسرعه وسون لي طلبية خاصه
نصره : على امرك الشيخ سعيد
سعيد : احم احم
.
.
ميثا " شافت الكيك فايد سعيد وتخبلت "
ميثا : اباااا
سعيد : شو تبين
ميثا : هذا
سعيد : هذا مالي
ميثا : من وين يابيته
سعيد : فالمطبخ اللي هناك في وااااااايد اليازيه قالت لي قول حق ميثا احنا مسوين وايد كيك كله حق ميثانه
ميثا : صدق
سعيد " وهو ميود عمره " : هي هي
ميثا : انذين بثير اييب لي وحقك بعد
سعيد : اوكي

راحت ميثا صوب البنات
ميثا : ابا هذا

نصره : بس حبة
ميثا : حقي وحق ثعيد بعد ثو
نصره : سعيد توه خذ خلاص مب لازم
ميثا : لا ابا ابا والله بثيح ترا
نصره : انزين خذي وفكينا
ميثا : ووووالله
نصره : اشش عن اقص لسانج
ميثا " راحت وهي تتحرطم " : انذين انذين اثتغفر الله ثو ها كلهم بيقثـون لثــاني عقب كيف برمث اف اف
.
.
.
صوب الشباب بعد ماخلصو لعب كلهم حدرو ياخذون شاور
الساعه 9 الكل يالس فالصاله عدا موزه
ام راشد : بطي وين حرمتك
بطي : فوق
ام راشد : سير شوفها
بطي : انشاء الله
سار بطي صوب موزه وشافها تمشط شعرها
بطي : هاتي انا بسويه
موزه : بتفكني
بطي : ههه
موزه : بروح اقصه
بطي : تخسين
موزه : والله تعبت منه
بطي : ماعليه خليه
موزه : حبيبي بليز
بطي : والله ان قصيتيه بزعل عليج من كل قلبي
موزه" عاقده حياتها " : ليش يعني
بطي : بس انا وايد احب الشعر الطويل
موزه : هيي زيـن
.
.
.
خلاف نزل بطي هو وحرمته رباعه
ام راشد " كانت تشوفهم ومبتسمه
راشد : حبيبي يلا
شما : يلا
راشد : سلامي وزيود وين
شما : رقود
راشد : يلا تصبحون على خير
الكل : وانتو من اهله
اليازيه " سارت ويابت لهم فلم رعب بعد ماستأذن بو راشد وحرمته وام بو احمد وحرمته
نصره : آآخ تحمست بسير اسوي شي
خوله : شو
نصره : شي " وسارت "
بطي يالسه حذال موزه وكل شوي يقولها شي وهي تضحك
موزه : بطييي بس خلاص
بطي " رفع عينه وشاف سعيد يطالع موزه واتنرفز "
موزه : بطي بلاك
بطي : يعني ماتشوفينه يالس يشوفج من الصبح
موزه : والله ماشفته
بطي : يلا نشي
موزه : وين
بطي : فوق
موزه : والفلم
بطي : شوفي اي فلم فوق
موزه : حبيبي عاد لا تستهبل
بطي : عيل ماتشوفينه كيف مبحلق فيج
موزه : خلاص مايشوف
" بعد مايت نصره ويايبه معاها ( popcorn ) وعصاير وبارد بندت كل الليتات وبدا الفلم والكل متحمس "

احمد : نصره لا تشوفين انصحج ترا تظهر هاي الفليل
نصره : اييي لا تيـلس تخوفني
هادف : يوم انج ديايه شعنه تشوفين
نصره : مب ديايه بس اسكتو عني
بطي " بصوت مرتفع " : نصره يااااج وراج
نشت نصره وربعت صوب اخوها تصارخ
والكل ضحك عليها
..
بعد ما الكل يلس مندمج
موزه حست بدوخه وحطت ايدها على خشمها وحستبه ينزف ورحت فوق بسرعه
اليازيه " شهقت " : شو فيها موزه
بطي : مادري كانت حذايه مابلاها شي
نصره : انزين سير شوفها
بطي : سار يركض وراها بسرعه
نصره : انقفض
راح بطي يشوفها
بطي : طق طق
موزه " فتحت الباب
بطي " شاف خشمها محمر ومبين منه كان نازل دم "
موزه : بلاك
بطي : شو فيج شي سرتي فوق
موزه : ممـاشي
بطي : خشمج كان ينزف دم
موزه : لا لا ماشي
بطي : قولي الصدق
موزه : هـي بس هذا عاآ دي
بطي : لا مب عادي قومي بوديج المستشفى
موزه : الحين !!!
بطي : هي الحين
موزه : لا شو الحينه بعدين ماله داعي المستشفى
بطي : لا له داعي
موزه : اوكي انا ماريد اروح
بطي : موزه اسمعي الرمسه وخلاص
موزه : بطي شو فيك ها شي عادي
وتمو على هالحال لين ماطفر بطي ونزل تحت
اليازيه : ها شو فيها
بطي " وهو متضايج " مـاشي وظهر برع فالحديقه يدوخ ..
نصره : شو فيه هذا
اليازيه : خليه
خوله " استغلت الفرصه " : مم عن اذنكم بروح اشرب ماي
وراحت من الباب الخارجي وظهرت برع
خوله : احم
بطي " انصدم من وجودها "
خوله : شو بلاك
بطي : انتي شو تسوين هني
خوله : ماشي شفتك متضايج
بطي : انزين دشي داخل
خوله " بدلع " : ماابي
بطي : ....
خوله : حـبيبي شو فيك
بطي " انصدم من جراتها " : مم خوله انتي كيـف ترمسيـني جذى
خوله : عادي حياتي ولا نسيت انه انا حبك الاول
بطي : بس ها شي جديم وكل شي تغير الحينه
خوله : لا مافي شي تغير بس اللي تغير انك خذت وحده انته ماتحبها
بطي : ومنو قالج ماحبها
خوله : ...........
خوله " كانت تتقرب من بطي لين مامسكت ايده
بطي "عطول سحب ايده ودخل داخل "
خوله " ماعليه يا بطي انته لي يعني لي وبشوفك لين وين بتوصل
اما صوب الشباب والبنات بعد ماخلص الفلم الكل دخل يرقد
قسم هادف & عفرا
عفرا : يلا تعال ارقد انا اخااف
هادف : خخخخ مابا ارقدي بروحج
عفرا : حبيبي والله اخاف
هادف : مايخصني ارقدي بروحج انا مب يايني رقاد
عفرا صدت عنه وصدق كانت خايفه
هادف " راح هادف من وراها ودقها بالخفيف وقال بووووووو
فزت عفرا من مكانها زيغانه وصرخت
هادف : ههههههه طلعتي صدق خواافه
عفرا" شو ي وبتصيح " : قوم عني لا ترمسني ولا ابا ارقد عندك بعد
هادف : هههه حبيبي خفتي
عفرا : جب قلت لك لا ترمسني
هادف : فديت الصياحه يا ربي " وحضنها "
هادف : يلا حبيبي نرقد
عفرا " وهي مبوزه " : انزين
انسدحت وانسدح هادف حذالها وحضنها ورقدو
اما فقسم بطي
بطي كان راقد بس موزه ماكانت راقده كانت منسدحه حذاه ومتضايجه
.
.
.
وتمت موزه على هالحال لين مااذن الفير خلاف نشت تصلي وراحت تحت تشرب ماي
وهي تحت شافت سعيد راقد فمكانه
موزه " مم اروح اوعيه ولا لا افف بس حرام جذى راقد بروح وخلاص

مشت بخطوات ثقيله صوب سعيد
موزه : مم سعيد سعيد
سعيد " كان دهمان " : اميـ ـ ـه بعديـ ـ ن
موزه : سعيـ " وقاطعها صوب بطي
بطي : مـــــــــــــــــــــــــــوزه !
موزه " عضت شفايفها وغمضت عيونها وردت خطوه ورا "
بطي : " قبض ايدها ورص عليها وتم يشوفها وهو معصب "
وموزه " شوي وبتصيح " : ودر ايدي
بطي : التعني فوق
موزه : !!!!!!!!!!
وراحت موزه تركض فوق وقفلت على عمرها
بعد مرور يومين
ردت كل العوايل

ودي بشوفه ماتهم الطريقه
لو يحكموني من بعد شوفك إعدام
عايش وقلبي تشتعل به حريقه
واليوم لي يمضي في غيابك شرا العام

بيت بو راشد

ام راشد يالسه مع ولدها بطي
ا م راشد : مم بطي
بطي " وهو يقرا الجريده " : هلا اميه
ام راشد : مم بغيتك فموضوع
بطي " وعيونه عالجريده " : اآمري
ام راشد : مم موزه ماحملت
بطي " عقد حياته وشاف امه " : لا ليـش
ام راشد : بس يعني اقول
بطي " ويقاطعها " : اميه بعده يوم الله بيكتب
ام راشد " سكتت لانه حست انه بطي انحرج "
نش بطي وسار الشركه مع اخوه راشد
وهم فالسياره
راشد : مم بطي
بطي " وهو يشوف برع " : آمر
راشد : بطي انا مابا اتدخل بينك وبين حرمتك بس يا خويه الكل ملاحظ شو بلاك انته وياها
بطي " تنهد " : مـ ـاشي
راشد : ع راحتك
بعد ماوصلو الشـركة .. وتطمنوا على احوالها ظهرو وويهو جدى المارينا

المارينا
الساعه 12 الضحى
بطي : وين ساير
راشد : اهنى باخذ لي فون ثاني
بطي : مم انا بعد باخذ
راشد : اوكي
وهم يمشون بطي شاف وحده ماتوقع يشوفها
بطي : اســماآآ !! هاي شو مسويه بعمرها
راشد : بلاك بطي
بطي : راشد انته سير وانا بلحقك
راشد : اوكي " سار راشد وفكره عند اخوه
بطي " سار صوبها " : اسمـاا !!
اسمـا " بصدمه " : بطـ ــــي !!
بطي : " وخانقتنه العبره " : شو هذا " وياشر عليها من فوق لين تحت "
اسما : دمعت عيونها " كله منك يا بطي كلـه منـك "
بطي " نزل راسه ومشى عنها .. بس اسما لحقته ومسكت ايده وحطت شي فايده "
اسما : بطـ ـ ـ ي لا تـــ رو ؤ ؤح !!
بطي " سحـــب ايـده وسـار صوب راشد "

صوب راشد
بطي : يلا نسير
راشد : بطي شو فيك !!!
بطي : مـ ـ اآ شـ ـي يلا
راشد : يلا دقايق " وخذ الفونات ودفع وظهرو

فالسيارة

بطي : انا برقد يوم بنوصل وعني
راشد : اوكي
" وقبل لا يغمض بطي عينه تذكر الورقة اللي خذها من ايد اسما ..
حط ايده على ويهه وخلاف ظهر الورقة من جيبه وشاف رقمها " سيّفه ففونه وفر الورقة .. وراشد يراقبه ومستغرب من حركاته
بعد ربع ساعه ووصلو البيت

دخل بطي ويلس ويا وابوه عقب شل حرمته وسارو بيتهم

فبيت بطي
مـوزه : بترقد
بطي : هي
موزه : بس انته ماتغديت
بطي : مابا
موزه : مم انته فيك شي
بطي " عصّب " : بلاج انتي وايد تسألين
موزه " منصدمه من بطي اول مره يرمسها جي " : .........
بطي " ودرها وسار غرفته عنها
موزه : سارت غرفة ثانية وتمت تصيح
اما صوب بطي : انسدح عالشبرية وتم يتذكر اسـما وعقب اتصلبها
بطي " بصوت مبحوح " : الـو
اسمـا : هلا بطي
بطي : شحالج
اسما : im fine what about you
بطي : الحمد الله بخير
اسما : ممـ
بطي : اسما شو مسويه فعمرج انتي
اسما : ..................
بطي : ارمسج انا
اسما : " تصيح "
بطي " قلبه عوره عليها " : حيـاتي ليـش تصيحين
اسما : بطـ ـ ي ليـ ـ ش ودرتـني
بطي : والله غصبن عني وانتي ادرى بكل شي
ظهرت موزه عساس انها بتروح تحت سمعت بطي برمس بالفون
بطي : حياتي خلاص لا تصيحين
اسما : اقدر اشوفك
بطي : وين
اسما : مادري
بطي فندق ******
اسما : اوكي الساعه 6
بطي : بخليج الحينه برقد
اسما : اوكي قلبي نوم العوافي
بطي : الله يعافيج . . فمان الله
اسما : باي

بعد ما سمعت كل شي يلست عالارض وتمت تصيح خلاف نشت غرفتها عقت عمرها عالشبرية وتلحفت وتمت تصيح

يكفي جفا.. هذا الهجر ما أطيقه
إرفق بحالي كان في دينك إسلام
غرقتني بلج البحور الغريقه
وأنا بزماني كنت شاطر وعوام

فبيت بو احمد

بو احمد وام احمد يالسين ويا عيالهم
ام احمد : احمد فديتك
احمد :" وعيونه عشاشة اللاب " : آمري الغاليه
ام احمد : فديتك هب ناوي تعرس ترا اللي شراتك وشرات اخوك تحتهم عيال ودي افرح فيك قبل
سعيد " حط صبعه على ثمها قبل لا تكمل
احمد : الله يعطيج طولة العمر يالغاليه
سعيد : اميـه شو هالرمسة
ام احمد : هذا الصدق
احمد : خلاص يا امية الله تشوفينه
ام احمد " استانست " : فديتك يالغالي

بعد مرور اشـهر وبعد ملجت اليازيه باسبوع

اليازيه : بعدكم ماترمسون بعض
موزه : لا اليازيه انا ماباه
اليازيه : شـــــــــــــو !!!
موزه : اباه يطـ
اليازيه : شششش مابا اسمع هالرمسه لا تزعليني منج
شوي ودخلت عليهم نصره بدفاشة
نصره : هااااااااااااااااااايوو شو تسوون !!!
اليازيه : ماشي اذلفي برع
نصره : شافت موزه متضايجه وعطول ظهرت
اليازيه : والحل يعني
موزه : قلت لج الحل
اليازيه : هذا ابدن مب حل
نشت موزه بتوقف حست بدوخه وعطول قبضتها اليازيه
اليازيه : بسم الله عليج شو يااج
موزه : عطول ركضت الحمام ( ربي يعزكم )
اليازيه : بسم الله الرحمن الرحيم شو ياها وعطول سارت وراها
اليازيه : قومي نسير المستشفى
موزه : لا لا انا بخير
اليازيه : اي بخير ويهج مصفر وحالتج حاله يلا نشي
موزه : تناولي عباتي الله يخليج ماروم اوقف احس اني بطيح
اليازيه : ان شاء الله وينها
موزه " تأشر " : هنــاك
اليازيه : ربعت يابت عباتها وقبضتها ونزلن تحت
بو راشد يالس مع بطي
بطي : عـ وين انتي وياها
اليازيه : بنسير المستشفى موزه تعبانه شوي
بطي : انا بوديكم
موزه " شافته " : بنروح ونرد يلا اليازيه
بطي " كان بينش بس قبضه ابوه ويلسه "

اليازيه : ابو بكر بسرعه يالله
موزه ساندت راسها على جتف اليازيه وتحس بتعب
بعد 10 دقايق وصلو المستشفى نزلت اليازيه وهي قابضة موزه
اليازيه : موزه اذا تعبانه بيبلج الكرسي
موزه : لا لا بمشي
واول ماحدرو عطول دخلو موزه لانها وايد كانت تعبانه
واليازيه تتريا برع وتحاتي شوي ورن فونها " ثاني "
اليازيه : الو
ثاني : فديت هالحس ياربي
اليازيه " ابتسمت "
ثاني : شحالج حياتي
اليازيه : الحمد الله بخير
ثاني : مم اسمع عندج حشرة وين انتي
اليازيه : انا فالمستشفى
ثاني " خاف عليها يتحسب فيها شي " : شو بلاج !!!!!
اليازيه : لا مافيني شي مم موزه بنت عمي تعبت شوي
ثاني : هـي ماتشوف شر
اليازيه : الشر ماييك
ثاني : انزين حبيبي ممكن طلب
اليازيه : امر
ثاني : حياتي يوم بتظهرين مره ثانيه مكان خبريني
اليازيه : مم آسفة والله كنت بخبرك بس كنت مستعيلة ونسيت
ثاني : خلاص حياتي بخليج الحينه من تردين البيت اتصليبي اباج ضروري
اليازيه : في شي
ثاني : لا لا بس عقب بخبرج
اليازيه : خلاص انشاء الله من ارد البيت برمسك
ثاني : اوكي
اليازية : فمان الله
ثاني : فمان الكريم

بعدها ظهر الدكتور مع موزه

اليازيه : بشر يا دكتور
موزه : اآأ
قاطعها الدكتور وقال : الف مبروك حامل فالشهر الثاني
اليازيه " طارت من الفرحه وحضنتها
اليازيه : مبروك حيااااتي
موزه : الله يبارك فيج
الدكتور : بس يا مدام هذي ورقة فيها بعض الفيتامينات والمقويات ولازم تكثرين من اكل الخضار مثل ما قلت لج
موزه : انشاء الله

بعدها ظهرن " فالسيارة َ !!
اليازيه وهي حاضنه موزه
اليازيه : آآآآآه مااااااصدق
موزه : مم اليازيه
اليازيه : آآمري حياتي انتي تامرين ونحن نفذ
موزه : احم طلع كرتي
اليازيه : افا عليج كم موزه عندنا
موزه : المهم بغيت اطلبج طلب
اليازيه : آآآمري حياتي
موزه : مابا حد يعرف واولهم بطي !!!
اليازيه " بصدمه " : ليـــــــــــــــــــــــــــــش !!
موزه " وعيونها تدمع " : الله يخليج خليني ع راحتي مابا حد يدري
اليازيه : انشاء الله بس لا تصيحين الحينه البيبي بيزعل
موزه " ابتسمت "

بعد ماوصلو البيت ودخلو كلهم كانو متيمعين تحت
بو راشد : هلا ببناتي طمنني
اليازيه " صدت على موزه " : الحمدالله بس دلع بنات
موزه : عن اذنكم
اليازيه : نحن بنرقد تصبحون على خير
بطي : " وهو مب متطمن وحاس انه في شي " : اليـاازيه !!
اليازيه : نعم
بطي : بغيتج شوي
اليازيه : اوكي بسرعه الحقني
" بطي سار ويا اخته غرفته "

بطي : مم في شي خاشينه عني
اليازيه " وهي متوترة " : لا يا خوي شو في ماشي بس تعب ولازم تاكل عدل
بطي : مم انزين مارمستيها
اليازيه : والله تبا الصدق رمستها
بطي " تنهد " وشو قالت "
اليازيه : مم تبا الطلاق
بطي : شـــــــــــوووووو !!!!!!!!!!!
اليازيه : والله رمستها بس هي مصره
ظهر بطي وسار صوب موزه دخل ورض الباب وراه
موزه : بلاك !!!
بطي : شو اللي سمعته
موزه " خافت تحرت انه اليازيه قالت له " : وشو الي سمعته
بطي : تبين الطلاق
موزه " تنهدت " : هي
بطي " سار صوبها وقبضها من ايدها : انتي شكلج تخبلتي
موزه : لا ماتخبلت .. لو سمحت ودر ايدي
بطي : اسمعيني ان ماشليتي هالفكره اللي فراسج بتشوفين شي ماشفتيه فحياتج فاهمه ولا لا ودزها وظهر عنها
موزه " صاحت "
اليازيه : الله ياخذ بليسك يا بطي شو سويت !! وربعت صوب موزه ودخلت عليها وشافتها تصيح
اليازيه : حضنتها وتمت تصيح وياها
موزه : انا تعبت اليازيه متى الله بيـااخذ روحي متــى ماعدت اتحمل اخوج ولا شي تعبت
صاحت اليازيه زود
اليـازيه : مـوزه بس لا تصيحين
شوي ودخلت عليهم نصره
نصره " شوي وبتصيح " : ايـ ـ ــه بلاكــن شو صـاآ أآ ير
اليازيه " تمسح دموعها " : ماآأ شـ ـ ي
موزه " وقفت " : انا اآ بروح ارقد
اليازيه " ابتسمت لها " : تصبحون على خير " وغمزت لها
نصره : منو تصبحون هي وحده
موزه " ضحكت " : وانتي من اهله " وراحت "
بعد ماظهرت شافت بطي يرمس فالفون
راحت عطول غرفتها وقفلت الباب وتمت تصيح
موزه : ياآأ ربــ ـي انا ليـن متى بتم جــ ـي واآأ لـله تعبـ ـ ت وتمت على هالحال لين مارقدت

الساعة 3
ظهر من غرفته وهو كاشخ وريحة الدهن عود فايحه منه شل سويج سيارته وظهر ويه جدى الكاآسر .. بعد ماوصل ركبت ويه وتحرك

فالسيـاارة
اسما " مسكت ايده " : تولهت عليك
بطي " ارتبك " : مم
اسما : شو فيك حياتي مم خايف
بطي " سحب ايده " مب خايف
اسما : عيل شو فيك
بطي : ماشي وين تبينا نسير
اسما : نقعد فالسيارة مانروح ولا مكان
بطي : اوكي " بطي تم يسرع
اسما : حبيبي لا تسرع
بطي " حب يخوفها " : ما اسرع بلاج
اسما : بليز والله ترا بفتح الباب وبفر عمري
بطي : ادريبج مينونه تسوينها "
عقبها زاد السرعه وقبضها ومانتبه عالاشارة انه استوت حمره
اسمـــا " بصوت عالي " بطـــــــــــــــــــــــــــــــــــــي انتبــــــــــــــــــــــــــه !!!!!!!!!

السموحه ( روؤح البداآوه )
__DEFINE_LIKE_SHARE__

فارسة ما تهاب خيول الغدر · 08-30-2010, 04:48 AM

روووووعة القصصة والله

وموزة حسييتها وايد تسسكت عن حقها بس حبيتها

وبطي ما عيبني راعي بنات بس شكله بيستوي بينه وبين موزة قصة حب ^_^

وخوله ابد ما حبييييييييييتها تقهرني

ونتريا الباارت اليااي

لا تبطيين علييناا

وقصتج ابد ما عليها رمسسه ^^" __DEFINE_LIKE_SHARE__

عيناوية 77 · 08-30-2010, 04:53 AM

وين الباقي كمليها

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جارري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار

جاري الانتظار __DEFINE_LIKE_SHARE__

ﻣفـﻨﯚدہ · 08-30-2010, 08:02 AM

ابا عز الدموع الي غشت عيني عقب فرقاك
واداوي نزف جرح انسان دمه من شرايني
واعز النفس عن حبك مادام اني عجزت القاك
تعبت من الصبر واتعبت من كثر السهر عيني

صوب موزه اللي نزلت نصره ورجعت بيتهم وهي مستانسه ..
موزه : ترمس مديه بالفون
مديه : انزين دبو وشحالهم عيال عمج اوكيك ولا
موزه : يب كلهم حبيوبين حييل ..
مديه : وانتي وين الحينه
موزه : رايحه بيتنا
مديه : بس الساعه 1 ونص شو يوديج هناك
موزه : ترا ببات فبيتنا
مديه : فذمتج
موزه : نعم في ذمتيه رمست عميه وقالي برايج
والله اني مفتقدتنه..
مديه : بس مواز حياتي هب زين بروحج تباتين
موزه: ماعليج لا تخافين
وتمت موزه ترمس مديه لين ماوصلت البيت
موزه : حبيبي مدوي انا وصلت البيت الحينه برمسج قبل لا ارقد
مديه : اوكيك قلبي
موزه : فداعه الله
.
.
.
على الساعه 3
وصل راشد وهادف وبطي
اليازيه : مرحب مرحب ههههه عيل مابتّو برع
راشد : تصبحون على خير
هادف : تصبحون على خير 2
بطي وانتو من اهله
بطي : عيل وين بنت عمج يالسه بروحج
اليازيه " وهي سايره " : محد
بطي ويمطها من اذنها : تعالي تعالي يعني شو محد
اليازيه : آآي يا مينون
بطي " بعصبيه " : وينها شو يعني محد
اليازيه " مستغربه من اخوها " : سارت بيتهم وبترقد بس اليوم وقالت حق ابويه
اليازيه : تصبح على خير ..
بطي : ..................
بطي شاف ابوه ظهر
بطي : ابويه !!
بو راشد : موزه ماترد على موبايلها حرقته اخاف فيها شي
بطي : شوووو !!! انزين اتصل مره ثانيه
بو راشد : مغلق ّ!!
وشوي وظهرت ام راشد
بطي : ماعليك ابويه انا بسير البيت
بو راشد : ترياني بي وياك
بطي : ابويه لين ماتتلبس بتأخر يلا بطمنك .. فمان الله
وظهر بطي يطير .. صوب بيت المرحوم عمه
خذ 10 دقايق فالدرب
دق هرن لين مافتح له السكيرتي اللي برع الباب
ودخل بطي ..
غيث : وين وين ؟
بطي : شو اللي وين وين .. هذا بيت عمي فج الباب اقولك
غيث : اسمحلي
بطي : قبضه من قميصه بتفتح ولا اسدحك اهنا
فتح له بطي
وتم يصارخ فنص الصاله ..
بطي : موزه يا موزززه
وركض فوق يدور فحجره حجره لين مادخل حجرتها .. ولقها باارده
فتح الليت الصغير وسار صوب موزه لقاها طايحه على الارض وشاخطه ايدها بموس ..
بطي "واقف منصدم مب عارف شو يسوي !!!!
بطي يحركها : مواااز موااز ووشلها بطي ورفعها .. طر قميصه ولف قطعه صوب ايد موزه ..
بطي ياربي شو اسوي ..
وسار دخل الحمام لقى بوكس اسعافات ..
ياب الشاش منه ومعقم .. وجسمه كله يتنافض وعيونه تدمع ..
عقم ايدها وخلاف لفها كمن لفه ..
.. وياب ماي وغسل ويها ..
بطي : موزه موزه !!! دخيلج نشي ..
اتصل بو راشد ببطي ..
بطي : هذا وقتك يا بويه ..
بطي : الو
بو راشد : ها ولدي طمني
بطي : أأا ابويه موزه مافيها الا العافيه راآأ قده وفونها مافيه جرج ..
بو راشد : الحمد الله ..
بطي : يلا ابويه اخليك الحينه ..
بو راشد : فمان لله
وفر فونه بطي .. ورد صوب موزه وظهر لها عباه ولبسها .. وسدحها عليه وتم ينزلها شوي شوي ..
غيث : مووزه انته شو سويت بها
بطي : دخيلك فج باب السياره .. وسدح لها السيت وسدحها ..
وظهر بطي وهو يصيح .. وطار بها يدى اقرب مستشفى ..
..
..
وزقر النيرسات وشلوها ..
وعطول دخلوها داخل ..
ويلس بطي يتريا .. برع ..
بعد نص ساعه ..
ظهر الدكتور : انته زوجها
بطي " !!" : لا مم هي
الدكتور : هي ولا لا
بطي : هي
الدكتور : تفضل معاي داخل ..
بطي : خير يا دكتور ..
الدكتور : مم موزه حاولت الانتحار ونحن تلاحقنا عليها وخطنالها العرج .. وتعاني موزه من فقر دم االحينه هي فالعنايه بينقلونها بعد نص ساعه حجره عاديه ..
بطي : !!! انتحار ,, ليش تنتحر
وظهر بطي برع وحاط ايديه على راسه ...
بطي : ياربي شو اسوي مم اتصل فاليازيه لا لا بتعقد الامور زود اتريا احسن لي
ومرت نص ساعه و نقلو موزه حجره عاديه ..
وسار صوبها بطي دخل عليها ويوم شاف شكلها انقبض قلبه
وسار يلس على الكرسي وتم يتأمها
وشوي شوي موزه تمت تحرك راسها يمين ويساار ...وتقول بصوت مبحوح ومتقطع
موزه : اما أأإ يه لااا تودريـ نـ ــ ـي
بطي : !!!! مم موزه
موزه امااآيه تـ ــ عااآ لــ ـي شلـ يـنـ ـ ـ ي
وسار بطي زقر الدكتور وضربوها ابره مهدي ورقدت هي وتقول " امايه "

السبت الصبح 8:10
تحديدا فالمستشفى ..
فتحت عيوني.. وتميت اتفقد المكان لين ماعرفت اني فالمستشفى وشفت ايديه الهنتين مربطات بشاش
ولمحت عالكرسي بطي راقد بعد 5 دقايق دخلن النيرسات وسون حشره " ونش بطي " وعدلت وقايتي ..
بطي " بتعب ملحوظ " : الحمد الله على سلامتج ..
موزه منزله راسها : ...........
بطي : ليش يا موزه تنتحرين !!! مينونه انتي عقلج مخبوق ..
موزه تمت تصيح بصمت .. وبطي يشوفها تلوم فيها ..
بطي : لا تصيحين خلاص ..
موزه : ليش يبتني هني
بطي " بعصبيه " تبييييين تمووووتين استغفر الله العظيم انتي شو فيج
موزه " بصياح يقطع القلب " : وليـ ــ ش اعيـ ـ ش ابوؤ ويـ ـه راح واميه ودرتـ ـ ني وراحت عني .. وانتو عيـ ـال عمي الا من يومين اعرفكم
هاي حياه تـ ــ حسبها ,, 19 سنه ,, وانا عاآ يشه ومعزوله عن هالعالم وسكتت
وتم بطي متلوم فيها بس بعد معصب عاللي سوته ..
موزه : متـ ى بيرخصـ ـوني
بطي : باجر
موزه : انا ابا الحيـ ـن
بطي : قلنا لج باآآجر
موزه " بعصبيه " : انته ماآآتفهم قلت الحيـ ـن يعنـ ـي الحين ..
" انا ماتعودت حد يقولي لا وماتعودت حتى يقولي سوي ولاتسوين اللي فراسي اسويه .. وماتعودت حد يعارضني " للعلم

موزه :دخيلك بطي انا ماحب المستشفيات احس بالمرض اهنا الله يخليك
بطي " وكسرت خاطره " : تبيني اخبر ابويه على اللي سويتيه
موزه " عقدت حياتها " : جي هو مايدري
بطي : لا طبعا وخبره
موزه " شهقت " : انزين بتظهرني
بطي : على شرط
موزه : موافقه على كل الشروط بس اول ظهرني
بطي : انزين بسير باخذ ورقة اذن خروج وانتي تزهبي
موزه : ان شاء الله
سار بطي صوب الدكتور وو يفكر بموزه ..
خذ بطي ورقة اذن الخروج ومر صوب موزه وشلها وياه .. " يايبه بركب ورا جان بطي يقولي تعالي يدام وتاأفأت ويلست يدام
وساندت راسي على السيت وغمضت عيوني احس بجسمي متكسر عضامي تعورني .. فتحت عيووني شفت بطي يطالعني وصرخت
موزه " بصريخ " : بطيييييييييييييييي انتبـــــــــــــــــــــــــــــــــــه
" شفت بطي زيغاان ويتنافض و انا كنت قابضه ايده بدون لاحس ..
موزه " بعصبيه وخوف " : انته وين عيونك .. ؟!
بطي : ...........
موزه " تتنافض " : بطـ ــ ـي
بطي : يلس يسوق شوي شوي وانا اراقبه ..
لين ماوصل بيتنا ونزلت وقبل لا ا انزل قالي ..
بطي : تبين شي قبل لا اسير عنج
موزه : تحمل على عمرك وسوق شرات الناس وركز عدل وربي يحفظك
" ابتسم لي بطي ابتساامه هاديه " وحدرت انا حجرتي وشفتها معتفسه نظفتها وقبل لا ارقد شفت فون مفرور فالزاويه ..
خذته وقلت يوم بنش بشوفه
اما صوب بطي ..
اللي دخل وشاف هادف واليازيه .. يطالعونه !!!!!!!
هادف : بطي !!!!!
اليازيه : شو هالدماان وبعدين شو طار قميصك وانته وينك من الصبح
هادف : بطي بلاك ارمس
بطي حس بدوخ : هاآأ د
" وركض صوبه هادف "
اليازيه : بسم الله عليك بطي بطي " وصاحت "
هادف : يزويي هاتي كوب ماي
اليازيه : ان شاء الله
" وشل هادف اخوه فوق عن تظهر العيوز ولا يظهر ابوهم ويشوفهم بهالحاله .. "
هادف سدح بطي عالشبريه ولحفه .. وبطي تم يفتح عينه شوي ويغمضها شوي وهادف تخبل على اخوه
هادف : بطي خبرني انا اخوك العود متضارب ويا حد حد قالك شي فيك شي ؟! ارمس دخيلك
بطي " بتعب " : لاآ أآأ مـ ــ اشي بـ ــ س برر ررقد
يابت اليازيه الماي وشربت اخوها ..
وهادف " لحفه وظهر عنه
اليازيه : بـ ــ لاه بطي ممـ ـ ـا قااآ لــك شـ ـ ي
هادف : لا
اليازيه : ياربييه
هادف : اسمعي انا بدش ارقد ان حد نش وعرفت انج قايله حق حد ياويلج
اليازيه : ان شاء الله
.
.
.
وحدر هادف وحاول يرقد بس ماقدر تم يفكر فـ اخوه بطي ..
وظهر سار صوب بطي بتطمن عليه لقاه راقد .. وخلاف رد تسبح واتصل بـ عفرا اخت ثاني " حرمته "

هادف " بصوت مبحوح " : اأآ لـ وو
عفرا : مم هادف
هادف : شحالج عفرا
عفرا : يسرك حالي ومن صوبك ..
هادف " بتنهيده " : بخير ربي يعافيج
عفرا : هادف شو فيك ..
هادف : اقدر اظهر وياج اليوم
عفرا : مم بشاور اخويه
هادف : انزين شاوريه وخلاف رمسيني
عفرا : انشاء الله
وسارت عفرا صوب اخوها ثاني ,, ووافق بدون تردد
عفرا : الو
هادف : هلا حبيبي
عفرا " استحت " : مم
هادف : شو قال
عفرا : اوكي
هادف : عيل بمر عليج العصر تزهبي
عفرا : انشاء الله
هادف : اوكيك حبيبي بخليج الحينه بنزل صوب ابويه ..
عفرا : مم اوكي تحمل على عمرك ..
هادف : انشاء الله وانتي بعد
عفرا : فمان الله
هادف : ري يحفظج
.
.
.

العصر ..
نشت موزه الساعه 5
" يلست وتميت اتذكر الي سويته استغفرت ربي ونشيت خذت شاور دافي دام انه برع بروده وامطار ..
خلاف تلبست وشليت فوني والفون اللي لقيته طايح مادري اضني انه مال بطي .. ونزلت تحت ..
مم يلست اتعبث بالفون دخلت صوب الصور وشفت صور بنت وبطي متصور وياها !!!!!!
خلاف شليت الفون وفريته بعيد عني مادري ليش انقهرت وحسيت اني بصيح .. انا ماحبه بس تعيبني ملامحه
تصرفاته تنرفزني وايد مزاجي مرات مايكون احسن منه ومرات يكون كريه اف
سرت كلت اي شي كنت يوعانه حيل .. وشوي وسمعت صوت هرن شال البيت .. ودخلت عليه يزوي
وحضنتني وصحت مم ماعرف ليش صحت يمكن من زمان محد حضني مثل ماحضنتني يزوي هالمره ..

يزوي : يااا حيااتي ليش هالصيااح
موزه " اكتفت بابتسامه ..
يزوي : يلا هاتي اغراضج
موزه " وهي ناسيه السالفه " : ليش
يزوي : شو ليش هذا الا اذا ماتبينا شي ثاني ..
موزه : لااا والله هب قصدي نسيت السالفه اصلا . . مم اوكي ويت
موزه : غيث
غيث : آمري طويلة العمر
موزه : مم لو سمحت ممكن تشل هالشنطه وتوديها السياره ..
غيث : ان شاء الله
اليازيه : موزه بلاج ويهج مصفر وسواد فضيع تحت عيونج ..
موزه : لا لا ماآآ شي
اليازيه : شكلج انتي واخويه بطي متفقين .. .
موزه " قلبها انقبض " : ليش بلاه !!!
اليازيه : دخل علينا اليوم الصبح ويهه مصفر وقميصه مطرور وكله خايس دمّان وتميت اتخبره شو مستوي
ويا يبا يزقر هادف بغى يطيح زين انه هادف تلاحق عليه وشله ..
موزه : ّ!!!! وعقب
اليازيه : ماشي وديناه حجرته ولين الحينه راقد
موزه " يعله فيني ولا فيه " : مم يلا نروح ..
اليازيه : يلا ..
" وظهرت ويا اليازيه .. وويهنا صوب باسكن خلاف رحنا بيتهم ..
بيت بو راشد
موزه اليازيه : السلام عليكم
الكل : وعليكم السلام ..
ورحت عطول سلمت على امايه مديه .. " يدتي "
خلاف يلست شوي ورحت ويلست برع تحت المضله وكان نفاف خفيف والجو بارد ..
موزه : هااتشو .. الحمدالله
.....: يرحمج الله
" صديت وشفت بطي كان شكله وايد تعبان
موزه : ادخل داخل بتمرض
بطي : يلا انزين انتي بعد ادخلي ويايه ..
موزه : لا انته روح وانا شويه وبي
بطي " ماسوالها سالفه يلس حذالها
موزه : هاتشووو .. آآه الحمدالله
بطي : يرحمج الله
موزه : يهدينا ويهديكم ..
بطي : مم شحالج الحينه
موزه : الحمد الله .. بطي بليز روح داخل عن تمرض
بطي : تخافين علي
موزه " ياربيه هذا بيذبحني "
بطي " وهو ينش " : تعرفين
موزه : ........ مـم شو ؟!
بطي : اتجنن على صوتج
ودخل داخل اما انا ويهي تلون الوان
.
.
.
شويه وظهر هادف
هادف : موزه !!!!!
موزه : لبيه
هادف : خشمج ينززف !!!!!
موزه " حطت ايدها صوب خشمها وشافت كله دم
هادف : ربع داخل وياب كلينكس .. وحطه صوب خشمها ورفع راسه
موزه : خلاص هادف ماستوى شي ضني انك بتظهر يلا روح توكل
هادف : وين اتوكل الله يهديج " ويرها من ايدها ودخلها واليازيه وبطي !!!
يزوي ربعت صوبهم وبطي منقهر
يزوي : بلااها مواز
موزه : مـ ــ اشي .. هاتشوو وظهر دم زياده
اليازيه : تروعت بطـــ ي تعال
بطي يا يربع
موزه : والله مافيـ ني شي
يزوي : لازم تسيرين المستشفى ..
موزه : لا مابروح
يزوي " لاحظت ايديه
يزوي " شهقت : موااز
موزه : ها
يزوي : شو هذا ليش ايدج ملفوفه
موزه " ارتبكت " : مم هـ ــي هذا أآأ
بطي : مـ ــ م يزوؤ ي سيري هــ اآأتي ثلج حق موزه عشان يوقف هالدم
يزوي : انشاء الله وربعت
موزه : ثانكس
بطي : سيري ارتاحي فوق
موزه : مم لاعادي بعد شوي بروح .. بسير اعطي يدوه الدوا
بطي : اوكي بسير وياج
موزه : ممـ يلا
وقبل لا يروحون يتهم اليازيه
اليازيه : على وين
يتهم نصره اللي وياها خوله : هااااااااي
موزه : وعليكم السلام
وقفطن خوله ونصره .,,
بطي واليازيه : هههههههههههههههههههههههههههه
اليازيه : اسميج تعرفين تقفطين ..
موزه : عن اذنكم
بطي : ويت بسير وياج " استانست موزه وانقهرت خوله .. "
خوله : أآآ بطـــي
بطي : شوي وبيي
وراح ويا موزه
موزه : مرحبا يدوه
يدتهم : موااز وينج عني يا امييه
موزه : آسفه يدوه بس رحت بيتنا البارحه ورقدت واليوم رديت
يدتهم : بطي تعالي اقرب الغالي اشعنه واقف
وراح بطي صوب يدته وباسها ع راسه ..
وتمو يسولفون وياها لين يا وقت الدوا وعطتها موزه
موزه : يدوه يلا وقت العشى
وراحو كلهم غرفة الطعام ..
ميثا : موووذه
موزه : عيووني
ميثا : اكلييني
موزه : حبيبي انتي بتمرضين
ميثا : عودي والله
موزه : لا حياتي بتمرضين
.
.
خوله " منقهره وغيرانه من موزه "
موزه : الحمد الله
بطي : وين ماكلتي ..
موزه " بابتسامه رقيقه " : شبعت
يدها : لا ايلسي .. كلي يا بنتي ويهج امرره مصفر ..
موزه : مم يدوه شبعت ..
خوله " بصوت واطي " : بلاها هاي تتدلع
اليازيه : سمعتج
نصره : انا بعد
خوله : ههه ماشاء الله .. وراحت موزه فوق ترتااح
.
.
.
صوب هادف واسما .. االلي يتعشون ف جيليز
هادف : حبيبي
اسما : لبيه
هادف : باجر بمر عليج عشان نسير نختار بطايق دعوه ولا نسيتي لانه ماباجي شي
اسما : انشاء الله
هادف : احبج
اسما : .....
هادف : انزين قولي احبك
اسما : مم
هادف : خلاص زعلت
اسما : لااا بقول
هادف : يلا
اسما : احـ ــ ـبـ ـــ ـ ـك
هادف : وانا اعشقج ويلس هادف يخبرها عن بنت عمه موزه اللي اسما وايد ارتاحت وتبا تتعرف عليها
.
.
.
العين ..
بيت بو احمد
ام احمد : وين سعيد عيل
مانع : الحينه بي
سعيد " وهو يرمس بالفون " " فمان الله ..
اام احمد : ترا باجر بنسير بيت عمكم محمد
سعيد " بحماااس " : اوكيييييي
مانع : هههه بلاك متحمس
احمد : ليش فذمتك يعني
مانع : ها سعيد ليكون
ام احمد : ها شو بعد عندكم
سعيد : احمم ماشي اماايه
.
.
.
بيت بو راشد

بطي : انزين خوله
نصره : بتباتين عندنا صح
خوله : هي
اليازيه : .......
بطي : عن اذنكم " وراح يرمس بالفون "
موزه : تصبحون على خير ..
الكل " باستثناء خوله " : وانتي من اهله ..
ميثا : احلام ثعيده حقنا
موزه : يلا ميثاني
ميثا : يلا
.
.
وراحن ميثا وموزه الحجره
ميثا : موذه بندي الليت
موزه : لا اخااف من الضلام
ميثا : لا انا ماخاف تمثكي فيني
موزه : ههههههههه
ميثا : يلا بندي
موزه : اوكي
وفعلا موزه حضنت ميثا عشان ماتحس بأي خوف ..
تحت ,,

بوراشد ويا ولده بطي ..
بو راشد : مم بطي
بطي : لبيه ابويه ..
بو راشد : لبية حاية يا ولدي مم
بطي " عقد حياته " : آمر ابويه شو في خاطرك .. ؟
بو راشد : شو رايك في بنت عمك موزه
بطي " بخوف " : ما عليها زود يابويه
بوراشد : يا ولدي انا ابا ايوزك موزه
بطي" بصدمه وقف : شوووووووووو !!!!
بو راشد : شو رايك يا ولدي
بطي : بس ابويه
بو راشد : لا ترد عليه الحينه اتريا منك عقب اسبوع

تعبت استعطفك
وارجيك وامشي في سبيل ارضاك
وتلعب بي على كيفك تبعدني وتدنيني
تحملتك وانا صابر وادور لك عذر لخطاك
ولكن مانفع صبري معك واليوم يكفيني

كــت توقعاتكم ورايكم
روح البداوه

__DEFINE_LIKE_SHARE__

¬» ۶ـنيدهـِ بـפـبڪْ ؛* · 08-31-2010, 11:26 PM

يسلمـوؤ خيتـوؤ عـ البـأإآرت التـرتـوؤبـ
بس لييش موأإآز بغت تنتحـر >< .. بس زين ان بطي لحق علييها .. وشكلها بدت اتمييل لـ بطي
خـولة .: كريهـة حدهـأإآ .. لييش تكره مواز .. وشكلها تحب بطي
بطي .: تصرفـاته كلها ادل على انه يحب مواز .. بس لييش احس انـه رأإآفض فكرهـ الزواج

و فـ انتظـأإآر التكملـة خيتـوؤ
ولـآ تبطيين علينـأإآ __DEFINE_LIKE_SHARE__