~ ][ أمي لماذا أنتي أجنبية .. !! ][ ~ - الصفحة 6

~~Pink-Heart~~ · 11-27-2008, 10:47 AM

والله انا اشوف هالشي عادي
لو شو ماكانت في النهايه هي امي
و لازم احترمها __DEFINE_LIKE_SHARE__

@Lonely@ · 11-27-2008, 11:48 AM

السلام عليكم ورحمة الله وبركاته

أول شي أشكرج ختية الغالية ع الموضوع لانه وااايد حساس ومهم بنفس الوقت

وأنا عني بفتخر بأمي لو شو ما كانت يكفي انها ربتني وتعبت علي وأحسنت تربيتي

بس عندي تعقيب بسيط على بعض الردود اللي قال حد من الاخوة فيها انه هب ذنبها انه جنسيتها غير ولكن الذنب ذنب الوالد

أنا الصراحة ما أجوف انه لما تكون الوحدة جنسيتها غير إماراتية وخلنا نقول غير خليجية يعتبر ذنب وبعدين هب حرام انه الواحد ياخذ وحدة

من برع البلاد ما في حديث أو نص يحرم ....

وبالنسبة للأشخاص اللي يستحون من أمهاتهم الغير مواطنات من رأيي غلطانين بس بعد نلوم المجتمع والبيئة اللي هم عايشين فيها يغني الصراحة في دولتنا في فئة من الناس يعتبرون انه الأم غير المواطنة ما تعرف تربي .... والله أنا أعرف بنية ما شاء الله عليها دين وأخلاق وما عليها رمسة أمها هب مواطنة .... وفي ناس أمهم مواطنة بس أخلاقهم هب زينة .. انا ما أقول انه كل الأجنبيات يعرفن يربن أو كل المواطنات ما يعرفن ..... بس أقول انه التربية والأخلاق والأدب ما لهم جنسية يعني أهم شي انه الأم تكون مسلمة وتعرف الدين ...

والسموحة __DEFINE_LIKE_SHARE__

منطووق قلبي · 11-27-2008, 12:09 PM

سلاااام عليكن والرحمه يميع

موضوعج طيب يا ختيه الفلاااسيه

وانا رايي من رايي الاخوه اللي قبلي انه ما فيه عيب ولا بستحي اذا امي مب مواطنه

بالعكس امي هي اللي ربتني ومحد داراني غيرها اجازيها بنكران ليش ؟؟!!

لا حرراام لا الله ولا رسوله قاال جيه

واشكرج ثاني مره ع الموضوع <<للعلم ناقشته مره وياا دكاتره الجامعه وكاان واايد شيق وممتع __DEFINE_LIKE_SHARE__

~~اڷإمـآرآتيـﮧ~~ · 11-27-2008, 04:57 PM

فلاسيه انا بقولج بصراااحه ايا كان جنسيه الأم سواء كانت هنديه ولا سرلانكيه
بتم اعزها وبالعكس ما بستحي بفتخر لانها ربتنا احسن تربيه

الأم ...

قالوا عنها..
مصدر الحنان والرعاية والعطاء بلا حـدود ...

وقالوا ..
هـي الجندي المجهول الذي يسهر الليالي ، ليرعي ضعفنـا ويطبب علتنـا ...

وقالوا..
هـي الإيثار والعطـاء والحـب الحقيقـي الذي يمنـح بلا مقابـل ويعطـي بلا حـدود أو منــّـة

فلماذا نخجل لكونها من جنسية أخرى

فديييت ماماتي و مابنسى لحظااااات وقفت وياي وضحت عمرها بس عشانا __DEFINE_LIKE_SHARE__

ρяiиcεss · 11-27-2008, 05:41 PM

مرحبآاني

صبآاح / مسآا الورد

موضوعج مهم يالفلآاسيه

من رآايي إن محد من الزملآاء أو الربع أو etc

يقدر يقول كلمه أو يمآازح ولد / بنت الأجنبيه بطريقه جآارحه

إذا كآان هالولد / البنت ما يعتبرون إن أمهم الأجنبية عآار

البآارحه كنت طآالعه ويآا بآابآاتي

و شفت شي استغربت منه .. بس استآانست إن شي نآاس جي !

شفت أمَ { من شرق آسيآا }

و ولدها الموآاطن { تقريباً عمره 20 او اكثر شوي } مآاسك ايدهآا عسب مآا تتخرطف

{ لأنهم كآانوا يمشون في مكآان صعب إنه الوآاحد يمشي فيه }

كآان وآاضح إنَه ولدهآا من الشبه ^^..

يعني هالولد سوَآا يمكن اللي مآا سووه الشبآاب / البنآات اللي أمَهآاتهم موآاطنات

و يوم هو مب مستحي إنَه أمَه أجنبيه .. بالعكس مفتخر فيها .. محد بيقدر يقول له كلمه

اسمحيلي ع الإطآاله ×××××××××××

موضوعج نآايس __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	الإستراحه العامة	18	01-18-2010 12:53 AM
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	المواضيع المكرره	0	01-12-2010 10:28 PM
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	المواضيع المكرره	0	01-12-2010 10:27 PM
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	المواضيع المكرره	0	01-12-2010 10:25 PM
لماذا تسرق المنتديات الاخرى مجهودنا.... لماذا لماذا .... وما الحل برأيكم اخواني ؟؟؟؟	محروم.كوم	منتدى أخبار المواقع والمنتديات العربية والأجنبية	0	04-22-2009 06:40 PM