~ ][ أمي لماذا أنتي أجنبية .. !! ][ ~ - الصفحة 5

- { فلاسـية جميـــرا , . · 11-25-2008, 04:52 PM

المشاركة الأصلية كتبت بواسطة النعيمي

السلام عليكم ورحمة الله وبركاته

والله ياختي شو اقول لج، نحن استوينا في زمن لانُحترم الا بجنسياتنا ، بعيد كل البعد عن الإنسانية ..

ماهو ذنب امي مثلا اذا كانت من جنسية عربية او آسيوية ...؟!!
هل هو رجس من الشيطان ؟!! ام انها مخلوقة من نار ؟!!

0
0

باخذ الموضوع من جانب آخر من رخصتج يافلاسية جميرا ..
0

انا عندي واحد من ربعي والله ونعم فيه ..امه آسيوية .. كم مره سار يخطب ، وللأسف رفض من الكثيرات بسبب ان امه اصلها آسيوي ...؟!!!
شو هالجهل والتخلف اللي صاير في مجتمعنا ؟!!

وين الدين والأخلاق والرحمه ...؟!!

ليش نحن اللي نصنع من الزين شين ...ريال ونعم فيه ، ينرفض على شان امه اسيويه ...!!

للأسف نحن مجتمع راقي ومسلم وربنا اعطانا نعم كثيرة ، بس نحن ندور عذاريب من تحت الأرض ..وفالأخير
" نحن عاداتنا وتقاليدنا ماتسمح" ... دخيل والديك .. اي عادات وتقاليد !! ... والله اذا هاي عادات وتقاليد فهذه عادات دخيلة وشيطانيه..
من صنع الشيطان ..

0
0

وفالنهايه الإنسان مايختار امه ، الواحد يحمد ربه ان امه ربته تربية صالحه ، وان الجنه تحت اقدام الأمهات .. نحن في مجتمع
اصبح للعادات والتقاليد في كفة ، والدين في كفه اخرى .. وهذا الفصل فيما بينهما مضر ويجرنا وراء بدع وضلاله ..
0
0

السموحه على الإطاله وانا خذيت الموضوع ربما من منظور آخر لكن له صلة فالموضوع ، وهالشي على فكره منتشر وبكثره في مجتمعنا الإماراتي ..

[mark=ffff66]* ملاحظة [/mark]

تم التعديل على بعض الردود ، اتمنى عدم تحديد جنسيات فقط ذكر الأقاليم والأقطار وذلك لعدم التجريح ..
وهذا من شروط وقوانين الكتابه فالقسم

والسموحه
0
0

غديّر النعيمي

وعليييكم السلام ورحمة الله وبركااته .. مرحبا مشرفنا .. نورت ..

جمله بغاااايه الروعه .. >>> ( نحن استوينا في زمن لانُحترم الا بجنسياتنا ) .. <<< نعم بالفعل .. !!

نعم ليس ذنب الأم إذا كانت جنسيتها .. غير .. ولكن اللوم الأكبر يقع على الزوج كما ذكرت في البداية ..

نعم أخوويه .. سمعت بهذا الموضووع كثيييرا ً .. كما تفضلت وذكرت حضرتك إنه هالشيء منتشر بكثير في المجتمع الإماراتي ..

وأنا كذلك إحدى صديقاتي .. رفضت رجل وذلك لأن أمه آسيوية .. سبحان الله .. !!

الله المستعان .. وتسلم أخوويه على مروورك الراقي ..
__DEFINE_LIKE_SHARE__

- { فلاسـية جميـــرا , . · 11-25-2008, 04:57 PM

المشاركة الأصلية كتبت بواسطة ☠جمجومه☠

☠ عليكمــ السـلامــ والرحمهــ ☠

☠تسلمين ... ع الموضوع ☠ ربي يعطيج العافيه ☠

☠ بصراحه الام باختلاف جنسيتها تبقى ام ☠ مهما صار هي الي ربتني وهي الي تحافظ علي ☠ لانه ها دليل ع قلب الام.. الام حنونه مهما صار ☠

☠ وانا لو بحس بالعار انه امي من جنسيه ثانيه ☠ ليش.. ليش احس بهالشي بالعكس لازم افتخر بهالشي ☠ لانها هي الي ربتني ع الصفات الحلوه ☠

☠ والزينه فالتعامل ويا الناس وغيره ☠ طبعا لو تمينه نرمس عن الام مابنخلص ☠ وخاصه يزاها مانقدر نوفيه ☠

☠ والي يحس بالعار من هالشي صج عديم احساس ☠ واذا هو بيحس بالعار بسبت كلام الناس ☠ ترا الكلام مايخلص ☠ والناس كل يوم لهم رمسه ☠

☠ مايخصهم فيني ولا انا لي خص فيهم ☠ واذا يبون يرمسون خل يرمسون من اليوم لين مايعورهم لاسنهم ☠ لانه الدنيه بدور بدور وبترد عليهم☠

☠ والسموحه ☠ وربي يعطيج العافيه ☠

مرحبا جمجومه .. تسلمييييين ختيه على كلااااامج .. الحلووو .. أكيييييد .. عديم إحساس اللي ما يعرف شوو يعني الأم ..

مشكوووورة على المروووور .. طلي علييينا دايم الدوووم .. __DEFINE_LIKE_SHARE__

- { فلاسـية جميـــرا , . · 11-25-2008, 05:08 PM

المشاركة الأصلية كتبت بواسطة яôǾô7-έłĢsёёđ

.{ وعليج السلام

بخير ومن صوبج

الله يرحم امي

عن نفسي انا امي جنسيتها مب شرات جنسيتي بس خليجيه ^^

بس هم القاا انتقادات في كل مجلس ...{ يااتكم بنت ال.... في كل مكاان اسمعها بين الحريم

بس ماعليه من حد لاني احس اني سويت لهم ازمه في حيااتهم ويستااهلون خخخ

هالموضوع يختلف بين النااس كل واحد وتفكيره

كيف يبي ياخذ الاموور في ناس عقاال وفاهمين وماايخلطون الامور في بعض

وفي نااس اللله يرحم حاالهم ..{ ماايعيبهم شي والله يهديهم

تقبلي مروري

مرحباا ختيه رووح القصيييد .. أشكر صراااحتج الطيبة والله يرحم الوااالده ياا رب ..

تسلميييييين وأنا كلي فخر إن تكوون لي إخت شرااتج ..

لا تحرمييينا من طلتج ,, __DEFINE_LIKE_SHARE__

النعيمي · 11-27-2008, 12:35 AM

نعم ليس ذنب الأم إذا كانت جنسيتها .. غير .. ولكن اللوم الأكبر يقع على الزوج كما ذكرت في البداية ..

تسلمين ع الرد ، ولكن ممكن تشرحين لي ها الجمله بالتفصيل ..

النعيمي __DEFINE_LIKE_SHARE__

آ۶ـشڨ ڎآڪ }›،. · 11-27-2008, 01:47 AM

موضوع حسآٍس }.,

الام هي ام ان كانت عربيه او اجنبيه --{ ان كانت مثل جنيسة عيآلها او لا ..

مهما اختلفت كونها خليجه عربيه اسيويه

تبقى ام

وواجب علـى عيالها يحترمونها ويقدرونها ويبرونها ..

مب ذنب او عار تكون مب مثل جنسية ولـدها

انا آشوف لو كانت الام اجنبيه او خليجيه او اسيويه او تكـون اللي تـكون

تبقـى تحت مسمـى " الأم " ..

قال الراوي: فسألت ابن عباس : لم سألته عن حياة أمه؟ فقال: [إني لا أعلم عملاً أقرب إلى الله عز وجل من بر الوالدة] رواه البخاري في الأدب المفرد، وإسناده على شرط الشيخين

اللي يجنب امه لأنها غير عربيه --{ او بالمعنـى الأصح يخجل منها

هذا مب ولـد ".. لو الام شو تكـون .." وحـرآم الشهور اللي حملت فيه والسهر وغيره من واجبات الام

بصرآحه مايكفي الكلام في حق الام

ولا بتكفي النصايح لبر الوالديـن

الله يحفظ امهاتنا ،.

تسلمين فلاسيـة جميرا موآَضيعج مهمه وان شاء الله دومج مبدعه فيهن الله يعطيج العافيه ويوفقج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	الإستراحه العامة	18	01-18-2010 12:53 AM
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	المواضيع المكرره	0	01-12-2010 10:28 PM
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	المواضيع المكرره	0	01-12-2010 10:27 PM
قلتُ لكِ سابق ( أنتي أميرة ) لكن للأسف كاذب .. (أنتي حقيرة )	Дјறàl Диsǎήһ	المواضيع المكرره	0	01-12-2010 10:25 PM
لماذا تسرق المنتديات الاخرى مجهودنا.... لماذا لماذا .... وما الحل برأيكم اخواني ؟؟؟؟	محروم.كوم	منتدى أخبار المواقع والمنتديات العربية والأجنبية	0	04-22-2009 06:40 PM