هدد الشاهين اليوم علي الكروان.. 2 رمضان..12_8_2010

محروم.كوم · #1 08-13-2010, 01:42 AM

السلام عليكم ورحمة الله وبركاته

اخواني الاعزاء في صرح مكشات كل عام وانتم بألف خير
ومبارك عليكم الشهر الفضيل واسأل الله ان يتقبل صيامكم وقيامكم
اليوم كنت في زيارة لاصدقائي عائلة الصبيحي وهم من اعرق واقدم
الصقارين والطواريح في ليبيا ويعرفهم القاصي والداني وسبق ان عرفت
بهم في مواضيع سابقة وقد كان اشرف الصبيحي في رحلة لطرح الطيور
ورجع معاه 8 وكاري و 2 شاهين جبلي اغلبها تم بيعها ولكن قالي انه مجهز
شاهين جبلي للكروان و قام بتعليمه واخذ طيرين كروان قتله ماشاء الله
في هالوقت ما حد هد علي كرواين عندنا ومتي دهلته ومتي علمته
صار يضحك وقالي انه رجع من مقناص الشبك جاهز ودهلته هناك
قتله ما عليك حيله واشهد ان طيوركم دائما جاهزة لكل طريدة
المهم خرجنا قبل صلاة المغرب وبصراحة جيتهم والوقت كان ضيق
تقريبا العصر الخانق واخذتنا السوالف قالو نطلع نعشي ونرجع قلتلهم يلا والله لينا زمان ما شفنا هدد ونبي نستانس قالو ابشر ونحن عالمين مكان جول كراوين قريب طلعنا والحمد لله توفقنا بهدد واحد واليكم الصور اخوتي وسامحونا عالاطالة

هاذي وكرية فرخة من المطروحة حديثا..ويجهزونها لتكون طراد

وهذه ايضا فرخة ويبونها طراد ايضا

وهاذي ماشاء الله عليها وافية ولكن قالولي ان البارحة جاها مرض الرعشة
وصارت تحضن علي الارض وما تاكل فقامو بكييها فوق المنقار بسيخ حامي
وهي طريقة مجربة عندنا وجربتها شخصيا مع قرناس ونجحت
وسبق ان نزلت موضوع خاص بكوي الطير لعلاج الرعشة
وصارت اليوم تعلف وماشية للتحسن
والسهم يشير الي مكان الكوي

سامحونا لردائة الصور اليوم ما كنت مركز

وهذا الجول لما طيرناه ويظر 2 منه في الصورة

الارض فيها صخور و كانت وعرة جدا صورت صور من بعيد للهدد
لكن للاسف ما طلع منها شي الصورة فيها السحاب وخلاص
يظهر في الصورة اشرف الصبيحي راعي الشاهين الجبلي بعد ما اخذ الكروان

ماشاء الله عليه وشكلنا نبي نستانس منه في الايام الجاية

صرنا نقول لاخونا اشرف وهو يعشيه(لا يكون قلبك حنون عليه ما تكثرله
نبي نقنص بكرة وخليه يحتاج ترا الجو مازال حر)

تمت الصور بحمد الله وان شاء الله بتشوفو المقناص الجاي قريبا
بكره او بعده باذن الله فأنتظرو مني ما يسر خاطركم

اخوكم ايمن

صياد ليبيا

__DEFINE_LIKE_SHARE__