|
هدد الشاهين اليوم علي الكروان.. 2 رمضان..12_8_2010 السلام عليكم ورحمة الله وبركاته اخواني الاعزاء في صرح مكشات كل عام وانتم بألف خير ومبارك عليكم الشهر الفضيل واسأل الله ان يتقبل صيامكم وقيامكم اليوم كنت في زيارة لاصدقائي عائلة الصبيحي وهم من اعرق واقدم الصقارين والطواريح في ليبيا ويعرفهم القاصي والداني وسبق ان عرفت بهم في مواضيع سابقة وقد كان اشرف الصبيحي في رحلة لطرح الطيور ورجع معاه 8 وكاري و 2 شاهين جبلي اغلبها تم بيعها ولكن قالي انه مجهز شاهين جبلي للكروان و قام بتعليمه واخذ طيرين كروان قتله ماشاء الله في هالوقت ما حد هد علي كرواين عندنا ومتي دهلته ومتي علمته صار يضحك وقالي انه رجع من مقناص الشبك جاهز ودهلته هناك قتله ما عليك حيله واشهد ان طيوركم دائما جاهزة لكل طريدة المهم خرجنا قبل صلاة المغرب وبصراحة جيتهم والوقت كان ضيق تقريبا العصر الخانق واخذتنا السوالف قالو نطلع نعشي ونرجع قلتلهم يلا والله لينا زمان ما شفنا هدد ونبي نستانس قالو ابشر ونحن عالمين مكان جول كراوين قريب طلعنا والحمد لله توفقنا بهدد واحد واليكم الصور اخوتي وسامحونا عالاطالة http://www.mekshat.com/pix/upload01/...5_img_0262.jpg هاذي وكرية فرخة من المطروحة حديثا..ويجهزونها لتكون طراد http://www.mekshat.com/pix/upload01/...5_img_0263.jpg وهذه ايضا فرخة ويبونها طراد ايضا http://www.mekshat.com/pix/upload01/...5_img_0264.jpg وهاذي ماشاء الله عليها وافية ولكن قالولي ان البارحة جاها مرض الرعشة وصارت تحضن علي الارض وما تاكل فقامو بكييها فوق المنقار بسيخ حامي وهي طريقة مجربة عندنا وجربتها شخصيا مع قرناس ونجحت وسبق ان نزلت موضوع خاص بكوي الطير لعلاج الرعشة وصارت اليوم تعلف وماشية للتحسن والسهم يشير الي مكان الكوي http://www.mekshat.com/pix/upload01/...5_img_0265.jpg سامحونا لردائة الصور اليوم ما كنت مركز http://www.mekshat.com/pix/upload01/...5_img_0268.jpg وهذا الجول لما طيرناه ويظر 2 منه في الصورة http://www.mekshat.com/pix/upload01/...5_img_0269.jpg http://www.mekshat.com/pix/upload01/...5_img_0270.jpg http://www.mekshat.com/pix/upload01/...5_img_0271.jpg الارض فيها صخور و كانت وعرة جدا صورت صور من بعيد للهدد لكن للاسف ما طلع منها شي الصورة فيها السحاب وخلاص يظهر في الصورة اشرف الصبيحي راعي الشاهين الجبلي بعد ما اخذ الكروان http://www.mekshat.com/pix/upload01/...5_img_0274.jpg http://www.mekshat.com/pix/upload01/...5_img_0275.jpg ماشاء الله عليه وشكلنا نبي نستانس منه في الايام الجاية http://www.mekshat.com/pix/upload01/...5_img_0276.jpg http://www.mekshat.com/pix/upload01/...5_img_0277.jpg صرنا نقول لاخونا اشرف وهو يعشيه(لا يكون قلبك حنون عليه ما تكثرله نبي نقنص بكرة وخليه يحتاج ترا الجو مازال حر) تمت الصور بحمد الله وان شاء الله بتشوفو المقناص الجاي قريبا بكره او بعده باذن الله فأنتظرو مني ما يسر خاطركم اخوكم ايمن صياد ليبيا |
| الساعة الآن 11:36 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir