•. آحــب الــبـر والــمـزيــون .• - الصفحة 21

ємαяαтya Kαsн5a · 09-23-2008, 10:46 PM

Hi

اممم بنتـــظار البــــارت بـــاجــر
و نــباه عــاد كشــــخه و حـــلو + Nice ..
و بعــدين تــراك اخويهـــ وايـــد اطـــول في التـــنزيــــل ؟؟؟>>Why ..اعتـــرف !! Loooolz
بنتــظاره Barther..

سلامـــي عـــليكـــ] ..

__DEFINE_LIKE_SHARE__

احلاهم واتحداهم · 09-23-2008, 11:50 PM

المشاركة الأصلية كتبت بواسطة حنطاويه _ طرر

بتخبـرج يـا الـدبـه .. الحين انـآ الي اضربج ..

والا انتــي الي مكسرتنــي من كثر التدحيح ..

ادريبـهــآآ احلاموو جـيه مـآ تبى تسامح هزااعووه ههههع ..

هييهـ انتي
مــنو ذيج المـره حـذآآل صفكم ضربني
يوم انا اول شي ضربتج عقب انتي ضربتييني >> احم الطراق الطراق هع

ليييش ؟ >> بس خلاص استري علينا هع

اقوولج جلبنا القصه برزة هع !!

السمووحه اخويه بس هااي حنطاويو هع هع __DEFINE_LIKE_SHARE__

حنطاويه _ طرر · 09-24-2008, 12:11 AM

هيــه يومـ الـطرآآق .. ههههههههههههههههههـ .. بس صـدق خـدي عورنــي

هههـ .. عــآآدي .. دنيياا مـآ بيقوول شــي صح >>وآآآثقــه

ويلـا عــآآد شـد الهمــه خيوو .. ونـزل بــآآرت غــآآوي ..

والـا الخيـزرآآنــه بتشووف شغلهــآآ >>> خخ اثوولـــف ^.* __DEFINE_LIKE_SHARE__

دنيـ! غريبـه · 09-24-2008, 12:54 AM

{ . . ههههههههههههههههههه

ثـوآآنـي وبنـزل البـآرت

وعقبـهـآ بـرد عليـــــــــڪم . . } ~ __DEFINE_LIKE_SHARE__

دنيـ! غريبـه · 09-24-2008, 01:03 AM

{ . . البـآرت الـ5 . . } ~

الصبـح السـآآعـه 10 ونص
ام هزاع : يبـووويه قومو يالله هبابكم لين تخلصوون سبوح وتشربون لكم كويبة جاي وتلحقون ع الصلاه
هزاع : يالله يالله ناشين
هزاع ويرقع عبادي ع راسه : قوم قوم تسبح قبلي خلني اخذ غفوه
عبادي : اففف ان شاء الله
ونش عبادي وراح يتسبح وخلص ووعى ميـود وسيف وسار يوعي مبارك
عبادي : مباارك ابويه يالله قوم
مبارك : لالالالالا نصور والله بصفعك دوووس دووووووووووس
عبادي : كفخه عندك اياااااااه قوله يشد الهمه يالله يالله نصووووور دووووس بيشخطوونك الحين
مبارك : قوله قوله هالجبش نصووووووووور قسم بالله بصفعك دووووووووس
عبادي : يقولك يدوووس بس مايروم يزيد بتبند عليه السيااااره
مبارك : خراااااااااط الا هووووووو فرووووق ( خواف ) مسود الويه يوم قلت له خلني اسوق ماطاع الهرم
عبادي : سودالله شاربه مسود الويه مايستحي
مبارك : عندك اياه زيييييييييده
جان ينش عبادي ويكفخ مبارك ع قمة راسه : عنلاااتك وايد عايش الدور ومصدق عمرررررك متفيج حق الدعااس الهرم هاه ماعليه ان ماخبرت شويبتك ويالله قوم هبابك خلق الله بيصلون العشا وانته بعدك ماصليت الظهر
مبارك فاج عيونه آخر شي ويجوف عبادي : الحيييين فليل
عبادي : لاتفجهن من الله ماشاء الله هالكبر بعد تفجهن اسميني بتخشع
مبارك يعتدل ويكشخ بالضحكه والبطـره والخقـه صاكه عنده فوووووول
عبادي : وايه قوم قوم لا ننهزب
ووعو هزااع وسارو يخلصون ويزهبووون للصلاه
والبنات نشن وسلمن على العياايز
ويلسن وادفن وشربن جاي وراحن يصلن
وع الساعه 1 ونص حـطووووووو الغدا

وتغـدو الشباب كلهم وخلصووووووو
وين الحريم وتغدن وخلصن ويلسن البنات يفازعن
الخداماات وعقب البنات والحريم تولفن رباعه
ويلسن يشربن جاي حمرر والشباب والشواب بالمثثثثل
علايه تصاصر مريوم :مريوووووم قوووولي لهم بنروح نحووط
مريوم : ويين عاد مانبا المزرعه من ينا واحنا عقب الغدا قبضنا الخط صوب المزرعه دوري بقعه ثانيه
فطامي : سمعن سمعن بنسير شمـآل صوب راس الخيمه وجلباا ودبا وربعها ومناك
مريوم : يالله يالله قردنوووووهم
ميثوه يالله بدينـآ : اففففف مـلللل ( مبوزه لاخت )
العيوز : ويدي يالله بالستر يابنتي هذن خوياتج كلهن عندج شو من ملل بعد
شموه : وين يا امايه والله الا مجابلات ونعيد نفس السوالف من اسبوع الحين
العيـوز : لالا خل عنكن لو تبن بظهرنها العلوم لو من تحت القـآع
فطامي سارت تتلصق فالعيـوز : انزين امايه بس الحواطه غيييير وانتي اجوفين الدنيا عدالج ونرووح صوب راس الخيمه منـاك ونقضي الوقت لين المغرب
ام ميثوه : والله زيييين جان بيعزمون الشواب نبا نسير نطالع
ام علايه : ييييها من متى نعديبها ذيج البقعه
ام شموه : هيه والله يالله ياعمتيه عليج انتي عزمي بعايلج نسرح باجر الصبح
العيوز : فالكن طيب دام الكل معزم ع السيره
البنااااااااات كلهن كشخن بابتسامه طاره الويه

عنـد الشبـآآب , ,

ميـود : مبـآرك خلـونا نروح نقطع بدال اليلسة والسوالف
بوعبآدي : وين تبون يالسين ترانا ولا الحين يعني التقطيع اخير من مجابلنا . .
ميـود ينش يحب راس ابوه : لاوالله يبوية عنبووه انتو شيوخنا وع الراس من فووق بس بعد الحوامة لابد منها
مبـارك : سلامي عليك يالتقـرديين ادهن ادهن بعد
سيف : عاد ميود افهم يعني ماشي سيره لين تقردني
مبارك : عنلاتك يالهرررررررم امره معذر من تقردنييكم
هزاع : يلا يبوية نشـو بنسير كلنا رباعة وبنتوزع فسيارتين
حمـدان : يلا فوقة
ونشـوو كلهم

بوهزاع وبو عبادي وبوسيف واحمد وميـود فسيـاره ويسووقبهم هزاع
ومبارك وسيف وعبادي وحمدان فسياره

والكل توجه صوب العراقيب

عنـد البنـآت :

اليده : ويدي بلاهم تشلشلو كلهم مره وحده ولا لهم حس ولاغيره
ام هزاع : اكيد ياعمتية سارو يحوطون ولايطالعون شي خليهم يغيرون جو بدال اليلسة
اليده : سودا الله شواربهم وشله يسيرون ولايسون لي شوور يلا يلا الحين يردوون يشلونا
شموه : عاشت يدووووووووووووووه عاااشت
مريوم : يلا عاد عزرت اليده الله يعينهم خخخخخخخخ
فطامي : هههههههه مسكين حالهم ماواحى يتهنون خليهم يدوه برايهم نحن باجر بنسير وياهم
ام عبادي : صدقها فطامي خليهم وباجر ان شاء الله بنسير
اليده : انا قلت يردون يعني يردون يلا قطعنها الرمسة
ام سيف : زين ياعمتية انا بدق لهم بجوفهم وين جان يحوطون بنخليهم يردون يشلونا وجان سايرين لحاية ولا شي خلاص تراهم مرخوصين
ميثوه : صدقها اماية جوفيهم قبل لانتفشل هههههههههههه ويظهرون سايرين بقعة
ودقت ام سيف لولدها . .
سيف : حييييييييييبه الغالية
ام سيف : مرحبا فدييييتك
سيـف : امري ادللي شيختية
ام سيف : مايامر عليك عدو الغالي . . الا وين انتو وين روحتوو
سيف : والله يااماية روحنا نقطع
ام سيف : ها عمتية ظهروو سايرين صوب عزبة ريال
سيف : اماية بلاج الله يهديج اقوولج سايرين نقطع
ام سيف : لاوالله فديتك الا عمتية محتشره تقول خلوهم يردون يشلونا وياهم
سيف : ههههههههههههههههههههههههههههههههه يحيج يوم فكيتينا خلونا نحووم شباب عزابية رواحنا وبنكشت شوابنا وبردهم لايام العزوبية
ام سيف : يالهرووم والله يخبر عليكم عمتية تراني ان ماصطلبتوو
اليده : ها ها بلاهم خبري شلة ماتخبرين
سيف : ههههههههههههههههههههههههههههههههههههههههههه اسميها امره ماتصدق لافديتج خلاص امووح ع راسج كلة ولا زعلج الغالية
ام سيف : هية جي اباك
سيف : زين عيل اماية شي فخاطرج
ام سيف : هالله هالله ع عماركم فديتك
سيف : ان شاء الله الغالية
وسكروووووووووووو
ام سيف : جفتي ياعمتية ظلمناهم حليلهم
اليده : حلهم حلوو الا ماواحد فيهم قال بحوط اماية وبكشتها فاارض الله الواسعة
شموه : هيه والله يايدوه عيال هالزمان مافيهم خير الحين انا لو مخليني اسوق وعندي ليسن جان ماخليت بج بقعة
اليده : واااااااااااية عيل اسمينا امره كدينا خير جان من ورا سواقج
علاية : ويووووووووووووووووووووووووووو قفطووها
ام حمدان : ها ها حدكم كلة ولا شموه لحد اياها
ميثوه : يالله منو قدهااااااااا
مريوم وفطوم : ونحن ماتعطونا شوي من هالزين
شموه طاحن بلوطها كلهن وتفتفت وانطحت بعد خخخخخخخخ
ام هزاع : ماعليكن انتن كل حد وغلاتة وكلكن خواات فدييتكم ولانصبر عنكن من اكبركن لين اصغركن
فطامي : فديت اماية انا لاخلينا منكم
وعقب نشن البنات وسارن فوق راس عرقوب يسولفن
والحريم كملن سوالفهن

عنـد الشـبااااب والشـوآآب

عبـآدي بالله عليك حمدااان تيمل فينا وطوووووووووول
حمدان يطول : فالك طيب امره ماطلبت بس شد حيلك حبيبي يلا
سيف : يلا برووووووووووك وعباادي عاشوو
مبارك : حمدان يلا يلا نعش هههههههههههه
حمدان : امفففففف عليك خس الله هالمذهب لك شو جوفني جدامك
مبارك : ههههههههه ياولد الحلال بنسوي فيديو كليب

حمدان : لالا خل عنك هالمنكر ويبس وانتة ساكت
سيف : هههههههههههههههههههههههههههههه يخرب بيتك عطيتة وحده كااش
عبادي : خلة يلقـط ويييييييييهه الحييييين كااااااااااااااااااااك
مبارك : عنلاتكم طولوو فكوونا
طول سيف اللي كان يالس يسوق وعدالة حمداان وورا يالسين مبارك وعبادي ايبسوون
ويغنـون :
{ مادريت انـي بحبـك مـآدريت لـين شفتـك وانشغـل قلبـي بحبـك . .
مـآعـرفت انـي علـى دربـك مشـيت ليـن لمـآ تـآه قلـبي وسـط قلبـك . . }~

عنـد الشـواب

بوسيف : والله محد مخرب هالقراج غير هالتاج
هزاع : حليلة ياعمي والله ان هاب ريح ويسد وايد
بو عبادي : لله انتة ماتدري بعلوومة مسود الوية عافس لنا الشغل فوق تحت
بوهزاع : خلوو انتو هالتاج انا بجوف له صرفة عقب ياانة يصطلب يايتكنسل انزين هزاع اباك تظهر لي رخصة
هزاع : رخصة شوو
بوهزاع : نبا نفتح مطبخ
بوسيف : شوتباه
بوهزاع : ياخي بنربح منة
عبادي : مامنة فايده ياعمي هكوه ولد قوم ...... فج ابوه مطبخ وسكره ماربح شي جانة اونة امبونة مب مضوي حاية الحين زاد خسره اكثر
هزاع : صدقة يابوية خلو عنكم المطابخ وانا لي عندكم راي
بوسيف : شو سمعناا

ويلسـو ع هالشلـة من شغلة لشـغلـة

عنـد البنـات كان الوقت قريب المغرب وكانن ميلسات فالصالة . .

فطامي : طووولي شموه طوولي
مريوم : فطامي بلاج بيشلون الدنيا علينا جان سمعوو
شموه : اوهوو برايهم يعني مانستانس
وطوولت شموه ع الاب وكانن يسمعن عبد المجيد عبدالله وكل وحده منسدحة من ينـب

{ . . ايش جـآبك من بـلآدك لبـلآدي أيـش لـي خلآك تسـكن فـي فـؤآآدي احـس بشـي
بمهجتي لـك غيـر عـآدي كـل مـآشـوفك يزيـد يـآذآآ الحـب الجديد يعتصـر قلـبـي ويـآخـذ مـآيـريد . . }

ميثوه ومريـوم يسولفن وهن منسدحات ويذكرن ايام قبل ولاكشنات ويضحك
شموه رقدت بدون ماتدري اما فطوم شلت بعمرها وطلعت وسارت تيلس شوي برا وتتمشى
عقب طلعت عند الحريم ويلست تسمع سوالفهن وبالها بعيد مب وياهن

شـوي وايهم سيف مسرع اونه بيدعم الحريم وعقب دح بريك يوم امره قرب السياره عندهن
سيف والشباب نازلين يضحكون
والعيـوز قابضة عصاها : سودا الله شاربك يامسود الوية تبا تنفدنا آه
سيف : فديتج يااماية انفد العرب كلهم ولانفدج
وسار بيحب راسها: لز مناك يلا لز
ويلس عدالها ولوى عليها والشباب يلسوو وياهم وشوي السياره الثانية يت
ويلسوووو يسوولفووون وعقب السوالف راحو يصلون

وعقب الصلاه

الشباب كلهم بجاكيتاتهم ومورين الضـو

هزاع : ميود عدل الضـوو
ميود يلس يعابل الضوو
ومبـآرك طرباان : كيف اسييييييبك وانتـة نظر عيني وانـآآ حبييييييبك
بوسيف : هيييييييييييييه يابوهزاع امره ولدك متخششششع
مبارك ويسدح ع ريل عمة : يالله ياعمي شو الا مب متخشششع
بوسيف معصب اونة : قم يلا قم اجووفك وايد مطيح الميانة
مبارك يحب راس عمه : افا ياعمي انا وليدك الصغير حبيبك بروك تروغني افا والله افا
سيف: ايه سير مناك ماعنده ولد غيري روح روح
مبارك : اوهوو منك لازم ادش عرض ابوية جوف ولد اخوك
بوهزاع : وابوي عليكم جنكم يهال
احمد : خلة ياعمي ها بيسويلنا يوم شاب ودوه الكتاب
عبادي : هههههههههههه مصخروك
حمدان : اسميك ماقلت شي يديد دوم امصخرينة
مبارك : لا يبوية انا امصخركم بسكوتي اصلا ويحرك لهم حياتة
هزاع : رووووووووووووووووووح الله لاشلك اوني آه اسكتهم بسكوتي خخخخخخخخخ
سيف : بالله عليك عبادي ها بروك حد يفج له سالفة
ميـود : هههههههههه اخبركم صبـروو شوووووي
مبارك : جية
نش ميود ولا سوا سالفة سار صوب البنات لي كانن فالمطبخ
ميـود : هوووووود هوود
شموه اونها تيب الشيلة جي وتغطي شي من ويها : قرب قرب البيت بيتك يامايد
ميـود : قرررررررررررريب فديييتج
شموه : شوتشرب قهوه دلة جاي بزعفران
ميـود : ماتقصرين
ميثوه: طاع انتو هايلا ايييييييييه انتوووووووووووووووووووووووو
ميـود : جب انتي خليني اقردن خويتي
مريوم : خليهم هايلا خذيهم ع قد عقلهم مب شي يديد عليهم لاستهبال بلا قياس
فطامي : يالله بعقل امر ميود شو فخاطرك
ميـود : يوعان ابا كستنا شي
شموه : الله بتشووووووووون لنا
ميثوه : هيه هيه ميود نباااااا
ميـود : زين بيب لكم بس اول شي ولا لا
يلست فطوم ادور ومريوم بعد ولقتة مريوم وعطتة ميود وسار صوب الشباب

سيف : حيييييييييييييه مرحبا مرحبا بالحامل والمحمول
ميـود : يلاااااااا منو فية هبة يتفيزر عدالي ونشوي كستنا
سيف : امره فالك طيب ماطلبت
نش عبادي وسار مكان سيف القبلي
سيف : حشى حشى وين امره ماواحيت انش الا وحتيلت مكاني
عبادي : يبووك مافييييية سدتني مره نقعت وحده منهن وظربتني شمالي عيني
احمد : ههههههههههههههه بالله عليك
عبادي : هيه والله وعاد قلت سلمت مره مااظمن اسلم المره الثانية جان تبا اجرب يبوية سير مكاني القبلي يرحب بك هع هع
احمد : لا يبوية خلني مكاني ابرك
مبارك : احسلك هههههههههه
هزاع : عبادي سر يب لنا الكيرم بنلعب
عبادي : شرط فريق
هزاع : مره تم
ونش عبادي وسار ياب كرتوون وراح صوب الصالة وياب الكيرم والحجر

كان هزاع وعبادي فريق ومبارك واحمد فريق يلعبون
والشواب يسولفون ويا امهم وحريمهم والبنات يطبخن

عبـآدي : ايييييييييييية بـرووووووك والله غشششش مب لاعب جان السالفة جي
هزاع : خلهم يولوون لو يسـرقوون من اليـوم لين باجر غالبينهم غالبينهم
بروك : شدرااك انتة منو قال اني سرقت انته جفت بعينك عشان يالسة محتشر
عبادي : لالا اجوفني اشلق جدامك اجووفك تسحبهن هالقوم عشر وادربحهن من تحت صوب احمد
وهذاك يتكركر ويتضحوك ولاجنكم مسوين شي
انطرووووو هزاع واحمد من الضحك عليهم
احمد يفر الحجر : ياعيال الحلال الا لعبة نشو نشو تعبناااا خلونا نسير صوب الضوو يبوكم هلكنا من البرد
ونشوووو وتمو عبادي وبروك يتناقرون

اليده تزاعج من بعيييد : يلا شبـآب الوطن تعااااااالوو عشـا

ونشوو شبابنا وسارو وتعشووووووو من هاك العشا السنع
واللي سار يرقد واللي تسدح عند الضو يشرب له جاي
كان سيف مسوي لهم جاي طررررر وخطفو ع الغوري كله
ورد وسوا مره ثانية عشان خاطر عيايزه تمن محتشرات يبن
وطبعا البنات وياهن وشربوووووو وعينو من الله خير وشوابنا سارو يرقدوون
لان باجر من غبشه وراهم سـرحه شمـآل

الحيـن فـضـآ الجـو للشبـآب خخ

عبـآدي : شمووووووووووووووووووه
شموه : آمر
عبـآدي : ماعليج امر يبي الاب يلا وربشينا
شموه : اوووووه مافية
مريوم : انا بسير برقد يبـوية
ميثوه : وين مريوم يالسين
فطآمي : حرام عليج من نشتنا الصبح ماقيلنا خلينا نرقد ولاتنسين باجر بيغبشون من فير الله
شموه : ع هواكم
علايه : هييية والله صدقكم انا بعد بدبر اسميني عيت من اليلسة
عبـأدي يباغم من بعيييد : شمووووووووووه وين الاب نبا اغاني نرتبش
شموه : يعللللك الحين بنش اففففففففف
نشت شموه ويابت الاب
ميثوه : لآخ عبدالله شو تبا تسمع
مبارك : الاب عند شموه انتي شلج
ميثوه : اووووهووو بدينا انته لي شلك
عبادي : فكونا غلامين سمعوونا مييييحد
شموه : عبود تعال شل الاب يبوية باجر ورانا نشة منو بيفكنا من لسان العيوز ابرك لكم سيرو رقدوو

عبادي : ميود نش شل الاب
ميود : ياخي صدقها شموه انا بروح ارقد ونش يب حايتك اروحك وخل العيازه عنك
مبارك : اوب اوب اسمية اجدا فيك هههههههههههههههه
عبادي : جب يلا مناك لاهفك بشي الحين
نشن البنات وميود واحمد وحمدان وهزاع وسيف ومحد تم غير مبارك وميود
وتمو يحوسوون فالنت ويسمعون اغاني
عند شموه وميثوه
كانت الساعة 3 :
شموه : ميثوه نشي مافيني رقاد
ميثوه : شموه تعبانة خليني ارقد
شموه : اوه حرام عليج رويحاتي ميلسة
ميثوه : طلعي برا اكيد حد يالس
شموه : مافيه عليهم رقدي يلا برايج
ميثوه ماصدقت خبر وسييييييده رقدت
اما شموه تمت تتجلب ونشت وصلت وردت تتجلب

عند الشبـاب

مبـارك : يبويه نش نش بنصلي وبنحط روسنا شوي
عبادي : يالله

ونشو وصلوو الفير وحطو روسهم ورقدوووووووووو

آمـآ شمـوه الوحيـده لـي مـآياها رقـآد

وطلعت فالصـآلة ويابت لابها لين كان محـطوط فوق وقعدت شوي ع النت
لين قريب الساعة 6 ونشت وراحت تسبحت ولبست كندوره طبعة وكشخه وسحت القذلة
وشخطت العييين ع الساعة 7 الا ربع خلصت وطلعت راحت برا
وزقرت ع البشكاره وعابلة وياهن وورت الضوو وكانت تجوف يدتها تصلي
وابتسمت ليدتها يوم جافتها فرحت ان اخيرا حد بتسولف وياه
وربعت صوب المطبخ ويابت الغوري وحليب بتسوي جاي ع الضوو
ويلست تعدل الضوو لين يطيح اليمر عشان تسوي الجاي

ويدتها صلت وادعت وويهت صووبها عند الضو
نشت شموه توايه يدتها وتحبها ع راسها : مرحبـآ الساع مرحبا ملاين ولايسدن فذمتية
العيـوز : استغفر الله العظيم اصبحنا واصبح الملك لله صبحج الله بالخير عنبوه شو موعنج من غبشة
شموه : صبحج الله بالنور والسروور والله شسوي يااماية ولهت عليج
العيـوز : خلي عنج المكر
شموه ضحكت : عنبوه يااماية تحيدين ورانا حوامة وتحيدينها بنتج عند الحوامة ماتبا حد
العيوز : شو كاضنج عاد جان رقدتي عشان تستانسين فالسيره
شموه : ماعلية ياماية شبعت رقاد صبري بخليهن ايبن لج القهوه
ونشت شموه وسارت ويابت القهوه والريوق ويالبشكارات وخلصت الجاي مالهن
وتريقووووو بلآليط ومحلى زايد
ويلسن يسوولفن لين الساعة 8 وشوي
ونشوو شوابناااااا
بو هزاع : حي هالصبـآح عيـوزي
العيوز : عيز حيلك يامسود الويه امك انا امك وين يت عيوز بعدني بنت اربعتشر سنة
بوهزاع يحبها ع راسها : فديتج يااماية عل عمرج طويل ادريبج شباب ماشاء الله عليج اصغر مني ب20 سنة
العيوز : هية نعم اسميك ماجذبت
نشت شموه وسلمت ع عمهااا
ويو العرب كلهم وسلمو ع بعض وتريقووو وعينو من الله خير وع الساعة 9
شموه ادق ع باب الشباب :
حووووووووووووووووووووووو يلا يلا نشووووووو اماية تقولكم ان مانشيتووو بيتكم بقب كلكم
احمد : يلا يلا بنش الحييييين
وراحت شموه توعي البنات
احمـد : عبود يلا نش نش بيروحون يحوطون عنك وانتة طاب ع ويهك
عبادي : ممممممم
احمد : شو امممممه بعد نش يلا اقولك بيروحون عنك
عبادي : احمد خلني ارقد حرام عليك
احمد : يلا عبادي نش نش خل عنك العيازه قوم لاجوتك الحين
عبادي ينجلب ويحك عيونة : تفؤؤ اصبحنا واصبح الملك لله حشى حد جي يوعي
احمد : وآبوي عليك انته بعد شقا تباني اوعيك نش يلا لازقر خالوه تآدبك ( خالوه = العيوز لان امهم اخت العيوز )
عبادي ينش : ياهي نشبة يلا بنش
احمد يهز بروك بقوو : برووووووووووووووووووووووووووووووووووووووووووووك لحق
مبارك ينش بلا ذهن : ها ها شعندك شو مستوي
عبادي انطرررررررررررررر من الضحك واحمد بعد
عبادي : الله ينطبك يابروك دومك مرتبش نش يبوية بيروحون العرب ونحن مرقدين
مبارك : عنلاتكم زاد حشى بلاكم جي مرتبشين من صباح الله خير
احمد : هههههههههههههههههههه يلا يلا وع سواف دوركم وحمدان بعد
هزاع : انا نشيت يبوية لحد يوعيني حشى ماتخلون حد يرقد تفززون بخلق الله
احمد يغمز لعبادي : شكله من فلخت بروك هزاع حس ونش
هزاع يضحك : عيل توأمي ع الفاضي
مبارك كاشخ : احم احم حافظ عليه
هزاع : يبوووووك زين ماياني عوقك يوم يغمى عليك اطيح الا شراتك حمدالله يارب حمدالله فكيتني
مبارك : خس الله هالروس
وراح يتسبح
والكل نشششش ع الساعة 11 وشي ركبو سيايرهم عقب ماتريقوووووو
وتوزعوو كالتـآلي

هزاع : بوهزاع , ام هزاع
حمدآن : آم حمدان , العيـوز , ميـود
ابو عبـآدي : ام عبادي , حصـوه , سلآمـي , عوآشـي
بوسيـف : آم سيـف وشـآلين ويـآهم الجدور والدنيـآ
احمـد : عبـآدي , بـروك
سيف : ميثـوه , مريـوم , فطـآمـي , شموه , علاية
>>>>>>>> لوووووووول اخاف نسيت حـد جاني نسيت حد حطوه وين ماتبون هع هع
فـسيـآره قـوم هزآع

بوهزآع : خلاص هزاع بنآجر القراج وبيطلع لنا اخر السنة فوق 80 الف اذا كان ماشي زين
هزاع : والله زيييييييييين خييير وبركة وعاد ها النص بينك انتة وعمومتية ولآ نصيبك انته بس
بوهزاع : لا بيني انا وعمومتك وبنعابل فتجاره ثانية
ام هزاع : يييييييها بسكم بسكم حشى ماتعبتو ريحو وستريحو شوبتوو وانتو امره مارحمتو عماركم كله كراف شو كاضنكم
بو هزاع : لا يالغالية شو بتفيدنا يلسة البيت
ام هزاع : حشى شو بتفيدك بعد بتريح عمرك وسير العصر وحوط صوب الحلال واستريح
بوهزاع : عاد انا ماعرف ماسوي شي
ام هزاع : بنفج انا وانتة تجاره شرايك
هزاع : هههههههههههههههههههههههههههههههههههههههههههه عاديت العيوز بتجارتك اطمشوو انا
قلت الحين بتحلف عليك تيلس فالبيت وقلت جان ماتقبضنا نحن هالقراج ولاشي اخرتها تقولك بتفج وياك تجاره
بوهزاع : هههه خلها جان ماعديتها وجانها ماظهرت شراتي بتظهر شرات منوه
هزاع : اووووووووب اووووووووووب مانروم عليكم
بوهزاع : صة صة يلا طالع الدرب وانتة ساكت
هزاع : تآمر امر شيخي

فسيـآره حمدان
ام حمدان : الا مادريتي
حمدان : اطمش ميوود بدن فلانة سوت وفلانة ماتت
العيوز : ويدي يالله بالستر منو مات
ميود : آآآآآآآآه يااماية وحده كانت طيبه حليلها ولالها حس فهالدنيا ويقولج ماتعرف الا المسيد وصلاتها
حمدان : هييية اماية وكان عندها وليد واحد وتوفى وهو صغير شالنة الوادي اضني مادري مدعوم
العيوز : قل هوووووووووووووولك
ام حمدان : @@
ميود : يالله يااماية ويقووووولج توفت وهي سايره صوب المسيد بتصلي الفير
حمدان : يالله بحسن الخاتمة
ام حمدان : يالله بالستر تستر علينا يقصون عليج هايلا
العيوز : سود الله شورابكم ياللي ماتخيليون ولاتستحون
حمدان وميود : هههههههههههههههههههههههههههه
ام حمدان : عيل بالله عليج مني هاي لي تسير تصلي الفير فالمسيد
العيوز : والله مادري يختية الا قلت يمكن حد فهالزمن يخدم جذي
ام حمدان : استغفر الله العظيم اعوذ بالله منك يابليس
العيوز : اعوذ بالله منه الف مره
ام حمدان : زين بخبرج عن ام غبوش
العيوز : مني هاي بعد
ام حمدان : ويدي يارتنا قبل ايام الشعبية
العيوز : هيييييييييييية مخلفة عبود
ام حمدان : بسج وصلتي , هاك اليوووم بنتها عرست وجان ريتي مادعت ام خليفة للعرس ونشي سيري يام خليفة وحوطي فالحاره كلها ولاتخلين علوم عن ام غبوش لاتقولينها لاهل الحاره
العيوز : ويدي يالله بالسترررررررررررررررر اسميها مالقت اطيح الا فحلج ام خليفة صدق انها نطـع
ام حمدان : لايبوج حليلها ام غبوش مب مقصره وثرها مطرشة الدعوه لهم الا مادري شمن سلطة حلت ع بشكارتها وعقت الدعوه
العيوز : يالسلطة ههههههه ومحد كلها غير ام غبوش واعلية علييييها

فسيـآره بو عبآدي

عوآشي : عموووووووه جوفي حصوه وسلامي مايخلوني العب معاهم
حصوه : جذابة
ام عبادي : حصوه عيب وخلوها تلعب وياكم
سلامي : عموه كله تخرب الالعاب
بو عبآدي : عواشي تعالي فديتج خليهم يلعبون تعالي انا بخطفج الدكان وبنزلج
وشتري ع كيفج حلاوه ولابنشتري لهم
شقت الحلج عواشي ولصقت فالنص بين ام عبادي وابو عبادي
حصوه : عواشي تعالي بنلعب معاج
عواشي : مابا
سلامي : يلا عواشي بنلعب مع بعض
عواشي : ماباااااا انا بروح ويا عمي الدكان لعبو بروحكم
ام عبادي : ههههههههههه يامكر البنات كله عشان يروحن الدكان
بو عبادي : خلاص امرررررره كلكن فالكن طيب لوتبن الدكان كلة من عيوني بس لاتضاربون ولعبو رباعة

ويلسو اليهال يلعبون وام عبادي وبو عبادي يسولفون رباعة

فسيـآره بوسيف :
ام سيـف : يالله يابو سيف شو عايلنك شوي شوي استهدي بالله
بوسيف: ماسرعت طالعي هااااااا كم اسوق
ام سيف : يالقعتيييييه جانك بتصك ال180 وانته بعدك ماتسرع
بوسيف يمسك ايدها : هههههههههه تتروعييين من السرعة ولاتتروعين ع عمرج ولاتتروعين علية
ام سيف : تشك بغلاتك وقدرك عنـدي يابوسيف انته لو تبا الروح امره مرخوصه لك
بوسيف يرص ع ايدها : الله لايحرمني منج
ام سيف مستحيه : ولآمنك يااااااارب

فسياره احمـد :
عبادي : الله يغشها من اغنيييية بدلو بدلوووووووو
وبدلو عن لاغنيييييية لي كانت محطوطة
احمد : بخبرررررررررررررركم هاك اليووووووم ساير الموول
وياي سالم قوم عيال .....................
بروك : هييييييييييييييه وينها ها بتخبرك غااط
احمد : ياريال مسافر اونة بيدرس برا
عبادي : ها وين والدراسة وين
احمد : الواسطة تلعب دور يبوية جان عندك واسطة خطفت ماعندك واسطة صك الدعنة
بروك : ماعلينا شو استواا
احمد : عاد مايحتاي اخبركم عنه انه خبلة وعيونه ضوو المهم اونا يالسين فالكوفي
خطفن 3 بناااااات عافنا الله لوجوفنهن كل وحده ياره عينها شكل ووحده جنها هايلا المصاروه شسمهم
عبادي : أي !!!!!!!!!!!!!!!!!!!!
بروك : الفراعنة
احمد : بسك هم هههههههههه انزين ومطولها ياريال تقول عموود
وينش لك بوغنيم ويالس الا يخبرني اونة قال هب طول خير عليها جنها نخلة وماوحات االبنت والا هي طابة ع ويها وعااد يودونا من الضحك وفردت نعالها كل وحده فيانب وينش لكم بوغنيم متلوم ويفزع صوب النعال
وجافها كعب شطولة جنة دبووس ويشخطة بعين ووصل النعول صوبها وهي من الفشلة تغشت هههههههه
ولبست الكعب ومشت شوي وردت دربووووووف ع ويها الكعب مكسووووووووووور
وانا هلكااااااااااااااااان ضحك مارمت اسكت ع اول طيحة عسب اسكت ع الثانية
عبادي وبروك : ههههههههههههههههههههههههههههههههههههههههههههههه
بروك : الله بلاها هههههههههههههههههههههه
عبادي : تستاهل من اليوور اللي يايراتنه تفؤؤؤ ولاجنهن سايرات سوق
احمد : هية والله صدقك معاريس معاريس الله يهديهن ويستر علييييييهن ويستر عالجميع يارب
بروك : ههههههههههه وشوسويتو عقب
احمد : ماشي يبوك تيملت فالبنت حليلها بسها كم احترق ويها شليت بوغنيم ودبرنا ههههههه

فسياره سيـف :
كان مطولين شوي ع المسجل
وكانو يسمعون
{ . . انت القمر والشمس ولا حداهم
انت الورود اليانعة والينابيع
اهل الحروب تجر لجلك حداهم
واهل الطرب تعزف لك اللحن تنويع
والاتقياء موحدين دعاهم
يحفظك ربي من عيون المقاليع
فرع وعلم هالبنات اش بلاهم
احبابك الموتى يا سيد المفاريع . . } ~

ميثـوه مندمجة تصور
سيف يطالع الدرب ويعدل المنظره صوب شموه لي كانت وراه
شموه مدوخة تبا ترقد وتنوود
مريوم : ههههههههههههههه وحليلج ياعلاية خلوج مصخره
علاايه : خس الله هالراس مخبرتنج عشان تضحكين عليية
فطامي : جب جب ماسمحلج اسبيين مريوم
علايه : يالله بدييييناااا الله يعيني عليج
فطامي : هههههههه لا خلاص بخبررررررركن اطمشششن وتأشر ع شموه
فطامي وعلاية ومريوم يلسن يضحكن ع شموه لي رقدت وهي يالسة ويلس راسها يشرق يمين ويسار لين نكست راسها يعني جنها موخية خخخخ
مريوم تآشر ع ميثوه وانتبه لهن سيف
سيف : بلاكن شوفيها ليش تضحك
ميثوه : ههههههههههههههههههه محد قالها ماترقد
فطامي : خيبة يعني مواصلة
ميثوه : هههههههههههههه واعلية هيية ماجوفينها رقدت
علاية : هيييه وانا اقول بعد هاي متى تخلي الحوامة وترقد
مريوم : هههههه شموه عند الحوامة مايغلبها شي بس اذا تيمع الرقاد والحوامة تفضل الرقاد خخخ
سيف : وايه يعلكن معرس اشلق واصلع وقصير ودب وعلة يتلصق وعلة ع القلب
ميثوه : حو بلاك ليش هالدعاوي كلها
سيف : ماجوفين البنت شقا راقده حشى وحده ترحم حالها وتتيمل فيها وتعدلها
فطامي : صبرن بنوعيها بنخليها تروح ورا ترقد
سيف : شو ورا يبوج هناك بتدربح ولحد بيدريبها جامبيلات ورا وحده منكن تعفد ورا وخلنها تحط راسها ع ريولكن
مريوم : اسميه عزررر صبروو لزو كلكم هناك
ولزن كلهن صوب شمووه وفجت مريوم الكرسي وعفدت ورا
واستوت علايه ورا ميثوه وفالنص فطامي وشموه ريولها عند الباب وجاسفتنهن وراسها ع ريول فطامي
سيف قصر ع المسجل ويلس يجوف الدرب
وميثوه يلست تصور شموه وعقب يلست تصور قوم سيف والمناظر لي برا
وعلاية وفطامي ومريوم يسولفون

مممممممممممممممم تقريبـآ بعد نص سـآعة
وقفـو عنـد الدكـاكين ومقـآهي وكفتريا
عنـد هزاع

هزاع : ها يبـوية شو تبون
بو هزاع : ابا جاي كرك
ام هزاع : أي شي يبوية مايخالف عليه انا
هزاع : خلاص عيل باخذ جاي تبون شي بعد
بوهزاع : بس ماتقصر
نزل هزاع وسار للهندي وطلب 3 جاي كرك
وسار الدكان ولقط له بسكوت ياكلونة ويا الجاي

عنـد حمدان

حمدان : يلا ميووووود شو تبا
العيوز : ويدي واحنا وين سرنا الا ميود
حمدان : تراني من الصبح اقول تبن شي تقولن لا قهوتنا عندنا وتسد
ميود ويجوف يدته بمكر : يدوووووووووووووووووووووووووووووووووووووه
العيوووز : وينها العجوية وينها
ميود يضحك : هههههههههههههه لالا والله خلاص وهذا وانا اللي اوني بيب لج كافي
حمدان : جان حد سهل بالله عليج ياخالوه تبين حلاوه مال اليهال
ام احمد : يبوية مب سهله خالتك ع قولتها بعدني بنت اربعتشر سنة
العيوز : هية بعد شوووووو اسميه الحسد وايد هالايام
ميود وحمدان : هههههههههههههههههههههههههههههههههههه
حمدان : خلاص خالوه يعني تبين حلاوه شي بعد
العيوز : بس ياوليدي ماتقصر
ونزلو ميود وحمدان
راحو الدكااان ولقطو لهم بيبسي وبطاطا وحلاوه

عند بو عبادي
نزل بو عبادي ونزلو ويااه حصوه وعواشي وسلامي
فالدكان
عواش : عمي ابا حلاوه
بوعبادي : خذي فديتج امره لاتخلين شي فخاطرج
سلامي وحصوه : ونحن
بوعبادي يبتسم : امره الدكان كلة تحت امركن خذن لي تبنة
ويلسن يصفن من البطاطا والحلاوه ولا خذن عرايس بعد خخخ <<احيد فالدكاكين شي مادري جان الحين اطورو وغيرو لوووووول
ويلس هو ياخذ لهن عصير وعقب ماخمن الدكان نصه خخخخخخخ راح وخذ له هو وحرمتة جاي حليب

عنـد بو سيف

بوسيف : هالغاليه شو فخاطرج
ام سيف : كله منك حلو لي فخاطرك امره يبية
بوسيف : لامايصير انا قبلج قلت يلا خبرييني
ام سيف : ممممم خلاص يب لنا نسكفية
بوسيف : مره تم ماتبين شي وياه
ام سيف : لا فديتك ماتقصر
ونزل بوسيف وسار يطلب لهم نسكفيه

>>>>>>>>> خلـوهم هايلا عايشين جوووووو ثااني

عند احمد
كاااانو مطولين ع المسجل ومنزلين الدرايش يو ووقفو عدال سياره حمدان

عبادي وبروك فاجين الفتحة ويلسووو يبسون ويآشرون ع سياره قوم حمدان

الدنيا حلوه بشوف عيونك الحلوه
يامن غديت بحياتي كل مافيييييها
ان غابو الناس عني قلت انا فدوه
الا انته لاتغيب عن عيني وتجفيها

احمد : عاشووووو ياابس
العيايز نزل الدريشة ويلسن يصفقن عايبنهن الجوووو خخخ
ام احمد : يلا ميود نش ابوية نش
حمدان : الكلاشن ورا ميوود
وعفد ميود للكلاشن وشلة وفج الفتحة وارتبش هووو الثاني

شوي الا سيف أي يوقف عندهم

مريوم : هههههههههه اندوج انتي هايلا
فطامي : هههههههههههههههههههههه انتي طالعي الهنود بالله عليج شقا فاجين النطع
ميثوه : شموووووووووه والله انج متفيجة نشي نشي اطمشي
علاية : شموووووووووه قومي والله بيفوتج نص عمررررررررج
ميثوه : سواف يلا يلاااااااا همتك يا لاخوووو
وفج الدريشة سواف ويلس ايبس
وميثوه تصووور وتضحك
شوي نشت شموه ع حشرتهم : حووووو شو مستوي
ميثوه يلست تصور شموه وتضحك عليهااا
وشموه جافتهم وارتبشششششت من الخاطرررر : ههههههههههه يخرب بيتهم مافيهم حيلة ماشاء الله علييييهم

احمد يطول ويآشر لحمدان يطلع ويا ميود :

آنـآ تمنيت شووفك فالعمر منوه
والروح تسأل عيوني وين غاليها
واحلم بك ان كنت صاحي ولا في غفوه
واليوم دنياي تحقق امانيهاااا

كان ميود مرتبش من الخاطر والسفره طاحت وميود علية شعر اسود ومربي قصة ورادنها ع وراا
وكان ايبس وشاد الحيل ويآشر ع عيونة ويدته والعيوز تسمي عليه

العيوز : بسكم فديتكم طالعو بياكلونكم هالمهنده كثر مايطالعون
ميود يضحك ومرتبش : ماعليج يا اماية ماعلينا شرررررر
العيوز : ورفجة تنزل وتخليهم ينزلون
ميود يآشر لهم بس خلاص
ونزلوووو وكانت شموه تصوور ميود ومستانسة عليه هو وحركااتة
وعقب يلست تصور قوم بروك وعبادي لكن خلاص خلصووووو

سيف : ههههههههههههههه يلا يلا ماشي وقت شو تبون من الدكان
ميثوه : بطاطا وفريز
علايه : كافي
مريوم : بسكوت
فطامي : مصييييييييييييص
شموه : جاي كرك
سيف : حششششى ماخليتو شي
فطامي : هههههههه نحب هالسوالف شو نسوي
ميثوه : خلنا نتمتع
علايه : مب دوم بنحصل حد يدلعنا خخخخ
شموه : صدقها علايه هههههههههههه
سيف : هههه خلاص فالكن طيب حد يبا جاي كرك غير شموه
فطامي : انا
سيف : خلاص تماااام

وراح سيف وخذ 3 جاي والباقي لقطه من الدكان وياا ومريوم ردت جدام عند البناات

سيف توه يركب السياره ويعطي ميثوه السامان : يلا يلا تريونا عند الدوار
احمد : اوكي

وبند ولحق قوم احمد وكانو كلهم يتريونهم هنااااك
وكملوووووووو الدرب

وع الساعة 2 وشوووي وصلوووو عند البحررررر

وطبعا خطفو وخذو غداا وراحو صوب البحر

يلسو ينزلون الساماان وكل شي ويلسوو يتغدوووووون

وطاف الوقت وحد انسدح وحد يلعب وحد يسولف واللي يتمصخر

الشواب اكيد هم لي تسدحوو
والبنات راحن بعيد يصورن ويلعبن
الصغار كانو يلعبون فالبحر يتسبحون
ميود وعبادي وبروك واحمد وسيف كانو يسولفون ويتغايضون عدال البحر ويا اليهاال

حصوه : هههههه لاترشني يحرقني ويهي
بروك : ههههههههه يالله انتي من الحين تحاتين ويهج
عبادي : بنات ياريال خخخخخخخخ
احمد : تعالي يالبزيااااااا
عواشي : منووووو
احمد : انتييي
عواش تروح لاحمد : انتي بنت منوووووووو
عواشي : بنت ابوية
احمد : منو ابوج
عواشي تفكر : ابوووويه
احمد : منو عاد هذا
عواشي ادور ابوها : ماعرف مادري وين سار
احمد : الحين انتي فالمدرسة يوم تقولج لابلة شو اسمج شوتقولين
عواشي : عواشه
احمد : ههههههههههه روحي روحي لعبي وياهم انا راسي بيعورني ولا بضوي منج شي خخخ
عواشة : زين
احمد يلف
يجوف الشباب راااااااحوو بعييد
لبسهم وسار يتمشى الصوب الثاني ويتسمع اغاني
وكان يسمع محمد المزروعي الوجه الصبوح

وكان شي حصى كباااار وسار ويلس فوق الحصى وعقب كان يسمع صووت
ونزل الصوب الثاني وكان يدور ويدووور

.

.
.

StoP

والسمـوحــــﮧ . . }~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليــت كل من فال آهـ طاآح همـهـ!!	ريماني بوظبي	الشعر المنقول	5	10-30-2009 09:58 AM
أين أجد زهور مجففة و زيوت عطرية ؟؟	محروم.كوم	منتدى أخبار المواقع والمنتديات العربية والأجنبية	0	05-27-2009 11:10 AM
ميــت اح ـسآسـ‘ـه ~< قصديــتي ^^	دلوعـــ الغربيه ــــة	شعر و خواطر	12	01-29-2009 10:48 PM
آيــة الكـــرسى..!!	Єcтαтσôят_αŁ_qαŁв∂	المواضيع المكرره	2	04-08-2008 01:33 AM
آيــة الـــــــــــــــكُــرســـي	سيف الكبيسي	الإسلام والشريعة	4	04-04-2008 01:51 AM