{ . . وهـذآآ آول بـآآرت . . }


.

.

.

شمووه وميثووه ظاهرات من المدرسه يترين الدريول ..
شموه : يوووووووووووو ميثووووووووه فكه فكه اخر امتحاان اليوم خلصنا
ميثوه : عني بلاج يالمتفيجه
شموه : وايه شله متفيجه حد يفتك من المدرسه ويقولون عنه متفيج ..!!
ميثوه : صخي لمي ثمج هذربان مايوجف بموت من البردددد عظامي بينطن
شموه : هييه صدقج برد
ميثوه : حلفي انتي بس تو الناس الشيخه
شموه : اف منج ياللي ماتهنيين ع حد خلينا فرحانين المدرسه ومابنجابلها فكه والله اني فرحانه
ميثوه : شموه صخي عن لاتتصفعين يعني لي يسمع هلنا مقطعين بنا الدرووب مايخلون بنا بقعه
شموه اعتفست : اففف عادي بنرووح نيب يدوه عدناا وبتستوي العياله وبنعدل المنامه وحلييييله بتستوي الطماشه
ميثوه : هيه هاي يدوه تحفه ماشي مثلها ثنين زين زين بنقردنها اليووم بنسير عليها ..
ويت ربيعتهن وقطعت سوالفهن ويلسن يسولفن وياها ..

شموه وميثوه بنات عــم
شموه : عمرها 18 حبووبه وطيبه ومقلووعه وخريش وتحب الربشه والسوالف وتموت وتغايض وتغلس ع العرب وهي وايد ويا ميثوه من يوم هن يهال ومايتفارقن .. طويله جسمها حلوو حنطاويه عيوونها ناعسات وكباار وشعرها طويل وطايح لين ركبها وماعليها قصور ماشاء الله .. وعندها خوان ثنيينه ووأختين

ميثوه : كبر شموه وعمرها 18 حبووبه وطيبه ولي فقلبها ع لساانها وهاديه لكن من تعصب تراها عصبت
وتحب الربشه والحواطه وتحب تغايض وصوتها طر يوم تشل و الله عاطنها جمال ملفت يعني لو تشوفونها من اليوم لين باجر ماتعرفون شو الحلو فيها وشو الشين لووووووووووول ..وعندها خوات هنتيين
وولد

فالسياارة :
شموه : حيدر خطف صوب بيت يدوه
حيدر : ماماه كبيير يمكن الخييين رووح أووزباا ( العزبه )
ميثوه : يامن شراله من حلاله عله شويفكنا منه هالبلشه
شموه : ماعليه حيدروه يالله روح روح طبها عنك هالعيازه
ميثوه : اندوكم هاي اونه يفهم لج
شموه : جب انتي
وخطفهن صوب بيت يدتهم ..

ميثوه : هوووووووووووووود يااهل البيت
شموه : ماشاء الله ع بنت العم عايشه الدور
ميثوه : كله تحطميين عزوومي .. خلينا شوي ذربات عسب نحصل لنا مدحه ع الطاير
شموه : هيه صدقج هاي البيق بوس ماتمدح الا مني والدرب مدحتها تنشرى بفلووس
ميثوه : هيييه تحسبين كل من هب ودب بتمدحه
ودخلن عندها لقنها منسدحه مشغله المسجل وتسمع القران ولابسه جاكيتها ومزلغه رويلاتها ويالسه تسبح
ومن شافتهن نشت ويلست : مرحبا الساع نور البييت نور
ميثوه وشموه يسلمن ع يدتهن : هلا هلا بالشيوخ منور باهله
اليده : الا من وين ظاهره الشمس اليوم اشووفكن عندي وشوهالمنكر لي لابساتنه
شموه : هههههههههههه يدوه قوولي مبرووك خلصنا مدرسه
اليده : بالبركه بالبرركه ( وطالعهن بنص عيين وتظرب ميثوه بالمسباح ) مسودات الويه شوهاللبس
ميثووه : العيوز يعور لاظربين ها لبس المدرسه
اليده مفوله : عيز حيلج مسوده الويه محد غيرج عيووز شوفيني حافظ عليه شباب
شموه تصاصر ميثوه : الله ينطبج توج ادورين المدحه شيااج جلبتي
اليده : شموه سودا الويه يوم بتشووفين العرب ميلسين لاتصاصرين ربيعتج لاصنج بالفنايل عيب امفف عليج استحي وخيلي .. وعاد شوتقوولين لها يوم تصاصرينها هااااااااا ..
شموه : ها يدوه ماصاصرتها تقولي برررد بس
ميثوه : يدووووووووه دريتي بالمطر
اليده : شو من المطر.. متى يا المطر ولادرينابه
شموه : يدوه طاح مطر اليوم الفير قبل الصلاه
اليده : هيه يبوكن ولادريتبه كنت راقده ولوتفجرين صاروخ عدالي مادريتبه بدري بالمطر
ميثوه : ماشاء الله عليج يدوه يوم انتي جي شوخليتي لنا
اليده : ها شو قلتي ماسمعت ..
شموه تنسدح ع رويلات يدتها : يدوه طلبتج قولي تــم
ميثوه : هيه هيه يدوه قولي تم
اليده : فالكن طيب
شموه : يدوه الحين نحن خلصنا مدرسه وبنتم فالبيت ولابنظهر بقعه ونباج تين عدنا بنقصر الدوب
وبنسوي سوالف وبنسير وياج صوب العزبه متى ماتبيين ( تقردن اونها عشان تسير اليده )
ميثوه : هيييييييييييه يدووه دخيلج
اليده : بنسير صوبكن فالكن طيب دامكن الا بتيلسن ويايه
ميثوه : عاد يدوه نحن نباج تباتين عدنا
اليده : لالامبيت مافيه ماسير انا عن بيتي
شموه : يالله يايدوه اسبوع بس وعقب برايج كيفج
اليده : انزين انزين خلاص باجر من غبشه بجوفني جدامكن فكني من صدعتكن
ميثوه : فديييييييييييييييتج وتحبها ع راسهاا
شموه : يدووووه طباخج شومسوي ريوق بطني يوعان
اليده : وابوويه عليكن فجن الحقيق وطالعن العيشه وكلن هنــي ان شاء الله
ويلسن ياكلن ..

فــي الجاامعــه :
مريوم وفطامي مخلصات محاضراتهن من وقت اليوم
مريوم :فطووووم ابغي شي باااارد
فطامي:أقول جنهم العرب ينتفضون من البرد......خافي ربج .. قومي نروح دانكن دونت متصووعه ع كبتشينوو ابا شي يفجج الرااس ..
مريوم : انزين بخبرج سامعه هنيه تقول بتخلص محاظراتها الساعه 11ونص
فطامي : انزين عيل بنترياها ماشي باقي غير ربع ساعه
مريوم : انزين يبي بنقل ها لي مالحقت انقله
فطامي : هاا اندووج وانتي طالعي مافيه اسوي شي
يلست مريوم تنقل وفطامي ظهرت تلفونها ويلست تسمع FMواغااني

فطامي : عمرها 23 تنحب بسرعه لي مايعرفها يقول خقاقه وتشوف الناس بطرف عينها لكن العكس صحيح سوالف وربشه تحب الحواطه وتحب مريوم وماتصبر عنها وتحب تركب الخييل ووالدراجات .. طويله وبيضا وشعرها كستنائي ونعييم وطايح لين عند جتوفها عيونها كباار وعسليات .. وهي الوحيده من بين خوانها الثنينه التوم


مريوم : عمرها 23 شرات فطامي ولي يجوفها هي وفطامي يقوولون هايلا توأم .. بس مريوم شعرها اسود ومريوم خت شموه ..

هنيه : ربيعتهن العامريه وكبرهن وخريش وسوالف حبوبه ورحيمه ..

ميثوه وشموه نازلات من السياره .. ( وبيت قوم شموه وميثوه وعمهم بوهزاع بيوتهم فحوش واحد )
شموه سايره صوب بيتهم : ميثوه يالله روحي بدلي ثياابج وتعالي بنتغداا رباعه
ميثوه : حشى حشى كم بطن عندج انتي تونا متريقاات
شموه : خيبه انتي لي هب بطن عليج عنبوه لين الغدا بتموتين من اليوع
ميثوه : منو قالج بتريا الغداا يبوووويه الشبريه تترياني
شموه : اف منج زين وانا بدبر صوب شبريتيه من تنشين تلفنيلي
ميثوه : فاالج طييب بس جلبي ويهج عني وحبي لي حصييييص
شموه : انزين ان جان ريتها واعيه عااد
ميثوه : حياااااااااج
شموه : حياج
ودخلن بيووتهن ..
شموه تحب امها على راسها : سلام علييج
ام شموه : وعليج السلاام .. ها بشري شسويتن اليوم فالامتحان
شموه : طريناه طر امره لاتخبرين ناجحات عرض ان شاء الله
ام شموه : والله مايندرابكن غلامتين شوبضوون
شموه : ههه لاماعليج بنبيض الويه ان شاء الله امااااااايه
ام شموه : خيير بدت التشريطات حشى توها باديه لاجازه شوتبين
شموه : خيبه خيبه شبلاج مشتطه ماابا شي بس بغيت اقولج خطفنا صوب يدوه وعزمناها تي تبات عدنا اسبوع
وبنتفييزر وياها ع المنامه وبنقصر الدوب
ام شموه : يحافظن عليكن .. انزين عيل وانتي سايره حجرتج خطفي ع الخدامه وخليها تنظف لهاالحجره وادخنها وتعطرها ..
شموه يايه بتنش : فالج طيب
ام شموه : شوماتبين ريوق
شموه : لاامايه تونا متريقات عند العيوز
ام شموه : هههه لوتسمعج جان رحتي
شموه : هيه شويسكتها عاد لوسمتعني جي اقول .. يالله امايه تعبانه بروح اوطي راسي
ام شموه : اوعيج ع الغدا
شموه وهي سايره : لاامايه بالعافيه عليكم

وراحت صوب البشكاره وقالت لها شرات ماوصتها امها
وسارت حجرتها وبدلت ثيابها وحطت راسها ورقدت
وميثوه سلمت على امها وخواتها ودبرت الحجره ورقدت

في الجــامعــــه

ع حالهن فطامي طربـانه وتسمع ميحد : وين يالغايب عن ولوفك قاطع ماتذكر اولافك..
ومريوم تنقل وتضحك ع حركات فطامي
وشــــــــوي
هنــيه : ها سيدات الغواني ولويش متفيزرات كذي
مريوم : عيل شقا تبينا نيلس
هنيه تسلم عليهن : فطامي بسم الله عليش تخبلتي ويش
فطامي : يبوج ميحد يخلي حد بعقله
هنيه : في هذي صدقش ني وياش.. الا بخبركن
مريوم : خبري
هنيه : شفت لكــن ذااك الرحيم جمييييييييييييل جميل يعق الطير من السما
فطامي :عنبوه منكر شوي وبتعفد فوق هنيه : حلفـــــــــي بس انتي
هنيه : والله العظييم ههههههه
مريوم وخلصت لي تكتبه سكرت لاوراق والدنيا لي جدامها : افا ياهنيه ونحن لي نترياج من الصبح اخر شي تنقعين فينا خيانه وتشوفين رحييم ونحن مانشووف
فطامي : وين شفتيه ماحيد عدنا رحام جان بوكاب وردي ههههههه يعلني بلاه
مريوم: هذا اللي ناقص بعد
هنيه : لا يهبي ذاك يالله يافطووم فاتش ماشاء الله عليه ربي يخيليه لهله
فطامي تغايض هنيه علمتوااا غرمت كع ككع
مريوم : خخخخخخ انزين قومن ابا شي يدفي بموت من البرد
فطامي : عنبوه ماواحيتي توج تبين شي بارد
مريوم : لاخلاااااص والله بموت من البرد هالمكيف من الصبح يصقع فوق راسي ..
هنيه : يحيش يوم حسيتي
فطامي : يالله دبرنا صوب دانكن ابا كبتشينو
ونشن كلهن وويهن صوب دانكن ..
وهن سايرات :
مريوم : الا بتخبركن وين علايه
هنيه : ني ماشفتها من امس
فطامي : هيييه طرشت لي مسج وتقول مافيها وبترقد خخخخ
مريوم : وايه ياحافظ عليها ماتسوي سالفه لحد هالبنت اهم شي الرقاد هههه
هنيه : عاد ها كله ولاعلايه يمكن تعبانه ولاشي
فطامي : الا علايه خلوها حليلها
مريوم : هيه برايها نحن سامحيلها خخخ
هنيه : الا ع هواكن خخخخخخ
........

علايـه : ربيعة قوم فطامي وهي ويافطامي ومريوم من يوم هن يهال كانو يران ودوم رباعه لكن عقب تحولو .. بس بعدهم ربايع ومايتفارقن .. وهي تقرب لهم لان يدة قوم فطامي اخت ام علايه لكن ام علايه اصغر عن ختها
وعلايه حبوبه وسوالف وربشه وعليها علووم اضحك .. مب طويله ولابقصيره يعني طولها مناسب لجسمها بيضا وشعرها قصير ودوم فاجتنه لانه ماينلم .. وعندها 4 خوان واخت .. 2 يشتغلون و1 يدرس و2 صغار وحده فكيجي ون والثاني فالابتدائيه..

.............

فـي المول ..
فـ ستاربكس بالتحديد

سيف : عنبوووه خيووول هب بنات حشى
مبارك : يخرب بيييييييييييييتها
هزاع : اف منكم ياليهال متى بتعقلوون مادري احين ع شو عيوونكم بتنط عندهن
سيف يكفخ هزاع ع جتفه : جب انته خلنا نطالع شو هالحلاااه
هزاع : امحق حلاه سير وحطهن تحت فوز وعقب جابلني..
مبارك : ايه سكتوو الربيعه داقـه ( اونه يبا يلفت لانتباه )

سيف : قابض بطنه ويضحك هزااااااااااع تحيد ربيعته العبده
هزاع : هييييييييييه هايج لي حشرنا عليها هي وحسها واخر شي يوم سرنا وياه وانخشينا فالدبه
مبارك : عنلاتكم يالسبلان تطنزون علييه يالخياس
سيف : هييييييييييييييييييه اونه سار وشلها من الحديقه ومن عقت الغشوه بغم ذيج البغمه وقالها ان ماحولتي بخبر الشرطه علييييييييج تبين تغتصبيني
هزاع وسيف بيموتون من الضحك ويدمعون من كثر مايتكركرون ومبارك معصب ..

سيف : اخو ميثوه العوود عمره 25 .. ماشاء الله عليه رحييم وعليه خشم وحنطاوي وشعره طايح واسووووود
وجسمه رياضي .. ويحب الخييل والرمايه .. ومشترك فصالات كمال لاجسام ..وهو من النوع الحبوب اسلوبه طر ووايد يفكر بالكلمه قبل لايقولها .. بس بعد راعي سوالف وحبوب وطيب

هزاع ومبارك : تووم وهم اخوان فطامي وعيال عم قوم سيف .. يتشابهوون وايد وماشي فرق بينهم غير هزاع فغزه علامه وهالعلامه محلتنه اكثر .. عمرهم 26 وهزاع اكبر عن مبارك بدقيقتين .. هزاع من النوع الهادي والرزيين اما مبارك خبله وخريش ومايحب يتم ساكت




العصــر فحووش قوم ميثوه :
ميثوه : بوووووووو
البنااااااات : اماااااااااااااااايه اهييئ
ميثوه : خيبه خيبه سكتن شبلاكن بسم الله
حصيص : ليش تروعينا
ميثوه : مادريبكن بتروعن
حصوه مبوزه : .......
يت ميثوه وشلتها ويلست تقرططها وتضحكها
وتمت تضحك من الخاطر ويوم لفت
شافت ..
سلامي وعواشي مبوزات : طالعي حصوه زعلن ربيعاتج عليه
عواشي : ماحبج انتي تحبين حصوه اكثر منا
سلامي : هيه مانحبج خلاص نحب امايه وابويا
ميثوه اونها زعلانه : زين ماعليه يوم امايه بتهد عليكن محد بيدافع عنكن ومحد بيشردكن فليل وبيحط لكم رسووم
خلو امايه ادافع عنكم زين وادلع لهن
حصوه : عيل انا شموه ماتسوي لي جي
عواشي : لاميثوه غير
سلامي : ميثوه طيبه شموه ماتحب تلعب معانا
ميثوه : انزين خلاص فلييييييل بنطرش الدكان وبناخذ كافي وبطاطا وبنيلس نطالع توم جيري اوكي
البنات شاقات الحلج : اوكي
ميثوه : حصووه وين الشميي
حصيص : مادري ماشفتها من امس
ميثوه : زين برايكم بروح اشوفها ..

وراحت عنهن ..

حصيص خت شموه .. وسلامي وعواشي خوات ميثوه ..
حصوه وسلامي فكيجي 2 وعواشي مجدمينها سنه ومخلينها مع حصوه وسلامي

ميثوه : السلااااااااااااااااام عليهم
ام شموه + مريوم وينشن: وعليج السلاام
وسلمن ع ميثوه ويلسن : وشحاااااااالج وشحااااااالج امج وخوانج ..
ميثوه : كلهم بخير وسهاااااله وامي تقوولج بتسير عليج عقب صلاه المغرب وتقولج ازهبي مادري وين بسير
ام شموه : هيييه ادريبها بنروح انسلم ع حرمة
مريوم : امايه منو هالحرمه
ام شموه : يالقافه البنات ..
مثيوه : خخخخخخ هزبوها
مريوم : دبووووووووووووه
ميثوه : خلاص افسه
مريوم : افسه سودا الويه يقولون اسفه
ميثوه : انزين اسفه
ام شموه : بالله عليج ميثوه نشي وعي بنت عمج هاي من ردت من المدرسه ولحد شافها
ميثوه : وانا ادق لها مسوده الويه ولاترد عليه
مريوم : ماعليج منها شموه يوم تبا ترقد مايغلبها شي بتحطه صامت وبتبند الهزاز الشمي هاي شوتحسبين
ميثوه : تخبرينا عنها مسوده الويه ادريبها هي وعلوومها ولاتقهربج اوونه وعيني يوم بتنشين
مريوم : سيري عاد احين بتخيسين سنه كامله وانتي الا ادقين عليها خخخ
ميثوه وهي ناشه : الله يعيييييييين ادعوولي خخخ
مريوم : ألبي معااكـي ههه
ميثوه سارت لشمووه ويلست ادق وادق ولاحياه لمن تناادي ..
ميثوه : شموووووووووووووووه يعلج بريل ان شاء الله قوووووووومي خست من كثر مادق عليج
شموه واخيرا فكرت تنتبه : هاا منوو شوتبوون
ميثوه : لا الشيخه لو مانشيتي ورديتي علييه فجي عن تتصفعييييييييين ..
عباادي : خيبه ميثوه شبلاج جي معصبه واتباغمين وعيتي الخلق من الرقاد
ميثوه : هاي اختك من ردينا من المدرسه وهي راقده واحين بي المغرب والشيخه هب ناشه
عبادي : عيل شموه لوتحطين قنبله تحت راسها مابتنش الرقاد هذا شووووتحسبينه لعب عيال خخخ
ميثوه : عني بلا العدو تعال بالله عليك فازع بنت عمك ودق وياي
عبادي : ميثوه عندي شلق شرايج افره فبلكونتها ..
ميثوه تضحك بخبث : فوووقه دبرنا
وسارو حجره عبادي يظهروون الشلق ..

عبادي خو شموه : وهو صف 3اعدادي ويحب شموه اخته ويموت ويغلس عليها ويطفر بها وان جان سوا شي يربع يخبر شموه لان يحيدها مابتخبر عليه ويحب يدته ووايد يطفربها ..وبعد عندهم اخوو اسمه مايد .. وهو صف اول اعدادي بس تيه هفات ويستوي هادي ومرات ربشه يعني هو ومزاجه ..

ميثوه : وهالميود وينه من كم يوم ماشفته
عبادي : تلاقينه عند ربعه فهالمول ولاكارفور
ميثوه : عاد هيه فرحانين اليوم اخر يووم
عبادي : احسن فكه افتكينا من حنتهم درسو ودرسو
ميثوه : خخخ صدقك يالله فج البلكونه مالتك بس وين الولاعه
وعبادي يعابل فدرووجه : هذييييييييه
ميثوه : يالله
وظهرو صووب البلكونه وولعو شلق لاسود وفرو هنتين عند بلكونه شموه
طبعا عبادي حجرته عدال حجره شموه عشان جي عادي يلحقون بلكونتها
وشوي يشووفوون وحده ظاهره بجامتها والكشه ناقعه
شموه : والخيبه تخيب العدوو شعندك مشتط وتفر شلق
ميثوه وعبادي بيموت من الضحك ع شكلها المبهدل ..
شموه : عنلاتكم يالخيااس تحسبت حرب استوت ولاشي قلت يمكن امريكا ظربتنا
عبادي : خيبه خيبه شموووووه بموت من الضحك روحي شوفي شكلج كيف
شموه : جب يالخام وانتي دواج عقب يالله شرفي صوبي
ودشت وسكرت البلكونه
وعبادي وميثوه دشو وهم يضحكون عليها كيف تهاد
وكيف شكلها مبهدل كشتها ناقعه الويه متنفخ والبجامه والشبب وكانت اونها حاطه الشيله ع جتفها
عشان البجامه بلا يدين .. ( عاد تخيلو شكلها خخخخخخخخخخ )

وعقب عبادي سار لربعه وميثوه ظهرت وسارت صوب شموه ودشت حجره شموه وقفلت الباب اما
وشافت شموه منسدحه ع الشبريه .. :حشى ياشموه خستي رقاد
شموه : جب جب وانتي وهالدب تخلون حد يرقد
ميثوه : كم بترقدين عنبوه الحين المغرب ماشي باقي
شموه : انزين خلاص نشينا
وجي خوزت الحاف وجافت ميثوه : شعندج كاشخه تبين معرس ولامعرس
ميثوه : لامعرس
شموه : هيهيهيهي وتفرها بالمخده
ميثوه : فقت ويهج .. وليش الشيخه ماتردين حرقت تلفونج كثر مادق
شموه : خخخخخخ سايلنت وحياتج
ميثوه تقلد شموه : وعيني يوم بتنشين .. فقتج يالخامه
شموه : خخخخخ وجي نشت وشلت اللحاف وفرته ع ميثوه وسارت تربع وشلت ثياب ودشت الحمام تتسبح
ويلست ميثوه اطالع التلفزيون وتاكل كافي ..
شوي ان شموه متباديه صوبها ..
ميثوه : صليتي
شموه : لا احينه بصلي
ميثوه : يالله الظهر والعصر والمغرب
ونشت ميثوه وسارت تتوضا ويلست تصلي عدال شموه
وعقب يلسن يجوفن التلفزيون ..
شموه : اجوفج متعدله
ميثوه : توني تفيجت افرح لان خلصنا خخخ
شموه : يختي ربيعتج غياره وتبا تتعدل
ميثوه : نشي انزين .. والله لوجفتيني انتي اليوم بتموتين من الضحك عليه
شموه وهي سايره صوب التواليت : خخخ شوسويتي بعد ..
ميثوه : سرت لج اوني بنسدح بستريح لين يأذن الظهر وجان ارقد بثياب المدرسه
شموه : اسميج بلا مونه ميلسه بثياب المدرسه ولابعد رقدتي انزين بدلي ثيابج وتريي الأذان
ميثوه : عاد العيازه تبا حد ..
شموه : صدقج والله .. منو تحت
ميثوه : امج ومريوم واحين امج بتروح ويا امايه بيسلمن ع حرمه
شموه : احلى كلام .. بنروح وبنزقر فطامي ومريوم وبنتيمع فالميلس وبنجوف فلم
ميثوه : هيه هيه صدقج وفالميلس احلى الشاشه بلازما وبنيب فراخ وكافي
شموه : خخخخخخخ هني العوق عند العيشه ..
ميثوه : هيه بعد شوو يالله انزين بروح اخبر مريوم وانتي خبري فطامي
شموه تشل تلفونها : يالله بدق لها روحي لمريوم وانا بيب الفلم وبي
ميثوه : فالج طيب
روحت ميثوه صوب مريوم وشموه ظهرت الفلم وحطته فالميلس
وروحت صوب بيت قوم فطامي ..
شموه سايره تربع وشوي ..
طراااااااااااااااااااااااااااااخ


.

.

.


StooP


شـو الـرآآي اڪمـل ولآ نـوقـف القصـﮧ !!


آرقـب الـردود . .

وبـآب النقـد مشـرع

	المشاركة الأصلية كتبت بواسطة حرف الذهب

	وع ـــّليكّم الس ـــّلام ورح ــّمــــــة الله وبّركاته مرحــــــــبا السع ــــــاع ولكم باآآك دنيـــــــــــا ما بغ ـــــــــيت ع ـــنبوه ما وصيّك ع التـــكمله السنع ـّــهــــــــ لين هنّيه قارينـّـــــــــهــ تع ـــّال بعد لا تــــّـــــهف مواقّف من الواقع وتفــضّحنا أستر عليّنا بالله عليكّــــــــ هههههههههههههههههه يالله نرقّب التكمـّـــــــله ومرح ــّـبابك مره ثـّـانيه